ތިމާގެ މޮޅުކަން ތިމާއަށް ފެނުމީ ގެއްލުންހުރި ކަމެކެވެ.

އާޅެން

ތިމާގެ މޮޅުކަން ތިމާއަށް ފެނުމީ ގެއްލުންހުރި ކަމެކެވެ.

އިސްމާޢީލް ޢަލީ ކަނދޮޅުދޫ

ކުރިއަށް ދިއުމުގެ މަގުގައި ސިއްކަޖެހުނީއެވެ.

ބޭކާރުވެ ބޭޒާރުވުމުގެ ފުރުޞަތު ބޮޑުވީއެވެ.

މަގުއޮޅުމާއި،މަގުގެއްލުން ކައިރިވީއެވެ.

ރީތިނަމަށް ހިރަފުސްބުރަން ރުހެވުނީއެވެ.

މީހުންގެ ޚިޔާލު އޮޔާދާ ކާއްޓަކަށްވުރެ ދެރައެވެ.

މަޝްވަރާކުރަން ޖެހޭނެ ފަރާތެއް ނެތްފަދައެވެ.

ފާޑުވިދާޅުވުމަކީ އާދަފުޅެކެވެ.

އެކިމީހުންނަށް ލިބޭނީ އެކިހުނަރެވެ.

ފަސްމީރުކުރި ރުކެއް ހުރެދާނެއެވެ.

ނިޢުމަތްތަކަށް ޝުކުރުގެއަތް އުފުލާލާށެވެ.

ޢިލްމަކީ ހުސްނުވާ ބޮޑު ޚަޒާނާއެކެވެ.

ގުނިގުނިހެން ތަރިގިނަވާހެން ޢިލްމު ހޯދިވަރަކަށް އިތުރުވާނެއެވެ.

އެންމެ ސުންޕާ ބައްޔަކީ ޖާހިލުކަމެވެ.

ތިމާގެ މޮޅުކަން ތިމާއަށް ފެނުން މިއަށްވުރެ ނުރައްކަލެވެ.