siya

“މިފަހަރު މިއީ އަހަރުމެންގެ ފަހަރު ޓު ޓޭކް ރިވެންޖް.އީޝް ބުނާ ގޮތް ހަދާނަން ދޯ.” ވިހަ ހިނިތުންވުމަކާއެކު އާޝާން އަށް ދޯ ދިނީ ރަޔާން ބަރުބާދު ކޮށްލާނެ މޮޅު ޕްލޭނެއް ހިތުގައި ރާވާލަމުންނެވެ. ރަޔާން އެރޭ ގެއަށް ދެވުނު އިރު އިރުއޮއްސިޖެއެވެ. ޒާއިޤު ގާތުގައި އިން ގަޑީ ފޯނު ނިވުނު ގޮތަށް ޗާޖު ކުރާކަށްވެސް ރަޔާން ހަނދާން ނެތުނެވެ. ފޯނު ޗާޖަށް ޖަހާލުމަށްފަހު ރަޔާން ދިޔައީ ފެންވަރާލާށެވެ. މުޅި ދުވަހު ސިކުނޑި ބަރުވެފައި ހުރި ރަޔާންއަށް ކުޑަނަމަވެސް ހިތްހަމަޖެހުމެއް ލިބުނީ ހަށިގަނޑަށް އޮހެމުން ދިޔަ ފެންތިކި ތަކުންނެވެ. އެކަމުންވެސް އެންމެ އެދެވޭ ތަސައްލީއެއް އެ ހިތަކަށް ނުލިބުނެވެ. އާޝާންގެ މާފު ނުލިބޭހާ ހިނދަކު ރަޔާންގެ ހިތަށް އެއްވެސް ހިތްހަމަޖެހުމެއް ނެތެވެ. އެއީ ދުވަހަކުވެސް ވާނެ ކަމެއް ނޫންކަން ރަޔާން ޤަބޫލުކުރެއެވެ. ޚިޔާލްތަކަށް ގެއްލިފައި ހުރި ރަޔާން ސިއްސައިގެން ދިޔައީ އޭނާގެ ފޯނު ރިންގް ވަމުން ދިޔަ އަޑަށެވެ. ވަރަށް އަވަސް ކޮށްލައިގެން ނުކުތް އިރު މަންމަ އާއި ދޮންބެެގެ މިސްޑް ކޯލްތައް ހުއްޓެވެ. އެހާ ވަރަށް ގުޅާފަ ހުރުމުން ބައްޕަ އަށް ކަމެއް ވީ ހިތައި ރަޔާން އަވަހަށް ގުޅާލިއެވެ. ” ދަރިފުޅާ ރަޔާން. ފޯނު ނިއްވާލައިގެން ކީއް ކުރަނީތަ؟ ކިހާ ވަރަކަށް މަންމަ އަށް ގުޅުނު.” ފޯނު ނެގުމާއެކު އެންމެ ފުރަތަމަ ވެސް މަރީނާ ކޮށްލީ ޝަކުވާއެވެ. ” ޗާޖު ހުސްވެގެން ނިވިފަ އޮތީ. އޮފީސް ނިންމާލާފަ އިރުކޮޅެއް މިވީ ގެއަށް އައިތާ. ބައްޕަ ކިހިނެއްތަ؟” މަރީނާގެ ސުވާލުތަކަށް ޖަވާބު ދިނުމަށްފަހު ރަޔާން އޭނާގެ ބައްޕަގެ ހާލު ބަލާލިއެވެ. ” ބައްޕަގެ ވާހަކަ ދައްކަންވެގެން މަންމަމެން އެހާވަރަށް ގުޅީ.” މަންމަ ދައްކަން އުޅޭ ވާހަކަ ނޭގޭތީ ރަޔާން ހުރީ ހާސްވެފައެވެ. ” ބައްޕަ މިހާރު ކޯމާއިން ބޭރުވެއްޖެ. އިރާދަކުރެއްވީތީ ބައްޕަގެ ހާލު ވަރަށް ރަނގަޅު.” މަންމމަގެ ވާހަކައިން މަންމަ އުފާވެފައި ހުރި ރަޔާންއަށް އިހުސާސްވިއެވެ. ” ހަފްތާއެއްގެ ތެރޭ ދޫކޮށްލާނެ ވާހަކަ ޑޮކްޓަރު ބުނީ.” ބައްޕަ ހެޔޮހާލުގައި ވީތީ ރަޔާން ވެސް ހުރީ ހިތްހަމަޖެހިފައެވެ. “ދަރިފުޅު ފަހުން ގުޅާ އިގޭ. ދޮންބެ ވެސް މިވަގުތު ބިޒީ.” އޯކޭ އޭ ބުނެލަމުން ރަޔާން ފޯނު ކަނޑާލިއެވެ. ހުރެވުނީ ފާޚާނާއިން ނުކުތް ގޮތަށް ކަމުން ސޯޓަކާއި ޓީޝާޓެއް ލައިގެން ރަޔާން އެދުމަތީގައި އޮށޯތެވެ. ރަޔާންގެ ސިކުނޑީގައި ރާވަމުން ދިޔައީ އާޝާންގެ ކިބައިން މާފަށް އެދޭނެ ގޮތަކާމެދުގައެވެ. ނަމަވެސް މާޒީގެ ކަންތައްތައް ހަނދާން ވަމުން ދާތީ ހައްތަހާވެސް ރަޔާން ފަސްޖެހެވެނީއެވެ. ********************************************************************************* އާޝާން އާއި އެކު އެހާ ގާތްވެވުމުން އަނެއްކާވެސް އެކަމަށް ރަޔާން ބޭނުންވަމުން ދިޔައެވެ. އާހިލް އާއި އާރިމް އާއި ދެމީހުންނަށްވެސް ރަޔާން މިކަން ސިއްރު ކުރިއެވެ. އެދެމީހުން އާޝާން އާއި ގާތްވާކަށް ރަޔާންގެ ހިތެއް ނުރުހެއެވެ. ނަމަވެސް އެންމެ އަންހެންކުއްޖަކަށްޓަކާ ރަޔާންގެ އުޅުން ބަދަލު ކުރާކަށް ރަޔާންއެއް ނުވިސްނައެވެ. ކުރިއެކޭ އެއްގޮތަށް ރަޔާން އުޅުނީ އާހިލްމެންވެސް އުޅުނު މަސައްކަތުގައެވެ. ” ޔާން އެއީ ރަނގަޅު ގޮތެއް ނޫނެއް ނު. އާޝާ ވެސް ދެރަވޭ މިހާރު އެހެން އުޅެވުނީމަ. އަދި ޔާން ކައިރީ ބުނަން ޖެހޭ ބޮޑު ވާހަކައެއްވެސް އެބަ އޮތް” ރަޔާން އަނެއްކާވެސް ދިމާކުރަން ބުނުމުން  ކުރީ ދުވަހުގެ ހަނދާންތައް އާވުމުން އާޝާން ދެކޮޅުހެދިއެވެ. “ކަމޯން އޭޝް އެކަކަށްވެސް ނޭގެ އެންނު. ދެޓްސް އަ ސީކްރެޓް ބިޓްވީން އަސް. އައި ލަވް ޔޫ ސޯ މަޗް އޭޝް. އޭޝް އަށް ދެރަގޮތެއް ނުވާނެ އޭ. އައި ޕޮރޮމިސް.” ރަޔާން އެކި ގޮތް ގޮތަށް އާޝާންގެ ވިސްނުން ބަދަލުކުރަން ވާހަކަ ދައްކަމުން ދިޔައެވެ. އެންމެފަހުން އެކަން ކާމިޔާބު ކުރިވެސް މެއެވެ. އަންނަ ހުކުރު ދުވަހު ދިމާވާން ރަޔާން އާޝާން އެއްބަސްކުރުވިއެވެ. އެންމެނަށް ސިއްރުން ރަޔާން ދިޔައީ އާޝާން އާއި ބައްދަލު ކުރަމުންނެވެ. ރަޔާން އެމީހުންނަށް ކަމެއް ސިއްރު ކުރާކަން އާހިލް އަށް ޝައްކު ވާތާ ދުވަސްކޮޅއެ ވެއްޖެއެވެ. އާހިލް ދިޔައީ ރަޔާން އަށް ފާރަލަމުންނެވެ. އާހިލް އަށް އެކަން ކާމިޔާބު ވީ އޭގެ ތިން ހަފްތާ ފަހުންނެވެ. އެއީ އެންމެންގެ ދިރިއުޅުން އެފުށް މިފުށަށް ޖަހާލި ދުވަހެކެވެ. ރަޔާން ގެ ފޯނުން އާޝާން އާއި ދެމީހުން ދައްކާފައި ހުރި ވާހަކަތައް ރަޔާން އަށް ފެނުނު ވަގުތުން ފެށިގެން އާހިލް އިންތިޒާރު ކުރަމުން ދިޔައީ ހަވީރު ވާނެ ވަގުތަކަށެވެ. އާރިމް މެން ގޭގައި ދިމާކުރާނެ ވާހަކަ އޮތުމުން އާހިލް ހުރީ އެގޭގައި އެއްވެސް މީހަކަށް ނޭގޭނެހެން ފިލައިގެންނެވެ. އާރިމް ދިޔައީ އެދުވަހު ހުޅުމާލެއަށެވެ. ރަޔާން އާޝާން ގޮވައިގެން އެ ގެއަށް ދިޔައިރު އާހިލް ހުރީ އިންތިޒާރުގައެވެ. އޭރުވެސް އާހިލް ހުރީ ހަމައިގައެއް ނޫނެވެ. އާހިލް އާޝާން ބޭނުންވެގެން އުޅޭތާ ކޮންދުުވަހެއް ހެއްޔެެވެ. އާޝާން އާއި ރަޔާންގެ ހުރިހާ ކަމެއް އާހިލް ދިޔައީ ވީޑިއޯ ކުރަމުންނެވެ. ” ވާއު.ވާއު ” އަތްތިލަބަޑި ޖަހަމުން އާހިލް އެންމެ ފަހުން ރަޔާން މެންނަށް ފެންނަހެން ނުކުމެ ވާހަކަ ދައްކަން ފެށިއެވެ. އާހިލްގެ އަޑަށް ރަޔާން މެން ދިޔައީ ސިއްސައިގެންނެވެ. އާޝާން ބިރުން ހުރެ ރަޖާ އިން ހަށިގަނޑު ފޮރުވަމުން ދިޔައެވެ. ” ވަޓް ދަ ހެލް އާހިލް. ކައެ މިތާ ކީއްކުރަނީ.” ހިތްހަމަނުޖެހިފައި ހުރެ ރަޔާން ވާހަކަދެއްކިއެވެ. ” ކަލޭ ވަރަށް އެ މަންޖެ ވަރަށް ފޮރުވައިގެން ގެންގުޅެފީމެންނު. އަދި އެވެސް އަހަރުމެންގެ އުސޫލުތަކާއި ޚިލާފަށް.” އާޝާން އަށް ބަލާލަމުން އާހިލް ބުންޏެވެ. އާޝާން އިނީ ބިރުން ހަލާކުވާ ވަރު ވެފައެވެ. ” ލުކް މޭން. މިއީ މަގޭ އަމިއްލަ ކަމެއް ކަލޭ މެން ދުރުގަ އުޅޭ.” އާހިލް ފަހަތަށް ކޮށްޕާލަމުން ރަޔާން ބުނެލިއެވެ. ” ކުރިންވެސް އަހަރުމެން ޝެއަރ ކޮށްގެން ނު އުޅެނީ. މިހާރު ކީއްވެ ވަކި؟؟ އަނެއްކާ މާ ރީތި ކުއްޖެއް ތަ؟” އާހިލް އާޝާން ބޭނުންވެފައި ހުރި ވަރުން ކިޔޭ ނުކިޔޭ އެއްޗެއްވެސް ނޭގެއެވެ. އާޝާން އިނީ އާހިލް ދެއްކި ވާހަކަތައް ޤަބޫލުކުރަން ދަތިވެފައެވ. ރަޔާން އަކީ އެކަހަލަ މީހެއް ހެއްޔެވެ. މިހުރިހާ ދުވަހު އާޝާން އާއި އެކު އުޅުނީ ލޯބިވާތީ ނޫންހެއްޔެވެ. އާޝާން ގެ ލޮލުން ކަރުނަ ފައިބަމުން ދިޔައީ އެއްވެސް އިޚުތިޔާރަކާ ނުލައެވެ. ” ޝަޓްއަޕް. ހަމަ މިހާރު ނުކުމޭ މިތަނުން .” ރަޔާން ރުޅި އައިސްގެން ހީވަނީ ދެންމެ ދެންމެ އާހިލް ގައިގަ ޖަހާފާނެ ހެންނެވެ. ” ވަރަށް ރީއްޗަށް މިކަން ނިންމާލަން ހިގާ ދޯ. އެމަންޖެ އެކީ މަށަށް ޓައިމް ދީފަ ރަޔާން ބޭރަށް ދާންވީ އޯ މި ވީޑިޔޯ ކޮޅު ފޮނުވާލާނީ.” އަތުގަ އޮތް ފޯނުން ދެންމެ ކުރި ވީޑިޔޯ ޕްލޭ ކުރަމުން އާހިލް ވާހަކަ ދެއްކިއެވެ. އާޝާން ބިރުން ނޫނެކޭ ބުނެ ރޮއެގަތެވެ. ރަޔާން ހުރީ ސިކުނޑި ސުމަކަށް ގޮއްސައެވެ. އާހިލް ކިހެން ކަންތައް ކުރާނެ ކަމަކަށް ރަޔާން ދުވަހަކުވެސް ހިއެއް ނުކުރަމެވެ. ރަޔާން ބަލާކަށް ނުހުރެ އާހިލް ގައިގައި ތަޅައިގަތެެވެ. އެވަގުތު އާހިލް އަތުގައި އޮތް ފޯނު ބިންމައްޗަށް ވެއްޓުނެވެ. ވަގުތު ބަލާފައި ރަޔާން ފޯނު ނަގައިން އެ ވީޑިޔޯ ޑިލިޓް ކޮށްލިއެވެ. “ހެހެ ޓޫ ލޭޓް ބްރޯ. އައި ހޭވް އޯލްރެޑީ ސެންޓް އިޓް.” ވިހަ ހިނިތުންވުމަކާއެކު އެހެން ބުނެލުމަށްފަހު ރަޔާން ގައިގައި ތަޅައިގަތެވެ. އާހިލް ރަޔާން ދުރަށް ކޮށްޕާލި ވަގުތު މޭޒުގައި ބޯ ޖެހި ރަޔާން ގެ ޚަބަރު ހުސްވެެގެން ދިޔައެވެ. މަންޒަރު ބަލަން އިން އާޝާން އިނީ ރޮއެ ރޮއެ ހަލާކުވާ ވަރު ވެފައެވެ. އާހިލް އާޝާ އާއި ގާތްވަމުން ދިޔަ ވަރަކަށް އާޝާން ނޫން ނޫން އޭ ބުނެ ހަޅޭލަވަމުން ދިޔައެވެ. ނަމަވެސް އެ އަޑުތައް އިވުމަށް ވުރެ އާހިލް ހުރީ ހަމައިން ނެއްޓިފައެވެ. އާޝާންގެ ދޮން ހަށިގަނޑު ނޫން އެހެން އެއްޗެއް އާހިލް އަކަށް ނުފެނެއެވެ. އެންމެފަހުން އާހިލް ހިތްހަމަޖެހޭވަރު ވުމުން އެތަނުން ނުކުމެގެން ދިޔައީ އާޝާން އާއި ރަޔާން އެތިބި ހާލަށް ދޫކޮށްލާފައެވެ. އަމިއްލައަށް މަރުވެދާނަމޭ ހާސް ފަހަރު އާޝާން ހިތަށް އެރިއެވެ. ރޮއެ ރޮއެ އެންމެ ފަހުން މީހާ ހަލާކު ވާ ވަރު ވުމުން އާޝާން ހިތްވަރު ކޮށްފައި ތެދުވެ ރެޑީ ވެލިއެވެ. ރަޔާން އަށް ގޮވާކަށް އާޝާންގެ ހިތް އެއްބަސް ނުވިއެވެ. އެ ފަދަ މީހެއްގެ މަޅީގައި ޖެހުނީތީ އާޝާން އަމިއްލަ ނަފުސު ދެކެ ރުޅި އާދެވުނެވެ. ރަޔާންގެ ބެވަފާތެރިކަން ހިތަށް އެރުމުން އެހިތަށް ތަދުވަމުން ދިޔައެވެ. އެވަގުތަކީ ރަޔާންއަށް ވެސް ހޭލެވުނު ވަގުތެވެ. އަވަހަށް ތެދުވެ އާޝާން ވިސްނަދޭން މަސައްކަތް ކުރަމުން ދިޔައެވެ. ” ޑޯންޓް ޓަަަަަޗް މީ. އޭޝް ރަޔާން އަށް ނުކުރަނީ ކޮން އިތުބާރެއް. ބުނިހާ އެއްޗެއް ޤަބޫލު ކޮށްގެން އޭޝް ހުރީ. އެކަމް ރަޔާން ބޭނުން ވީ އެހެން ކަމެއް. އެވެސް އޭޝް އެކަންޏެއް ނޫން އެހެން ކުދިންނާ ވެސް އެއްކޮށް.”އާޝާން އަށް ރޮވޭ ވަރުން ވާހަކަ ވެސް ނުދެއްކުނެވެ. ރަޔާން އަށް ދައްކާނެ ވާހަކައެއްވެސް ނޭގުނެވެ. ފުރަތަމަ ފަހަރަށް އާޝާން ގެ ފެންކަޅިވެފައިވާ ލޯ ފެނުމުން ރަޔާން ގެ ހިތަށް ނޭގޭ ގޮތެއް ވެގެން ދިޔައެވެ. ” އާޝާން ޕްލީޒް ލިސެން ޓު މީ. އެއީ އެހެން ވި ކަމެއް ނޫނޭ. އާހިލް ދޮގު ހެދީ .’ ރަޔާން އަށް އޭނާގެ ދިފާއުގައި ދައްކާނެ ވާހަކައެއް ނޭގުމުން ދޮގު ހެދީ އާޝާން ގެއްލެން ބޭނުން ނުވާތީއެވެ. “އިތުރަށް ދޮގު ހަދާނެ ކަމެއް އައި ވޯންޓް ބިލީވް ޔޫ. ރަޔާންގެ ރައްޓެހި ރަހުމަތްތެރިޔާ އަހަރެންނާއެކު އަހަރެންގެ ނުރުހުމުގަ އެވައްތަރަް އުޅުނު އިރު ކިހިނެތް އަހަރެން ޤަބޫލު ކުރާނީ ރަޔާން ތި ދައްކާ ވާހަކަ ތައް. ” އާޝާން ރޮމުން ދިޔައެވެ. ” އަހަރެން މިއުޅެނީ ކިޔަވަން ފުރަންވެގެން. ދުވަހަކުވެސް ތި ރަޔާންގެ ސޫރައެއް ދެކޭކަށް ބޭނުމެއް ނޫން. އަހަރެންގެ ވީޑިޔޯ އެ ފޮނުވި މީހަކަށް ފޮނުވާފަ ޔޫ ރުއިންޑް މައި ލައިފް. އެންޑް ވަން ޑޭ އައި ވިލް ރުއިން ޔުއާރސް.” އިތުރަށް ވާހަކަ ދައްކާނެ ހިތްވަރެއް ނެތުމުން އާޝާން ދަބަސް ހިފައިގެން ނުކުމެގެން ދިޔައެވެ. އެއްވެސް ބަހެއް ނުބުނެ ރަޔާން ހުރީ ހިމޭނުންނެވެ. އާޝާން ހުއްޓުވާކަށްވެސް މަސައްކަތެއް ނުކުރެއެވެ. ************************************************************************************************************************  

“އޭ ބްރޯ ވަރަށް ބޮޑު ކަމެއް ވެއްޖެ ދޭބަ ސީހައުސްއަށް މަ މިދަނީ މިހާރު.” ފޯނުން ވާހަކަދައްކަމުން މޭޒުމަތީގައި އޮތް ތަޅުދަނޑި ނގައިގެން ރަޔާން ދިޔައީ ބޭރަށެވެ. ސައިކަލު ދުއްވަމުން ދިޔަ އިރުވެސް ރަޔާން ގެ ސިކުނޑިވަނީ އާޝާންގެ ޚިޔާލްތަކުން ފުރިފައެވެ. އާޝާންގެ ފެންކަޅިވެފައިވާ ދެ ލޯ ރަޔާންގެ ހިތް އިތުރަށް ޒަޚަމް ކުރަމުން ދިޔައެވެ. ދިހަ ވަރަކަށް މިނެޓުތެރޭ ރަޔާން ގޮސް މަޑުކޮށްލީ ސީހައުސް އަށެވެ. އަވަސް ފިޔަވަޅުތަކެއްގައި ރަޔާން ގޮސް މަޑުކޮށްލީ އޭނާގެ އެންމެ ގާތް ރަޙުމަތތެރިޔާގެ ކައިރީގައެވެ. ” ކިހިނެތް ވެފަ މާ ހާސްވެފަ ތިހިރީ. އަނެއްކާ ރީތި ބިޓެއް ފެނުނީތަ؟” ރަޔާން އަށް ވެފް އިން ގޮތް ފެނުމުން ޒާއިޤު އަހާލިއެވެ. ރަޔާން އެއްޗެކޭ ނުބުނެ އިންނަން ފެށުމުން ބޮޑު ކަމެއް ވެއްޖެ ކަން ޒާއިޤަށް ވިސްނުނެވެ. ” އައި ސޯ ހާރ.” އެއިން ގޮތަށް އިދެ ރަޔާން ބުނެލިއެވެ. ” ވަޓް!!! ކޮންތާކުން؟؟” ޒާއިޤުވެސް ހައިރާންވެފަ އަހާލިއެވެ. ” އޮފީހުގެ ނިއު އެކައުންޓެންޓް. އެދުވަު އިންޓަވިއު ލިސްޓު ބެލިއިރު އޭނަގެ ނަން އޮތް. މަށެއް ހިއެއް ނުކުރަން އޭނައަށް ވެދާނެ ކަމަށް. އަނެއްކާ އެދުވަހު ބައްޕަ ބަލިވެގެން މެލޭ އަށް ދިޔަ ދުވަސް. މަށަކަށް ނޭގެ ދެން ހަދާނެގޮތެއްވެސް. ދުވަހަކުވެސް މާފެއް ނުކުރާނެ.” ރަޔާން ހުރީ ވަރަށް ދެރަވެފަ ކަން އޭނާގެ ވާހަކަތަކުން ޒާއިޤުއަށް އެގުނެވެ. ” ޔާންއަށް އޭރުވެސް ނަސޭހަތް ދިނިން. އެގޮތަށް ނޫޅޭށޭ. ޔާން އަށް އޭރު މުހިއްމު ނުވި އަހަރެންގެ ވާހަކަތައް. އެ ގެންގުޅުނު ރައްޓެހިން ޔާން ރަނގަޅަށް ހަލާކުކޮށްލާފަ ތިހިރީ. ފަހަރަކު އަންހެންކުއްޖެއްވިއްޔާ ގެންގުޅުނީ.” ޒާއިޤު ވަރަށް ހިތްހަމަނުޖެހިފައި ހުރެ ވާހަކަދެއްކިއެވެ. ” މަށަށް އިގެޔޭ ތިކަން. އޭނަ ދެކެ ލޯބިވާނެއޭ މަށެއް ހިއެއްނުކުރަމޭ. އެހެންނޫންނަމަ އެހެން ކަންތައް ނުކުރީސް. މަށަކަށް ނޭނގެ ދެން އޭނައާއި ފޭސް ކުރާނެ ގޮތެއްވެސް. ” ރަޔާންވެސް އޭނަގެ ހިތުގެ އުދާސްތައް ބޭރުކުރަމުން ދިޔައެވެ. ” އާޝާން އެއްޗެކޭ ބުނިތަ؟” ޒާއިޤު ސުވާލުކޮށްލިއެވެ. ޒާއިޤުގެ ސުވާލަށް ނޫނެކޭ ބުނުމުގެ ގޮތުން ރަޔާން ބޯ ހޫރާލިއެވެ. ” މަށަކަށް ނޭގެ ބުނާނެ އެއްޗެއް. ތިކަމުގަ 100% ގޯސް ހެދީ ރަޔާން. ކޮންމެގޮތެއްވިޔަސް ރަޔާން އާޝާން ބޭނުމިއްޔާ އޭން ކޮންވިންސް ކުރޭ. ތެދު ތެދަށް ހުރިހާ ވާހަކައެއް ކިޔާދީ.” ޒާއިޤުގެ ވާހަކަތައް ރަޔާން އަޑުއަހަމުން ދިޔައީ ކުއްވެރިއެއް ފަދައިންނެވެ. އަޞުރު ނަމާދަށް ބަންޤި ގޮވީ އެދެމީހުން އެހެން އާޝާންގެ ވާހަކައިގައި ތިއްބައެވެ. އޮފީހުން ނުކުމެގެން ގެއަށް ދިޔައިރު އާޝާން ހުރީ ރޮއެ ރޮއެ ހަލާކުވެފައެވެ. ނަސީބު ރަނގަޅުކަމުން ގޭގަ އެކަކުވެސް ނޫޅެއެވެ. ދިޔަ ގޮތަށް ގޮސް އާޝާން ވެއްޓިގަތީ އެނދު މައްޗަށެވެ. އޭރުވެސް އެ ދެ ލޮލުން ކަރުނަ ފައިބަމުން ދިޔައެވެ. އެ ހިތަދަތި ދުވަސްތައް އާޝާން އަށް ހަނދާންވަމުން ދިޔައެވެ. ********************************************************************************* އާޝާން އާއި ރަޔާން އެންމެ ފުރަތަމަ ދިމާވީ އެދެމީހުން ގްރޭޑް ދިހައެއްގަ އުޅެނިކޮށެވެ. އާޝާންގެ މަންމަ އާއި ބައްޕަ ވަރިވުމުން އަޝާން ނުވައެއް ނިންމި އަހަރު އެދެމައިން މާލެ ބަދަލުވީ އާޝަންގެ މަންމައާއި އެއްބަނޑު އެއްބަފާ ދައްތަ ކައިރިއަށެވެ. އާޝާން އަކީ ކިޔެވުމަށް މޮޅު ކުއްޖެއް ކަމުން ވަރަށް ފަސޭހައިން އަހްމަދިއްޔާ ސްކޫލް އިން ޖާގަ ލިބުނެވެ. އަހްމަދިއްޔާގައި ކިޔަވައިދެނީ އަންހެން ފިރިހެން ވަކިން ކަމަށް ވުމާއެކު ދެޖިންސުގެ ކުދިން އެހާ ގިނައިން ދިމާނުވެއެވެ. ރަޔާން އަށް އެންމެ ފުރަތަމަ އާޝާން ފެނުނީ ސްކޫލް ފަށައިގެން ވަރަށް ދުވަސް ވެފައި ވަނިކޮށެވެ. އެންމެ ފުރަތަމަ ފެނިލުމުންވެސް އާޝާންގެ އެ ރީތި ސޫރަ ރަޔާންގެ ހިތުގައި ބިންވަޅުނެގިއްޖެއެވެ. އާޝާން ހާސިލްކުރުމަށް އެ ވަގުތު ހިތުގައި އަޒުމް ކަނޑައެޅިއެވެ. ނަމަވެސް ޙަޤީޤަތަކީ އެޔަށްވުރެ މާ ކުރިން އާޝާންއަށް ރަޔާން ފެނިފައިވާ ކަމެވެ. ރަޔާން ދެކޭ ހިތްވާ ކަމެވެ. ރަޔާންއާއި ވާހަކަދައްކަން ބޭނުންވާ ކަމެވެ. ނަމަވެސް ހިތުގައި އެ ހުރިހާ ކަމެއް ފޮރުވައިގެން އުޅުނީ އޯލެވެލްގެ ފަހު އަހަރު ކަމަށް ވުމާއެކު ކިޔެވުމަށް އިސްކަންދޭންވެގެންނެވެ. ނަމަވެސް ރަޔާން ދިޔައީ އާޝާން ހާސިލްކުރުމަށް ކުރެވެން ހުރި ހުރިހާ ކަމެއް ކުރަމުންނެވެ. އެންމެފަހުން އާޝާން އެ ގުޅުމަށް އާއެކޭ ބުނީ ރަޔާން ބޭނުންވާލެއް ބޮޑުކަމުންނެވެ. ދެމީހުންގެ ގުޅުން ކުރިއަށް ދިޔައީ އެއްވެސް މީހަކަށް ނޭގޭ ގޮތަށެވެ. ރަޔާން އާއި ރައްޓެހި ވިއެއް ކަމަކު އާޝާން ސްކޫލް ނިންމާލީ މުޅި ސްކޫލުން އެއްވަނަ ހޯދަމުންނެވެ. ސްކޫލް ނިމުމުން އާޝާން އަށް ކުޑަ ނަމަވެސް މިނިވަން ކަމެއް ލިބުނެވެ. އޯލެވެލްގެ ގަދަ ތިން ވަނައިގައި ހިމެނުމުން އާޝާންގެ ބައްޕަ ހަދިޔާއަކަށް ފޯނެއް ދިނުން ވެގެން ދިޔައީ އެ ގުޅުން ކުރިއަށް ގެންދަން ލިބުނު ރަނުގެ ފުރުސަތަކަށެވެ. އާވާރާވެފައިވާ މީހެއް ފަދައިން އާޝާން ހޭދަކުރަމުން ދިޔައީ ރަޔާންގެ ޚިޔާލްތަކުގައެވެ. ދަރިފުޅުގެ އުޅުމަށް މިއައި ބަދަލު އާޝާންގެ މަންމަ ޝާހީން ދިޔައީ ވަރަށް ކައިރިން ބަލަމުންނެވެ. ނަމަވެސް އެކަމާ އެހާ ބޮޑަށް އަޅާނުލީ އެ އުމުރުގައި ކުދިންގެ ޚިޔާލު ޝާހީންއަށްވެސް އިގޭތީއެވެ. ދަރިފުޅަށް އެހާ މަޖުބޫރުކޮށްގެން އުޅެން ބޭނުންނުވާތީއެވެ. ދުވަހަކީ ހުކުރު ދުވަހެއް ކަމުން އާޗާން އާއި އޭންގެ މަންމަ ދިޔައީ ޝޮޕިންގ އެއް ކޮށްލާށެވެ. މަންމައާއި އެކު ފިހާރަތަކަށް ވަންނަމުން ދިޔަ އާޝާންގެ ނަޒަރު ހުއްޓުނީ ސައިކަލު ދުއްވަމުން ދިޔަ ރަޔާންއަށެވެ. އާޝާންގެ ހިނިތުންވެ ހުރި މޫނު ބަދަުލުވާކަށް ގިނައިރެއް ނުނަގައެވެ. ފަހަތުގައި ކޮންމެވެސް އަންހެންކުއްޖަކު ރަޔާންގެ ގައިގައި ބައްދާލައިގެން އިނެވެ. އެދެމެދުގައި ވައިރޯޅިއެއް ދާނެހާ ޖާގައެއްވެސް ނެތެވެ. ވަގުުތުން އާޝާންގެ ލޯ ފެންކަޅިވެގެން ދިޔައެވެ. އެތައް ހާސް ޝަކުވާއެއް ރަޔާންއާއި ކުރަން ބޭނުންވިއެވެ. ނަމަވެސް މަންމަ ކައިރީގައި ހުރުމުން އާޝާން އެނާގެ އުހުސާސްތައް އެތެރޭގައި ހިފަހައްޓާލިއެވެ. ގެއަށް ދެވުމުން އާޝަން އެންމެފުރަތަމަ ވެސް ގުޅީ ރަޔާން އަށެވެ. ރަޔާން ފޯނު ނެގުމުން އާޝާން ފެށީ ރޯށެވެ. ހާސްވެފައި ހުރި ރަޔާން ވީ ކީއްތޯ އެހުމުން އާޝާން ހުރިހާ ވާހަކައެއް ކިޔާދިނެވެ. ރަޔާން ވާހަކަ ހަމަޖައްސާލީ އެއީ ކަޒިން ކުއްޖެކޭ ބުނަމުންނެވެ. ތަނަކަށް ގެންގޮސްދޭން ދިޔައީ ކަމުގައި ރަޔާން ބުންޏެވެ. އާޝާން ދެކޮޅު ހެދުމެއްނެތި ރަޔާން ގެ ވާހަކަ ޤަބޫލްކުރީ އޭނަ ދެކެ ވާ ލޯތްބެއްގެ ބޯޑުކަމުންނެވެ. ” ހެހެ.. ކަލޭމެން ބުނީމެންނު މަށަކަށް އާޝާން ނުލިބޭނެއޭ. މިހާރުވެސް މަ ކިޔާ ކޮންމެ އެއްޗެއް ޤަބޫލުކޮށްގެން އެ ހުންނަނީ.” ފޯނު ބާއްވަމުން ރަޔާން އޭނަގެ އެކުވެރިން ކައިރީގައި ފޮނި ކަނޑާލިއެވެ. ” ކަލެއަށް ކަމެއް ވީ ކަމަށް ވާނީ މިކަމުގަ އޭނަ ބައިވެރި ކުރީމަ. އެންމެ ކުޑަ މިނުން އަހަރުމެންނަށް އިންޓްރޮޑިއުސްވެސް ނުކޮށްދެވޭ. މާ ފޮނިވެފަ ވާހަކަ ތި ދައްކަނީ.” އާހިލް އަތުގައި އޮތް ސިގިރެޓް އެތެރެއަށް ދަމާލަމުން ވާހަކަދެއްކިއެވެ. ” ވަގުތު އައިސް ޖެހުނީމަ ހުރިހާ ކަމެއް ވެސް ކުރާނަން.” އާހިލްގެ އަތުގައި އޮތް ސިގިރެޓް ނަގަމުން ރަޔާން ބުނެލީ ވަރަށް އަޒުމުގައެވެ. ރަޔާންމެން ތިބީ އާހިލްމެން ގޭގައެވެ. ސިގިރެޓަކަށް ފަހު ސިގިރެޓެއް ހުސްކުރަމުން ދިޔަ ދެ މީހުން މައްޗަށް ބަލާލި ކޮޓަރީގެ ދޮރު ހުޅުވަމުންނެވެ. އާރިމް އާއި ކޮންމެވެސް އަންހެންކުއްޖެކެވެ. ފަހަތުގައި ހުރި އާރިމް ލާނެތްގޮތަކަށް ހެވިފައި ރަޔާން މެންނާ ދިމާލަށް ބަލަމުން ގެއިން ނުކުމެގެން ދިޔައީ އެ އަންހެން ކުއްޖާ އެއްކޮށެވެ. ދިހަ ވަރަކަށް މިނެޓު ފަހުން އާރިމް އައިސް އާހިލް މެން ކައިރީ ޖައްސާލިއެވެ. ” މަށަށް ވެސް ދީބަލަ.” ރަޔާން އަތުގައި އޮތް ސިގިރެޓް ފޮށި އަތުލަމުން އާރިމް ބުނެލިއެވެ. ” ކަލެއަށް އަދިވެސް ނުފުދޭތަ ތީތި ތި ނެގީ.” އާރިމް އާއި ދިމާކޮށްލަމުުން ރަޔާން ބުނެލިއެވެ. ” ކައެ މެން ވީޑިއޯ ކޮޅު ފޮނުވާލައްޗޭ މަ މިދަނީ ނިދަން.”އެހެން ބުނެ އާރިމް ދިޔައީ މައްޗަށެވެ. އެމީހުންގެ މަަސައްކަތަކީ އެއީއެވެ. އަންހެންކުދިންނާ އެކު ނަހަމަ ގުޅުން ހިންަގުމަށްފަހު އެ ވީޑިއޯ ތައް ބޭރުގެ ސައިޓަކަށް ވިއްކަނީއެވެ. އާރިމްއާއި އާހިލް ލާރި ހޯދަން ކުރާ މަސައްކަތަކީ އެއީއެވެ. އެދެމީހުންނާއި ޖެހި ރަޔާން ހުރީ މަގު އޮޅިފައެވެ. ލާރި ނުލިބެތީއެއް ނޫނެވެ. އެއީ މާ “ކޫލް” ކަމެއްގެ ގޮތުގައި ރަޔަން އަށް ފެންނަތީއެވެ. އެނަގެ އެންމެ ގާތް އެކުވެރިޔާ ޒާއިޤުގެ ނަސޭހަތްތަކަށް ބީރު ކަންފަތެއް ދީ ގިނަވަގުތު ހޭދަކުރަމުންދިޔައީ އެދެމީހުންނާއެކުގައެވެ. އާޝާން އަށް މިއިން އެއްވެސް ކަމެއް ނޭންގެއެވެ. އެރޭ ނިދުމުގެ ކުރިން ރަޔާން އާޝާން އަށް ގުޅިއެވެ. ރަޔާން ވިސްނަމުން ދިޔައީ އާހިލް ދެއްކި ވާހަކަތަކަ މެދުގައެވެ. އާޝާ އަށް ގުޅާފައި ބައްދަލު ކުރަން އެދޭ ވާހަކަ ބުންޏެވެ. ފުރަތަމަ އިންކާރުކުރިޔަސް އާޝާން އެއްބަސްވީ މަންމަ ދޭނެ ޖަވާބަސް އިންތިޒާރު ކުރާ ހާލުގައެވެ. ފޯނު ބާއްވާފައި އަވަހަށް ނިދީ މާދަމާ އަކީ ބޮޑު ދުވަހަކަށް ވާނެ ކަމަށް އުއްމީދު ކުރަމުންނެވެ. ރަޔާން އާއި އެއްކޮށް ޑޭޓަކަށް ދާ ފުރަތަމަ ދުވަސް ކަމުން އާޝާންގެ ހިތްވަނީ އަވަސްވެފައެވެ. އެ ދުވަހު ފުރަތަމަ ފަހަރަށް މީހަކު ކައިރީގައި ރަޔާންގެ ވާހަކަ ދެއްކިއެވެ. އާޝާންގެ ކަޒިން އެއް ކަމަށްވާ އީޝަލްއެވެ. ޢީޝަލް ހުރީ ހައިރާންވެފައެވެ. މިހުރިހާ ދުވަހު އޭނައަށް ސިއްރުން އާޝާން އުޅުނު ގޮތް ހިތަށް އަރާފައެވެ. ” ބަޓް އައި ޑޯންޓޤ ތިންކް ހީ އިޒް އަ ގުޑް ގާއި. އެފް ބީ ގަވެސް ވަރަށް އަންހެން ކުދިންނާއެކު ފޮޓޯ ހުރޭ އެންޑް ކޮމެންޓްތައްވެސް. އީޝްމެން ސްކޫލްގަ އުޅުނު އިރުވެސް ލަވަރ ބޯއީ ގެ ނަމުން މަޝްހޫރުވެސް ވެފަ އިންނާނީ.” އީޝަލް އޭނައަށް އިގޭ ވާހަކަތައް އާޝާން އާއި ހިއްސާކުރިއެވެ. ” އީޝް އެީ ކުރީގެ ވާހަކަތަކޭ. ރަޔާން މިހާރު އެހެން ނޫނޭ. އޭނަ އާޝާ ދެކެ ވަރަށް ލޯބިވޭ.” ކުޑަކޮށް ހިތްހަމަނުޖެހިފައި ހުރެ އާޝާން ބުނެލިއެވެ. ” އޯކޭ އާޝާ ބޭނުން ގޮތެއް. އެކަމް ހީވޭތަ ކުޑައްތަ އޯކޭ ވާނެ ހެން ބޭރަށް ދާން.” އީޝަކް އޭނަގެ ހިތުގައި އޮތް ސުވާލު ކޮށްލިއެވެ. ” އެެހެންވެ އެންނު އީޝް ކައިރީ މިބުނަނީ ހެލްޕް ވާން. އީޝް އައި އެކު ދަންޏަ މަންމަ އޯކޭ ވާނެ. އެހެންނޫނަސް ދައްތަ ވަރަށް ކޫލް އެއް ނު.” އާޝާން އޭނަ ޕްލޭން ކުރި ގޮތް ކިޔާދެމުންދިޔައެވެ. އެދުވަހު ހަވީރު ދެކުދިން ތައްޔާރު ވަމުން ދިޔައީ ބޭރަށް ދިޔުމަށެވެ. އެހާ ފަސޭހައިން މަންމަގެ އާބަސް ލިބުމުން އާޝާން ހުރީ ވަރަށް އުފަލުންނެވެ. ރަޔާން އާއި ބައްދަލު ކުރަން ނިންމީ ރަސްފަންނު ސަރަހައްދުންނެވެ. ސައިކަލު މަތީގައި އާޝާން އަށް އިންތިޒާރު ކުރަމުން ދިޔަ ރަޔާން ބެލުނީ އަންހެން ކުއްޖެއްގެ އަތުގައި ހިފަހައްޓައިގެން ހުރެ ހިނގަމުން އަންނަ އާޝާންއަށެވެ. ނޫކުލައިގެ ޖީންސަކާއެކު ކަޅު ކުލައިގެ ޓޮޕެއް ލައިގެން ހުރި މޮޑެލަކަށް ވަކި ދޫނުކުރެއެވެ. އާޝާންގެ އެ ދިގު ފަން އިސްތަށިގަނޑު ވަޔާ ވިހުރެން ދޫކޮށްލާފައި އޮތެވެ. ރަޔާން އާއި އަރާ ހަމަކުރި އިރު އޭނާގެ ކަޅި ހުއްޓިފައިވީ އާޝާންއަށެވެ. “ރަޔާން.” އާޝާން ދެތިން ފަހަރު ގޮވާލުމުން ރަޔާން އަށް ހުރެވުނު ގޮތް ހަނދާން ވިއެވެ. ” ރީތި ކަމުން ބެލުނީ” ރަޔާން އަވަހަށް ބުނެލިއެވެ. ” ދެން ރަޔާން. އޯކޭ މިއީ އީޝަލް. އޭޝްގެ ކަޒިންއެއް.” އާޝާެ އީޝަލް ތަޢާރަފު ކުރުމުން ރަޔާން ހާއި އޭ ބުނެލިއެވެ. ބަދަލުގައި އީޝަލް ހިނިތުންވެލިއެވެ. ” އެންމެ ލަސްވެގެން ހައެއް ޖަހަން ވާއިރަށް އަންނާތި.” އެހެން ބުނެލަމުން އިޝަލް މިސްރާބު ޖެހީ ދުރުގައި ތިބި އޭނަގެ އެކުވެރިންތަކަށެވެ.  ލަދުން ހުރެ އާޝާ ރަޔާންގެ ސައިކަލު ފަހަތަށް އެރިއެވެ. ” ސީރިއަސްލީ ޔޫ ލުކް ސޯ ހޮޓް މައި ގާލް.” ރަޔާން އަށް ނުހުރެވިގެން ބުނެލިއެވެ. ” ދެން ރަޔާން ހާ ރީތި ވާން ޖެހޭނެ އެންނު އޭޝްވެސް.” ހެމުން ހެމުން އާޝާން ބުނެލިއެވެ. އާޝާން ފަހަތުގައި އިން ނަމަވެސް ރަޔާން ފެންނަމުން ދިޔައީ އާޝަންއެވެ. ފަސްވަރަކަށް މިނެޓު ތެރޭ ރަޔާން ސައިކަލު މަޑުކޮށްލީ އާހިލް މެންގޭގެ ކުރިމއްޗަށެވެ. ” ކޮނަތަނަކަށް މި އައީ.” އާޝާން އަހާލިއެވެ. ” މިއީ ފްރެންޑެއްގެ ގެއެއް. އޭޝް އާއި ވަކިން ދިމާކޮށްލަން ވެގެން މިތަން ހޯދީ. ނޫޅޭނެ ބަޔަކު.” ވަރަށް ލޯބިން ރަޔާން ވާހަކަ ދައްކަމުން ދިޔައެވެ. ޖެހިލުންވެފައި ހުރި ނަމަވެސް އާޝާން ރަޔާންގެ ފަހަތުން ދިޔައެވެ. އެތެރެއަށް ވަދެ ތަޅު ލުމަށްފަހު ރަޔާން ގޮސް އިށީނީ ބޮޑު ސޯފާގައެވެ. ފަހަތުން އާޝާން ވެސް އިށީނެވެ. ” ކަމޯން އޭޝް. ބިރުނުގަނެބަ. އައި ލަވް ޔޫ ސޯ މަޗް.” އާޝާން ގައިގައި ބައްދާލަމުން ރަޔާން ވާހަކަ ދެއްކިއެވެ. ޖެހިލުންވެފައި ހުއްޓަސް ރަޔާންގެ އެ ފިރުމުނަތަކުން އާޝާން ގެ ބިރު ކެޑި ރަޔާން އާއި ގާތްވެލިއެވެ. ދެން ވެގެން ދިޔައީ އާޝާން އެއްއިރެއްގައިވެސް ވާނެ ކަމަށް ހީކޮށްގެން ހުރި ކަންތައްތަކެއް ނޫނެވެ. ދެކޮޅުހެދި ނަމަވެސް އެންމެ ފަހުން އާޝާންވެސް ރަޔާން އަށް އެއްބާރުލުން ދެވުނީއެވެ. ” ޔާން މިއީ އަދީ ރަނގަޅު ކަމެއް ނޫނެއް ނު. އޭޝް ބިރުގަނޭ.” ހެދުން ލަމުން ދިޔަ އާޝާން ބުނެލިއެވެ. ” އެވަރު ކަމެއް ނޫނޭ އެއީ. އާޝާން އަށް އާ ވިޔަސް މި މި ބުނީ އަހަރުމެންނަށް އާ ކަމަކަށް ވިޔަސް އާއްމު ކަމެކޭ އެއީ. ދެން ބިރުނުގަނެ ރެޑީ ވެބަ.” ރަޔާން ވާހަކަ ހަދާލިއެވެ. އާޝާން ހުރީ ރަޔާންގެ ޖަވާބުން ހައިރާންވެފައެވެ. އެހާ ބޮޑު ކަމެއް ވެގެން ދިޔަ އިރުވެސް މީހާ ހަމަޖެހިފައި ހުރުމުންނެވެ. އިތުރަށޤ އެ ވާހަކަ ނުދައްކާ އާޝާން އަވަސްކޮށް ރެޑީ ވެލީ ގެއަށް ދާން ލަސްވާތީއެވެ. **********************************************************************************އާޝާން ސިއްސައިގެން ދިޔައި ދޮރުގައި ޓަކި ދޭ އަޑަށެވެ. އީޝަލް އައީކަަން އެގުމުން މޫނު ރީތި ކޮށްލަމުން ދޮރު ހުޅުވާލިއެވެ. އާޝާްންގެ ހުރިހާ ކަމެއް ދަންނަ އީޝަލް އެ ދެލޯ ސިއްރެއް ނުވިއެވެ. އާޝާ ގެންގޮސް އެދުމަތީގައި ބޭންދިއެވެ. އެއަށްފަހު ކުރުނުކޮށް ވީ ކީއްތޯ ސުވާލު ކުރަމުން ދިޔައެވެ. އެންމެފަހުން އާޝާން ރޮއެ ރޮއެ ފައި ހުރިހާ ވާހަކައެއް ކިޔާދިނެވެ. ” ޝްްޝްޝް.. ދެން ނުރޮއެ ހުއްޓާލާ. އޭނަ ބޭނުންގޮތެއް ހަދާފަ ނޫޅެވޭނެ . މިއީ އަހަރުމެންގެ ފަހަރު ޓު ޓޭކް ރިވެންޖް. އީޝަް ބުނާ ގޮތް ހަދާނަން ދޯ؟” ވިހަ ހިނިތުންވުމަކާއެކު އާޝާން އަށް ދޯ ދިނީ ރަޔާން ބަރުބާދު ކޮށްލާނެ މޮޅު ޕްލޭނެއް ހިތުގައި ރާވާލަމުންނެވެ.

ކްރައުން ޕްރައިވެޓް ލިމިޓެޑް އޮފީސް ކުރިމައްޗަށް ކާރު މަޑުކޮށްލުމާއެކު ޑްރައިވަރު ނުކުމެގެން ގޮސް ކާރުގެ ދޮރުފަތް ހުޅުވާލިއެވެ. އަތުގައި އޮތް އަވިއައިނު ލޮލަށް ހެޔޮވަރުކޮށްލަމުން ކާރުގައި އިން ޒުވާނާ އޮފީހުގެ އެތެރެއަށް ވަންނަން ހިނގައިގަތެވެ. އޮފީހަށް ވަދެވުމާއެކު ކޮންމެ މީހަކުވެސް އަދަބުވެރިކަމާއެކު ކޮއްޅަށް ތެދުވެ ގުޑް މޯނިންގ ސަރ އޭ ބުނަމުން ދެއެވެ. ބަދަލުގައި އެ ޒުވާނާ ވެސް ރީތި ހިނިތުންވުމެއް ހަދިޔާ ކޮށްލަމުން އޭނާއަށް ޚާއްސް ކުރެވިފައިވާ ކެބިނަށް ވަދެ ހަމަޖެހިލިއެވެ. ލޮލުގައިވާ އައިނު މޭޒުމަތީގައި […]