ޖެހުމުން ވަބާ

އިސްމާޢީލް ޢަލީ ކަނދޮޅުދޫ

ޖެހުމުން ވަބާ މިޔަރު އެންގަޑަށް ދަހިވާހެން ދަހިކޮށްލަނީ

މެދުނުކެނޑި ހިޔަހާ ނަސޭޙަތް ދިނަސް ފުރަގަސްދީ ދުވެދަނީ

ޖެހުމުން ވަބާހިކި ކަށިގަޑަކަށް މީހާ ބަދަލުވެސް ކޮށްލަނީ

މެދުނުކެނޑި ފަރުވާ ކުރިޔަކަސް ދުވަހަކު ރާޙަތެއް ނުކުރަނީ

ޖެހުމުން ވަބާ ދަރިގެއްލިފައިވާ މަކުނެއް ގޮތަށް އުޅެވެނީ

މެދުނުކެނޑި ރޮމުން ގޮވާގޮވުންތަކަށް ބީރުކަންފަތް ދެވެނީ

ޖެހުމުން ވަބާ ހިކިހުއިގަޑެއް ފަދައިން ތިބާ އަނދާހުލިވަނީ

މެދުނުކެނޑި ކުރިހާ މަސައްކަތް ލަހެއް ފަހެއް ނެތި ބީވެދަނީ

ޖެހުމުން ވަބާ މާޔޫސްވެ އޮޔާދާ ބޮތްކެއް ފަދައިން ނެތިދަނީ

މެދުނުކެނޑި ކުރި އުއްމީދުތައް ބަރުބާދުވެ ގެއްލިގެން ދަނީ

ޖެހުމުން ވަބާ މާޔޫސްވެ ހިތްވަރާއި ޖޯޝް ގެއްލިދަނީ

މެދުނުކެނޑި ކައުންސިލިން ދިނަސް ނަފްސުގެ އަގު ނުވިސްނެނީ

ޖެހުމުން ވަބާ ތައުބާވުމުގެ ދުރުނެތްކަމަށް ނިންމާލަނީ

މެދުނުކެނޑި އަޅުކަމުގައި އުޅޭނަމަ ހިތްހަމަޖެހުން ލިބިދެނީ