ހިތް އެދެޔޭ ކައިރީ ހުރެލުން 3

ޙީޔާލީ އާލަމުގައި ޖަޒުބާތުގައި ޖެހި ދެހިވެސް ވީ ގުޅި ލާ މެހިފައެވެ. ތުންފަތް ހަރަކާތް ނުކުރިނަމަވެސް ގުޅީފައިވީ ދެ ހިތް އެތަކެއް ވާހަކައެއް ޙިއްސާކުރިއެވެ. ހޮނު ގުގުރީގެ އަޑު ބަނަވެފައިވާ ފަޒާގައި ގުގުމާލި އިރުވެސް  ދެ ނަޒަރު ގުޅިފައިވުމީ އެ ނަޒަރު ތަކުގެ ބާރުގަދަކަން ސާބިތުކޮށްދޭ ހެއްކެކެވެ. ކުރިމަތީ ހާމަޔަށް ހުރި ހިތުގެ ހަމަޖެހުމަށް ވެފައިވާ އެކަކު އަނެކަކު ސޫރަައިގެ ފުރިހަމަކަން ފަށުފި ބަސްތަކާއި ޝާއިރުންގެ ހިތްގައިމު ޅެންތަކުން ހިތުތެރޭ އަމުނާނޭ ކަމީ ޝައްކެއް އޮތް ކަމެއް ނޫނެވެ. ނަމަވެސް އެ މީހުންގެ ދުލުން ބޭރުނުވެ ހިތުގައިވާ އެއްޗެއް ދެނެވޮޑިގަންނަވާނީ ހަމަ އެންމެ ކުޅަދުންވަންތަ ރަސްކަލާނގެ މެނުވީ އިތުރު ކޮންފަރާތެއް ހެއްޔެވެ.

ހޮނު ގުގުރީގެ އަޑަށް ސިހިފަ ކުޑަކުދިންތަށް ގޮސް ހިޔާދޭ ބޮޑު ގަހެއްގެ ނިވަލަށް ވަނެވެ. އެކުދިންގެ ނަޒަރު ހުއްޓިފައިވަނީ ހަމަ ލޮލަށް ފެންނަމުން ދިޔައީ މަންޒަރަށެވެ. މަންމިމެން ބަލާ އުޅޭ “ކަސޯޓީ” ގެ ސީންތަށް ފަދަ ސީންއެއް ހަމަ ލޮލަށް ފެންނާތީ އެކުދީން ތިބީ ވަރަށް ޝައުގުވެރިވެފައެވެ. “އޯވްވްވް…ތަންޑާރ އައިއިރުވެސް ދޮންބެ އެން ކައި ދައްތި ސިއްސައިގެންވެސް ނުދޭ..” ލާނެއް ވެލާފައި އަލްޔާ ބުނެލިއެވެ. “ހީވަނީ ބިއުޓީ އެން ދަ ބީސްޓް ހެން ދޯ..” އޭނާގެ ކޮއްކޮ އުމުރުން ހަތް އަހަރުގެ އަވްޔަންވެސް އެއްބައިވެލިއެވެ. “ދޮންބެ އެއީ ބީސްޓް އެއް ދޯ ހަމަ ހުރިގޮތަށް ހުރި..ގައިގަ ހެއާރ ހުރިނަމަ އަދި ވަރަށް ނައިސް ވާނެ.” އެއް އަޑަކުން އެކުދިންތަށް ހީލިއިރު އެކުދިންގެ ސިކުނޑިތަށް މާކަށް މައުސޫމް ހެނެއް ހިޔެއްނުވެއެވެ. މި ޒަމާނު ކުޑަކުދިންގެ ހާލަތު ވިއްޔާއެވެ. “ދެން ހިނގާ އެހެން ސީން އެއް ބަލާލަން..ދޮންބެ ކައިރީ ބުނާނީ އެއްކަލަ ޑިޒްނީ ކާޓޫންސްގަ ހަދާގޮތަށް..” އަވްޔަން އޭނާގެ ވާހަކަ އަޑުހަރުކޮށް ކުރިޔަށް ގެންގޮސްފައި މެދު ކަނޑާލިއެވެ. އޭނާ ދައްކަން އުޅުން ވާހަކަ އިތުރަށް ކުރިޔަށް ގެންދިޔައީ ވަރަށް ސިއްރުވެރި އަޑަކާއެކުގައެވެ. އަވްޔަންގެ ޙިޔާލާ އެއްބަސްވަމުން ހުރިހާ ކުދިން އެކަތިގަނޑެއްހެން ދުއްވައިގަތީ ޔާއިންއާއި ކައިލީ ތިބި ދިމާލަށެވެ. އަދިވެސް ހަމަ ބޯކޮށް ވާރޭ ވެހެމުން ގެންދިޔައީ ހުއްޓާނުލާނަމޭ ގޮވަމުންނެވެ.

“ޕޮއް..ތިއޮތީ ކެޗް ކުރެވިފައެއްނު ދޮންބޭ..” ޔާއިންއާއި ކައިލީ ސިއްސައިގެންދިޔައީ އެމީހުން ވަށާލައިގެން ތިބެ ނިކަން ބާރަށް ވާހަކަ ދައްކަމުން ގެންދިޔަ ކުޑަކުދިންގެ ސަބަބުންނެވެ. ދެ ޒުވާނުންވެސް ތިބީ ހިސާބަކަށް ލަދު ގަތްފައެވެ. ކައިލީ އުރުން ތިރިކޮށްލަމުން ބިމުގައި ބަހައްޓާލާފައި ޔާއިން ބޯ ކަހައިގަތީ އެ ވަގުތު ކޮޅުގެ “އޯކްވާރޑް.” ކަމުންނެވެ. “އަޅޭ..ދޮންބެ އާ ކައި ދައްތަޔާ ހީވަނީ ހަމަ ޑިޒްނީ ޕްރިންސް އެންޑް ޕްރިންސެސް ހެން.” ކޮއްކޮ ރާއިލް ލުއި ގޮތަކަށް ހީލަމުން ބުނެލި ވާހަކައިން ޔާއިންގެ ދޮން ކޯތާފަތް ރަތްވެގެން ދިޔައީ ލަދުގަންނަނީ ހަމައެކަނި އަންހެން ކުދިންނޫންކަން ނިކަން ފައްކާކޮށް ސާބިތުކޮށްދީފައެވެ. އެހެން ފަހަރުތަކާ ހިލާފަށް މިފަހަރު ކައިލީ ފެށީ ކުދިންތަކާއެކު ހޭށެވެ. އަނގަމަތީ އަތް އެޅުމެއްނެތި ފާޅުކަން ބޮޑު ގޮތެއްގައި ހިރުގަނޑުވެސް ފެންނަވަރަށް ކައިލީ ހެމުން ދިޔައިރު އިސްޖަހާލައިން ހުރި ޔާއިން އާޝޯޙްވެފައި ބަލަހައްޓައިގެން ހުއްޓެވެ. ހުސް އަލަށް ފެންނަ މަންޒަރުތަކެވެ. އުތުރި އަރަނީވެސް އާ ޖަޒްބާތްތަކެވެ. “ދެން އަދި މާ ކިއުޓް ވާނެ ގޮތެއް ބުނަންތަ..ދޮންބެ ޕްރޮމިސް ކުރޭ އެކަން ކުރާނެކަމަށް.” އަލްޔާ ލާނެއް ގޮތަކަށް ބުނެލަމުން އަވްޔަންއަށް ލޮލުން އިޝާރާތްކޮށްލީ ވާހަކަ ކުރިޔަށް ގެންދާށޭ ބުނާ ފަދައިންނެވެ.

“ޔެސް ހަމަ ކުރަންޖެހޭނެ..ނުކޮށްފިއްޔާ..މާމަ ކައިރި ބުނާނަން ދެންމެ ކުރިކަންތަށް.” ވަރަށް ގަޓުވެލާފައި ދެ ފަރާތުން އުނަގަނޑުގައި އަތް ވިއްދާލަމުން އަވްޔަން އެއް ލޯ މަރާލިއެވެ. އެއް ބުމަ ހިއްލާލަމުން ޔާއިންއާއި ކައިލީ އެކަކު އަނެކަކަށް ބަލާލިއެވެ. އަލްޔާ މެން ހިތުން އެމީހުނަށް އެދެވުނީ ކުޑަ އިންޒާރެއް ނަމަވެސް އެ އިންޒާރުގެ ބިރުވެރިކަން އިނގޭނެ ތިންވަނަ ފަރާތެއް ޔާއިންއާއި ކައިލީ މެނުވީ ނުހުންނާނެއެވެ.

“ހަދަންވީ އެއްޗަކީ އެއްކަލަ ޑްރާމާގަ ހަދާހެން ދޮންބެ ބޭބީ އެއްހެން ކައި ދައްތަ އުރާލައިގެން ގެންގޮސް ކައި ދައްތަ ކޮޓަރީގަ ބަހައްޓަންވީ.” އަތްޖަހާލަމުން އެ ހުރިހާ ކުދިންގެ އެދުން ޙިއްސާކޮށްލިއެވެ. “އެހެން ކިހިނެތް ހަދާނީ..ކައި ދައްތަ ބަރުވާނެ ޑައިނަސޯރއަކަށްވުރެ. އެހެރީނު ހުންނަލެއް ފަލަކަން.” ރެކިގަތުމުގެ ގޮތުން ދައްކާނެ އިތުރު އުޒުރެއް މި ނޫނީ ޔާއިންއަކަށް ނުފެނުނެވެ. ޔާއިންއާ ދިމާލަށް ދެލޯ އަޅާލަމުން ޔާއިންގެ އަތު މުލައްދަނޑީގައި ކައިލީ ވިކައިގަތެވެ. “އައްދިއްޔޯއި..އާން މި ބުނީ ކައި ދައްކަ ހިކި ކަމުން ނު އުފުލޭ ވާހަކައޭ.” ކުޑަކުއްޖެއް ހައްދާފަދައިން ކައިލީ ނުހެއްދޭނެކަން އެނގި ހުރެވެސް ޔާއިން ބުނެލިއެވެ. ތުންއަނބުރާލަމުން ކައިލީ ކަޅި އަނބުރާލިއެވެ.

“ހައް ވަރަށް މަޖާ..އަވަހަށް ހަދާ އެގޮތަށް އެހެންނޫނީ އާރިފާއްތަ ކައިރި ބުނާނީ..” އާދިލް ދެވަނަ ފަހަރަށް އިންޒާރު ހަނދާންކޮށްދިނެވެ. އިތުރު ގޮތެއް ނެތުމުން ކައިލީގެ އުނަގަނޑުގައި ހިފައި ޔާއިންއާ ދިމާލަށް އެނާ ދަމައިގަތެވެ. އެ ކުއްލި ހަރަކާތުން ކައިލީ ސިހުންނަމަވެސް ޔާއިންގެ ކަނދުރާޔާ ދިމާލުގައި ކައިލީ މޫނު ފޮރުވާލީ ލަދުންނެވެ. ދޫނި ފަތެއް ހާ ލުއި އެ ތުނި ހަށިގަނޑު އުފުލާލައިން ޔާއިން ކުރިއަށް ހިނގައިގަތެވެ. އެފަދަ ގޮތަކަށް ހުވަފެނުގައިވެސް ކަންވާތަން ފެނިފައި ނުވާ  ކައިލީއަށް މިކަންތަށް ވީ މުޅިން އާ ކަމަކަށެވެ. ދާން ހަމަޖެހިފައިވާ މަންޒިލާ ހަމައަށް ނުދެވެނީސް ޔާއިންގެ ކަނދުރާގައި ފޮރުވާލެވިފައިވާ މޫނު ހިއްލާނުލުމަށް އޭނާ އަމިއްލަ ނަފްސަށް ވައުދުވިއެވެ.

ޔާއިން މެންގެ ފަހަތުން އައި ކުދިންކޮޅު ދިޔައީ އުފަލުން އަތް ޖަހަމުންނެވެ. ދޭތެރެއަކުން އެމީހުންގެ ތުއްތު ބަސްތަކުން ޔާއިންއާއި ކައިލީ ގުޅޭކަމަށް ބުނަމުން ގެންދިޔައެވެ. “ސަޗް އަ ކިއުޓް ކަޕަލް ދޯ..ދެން ކިޔާނީ ދޮންބެ އެން ދޮންބެ ދައްތަ ހައްހައް.” އަލްޔާގެ ވާހަކައާއެކު އެންމެ ހީގަތެވެ. ބުނާނެ އެއްވެސް އެއްޗެއް ޔާއިންއާއި ކައިލީގެ ދުލަކަށް ނައެވެ. ނަމަވެސް ހިތުގައި ވީ އެންމެ އެދުމެކެވެ. “އެ ބަސްތަށް ހަގީގަތަކަށް ވާނެނަމަ…”

ކޮޓަރި ތެރެއަށް ވަދެވުމާއެކު ކައިލީ ބިމަށް ތިރިކުރުމަށް ޔާއިން ހުރީ ނިޔަތް ގަނެގެންނެވެ. ނަމަވެސް ފަހަތުން އައި ކުދިވެރިންގެ ޙިޔާލު ހުރީ ތަފާތު ގޮތަކަށެވެ. ކައިލީއާއި ޔާއިން ދުރުން އެތެރެއަށް އަޅާލި ފުރަތަމަ ފިޔަވަޅާއެކު އެ ކުދިންތަށް ފަހަތުން ދޮރު ޖެހިއެވެ. ތަޅުނުލާކަން ހަމަ ނަސީބެކެވެ. ތަންކޮޅެއް ބާރު ހިނގުމެއްގައި ޔާއިން ގޮސް ކައިލީ އެނދުމައްޗަށް ވައްޓާލިއެވެ. ޔާއިންގެ ކަރުގައި އަޅުވާލެވިފައިވާ ކައިލީގެ އަތަށް ވާންވެގެން ދިޔުމުން ޔާއިންވެސް ކައިލީއާއެކު އެނދުމައްޗަށް ވެއްޓުނެވެ. އެކަކު އަނެކަކުގެ ނޭވާ އިހްސާސްވާހާ ކައިރީގައި ތިބިއިރު ފިނިފިނި އެ މޫސުމުގެ ސަބަބުން ހީބިހި ނަގާފައިވާ ދެ ހަށިގަނޑަށްވެސް މަސްތީ އަރާމެއް ލިބުނެވެ.

ނަމަވެސް އެ ތަންމަތީގައި ދެން ކަންވާނެގޮތަށް ހިތަށް އެރުމުން ކައިލީ ހިސާބަކަށް ބިރުގަތެވެ. އޭނާއަތް ތުރުތުރު އަޅައިގަނެގެން ދިޔައިރު ޔާއިންގެ ކަނދުރާގައި ކުޑަކޮށް ވިކައިގަނެވުނީ ތަދުނުވާނެ ގޮތަކަށެވެ. ނޫނެކޭ ބުނުމުގެ ގޮތުން ކައިލީ ދެތިން ފަހަރު ބޯ ހޫރާލިއިރު އެ ދެލޮލުން ފެނުނީ ހާސްކަމާއި އާދޭހެވެ. ފިރިހެނުންގެ ގޮތެއް ނޭނގޭނެ ވިއްޔާއެވެ. “ނޯ ޕްލީސް.” ކައިލީގެ ތުންފަތް ފޫ އަޅުވާލިއެވެ. އޭނާގެ ދެލޯ ތެމޭގޮތްވީ ޔާއިންގެ ފަރާތުން އުންމީދު ކުރެވޭ ނިޝާނެއް ނުފެނުމުންނެވެ.

ކުއްލިއަކަށް ފުންމައިގެން ޔާއިން ކޮޅަށް ތެދުވެ ޖިންސުގެ ދެޖީބަށް އަތްޖަހާލިއެވެ. އޮށޯވެގެން އޮތް ކައިލީގެ ކުރިމަތީގައި އޭނާ ހުއްޓިލައިގެން ހުރި އިރު ކައިލީގެ ނަޒަރު އެންމެ ސިކުންތުކޮޅަކުވެސް ޔާއިންގެ މޫނާ ވަކިނުވެއެވެ. ޑައި ކުރެވިފައިވާ ފަން އިސްތަށިކޮޅުން ބޮޑު ބައެއް މޫނުމައްޗަށް ވެއްޓި އެބައިން ތުންފަތް މައްޗަށް ފެންތިކިތަޅަމުން ގެންދިޔައީ ވިއްސާރަ ވިލާތަކުން ބިމަށް ފެންތިކި ތަޅާގޮތަށްވުރެވެސް ހިތްގައިމު ކޮށޭ ކައިލީގެ ހިތް ބުންޏެވެ.

“ހެހެ..ކައިލީ ހީކުރީ މަ ކައިލީގެ ނުރުހުމުގަ އެކަހަލަ މަޖާ ކަމެއް ކުރަން އުޅޭނެ ކަމަށްތަ؟” އެނދުގައި ހަމަޖެހިލައިން ކައިލީ އިށީނުމުން ޔާއިން އެއްފައި މައްޗަށް ކައިލީ ކުރިމަތީގައި އެއްފައި މައްޗަށް އިށީނދެ ހިނިގަނޑެއް ޖަހާލިއެވެ. ވާން އުޅުން ކަންތައް ޔާއިން މަޖާ ކަމަކަށް ހަދާލުމުން ކައިލީގެ ހިތުގައި ސުވާލު އުފެދުނެވެ. “އެ ވަރަށް މަޖާކަމެއްތަ.” ދެލޯ ބޮޑުކޮށްލަމުން މައުސޫމް ގޮތަކަށް ކައިލީ އެއްސެވެ. “އާން އެހެންޏާ..ބޮޑު ޢީދުގަ ފެންކުޅި ކުޅުމަށްވުރެއް މަޖާވާނެ.” ޔާއިންގެ މޫނުމަތިން ފާޅުވީ ނުސިޔާނުކަމެވެ. ކައިލީގެ މައުސޫމްކަމުގެ ނާޖާއިޒް ފައިދާ ނަގަން ހިތަށް ނޭރިޔަސް އެ މައުސޫމްކަމުގެ ސަބަބުން އިތުރަށް ސަމާސާކުރާ ހިތްވީއެވެ. “އެއީ ކީއްވެ.؟” ޔާއިންގެ މާނަ ފުން މަޒާޖީ ބަސްތަށް ކައިލީއަށް މާ ބޮޑަށް ދޭހަވާގޮތެއް ނުވިއެވެ. (އަސްލު ޔާއިންގެ އެއްނޫން..އިޓްސް މައި އަމިއްލަ އުފެއްދުމުގެ މަޖާޒީ ބަސްތަށް ލޮލް.)

“އަޑުގަދަވީމަ..ފެން ކުޅޭ އިރުވެސް އަޑުގަދައެއްނު.” އެއްލޯ މަރާލަމުން ޔާއިން ބުނެލިއެވެ. ކޯތާފަތަށް ޖަންބުކުލަ އެރިނަމަވެސް ލަދުގަތްކަން ދައްކަން ބޭނުންނުވި ކައިލީގެ ދެލޯ ކުޑަކޮށްލިއެވެ. “އޯވްވް ހާދަ ލޯތްބޭ.” ހިނިގަނޑެއް ޖަހާލަމުން ތުންފަތުގައި ދަތްއަޅާލި ޔާއިންގެ ހިތުގައި ވީ އެބަސްތަކެވެ. އިތުރު އެއްޗެއް ނުބުނެ ފެންވަރަށް ދިޔުމަށްޓަކައި ޔާއިން އެ ކޮޓަރިން ނުކުންނަން ހިނގައިގަތީ ކައިލީގެ ކޮލުގައި ފުދޭވަރަކަށް ބާރަށް ހިފާގަންފައެވެ. “އައުޗް.” ޔާއިން ދޮރުޖަހާލުމުން ކޮލުގައި އަތް ޖައްސާލާފައި ކައިލީ އެނދަށް އަލުން ވެއްޓިގަތެވެ. ސީލިންގުގައި ހަރުކޮށްފައި ހުރި ފަންކާޔަށް ނަޒަރު ހުއްޓާލައިގެން އޮތް އިރު ޔާއިންގެ ޙީޔާލުތަށް ވީ އެ ސިކުނޑި ހިސޯރުކޮށްލާފައެވެ. މިއީ ކޮންކަހަލަ އިހްސާސެއް ހެއްޔެވެ. އެންމެ ސޫރައެއްގެ ސަބަބުން ރޫޙަށް މި ލިބޭ ހިތްހަމަޖެހުމާއި އެ މަޑު އަތްތިލައިގެ ބީހުންތަކަށް އެދެވުން މިއީ ނަފްސާނީ ބައްޔެއް ބާވައެވެ.

ދުވަސް އެކީގައި ނިމިގެން ދަނީ މިފަދަ ގޮތަކަށެވެ. ޔާއިންއާއި ކައިލީގެ ސަމާސާ ކުރުންތަކުންނެވެ. އެ ދެމީހުންގެ ހިތުގައި އެކަކު އަނެކަކަށް ނޭނގިނަމަވެސް ދެވިފައިވާ މަގާމު މަތިވަމުން ގެންދިޔައެވެ. ލާ ކޮންމެ ނޭވާއެއްވެސް ދެނަން އެކީގައި ކިޔަމުން ގެންދިޔައެވެ. ލޮލުކޮޅަށް ނަމަވެސް ހިތް އެދޭ ސޫރަ ފެންނާނެ ވަގުތަކަށް އިންތިޒާރު ކުރެވެވެ. އެ އިންތިޒާރުގެ ނިމުމުގައި ހިތި ރަހަ އަދި އަދަށް ދާންދެންވެސް ނުލުން މިއީ ދެމީހުންގެވެސް ނަސީބެވެ.

ބަދިގޭގެ ސިންކު ކައިރި އަތް ދޮންނަން ހުރި އާރިފާގެ މޫނުމަތިން ފެނުނީ ހިތްހަމަނުޖެހުމެވެ. މަސަތްކަތް ކުރަން ހަމަޖެހިފައިވާ ވަގުތު ނޫން އެހެން ވަގުތުތަކުގައިވެސް ކޮޓަރިން ބޭރަށް ނިކުމެ އުޅުން ކައިލީ ގިނަކޮށްފައިވާއިރު އޭނާ ހުންނަ ތަންތާނގައި ޔާއިންއާއި ކައިލީގެ ނަޒަރު ސީދާވެ ޙިއްސާކުރާ ހިނިތުންވުން އާރިފާ ނުތަނަވަސް ކުރުވައިފިއެވެ. މިއީ އަދި ކަންތަށް ދާން ޖެހޭ ގޮތް ނޫންކަމަށް އެހިތް ތަކުރާރުކޮށް ބުނަމުން ގެންދިޔައެވެ.

“މަންމާ ކޮން ޙީޔާލެއްގަ؟” ފަހަތުން އައިސް އާރިފާގެ ކޮނޑަށް އަތްވައްޓާލި ޔަލްވީ އެއްސެވެ. އަންހެން ދަރިންނާ ވަރަށް ގާތްގުޅުމެއް ބާއްވާ ދުވަހަކުވެސް އެއްޗެއް ނުފޮރުވާ އާރިފާގެ ހިތް މިފަހަރުވެސް ބުނީ އެހިތުގެ އިހްސާސްތަށް ބަންޑުންކޮށްލުމަށެވެ. “އެ ޔާއިންއާ ކައިލީ އުޅޭގޮތް މަންމަޔަށް އެއްގޮތަކަށްވެސް ކަމަކު ނުދޭ….މަންމަޔަށް ހީވަނީ އެ ދެމީހުންގެ ދެމެދު އިތުރު ގުޅުމެއް އޮންނަނީކަންނެ.” ޓީޝޫއަކުން އަތް ފޮހެމުން އާރިފާ ވާހަކަދެއްކިއެވެ. “އަޅެ ކިހާ ލޯބިތަ އުޅޭގޮތް ހީވަނީ ކުޑަކުދިންތަކެއްހެން..ދޮންބެވެސް އެހާ އުފާވެފަ ހުންނަތަނެއް ކުރިޔަކުން ނުދެކެން..އަޅެ މަންމަ އުފަލެއް ނުވޭތަ ދޮންބެގެ ރިއަލް ސްމައިލް އެހާ ގިނައިން ފެންނާތީ..” ވަރަށް ޖޯޝާއެކު ޔަލްވީ ވާހަކަ ދެއްކިއިރު އާރިފާގެ މޫނުމަތީ ކުލަވަރު އޭނާއަށް ފެނުންނަމަ ރަނގަޅުވީހެވެ.

“ލޯތްބޭ..؟ އާން ވަރަށް..އެ ފަގީރު…..ހޗއގވހޗވެގޗ..އާއެކީ ނޫންނަމަ ވަރަށް ލޯބި ވާނެ..ހަމަ އެނޫން އަންހެނެއް ޔާއިންއަށް ނުފެނުނީތަ ކޮބާތަ އޭނާ ރައްޓެހިވެގެން އުޅޭ ޝަމްހާ މިހާރު..އެ މަންޖެ ދޫކޮށްލީ ކަންނެ ކައިލީ ފެނުނީމަ ޔަގީންވިއްޔާ..” އާރިފާގެ ރުޅީ މަޑުވާގޮތެއް ނުވިއެވެ. މަންމަގެ މިޒާޖުގައި ހަރުލާފައިވާ ގިންތި ތަފާތު ކުރުމުގެ ޖޯޝު ފިލުވާލާނެ ގޮތެއް ނެތުމުން އެއްޗެއް ނުބުނެ ބަދިގެއިން ނިކުންނަން ޔަލްވީ ހިނގައިގަތެވެ. ނަމަވެސް ހިނގަމުން ގެންދިޔަ މަންޒަރު ފެނުމުން ފާރުކައިރި ލެނގިލައިން ހެވިފައި އެ މަންޒަރު ބަލަން ހުރެވުނީއެވެ.

އޮފީހަށް ދާ ފުރަތަމަ ދުވަސްކަމުން ނިކަން އަވަހަށް ތައްޔާރުވެގެން ސިޑިން ފައިބައިގެން އައީ ޔާއިންއެވެ. ކަޅު ކުލައިގެ ފަޔަށް ބާރު ޒަމާނީ ފަޓުލޫނަކާއި އަޅި ކޯޓެއްގެ އިތުރަށް ހުދު ގަމީހުގައި ޔާއިން ފެންނަލެއް ވަރަށް ސްމާރޓެވެ. އޭނާ އަންނަ ގަޑި މާކުރިން ކައިލީއަށް އެނގިފައި ވީ ފަދައެވެ. އާވި އަރައަރާ ހުރި ކޮފީތަށި ކާމޭޒު މަތީ ބަހައްޓާލައިގެން އޭނާ ހުރީ ޔާއިންގެ އިންތިޒާރުގައެވެ. ލައިގެން ހުރި އަޅި ކުލައިގެ ސުއިޓާއި އެއްވަރަށް ހުދު ގަމީހުގެ ގިރުވާން ބެހެއްޓުމަށްޓަކައި އޭނާ ދިޔައީ ވަރަށް ބުރަ މަސަތްކަތް ކުރަމުންނެވެ. ކައިލީ ކުރިމަތީ ހުއްޓިލަމުން ޔާއިން އިސްއުފުލާލިއެވެ. “އެއްކަލަ އަމިއްލަޔަށް ކަންތައް ކުރަން ނޭނގޭ ކުޑަކުއްޖާ ދޯ މިއުޅެނީ.” ދިމާކޮށްލުމުގެ ގޮތުން ކައިލީ ބުނެލިއެވެ. މޭޒުމަތީގައި ހުރި ކޮފީތަށި ޔާއިންއަށް އޭނާ ދިއްކޮލިއެވެ.

އެއްކޯވަރުން އެ ތަށި ހުސްކުރެވޭތޯ ޔާއިން މަސަތްކަތް ކުރިއިރު ގިރުވާނާއި ކޯޓު ރީތިކުރުމަށް ކައިލީ އެހީވެދިނެވެ. ހުރިހާ ކަމެއް ނިމުމުން ވަކިވާ ގަޑި ޖެހުނީކަން ހަނދާންވެފައި ޔާއިން ހިސާބަކަށް މާޔޫސްވިއެވެ. “އޭ މަ ބުނީ މިއަދު މަ ޑިއުޓީ ނިމޭނެ އެގާރަ ގަޑި ބައިގަ..އެހާއިރު ކައިގެ ޑޮކްޓާރސް ރިޕޯރޓުތަށް ހިފައިން ދައްކާލަން އަންނައްޗޭ ވާގޮތް ކުޑަކޮށް ކިޔާލަދޭން. ނަންބަރު ނުނަގާވެސް ވަދެވޭނެ.” ޔާއިން ބުނެލިއެވެ. ޔާއިން ކުރިމަތީގައި އޭނާގެ ފަރުދާ ކަހާލަން ޖެހޭނެކަން އިނގުމުން ކައިލީ ޖެހިލުންވިއެވެ. ނަމަވެސް ޔާއިންގެ އެދުމާ ދެކޮޅު ހަދާކަށް ނުކެރުނެވެ. “އެ ކީއްވެ ނަންބަރެއް ނުނަގާ ވަދެވެނީ. ޕޭޝަންޓެއްގެ ހައިސިއްޔަތުންނެއްނު މަ ދަނީ” ބުމަ ހިއްލާލަމުން ކައިލީ އެއްސެވެ. “އުހުން..ވައިފްގެ ހައިސިއްޔަތުން ކަމަށް ބަލަމާ.” ޖެއްސުމަށްނަމަވެސް ޔާއިން ބުނެލީ އޭނާގެ ހުވަފެނުގައި ކަންވާ ގޮތެވެ. “ހޫނނނ..” މުސްކުޅިއެއްހެން ކައިލީ ރާގު އަޅުވާލިއެވެ.

“ޔާއިން..” ބަދިގެއިން އެވަގުތު ނިކުތް އާރިފާ ގޮވާލުމާއެކު ކައިލީ ވަގުތުން ދުރަށް ޖެހިލައި މޭޒުމަތި ފޮހެން ފެށިއެވެ. “އޮފީހަށް ދިޔުމުގެ ކުރިން ވަގުތު ކޮޅެއް އޮތިއްޔާ ހިނގާބަލަ މަންމަޔާއެކީ މިތާ ބޭރު ގާޑަންއަށް.” މޫނުމަތިން އެއްވެސް އަސަރެއް ނުދައްކާ އާރިފާ ބުނެލިއެވެ. “އޯކޭ.” ދެކޮނޑު އަރުވާލަމުން އާރިފާ ފަހަތުން ބޭރަން ނިކުންނަން ޔާއިން ހިނގައިގަތެވެ. “ބާއި ވައިފް..އަންނައްޗޭ އިނގޭ އިލަވަންގަ.” މޭޒު ކައިރި ފުރަގަސް ދީގެން ހުރި ކައިލީގެ ކަންފަތް ބުޑުގައި ބުނެ ބުރުގަލަށް ދަމާ ޖެއްސުމެއް ކޮށްނުލާ ގެއިން ބޭރަށް ނިކުމެވޭ ކަމަކަށް ނުވިއެވެ.

“އަޅެ ތި މީހުން ހާދަ ލޯތްބޭ..ރައްޓެހިވީތަ މިހާރު.” މޭޒު ފޮހެން ހުރި ކައިލީގެ ކޮނޑުގައި އަތް ބާއްވާލަމުން އެކުވެރިގޮތަކަށް ޔަލްވީ ބުނެލިއެވެ. މުޅި އެ އާއިލާއިންވެސް އެކުވެރިގޮތަކަށް ފެށުނީއްސުރެއް ވާހަކަ ދައްކާ ހަމައެކަނި އިތުރުބާރު ކުރެވޭ ފަރާތަކީ ޔަލްވީއެވެ. “އޭ ނޯ ނޮޓް އިވަން ޑްރީމިން ތި ކަހަލަ ކަމެއް ކުރަން. ލޯބިވެވިގެނެއް ނު ރައްޓެހިވެވޭނީ އަދި.” ދެފަރާތަށް ބޯ ހޫރާލަމުން ކައިލީ ވަގުތުން ދެކޮޅު ހެދިއެވެ. “ނޯނޯ..އައި ސީ ލަވް އިން މައި ބްރޯސް އައިޒް..އެންޑް ކައިލީގެ ލޮލުންވެސް ފެންނަހެން ވަރަށް ހީވޭ..” އެއްލޯ މަރާލާފައި ޔަލްވީ ދުރަށް ދުއްވައިގަތީ ކައިލީ ބޮނޑިއެއް އަޅަން އަތް މަޅާލުމުންނެވެ.

“މަންމަ ބުނަން އުޅުނީ..މިހާރު ކޮބާތަ ޝަމްހާ..ޔާއިން މާލެ އައިފަހުން މިގެޔަށް ނުވެސް ގެންނަމެއްނު..” ގެއިން ބޭރަށް ނިކުތް ގޮތަށް އާރިފާ ބުނެލި ވާހަކައިން ޔާއިންގެ މޫނު ވަގުތުން އޮއްސުނެވެ. އެންމެ ހަނދާންކުރަން ބޭނުންނުވާ ނަން މަންމަ ހަނދާންކޮށްދިނުމުންނެވެ. “އާން..އޭނަ ވަރަށް ބިޒީކަންނެ އެހާ ކޯލެއް ނުކުރޭ މާލެ އައިފަހުން..” ޝަމްހާބޮލަށް ހުރިހާ ކަމެއް ޔާއިން ކަނޑާލިއެވެ. ހަގީގަތަކީ ޝަމްހާގެ ނަންބަރު ބްލޮކް ކޮށްފައިވަނީ ޔާއިންކަމެވެ. “މަންމަ ހީކުރީ ދެކުދިން ރުޅިވީކަމަށް.” ޖަވާބު އެނގެން ކެތްމަދުވެފައި އާރިފާ އެއްސެވެ. “އެހެއްހް ނޫން..” ބޯ ކަހާލާފައި ރެކިގަތުމުގެ ގޮތުން ޔާއިން ކާރަށް އަރަން ދާން ހިނގައިގަތީ ނޭނގިނަމަވެސް އާރިފާ އެދޭ ޖަވާބު ދީފައެވެ. އާރިފާގެ ތުންފަތް މަތީގައިވީ ފަތަހައިގެ ހިނިތުންވުމެކެވެ.

ކާރަށް އަރައި އިށީނދެ ފޯނު ނަގައި ޝަމްހާގެ ނަންބަރު ވަގުތުން ޔާއިން އަންބޮލޮކް ކޮށްލިއެވެ. މަންމައަށް އިނގިދާނެތީއެވެ. ކާރު ދުއްވާލުމުގެ ކުރިން އެންމެ ފަހު ފަހަރަށް އޭނާގެ ހިތް ދޫކުރެވިފައިވާ ގެޔާ ދިމާލަށް ބަލާލިއެވެ. “އަލް މިސް ޔޫ.” ހިތާހިތުން އޭނާ ބުނެލީ ތިން ގަޑިއިރުފަހުން ކައިލީ ފެންނާނެކަން އެނގިހުރެއެވެ.

ކާރު ވަކި ހިސާބަކަށް ދުއްވާފައި ބުރަކި ޖައްސާލަން މަޖުބޫރުވީ ޔާއިންގެ ފޯނު ރިންގުވާން ފެށުމުންނެވެ. ޝަމްހާގެ ފޯނު ކޯލެކެވެ. ޔާއިން ޗޮކެއް ކަނޑާލިއެވެ. މަންމަ އާރިފާއާއި ޝަމްހާޔާ ދެމެދު އޮންނަ ގުޅުމުގެ ވަރުގަދަކަން ހަނދާންވުމުން ފޯނު ނަގަން އޭނާޔަށް މަޖުބޫރުވިއެވެ. “އަންބްލޮކް ކުރަން ކެރިއްޖެއެއްނު..ވީ ނީޑް ޓު ޓޯކް..ހަމަ އެންމެ މެސެޖަކުން ވީ އާރ ޑަން އޭ ބުންޏަސް ނުވާނެ..” ސިންގު ރުޅި އައިސްފައި ހުރެ ޝަމްހާ ހަޅޭއްލަވައިގަތެވެ. “އޭ ޗިލް މިއަދު ބިޒީ ވަރަށް މޭބީ ޓުނައިޓް އޯކޭ؟.” ޔާއިން ބުނެލިއެވެ. ޖަވާބެއް ނުދީ ޝަމްހާ ފޯނު ކަނޑާލުމުން ޔާއިންގެ ހިތުގައި ސުވާލު އުފެދުނެވެ. ނަމަވެސް މާ ބޮޑު ފަރުވާލެއް ނުބަހައްޓާ ކާރު ދުއްވާލިއެވެ.

މެރޫން ކުލައިގެ އަބާޔާއާއި ކްރީމް ޝޯލް ގައި ހުރި ކައިލީ ލޯގަނޑު ކުރިމަތީގައި ހުއްޓިލިއެވެ. ކްރީމް ޝޯލްކަރުގައި އޮޅާލާފައިވާއިރު މެރޫން އަބާޔާ ވަނީ އުނަގަނޑާ ދިމާލުން ހިފާލާފައެވެ. ތުންފަތުގައި މަޑު ރަތް ކުލައެއް ޖައްސާލެވިފައިވީއިރު އެ ދޮން މޫނަށް އިތުރު ފައުންޑޭޝަން ބޭނުމެއް ނުވެއެވެ. ކޮނޑުގައި ކަޅު ކުޑަ އަތް ދަބަސް އަޅުވާލަމުން ކޮޓަރީގެ ބޮކިތަށް ނިންވާލާފައި ކައިލީ ގެއިން ނިކުންނަން ހިނގައިގަތެވެ. ޔާއިން ބަލަން ބޭނުންވެގެން އުޅޭ ޑޮކިއުމެންޓް ތަކާއެކުގައެވެ.

“ކައިލީ އޭތް..” ވަރަށް ބާރަށް އާރިފާ ގޮވާލި އަޑަށް ދޮރުގެ ތަޅުގައި ހިފަން އަތް އުފުލާލި ކައިލީ އޭނާގެ އަތް ތިރިކޮށްލިއެވެ. ފަސް އެނބުރި އާރިފާޔާ ދިމާލަށް ބަލާލިއެވެ. “ވަރަށް ވެފަ ދޯ ތި ހުންނަނީ ޔާއިންއާ ގާތް ގުޅުމެއް އޮންނާތީ…އޭނަޔާ އިތުރަށް ގާތް ވާން ހިތަށްވެސް ނާރުވާތި.” ޝަހާދަތް އިނގި ދިއްކޮށްލަމުން އާރިފާ ހިތުން އޭނާއަށް ދެވުނީ ގަދަ ފަދަ އިންޒާރެކެވެ. ޔާއިން އެގެޔަށް އައީއްސުރެއް އާރިފާޔާ މެދު އެހިތުގައި އޮންނަ ބިރު ދަނީ ކުޑަވަމުންނެވެ. އާރިފާގެ ފަރާތުން އުނިވާ އަޅާލުން ޔާއިންގެ ފަރާތުން ލިބޭތީ ކަމަށްވެސް ވެދާނެއެވެ. މަޑުމަޑުން ބޯ ޖަހާލާފައި އެއްޗެއް ހިތަށް ނާރުވާ ގެއިން ނިކުމެގެން އޭނާ ދިޔައީ ޔާއިންގެ މޫނު ދެކިލުމަށްޓަކައި ކެތްމަދުވެފައި ހުރެއެވެ.

ވެއިޓިން އޭރިއާރގައި ކައިލީ މަޑުކޮށްލައިގެން ހުރީ ޔާއިންގެ ޑިއުޓީ ނިމެން ބާކީ ދެން އިނީ ދެ ޕޭޝަންޓުން ކަމަށް ކައުންޓަރުން ބުނުމުންނެވެ. އަތުގައި އޮތް ސެމްސަންގް މިނީ ފޯނާ އޭނާ ކުޅެމުން ގެންދިޔައީ ކުރިމަތީގައި ހުރި ފާރުގައި ލެނގިގަނެގެން ހުރި ސޮރުގެ ނަޒަރާ ހެދި ހިސާބަކަށް އުނދަގޫވެފައެވެ. އިތުރަށް ކެތް ނުވުމުން ފޯނު ދަބަހަށް ލާފައި ކައިލީ އިސްއުފުލާލިއެވެ.

ފާރު ކައިރީ ދެޖީބަށް އަތް ޖަހައިގެން ހުރި އިޝާންގެ ލޮލާ އޭނާގެ ލޯ ސީދާވިއެވެ. އިޝާން ނިއްއަރުވާލުމުން ކައިލީ ތުންއަނބުރާލާފައި ދުރު ބަލާލިއެވެ. ” ޑޮކްޓަރުން ވެސް އުޅޭ ފާޑެއް ދޯ ދެން..” އިޝާންގެ ކަރުގައި އަޅުވާލާފައި އޮތް ކާޑު ފެނުމުން ކައިލީ ހިތާހިތުން ބުނެލިއެވެ. އެވަގުތު އިޝާން ތުނބުން ފުމެލިއެވެ. ނަމަވެސް ކައިލީގެ ފަރާތުން އެއްވެސް އެދެވޭ އިޝާރާތެއް ނުފެނުނެވެ.

އެންމެ ފަހު ޕޭޝަންޓް ރޫމްއަށް ވަނުމުން ވެއިޓިންގެ އޭރިއާރގައި އިޝާންއާއި ކައިލީ އެކަނިވިއެވެ. ފުރުސަތުގެ ބޭނުން ހިފާލާނަމޭ ހިތާ އިޝާން ގޮސް ކައިލީ ކައިރީގައި އިށީނދެލީ ޖެހި ފިތިގެންނެވެ. ކަޅި އަނބުރާލާފައި ކައިލީ ތެދުވެގެން ދާން އުޅެގަތެވެ. ނަމަވެސް އޭގެ ކުރިން ކައިލީގެ އަތުގައި އިޝާން ހިފާއްޓާލިއެވެ. “އޭ މަންޖެ ހާދަ ހޮޓޭ ދޯ..އަބާޔާ ލައިގެން އުޅޭ ކުދިން އެހާ ހޮޓްކަމެއް ނުދެނެ ހުރިން.” އެއްލޯ މަރާލަމުން އިޝާން ބުނެލިއެވެ. އިޝާންގެ އަތުތެރޭގައިވާ އޭނާގެ އަތް ނެއްޓޭތޯ ކައިލީ ދިޔައީ ލައްކަ މަސަތްކަތް ކުރަމުންނެވެ.

“ދޫކުރޭ..އެހެންނޫނީ ސެކިއުރިޓީއަށް ގޮވާނީ..” ތަންކޮޅެއް މަޑުމަޑުން ކައިލީއަށް ބުނެވުނެވެ. ނަމަވެސް އިޝާންގެ ހުނުން ވީ އިތުރެވެ. “ހެއްހެއް ޔާއިންއަށް ދައްކަން އައި ޕޭޝަންޓް އެއްތަ ތީ..” ވާހަކަ ދިގުދަންމަން އިޝާން އެއްސެވެ. ކައިލީ ހުމް އަޅުވާލިއެވެ. ” ދައްކަބަލަ މެމޯ ކޮޅު.” އިޝާން ބޭނުންވީ ކައިލީ ގާތުގައި ވީހާވެސް ގިނައިރު ހުރެލުމަށެވެ. “ފްރެންޑް އެއް ވީމަ މެމޯ ނުނަގާ މީޓް ކޮށްލަން..” ކައިލީ ބުންޏެވެ. “މަ ވެސް މީ އޭނަގެ ފްރެންޑް އެއް އެކަމު އޭނަ ނުބުނޭ މެމޯރ ނުނަގާ ދެއްކޭނެޔެކޭ..އެހެންވީމަ ތީ ވަރަށް ޙާއްސަ ފްރެންޑް އެއްތާ ދޯ.” ކައިލީގެ ނޭވާ އިހްސާސްވާ ކައިރިއަށް މޫނު ގެންދަމުން އިޝާން ބުނެލިއިރު އޭނާ ހިތުތެރެއިން ހަސަދަވެރިވިއެވެ.

އެވަގުތު ވެގެން ދިޔައީ ޕޭޝަންޓް ޔާއިންގެ ކޮޓަރިން ނިކުތް ވަގުތަށެވެ. އިޝާން ވަގުތުން ކައިލީގެ އަތުން ދޫކޮށްލީ އެ ޕޭޝަންޓް ފާޑަކަށް ބަލަން ފެށުމުންނެވެ.

ދޮރުގައި ޓަކި ޖަހާލަމުން ކައިލީ ޔާއިންގެ ކޮޓަރިއަށް ވަނެވެ. މޭޒު ކައިރީގައި ފައިލްއަކަށް ގެއްލިފައި އިނދެ ޔާއިން އިސްއުފުލާލއިރު އުފަލުން އެހިތް އުދުއްސައިގަތެވެ. ތިން ގަޑިއިރު އޭނާ ކުރި އިންތިޒާރުގެ ނަތީޖާ ނިކަން ފޮންޏެވެ. “ބިއުޓިފުލް..” ކިތަންމެ މަޑުން ޔާއިންއަށް ބުނެވުނަސް ކައިލީއަށް އެ އަޑު ފޯރިއެވެ. ޔާއިންގެ ކުރިމަތީގައި ހުރި ގޮނޑީގައި އިށީނދެލަމުން އޭނާ ހަދިޔާ ކޮށްލީ ޔާއިންގެ ހިތް ފަތަހަކޮށްލާ އެންމެ ރީތި ހިނިތުންވުމެވެ.

“ތެންކިއު.” ސިއްރުސިއްރުން ކައިލީ ބުނެލިއެވެ. “ކޮންކަމަކަށް؟” ނޭނގޭ ކަމަށް ހަދާލާފައި ޔާއިން ބުމަ އަރުވާލިއެވެ. “ހުއް ވަރަށް މަޖާ އިނގޭ އަމިއްލަ ނަފްސާ ދައްކާ ވާހަކަ އެހެންމީހުނާ ހިސާބަށްވެސް foaraa.” ކައިލީ ސަމާސަކޮށްލިއެވެ. “ދެން ކައިލީހާ ޕާރފެކްޓް އެއްނުވާނެ ދޯ އެންމެންނެއް.” މާޔޫސްވާކަމަށް ހަދާލާފައި ޔާއިން ބުންޏެވެ.

ކަޅު ކުލައިގެ އުސް ބޫޓެކެވެ. ކޯޓު ފަޓުލޫނުގައި ހުރިނަމަވެސް އަންހެންވަންތަ ވަނާތަކެއް ނުފޮރުވުނެވެ. އޭނާގެ ބާރު ހިނގުމާއެއްވަރަށް ބާރަށް އިސްތަށިގަނޑު ދެފަރާތަށް ވިހުރެމުން ގެންދިޔައެވެ. ޔާއިންގެ ކޮންސަލްޓަންޓް ރޫމް ކުރިމަތީގައި ހުއްޓިލަމުން އެ އަންހެން ކުއްޖާ ފަސްއެނބުރި ބަލާލީ ފެނުނު މަންޒަރު ޔަގީންކޮށްލުމަށެވެ. ވެއިޓިން އޭރިއާރގެ ގޮނޑީގައި ފޯނާ ކުޅެން އިން އިޝާންއަށް ބަލާލެވުނެވެ. މީހަކުވެސް ބަލާހެން ހީވެގެން އިސްއުފުލާލިއިރު އިޝާންގެ ހިތުގެ ތެޅުންވެސް ފުދޭވަރަކަށް ބާރުވީ ޝަމްހާގެ މޫނު ފެނުމުންނެވެ.

“އޯ ހާއި..” އަތް ހޫރާލުމުން ޝަމްހާ ބުނެލީ ފްލާރޓީ ގޮތަކަށެވެ. “ހާއި..އަމްމް..” ގޮނޑިން ތެދުވެ ޝަމްހާ ކުރިމަތީގައި އިޝާން ހުއްޓިލިއެވެ. “ޔާއިންއާ މީޓް ކުރަންތަ.؟” އިޝާންގެ ސުވާލަށް ޖަވާބު ދިނުމުގެ ގޮތުން ޝަމްހާ ބޯ ޖަހާލިއެވެ. “އެއްކަހަލަ ރޭ ހޮޓެލްގަ ވީ ކަންތަކަށް ސޮރީ އިނގޭ..އަސްލު ވީ ބޯތް ވާރ ޑްރަންކް..” ބޯ ކަހާލަމުން އިޝާން މާފަށް އެދުނެވެ. “އެ އޯކޭ ވާނެ ދެން އަޅާ ނުލާ..އެކަމު މަ ބިރުގަންނަނީ ޕްރޮޓެކްޝަން ނުލާ..” ޝަމްހާގެ ވާހަކަ މެދުކަނޑާލީ އިޝާންއެވެ. “ޔާއިން އެހެރީނު..ކަމެއް ވެއްޖެއްޔާ އޭނާ ބޮލަށް ޖަހާ..” ހިނިގަނޑެއްޖަހާލާފައި އިޝާން ދިން ޙީޔާލަށް ޝަމްހާ ތާޢީދު ކުރިއެވެ. ބޯ ޖަހާލަމުން ޔާއިންގެ ކޮޓަރި ދޮރު އޭނާ ހުޅުވާލީ ޓަކި ޖެހުމެއް ނެތިއެވެ.

އޮލަ ވާހަކައިގައި ތިބި ޔާއިންއާއި ކައިލީ ސިއްސައިގެން ދިޔައީ ވަރަށް ބާރަށް މީހަކު ދޮރު ޖަހާލި އަޑަށެވެ.

(ނުނިމޭ)