ޓެކްސީއެއް ލިބުމުން ދެމީހުންވެސް އެޔަށް އަރައި ނައްޓައިލިއެވެ. ޑްރައިވަރު ގާތު ޒިއުނީ އޭނާގެ ގޭގެ އެޑްރެސް ބުނުމުން ނާއިފް ދެބުމަ ގޮއްޖެހި ގޮތަށް ޒިއުނީއާއި ދިމާލަށް ބަލަން އިނެވެ. ޒިއުނީ އިނީ އަޅާވެސް ނުލައެވެ. އިތުރު އެއްޗެކޭ ބުނެފިނަމަ ނާއިފް އޭގެ ދެގުނަ ބުނެލާނެއެވެ. ނާއިފްވެސް އިތުރު އެއްޗެކޭ ނުބުނެ އިނީ ބޮލަށާއި މުޅި ގަޔަށް ތަދުވާތީއެވެ. ފަހުން މިވާހަކަ ދައްކާނީއޭ ނާއިފް ހިތަށް އެރިއެވެ. އެއްޗެކޭ ބުނެވެއްޖިއްޔާ އެދެމެދު އަރާރުވުން ނޫން ކަމެއް ނުވާނެތާއެވެ. *** […]
“ރަށް މަތިން މިސްވާ ވަރު ރިއަލައިޒް ވީ ރަށައް އާދެވުނީމަ!” ޔޫޝައުއާއި ދިމާލަށް ބަލައިލަމުން ރީމް ބުނެލިއެވެ. “ނަސީބެންނު އާދެވުނުކަން. އެހެންނޫނީ އެހާ ބައިވަރު ހަނދާންތަކެއް އަލެއް ނުވާނެ” ހިނގައިލައިފައި ގޮސް ޔޫޝައުގެ ދެއަތުގައި ހިފައި ބާރު ކޮށްލަމުން ރީމް ބުނެލިއެވެ. ބަދަލުގައި ޔޫޝައު ހިނިތުންވުމެއް ރައްދުކޮށްލިއެވެ. “ވާއު މަންމީ! މި މަންމިއަށް ލިބިފަ ހުރި އެއްޗެއްތަ؟” އެވޯޑްތަކާއި ދިމާލަށް ގެއްލިފައި ހުރި ނީމް ހައިރާން ވެފައި އަހަައިލިއެވެ. “ލައްބަ ދޫނީ، ތީ މަންމިގެ އެވޯޑްތައް” އެތަނުން […]
“އަރާ… ގެންގޮސްދޭނަން” ސައިކަލު ސްޓާޓް ކޮށްލަމުން ނާއިފް ޒިއުނީ ގާތު ބުނެލިއެވެ. “އެެއްވެސް އެއްޗެކޭ ހީނުކުރެ އަރާ… ރަނގަޅުކަމުން މި ގެންގޮސްދެނީ. އަވަސް.” އެވަގުތު ޒިއުނީގެ މޫނުމައްޗަށް އެރި ހިނިތުންވުމުގެ ސަބަބުން ނާއިފް މިހެން ބުނެލީ މޫނުމަތިން އެއްވެސް އަސަރެއް ނުދައްކަމުންނެވެ. “އަބަދު ހަމަ ތިރާގައްތަ އަހަންނާ ވާހަކަ ދައްކަން ޖެހެނީ؟ ކަޑޫސް!” ސައިކަލު ފަހަތަށް އަރައި ތުންދަމައިލަމުން ޒިއުނީ ކުދި ކިޔައިލީ ހިންދީ ބަހުރުވައިންވެސް ނާއިފްއާއި ދިމާލަށް އެއްޗެކޭ ބުނެލަމުންނެވެ. ސައިކަލުގައި އިން ކުޑަ ލޯގަނޑުން […]
“ޑެޑީ! ޑެޑީ! ހޭލާ އަވަހަށް މަންމި ރަށަށް ދާން!” ތިން އަހަރުގެ ތުއްތު ތުއްތު ނީމް އޭނާގެ ލޯބި ލޯބި އަޑުން ޔޫޝައުއަށް ގޮވަން ފެށިއެވެ. “ބޭބީ. އަދި ކިރިޔާ ހަތެއް ޖެހީ!” އާފުރެމުން ޔޫޝައު ނީމްއަށް ޖަވާބު ދިނީ ނުހަނު ލޯބިން ބައްދާލަމުންނެވެ. “މަންމިއަށް ގޮވަން ހިނގާ” ޔޫޝައު މަޑުމަޑުން ނީމްއަށް އަޑުއިވޭ ވަރަށް ބުނެލިއެވެ. “ރެޑީ؟” ނީމް ރީމް ގާތަށް ޖެހިލަމުން ޔޫޝައު ގާތު އަހައިލިއެވެ. ދެ ބަފައިން ވެގެން ރީމް ހޭލުވާއްލީ އޭނާ […]
ފުރަތަމަ ސީޒަންގެ ކުރު ޙުލާސާއެއް: ރީމްއަކީ “ދަ ޕްލޭނަރސް” ކިޔާ އިވެންޓް އަދި ވެޑިންގ ޕްލޭނިންގ ވިޔަފާރިއެއްގެ ތިން ވެރިމީހުންގެ ތެރެއިން ވެރިމީހެކެވެ. ރީމްއާއި ޔޫޝައު އެންމެ ފުރަތަމަ ދިމާވީ ރީމް އޮފީސް ދަތުރަކަށް ފެލިދުއަށް ދިޔަ ލޯންޗުންނެވެ. މިދެމީހުންގެ އެކުވެރިކަން ލޯންޗު ތެރެއިން ފެށިގެން ދިޔައެވެ. އިއްތިފާގަކުން ރީމްއަށް ދެވުނީ ޔޫޝައުގެ ދޮންތަ އައިނާގެ ކައިވެނީގެ ކަންތައް ހަމަޖެއްސުމަށްޓަކައެވެ. އަދި ހުންނަންވެސް ޖެހުނީ ޔޫޝައު މެންގޭގައެވެ. ސަބަބަކީ އައިނާ، ރީމް، ހުދާ އަދި ޒިއުނީއަކީ ވަރަށް […]
ނޯޓު: މިވާހަކައަކީ އަޅުގަނޑު ވާހަކަ ލިޔަން ފެށި ކޮޅު ލިޔެފައި އެސްފިޔަ.ކޮމް އަށް ޝާއިއުކުރި ކުރިވާހަކައެކެވެ. މިއަދު މި ވާހަކަ އަލުން ގެނެސްދޭން އަޅުގަނޑު ގަސްދުކުރީ އެވާހަކައިގައި ކުށް ގިނަކަމުންނާއި ވީހާވެސް ބޮޑަށް ހަގީގަތާއި އެއްގޮތަށް ވާހަކަ ގެނެސްދޭން ބޭނުންވާތީއެވެ. މިއީ ހަގީގީ ހާދިސާއެއް މައްޗަށް ބިނާކޮށްލިޔެފައިވާ ވާހަކައެވެ. އެކި މީހުންގެ ދިރިއުޅުމުގައި އެބަޔަކަށް ހަނދާން ނައްތައިލަން އުނދަގޫވާ ފަދަ އެތަކެއް ކަމެއް ހިނގާފައި ވާނެކަން ކަށަވަރެވެ. އެގޮތުން އަހަންނަށްވެސް ވަނީ އެކަހަލަ ހާދިސާއެއް ތަޖުރިބާ ކުރަން […]
ނޯޓު: މިއީ ކިޔުންތެރިއެއްގެ ދިރިއުޅުމުގައި ހިނގަމުންދާ ހާދިސާއެއްގެ މައްޗަށް ބިނާކޮށްލިޔެފައިވާ ވާހަކައެވެ. މާޖިދް މަތިން ހަނދާން ނައްތައިލެވޭތޯ އެތަކެއް މަސައްކަތެއް ކުރެވިއްޖެއެވެ. ނަމަވެސް ކުރި ހުރިހާ މަސައްކަތެއް ދިޔައީ ފެނާއި އެކުވެގެންނެވެ. “މޫވް އޮން” ކުރެވޭތޯ އަހަރެން އެހެން މީހަކާއިވެސް ރައްޓެހިވީ ހަމަ ތި މާޖިދުގެ ހަނދާންތަކުން މިންޖުވެވޭތޯއެވެ. މަސްދުވަސް ވަންދެންވެސް އޭނައާއި އެއްކޮށެއް ނޫޅެވުނެވެ. އުޅެ އުޅެ އޭނަ ދެކެ ޟައްރެއްގެ މިންވަރުންވެސް ލޯތްބެއް ނުވެވުނެވެ. ނޫނެކެވެ. ލޯބި ނުވެވުނީކީއެއްވެސް ނޫނެވެ. މާޖިދު ނޫން މީހެއް […]
“ޔޫޝައު… ލަމްނާ… ލަމްނާ!” މައިނޭވާ ލެވޭވަރުން ހުދާއަށް ވާހަކަ ދައްކަން އުނދަގޫވިއެވެ. “އަޅެ ޔޫޝައު ދޭބަލަ ކީއްތޯވީ ބަލާފަ އަންނަން!” ޔޫޝައު އެކަމަށް އެހާ ބޮޑަށް ސަމާލުކަން ނުދިނުމުން ރީމް އެދުނެވެ. “ރީމް… ލަމްނާ ކޮންމެވެސް މޮޔަކަމެއް ކޮށްގެން އަހަރެން ހޯދަނީ ތޯއްޗެއް! ދެން ކީއްކުރާކަށް ދަނީ؟!” ޔޫޝައު އިނީ ހިތްހަމަނުޖެހިފައެވެ. “ޔޫޝައު! ހިނގާބަލަ… ގަބޫލުވެސް ނުކުރާނެ ވީކަމެއް!” ހުދާ ބުނެލިއެވެ. އަނެއްކާވެސް ރީމް އެދުމުން ޔޫޝައު ހުދާއާއި އެކު އެގެއަށް ދާން ހިނގައިގަތެވެ. ނާއިފްވެސް އެމީހުންނާއި […]
25 ވަނަ ބައި “ރީމް!” ރީމްއާއި ދިމާލަށް ފަތަމުން ދިޔަ ޔޫޝައު ގޮވައިލިއެވެ. “ހަމަޖެހެ ރީމް… ފްލޯޓު ކުރޭ! ފްލޯޓު ކުރޭ!” ޔޫޝައު ރީމް ސަލާމަތް ކުރުމަށްޓަކައި ރީމްއަށް އިރުޝާދުދޭން ފެށިއެވެ. އެއްސިކުންތެއްގައި ރީމް ފްލޯޓުކުރެވޭތޯ މަސައްކަތް ކުރިއެވެ. ނަމަވެސް އަނެއްސިކުންތިގައި ނޭފަތަށް ފެންއެޅުމުގެ ސަބަބުން ރީމްއަށް ތެޅެގަނެވުނެވެ. އެއްލިއަތަކުން ޔޫޝައު ލައިގެން ހުރި ޓީޝާޓުގެ ގިރުވާން ބައިގައި ރީމްއަށް ހިފުނެވެ. އެމަންޒަރު އެއީ ފެންނާނެ ކޮންމެ މީހެއްވެސް ރޮއްވާލާނެހާ ބިރުވެރި، ހިތާމަވެރި މަންޒަރެކެވެ. ނަމަވެސް ޔޫޝައު […]