ވާލޯބި އެނގޭނަމަ…(9)

ފެންވަރައިގެން ނިކުތް ރާކިން ފެނުމުން ނޫރާ އެނދުމައްޗައް ކޮޅައް ތެދުވެފައި ކަރާޓީ ޕޯސްއެއްޖައްސާލިއެވެ. “ދެން ކުރިއަށް އެންމެ ފިޔަވަޅެއް އެޅިއަސް ނިމުނީ”. ނޫރާ ބުނެލިއެވެ. “އަދިވެސް އަހަރެންތަ ގޮސްވީ”. ރާކިން ކަރުގައި އިން ހިކީ ނޫރާ އަށް ދައްކާލިއެވެ. “ޑޯންޓް ޓެލްމީ ދެޓް ވީ ޑިޑް އިޓް؟؟؟؟”. ނޫރާ ހިންދިރުވާލަމުން ބުނެލިއެވެ. “ދެން ވީ ކަމެއްވީ ނުވާކަމަކައް ނުވާނެ”. ރާކިން އިސްޖަހާލަމުން ބުނެލިއެވެ. ނޫރާ މޫނުގައި އަތް އަޅަމުން ހަޅޭލަވައިގަތެވެ. ރާކިން ހުރީ ހިނިގަނޑު ކޮންޓްރޯލް ކޮއްގެނެވެ. ރާކިން ފާހަނައަށް ވަދެ ޓީޝާޓެއް ލައިގެން އައި އިރު ނޫރާއެއް ނެތެވެ. ރާކިން އުޅުނީ ތެދައް ކިޔާދޭށެވެ. އެދެމީހުންގެ މެދުގައި އެއްކަމެއްވެސް ނުވާކަން ބުނެދޭށެވެ. ނަމަވެސް ނޫރާ ދިޔުމުން އެ ފުރުސަތުވެސް ގެއްލުނެވެ…………

“އޭ ބުރޯ މިހާރަކަށް އައިސް ކީއްވެފައޯ ތިހުންނަނީ”. ފުން ހިޔާލަކައް ގެއްލިފައި އިން ލާމިން ގައިގައި ޖަހާލަމުން ފާތިހު ބުނެލިއެވެ. “ކީކޭ އަހަރެން ވަކި ބުނާނީވެސް އެކުއްޖާ ފެނުނު ފަހުން އަހަރެން މުޅިން ދީވާނާ ވެއްޖެ”. “ކަލޭގެ ހިތާވެސް ކުޅެވޭކަހަލަ އަންހެން ކުދިން ތިބޭތަ؟ އަހަ އަހަ” ފާތިހު ހެމުން ހެމުން ބުނެލިއެވެ. “އޭނަ ފެނުމުގެ ކުރިން އަހަރެންނަކައްވެސް ތިކަމެއް ނޭނގޭ ލޯ މަރާލާ އިރައް ފެންނަނީ ހަމަ އޭނަ”. “އެއީ ކޮންކުއްޖެއްތަ އަނެއްކާ؟؟”. “ނޭނގެ”. “ނޭނގެއޭ؟؟ ނަމެއް ފޯނު ނަންބަރެއް ނާހަންތަ؟؟” ފާތިހު ބުނެލިއެވެ. “ބަލަ އަހަރެން ބުނީމެއްނު އާދައިގެ އަންހެނެއް ނޫނޭ އެއީ ނަން އަހާލީމަ ވެސް އެއްޗިސްކިޔަންފެށީ އަހަ އަހަ”. “މި މާލޭގަ އުޅޭ ކުއްޖެއްވިއްޔާ ހަމަ ފެނިދާނެ އެންނު”. ލާމިން ހުރީ ހަމަ ރީއްޗައްވެސް އިޝްކީ ބަލި ޖެހިފައެވެ. “އަހަރެން އަދި އޭނަ ސެޓު ކުރާނަން މިހާތަނައް އަހަރެންނައް ނޫނެކޭ ބުނި އަންހެން ކުއްޖެއް ނުފެނޭ ބަލަން ހުރޭ އޭނަގެ ހިތް ވެސް އަތުލާނަން”. ލާމިން ބުނެލިއެވެ.

މިރޭ ކިއާން ސިއާ ގޮވައިގެން ޑިނާއަކައް ދާތީ ސިއާ ހުރީ ވަރަށް އުފާވެފައެވެ. ނޫރާ އާއެކު ސިއާ ދިޔައީ ސެލޫން އަށެވެ. އުނަގަނޑާ ހަމަ އަށް އަރާ ސިއާގެ ދިގު ފަން އިސްތަށިގަނޑު މައްޗައް ނަގާ ރީތި ގޮތަކައް ހުޅިއެއް ޖަހާލިއެވެ…ސެލޫން އިން މޭކް އަޕް ކޮއްނިމިގެން މިއަދު ގަތް ރަތް ކުލައިގެ މާމެއިޑް ހެދުން ލާފައި ހައިހީލްއަށް އަރައިލިއެވެ. ސިއާގެ ކަރުގައި އަޅާފައި އޮތް ޑައިމންޑް ހާރުގެ ވިދުވަރު ވަރަށް ދުރުންވެސް ފެނެއެވެ. އަތުގައި ރަން ކެވެލި ގަނޑެއް އޮތް އިރު ދެތިން އިނގިލީގައި ވިދުންގަދަ އަނގޮއްޓިއަޅާފައިވެއެވެ. ތުންފަތުގައި ޖައްސާފައި ހުރި ރަތް ކުލައިން ސިއާގެ ރީތިކަން އެތައް ގުނައަކަައް އިތުރުވެއެވެ. ސިއާ ލޯގަނޑުން އަމިއްލަ ސޫރަ އަށް ބަލާލިއެވެ. ޑިނާއަކަައް ދާން ސިއާ މިހާ ރީތިވި މީ ފުރަތަމަ ފަހަރެވެ…ސިއާ ގެއިން ނިކުތްއިރު ކިއާން ހުރީ ކަޅު ކުލައިގެ ގަމީހަކާއި އައިސް ބްލޫ ކުލައިގެ ޖިންސެއް ލައިގެނެވެ.  އިސްތަށިގަނޑު ވަނީ ސްޕައިކް ޖައްސާފައެވެ. ބައްޓަމައް ފަހާފައިވާ ރަތް ކުލައިގެ ހެދުމުގައި ސިއާ ހިނގާފައި އައިތަން ފެނުމުން ސިކުންތުކޮޅަކައް ނަމަވެސް ކިއާންގެ ހިތުގެ ހިނގުން އަވަސްވެ ދެލޯ ބޮޑުވިއެވެ. ނަމަވެސް ދެވަނަ ސިކުންތުގައި ކިއާން އަމިއްލަ ނަފްސު ހަމައަކައް އެޅުވިއެވެ. “ވާއު މައި ގާލް ޔުއާ ލުކިން ސޯ ޕްރިޓީ”. ކިއާން ސިއާގެ އުނަގަނޑު ގައި ހިފާ ގަޔާކައިރި ކޮއްލަމުން ބުނެލިއެވެ. ކުރިމަތީގައި ޕާކްކޮއްފައި އޮތް ކަޅު ކުލައިގެ ލަމްބޯގިނީ ފެނުމުން ސިއާ އެއްބުމަ ހިއްލާލިއެވެ. “އަހަރެންނައް ހީވަނީ އެކާރު ކުރިން ފެނުނު ހެން.. “. “އަހަ އަހަ ބްލެކީ އާ ސިއާގެ ސްޕައިކީ ކައިވެނިވެސް ކުރިއޭ މަގުމެދުގަ”. “ވަޓް؟؟” ކިއާން ބުނީ ކީކޭކަން ނޭނގުމުން ސިއާ ބުނެލިއެވެ. ކިއާން އަޅާނުލާށޭ ބުނެލިއެވެ. “ޑެލީޝިއަސް މީލް” އަށް ކިއާން އައި ސިއާ ވަނެވެ. އެތާތިބި ހުރިހާ އަންހެން ކުދިން ރުޅިވެރިކަމާއެކު ސިއާ އަށް ބަލަމުން ދިޔައިރު ފިރިހެން ކުދިންތައް ހަސަވެރި ނަޒަރަކުން ސިއާގެ އުނަގަނޑުގައި އަތް ވަށައިލައިގެން ހުރި ކިޔާން އަށް ބަލަމުން ދިޔައެވެ.

ތަންކޮޅެއް ދުރުގައި ހުރި މޭޒެއްގައި ތިބި ސަމީމާ އާއި ޖޫލީ ފެނުމުން ކިއާންގެ ތުންފަތްމައްޗައް ވެރިވީ ކާމިޔާބީ ހިނިތުންވުމެކެެވެ.. އޭނާ ސިއާ މިތަނައް ގެނައީ ކޮންމެހެން ސިއާ އުފާކުރާކައްނޫނެވެ. ސަމީމާ އާއި ޖޫލީ މިތަނައް އަންނަ ކަން އެނގުމުން އެމީހުނައް ޖެއްސުމަށެވެ. ދޮރުން ވަދެގެން އައި ކިއާން އާ ސިއާ އެއް ސަމީމާ މެނަކައް ނުފެނެއެވެ.

“ދޮންދައްތާ އަދިވެސް ހަމަ އެކައިވެނި ކުރިއަށް ދާގޮތައްތަ އޮތީ؟؟” ޖޫލީ ތުންދަމާލަމުން އަހާލިއެވެ. “އާން ކީއްކުރާނީ ދޮންދައްތަ ދޮންބޭބެ ގާތު ވަރަށް ކީމޭ އެކަމަކު ގަބޫލެއް ނުކުރި އަހަރެން ހިތައް އަރަނީ އެ ސިއާގައިގައި ކޯޗެއް ބާއޭ އޮތީ ފައިސާ ނޫނިއްޔާ.. އަހަރެންގެ ޖޫލީ ކަހަލަ ރީތި ކުއްޖެއް ދޫކޮއްލާކައް ދޯ”. ސަމީމާ ޖޫލީ އަށް ދޯ ދެމުން ބުނެލިއެވެ. ކިއާން ސިއާ ގޮވައިގެން ގޮސް އިށީންނީ ސަމީމާމެން އިށީނދެގެން ތިބި މޭޒުގައެވެ. ޖޫލީ އަށް ކުއްލިއަކައް ކޮޅައް ތެދުވުނެވެ. “އޫޕްސް މަންމަ މިތާގަ ކީއްކުރަނީ؟؟”. ކިއާން މަންމަ އޭ ކިޔާފަ ގޮވާލުމުން ސަމީމާ އަޖަައިބުވިނަމަވެސް އިޖާބަ ދިނެވެ. ޖޫލީ އަށް ހުރެވުނީ ސިއާ އާ ދިމަލައް ބަލަހައްޓައިގެނެވެ. “ހައި ޖޫލީ ހާދަވަރަކަށޭ ތިބަލަނީ އަހަރެންގެ ލޯބި ލޯބި ފިއާންސީ އާ ދިމަލައް އެހާވަރަށް ނުބަލާ އެސްފީނާ ޖެހިދާނެ ދޯ ބޭބީ”. ކިއާން އަަށް އެކަން ފާހަގަ ވުމުން ބުނެލިއެވެ. ކިއާން ސިއާގެ ނިތައް ބޮސްދިނެވެ. “އަހަރެމެން ދެން ދަނީ އިނގޭ މިތާމާމީހުން ގިނަ ވިއްޔަ” ކިއާން ސިއާ ގޮވައިގެން އެތަނުން ދިޔައެވެ. ޖޫލީ ބާރައް މޭޒުމަތީގައި ޖެހިއެވެ. ވަގުތުން މޭޒުމަތީގައި ހުރި ޓޮމާޓޯ ޖޫސްތަށި ޖޫލީ ގަޔައް ވެރުނެވެ. ޖޫލީ ރޯން ފެށުމުން ސަމީމާ ލަދުންގޮސް ހަލާކުވިއެވެ.

ރެސްޓޯރެންޓުން ނިކުތުމައްފަހު ކިއާން ސިއާ ގޮވައިގެން ދިޔައީ ސިއާ ގެ  ގެއަށެވެ. “މީ ޑިނާއެއްތަ؟؟” ސިއާ ކިއާން އާ ސުވާލު ކޮއްލިއެވެ. “ސޮރީ އައިއެމް ޓޫ ޓަޔަޑް”. “ކިއާން އަހަރެން ދެކެ ފޫހިވަނީތަ؟؟ މިހާރު”. ސިއާ ހިތްހަމަނުޖެހިފައި ހުރެ އަހާލިއެވެ. ކިއާން ސިއާ ގެނެސް އަތު ތެރެއަށް ލަމުން ނޫނެކޭ ބުނެލިއެވެ. ސިއާ ކިއާންގެ އަތް ފޮޅާލިއެވެ. ކިއާން ސިއާގެ ތުންފަތައް ބޮސް ދިނެވެ. އެހެން އެތައް އިރަކު ތިބެވުނެވެ. ސިއާ އަށް ކިއާން ކޮއްޕާލެވުނީ އެތެރެއިން ހަމްދީގެ އަޑު އިވުމުންނެވެ. ސިއާ ބައި ކިޔާފައި އަވަހައް ގެއަށް ވަނެވެ. ކިއާން ގެއަށް ގޮސް އެއްމެފުރަތަމަ ވެސް ފެށީ ރޯޝެވެ.. “އައި ކާންޓް ބިލީވް ދެޓް މައި ފަސްޓް..އެންޑް ސެކަންޑް ކިސް ވޯޒް ވިތް ދެޓް އެނޯޔިން ގާލް”.. ޓިޝޫއަކުން ލޯ ފުހެލަމުން ކިއާން ލޯގަނޑުން އަމިއްލަ ސޫރައަށް ބަލާލިއެވެ. “ލޫކް އެޓް ޔުއާސެލްފް ޑޫޑް ސޯ ހޭންޑްސަމް ޑޯންޓް ކްރައީ”. ކިއާން ލޯގަނޑާ ދިމަލައް އިނގިލި ދިއްކޮއްލަމުން ބުނެލިއެވެ. ބޭރުފުށުން ކިއާން އަކީ ކިތަންމެ ފްލާޓިން ޓައިޕް މީހެއްކަމަކު އެތެރެއިން އެއީ ވަރަށް ނާޒުކު މީހެކެވެ. އެހެން ގޮތަކައް ބުނާނަމަ ލާމިން އުޅޭގޮތުގެ އިދިކޮޅެވެ.

ފަހަކައް އައިސް ކިއާންގެ އަމަލު ހުންނަގޮތުން ސިއާ ހުންނަނީ ވަރަށް ފާޑަކަށެވެ. “އައި ހޭޓް ޔޫ .. އައި ހޭޓް ޔޫ ކިއާން!!!”. ސިއާ އޭނާގެ ޓެޑީބެއާގައިގައި ތަޅަމުން ބުނެލިއެވެ. ހަމްދީ ސިއާގެ ކޮޓަރިއަށް ވަނެވެ. “ޕިސް ޕިސް ދަރުފުޅާ ހާދަ ރުޅިގަދަވެފަ”. ހަމްދީ ހިނިތުންވަމުން ބުނެލިއެވެ. “ބައްޕާ މި ކިއާން އަދިވެސް އަހަރެންނަކައް ޕްރޮޕޯޒް ކުރާކައް ނޫޅޭ”. “އަހަ އަހަ ތިކަމާ ހާސްނުވޭ ދެންމަ ކިއާންގެ ބައްޕަ ގުޅާފައި އެގެއަށް ކާން އައުމައް ދައުވަތު އެރުވި. އަވަހައް ދޭ ތައްޔާރުވާން”. އެހެން ބުނެފައި ހަމްދީ ކޮޓަރިން ނިކުތެވެ. އެކުޑަކުޑަ ވަގުތު ކޮޅުގެ ތެރޭގައި ސިއާގެ ޅަސިކުނޑީގައި ވަރުގަދަ ޕްލޭނެއް ހަދާލިއެވެ. ސިއާ.ލާން ގެންގުޅޭ ހެނދުން ތައް ހާވަން ފެށިއެވެ. އެތައް އިރެއްގެ ބުރަ މަސަތްކަތުން އެންމެ ފަހުން ހިތްހަމަޖެހޭ އެއްޗެއް ފެނުނެވެ. ކަޅު ކުލައިގެ އަތްދިގު އޮފް ޝޯލްޑާރ ޓޮޕްކޮޅެއް ލައިފައި އައިސްބްލޫ ކުލައިގެ ޖިންސު ސޯޓެއް ލިއެވެ. ހާމައަށް އޮތް ސިއާގެ ކަރުގައި ފަށެއް އަޅާލިއެވެ. އަދި ކަޅުކުލައިގެ ހައިބޫޓަކައް އަރައިފައި ތުންފަތުގައި ރަތްކުލައިގެ ލިޕްސްޓިކެއް ޖައްސާލިއެވެ. އިސްތަށި ގަނޑު ވިއްސާލާފައި ބޭއްވީ ކިއާން އަށް އެގޮތް ކަމުދާތީއެވެ. ސިއާ ނިކުތް އިރު ސާނިޔާ އާއި ހަމްދީ ސިއާގެ އިންތިޒާރުގައި ތިއްބެވެ. ކަޅު ކުލައިގެ ލިމޯ އަކަށް އަރައިގެން މި ކުޑަކުޑަ އާއިލާ މަންޒިލައް ދިއުމައް ދަތުރު ފެއްޓިއެވެ. 30 ހަކައް މިނެޓް ފަހުން ކިއާންގެ ގެއަށް އާދެވުނެވެ. އޭރު ޒަކީ އާއި ސަމީމާ ބޭރަށް ނިކުމެ ތިއްބެވެ. ހަމްދީ ކާރުން ފޭބުމުން ޒަކީ އައިސް ސަލާން ކޮއްލިއެވެ. ސަމީމާ ހަށަން ބަނދެގެން ހުރި ގޮތައް ހުރީއެވެ. ޒަކީ ސިއާ އާ ދިމަލައް ބަލާލައިފައި ހީލިއެވެ. ސިއާ ހުރީ ކިއާން ދެކިލުމައް ކެއްމަދުވެފައެވެ. “ޒަކީބޭ  ކޮބާ ކިޔާން”. ސިއާ ހިތްވަރު ކޮއްލާފައި އަހާލިއެވެ. “ކިއާން ވެއްޖެ ކަންނޭނގެ ކޮޓަރީގަ ބައްޕަ ހަނދާން ނެތީ ދަރިފުޅުމެން އަންނަ ވާހަކައެއް ނުބުނަން ކިޔާން ގާތުގައެއް”. ޒަކީ ބައްޕަ އޭ ބުނުމުން ސިއާގެ ކޯ ރަތްވެގެން ދިޔައެވެ. “ބަ..ބައްޕާ އެންމެ ރަނގަޅުތަ އަހަރެން ކިއާން ކޮބާތޯ ބަލާލަން ދިއަސް”. ސިއާ ބުނެލިއެވެ. ސިއާ ބައްޕާއޭ ކިޔާފަ ގޮވާލުމުން ޒަކީ ހިނިތުންވެލިއެވެ. “އާން އަވަހައް ދޭ ގޮސް ބުނޭ އަންނާށޭ ސީދަލައް ދާއިރު ދެވަނައަށް އިންނާނީ ކިއާންގެ ކޮޓަރި”. ސިއާ މަޑުހިނގުމެއްގައި ހިނގަމުން ދިޔައެވެ. ކަނާތްފަރާތުގައާއި ވާތްފަރާތުގައި ދެވަނައަށް ދެކޮޓަރި އެބަހުއްޓެއެވެ. އަނެއްކާ ޒަކީ ކާރީ އަހަން ދާކައް ސިއާ އަކައް ނުކެރުނެވެ. ސިއާ ކަނާތްފަރާތުގަި ހުރި ކޮޓަރީގެ ދޮރުހުޅުވާލިއެވެ. މުޅި ކޮޓަރިތެރެ އޮތީ ރަތްކުލައިގެ އަލިން ދިއްލިފައެވެ. ފާރުގައި ގަދަކަޅުކުލަ ލާފައި ހުރި އިރު ތަޅުންގަނޑު ގައިވެސް ޖަހައިފައި ވަނީ ކަޅު ކުލައިގެ މުއްޓެވެ. ބެޑްޝީޓް އަޅައިގެން ގަދަނިދީގައި އޮތް ޒުވާނާ ފެނުމުން ސިއާ ގޮސް އެ ޒުވާނާ ގައިމައްޗައް އެރިއެވެ. ސިއާ ހިތުން އެއީ އެހިތް ދެކިލުމައް އެދޭ ފަރާތެވެ. ކިއާންއެވެ. ކުއްލިއަކައް މީހަކު ބަންޑުމައްޗައް އެރިކަމުގެ އިހުސާސްވުމުން ލާމިންގެ ދެލޯ ބޮޑުވިއެވެ. ލާމިން ތެދުވަން އުޅެނިކޮއް ސިއާ ލާމިންގެ މޭމަތީގައި ހިފާފައި އެނދާދިމަލައް ކޮއްޕާލިއެވެ. “ކޮންތާކައް ދާން ތިއުޅެނީ އަަހަ އަހަ”. ލާމިން އަށް އިތުރު އެއްޗެކޭ ބުނުމުގެ ފުރުސަތު ނުދީ ސިއާ ލާމިންގެ ތުންފަތައް ބޮސް ދިނެވެ. ލާމިންވެސް ސިއާ ދުރައްލާކައް ނޫޅެއެވެ. ލާމިންގެ މޭމަތީގައި ޓެޓޫއެއް އިންތައް ފެނުމުން ސިއާ ލާމިން ދުރައް ކޮއްޕާލިއެވެ. “ކިހިނެއްވީ ޓެޓޫއެއް އިނީމަ ކަމުނުދަނީތަ؟؟”. ލާމިން ބުނެލިއެވެ. އެ އަޑުޖެހުމުން  އެއީ ކިއާން ނޫންކަން ސިއާ އަށް ޔަގީން ވިއެވެ. ތެޅެމުން ދިޔަ ހިތަކާއެކު ސިއާ ކޮޓަރިން ނިކުންނަން ދުއްވައިގަތުމުން ލާމިން ސިއާގެ އަތުގައި ހިފިއެވެ. އަދި ކާރީގައި އޮތް ރިމޯޓުން ހުދު ބޮކި ދިއްލިއެވެ. “ކަލޭ؟؟؟ “. ސިއާ ހައިރާންވެފައި ހުރެ ބުނެލިއެވެ. “ކިހިނެއްވީ އަހަރެން ހޯދާކައް ނޫންތަ އައީ؟؟”. ކުރިމަތީގައި ހުރީ ސިއާއެވެ. ލާމިންގެ ހިތުގެ ރާނީއެވެ. “އާހް ދޫކުރޭ އަހަރެންގެ އަތުން” ސިއާ ގަދަހަދަން ފެށިއެވެ. “އަހަރެން ބޭބީގާލް ހޯދާތާ ހާދަހާ ގިނަދުވަސް ވެއްޖޭ އަތިރިމަތިން ބޭބީގާލް ފެނުނު ފަހުން ކޮންމެ ދުވަހަކު އެގަޑީގައި އެތަނައް ދަން.. އެހާ އުނދަގުލުން ތި އަތުގައި މިހިފުނީ ދެން ކިހިނެއް ބުނާއިރައް ދޫކޮއްލާނީ”. ލާމިން ތުންފަތުގައި އަތްހާކާލަމުން ބުނެލިއެވެ.  ސިއާ ވަގުވަގައް ކޮނޑުގައި އަޅުފާވައި އޮތް ދަބަހުން ޗިލީ ސްޕްރޭ ފުޅި ނަގާ ލާމިންގެ މޫނައް ޖެހިއެވެ. މިކަހަލަ ކަމަކައް ތައްޔާރުނުވެ ހުރި ލާމީގެ އަތުން ސިއާ ދޫވިއެވެ. އެންމެ ސިކުންތެއްވެސްވެސް ބޭކާރު ނުކޮއް ސިއާ ދިޔަގޮތައް ގޮސް ކުރިމީގައި ހުރި ކޮޓަރިއަށް ވަނެވެ. ބާރު ސްޕީޑެއްގައި ދުވެފައި ދިޔަ ސިއާ އަށް ކޮންޓްރޯލް ނުކުރެވިގެން ކުރިމަތީގައި ހުރި ޕްލާސްޓިކް ސްޓެޗޫއެއްގައި ޖެހިފައި ބިންމައްޗައް ވެއްޓުނެވެ. ސިއާ ތެދުވެފައި އެ ސެޓޭޗޫ ނެގިވަގުތު ލިބުނީ ބޮޑު ޝޮކެކެވެ. އެއީ ސިއާގެ ސްޓެޗޫއެކެވެ.. ސްޓެޗޫ ސިއާގެ މޫނަށް ދެތިން ތީރުވެސް ޖަހާފައި އިނެވެ. ފާހަނައިން ނިކުތް ކިއާން އަށް..ސިއާ އެ ސްޓޭޗޫ އަށް ބަލަން އިން ތަން ފެނުމުން ދެލޯ ބޮޑުވިއެވެ…………..

“ވާލޯބި އެނގޭނަމަ” މި ސްޓޯރީގެ ހުރިހާ ބައިތަކަށް އެންމެ ގިނައިން ފަސްޓް ކޮމެންޓް ކޮއްފައިވާ ކިޔުންތެރިޔާއަށް ދެން ލިލީ ލިޔާ ވާހަކައިގެ ކެރެކްޓާރ އަކަށް ކިޔާނެ ނަމެއް ޗޫޒް ކުރުމުގެ ފުރުސަތު އޮންނާނެ .. ޝުކުރިއްޔާ..

ނުނިމޭ……..