އިންތިޒާތުގައި ހުންނަމޭ ލޯބިން 9

ހެނދުނުގެ ނާސްތާއަށްފަހު އައިލީން ގޭތެރޭގެ ބައެއް ކަންތައްތައް ކޮށްލުމުގައި ހަރަކާތްތެރިވިއެވެ. އައިލީން އަކީ އަބަދުވެސް ވީވަރަކުން އެފަަދަ މަސައްކަތްތަކުގައިވެސް ހަރަކާތްތެރިވާ މުރާލި ކުއްޖެކެވެ. ބައެއް ކަންތައްތައް ކޮށްލުމަށްފަހު އޭނާ ކޮޓަރިއަށްވަދެ ކުޑަކޮށް ތައްޔާރުވެލިއެވެ. ލައިފައިވި މަޑު ފެހިކުލައިގެ މަތީކޮޅާއި ސްކާޓް އާއި ގުޅޭނޭހެން މަޑު ފެހިކުލައިގެ ސްކާފެއް ކަރުގައި އަޅާލިއެވެ. ތައްޔާރުވެގެން އޭނާ ތިރިއަށް ފޭބިއެވެ. އޭރު ބަދިގޭ ތެރެއިން ޒާހިޔާ ވާހަކަ ދައްކާ އަޑުއިވެއެވެ. މަސް ކޮށަން އިން ޒާހިޔާ ދިޔައީ މުރަނގަތޮޅިތައް މަށަން އިން ފަޒްލީނާ އާއި ވާހަކަ ދައްކަމުންނެވެ. ” ދޮންބެދައްތާ… އަލްކޮ ކޮބާ މިހާރު؟ ” ބަދިގެއަށް ވަދެގެން އައި އައިލީން ފަޒްލީނާއަށް ގޮވާލަމުން އަހާލިއެވެ. ” ދޮންބެ ދެންމެއަކު އެ ދިޔައީ ހަމަ އަލްކޮ ގޮވައިގެން… ” ހިނިތުންވެލަމުން ފަޒްލީނާ ބުންޏެވެ. އައިލީންވެސް ބަދަލުގައި ހިނިތުންވެލިއެވެ. ” މަންމާ… އަޅުގަނޑު މިދަނީ ރިފޫ އާ އެކީ ޝައު ގާތަށް ގޮސްލަން… އޯކޭތަ؟ ” އައލީން އެހެން ބުނުމުން ޒާހިޔާ އަވަހަށް ދާށޭ ބުނުމުން އައިލީން ހިނިތުންވެލަމުން ހިނގައިގެތެވެ.                                     ”އައްސަލާމް އަކައިކުމް… ” ގޭގެ ބޮޑު ދޮރާށި ހުޅުވާލަމުން އައިލީން ސަލާމް ގޮވާލިއެވެ. ”ވަޢަލައިކުމް ސަލާމް … އައިލީ… އާދޭ އެތެރެއަށް… ” ދޮވުނު އެއްޗެހިތައް ރޯނުގައި ހިއްކަން އަޅަން ހުރި ރިޝްފާ ފުޅާ ހިނިތުންވުމަކާއެކު ސަލާާމް ބަލައިގަތުމަށްފަހު އައިލީންއަށް އެތެރެއަށް ވަނުމަށް ބުންޏެވެ. ”ރިޝްތާ… މިއަދު އެއްޗެހި ދޮންނަނީތަ؟ ކޮބާ މާނީ؟ ” އައިލީން ރިޝްފާއަށް ގޮވާލަމުން އަހާލިއެވެ. ” އާނ… މިއަދު އެއްޗެހިތައް ދޮންނަނީ… އެއްޗެހި މާ ގިނަވީމަވެސް އުނދަގުލެއްނު އެއްފަހަރާ ދޮންނަން… އެހެންވީމަ އެހާ ގިނަނުވަނީސް ދޮވެލީ… ހެހެހެ… މާނީ އެބައިން ރިފޫ އަތުގަ… ދޭބަ އެތެރެއަށް… ” ރިޝްފާ ހިނިތުންވެލަމުން ބުނުމާާއެކު އައިލީން އެެތެރެއަށް ވަނެވެ.                                           ސިޓިންރޫމުގައި ޓީވީ ބަލަން ތިބި ޝާދިން އާއި ޒުހޭރު ކާގެއަށް މިސްރާބު ޖެހީ މާ އަޑުގަދަވުމުންނެވެ. ” ޝައުނާ އަކަށް ދުވަހަކު ކަމެއް ރަނގަޅަކަށް ނުކުރެވޭ… ހިތަށް އަރާ ކީއްވެފަ ހުންނަ ކުއްޖެއްބާ އޭ މީ… މިކަހަލަ ކޮންމެވެސް ކަމެއް ކޮށްނުލައެއް ޝައުނާ ހިތްހަމައެއް ނުޖެހޭނެ… ” ޝައުނާގެ އަތުން ބިއްލޫރިި ތަށި ވެއްޓި ތެޅުމާއެކު އާމިރާ އެއްޗެހި ކިޔައިގަތެވެ. ” މަންމާ.. ސޮރީ … ގަސްތުގައެއް ނޫނޭ… ” ކަރުނަވީ ދެލޮލާއެކު ޝައުނާ ބުންޏެވެ. ”އާމިރާ ކިހިނެއްވެގެންތަ ތިއުޅެނީ؟… މާ އަޑުގަދަ ވަނީ ކިހިނެއް ވީތަ؟ ” ޒުހޭރު އައިސް ހުއްޓެމުން ބުންޏެވެ. ” ޝައުނާ ކަންތަކޭ… ތަށި ތަޅާލީ… ދުވަހަކު ކަމެއް ރަނގަޅަކަށް ނުކުރެވޭނެ… ” ނުރުހުންވެފައިހުރެ މިފަހަރުވެސް އާމިރާ އެއްޗެހި ކިޔައިގަތެވެ. ” މަންމައަށްވެސް އެނގޭނެ ޝައު ގަސްތުގަ އެކަހަލަ ކަމެއް ނުކުރާނެކަން… ތައްޓެއް ތެޅުނަކަސް އެއީ ދެން އެހާ ބޮޑުކަމެއް ނޫނެއްނު… ” އެހެން ފަހަރުތަކެކޭ އެއްގޮތަށްް މިފަރުވެސް ޝާދިން ޝާއުނާ ދިފާއުކޮށް ވާހަކަ ދެއްކިއެވެ. ޝާދިން މީނަ އަބަދު ތިހެން ދިފާޢުކުރާތީއޭ މީނަ ބޭނުން ވައްތަރަކަށް އެ އުޅެނީ… ޝައުނާ އަކީ ކުޑަކުއްޖެއްނޫނޭ…. ހިތަށް އަރާ ކީއްބާއޭ ކުރާނީ މީނަ އާ ހެދި… ” މަންމަގެ ރަހުމު ކުޑަ ބަސްތައް އިވިފައި ޝައުނާއަކަށް އިތުރަކަށް ކަރުނަތަކެއް ނުހިފޭއްޓުނެވެ. ލޮލަށް ޖަމާވި ކަރުނަތައް އެއްވެސް ހިފެހެއްޓުމެއްނެތި އައިސް ޝައުނާގެ ކޯތާފަތުގައި ބޮސްދެމުން ދިޔައެވެ.                                           މާނީ އާއެކު ވަގުތުކޮޅެއް ހޭދަކޮށްލުމަށްފަހު ރިފްޝާ އާއި އައިލީން ޝައުނާގެ ގެއަށް އައިސް ވަނެވެ. ގޭ ދޮރު މައްޗައް އެރުމާއެކު އެންމެ ފުރަތަމަވެސް އެ ދެ މީހުންނަށް އަޑު އިވުނީ އާމިރާގެ ރުޅި ބަސްތަކެވެ. އަޑު އައި ދިމާލަށް ދެ މީހުންވެސް އަވަސް ހިނގުމެއްގައި ދިޔައެވެ. އޭރު އެތަނުގައި އާމިރާ އާއި ޝައުނާގެ އިތުރުން ޝާދިން އާއި ޒުހޭރުވެސް ހުއްޓެވެ. އައިލީން އާއި ރިފްޝާ އަށް ފަހަރަކު މީހެއްގެ މޫނަށް ނަޒަރު ހުއްޓާލެވުނެވެ. ”އާމިރާ ކީއްވެގެންތަ އަބަދު އެ މަންޖެއާ ދިމާއަށް އެވަރަށް ތި އެއްޗެހި ކިޔަނީ… ގައިމު އެއީވެސް ތި އާމިރާގެ ދަރިއެއްނު… ކިތައް ދުހު އަހަރެން ބުނާނީ އެ ދަރިފުޅާ ދިމާލަށް ތިހެން އެއްޗެހި ނުކިޔާށޭ… ” ރުޅި އައިސްފައިހުރެ ޒުހޭރު އާމިރާ އާ ދިމާއަށް ބުންޏެވެ. ” ނޭނގެނީތަ އަހަރެން އޭނަ އާ ދިމާލަށް އެއްޗެހި ކިޔާ ސަބަބެއް… އާތް.. ޒުހޭރުއަށް ނޭނގޭތަ ހަމަ… ޝައުނާ ފެނުނަސް އަހަރެން ފޫހިވޭ… ” ޒުހޭރުގެ ރުޅިވެރި ބަސްތަކުން އާމިރާއަށް އެއްވެސް އަސަރެއްނުކުރެވެ. އޭނާ މިފަހަރުވެސް ރުޅިވެރި ކަމާއެކު ވާހަކަ ދެއްކިއެވެ.                                       ”ހުއްޓާލާ…” އެތަނުގައި ތިބި އެންމެންވެސް ސިހިގެން ދިޔައީ ޝައުނާގެ އަޑުންނެވެ. އެންމެންގެ ނަޒަރު އޭނައަށް ހުއްޓުނެވެ. ” އަބަދުވެސް އަޅުގަނޑާ ހެދި ބައްޕަ އާ ދޮންބެ އާ ދެމީހުންނާ މަންމަ ދެބަސްވާނީ… ޕްލީޒް ހުއްޓާލާާ… އަޅުގަނޑާ ގެ ސަބަބުން އެއްވެސް މީހަކު ދެބަސްވާކަށް ބޭނުމެއް ނޫން… ” ކުރެހިފައިވި އަޑުން ޝައުނާ ވާހަކަ ދެއްކިއެވެ. ” މަންމަ… މަންމަ ކީއްވެތަ އަބަދު އަޅުގަނޑު ދެކެ އެހާ ރުޅިއަންނަނީ… ކީއްވެތަ އަބަދު އެއްޗެހި ކިޔަނީ… އެންމެ ފަހަރަކުވެސް ކީއްވެތަ މަންމަ އަޅުގަނޑާ ލޯބިން ވާހަކަ ދައްކާ ނުލަނީ… އެންމެ ފަހަރަކުވެސް ކީއްވެތަ ލޯބިން ފިރުމާލަ ނުދެނީ… ކިތަންމެ ރަނގަޅަކަށް ކަންތައް ކުރިޔަސް ކީއްވެތަ މަންމައަށް ރަނގަޅަށް ކަންތައް ނުުކުރެވެނީ… ކީއްވެތަ މަންމަ އަޅުގަނޑާ ދޭތެރޭ އެގޮތައް ކަންތައް ކުރަނީ… މަންމަ ކީއްވެތަ އަޅުގަނޑު ދެކެ ލޯބި ނުވަނީ… އަޅުގަނޑުވެސް ތި ލޯބި ބޭނުމޭ.. މަންމަގެ އަޅާލުން ބޭނުން… މިހިތަށް ވަރަށް ތަދުވޭ މަންމަ އަޅުގަނޑާ ދޭތެރޭ ކަންތައް ކުރާ ގޮތުން… މަންމަ ބުނެލާ ރަހުމު ކުޑަ ބަސްތަކުން މި ހިތަށް ތަދުވޭ… ހިތާމަކުރަން އެކަމާ..، ވަރަށް ދެރަވޭ… އަބަދުވެސް ހިތާހިތާ ޝަކުވާ ކުރެވޭ… ކީއްވެތަ މަންމާ… ކީއްވެ… ” ލޮލުން ކަރުނަ އޮހޮރޭ ހާލު ގިސްލަމުން ޝައުނާ ދެއްކި ވާހަކަތައް އަޑުއިވުނު މީހުން ތިބީ ފެންކަޅި ވެފައެވެ. އެހެނަސް އާމިރާ ފިޔަވައެވެ. ” އަހަރެން ލޮއެބެއް ނުވޭ ޝައުނާ ދެކެ… ފޫހިވާނީ … ރުޅި އަންނަނީ ފެނުނަސް… ކީއްވެކަން ބުނަން ވީތަ… އާތް… ޝައުނާ ފެނުނީމަ އަހަންނަށް އަހަރެންގެ ހިތި ހަނދާންތަކެއް އާވަނީ… އަހަރެންގެ މަންމަ އަހަންނާ ދޭތެރޭ ކަންތައް ކުރި ރަހުމްކުޑަ ގޮތް ހީވަނީ މިހާރުވެސް އަހަރެންގެ ދެ ލޯ ކުރިމަތިން ފެންނަހެން… އެ މަންމަ އަހަންނަށް ކުރި އަނިޔާތައް… އަހަރެންގެ މި ބުޅި އިސްތަށިގަނޑު ގަވެސް އެތައް ދުވަހަކު ހިފި… ކިތަންމެ ވަރަކަށް މަސައްކަތް ކުރިޔަސް މަސައްކަތް ކުރާ ކަމަކަށް ނުވޭ… ލޯބިން ބަހެއް ބުނެ ނުލާ… އެ ހިތާމަވެރި ދުވަސްތައް އަހަންނަށް ޝައުނާ ފެނުނަސް ހަނދާން ވަނީ… އަދި ބުނަން… ޝައުނާ ތީ އަހަރެން ބޭނުންވެގެން ހޯދި ކުއްޖެއްނޫން… އަހަރެން ބުނިން ޒުހޭރު ކައިރިވެސް ޝާދިން އަށް ފަހު އަހަރެން އެހެން ކުއްޖެއް ބޭނުމެއް ނޫނޭ.. ” އާމިރާގެ ދުލުން އިވުނު ބަސްތައް އިވިފައި ޒުހޭރު ފިޔަވައި އެންމެން ތިބީ ހައިރާންވެފައެވެ. ޝައުނާގެ ލޮލުން އޮހޮރެމުން ދިޔަ ކަރުނަތައް ދިޔައީ އިތުރުވެގެންނެވެ. އެއްކަމުން އަރައިނުގަނެވެނީސް އެހިތަށް ވަރަށް އަސަރުކުރުވައިފިއެވެ. އިތުރަށް އެތާ މަޑުކުރުމެއްނެތި ޝައުނާ ދުވެފައި ގޮސް ސިޑިން މައްޗައް އަރާ ކޮޓަރިއަށް ވަނެވެ. ޝާދިން ލޮލުން އިޝާރާތްކޮށްލުމާއެކު އައިލީން އާއި ރިފްޝާވެސް އަވަސް އަވަހަށް ޝައުނާގެ ފަހަތުން ދިޔައެވެ.                                                 ކޮޓަރިއަށް ވަދެވުމާއެކު ޝައުނާ ގޮސް އެނދުގައި ބަންޑުން އޮށޯތެވެ. ގިސްލަ ގިސްލާފާ ރޮމުން ދިޔަ ޝައުނާ ފެނި ކޮންމެ މީހެއްގެ ހިތަށްވެސް އަސަރު ކުރާނެއެވެ. އައިލީން އާއި ރިފްޝާ ކޮޓަރިއަށް ވަދުމަށްފަހު ދޮރު ލައްޕާލިއެވެ. އެދެމީހުން ގޮސް ޝައުނާގެ ގާތުގައި އެނދުގައި އިށީނެވެ. ”ޝައު ޕްލީޒް ދެން ހުއްޓާލަބަަލަ… ” ޝައުނާގެ ބުރަކަށީގައި ފިރުމާލަމުން ރިފްޝާ ބުންޏެވެ. ”ކީއްވެތަ އަބަދު އަހަންނަށް އެހެން ދިމާވަނީ… އަހަރެން އިންތިހާއަށް ލޯބި ބޭނުންވާ މީހުންގެ ފަރާތުން އަހަރެންނަށް ފެންނަނީ އަބަދުވެސް އަހަންނަށްޓަކައި އޮންނަ ފޫހިކަން… ރުޅިވެރިކަން… އިންތިހާއަށް އަހަރެން އެމީހުންގެ ލޯބި ބޭނުން…” ގިސްލަމުން ދިޔަ ޝައުނާ ދިޔައީ އޭނަގެ ހިތުގެ އުދާސްތައް ބޭރުކުރަމުންނެވެ. ” ޝައު… ތެދުވެބަ… ތެދުބެވަ… އައިލީ އާ ދިމާ ބަލާބަލަ…” އައިލީން ބުނުމުން ޝައުނާ ތެދުވެ އެނދުގައި ހަމަޖެހިލުމަށްފަހު އައިލީންއަށް ބަލައިލިއެވެ. ”ލިސެން ޝައު… ޝައު ދެކެ ވަރަށް ގިނަ ފަރާތްތަކުން ލޯބިވޭ… އައިލީ އާ ރިފޫ އާވެސް ވަރަށް ލޯބިވޭ… ” ” އިނގެއޭ އައިލީ އާ ރިފޫ ލޯބިވާކަން… އެކަމަކު މަންމަ… މަންމަގެ ލޯބިވެސް ބޭނުުމޭ… މާމަ މަންމަ އާ މެދު އެ ގޮތަށް ކަންތައް ކުރުމަކުން ކޮބާ އަހަރެންގެ ކުށެއް… ޔާފިއުގެ ލޯބިވެސް ބޭނުމޭ…” އައިލީންގެ ވާހަކަ މެދުކަނޑާލަމުން ޝައުނާ ބުނެލިއެވެ. ”ޝައު ޕްލީޒް… ފުރަތަމަ އައިލީ ދައްކާ ވާހަކަ އަޑުއަހާބަ… ކޮންމެ ކުއްޖަކަށްވެސް މަންމަ އެއްގެ ލޯބި ބޭނުންވާނެ… ޝައުގެ މާމަ ޝައުގެ މަންމަ އާ ދޭތެރޭ އެގޮތަށް ކަންތައްކުރުމުގައި ޝައުގެ އެއްވެސް ކުށެއް ނެތް… ޝައު ފެނުމުން މަންމައަށް އެ ދުވަސްތައް ހަނދާން އާވެގެން ދަނީ… މަންމައަށް އަދިވެސް އިތުރަށް ވަގުތު ދީ… އަދި ޝައު މިހާރަށް ވުރެވެސް މަންމަގެ ކަންތައްތަކަށް ބޮޑަށް ސަމާލުކަންދީ މަންމައަށް ވީހާވެސް ރަނގަޅަށް ކަންތައް ކޮށްދީ… މަންމަގެ ހިތުން އަދިވެސް އެ ދުވަސްތައް ފިލާ ނުދަނީ އެއީ… އެކަމަކު އިންޝާﷲ ވަރަށް އަވަހަށް ޝައުގެ އޯގާތެރިކަމާއި ލޯބިން ޝައުގެ މަންމަގެ ހިތުން އެ ހިތްދަތި ހަނދާނަތައް ފޮހެވިގެންދާނެ. އަދި ޝައު ފަދަ ކިޔަމަންތެރި ލޯބި ދަރިއެއް ލިބުނުކަމަށްޓަކައި އުފާކުރާނެ އިންޝާﷲ… ” ޝައުނާގެ އަތުގައި ހިފަހައްޓައިލައިގެން އިނދެ އައިލީން ނަސޭހަތްތެރިވަމުން ދިޔައެވެ. ރިފްޝާ ވެސް ޝައުނާގެ ކޮނޑުގައި ހިފަހައްޓައިލައިގެން އިނީ އެކުވެރިޔާއަށް ހިތްވަރިދޭ ފަދައިންނެވެ. ”ޝައު ދެން ތިބުނީ ޔާފިއުގެ ވާހަކަ… ކީއްކުރަން ބޭވަފާތެރިއެއްގެ ލޯބި ބޭނުންވަނީ… ޔާފިއު ޝައު ދެކެ ހަޤީޤީ ލޯބި ވާނަމަކަ އެހެނެއް ނުހެދީސް… އޭނަ ޝައު އަށް އޮޅުވާލީ… ދޮގުހަދާ ބޭވަފާތެރިވީ… ބޭވަފާތެރިއަކަށްޓަަކައި ކީއްކުރަން އޮހޮރާ ކަރުނަތަކެއް… އެއަށްވުރެ މާ ރަނގަޅެއްނު ޝައު ދެކެ ތެދުވެރި ހިތަކުން ލޯބިވާ ފަރާތަކާ މެދު ވިސްނިއްޔާ… ޔައިޝް އާ މެދު ވިސްނިއްޔާ” އައިލީން އެހެން ބުނިތަނާ ޝައުނާ އޭނަގެ އަތް އައިލީންގެ އަތުން ދަމައިގަތެވެ. އަދި ދުރަށް ނަޒަރު ހުއްޓާލިއެވެ. އައިލީން ޝައުނާގެ ކޮނޑުގައި ހިފަހައްޓާލަމުން ވާހަކަ ކުރިއަށް ގެންދިޔައެވެ. ” ޝައު… ވެދިޔަތަން ހަނދާން ނައްތާލުމަށްފަހު ކުރިމަގަށް ވިސްނާ… މިހެން ބުނާ އިރުވެސް އެނގޭ އެއީ ފަސޭހަ ކަމެއް ނޫންކަން.. އެކަމަކުވެސް މަސައްކަތްކުރަން ވާނެ… ޔާފިއުގެ ހަނދާނުގައޖ ނުކައި ނުބޮއެ ރޯން އޮތަކަސް އެއްވެސް ފައިދާއެއް ނުވާނެ… ޝައު ވާނެ ހިތްވަރު ގަދަ ވާން… މިދުނިޔެ ނަތީގަ ކޮންމެ ކަމަކީވެސް އިމްތިހާނެއް… ކެތްތެރިކަމާއެކު އިމްތީހާނާ ކުރިމަތިލާ އެ އިމްތިހާނުން ފާސްވޭތޯ މަސައްކަތްކުރަން ވާނެ… އިނގޭ ޝައު ލޯބިވަނީ ޔާފިއު ދެކެކަން… އެކަމަކު ޔާފިއު ޝައު އާ ދޭތެރޭ ކަންތައް އެ ކުރި ގޮތް ވެސް ހަނދާން އެބަހުރި ދޯ… އަހަރުމެން ދެމީހުނަށް ފެނުން ޔައިޝްގެ ދެ ލޮލުން ޝައު އަށްޓަކައި ތެދުވެރި ލޯބި… ޝައު އަށްޓަކައި އެހިތް އެދޭ ވަރު… ޝައު އަށް ކަމެއްވެދާނެތީ ކަންބޮޑުވެފަ ހުރި މިންވަރު އެރޭ އޭނަގެ ހަރަކާތްތަކުން ވަރަށް ރަނގަޅަށްވެސް އެނގުން… އެންމެ ފަހަރަކު ނަމަވެސް ޝައު އޭނަ އާ މެދު ވިސްނާލަ ބަލަ… އުއްމީދުކުރަން އައިލީ މިދެއްކި ވާހަކަތަކާމެދު ޝައު ވިސްނާލާނެކަމަށް… ” ހިނިތުންވެލަމުން ޝައުނާގެ ބޮލުގައި ފިރުމާލަމުން އައިލީން ބުންޏެވެ. ” އޯކޭ… ނައު ސްޓޮޕް ކްރައިން…. އެންޑް ގިވް އަ ޕްރެޓީ ސްމައިލް… ” ރިފްޝާ އެނދުން ތެދުވެ ޝައުނާގެ ލޮލުން އޮހޮރުނު ކަރުނަތައް ފޮހެލައިދެމުން ބުންޏެވެ. ޝައުނާ ހިނިތުންވެލުމުން އައިލީން އާއި ރިފްޝާވެސް ހިނިތުންވެލަމުން ކުޑަކޮށް ބައްދާލިއެވެ. ” ޝައު… ސައިބޮއެފިންތަ؟ ” އައިލީން އެހެން އެހުމާއެކު ޝައުނާ މަޑުމަޑުން ބޯ ޖަހާލިއެވެ. ” ޕިސް ޕިސް… ޝައު ގާތު އަބަދުވެސް ބުނަން ކެއުމަށް ފަރުވާކުޑަ ނުކުރާށޭ… މތާ އިނދޭ… އެބަ އަންނަން އަހަރުމެން ދެމީހުން… ” މިހެން ބުނުމަށްފަހު އައިލން އާއި ރިފްޝާ ކޮޓަރިން ނިކުތެވެ.                                               ”އާމިރާ އެންމެ ފަހަރަކުވެސް އެ ދަރިފުޅުގެ ރަނގަޅު ކަންތައްތަކާމެދު ވިސްނާލަބަލަ… އާމިރާ ތިގޮތައް ކަންތައް ކުރާއިރުވެސް މަދު ފަހަރަކު ފިޔަވައި އެ ދަރިފުޅު އެއްޗެކޭ ނުބުނާނެ… އާާމިރާ ބުނި ކަމެއް އެ ކޮށްދެނީ… ދެން ދަރިންނަކީ މާތް ﷲ އަހަރެމެންނަށް ދެއްވާާ ވަރަށް ބޮޑު ނިޢުމަތެއް… ދަރިން ބޭނުންވެގެން އުޅޭ ކިތައް މީހުނަށް ދަރިން ނުލިބެގެން އެ އުޅެނީ… އެ ނިޢުމަތައް އަހަރެމެން ޖެހޭނެ ރައްކާތެރިވާން… ” އައިލީން އާއި ރިފްޝާ ތިރިއަށް ފޭބިއިރު ޒުހޭރު އާމިރާއަށް ވިސްނައިދެމުން ދިޔައެވެ. ”އަހަންނަށް އިނގެޔޭ ކަންތައް ކުރެވެނީ ރަނގަޅަށް ނޫންކަން.. އެކަމަކުވެސް ހަމަ ނޭނގެ ވާގޮތެއް… ” ރޮވިފައި އިނދެ އާމިރާ ބުންޏެވެ. ޝާދިން އާއި ޒުހޭރު އެތައް އިރަކު ވިސްނައިދިނުމުން އާމިރާއަށް އޭނަ ކަންތައް ކުރީ ރަނގަޅަށް ނޫންކަން ވިސްނުނެވެ. އޭނަ އާ ދޭތެރޭ އޭނަގެ މަންނަ ކޮންމެ ގޮތަކަށް ކަންތައް ކުރިކަމުގައިވިޔަސް ޝައުނާ އާ ދޭތެރޭ އެހެން ކަންތައް ކުރުމުގެ ހައްގެއް ނޯންނާނެއެވެ. ރޮވިފައި އިން އާމިރާގެ ގާތަށް އައިސް އައިލީން އާއި ރިފްޝާ އިށީނެވެ. ” އާމިރާއްތާ… ޝައު ވަރަށް އިންތިޒާރުކުރޭ މަންމައެއްގެ ލޮއެބާއު އަޅާލުން ލިބޭނެ ދުވަހަކަށް… ޕްލީޒް… ޝައު އަށް ބޭނުންވާ ލޮއެބާއި އަޅާލުން ދީ… ” ލޮލުން ކަރުނަ އޮހޮރޭ ހާލު އައިލީން އާމިރާގެ އަތުގައި ހިފާލަމުން ބުންޏެވެ. އާމިރާ މަޑުމަޑުން އޭނަގެ އަތުން އައިލީން އާއި ރިފްޝާގެ ބޮލުގައި ފިރުމާލިއެވެ. އަދި މަޑުމަޑުން ބޯ ޖަހާލިއެވެ. ހިނިތުންވެލުމަށްފަހު ދެ މީހުންވެސް ގޮސް ކާގެއަށް ވަނެވެ. އަދި ބިއްލޫރި ތައްޓަކަށް އައިސަލަމާރިން ނެގި ޖޫސް ޕެކެޓުން ޖޫސް ތައްޓެއް އެޅިއެވެ. ތައްޓަށް ބޭކެޑް ބީންސް އާއި ދެތިން ރޮށި ލައިގެން ޝައުނާގެ ކޮޓަރިއަށް ގެންދިޔައެވެ. ” އަން… ރަނގަޅަށް ސައި ބޯތި… މި ހުސްކުރަން ވާނެ… ދެން ހަވީރުން ވާނެ ހިނގާލަން ދާން.. ރެޑީ ވައްޗޭ… ” ސައިޑް ކަބަޑް މަތީގައި ގެނައި ޖޫސްތަށި ބަހައްޓަމުން ރިފްޝާ ބުންޏެވެ. ”ތެދެއް މި ހުސް ކުރާތި… އަހަރުމެން ދެން ދަނީ… އެހާވަރަށް ކަންކަމާ ނުވިސްނާތި… ހަވީރުން އަންނާތި ރެޑީ ވެގެން…. ” އައިލީން މިހެން ބުނުމުން އެންމެ ރަނގަޅުކަމުގައި ބުނެ ޝައުނާ ބޯޖަހާލިއެވެ. ދެ މީހުންވެސް ހިނިތުންވުމެއް ރައްދުކުރުމަށްފަހު ކޮޓަރިން ނިކުތެވެ.