ވިންދޭ ލޯބި ތީ އެދޭ 60

އިއާން އެމަލުގައި އޭނަގެ ތުންފަތުގައި ޖައްސާ ބޮސްދިނުމަށްފަހު މިންހާގެ ތުނި ތުންފަތުގައި އެމަލުން ފިރުމާލިއެވެ. ލަދުން މިންހާގެ މޫނަށް ޖަންބުކުލަ ވެރިވިއިރު އިއާން ދިއްކޮށްލި މަލުގައި ހިފަމުން އަވަހަށް ދުރުވެލިއެވެ. އެވަގުތު އިއާން މިންހާގެ އަތުގައި ހިފަހައްޓާ އެއަތަށް ބޮސްދިން ގޮތުން މިންހާގެ ހަށިގަނޑުގައިވި ލޯލިތައް ކޮޅަށްޖެހިގެން ދިޔައެވެ. ލޯބީގެ ދުނިޔޭގައި ވަގުތު ހޭދަކުރަމުންދިޔަ ދެމީހުނަށް ސިޓިންރޫމުން ބޭރަށް ނުކުމެވެން ހުންނަ ދޮރު ހުޅުވުނު އަޑުއިވި ސިހިފައި ދުރުވެލެވުނެވެ. އޭރު ފޯނެއްގައި ހުރެ މާހިލް ބޭރަށް ނުކުންނަނީއެވެ. މާހިލް ފެނި މިންހާގެ ދެލޯ ބޮޑުކޮށްލެވުނެވެ. މަދު ސިކުންތުކޮޅެއްގެ ތެރޭގައި އޭނަގެ ހިތް ނުތަނަވަސްވެގެން ދިޔައެވެ. މާހިލްއަށް ހަގީގަތް އިނގިއްޖެނަމަ ވާނެ ގޮތަކާމެދު އޭނައަށް ވިސްނާލެވުނެވެ. ހިތުގައި ބިރުވެރިކަން އުފެދި އުނދަގުލުން ހިންދިރުވާލެވުނުއިރުވެސް މިންހާގެ ނަޒަރު ސީދާވެފައިވީ މާހިލްއަށެވެ. ބަގީޗާ ތެރޭގައި އޭނައަށް ބަލަހައްޓާއިގެން ތިބި މިންހާ އާއި އިއާން ފެނި މާހިލްގެ ހަރަކާތްތަކަށް މަޑުޖެހުމެއް އައެވެ. ދެމީހުންގެ މޫނު މައްޗަށް ވެރިވެފައިވި ކުލަވަރުން މާހިލްއަށް ވާނުވާ ވަރަށް ރަނގަޅަށް ނަގައިގަނެވުނެވެ. އެއާއެކު އޭނަގެ ތުންފަތުގައި ލާނެއް ހިނިތުންވުމެއް ދުވެލިއެވެ. މާހިލް އޭނަގެ ފޯނު ކޯލު ކުރުކޮށްލާާ އެދެމީހުންގެ ގާތަށް މިސްރާބުޖެހިއެވެ.

” އާން… މިންނު… މިއޮތް ހެނދުނާ މިތަނުގަ ކީއްކުރަނީ… ” ނޭނގޭ ކަމަށް ހެދެމުން މާހިލް އައިސް ސުވާލުކުރިއެވެ. އިއާންއަށް ދޭނެ ޖަވާބެއް ނޭނގުމުން ބޮލުގެ އިސްތަށިގަނޑުގައި އަތުން ފިރުމާލެވުނެވެ. މިންހާ ހުރީ މާހިލްގެ އިތުރު ސުވާލެއް ކުރިމަތިވެދާނެތީ ބިރުން ހާސްވެފައެވެ. ” ދޮންބެ… އެއީ… އެކްޗުލީ… އާން… އާން ހަމަ އައިސްލީދޯ… ” މިންހާ އަޅައަޅާއިގަންނަމުން ނަމަވެސް ވާހަކަ ދެއްކިއެވެ. މިންހާ އެހާ ހާސްވެފައި ހުރުމުން މާހިލް ހުރީ އެތެރެއިން ހީލަހީލައެވެ. ” އެހެންތަ… ދެން މިންނު އެހާ ހާސްވެފަ ތިހުރީ ކިހިނެއްވީ… މިތަނުގަ އިތުރު ކަމެއް ހިނގީތަ… އީޒް ދެއަރ ސަމްތިން އެލްސް… ” ސީދާ މިންހާގެ ހަރަކާތްތަކަށް ބަލަން ހުރެ މާހިލް އަހާލިއެވެ. ދެލޯ ބޮޑުކޮށްލަމުން މިންހާ އަވަސް އަވަހަށް ދެފަރާތަށް ބޯ ހޫރާލިއެވެ. މިންހާގެ ހަރަކާތްތައް ހުރި ގޮތުން އިއާންއަށް ނުހީ ނުހުރެވުނެވެ. މާހިލްއަށްވެސް ކެތްކުރެވުނީ އެހިސާބަށެވެ. އޭނަގެ ހިނިގަނޑުވެސް ފަޅާއިގެން ދިޔައެވެ. މިންހާ ދެބުމަ ގާތްކޮށްލާ ވާނުވާ ނޭނގިހުރެ ހެމުންދިޔަ އިއާން އާއި މާހިލްއަށް ބަލަހައްޓާއިގެން ހުއްޓެވެ. ” މިންނު… މާހިލްބެއަށް އިނގޭޔޭ… ހީ ނޯސް އެބައުޓް އަވަރ ރިލޭޝަންޝިޕް… ހެހެހެ… ” ހުނުން ކޮންޓްރޯލް ކުރަން މަސައްކަތްކުރަމުން އިއާން ބުނެލިއެވެ. ”އޮފްކޯޒް… އައި ނިއު އިޓް… ހެހެހެ… ހާސްވެފަ ހުންނައިރު ހާދަ ރީއްޗޭ މަގޭ ކޮއްކޮ…  ” މިންހާގެ ކޮލުގައި ދެއަތުން ހިފާލާ އެއްލޯ މަރާލަމުން މާހިލް ވާހަކަ ދެއްކިއެވެ. ހިތްހަމަނުޖެހިފާ މިންހާ އެދެމީހުނަށް ބަލަން ހުއްޓެވެ. އޭނަ އެހާ ވަރަށް ހާސްވެފައި ހުރިއިރުވެސް އެދެމީހުނަށްވީ މަޖާކަމަކަށް ހެއްޔެވެ؟ އޭނަގެ ހިތުގައިވި ނުތަނަވަސްކަން އިހުސާސްވާނީ އޭނައަށެވެ. އެހާ ނުތަނަވަސްވެފައި ހުރިއިރުވެސް ގަސްތުގައި އެދެމީހުން އޭނާ އިތުރަށް ތެޅުވީއެވެ. މިންހާ ދެބުމަ ގޮށްޖަހާލަމުން އަވަސް ހަރަކާތަކާއެކު މާހިލްގެ ބޮލުގެ އިސްތަށިގަނޑު ހާވާލިއެވެ. މިންހާގެ އެހަރަކާތުން މާހިލްއަށް އަނގައަށް ވައްތަރެއް ޖައްސާލެވުނުއިރު މާހިލްއަށް ވީގޮތް ފެނި އިއާންއަށް ނުހީނުހުރެވުނެވެ.

” މިންނު… ކީއްތިކުރީ… ” ބޮލުގެ އިސްތަށިގަނޑު ރީތިކޮށްލަމުން މާހިލް އަހާލިއެވެ. ” ދޮންބެ ގަސްތުގަ އަޅުގަނޑު ތަޅުވާލީމަ… ” މިންހާ ޖަވާބުދިނީ މޫނު ހަދައިގެން ހުރެއެވެ. މިންހާގެ ހަރަކާތްތައް ހުރިގޮތުން އިއާންގެ ގާތަށް މިފަހަރުވެސް ހިނިއައެވެ. ދެލޯ ހަނިކޮށްލަމުން އިއާންއަށް ބަލައިލުމަށްފަހު މިންހާ އެތަނުން ދިޔުމަށް ހިނގައިގަތެވެ. ” އާންވެސް މިކަމުގަ ބައިވެރިވިދޯ.. އާންއަކަށް އެއްވެސް ޕަނިޝްމެންޓެއް ނެތް… ވެރީ އަންފެއަރ… ” މޫނުމަތިން ދެރަވާކަން ހާމަކުރަމުން މާހިލް އެހެން ބުނުމާއެކު މިންހާ ފަސްއެނބުރި ބަލައިލިއެވެ. ” އައި ވިލް ޑީލް ވިތް ހިމް ލޭޓަރ… އާންގެ ޕަނިޝްމެންޓް މާބޮޑުވާނެ… ” އިއާންގެ މޫނަށް ބަލައިލަމުން އެހެން ބުނެ މިންހާ މިފަހަރުވެސް ދާން ހިނގައިގަތެވެ. އެވަގުތު މާހިލް އިއާންއަށް ބަލައިލާ އެއްބުމަ މައްޗައް އަރުވާލަމުން ލާނެއް ހިނިތުންވުމެއް ވެރިކުރުވިއެވެ. އިއާން އޭރުވެސް ހިނިތުންވެލައިގެން ހުއްޓެވެ. ” މިންނު… ދެކޮފީ ގެނެސްދީބަލަ ޕްލީޒް… އާން އައިފަހަރު ކޮފީއެއް ނުދީ ނުވާނު ފޮނުވާކަށް… ” މާހިލް މިހެން ބުނެ އިއާންއާއެކު ގޮސް ކޮފީ ބޯން ހަދާފައިހުންނަ ހަޓާއި ދިމާލަށް މިސްރާބުޖެހިއެވެ. އޭރުވެސް އެދެމީހުންގެ ތުންފަތުގައި ކާމިޔާބީގެ ހިނިތުންވުމެއް ވިއެވެ. މިންހާ އެއްވެސް އެއްޗެކޭ ނުބުނެ ގޮސް ކާކޮޓަރިއަށް ވަނެވެ.

ކޮފީ ތައްޔާރުކޮށްގެން ދެކޮފީ މަގު ޓްރޭއަކަށް ލުމަށްފަހު މިންހާ ކާކޮޓަރިން ނުކުތެވެ. މަޑު ހިނގުމެއްގައި ގޮސް މޭޒު މަތީ ޓްރޭ ބަހައްޓާ މާހިލް އާއި އިއާންއަށް ކޮފީ މަގެއް ދިއްކޮށްލިއެވެ. ” ވަރަށް މީރުވާނެ އިނގޭ އާން މިންނުގެ ކޮފީ…” ކޮފީ މަގުގައި ތުންޖަހަމުން މާހިލް ބުނެލިއެވެ. އިއާން ކޮފީ މަގުން އެތިފޮދެއް ބޯލިއެވެ. އޭގައިލީ ގަދަ ލޮނު ރަހަކުން އިއާންއަށް ދެލޯ މަރާލެވުނެވެ. މިއިން އެއްވެސް މަންޒަރެއް ފޯނަށް ނަޒަރު ހުއްޓާލައިގެން އިން މާހިލްއަކަށް ނުފެނެއެވެ. އަނގަޔަށް ގޮތެއް ހަދާލަމުން މިންހާއަށް އިއާން ބަލައިލިއިރު މިންހާގެ ތުންފަތުގައިވީ ލާނެއް ހިނިތުންވުމެކެވެ. ވަގުތުން އިއާންއަށް މިއީ މިންހާ ގަސްތުގައި ކުރި ކަމެއްކަން އިނގުނެވެ. ” ކޮބާ ކިހިނެއްވަނީ… މީރު ދޯ… ” މިންހާގެ މޫނަށް ބަލަހައްޓާއިގެން އިން އިއާންއަށް ހޭވެރިކަންވީ މާހިލްގެ އަޑުންނެވެ. ” ހޫމް… ވަރަށް މީރު… މިހާ މީރު ކޮފީއެއް އަދި ދުވަހަކުވެސް ނުބޮވޭ ކަންނޭނގެ… ކުރިއަށް އޮތްތާވެސް މިހާ މީރު ކޮފީއެއް ނޭނގެ ބޮވޭނެކަމެއް… ” ތުންފަތް މައްޗަށް ހިނިތުންވުމެއް ވެރިކުރުވަމުން އިއާން ބުނެލިއެވެ. އެގޮތުގައި އިނދެ ފަހަރަކު ކޯވަރެއް ބޮމުން ބޮމުން ގޮސް ކޮފީ މަގު އެކީގައި އިއާން ހުސްކުރިއެވެ. ހައިރާންކަމާއެކު އިއާންގެ ހަރަކާތްތަކަށް ބަލަން މިންހާ ހުރެވުނެވެ. ކޮފީ ބޮއެ ނިމިގެން އިއާން ބޭރަށް ނުކުތީވެސް މާހިލްއާއެކުގައެވެ. އެހެންކަމުން އިއާން އާއި ވާހަކަ ދައްކާނެ ފުރުސަތެއް މިންހާއަކަށް ނުލިބުނެވެ. އެމީހުން ނުކުތުމުން ހުސްކޮށްފައި ހުރި ކޮފީ މަގުތައް ހިފައިގެން މިންހާ އެތެރެއަށް ވަނެވެ. އޭރު ނާހިދާ އާއި މައިޝާ ބަދިގޭގައި ހަރަކާތްތެރިވަމުން ދިޔައެވެ. އެއެއްޗެހި ދޮވެލުމަށްފަހު މިންހާވެސް ގޮސް އެދެމީހުނާ ބައިވެރިވެ ސައި ތައްޔާރުކުރުމުގައި އުޅުނެވެ.

ރޭގައި ލަހުން ނިދުމުގެ ސަބަބުން ފަތިސް ނަމާދު ކުރަން ތެދުވިއިރުވެސް އަޝްރާއަށް ނިދީގެ އަސަރުތަކެއް ނުފިލައެވެ. ފަތިސް ނަމާދުކޮށްގެން އަދި ޖައްސާލީ ކުޑައިރުކޮޅަކު ނިދާލުމަށްފަހު ތެދުވުމުގެ ބޭނުމުގައެވެ. ގަޑިން ހަގަޑި ތިރީސް ހާއިރު އަޝްރާއަށް ހޭލެވުނެވެ. ކުޑަގޮތަކަށް ތައްޔާރުވެލައިގެން އަޝްރާއަށް ކޮޓަރިން ނުކުމެވުނީ ޒާހިޔާގެ ކުރިމައްޗަށެވެ. ” އަނހާ… ދައްތަ ހީކުރީ އަނެއްކާ ބަލީކަމަށް އަޝްރާ… އއްޔެ އެހާ ހެނދުނާ ނުކުމެ އުޅެފަ މިއަދު ނުފެންނާތީ… ” ހިނިތުންވުމަކާއެކު ޒާހިޔާ ވާހަކަ ދެއްކިއެވެ. ”ނޫނޭ ބައްޔެއް ނޫން ދައްތާ… ރޭގަ މާލަހުން ނިދުނީމަ ނަމާދުކުރަން ހޭލިއިރުވެސް މާބޮށަށް ނިދި ގަސްވާތީ ކުޑަކޮށް ނިދާލީ… ” ހިނިތުންވުމަކާއެކު އަޝްރާ ބުންޏެވެ. ” އެހެންތަ… އަދި ޒަހާވެސް ނުނުކުމޭ ކޮޓަރިއަކުން… ދޭ ކޮންމެވެސް އެއްޗެއް ބޯލަން… ކޮފީ ވިއަސް ނޫނީ ޖޫސްވިޔަސް… ޖޫސް ޕެކެޓުވެސް ހުންނާނެ ފްރިޖްގަ… ދައްތަ އަންނާނަން ފިހާރައަކަށް ގޮސް ފިޔާ ކިލޯއެއް ގަނެގެން… ” ޒާހިޔާ މިހެން ބުނެ އޭނަގެ ކޮޓަރިއަށް މިސްރާބުޖެހުމާއެކު އަޝްރާ ގޮސް ކާކޮޓަރިއަށް ވަނެވެ. ފެން ހޫނު ކުރާ ޖަގަށް ފެން އަޅާ ހޫނުކުރަން ޖެއްސުމަށްފަހު ކޮފީ ތައްޔާރުކުރުމަށް އަޝްރާ އަވަސްވެގަތެވެ. ” ގުޑް މޯނިން ލަވް… ” ކޮފީ ގިރަން ހުރި އަޝްރާއަށް ސިހުމެއް ލިބުނީ ނުހަނު ކައިރިން އިވިގެންދިޔަ ނާއިލްގެ ފިރިހެންވަންތަ އަޑުންނެވެ. އަޝްރާ އޭނަ އާއި ދިމާލަށް އެނބުރުމުގެ ކުރިން ނާއިލް އޭނަގެ ދެއަތުން އަޝްރާގެ ހަށިގަނޑުގައި ފަހަތުން ބައްދާލިއެވެ. ” ނާއިލް… ޒާހިޔާއްތައަށް ފެނިދާނެ… ” ހާސްވެފައިހުރެ ނާއިލްގެ އަތް ނައްޓުވަން މަސައްކަތްކުރަމުން އަޝްރާ ވާހަކަ ދެއްކިއެވެ. ” ނުފެންނާނޭ… ޒާހިޔާއްތަ ފިހާރައަކަށްނު ދިޔައީ… އަހަރެން އަޑުއެހީމޭ އަޝޫ އާ ވާހަކަ ދެއްކި އަޑު… ” އިތުރަށް އަޝްރާ އާއި ކައިރިވެލާ އަޝްރާގެ ކޮނޑުގައި އޭނަގެ ދަތްދޮޅި އަޅުވާލައިގެން ހުރެ ނާއިލް ވާހަކަ ދެއްކިއެވެ. ނާއިލްގެ އަޑުން އޭނަގެ ނަން އެހާ ލޯބިން ކިޔާލި އަޑުއިވި އަޝްރާގެ ހިތަށް ބަޔާންކުރަންދަތި އުފަލެއް ލިބިގެން ދިޔައެވެ. މިއީ ނާއިލްގެ ފަރާތުން އޭނަގެ ނަން މިފަަދަ ގޮތަކަށް އިވިގެންދިޔަ ފުރަތަމަ ފަހަރެވެ.

މީހަކު ކަރުކެހެލި އަޑުއިވި ދެމީހުނަށް ވަގުތުން ދުރުވެލެވުނެވެ. އޭރު ލޯ މަތީގައި އަތް އަޅާއިގެން ލާނެއް ހިނިތުންވުމަކާއެކު ކާކޮޓަރީގެ ދޮރު މަތީގައި ޒަހާ ހުއްޓެވެ. ” ޒަހާ… ތިއަތް ނެގިޔަސް ހެވޭ…” ނާއިލްގެ އަޑު އިވުމާއެކު ޒަހާ މަޑުމަޑުން އޭނަގެ އަތް ނަގައި އެދެމީހުނަށް ނަޒަރު ހުއްޓާލިއެވެ. ” ސޮރީ ފޯ ސްޕޮއިލިން ދަ ރޮމޭންޓިކް މޮމެންޓް… ހެހެހެ… ނޭނގޭނުދޯ… ދެންމެ މަންމަ އައިއްސި… އެހެންވެ… ” އެދެމީހުން ކައިރި އައިސް ހުއްޓިލަމުން ޒަހާ ވާހަކަ ދެއްކިއެވެ. ” އިޓްސް އޯކޭ… އެންޑް ތޭންކްސް އަ ލޮޓް ރޭގަ ދިން އެޑްވައިސްއަށް… ޒަހާގެ އެޑްވައިސްގެ ސަބަބުން މިއަދު އަހަރެމެން ދެމީހުން އެއްކޮށް މިތިބީ… ޒަހާގެ ވާހަކަތަކުން އިތުރަށް ލަސްނުކޮށް އަހަރެންނަށް އަހަރެންގެ އިހުސާސްތައް ހާމަކުރަން އިތުރު ހިތްވަރެއް ލިބިގެން ދިޔައީ… ” އަޝްރާގެ ކޮނޑުގައި އޭނަގެ އަތް ވަށާލާ ގަޔާއި ކައިރިކޮށްލަމުން ނާއިލް ބުނެލިއެވެ. ޒަހާ ހިނިތުންވެލަމުން ބޯ ޖަހާލިއެވެ. ” އައިމް ސޮރީ ޒަހާ… ޒަހާ އާއިމެދު އަހަންނަށް މުޅިން ގޯސްކޮށް ވިސްނުނީ… ” ޒަހާގެ އަތުގައި ހިފަހައްޓާލަމުން އިސްޖަހާލައިގެން ހުރެ އަޝްރާ ވާހަކަ ދެއްކިއެވެ. ” އިޓްސް އޯކޭ… އެއީ އެހާވަރު ކަމެއް ނޫނެއްނު… ” އަޝްރާގެ އަތް މަތީގައި އޭނަގެ އަތް ބާއްވާލަމުން ހިނިތުންވުމަކާއެކު ޒަހާވެސް ބުނެލިއެވެ. ކޮފީ ތައްޔާރުކޮށްގެން ތިން މީހުން އެކުގައި މިއަދުވެސް ބަގީޗާއަށް ނުކުތެވެ. މާގިނަ އިރެއްނުވަނީސް އަރުޝަދުވެސް އައިސް އެމީހުނާ ބައިވެރިވިއެވެ.

ސައި ތައްޔާރު ކުރުމަށްފަހު ހޮސްޕިޓަލަށް ދާން ތައްޔާރުވުމަށް މިންހާ ކޮޓަރިއަށް ވަނެވެ. ކޮޓަރިއަށްވަދެ އެންމެ ފުރަތަމަވެސް ފޯބު ބަލައިލީ އިއާންގެ ކޯލެއް ނޫނީ މެސެޖެއްވެސް ލިބިފަވޭތޯ ބެލުމަށެވެ. ” ޖާން… ރޭގަ ދަންވަރު ޑިއުޓީ ވީމަ ނިދާލަން ބޭނުން… ޑިއުޓީ ނިމޭ ގަޑިއަށް ދާނަން ބަލާ… ލަވް ޔޫ… ” އިއާންގެ މެސެޖު ކިޔާލި މިންހާގެ ތުންފަތަށް ހިނިތުންވުމެއްވެރިވިއެވެ. މެސެޖަށް ރިޕްލައިކޮށްލުމަށްފަހު ފާޚާނާއަށްވަދެ ތާޒާ ވެލައިގެން އަވަހަށް ތައްޔާރުވާން ފެށިއެވެ. އިއާންއަށް ނާދެވޭނެތީ މިންހާ ހޮސްޕިޓަލަށް ދިޔައީ މާހިލްއާއެކުގައެވެ.

ޑިއުޓީ ނިންމާލުމަށްފަހު އަތް ދަބަސް ކޮނޑުގައި އަޅުވާލާ ޑޮކްޓަރސް ކޯޓް އަނެއް އަތުގައި އަޅުވާލަަމުން މިންހާ އޭނަގެ ކެބިންއިން ނުކުތެވެ. ހޮސްޕިޓަލުން ނުކުންއިރު އިއާން ކާރުގައި އޭނަގެ އިންތިޒާރުގައި އިނެވެ. މިންހާ ގޮސް ދޮރު ހުޅުވާލުމަށްފަހު ކާރުގައި އިށީނެވެ. ”މިންނު ޕަނިޝްމެންޓެކޭ ބުންޏަސް އެހާ ބޮޑު ޕަނިޝްމެންޓެއް ދީފާނެ ކަމަކަށް ހިޔެއްނުކުރަން…” މިންހާ ކާރަށް އެރުމާއެކު އިއާން ވާހަކަ ދެއްކިއެވެ. ” އާންއަކަށް ނޭނގޭނެ އަހަރެން ނާވަސްވީ ވަރެއް… ދޮންބެއަށް އެކަން އިނގި ނުރުހުންވީނަމަ ކިހިނެއް ހަދާނީ… ފެމެލީ ގަބޫލުނުވެގެން އަހަރެމެން ދެމީހުން ދުރުވާން… ” މިންހާގެ ވާހަކަ މެދުކަނޑާލަން މަޖުބޫރުވީ އިއާން އޭނަގެ ތުންފަތުގައި ޝަހާދަތް އިނގިލި ޖައްސާލުމުންނެވެ. ” އެކަހަލަ އެއްވެސް ކަމެއް ނުވާނެ އިން ޝާ ﷲ… ތީ ހަމައެކަނި އަހަރެންގެ ހައްގެއް… ” މިންހާގެ ރީތި ދެލޮލާ ނަޒަރު ސީދާކޮށްލަމުން އިއާން ބުނެލިއެވެ. ” ދެން އެހާ ނުބައި އިރު އާން ކީއްވެތަ އެކޮފީ ބުއީ… ” ކުޑަ ހިނދުކޮޅަކަށް ދެމިގެންދިޔަ ވަގުތުކޮޅަށްފަހު އިއާންގެ އަތް ދުރުކޮށްލަމުން މަޑުމައިތިރިކަމާއެކު މިންހާ އަހާލިއެވެ. ” އެކޮފީ އެއީ ކޯންޗެއް… ޖާންގެ އަތުން ޒަހަރުވެސް ބޮއެފާނަން… ” އިއާންގެ ވާހަކަތަކުން ލިބުނު ސިހުމުގައި މިންހާއަށް އަވަސް ހަރަކާތަކާއެކު އިއާންގެ އަނގަ މަތީގައި އަތް އަޅާ ދެލޯ ބޮޑުކޮށްލަމުން ދެފަރާތަށް ބޯ ހޫރުވާލެވުނެވެ. ” އާން… ދެން ދުވަހަކުވެސް ނުބުނާތި ތިހެން… އައިމް… އައިމް ސޮރީ… ” ތުރުތުރުލަމުންދިޔަ އަޑުން މިންހާއަށް ބުނެވުނެވެ. ” އޯހް… ޖާން… އިޓްސް އޯކޭ… ” މިންހާ އަސްލުގައިވެސް ދެރަވީކަން އިނގުމުން މިންހާގެ މޫނުގައި ދެފަރާތުން ހިފަހައްޓާލަމުން އިއާން ބުނެލިއެވެ. ” މިންނު އެހެން ކަންތައް ކުރިޔަކަސް އަހަރެންނަކަށް ހަރޓެއްނުވެޔޭ… އެކަމަކު މިވަގުތު ތިރީތި ދެލޮލަށް ޖަމާވަމުންދާ ކަރުނަތައް ފެނި މެއަށް ބާރުވާފަދަ އިހުސާސެއް ކުރެވޭ… ސޯ ޕްލީޒް… ގިވް މީ އަ ސްމައިލް… ” އިއާން އެހެން ބުނުމާއެކު ލޮލަށް ޖަމާވި ކަރުނަތައް ހިންދަން މަސައްކަތް ކުރަމުން މިންހާ އޭނަގެ ތުންފަތަށް ހިނިތުންވުމެއް ވެރިކުރުވިއެވެ. އެއާއެކު ލަސްނުކޮށް އިއާންވެސް ކާރު ދުއްވާލިއެވެ.

ކާރު އައިސް މިންހާގެ ގޭގެ ކުރިމައްޗަށް ހުއްޓުމާއެކު ކާރުން ފައިބަން އަވަސްވެގަތެވެ. ކާރުން ފޭބި މިންހާގެ ލޮލުގައި އޭނައަށް ބަލަހައްޓާއިގެން މަގުގެ އެއްފަރާތުގައި ހުއްޓި ހުރި އަލޫފް އަޅާއިގަތެވެ. އެވަގުތު އަލޫފްގެ އަތުގައި އޮތް ސިނގިރޭޓު ފެނި މިންހާއަށް އިތުރު ހައިރާންކަމެއް ލިބިގެން ދިޔައެވެ. އަލޫފް އަކީ މީގެ ކުރިން ދުވަހަކުވެސް ސިނގިރޭޓު ބުއި މީހެއް ކަމެއް އޭނައަށް އިނގިފައެއްނުވެއެވެ. އަލޫފް އޭނައާއެކު އުޅުނު ދުވަސްވަރު ސިނގިރޭޓަކީ އޭނަ ކިހާ ނުރުހޭ އެއްޗެއްކަން އެތައް ފަހަރަކު ހާމަކޮށްފާވެއެވެ. ވީއިރު މިއަދު އަލޫފްގެ އަތުގައި ސިނގިރޭޓެއް އޮންނަންވީ ސަބަބެއް މިންހާއަކަށް ނުވިސްނުނެވެ. ކައިރީގައި ހުރި ޑަސްބިނަށް ސިނގިރޭޓު ވައްޓާލުމަށްފަހު އަވަސް ހިނގުމެއްގައި އައިސް މަގު ހުރަސްކޮށް މިންހާގެ ގާތަށް ދިޔުމަށް އަލޫފް ހިނގައިގަތެވެ. އެވަގުތު ކާރުގެ އަނެއް ފަރާތުން ފޭބި އިއާން ފެނި އޭނަގެ ހިނގުމަށް މަޑުޖެހުމެއް އައި ނަމަވެސް މިއަދު އޭނާ ފަސްޖެހޭކަށް ބޭނުމެއްނުވިއެވެ. އެދެމީހުންގެ ގާތަށް އައިސް ހުއްޓުނު އަލޫފް ފެނި އިއާންގެ ދެބުމަ ގޮށްޖެހިގެން ދިޔައެވެ. ” މިންހާ… ޕްލީޒް… އަހަރެން ވާހަކައެއް ދައްކާލަން ބޭނުން… ” މިންހާގެ މޫނަށް ބަލަހައްޓާއިގެން ހުރެ އަލޫފް ބުނެލިއެވެ. ” ކުރިންވެސް ބުނިހެން އަލޫފް ދައްކާ އެއްވެސް ވާހަކައެއް އަޑުއަހާކަށް އަހަރެން ބޭނުމެެއްނޫން… ސޯ ޕްލީޒް… ލީވް… ” އެއްވެސް އަސަރެއްނެތް ގޮތަަކަށް އަލޫފްގެ ދެލޮލަށް ބަލަން ހުރި މިންހާ ދިން ޖަވާބުން އަލޫފްގެ ހިތަށް ނުހަނު އަސަރުކުރިއެވެ. އިއާން އޭރުވެސް އެއްވެސް އެއްޗެއް ބުނުމެއްނެތި އެދެމީހުންގެ ހަރަކާތްތަކަށް ބަލަން ހުއްޓެވެ. ” މިންހާ… އަހަރެން ބޭނުންވަނީ ހަމައެކަނި މަޢާފަށް އެދެން… ޕްލީޒް… އެފުރުސަތު އަހަންނަށް ދީ… ދެވަނަ ފަހަރަށް އަހަރެންގެ ހަޔާތަށް އަންނާކަށް ނުބުނާނަން… އެއީ… އަހަންނަށް އިނގޭ މިންހާގެ ދިރިއުޅުމުން އިއާންއަށް ޖާގަދީފަ ވާކަން… ދެވަނަ ފަހަރަށް އަހަރެންގެ ވާހަކަތައް އަޑުއަހާކަށްވެސް ނުބުނާނަން… ޖަސްޓް ފައިވް މިނިޓްސް… މިއަދަށްފަހު މިންހާގެ ފަހަތުން ނުހިނގާނަމޭ… އަހަރެންގެ ފަރާތުން އެއްވެސް އުނދަގުލެއް ނުވާނެ… ވާހަކަ ދައްކާލާނެ އެއްފުރުސަތު ދީ… ޕްލީޒް… އިޓްސް އަ ރިކުއެސްޓް… ” މިންހާ ގެއަށް ވަންނަން ނެގި ފިޔަވަޅުތައް ހުއްޓުމަކަށް އައީ އަލޫފްގެ ވާހަކަތަކުންނެވެ. މިންހާ އިރުކޮޅަކު އެހެން ހުއްޓި ހުރުމަށްފަހު އެނބުރި އަލޫފްއަށް ބަލައިލަމުން އެންމެ ރަނގަޅު ކަމުގައި ބުނެލިއެވެ. އެވަގުތު އަލޫފްގެ ތުންފަތަށް ލުއި ހިނިތުންވުމެއް ވެރިވިއެވެ. މިންހާ އޭނަގެ ނަޒަރު އިއާންގެ މޫނަށް ހުއްޓާލިއެވެ. އިއާންވެސް އޭނައަށް ހަދިޔާކޮށްލީ ލުއި ހިނިތުންވުމެކެވެ.

އިއާންގެ ކާރުގައި ތިން މީހުންވެސް އެގެއަށް ދިޔުމަށް މިސްރާބުޖެހިއެވެ. ހަވީރުގެ ވަގުތައްވުމުން ބޭރު ތެރޭގައި ގިނަ މީހުން ހަރަކާތްތެރިވާނެތީ ހަމަޖެހިލައިގެން ވާހަކަ ދައްކާލެވޭނީ އޭރުން ކަމަަށް ވުމުން ތިން މީހުންވެސް އެގެއަށް ދިޔައީއެވެ. ކާރުން ފޭބުމަށްފަހު އިއާންގެ ފަހަތުން މިންހާ އާއި އަލޫފް އެގެއަށް ވަނެވެ. ބަގީޗާގައި ހުރި ބެންޗުތަކުން ބެންޗެއްގައި އިއާން ގޮސް އިށީނުމާއެކު މިންހާ އައިސް އިއާންގެ ގާތުގައި އިށީނެވެ. އަލޫފް އެމީހުންގެ ކުރިމައްޗަށް ހުރި ބެންޗު ކުޑަކޮށް ކައިރިކޮށްލުމަށްފަހު ކުރިމައްޗަށް ވާނޭހެން އޭގައި އިށީނެވެ. ” ދެން ބުނެބަލަ އަލޫފް ދައްކަން ބޭނުން ވާހަކައެއް… ” މިންހާ މަޑުމަޑުން އެހެން ބުނުމާއެކު އަލޫފް ފަޒާގެ ތެރެއަށް ފުން ނޭވައެއް ދޫކޮށްލިއެވެ. ” މިންހާ… އެންމެ ފުރަތަމަވެސް އަހަރެން ބޭނުންވަނީ… މިންހާއާ ދޭތެރޭ ކަންތައް ކުރެވުނު ގޮތުން މައާފަށް އެދެން… އައިމް ރިއަލީ ސޮރީ… ވަރަށް ބޮޑަށް ސޮރީ… އޭގެ ބަދަލު އަހަންނަށް މިއަދު މިދަނީ ލިބެނީ… ހިތްއެދޭ ބައިވެރިޔާ ލިބިފަވެސް އަހަރެންގެ އަތުން ބީވެގެން ދިޔައީ… އަހަރެން ގަބޫލުކުރަން… އަހަރެންގެ ސަބަބުންކަން އެހެން ކަންތައް ދިމާވީ… އިތުބާރުކުރަންވީ ފަރާތަށް އިތުބާރުނުކޮށް ޝައިތާނާގެ ވަސްވާސްތަކަށް ހެއްލެވުނީ… މިހާރު އަހަންނަށް އިހުސާސްކުރެވޭ މިންހާގެ ހިތަށް ވާނެ ތަދު… މިންހާގެ ލޯބި އަހަންނަށް އިހުސާސްކުރެވުނީ… އަހަރެންގެ ހަޔާތުން މިންހާ ބީވުމުން… އަހަރެންގެ ހިތުގަ މިންހައަށްޓަކައި ލޯބި އޮތަސް… މިންހާގެ ދިރިއުޅުމުގެ ތެރެއަށް ވަންނާކަށް ބޭނުމެއްނޫން… މިންހާގެ އުފާތައް ގުޅިފައިވަނީ އިއާންއާކަން އަހަންނަށް އެނގޭ… އަހަރެން އުފާކުރަން މިންހާއަށް ތެދުވެރި ހިތަކުން ލޯބިދީ އަޅާލާނެ… އަދި މިންހާ ކަހަލަ ރަނގަޅު ކުއްޖަކު ޑިސަރވް ވާފަދަ ބައިވެރިއެއް މިންހާގެ ހަޔާތަށް އައިމަ… މިންހާއަށް ޑިސަރވް ވަނީ އިއާން ކަހަލަ ބައިވެރިއެއް… އަހަންނަށް މިންހާގެ ހިތަށް ވަރަށް ބޮޑަށް އަނިޔާދެވިއްޖެ… މިންހާގެ އިހުސާސްތަކާ ކުޅެ އެތައް ޖެއްސުމެއް ކުރެވިއްޖެ… މިހުރިހާ ކަމެއްވެސް އަހަރެން ގަބޫލުކުރަން… އަހަރެންގެ ފަރާތުން ލިބުނު އުނދަގުލަށް ، ދެވުނު އަނިޔާއަށް އަހަންނަށް މައާފުކޮށްދީ… މީގެ ފަހުން އަހަރެންގެ ފަރާތުން މިންހާގެ ދިރިއުޅުމަކަށް އެއްވެސް އުނދަގުލެއް ނުފޯރާނެ… އަހަރެންގެ ހިތަށް ހަމަޖެހުން ލިބޭނީ އޭރުން… ޕްލީޒް ފޮގިވް މީ…” އިސްޖަހާލައިގެން ކުއްވެރިއެއް ފަދައިން އިނދެ އަލޫފް އޭނަގެ ހިތު ތެރޭގައިވި ހުރިހާ އެއްޗެއް ބޭރުކޮށްލިއެވެ. އިއާން އާއި މިންހާ އެއްވެސް އެއްޗެއް ބުނުމެއްނެތި އަލޫފްގެ ވާހަކަތައް ކަނުލާ އަޑުއަހަން އިނެވެ.

” އަހަރެން މާފުކޮށްފިން… ކުށްކުރެވޭނީ އިންސާނުންނަށް… އެކުށް ހެޔޮ ހިތުން ގަބޫލުކޮށް މާފަށް އެދުމުން އެކަން އެނިމުނީ… އެއީ މިހާރު ދެމީހުންގެވެސް މާޒީ… މާޒީ އިތުރަށް ހަނދާން ކުރުމުގެ އެއްވެސް ބޭނުމެއްނެތް… މާޒީ މާޒީގެ ގޮތުގައި ބާއްވާ ކުރިމަގަށް ވިސްނައިގެން އެންމެންގެ ދިރިއުޅުންވެސް ކުރިިއަށް ގެންދެވޭނީ… އުފާކުރަން އަލޫފްއަށް އަމިއްލަ ކުށް އިހުސާސްކުރެވުނީތީ… އެކަމަށް މާފަށް އެދުނީތީ… ލޯތްބަކީ ވަރަށް ތަފާތު އިހުސާސެއް… އެއްބަޔަކަށް ފުރަތަމަ ލޯބި ކާމިޔާބުވާއިރު އަނެއް ބަޔަކަށް އެލޯބި ނާކާމިޔާބުވާނެ… އެއްބަޔަކަށް އެމީހަކު ލޯބިވާ ފަރާތް ކާމިޔާބުވާއިރު އަނެއް ބަޔަކަށް ލޯބިވާ ފަރާތް ނުލިބިދާނެ… އޭގެ މާނައެއް ނޫން އެއީ އަމިއްލަ ދިރިއުޅުން މަތިން ފޫހިވެ މީހާގެ ނަފްސަށް ނޫނީ ސިއްހަތަށް ގެއްލުންވާނެފަދަ ކަންކަން ކުރާށެކޭ… އޭގެ މާނައެއްނޫން އެއީ ދެން އެމީހަކަށް ލޯބި ލިބެންނެތީއޭ… އުފަލާއި ހިތްހަމަޖެހުން ލިބެން ނެތީއޭ… މަސައްކަތް ކުރީމަ އުފަލާއި ހިތްހަމަޖެހުންވެސް ލިބޭނެ… ލޯބިވާ ފަރާތް ނުލިބުނަސް އަލޫފްދެކެ ލޯބިވާ ފަރާތެއް އަދިވެސް އެބަހުރި… އަލޫފްއަށް އިނގޭނެ ޝަމްހާ އަލޫފްދެކެ އަދިވެސް ލޯބިވާކަން… އެއީ ކުރީގެ ޝަމްހާއެއް ނޫން އަލޫފް… ޝަމްހާ ވަނީ ވަރަށް ބޮޑަށް ބަދަލުވެފަ… އޭނައަށް ބަލައިލި މީހަކަށްވެސް… ނޫނީ އޭނަގެ އުޅުމުންވެސް ކޮންމެ މީހަކަށްވެސް ފާހަގަވާނެ… ތިމާދެކެ ލޯބިވާ ފަރާތަށް އެއްފުރުސަތު ދީފިނަމަ ދިރިއުޅުން ބަދަލުވެދާނެ އަލޫފް… އެކަމާ އަދި ރަނގަޅަށް ވިސްނާލުން މުހިއްމު… ދެން އަލޫފްއަށްވެސް އިނގޭނެ ސިނހިރޭޓަކީ ކިހާ ނޭދެވޭ އެއްޗެއްކަން… އޭގެން ސިއްހަތަށް ލިބޭ ގެއްލުން އަލޫފްއަށް އެނގޭނެ… ދިރިއުޅުމަށް ބަދަލުތައް އަންނާނެ… އެކަމަކު އެއިން ކޮންމެ ފަހަރަކު އަމިއްލަ ނަފްސަށް ގެއްލުން ލިބޭފަދަ އެންމެ ގާތް ފަރާތަކަށް ހެދުން އެއީ ރަނގަޅު ކަމެއްނޫން… އުއްމީދުކުރަން އަހަރެންގއ ވާހަކަތަކާމެދު ވިސްނާނެކަމަށް… އަހަރެންގެ ފަރާތުން އަބަދުވެސް އަލޫފްއަށް އުފާވެރިކަމާއި ބާއްޖަވެރިކަމަށް އެދެން…” މިންހާ އަލޫފްއަށް އޭނަގެ ހިތް ސާފުކޮށް އެތައް ވާހަކައެއް ދެއްކިއެވެ. އޭނަ އެހުރިހާ ވާހަކައެއްވެސް ދެއްކީ އަލޫފްއަށް ވިސްނޭތޯއެވެ. ދިރިއުޅުން ރަނގަޅު ކުރުމަށް އަލޫފް އެނަސޭހަތްތަކުގެ ބޭނުން ހިފާތޯއެވެ. ” ތޭންކްސް އަލޮޓް މިންހާ… އަހަރެންގެ ފަރާތުން ތިދެމީހުނަށްވެސް އެދެނީ އުފާވެރިކަމަށް… ” ޝުކުރުގެ ނަޒަރަކުން މިންހާ އާއި އިއާންއަށް ބަލައިލުމަށްފަހު އެހެން ބުނެ އޭނާ އެގެއިން ނުކުތެވެ. އޭރު އަލޫފްގެ ހިތަށް އެތައް ތަނެއްވަނީ ލުއިވެފައެވެ.

އަލޫފް ހަމަ ނުކުންތަނާ މިންހާގެ ފޯނު ރިންގުވާން ފެށިއެވެ. ” ހަލޯ… ދަރިފުޅާ… ކޮންތާކުތަ… އަދިވެސް ޑިއުޓީގަތަ..، ޑިއުޓީ ނިމިފަވެސް އަންނަހާއިރު ވެއްޖެއެއްނު… މަންމަ ދަރިފުޅު ލަސްވެގެން ކަންބޮޑުވެގެން މިގުޅީ… ” ހާސްކަމާއެކު ނާހިދާ ވާހަކަ ދެއްކިއެވެ. ” މަންމާ… އަޅުގަނޑު ރަނގަޅޭ… ކުޑަ ކަމެއް ޖެހިގެން ލަސްވީ… މިހާރު މިދަނީ އާންއާއެކު ގެއަށް… ” މިންހާ އޭނަގެ މަންމަ އާއި ވާހަކަ ދެއްކިއެވެ. ” މަންމަ ލަސްވެގެން ދޯ… ހިނގާ ދާން އަވަހަށް… ” މިންހާ ފޯނު ބޭއްވުމާއެކު މިހެން ބުނެ ދާން ހިނގައިގަތެވެ. ” އާން… ” ބެންޗުން ތެދުވެ ހިނގައިގަން އިއާންގެ އަތުގައި ހިފަހައްޓަމުން މިންހާ އިއާންއަށް ގޮވާލިއެވެ. ފަސްއެނބުރި އިއާން މިންހާގެ މޫނަށް ބަލައިލީ އޭނަގެ ހުރިހާ ސަމާލުކަމެއް މިންހާއަށް ދެމުންނެވެ. ”އާން… ރުޅި އައިސްފަތަ… އަހަރެން އަލޫފްގެ ވާހަކަ އަޑުއަހަން ނިންމީ… އަހަރެންގެ ހިތުގަ އަލޫފްއަށްޓަކައި އިހުސާސްތަކެއް ވާތީއެއްނޫން… އަހަރެން ހަމައެކަނި ލޯބިވަނީ އާންދެކެ… އަހަރެންގެ ސަބަބުން އެހެން މީހަކު ނުބައި މަގަކަށް އެޅޭކަށް ނޭދެން… އަހަރެންގެ ވާހަކަތަކުން ނަމަވެސް އަލޫފް އޭނަގެ ލައިފްއަށް ރަނގަޅު ސްޓެެޕެއް ނަގާތޯ އެހުރިހާ ވާހަކައެއް ދެއްކީ… އައިމް ސޮރީ… އާންއަށް އަހަރެންގެ މިޑިޒިޝަން ރަނގަޅު ނުވިކަމުގަވާނަމަ… ” އިއާންގެ ދެލޮލާއި ހަތަރު ކަޅި ހަމަކޮށްގެން ހުރެ މިންހާ ވާހަކަ ދެެއްކިއެވެ. ” ޖާން… އަހަރެން ކީއްވެތަ މިންނުދެކެ ރުޅި އަންނަންވީ… އައި ނޯ މިންނު ލޯބިވަނީ ހަމައެކަނި އަހަރެންދެކެ ކަން… އެންޑް ތިނެގި ޑިޒިޝަންއަށް އަހަރެން ހަމަ ތާއީދު… ކުށް ގަބޫލުކޮށް މައާފަށް އެދުނީމަ މާފު ކުރަންވާނެ… އަހަރެން ވަރަށް އުފާވެއްޖެ މިހާ ރަނގަޅު ކުއްޖެއް އަހަރެންގެ ހަޔާތަށް އައިމަ… މިންނު ކަހަލަ ކުއްޖެއް ވަރަށް މަދުވާނެ… ” މިންހާގެ މޫނުގައި ދެއަތުން ހިފަހައްޓާލައިގެން ހުރެ އިއާން ދެއްކި ވާހަކަތަކުން އޭނަގެ ހިތަށް ބަޔާންކުރަން ދަތި ހަމަޖެހުމެެއ ލިބިގެން ދިޔައެވެ. ” އައި ލަވް ޔޫ އާން… ދުވަހަކުވެސް ވަކިވާކަށް ބޭނުމެއް ނޫން… ” އިއާންގެ އުނަގަނޑުގައި އޭނަގެ ދެއަތުން ވަށާލަމުން މިންހާ އެބަސްތައް ބުނެލީ ދެލޯ މަރާލަމުންނެވެ. ” އައި ލަވް ޔޫ ޓޫ ޖާން… ” ތުންފަތަށް ވެރިވި ހިނިތުންވުމާއެކު އޭނަގެ ދެއަތުން މިންހާގެ ހަށިގަނޑުގައި ވަށާލަމުން އިއާން ބުނެލިއެވެ. ބަލައިލި ކޮންމެ މީހަކަށްވެސް އެދެމެދުގައިވި ލޯބި ހާމަވާނެކަން ގައިމެވެ. ” ނައު ލެޓްސް ގޯ ހޯމް… މަންމަ ހުންނާނީ ލަސްވެފަ…” އިއާން މިންހާ ދުރުކޮށްލާ ނިއްކުރީގައި ބޮސްދިނުމަށްފަހު އެހެން ބުނުމުން މިންހާ މަޑުމަޑުން ބޯ ޖަހާލިއެވެ. ދެމީހުން އެކުގައި އަތުގުުވައިގެން ތިބެ ގެއިން ނުކުންނަން ހިނގައިގަތެވެ. އޭރު ސިޓިން ރޫމު ކުޑަދޮރު ކައިރި އެމަންޒަރުތައް ބަލަން ހިނިތުންވުމަކާއެކު އަރީފް އާއި އާސިމާ ހުއްޓެވެ.

ރޭގަނޑުގެ ވަގުތެވެ. ސާލެއްފަދަ ކަޅުކަންގަދަ އުޑުގައި ވިދާ ބަބުޅަމުންދިޔަ ތަރިތަކުން އުޑުމަތި ފަޅުފިލުވާލަދީފާވެއެވެ. ހަނދުވެސް އޭގެ މަގާމުގައި ރަނިކަން ކުރަމުން ދިޔައީ ގުދުރަތުގެ ލާމަސީލު ނަމޫނާއެއް ފަދައިންނެވެ. ” މަންމާާ… އަޅުގަނޑު ދަނީ އިނގޭ… އަޅުގަނޑު ގެއަކުން ނުކާނަން މިރޭ… ދިހައެއް ޖަހާހާއިރަށް އަންނާނަން އާންއާއެކު… ” ސިޓިންރޫމުގައި އިން ނާހިދާ ގާތު ދިޔުމުގެ ކުރިން އަދިވެސް އެއްފަހަރު މިންހާ ބުނެލިއެވެ. ނާހިދާ ހިނިތުންވެލަމުން ބޯ ޖަހާލިއެވެ. ” އޯހް… އާންއާއެކު… ” މިންހާގެ މޫނަށް ބަލައިލާ އެއްލޯ މަރާލަމުން މާހިލް އެހެން ބުނުމާއެކު މިންހާ ދެލޯ ބޮޑުކޮށްލިއެވެ. ”ކިހިނެއްވީ ދޮންބޭ… އަޅުގަނޑު ކުރިންވެސް ދަމެއްނު އާންއާއެކު… ޒިޔަލްއާ އޫޝާވެސް އަންނާނެ… ” ނާހިދާއަށް ނޭނގޭނެހެން މާހިލްގެ ކަންފަތުގައި މަޑުމަޑުން ހިފާލަމުން މިންހާ ބުނެލިއެވެ. ”ހޫމް… ދޭ އަވަހަށް… އާންއަށް ލަސްވެދާނެ… ” މާހިލް އެހެން ބުނުމާާއެކު ހިނިތުންވެލަމުން މިންހާވެސް ގެއިން ނުކުންނަން ހިނގައިގަތެވެ. ގެއިން ނުކުމެ ބޭރުގައި އިއާންގެ އިންތިޒާރުގައި މަޑުކޮށްލައިގެން މިންހާ ހުއްޓެވެ. މިންހާ ކަޅު ކުލައިގެ ފަސްބައި ފުޅާ އަބާޔާއަކާއި ރަތް ކުލައިގެ ޝޯލްއެއްގައި ހުރިއިރު އެރީތި ދޮން މޫނުގައިވި ލުއި މޭކަޕުން އިތުރު ފުރިހަމަކަމެެއް ގެނެސްދެއެވެ. މަގުމަތިންދާ އެތައް ބައެއްގެ ނަޒަރު މިންހާއަށް ހުއްޓެމުން ދިޔައެވެ. އެއިން އެއްވެސް ކަމަކަށް ފަރުވާލެެއްނެތި އިއާންގެ އިންތިޒާރުގައި ކެތްތެރިކަމާއެކު މިންހާ މަޑުކޮށްލައިގެން މިންހާ ހުއްޓެވެ.

މާ ލަސްތަކެއްނުވެ ގަދަ ނޫ ކުލައިގެ ސައިކަލެއް އައިސް މިންހާގެ ކުރިމަތީގައި މަޑުކޮށްލިއެވެ. ރަތް ކުލައިގެ އަތް ދިގު ގަމީހަކާއި ކަޅު ކުލައިގެ ސްކިނީގައި އިއާން އިންއިރު އަރާފައިވަނީ ހުދާއި ކަޅުކުލައިގެ ސްނީކާސް ބޫޓަކަށެވެ. ބޮލުގެ އިސްތަށިކޮޅު ރީތި ގޮތަކަށް ސްޓައިލް ކޮށްލާފައިވާއިރު ގަމީހުގެ އަތް ވަނީ އުޅަބޮށިން ތަންކޮޅެއް ތިރިއަށް އޮޅާލެވިފައެވެ. ސައިކަލުގައި އިންއިރު އެފިރިހެންވަންތަކަން ފެނި ކޮންމެ އަންހެން ކުއްޖެއްގެ ހިތް ކިޔާނެކަން ޔަގީނެވެ. އިއާން އައުމާއެކު މިންހާގެ ރަތް ކުލައިގެ ލިޕްސްޓިކުން ފަވާލެވިފައިވި ތުންފަތަށް ވެރިވީ އެންމެ ފުރިހަމަ ހިނިތުންވުމެވެ. އެހިނިތުންވުން ފެނި އިއާންގެ މެޔަށް ފިނިކަން އިހުސާސްކުރެވުނެވެ. މިންހާ ގޮސް އިއާންގެ ކޮނޑުގައި ހިފަހައްޓާލަމުން ސައިކަލަށް އަރާ ހަމަޖެހިލިއެވެ. މިންހާގެ ހަށިގަނޑުން ދުވި ލުއިލުއި މީރުވަހުން އިއާންއަށް ނޭފަތް އެތެރެއަށް ދަމާލެވުނެވެ. ” ޖާން… ޔުއަރ ލުކިން ގޯރްޖިއަސް… ” ކުޑަކޮށް ފަސްއެނބުރި އެރީތި ދޮން މޫނަށް ބަލައިލަމުން އިއާންއަށް ތައުރީފްކޮށްލެވުނެވެ. ” އެންޑް ޔުއަރ ލުކިން ސޯ ހޭންޑްސަމް… ” އިއާންގެ ކަންފަތްް ކައިރީ މިންހާ ބުނެލިއެވެ. މިންހާއަށް އޭނަގެ ފިރިހެންވަންތަ ހިނިތުންވުން ހަދިޔާކުރަމުން އިއާން ސައިކަލު ދުއްވާލިއެވެ.

އިއާން އާއި މިންހާ ސައިކަލުގައި އައިސް މަޑުކޮށްލިއިރު ޒިޔަލް އާއި އޫޝާވެސް ސައިކަލުގައި މަޑުކޮށްލަނީއެވެ. ހަތަރު ޒުވާނުން ހިނިތުންވުމެއްގައި ތިބެ ރެސްޓޯރެންގެ ތެރެއަށް ވަނެވެ. އިއާން އާއި މިންހާގެ ދެއަތް ގުޅުވާލެވިފައިވާއިރު ޒިޔަލް އާއި އޫޝާގެ ދެއަތްވެސް ވަނީ ގުޅުވާލެވިފައެވެ. ރެސްޓޯރެންޓްގައި ތިބި ގިނަ ބައެއްގެ ނަޒަރު އެދެ ޖޯޑަށް ހުއްޓިފައިވީ ގޮތުން އެދެ ޖޯޑުގެ ފުރިހަމަކަން ހާމަވެެގެން ދެއެވެ. ހަތަރު ޒުވާނުން އެކުގައި ގޮސް ރެސްޓޯރެންޓުގެ އެންމެ މަތީ ބަޔަށް އަރާ ހުސް މޭޒެެއް ކައިރީ އިށީނެވެ. އެމީހުން އައިސް އިށީނުމާއެކުހެން ވެއިޓަރަކު އައިސް އޯޑަރު ނެގިއެވެ. އޯޑަރު ކުރި އެއްޗެއް އަންނަންދެން ތަފާތު އެކި ވާހަކަތަކުގައި ހަތަރު ޒުވާނުން ތިއްބެވެ. އެކަކަކު އަނެކަކާ ދިމާކޮށް ސަމާސާ ކުރުމުގައި ތިބިއިރު އެންމެންގެ ތުންފަތް މަތީގައިވީ އުޖާލާވި ހިނިތުންވުމެކެވެ.

އަޝްރާ ލޯގަނޑު ކުރިމަތީގައި ހުރެ ތައްޔާރުވަމުން ދިޔައެވެ. އިރުއިރުކޮޅުން ފޯނާއި ދިމާލަށް ބަލައިލެވެނީ ނާއިލްގެ މެސެޖެއް އައިތޯ ބެލުމަށެވެ. ތައްޔާރުވެގެން ގަޔަށް ސެންޓު ބުރުވާލުމަށްފަހު އަޝްރާ ފަހު ފަހަރަށް ލޯގަނޑުން އަމިއްލައަށް ސޫރައަށް ބަލައިލިއެވެ. އަމިއްލަ ނަފްސަށް ބަލައިލާ ހިނިތުންވެލުމަށްފަހު ފޯނު ހިފައިގެން ކޮޓަރިން ނިކުންނަން ހިނގައިގަންތަނާ ނާއިލްގެ މެސެޖެއް ލިބުނެވެ. މިދަނީ ކަމުގައި ބުނެ ނާއިލްއަށް ރިޕްލައި ކުރުމަށްފަހު އަޝްރާ ކޮޓަރިން ނުކުމެ ތިރިއަށް ފޭބިއެވެ. އޭރު ސިޓިންރޫމުގައި ޒަހާ އޭނަގެ އިންތިޒާރުގައި އިނެވެ. ” ރެޑީތަ… ލެޓްސް ގޯ…” އަޝްރާ އައުމާއެކު ޒަހާ ބުނެލިއެވެ. އަޝްރާ ތައްޔާރު ކަމުގައި ބުނުމުން ދެމީހުން އެކުގައި ގެއިން ނުކުތެވެ. އާދައިގެ މަޑު ހިނގުމެެއްގައި ދެމީހުންވެސް ހިނގަމުން ދިޔައިރު އެމީހުންގެ މިސްރާބަކަށްވީ އެގެއާއި އެންމެ ކައިރީގައި އޮންނަ އަތިރިމައްޗެވެ. ” އަޅެ ޒަހާއަކަށް ނޭނގޭތަ ނާއިލް ކީއްކުރަން ކަމެއް އަހަރެން ކައިރި އަންނަން ބުނީ… ” ހިތް ނުތަނަވަސްވެފައި ހުރެ ހިނގަމުން ދިޔަ އަޝްރާއަށް އަހާލެވުނެވެ. ” ހަމައަސްލުވެސް ނޭނގެ އަޝޫ… އަހަރެން ކައިރި ބުނީ މިހަމައަށް ހަމައެކަނި އަޝޫ ގެނެސްދޭށޭ… އެހެރީ ނާއިލް… ދެން ދޭބަލަ… އިނގިދާނެތާ… ” ހިނިތުންވުމަކާއެކު ޒަހާ އެހެން ބުނެ އޭނާ އިޝާރާތްކުރި ދިމާލަށް އަޝްރާ ބަލައިލިއެވެ. ނާއިލް ފެނުމާއެކު އެވަގުތުކޮޅުވެސް އަޝްރާ ފިނިވެގެން ދިޔައެވެ. ޒަހާ އޭނަގެ ކޮނޑުގައި ކޮއްޓާލަމުން ދާށޭ ބުނުމާއެކު އަޝްރާ މަޑު ފިޔަވަޅުތަކެއްގައި ނާއިލްގެ ގާތަށް ދިޔުމަށް ހިނގައިގަތެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.