އެދެމޭ ކަލާޔާ ގާތުގާ ވުމަށް (ތޭރަވަނަބައި)

“މަރީ…ކިހިނެއް…ކީއް..ކުރަނީ…” ޖޮނަތަން ބިރުންހުރެ އަހާލިއެވެ. އެވަގުތު މަރީ އޭނާއަށް ދިމާއަށް ދަހިވެތި ނަޒަރަކުން ކަޅި އަޅައިލަމުން ފުނަމައިގެން ތެދުވިއެވެ. ސިއްސައިގެން ދިޔަވަރުން ޖޮނަތަން ފާޑަކަށް ވެއްޓުނެވެ. “މް..މް..މަރީ…” މަޑުމަޑުން އޭރު މަރީ އޭނާޔާ ދިމާއަށް އާދެއެވެ. “ކޮން މަރީއެއް. އަހަރެން މީ ކާސިމު”

************************************************************

ޖޮނަތަން އޭނާގެ ހިޔާލި ދުނިޔެއިން ނިކުމެ ހަމަޖެހިލިއެވެ. އެރޭ މަރުނުވެ އޭނާ ސަލާމަތްވީ ހަމަ ކިރިޔާއެވެ. ނަމަވެސް ޖޮނަތަންގެ ހިތްވަރުން އޭނާގެ ދަރިފުޅަށް ޖެހިފައިވާ ބަލި ދެނެގަތެވެ. އެއީ އާދައިގެ ބައްޔެއް ނޫނެވެ. ކުއްޖާ މާބޮޑަށް ހާސްވެ ޝޮކަކަށް ދާ ހިސާބަށް ދިއުމުން ޖެހޭ ޑީ.އައި.ޑީ ނަމަކަށް ކިޔާ ބައްޔެކެވެ. ޖޮނަތަންއަށް އެހެން ވާން ޖެހުނު ސަބަބު ނޭންގުނަސް އޭނާ ގެ ދަރިފުޅު ރަނގަޅު ކުރުމަށް އެތަށް ހަރަދެއް ކުރެއެވެ. މިހާރުވެސް މެއެވެ.

************************************************************

“ލާނީ….އަހަރެން ފެނޭތަ” އަލާނިޔާ އެސްފިޔަ ތަޅުވާލުމާއެކު ޔުސްރާ އަލާނިޔާއަށް ގޮވަންފެށިއެވެ. ނަމަވެސް އަލާނިޔާގެ ލޮލުން ކަރުނަފައިބަން ފެށީއެވެ. އެއްވެސް ޖަވާބެއް އެކަކަށްވެސް ނުލިބުނެވެ. އިރުކޮޅެއްގެ ތެރޭ ޑޮކްޓަރު އައިސް އަލާނިޔާ ރަނގަޅުތޯ ބަލާހެދިއެވެ. އަދި އެކަކާއެކު ވަކިން ބައްދަލު ކޮށްލަން ބޭނުންވާކަމަށް ބުނެ އެއްފަރާތަކަށް ޖެހިލިއެވެ. އެވަގުތު ލައިތް އޭނާގެ ފަހަތުން ހިނގައިގަތެވެ.

“އަދިވެސް އެކުއްޖާ އެވަނީ ޝޮކެއްގަ. އެކަމަކު އޭނާ ހުރިހާކަމެއްވެސް ހަނދާންވެސް އެބަހުރި. ހީވާގޮތުން އެހަމަލާ ދިން މީހެއްގެ ކޮންމެސް ކަމެއް ފާހަގަވީ…ހިތްވަރު ކޮށްފިއްޔާ ހޯދިދާނެ. ޖަސްޓް ޓޭކް ކެއާ އިނގޭ..” ޑޮކްޓަރު އެހެން ބުނުމާއެކު ލައިތް އަށް ފުންނޭވާއެއް ދޫކޮށްލެވުނެވެ. އަލާނިޔާއަށް ގޮތެއް ނުވާކަން އިނގުމުންނެވެ. ނަމަވެސް ވާހަކަ އަޑުއަހަން ހުރި މުލައިލްގެ ހިތުގައި ވަނީ ސުވާލު ތަކެކެވެ. ލައިތްއަށް ފެނުމުގެ ކުރިން ދުރަށް ޖެހުނު މުލައިލްއަށް އޭނާގެ ޖީބުގައި އޮތް އަލާނިޔާގެ ފޯނު ވައިބްރޭޓް ވެލިހެން ހީވުމުން އެ ނަގާ ބަލައިލިއެވެ. ފޯނު ހުޅުވާލައިފައި އޮތުމާއެކު ޑޭޓާވެސް ހުރީ ޖެއްސިފައެވެ. ކޮންމެސް މީހަކު ވައިބާރ ކުރަނީއެވެ.

އަލާނިޔާ ޖަހާފާނެ ހެން ހީވާ ދެ ޕާސްވޯޑެއް މުލައިލް ޖަހާލިއެވެ. ނަމަވެސް ނުބައި ކަމަށް އެރުމުން ވަރަށް ވިސްނާލުމަށް ފަހު މުލައިލް އަދި ރޫ ރައްޓެހިވި ދުވަސް ޖަހާލިއެވެ. އެއާއެކު ފޯނު ހުޅުވިގެން ދިޔުމުން މުލައިލްގެ ހިތުގައި ރިއްސާލިއެވެ. އަލާނިޔާގެ ހަނދާނުގައި ކުރިން އެއްކަމެއް ނުވާއިރުވެސް އެ ތާރީހު ހަނދާން ހުރީމައެވެ. ފޯނު ހާވަމުންގޮސް އެންމެ ފަހުން ވައިބާރ ހުޅުވާލުމާއެކު ފެނުނީރުއާގެ މެސެޖެކެވެ. އޭގައި އިނީ މާދަން ރުއާ ރާއްޖެ އަންނަ ވާހަކައެވެ. އަނެއްކާވެސް މުލައިލްގެ ހިތް ސުވާލުން ފުރިގެން ދިޔައެވެ. ލައިތްމެން ގާތު ބުނެވެސް ނުލާ މުލައިލް ފަތިހުގެ އެވަގުތުގައި ހޮސްޕިޓަލުން ނިކުތެވެ. އަދި އެދިޔަގޮތަށް ގޮސް އޭނާ ވަނީ ޝިފާން މަސައްކަތް ކުރާތަނަށެވެ. ކަންދިމާކުރި ގޮތުން ޝިފާން އެތަނުގައި ހުއްޓެވެ.

“ކީއްކުރަން..؟؟؟ އަލާނިޔާ ހައްޔަރު ކުރީއަހަރެން ކަމަށް ހީކުރި މީހަކު ހެކި ނެތީމަ އަހަރެން ދޫކޮށްފަ މިހާރު އަހަރެން ހޯދަނީ ކޮންބޭނުމަކު؟” ޝިފާން ހުރީ ވަރަށް ހިންހަމަ ނުޖެހިފައެވެ. ނަމަވެސް ޝިފާންގެ ސުވާލަށް ޖަވާބުދިނުމެއްވެސް ނެތި މުލައިލްވެސް ކޮށްލީ ސުވާލެކެވެ.” މީހަކަށް އެއްޗެއް ކާންދީގެން އެމީހާގެ ގައިތެރެއަށް ޓްރެކާއެއް ކަހަލަ އެއްޗެއް ދޫކޮށްލެވިދާނެތަ؟  މިބުނީ މައިކްރޯ..” މުލައިލް އެހެން އަހާލުމާއެކު ޝިފާންއަށް ކަންތަށް ވަރަށް ގޯސްވެއްޖެކަން ނަގައި ގަނެވުނެވެ.

“އާނ..އެކަމަކު އޭތި ތްރޫކޮށް އަޑެއް ނީވޭނެ. ޑުޔޫ ތިންކް؟!! މުލައިލް. ހިނގާ ޓެސްޓެއް ހަދަން!” ޝިފާންގެ ރުޅި ދިޔަތަނެއްވެސް ނޭންގެއެވެ. އޭނާ އުޅުނީ މުލައިލްގެ ގާތަށް ދާށެވެ. ނަމަވެސް އެއަށްވުރެ ކުރިން އެތަނުން ނިކުމެގެން މުލައިލް ދިޔައެވެ. ނަމަވެސް ދަމުން ދަމުން އެކަކު ގާތު އެއްވެސް އެއްޗެއް ނުބުނުމަށް ވައުދުކުރުވިއެވެ. އަދި އޭނާ ބުނާކަންތަށް ނުކޮށްދީފިނަމަ މުލައިލްގެ ފުރާނައަށް ގެއްލުން ވެދާނެ ކަމުގެ ބިރު ދައްކާ މެސެޖެއްވެސް ފޮނުވާލިއެވެ. ހާސްވެފައި ހުރި މުލައިލް ފޮތަކާ ގަލަމަކާ ހިފައިގެން މިސްރާބު ޖެހީ ރަސްފަންނަށެވެ. އަދި އެތާއިނދެ ނޯޓެއް ލިޔުމަށްފަހު ގެޔަށް ދިޔައެވެ. އަދި އެ ނޯޓު އަލާނިޔާގެ ދަބަސްތެރެއަށް ލާ ފޮރުވާލިއެވެ.

ހަމަޖެހިލުމަށްފަހު ސިޓިންގެ ރޫމަށް ނިކުމެ މުލައިލް އޭނާގެ ފޯނު ނަގާ ކަންފަތުގައި ޖަހާލަމުން ބާރަށް ވާހަކަދައްކަން ފެށިއެވެ.” އޭ..އާދެބަލަ ގެއަށް. އަހަންނަށް އިނގިއްޖެ މީހުން މަރަނީ ކާކުކަންވެސް…އާދޭ ވިހި މިނެޓުފަހުން..އަހަރެން ކިޔާދޭނަން. އޭނަ ހީކުރަނީ ކީކޭތަ.ހަހަހަ…. ” މުލައިލް އުޅުން ގޮތުން ހީވީ ހަމައަސްލަށްވެސް އޭނާ ފޯނުން މީހަކާ ވާހަދައްކަނީ ހެންނެވެ. ހަގީގަތަކީ އެހުރިހާ ކަމަކީވެސް އޭނާގެ ރޭވުން ކަމެވެ.

މުލައިލް ބޭނުންވަނީ އޭނާގެ ފުރާން އެކުވެރިންގެ ހައްގުގައު ގުރުބާން ކޮށްލައިގެން އެހުރިހާ ކަމަކަށް ނިމުމެއް ގެންނާށެވެ. އެކަކަށް ނޭންގުނަސް އެގޭގައި އެމީހުން އެންމެން އަޑު އަރާނޭ ފަދަ ކޮންމެސް އެއްޗެއް ބެހެއްޓިފައި ވާކަން މުލައިލްއަށް ދެނެގަނެވުނީއެވެ. އެހެންކަމުން އެމީހަކު އޭރުން މުލައިލް ހޯދަން އަންނާނޭކަންވެސް އިނގުނީއެވެ. އެހިސާބުން ގެއަށް އައިސް އަލާނިޔާގެ ދަބަހުގައި ރިކޯޑަރެއް ހަރުކޮށްލީއެވެ. އޭރުން އޭނާ މަރުވިޔަސް އަލާނިޔާމެންނަށް އެއީ ކާކުކަން އިނގޭނެތީއެވެ. މުލައިލް ސޯފާގައި ޖައްސާލައިގެން އިންނަތާ ބަރާބަރު ފަސްމިނެޓުވިއެވެ. އެޔާއެކު މުލައިލްގެ ކޮޓަރީގެ ކުޑަދޮރު ތެޅިގެން ދިޔައަޑު އިވުނެވެ. މުލައިލްގެ ތުންފަތްމަތީގައި ދުވެލީ ކާމިޔާބީގެ ހިނިތުންވުމެކެވެ.

************************************************************

“ޔުސް….ފެން..” އަލާނިޔާ ވާހަކަ ދައްކާލެވޭ ވަރުވުމާއެކު ޔުސްރާއަށް ގޮވާލިއެވެ. ޔުސްރާ ހީވީ މާކުރިންވެސް އެކަމަށް ތައްޔާރުވެގެން ހުރިހެނެވެ. އަލާނިޔާއަށް ފެންދިނުމަށްފަހު އަލާނިޔާގެ ބޮލުގައި ފިރުމާލައިދިނެވެ. އަދި މިހާރު ރަނގަޅުތޯ އަހާލިއެވެ. އަލާނިޔާ ހަމައެކަނި ބޯޖަހާލީއެވެ.

އަލާނިޔާ ލައިތް އާދިމާއަށް ބަލާލިއެވެ. ކޮޓަރީގެ ސޯފާއެއްގައި ލައިތް އިނީ ނިދިފައެވެ. ލައިތްގެ ގަމީހުގައި ކޮންމެސް ވަރަކަށް ލޭ ހުރިއިރު އެ މޫނުމަތިން ފެންނަނީ ވަރުބަލިކަމެވެ. “ޔުސް..އެއީ އަންހެނެއް!!.. މޮޔަ މީހެއް” އަލާނިޔާ ބުެލިއެވެ. އެޔާއެކު ޔުސްރާގެ ސަމާލުކަމެއް އަލާނިޔާއަށް ހުސްކޮށްލިއެވެ.”އިނގޭތަ. އޭނަގެ ކަރުމަތީ އިނދޭ ކަޅުތިލައެއްވެސް. އެންޑް އަހަރެން ބޮލުގަ ޖާހާފަ ގެންގޮސް ގަސްތެރެއަށް އިނގޭ އެއްލާލީ.. އޭރަކު އެއްކޮށް ހެޔެއް ނުނެތޭ..ދެބަދޭތެރޭ އޮތީ.. އިރުކޮޅަކުން އިވުން އޭނަ ރުއި އަޑު. ދެން ކީ ތިމަންނަޔަށް އެހެން ނުހަދާށޭ.. ހެޔޮނުވާނޭ..ޔުސް.. ބުނީމެއްނު އެމީހާގެ ޑީ. އައި.ޑީ ހުންނަވާހަކަ ދޯ؟އަހަންނަށް ހީވަނީ އޭނަގެ ހުންނަ ޕާސަނަލިޓީގެ ތެރެއިން އެކަކު ރަނގަޅުހެން. އެކަމަކު އަހަންނޭ ކީމަ ހައިރާންވި” އަލާނިޔާ ފަޑީގައި ލެގިލަމުން ކިޔައިދިނެވެ.

ޔުސްރާގެ ހަނދާނަށް އައީ އެންމެ ފުރަތަމަ އެ މީހާ ހޯދަންދިޔަ ދުވަހެވެ. އެދުވަހު އެ މީހާވެސް ބުނީ އެއީ އާލް ކަމުގައެވެ. އެހެންވިރު އެއީ އަލާނިޔާއަށް ވެދާނެކަމަށް ޔުސްރާގެ ހިތްބުނެލިއެވެ. އެއީ ކުރީގައި އަލާނިޔާ އަމިއްލަޔަށް ކިޔާ އުޅުނީ އާލްކަމަށް ވުމުންނެވެ. “ލާނީ… އެކަހަލަ މީހުންގެ ގައިތެރޭގައި އެކި އެކި މީހުން އުޅޭނެހެން ހީވާނެ. އެކަމަކު ހަގީގަތަކީ އެމީހާގެ ސިކުނޑީގަ އަސްލު އެމީހުންގެ ކަންކަން ނަގައިގަނެފަ ހުންނަކަން.އަހަންނަށް ހީވަނީ ލާނީގެ ރޫ މަރެއް ނުވޭހެން. ލާނީ…އެއީ ރޫ..ރޫއަށް ލާނީގެ ޕާސަނިލިޓީ ލިބިފަ އެހެރީ..” ޔުސްރާ ކަންބޮޑޫވެފައި ބުނެލިއެވެ. އެޔާއެކު އަލާނިޔާ ދެލޯބޮޑުކޮށްލުމަށްފަހު ޔުސްރާއާ ދިމާއަށް ބަލައިލިއެވެ.

ނުނިމޭ….

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.