ލޯބިވާވަރު ބުނަން ހާދަ ބޭނުންވެޔޭ! 2

މަންމައާއި ބައްޕައަށް ސިއްރުން ގެއިން ނުކުމެގެން ޒިޔާދު އާއި ރިޝްމީއާއި އެކު ޒޯޔާވެސް  ކުޅެން ނުކުމެ އުޅެމުންދާ މަންޒަރު އެވަގުތު އޭނާގެ ކުރިމަތީގައި ކުޅެންތިބި 3 ކުދިންގެ ސަބަބުން މޫނުމައްޗަށް ސިފަވަމުންދިޔައެވެ..

*************************

ދުވަހަކީ އުޑުމަތި ސާފުދުވަހެކެވެ. އެހެން ދުވަސްތަކެކޭވެސް އެއްފަދައިން ޒޯޔާހުރީ ރަށުގެ ކުޅީކައިރީގައި އޭނާގެ އެކުވެރިންގެ އިންތިޒާރުގައެވެ. ” ޕޮއް.” ޒޯޔާ ސިއްސައިގެން ގޮސް ފަހަތައް އެބުރުނު އިރު ރިޝްމީ އަދި ޒިޔާދުގެ އިތުރުން އެހެން އަންހެން ކުއްޖެއް ހުރުމުން ސުވާލުގެ ނަޒަރަކުން ޒޯޔާ ގެ ދެއެކުވެރިންނާ ދިމާއަށް ބަލާލިއެވެ. ” ހޭ ޒޯއީ، މީ ޒިޔާ މަމް ގެ ފުރޭންޑެއްގެ ދަރިއެއް، ޒީޝާ.” ޒޯޔާ ހުރިގޮތް ފެނުމުން ޒިޔާދު އެ އަންހެން ކުއްޖާ އަކީ ކާކުކަން ބުނެދިނެވެ..

” އެހެންތަ ” ޒޯޔާ ހިނިތުންވުމާއެކު ސަލާމް ކުރުމަށް އަތް ދިތްކޮއްލިއެވެ. ނަމަވެސް ޒީޝާ ގެ މޫނުމަތިން ފެންނަމުންދިޔައީ ރުޅިވެރިކަމެވެ. “އަޅާނުލާ ޒޯއީ، އެއީ ޒީޝާގެ ވައްތަރު ،މަވެސް ވަރަށް ރުޅިއާދެ  އޭނަދެކެ. އަދި އިގޭތަ އެ ޒީޝާގަޑު މަށާ ހެދި ވަރަށް އުޅޭނެ ހާދަ ފޫސެއް ވެޔޭ.. ” ޒޯޔާ  ދެރެވެފަ ހުރުމުން ޒިޔާދު، ޒޯޔާ ކަންފަތް ދޮށުގައި އެހެން ބުނެލި ގޮތުން ޒޯޔާ ކައިރިއަށް ހިނި އައެވެ. “ދެން ހިގާބަ މިތަނަށް އައި ކަންތަށް ކުރަން، ތިމީހުން ނުކުޅެންޔާ ރިޝް މިދަނީ ދާން..” ރިޝްމީ އަށް ނުހުރެވިގެން ތުންދަމާލައިފަ އެހެން ބުނެލިއިރު ހީވަނީ ކުޑަ ކުޑަ ބޭބީ އެއްހެނެވެ. އެހެންކަމުން ޒޯޔާ އަދި ޒިޔާދު އަނެއްކާވެސް ފެށީ ހޭށެވެ.

ޒޯޔާ އަދި ރިޝްމީ އާއި ޒިޔާދު އަކީ މިހާރު 16 އަހަރުގެ ކުދިންނެވެ. ނަމަވެސް އެ ތިންކުދިން މިހާރުވެސް އުޅެނީ އެއްމެ ތުއްތު ކުދިން އުޅޭހެން ކުޅުމުގަ އެވެ.. “ޒޯއީ ހާދަ ފުން ވިސްނުމަކަށް ގެއްލިފަ، އަނެއްކާ ކަމެއްވީތަ!” ރިޝްމީ އަށް ނުހުރެވިގެން ޒޯޔާ ކުރެން އަހާލިއެވެ. ” ރިޝް، ޒިޔާ،” ވަކިވަކިން ދެމީހުނަށް ބަލާލުމަށް ފަހު ޒޯޔާ ވާހަކަ ދައްކަން ފެށިއެވެ.

” އިގޭތަ ޒޯއީ މަންމަ އުޅެނީ ޒޯއީ ބޮޑުދައިތަ ކައިރިއަށް ކިޔަވަން މާލެ ފޮނުވަން. ޒޯއީ ކިހިނެއް ތިދެމީހުން ދޫކޮއްލާފަ ދާނީ. އެކަމުވެސް ޒޯއީ އަށް މަޖުބޫރު ދާން. ޒޯއީ ދުވަހަކުވެސް ތިދެމީހުން މަތިން ހަދާނެއް ނުނެތޭނެ.” ޒޯޔާ ވާހަކަ ދައްކާ ނިމުނުއިރު ހަމަ ރަނގަޅަށްވެސް ހުރީ ރޮވިފަ އެވެ. އެހެމް ނުވާންވި ސަބަބެއްވެސް ނެތެވެ. ޒޯޔާގެ އެއްމެ ގާތް ރަހުމަތްތެރިޔާ ރިޝްމީ އަދި ޒޯޔާ އެއްމެ ލޯބިވާ ޒިޔާދު ދޫކޮށްލާފަ ޒޯޔާ މިވަނީ މާދުރަށް ދާން ޖެހިފަ އެވެ. ޒޯޔާ ، ޒިޔާދު ދެކެ ލޯބިވާ ކަން އެއީ ހަމައެކަނި ރިޝްމީ އަށް އެގޭ ކަމެކެވެ. ޒޯޔާ އެކަން ސިއްރު ކުރީ، ޒިޔާދު އޭނަޔާ ދޭތެރެ ދެކެނީ ކިހިނެއްކަމެއް ނޭގޭތީއެވެ.

ޒޯޔާގެ ވާހަކަތައް އަޑުއަހާފަ ޒިޔާދު ހުރީ ކިޔާނެ އެއްޗެއް ނޭގިފަ އެވެ. އެހާވެސް އޭނަ ހުރީ ދެރަވެފަ އެވެ. ކުޑައިރުއްސުރެން އޭނަ އެންމެ ލޯބިވާ ކުއްޖަ މިއަދު އެވަނީ އޭނައާ މާދުރަށް ދާންޖެހިފައެވެ. ހަމަ އެގޮތަށް ރިޝްމީ ވެސް ހުރީ ވަރަށް ދެރަވެފައެވެ. ނަމަވެސް އެ ތިންމީހުން ކައިރީ އިން ޒިޝާ ގެ ތުންފަތުގަ ވަނީ ވިހަ ހިނިތުންވުމެކެވެ. އެހެން ނުވާންވި ސަބަބެއް ވެސް ނެތެވެ. އޭނާއަށް މާކުރިންވެސް ޒިޔާދު ، ޒޯޔާ ދެކެ އިންތިހާ އަށް ލޯބިވާ ކަން ޒިޔާދު އުޅޭ ގޮތުންވެސް އެގެއެވެ.

ޒީޝާ އޭނަގެ މަންމަ އާ އެކީ ހުރައަށް އައި ފުރަތަމަ ދުވަހު ޒީޝާ އަށްވަނީ ޒިޔާދު ފެނިފައެވެ. ފުރަތަމަ ފެނިލުމުން ވެސް ޒީޝާ އަށް ޒިޔާދު ކަމުދިޔައެވެ.  ނަމަވެސް ކުރިން އެއީ ޒިޔާދު ކަމެއް ޒީޝާ އަކަށް ނޭގެއެވެ. އިއްތިފާޣުން ޒީޝާމެން ޗުއްޓީގައި އާސްތިބީ  ޒިޔާދު މެންގޭގައެވެ. އޭނަގެ މަންމަ ޝަކީލަ އާއި ޒިޔާދުގެ މަންމަ ނިޝާ އަކީ ގާތް ދެ ރަހުމަތްތެރިންނެވެ . ޒީޝާ އަށް އެގޭގަ ހުއްނަންޖެހުމުން ލިބުނީ ބަޔާކުރަން ދަތި އުފަލެކެވެ. ނަމަވެސް އެއްހަފްތާ ފާއިތުވެ ދިޔައިރުވެސް ޒިޔާދު އޭނަ އާއި އަނގައިން ބުނެނުލާތާ ބަލާ ވެސް ނުލައެވެ. މިކަމުގަ ކޮއްމެސް ސިއްރެއް އުޅޭކަން ޒީޝާގެ އެ ޅަ ސިކުޑިއަށް ވިސްނަދިނެވެ. ޒިޔާދު އޭނައާއި ވާހަކަ ނުދައްކަނީ ކީއްވެގެންކަން ހޯދުމަށް ކުރި މަސަތްކަތުން ފެނުނުހާވެސް އެއްޗަކީ ވަރަށް ރީތި އަންހެން ކުއްޖެއްގެ ފޮޓޯގަނޑެކެވެ. އެ ފޮޓޯގަނޑުގެ އަނެއްފަރާތުގައި ލިޔެފާ އިން އެއްޗަކުން ޒީޝާގެ ދެބުމަ ގޮތްޖެހުނެވެ….