ވުުމުން ހިތެއްގެ މިލްކުގައި 8

ކޮޓަރިން ނިކުމެގެން އަވްޔަން ގޮސް އަލިޝްކާ ކޮޓަރި ދޮރުމަތީގައި ހުއްޓިލިއެވެ. ހުޅުވާފައި ހުރި ދޮރުން އެތެރެއިން ފެންނަމުން ދިޔަ މަންޒަރުން އޭނާ ދެއަތް މުއްކެވުނެވެ. ބާރު ހިނގުމެއްގައި ކޮޓަރިއަށް ވަދެ އަލިޝްކާ ގައިމައްޗަށް ވެރިވެގަންފައި އޮތް އަޖްވަދުގެ ގަމީސްގިރުވާނުގައި ފަހަތުން ހިފާ ކޮޅަށްޖެހިއެވެ. ކިތަންމެ ބަރުނަމަވެސް އައިސްފައި ހުރި ރުޅީގެ ސަބަބުން އަވްޔަންއަށް އެ ބަރުަކަންވެސް ހަނދާން ނެތްކަހަލައެވެ. ދުލަށް އައިހައި ނުބައި އެއްޗެއް އަވްޔަން ގޮވައިގަންއިރު އެއީ އޭނާގެ އުފަން ބައްޕަ ކަންވެސް ހަނދާން ނެތްކަހަލައެވެ. ގިރުވާނުގައި ހިފާއްޓަބަހައްޓާފައި އަވްޔަން އަޖްވަދުގެ ބޯ ފާރުގައި ޖެއްސިއެވެ. ގަދަ ހަދަން އަޖްވަދު ކުރި މަސަތްކަތް ވީ ބޭކާރެވެ.

ހެދުން ރީތިކޮށްލަމުން އެނދުން ތެދުވި އަލިޝްކާ މަސަތްކަތް ކުރީ ދެ ޖަނަވާރުން ފަދައިން ތަޅާ ފޮޅަމުން ދިޔަ ދެމީހުން ހުއްޓުވޭތޯއެވެ. ނަމަވެސް އަޖްވަދުގެ އުޅަނބޮށި ޖެހި އޭނާ އަލުން އެނދު މައްޗަށް ވެއްޓުނެވެ. “ކަލޭ ކައިރި ނުބެނެވޭތަ ދުރުގަ ހުންނާށެކޭ..” އަޖްވަދުގެ ގިރުވާނުން ދޫނުކޮށް އަވްޔަން ބުނެލިއެވެ. އަވަސް ނޭވާތަކަކާއެކު އަޖްވަދު މަސަތްކަތް ކުރީ ވާހަކަ ދެއްކޭތޯއެވެ. “އެއީ މަގޭ ހައްގެކޭ..” ފުންނޭވާއެއް ލަމުން އަޖްވަދު ބުންޏެވެ. “ކަލޭ އަމައޭ ކިޔާ ފެއްސޭ މިތަނުން..ދެން މި ފްލޯރ އަށް ވައި އެޅިގެންވެސް ނުވާނެ..ކަލޭގެ ވަސްވެސް މިތާނގަ ޖެހިޖެއްޔާ މަ ހުރިހާ ހަގީގަތެއް ފަޅާ އަރުވާނަން” އަޖްވަދުގެ ބުރަކަށީގައި އަޅާ ކޮށްޕާލަމުން އަވްޔަން އޭނާ ކޮޓަރިން ބޭރު ކުރިއެވެ. ރުޅި އައިސް ރަތްވެފައި ހުރެ އަޖްވަދުވެސް ނިކުމެގެން ދިޔައީ އަވްޔަންގެ އިންޒާރަށް އޭނާގެ މޭ ގުޑިލުމުންނެވެ.

އަޖްވަދު ދިޔަތަން ބަލަން އަދިވެސް ޝޮކެއްގައި އިން އަލިޝްކާއަށް އަވްޔަން ނަޒަރު ހިނގާލިއެވެ. ބަލާބެލުމުން އޭނާ މާ ފީވެ އިންހެނެއް ހިޔެއްނުވެއެވެ. އެނދު ކައިރީގައި ދެފައި މައްޗަށް އިށީނދެ އަލިޝްކާގެ މޫނުގައި އަވްޔަން އަތް ހިނގާލީ އޭނާ ޙިޔާލެއްގެ ތެރެއިން ނުނިކުމެ އިންކަން ޔަގީންވުމުންނެވެ. އަލިޝްކާ ސިހިފައި އަވްޔަންއަށް ބަލާލީއެވެ. އެއްބުމަ އަރުވާލިއެވެ. އަވްޔަންވެސް ނިއްއަރުވާލިއެވެ. “ނިންޖާރ ޔޫ އޯކޭ ވައްތަރު ހުންނަނީ؟ އޭނާ ކީއް އެކުރީ..” އަލިޝްކާ މޫނުމަތީގައި ހުރި އިސްތަށި ކޮޅު ކަންފަތް ދޮށަށް ވައްދާލަމުން އަވްޔަން އެއްސެވެ. “އާން..ހަމަ ބަރާބަރު ކަމެއް ނުކުރެވެނީސް ބިލިމަގު އައިސް ފައްސާލީއެއްނު..ބިލިމަގު ސޭވްސް ދަ ނައިޓް” އަލިޝްކާ އެއްމިޔަކުން ހިނިތުންވެލިއެވެ. އަވްޔަންވެސް މެއެެވެ. އެ ދެމީހުން ޓަޗެއް ޖަހާލީ ލޯބިގޮތަކަށެވެ. “ދެންފަހަރަކުންވެސް ބަރަބޯ ގޮވައިފިއްޔާ މަ އަންނާނަން މާރސްގަ ހުރެފަވެސް..” އަވްޔަންގެ ބަހާއެކު އަލިޝްކާ ހިނިގަނޑެއް ޖަހާލިއެވެ. އަވްޔަންގެ ކަރުގައި އޭނާ ބައްދާލުމުން އަލިޝްކާގެ އުނގުގައި އަވްޔަން ބޯ އަޅާލިއެވެ.

“ދެން ދާން އުޅޭ ނިދަން..އަދި ތިނެއް އެ ޖެހީ..” ދެތިން މިނެޓުގެ ހިމޭންކަމަކަށްފަހު އުނގުގައި އޮތް އަވްޔަން ނަގަން މަސަތްކަތް ކުރަމުން އަލިޝްކާ ބުނެލިއެވެ. ނަމަވެސް އަވްޔަން ތެދުވާ ކަހަލަ ޙިޔާލެއް ނުކުރިއެވެ. އަލިޝްކާ ރަނގަޅަށް ބަލާލިއިރު އަވްޔަން އޮތީ ގަދަ ގުގުރީގައެވެ. ނިދޭލެއް ހަމަ އަވަހީއެވެ. މިލައިގަތީ އަނެއް ހަ ކަންތަކާ ނޫންހެއްޔެވެ. އަވްޔަން ނިދާފައި އޮތްވާ ނެގުމަކީ މާ ފަސޭހަކަމަކަށް ނުވާނެކަން ސަމީމާ ވަނީ ސާބިތުކޮށްދީފައެވެ. މާ ބަރު ނޫން އަވްޔަން އެނދުގައި ބާއްވާލަމުން ރަޖާ އަޅާ ދީފައި އަލިޝްކާ މިސްރާބު ޖެހީ އަވްޔަންގެ ކޮޓަރިއަށް ނިދާށެވެ.

“އަވޫވޫ…..” ނިދާހޭލައިގެން އަވްޔަންގެ ކޮޓަރިން ނިކުތް އަލިޝްކާ އޭނާގެ އަމިއްލަ ކޮޓަރި ދޮރުމަތީގައި ހުއްޓިލިއެވެ. އާފުރިލަމުން ލޯގަނޑު ކުރިމަތީގައި ހުރި އަވްޔަންއަށް ނަޒަރު ހިނގާލިއެވެ. އަލިޝްކާ ކޮށި އަރައިގަތެވެ. އޭނާ ބުނަން އުޅުނުބަސްވެސް ދުލުގައި ތާށިވި ފަދައެވެ. “ކީއްތިކުރަނީ…” ތަންކޮޅެއް މަޑުމަޑު އަލިޝްކާ އެއްސެވެ. އޭނާ ހިނގައިގަތީ އަވްޔަންއާ ދިމާލަށެވެ. “މި ކަބަޑުގަ ހުރި ހެދުންތަށް އެކްސްްޕްލޯރ ކުރަނީއެއްނު..” ހެވިފައި ހުރެ އަވްޔަން ބުނެލިއެވެ.

އަލިޝްކާގެ ބުރާ އަޅައިގެން ގަމީސްލާން މަސަތްކަތް ކުރި އަވްޔަންއަށް ބަލަހައްޓައިގެން އަލިޝްކާ ހުރީ ބުނާނެ އެއްޗެއް ނޭނގިފައެވެ. “މި ބުރާ ވަރަށް ބޮޑު..އެކަމަކު ލަފާ ކުރެވޭ ގޮތުގަ މި ގަމީސް ހެޔޮވަރުވާނެ..” އަލިޝްކާގެ މޫނުމަތީ ކުލަވަރަށް ބަލާލުމެއްނެތި ފަހަތުން އަވްޔަން ބުޅިގަނޑު އަޅުވާލިއެވެ. ގަމީސް ލަމުން އޭނާ މަސަތްކަތް ކުރީ ގަމީސް ގޮށްތަށް އެޅުވޭތޯއެެވެ. ނަމަވެސް އެތަށް ފަހަރަކު ނާކާމިޔާބުވިއެވެ. “ސަހާދެއް މި ބުރާ މަގޭ ގައިގައި ދުވާވަރުންވެސް..” އެއްއަތުން އޭގާ ހިފާއްޓާލައިގެން އަނެއްއަތުން ގޮށް އަޅުވަން އަވްޔަން ކުރި މަސަތްކަތް ނިކަން ބުރައެވެ.

“ދެން ހެޔޮ..ތި އެއްޗެއް ނާޅާ މި ކަބަޑުގަ ހުރި ހުރިހާ ހެދުމެއް ލިޔަސް ވަރިހަމަ..” އެއްފަޅިން އަލިޝްކާ ބުރަލަށް ދަމައިގަތެވެ. އަވްޔަން އަނެއްފަޅިއަށެވެ. ދެމީހުންވެސް ފަހަތަށް ޖެހެމުން ގޮސް އެވެސް ދިޔައީ ދެފަޅިއަށް އިރައިގެންނެވެ. “ދެން އަވްޔަންންންން..” އަލިޝްކާ ހަޅޭއްލަވައިގަތެވެ. ހަގީގަތުގައިވެސް އޭނާ ރުޅިއައިއްސިއެވެ. އަލިޝްކާ އޭނާގެ އަތުތެރޭގައި އޮތް އެ ފަޅި އެއްލަމުން އެނދާ ދިމާލަށް މިސްރާބުޖެހިއެވެ. އަވްޔަން ދިޔަގޮތަށް ގޮސް އަލިޝްކާޔާއެކީ އެނދަށް ވެއްޓިގަތެވެ. ނަމަވެސް އަލިޝްކާ އޭނާ ގައިގައި ބާލިހަކުން ޖެއްސެވެ. “ނުދެމިނަމަ ހަލާކެއް ނުވާނެއެއްނު..ރީއްޗަށް ބުނީމަ މަ ދޭނަންވިއްޔަ..” ބާލިހުގައި ހިފަމުން އަވްޔަން ހިފާލީ ތުން ދަމައިގެން އިން އަލިޝްކާގެ ތުންފަތުގައެވެ. “މަ ގަންދޭނަން އޭގެ އެއްޗެއް އޯކޭ؟” އަލިޝްކާގެ ތުންފަތްމަތިން ހިނިތުންވުމެއް ފެނޭތޯ އަވްޔަން މަސަތްކަތް ކުރިއެވެ. އެކަން ކާމިޔާބުވެސްވިއެވެ.

“މަ ގަންދޭނަން އަވޫވޫއަށް ބޮކްސާރއެއް ދެން އަވޫވޫ ޖެހޭނީ މަށަށް އޭގެ އެއްޗެއް ގަންދޭން އޯކޭ..” އަލިޝްކާ ދަތްތަށް ފެންނަވަރަށް ހީލިއެވެ. “ޑީލް..” މުއްކެވިފައިވާ އަތެއް އަވްޔަން ދިއްކުރިއެވެ. “ޑީލް..” އަލިޝްކާވެސް އޭނާގެ އަތް މުއްކަވާލަމުން އަވްޔަންގެ އަތުގައި ޖައްސާލިއެވެ.

1 އަހަރު ފަސް….

ދުވަސްތަށް މިފަދަ ގޮތަކަށް ފާއިތުވަމުން ދިޔައެވެ. އަހަރެއް ފާއިތުވީއިރު އަވްޔަންއަށް އޭނާގެ ބަލިން އެއްކޮށް އަރައިގަނެވިއްޖެޔޭ ބުންޏަސް ދޮގަކަށް ނުވާނެއެވެ. ނިމުމެއް ނުވާ ބާހާރު މޫސުމެއް އަވްޔަންގެ ހަޔާތަށް އަލިޝްކާ ޔަގީންކޮށްދިންއިރު އަލިޝްކާ އަދިވެސް އިންތިޒާރު ކުރަނީ އަވްޔަންގެ ޖަވާބަކަށެވެ. އަވްޔަންގެ ބައެއް ހަރަކާތްތަކުން އޭނާ ނުތަޅުވާށޭ އަލިޝްކާ ހިތް ބުނާ ކަހަލައެވެ. އަޖްވަދުގެ އަނިޔާތަކާއި އޭނާ ކަތި ނަޒަރުތަކުން އަލިޝްކާ ދުރަށް ގެންދިޔުމަށް އަވްޔަން ވަރެއް ނެތެވެ. ނަމަވެސް އެ ރެއަށްފަހު އަޖްވަދު ބިރުންވެސް އަވްޔަންމެންގެ ފްލޯރއަކަށް އޭނާ ނާރައެވެ. އަވްޔަން ދިން އިންޒާރު އޭނާއަށް މާ ބިރުވެރީ ކަންނޭނގެއެވެ. ޒިޔަލްއާއި އަޖްވަދުގެ ޕްލޭންތަށް ބޮޑުވެ ކުރިއަރަމުން ދިޔައިރު އުފަލާއި މަޖަލުގައި ދުވަސްތަށް ގުނަމުން ދިޔަ އަލިޝްކާއާއި އަވްޔަންއަށް މިކަމުގެ ހިލަމެއްވެސް ނުވާ ފަދައެވެ. އެކުވެރިންނަށް ވުރެ އެދެމީހުންގެ ދެމެދު އޮތް ގުޅުން މާ ގާތްވާނެކަން ބަލާލާ ކޮންމެ މީހަކަށްވެސް ޔަގީންވާނެއެވެ.

މިރެއަކީ ހަމަ ގައިމުވެސް އަލިޝްކާއަށް ވަރަށް ޙާއްސަ ރެއަކަށް ވާނެއެވެ. އެއްއަހަރާއި ހަމަސް އޭނާ ކުރި ބުރަ މަސަތްކަތުގެ ފޮނި ނަތީޖާ ލިބޭތީއެވެ. ދިގު ކަޅުކުލައިގެ ވިދާ މެކްސީގެ މަތިން އަލިޝްކާއަށް ގައުންލާން އެހީވެދިނީ އަޝްފާއެވެ. ކެޕް ވަންތަނެއް ނޭނގުނެވެ. އަވްޔަންގެ ކަމެކޭ ހިތާ އޭނާ ލޯގަނޑު ކުރިމަތީގައި ހުއްޓިލިއެވެ. އަމިއްލަ ހަށިގަނޑަށް ނަޒަރު ހިނގާލިއެވެ. ފަން އިސްތަށިގަނޑު މިހާރު އުނަގަނޑާ ހަމައަށް އަރާއިރު ވަނީ މިނިވަންކަމާއެކު ވިހުރެން ދޫކޮށްލާފަައެވެ. މާ ބޮޑު މޭކަޕެއް ނެތަސް އޭނާގެ ތުންފަތުގައި ގަދަ ފިޔާތޮށިކުލައެއް ޖައްސާލިއެވެ. “ވާވު އަލްގާޒީ އައިޝަތް ބަރަބޯ..” އަލިޝްކާ ކެޕް އަޅައިގެން މުޅި ތާނގައި ދުވެދުވެފައި އައި އަވްޔަން ކޮޓަރި ތެރެއަށް ބޯދިއްކޮށްލިއެވެ. އޭނާގެ ފަހަތުން ނާއިލްއާއި ސައިފްވެސް ކޮޓަރިއަށް ވަނެވެ. “އޭ އަސްލުވެސް ފަހަރި ލުކިން ލައިކް އަ ގާޒީ ދޯ..” ނާއިލް ހިނިގަނޑެއް ޖާހާލިއެވެ. “މި މީހުން މަށަށްވުރެ މޮޅުވާނެ އަލީޝް ރީތިކުރަން..” އަލިޝްކާގެ ކޮނޑުގައި ޖަހާލަމުން އަޝްފާ ނިކުތީ އެ ތިން ފިރިހެނުންގެ އަތްމައްޗަށް ތައްޔާރީތަށް ދޫކޮށްލާފައެވެ.

“ގާޒީއަކަސް ރީއްޗޭ..” ބޮލާ ނުކުޅަދާނަވެފައި ހުރި އަލިޝްކާ މަސަތްކަތް ކުރީ އަވްޔަންގެ އަތުން ކެޕް އަތުލެވޭތޯއެވެ. އެނދުމަތީގައި ކޯޅެމުން ދިޔައިރު ކުޅި ބަލަން ނިކަން ހެވިފައި ނާއިލްއާއި ސައިފް ތިއްބެވެ. ޖެއްސުމަށް ނޫނީ އެއްޗެއް ނުކިޔާ އަތްޖަހާލަ ޖަހާލައެވެ. “އޭ ދެން ނުތޮޅެ ދާން ހިނގާ…އަވްޔަންއަކަށްވެސް ނޭނގުނު ވިއްޔަ މިކަހަލަ ތޮއްޕެއް އަޅާކަށް..” ދޮރު ކުރިމަތީގައި އަބާޔާއާއެކު ރީތިވެގެން ހުރި ސަމީމާ ކުދި ކިޔައި ގަތެވެ. ނަމަވެސް އޭނާގެ މޫނުމަތިން ފެންނަނީ އުފާވެރިކަމެވެ. އަލިޝްކާގެ ބޮލުގައި ތޮފި އަޅުވާ ރީތިކޮށްދިން އަވްޔަންއަށް ތުންއަނބުރާލިއެވެ.

ނަމަވެސް ކަޑަނުވާން އަވްޔަން ޖަހާލީ ހިނިގަނޑެކެވެ. “މަ ހުވަފެނުގަ އެޅީމެ އެކަހަލަ ތޮއްޕެއް..މަންމަ ދައްކާ ވާހަކަ..” އަވްޔަންގެ ވާހަކައަށް ހެމުން ހެމުން އަލިޝްކާވެސް ސަމީމާއާއެކު ހިނގައިގަތެވެ. “ހޫނނނނ..” ބުނާނެ އެއްޗެއް ނެތުމުން ސަމީމާ އަޑެއް ލަވާލިއެވެ. “ހޯހޯ..ވަރަށް ރީތި ރާގެއް..މަންމާ ކުރިއަށް ކުރިއަށް..” ކޮޓަރި ދޮރު ޖަހާފައި އައިސް އެނދުގައި އިށީނދެލި އަވްޔަން ބޭރަށް އިވޭވަރަށް ގޮވާލިއެވެ. ސައިފްވެސް އެނދުމައްޗަށް ވެއްޓިގަތީ އަވްޔަންއާ އެއްބައިވަމުންނެވެ. ކޮޅަށް ހުރީ ނާއިލްއެވެ. ބަލާބެލުމުން ހީވަނީ ވާހަކައެއް ދައްކަން އުޅޭހެއްނެވެ.

އަވްޔަންއަށް އެކަން ފާހަގަ ވެގެން ނާއިލް ގާތު ކީއްވީތޯ އެއްސެވެ. “މަ ބުނީ…ކަލޭ ޖަވާބު ދެނީ ކޮންދުވަހަކުން ހެއްޔޭ؟؟” ވާހަކައިގެ ނިމޭ ތަންކޮޅަށް ދަމާލަމުން ނާއިލް އެއްސެވެ. “ތެދެކޭ ސަނީ ބުނި މިހާރު އަހަރެއް ވަނިއްޔޭ ޕްރޮޕޯސް ކުރިތާ..ކަލޭ ތަޅުވަން ހެޔޮނުވާނެ..” ހިނިގަނޑެއް ޖަހާލަމުން ސައިފް ތަފްސީލުކޮށްދިނެވެ. މި ދެމީހުން މި ދައްކާ ވާހަކަ އަވްޔަންއަށް ރޭކާލީ ދެނެވެ. ބޯ ހާވާލާފައި އަލިޝްކާގެ އެނދުގައި އޮށޯވެލިއެވެ. އެއްޗެއް ނުބުނެ އޭނާ އާފުރެން ފެށިއެވެ. “އޭތްތް…ބީރު ވީތާ…” އަވްޔަންގެ ފައިގައި ފައިން ޖަހަމުން ނާއިލް އެއްސެވެ. “ޖަވާބެއް ދޯ..އައި ލަދްސީ..” ބާލިސްތެރޭގައި އަވްޔަން މޫނު ފޮރުވާލުމުން ޕަކަަޕަކަ ލާފައި ނާއިލްއާއި ސައިފް ހޭންފެށިއެވެ. އެދެމީހުންނަށް އަވްޔަންގެ ޖަވާބު ވީ މަޖާލަކަށެވެ.

“ހެވޭ..ތީ ފިރިހެނެކޭ..މަށަށް އިނގޭ ކައެ ބުނާނީ..ޔޭސްްްސްސް..” އެކުވެރިޔާގެ ހާލު ދެނެހުރެ ސައިފް ބުންޏެވެ. ބާލިސްތެރޭގައި ފޮރުވިފައި އޮތް ނަމަވެސް އޭނާ ބޯ ޖަހާލިކަން އިނގެއެވެ. “ކޮންއިރަކު ބުންނަވީ..” ތެދުވެ މޯޅިއަކަށް ދެމިލަމުން އަވްޔަން ސުވާލުކޮށްލިއެވެ. އޭނާ ހުރީ ތައްޔާރަށްކަން އިނގުމުން ސައިފްއާއި ނާއިލް އެކަކު އަނެކަކަށް ބަލާލަމުން ހެވިފައި އެއްބުމަ އަރުވާލިއެވެ. “ސޯ…މިރޭ މިއުޅެނީ..ސަމީމައްތަޔާއެކީ ގްރެޖުއޭޝަން ނިންމާފަ އަލީޝް އަންނަން ވާއިރަށް ކުޑަ ޕާރޓީއެއް ހަދަން..އެހެންމަ މިހާރު ވާންވީ ގޮތަކީ ސަމީމައްތަ އަންނާނީ ކާރުގަ ތަންކޮޅެއް ކުރިން ދެން ކައެ ދާނީ އަލީޝް ބަލައި އޭނާ ގޮވައިން އަންނަންވާއިރަށް އެންމެން ސަޕްރައިސް ހަދާނީ..އޯކޭ؟.” ހުރިހާ ކަމެއް މާ ކުރިން ރޭވިފައި ހުރިކަން އިނގުމުން އަވްޔަން ހިސާބަކަށް ހައިރާންވިއެވެ. އެހެންނަމަވެސް އޭނާ ބޯ ޖަހާލިއެވެ.

“މަ ހިތަށް އަރާ ކައެމެން އަލީޝް ކިޔަނީ ކީއްވެބާއޭ..” އަވްޔަންގެ ކޮޓަރިއަށް އޭނާގެ އެކުވެރިންނާއެކު ވަންނަމުން އަވްޔަން އޭނާގެ ހިތަށް އެރި ވާހަކަ ދުލުން ބޭރުކޮށްލިއެވެ. “ކަލޭގެ ބަރަބޯ ނިންޖާރ އޯ ވަޓް އެވާރ..އެހެން އެންމެންގެ އަލީޝް އެއްނު..ދެން ފޮނި ވާހަކަ ނުދައްކާ ވަދޭ ފާހާނާއަށް އަދި މިއަދު ހެނދުނު ތެދުވިގޮތަށް ފެންނުވަރާ ކަންނެ ޔަގީންވިއްޔާ..އަވަހަށް ދޭ ކުނި ކުކުޅާ އަހަރުން ގަމީސް އިސްތިރިކުރާނަން..” ފުނާ ނާޅާ ހާމުން އަވްޔަންގެ ބޯ ހާވަމުން ސައިފް ފަތިވަރު ދަމާލިއެވެ. “ކަލޭވެސް ނުވަރާނެ ދުވާލު ދެދަޅަޔަކަސް މަށަށް ޔަގީން..ގަމީހެއް ނޫން އެއްކަހަލަ އަތްދިގު ހުދު ސްވެޓާރ އިސްތިރިކުރާނީ..” ޕިސްޕިސް ތަޅަމުން އަވްޔަން ފާހާނާއަށް ވަނެވެ. އަވްޔަން އެނގި އަމުރާ އެއްގޮތަށް ނޫކުލައިގެ ޖިންސަކާއި ހުދު ކުލައިގެ ސްވެޓާރ އިސްތިރިކުރުމުގެ މަސަތްކަތް އޭނާގެ ދެ އެކުވެރިން ފެށިއެވެ. ވަރަށް ހާލުން ނަމަވެސް ނެތް ކަށިން ހިތްވަރު ނެރެގެން ކަބަޑު ތެރެއަށް ބޮޑިކޮށްފައި ހުރި އެ އެއްޗެހިން ރޫ ފިލުވޭތޯ އެމީހުން މަސަތްކަތް ކުރިއެވެ. ނިމުމެން ނުވާ ކަންނެތް ކަން މިލްކު ކޮށްފައި ހުރި އަވްޔަންއަށް އެތަށް ހާސްބަހުން ތައުރީފްކުރަމުންނެވެ.

ބާރު ސްޕީޑުގައި ދުއްވާފައި ދިޔަ ދެ ސައިކަލު މަޑުކޮށްލީ ކޮލެޖް ކުރިމައްޗަށެވެ. ކުރީގައި އޮތް އަވްޔަންގެ ސައިކަލުގައި އިން އަވްޔަން ފަސް އެނބުރި ބަލާލިއެވެ. ފަހަތުގައި އޮތް ސައިކަލުގައި ތިބި ނާއިލްއާއި ސައިފްއަށް ބުމަ އަރުވާލިއެވެ. “ދޭބަލަ ތި ގަންނަ އެއްޗެއް ގަންނަން..” އަވްޔަން ބުނެލިއެވެ. “އޭ ތެދެކޭ މާ ގަންނަ ފިހާރަ ބަންދުކުރާނެ..ދިހައެއް ޖަހާއިރު.” ނާއިލްގެ ސައިކު ފަހަތުގައި އިން ސައިފް އަތުކުރީ ގަޑިއަށް ބަލާލިއެވެ. އިތުރު ވާހަކައެއް ދެއްކުމަކާ ނުލާ އެދެމީހުން ދުއްވާލީ އަވްޔަން ގޮވަ ގޮވާ ހުއްޓައެެވެ. “އޭތް ކީއްކުރާ މަލެއްތަ..ކޭކުވެސް ފަޅައޭ..މޮޔައިންތަކެއް ސަހާދެއް..ދެން މާދެނީ ސަންތިމަރިޔަންބު ޒަމާނުގައެއް ނޫންތަ.” ބޯ ހޫރާލަމުން އަވްޔަން އޭނާގެ އަމިއްލަ ނަފްސަށް އިވޭވަރަށް ބުނެލިއެވެ. އޭނާގެ ނަޒަރު ދެން ހުއްޓުނީ ގޭޓު ކުރިމަތީގައި އެހެން ދެ އަންހެން ކުއްޖަކާއެކު ހޭން ހުރި އަލިޝްކާއަށެވެ. މިރޭ އުޑުމަތިން ހަނދު ނުފެންނަނީ ބިމަށް އެ ހަނދު ފައިބާ ހުރީމަ ކަންނޭނގެއެވެ. ޖީބުގައި އޮތް ފޯނު ނަގާ އަވްޔަން އެ މަންޒަރު ރައްކާކޮށްލިއެވެ.

ޔަމާނީއާއެކު ސެލްފީއެއް ނާގަލި އަލިޝްކާގެ ލޮލުގައި އަވްޔަންގެ ކެމެތާ ފްލޭޝް އަޅައިގަތެވެ. ދެލޯ ކުޑަކޮށްލަމުން އަވްޔަންއާ ދިމާލަށް އޭނާ މިސްރާބުޖެހިއެވެ. އަވަސް ހަރަކާތާއެކު އަވްޔަން ފޯނު ޖީބަށް ކޮށްޕާލިތަން އޭނާ ދުއްޓެވެ. “ހޯހޯ..” ކަށި އިނގިލި ދިއްކޮށްލަމުން އަލިޝްކާ ބުނެލިއެވެ. އަވްޔަން ވައްތަރު ޖައްސާލިއެވެ. “ނާރަންތަ..” އޭނާ އެއްސެވެ. “އުހުނ..އެރީމައެއްނު ދެވޭނީ ސަމީމައްތަ ގޮއްސި ކާރެއްގަ..” ގައުން ހިއްލާލަމުން އަލިޝްކާޔަށް ސައިކަލަށް އެރުންވީ އުނދަގޫ ކަމަކަށެވެ. ނަމަވެސް އޭނާއެކަން ކާމިޔާބު ކުރީ އިތުރުގޮތެއް ނެތުމުންނެވެ.

ސައިކަލު ދުއްވާލީ ބާރު ސްޕީޑެއްގައެވެ. ހީވަނީ ވައިވެސް އެއާއެކު ގެންދާހެންނެވެ. މޫނުމައްޗަށް ވެރެމުން ދިޔަ އިސްތަށިތަށް އެކަމުގެ ހެއްކަކަށް ފުދޭނެއެވެ. ހަމަ އެ ސްޕީޑުގައި ގޮސް ރަސްފަންނު ކުރިމައްޗަށް ސައިކަލު ހުއްޓާލިއެވެ. “މި ކީއްކުރާ ތަނެއް..” އަލިޝްކާގެ ސުވާލަށް ދެ ކޮނޑު އަރުވާލަމުން ރަސްފަންނު ތެރެއަށް ވަދެގެން ދިޔައެވެ. ދެފައި ދަމަމުން އަވްޔަން ގޮސް އިށީނދެލީ އެންމެ ފުރަތަމަވެސް ވެލިގަނޑު މަތީގައެވެ. ތުން ދަމާލަމުން އަލިޝްކާ އަވްޔަންއަށް ބަލާލިއެވެ.

އަވްޔަން އިންތަނުން ނަގާނެ ގޮތެއް އިނގުމުން އަލިޝްކާ ނުލަފާ ގޮތަކަށް ހިނިތުންވެލިއެވެ. ވެލިމުށެއް ނަގާ އަވްޔަންއާއި ދިމާލަށް އެއްލިއެވެ. ގައިން ވެލި ފޮޅާލަމުން އަވްޔަން ވެލިގަނޑު މަތިން ތެދެވީ ފޫކޮޅުގައި ކައްޓެއް ޖަހައިގެން ތެދުވާ ފަދައިންނެވެ. އޭނާ ދުއްވައިގަތީ އަލިޝްކާ ފަހަތުންނެވެ. ވަކި ހިސާބަކަށް ގޮސްފައި އަލިޝްކާ ވަރުބަލިވެގެން ހުއްޓާލުމުން އޭނާ ފަހަތުން ގޮސް އަލިޝްކާގެ މެދުހަށީގަ އޮޅުލައިގަތެވެ. މާ ނޭވާ ލެވޭ ހާލު އެ ދެމީހުން ވެއްޓުނީ ވެލިގަނޑު މައްޗަށެވެ. ހެދުމަށް ވެލި އެޅުމުން އަލިޝްކާޔަށް އުނދަަގޫވާ ގޮތްވިއެވެ. ނަމަވެސް އަވްޔަން ވަރަށް އަރާމުގައި އަލިޝްކާގެ މޭގައި ބޯ އަޅާލިއެވެ. އެއީ މާ ރަނގަޅު އަމަލަކަށް ނުވިއެވެ. “އައްދިއްޔޯއި..” އަލިޝްކާ ހަޅޭއްލަވައިގަތުމުން ފުންމައިގެން އަވްޔަން ތެދުވިއެވެ. އޭނާ ނިއްއަރުވާލިއެވެ. ރަނގަަޅަށް އަލިޝްކާޔަށް ބަލާލުމުން މި ކުރެވުނީ ކީއްކަން ރޭކާލިއެވެ.

“އޯހް ސޮރީ ސޮރީ..މީ އަންހެނެކޭ ދޯ..” އޭނާ ޕަކަޕަކަ ޖަހައިގަތެވެ. އަލިޝްކާ ތުންއަނބުރާލަމުން ތެދުވެ ހެދެން ހިއްލާލައިގެން ހުރެ މޫދާ ކައިރިވިއެވެ. ފެންފޮދެއް ނަގައި އަވްޔަންގެ މޫނަށް ބުރުއްސާލިއެެވެ. “މޮޔަ ވާހަކަ ނުދައްކާ ކަލޯ” އަލިޝްކާ ބުންޏެވެ. “މިތާ އުޅެނީ ބަރަބޯ ކިޔާ އެންމެ މޮޔައެއް” މޫދުން ފެން ބުރުއްސަމުން އަވްޔަން ރައްދުދިނީ ހަރަކާތުންނާ ޢަމަލުންނެވެ. ހަނދުވަރުގެ އަލި ނެތުމުން މުޅި މާހައުލު ފެންނަނީ އެއްކޮށް އަނދިރިކޮށެވެ.

ރަސްފަންނުގެ އެ ހިމޭން ހިސާބުގައި މީހުންވެސް ނުލާހިކު މަދެވެ. ގަޑިން ރޭގަނޑު އެގާރާ ޖަހާއިރު ދެން ބީޗަށް އަންނަނީ ހަމައެކަނި އަވްޔަންމެން ކަހަލަ މޮޔައިންނެވެ. ފެންޖަހާ ބުރުއްސަމުން ވެލި މުށްމުށުން ގޯނާ ކުރަމުން ދާއިރު ކުރިއަށް އޮތް ކޮޅިގަނޑުގެ ހިލަމެއްވެސް ނުވާ ކަހަލައެވެ. މިހާރު އެ ދެ ތުންފަތް މަތިން ފެންނަ ހިނިތުންވުމުން ފިލައިގެން ދާކަށް މާ ގިނައިރެއް ނެތްކަން ރޭކާނުލާ ހިތް ފުރެންދެން ކޮލްގެޓް އިސްތިހާރު ކުޅުނެވެ. މާދަން ފިޔާ ކޮށާ އިސްތިހާރެއް ކުޅެން ޖެހިދާނެކަމާމެދު ވިސްނައެއް ނުލައެވެ.

“އޭ ދެން އައްޗީޑި ގައުން ތެމެނީއޭ..” ތަނބިކަށްޓާ ހިސާބަށް ފެންގަނޑު އެރުމުން އަވްޔަންގެ ފެން މުގޯށިތަކުން ފިލަން އަލިޝްކާ ވެލިގަނޑު މައްޗަށް އެރިއެެވެ. ހިއްލައިގެން އުޅުނު ނަމަވެސްހެދުމުގެ ފައިބައި ހިސާބަކަށް ތެމުމުން ހިންހަމަނުޖެހިފައެވެ. “ކާކުތަ މަގޭ ގަޔަށް ލޮނުފެން މާގަނޑު ފެންޖެހީ..” އަވްޔަންވެސް ފެން ބުރުވަމުން މޫދުން ފޭބިއެވެ. އޭނާގެ ނޫކުލައިގެ ޖިންސު ކަކުލުން ތިރިއަށް އޮޅާފައިވާއިރު ފެންނަން އޮތްބައި އެއްކޮށް ތެމިފައެވެ. “އެ ލޯބިން..” އެސްފިޔަަތަށް ތަންކޮޅެއް ބާރަށް ޖަހާލަމުން އަލިޝްކާ “ފްލައިން ކިސް” އެއް ރައްދުކޮށްލިއެވެ. “އަމައްޔާއި..ފްލައިން ކިސް ދޭހާ ދުރަކަށް އަދި ނުދަމޭ..” ނޭވާ ޖެހޭ ހިސާބުގައި ހުއްޓިލި އަވްޔަން ބުނެލިއެވެ. އަލިޝްކާ ދެބުމަަ ކައިރިކޮށްލީއެވެ. ދެލޯ ކުޑަކޮށްލީ އަނގައިން ބަސްހުސްވުމުންނެވެ.

ދެން އަވްޔަން ކޮށްލި ހަރަކާތުން އޭނާ ސިހުނެވެ. އަލިޝްކާގެ ނޭފަތުގައި ބާރަކަށް ދަތް އަޅާލަމުން އަވްޔަން ހިނގައިގަތީ ރަސްފަންނުން ނިކުންނާށެވެ. ނޭފަތުގައި ފިރުމާލަމުން ވެލިގަނޑު މަތީގައި އޮތް ސެޓްފިކެޓާއެކު އަވްޔަންއާ އަލިޝްކާ އެއްވަރުކޮށްލިއެވެ. ފަހަތުން ގޮސް އަވްޔަންގެ ކަންފަތު ފޫޅިގައި އަލިޝްކާ ދަތްއަޅާ ދަމާލިއެވެ. “އާއާއާއާއާއާއާއާ….” މުޅި ފަޒާގައި ގުގުމާލީ ލިބުނު ސިހުމާއި ވޭނާއެކު ހަޅޭއްލަވައިގަތް އަވްޔަންގެ އަޑެވެ. އެ އަޑުގެ މައްޗަށް އަލިޝްކާ ބާރު ހުނުން ވެރިވެގަތެވެ. ރާޅުތަށް ބީއްސާލާ އަޑާއި މިދެމީހުންގެ އަޑު އެކުވީ ނާޒުކު ގޮތަކަށެވެ.

ކަންފަތުގައި ފިރުމާލަމުން އަވްޔަން ވައްތަރު ޖައްސާލިއެވެ. އަލިޝާކް އެއް އަރިއަކަށް އެނބުރި އަވްޔަންގެ އުނަގަނޑުގައި އޭނާ ފޫކޮޅުން ޖަހާލީ ކުޑަކޮށް ގުދުވަމުންނެވެ. އޭނާ ނޭނބުރި އުޅެނިކޮށް އަވްޔަންވެސް އަލިޝްކާ ފަދައިން އަވްޔަންގެ ފޫކޮޅުން އަލިޝްކާގެ ފޫކޮޅުގައި ޖެހިގަތެވެ. އޭނާގެ ނިޔަތަކަށްވީ އަލިޝްކާ އުނަގަނޑުގައި ޖެހުމެވެ. ނަމަވެސް މިއީވެސް އޭނާގެ ނަސީބު ކަންނޭނގެއެވެ. އެދެމީހުންނަށް އެއްފަހަރާ ކުރެވުނީ މަޖާ ކަމެކެވެ. ނޭނގުނުކަމަކީ ހިތުތެރެއިން ދެމީހުންވެސް ލަދުގަތްކަމެވެ. އަވްޔަންގެ ކޯ އަލިޝްކާގެ ކޮލަށް ވުރެ އަވަހަށް ރަތްވިހެން ހީވިއެވެ. އޭނާ ވަގުތުން ތުންފަތުގައި ދަތް އަޅާލަމުން ބޯ ކަހާލިއެވެ.

“އަވްޔަންސް ސްމޯލް ބޫޓީ ލުކިން ގޫ…ޑް..” ބޮޑުވާ އިނގި ދައްކާލަމުން އަލިޝްކާ ބުނެލީ އަވްޔަން އިތުރަށް ލަދުގަންނަވާށެވެ. ކޯ ފޮރުވުމަށްޓަކައި އަވްޔަން ދެ ކޯ މަތީގައި ދެއަތް އަޅާލިއެވެ. “ބަރަބޯގެެވެސް ފަލަވީމަ ލުކިން ސޯ ބޫޓިފުލް…” ކަޑަނުވާން އޭނާ އެއްލޯ މަރާލިއެވެ. “އޯ މައި ގޯޑް އެހެންވެ ދޯ މި ސޮރު އެހާ ލަވްލަވް ވަނީ..” ލަދުގަންކަން ނުދައްކަން އަލިޝްކާ ކުރި މަސަތްކަތް ފުރިހަމައެވެ. “ބުރިއަކަށް ނުބަލަން..ބަޓް ވަވް ޔޫ..” ސައިކަލު ކުރިއަށް އަރަމުން އަވްޔަން ބުނެލީ ތޫލި އަޑަކުންނެވެ. “އޯވްވް..ލަވް ޔޫ..” އަލިޝްކާވެސް ހިިނިގަނޑެއް ޖަހާލިއެވެ.

ގޭ ދޮރުމައްޗަށް ހުއްޓާލީ ސައިކަލެކެވެ. އެއަށް ނަޒަރު ހުއްޓާލައިގެން ތަންކޮޅެއް ދުރުގައި ޕާކްކޮށްފައި އޮތް އަޖްވަދުގެ ސައިކަލުގައި ތިބި ޒިޔަލްއާއި އަޖްވަދުގެ ތުންފަތް މަތީގައި ވަނީ ކާމިޔާބުގެ ހިނިތުންވުމެކެވެ. މިރެއަކީ އެ ދެމީހުންނަށްވެސް ނިކަން ޙާއްސަ ރެއަަކަށް ވާނެތީއެވެ. އެ ދެ ޒުވާނުން ތަތް ފިޔަވަޅުތަކެއްގައި ގޮސް ގޭ ދޮރު ހުޅުވާލިއިރު މުޅި ތަނުން ފެނުނީ އަނދިރިކަމެވެ. “ކަލޯގަޔާ.ކޮންކަމެއްބާ..” އަވްޔަންގެ އަތްތިލައިގައި އަލިޝްކާ ވިކައިގަތެވެ. “މަށަށްތަ އިނގެނީ..މައެ އަތަށް ތި ހުރިހާ ވަރެއް ނުބާލުވެބެއަ..” ސިއްރުސިއްރުން އަވްޔަން ބުނެލިއެވެ. ކުޑަ އިރުކޮޅެއްގެ ހިމޭންކަމަށްފަހު އޭނާ ތުންބުން ފުމެލި އަޑަށް މުޅިތަން ދިއްލިގެން ދިޔައެވެ. ތަފާތު ކުލަތަކުންނެވެ. އަނގަ މަތީގައި އަތް އަޅާލި އަލިޝްކާޔަށް ބަލާލަމުން އަވްޔަން ހިނިގަނޑެއް ޖަހާލިއެވެ.

“ސަޕްރައިޒް..” އެންމެން އެއަަޑަކުން ހަޅޭއްލަވައިގަތް އަޑު މުޅި ގޭގައި ގުގުމާލިއެވެ. ޕާރޓީ ޕޮޕާރ ޕޮޕްވިއެވެ. މުޅިތަން ރީތިކޮށްފައިވަނީ ފުއްޕާހަންތަކުންނެވެ. ފާރުގައި ބޮޑު އަކުރުން “ކޮންގްރާ ބިލްބޯ ” ޖަހާފައި އިނުމުން އެތަށް ބަޔަކު ސުވާލު އުފެއްދިއެވެ. އަޝްފާއާއި ސައިފްގެ އިތުރަށް ނާއިލް ފިޔަވައެވެ. ނަމަވެސް އެކަމުގެ ހަގީގަތްވެސް ފާޅުވާކަށް މާގިނައިރެއްނެތެވެ.  ލުއި ކާއެއްޗެހިން ފުރިފައިވާ މޭޒު ފެނުމުން އެންމެ ފުރަތަމަވެސް ކުޅު ދިޔާވީ އަވްޔަންއެވެ. ލުއި ކާއެއްޗެއްސަށް ދެވިހިފާފައިވާ މީހެއްގެ ހާލެވެ. އަލިޝްކާ ބާރު ހިނގުއްމެއްގައި ގޮސް އެންމެ ފުރަތަމަވެސް ބައްދައިގަތީ ކޭކު ހިފައިގެން ހުރި ސަމީމާގެ ކަރުގައެވެ. ހެމުން ހެމުން ސަމީމާވެސް މޭޒު މަތީގައި ކޭކު ބަހައްޓާލިއެވެ.

އުފާވެރި ވަގުތު ކޮޅަކަށްފަހު ހިތްހަމަޖެހިލައިގެން އާއިލާއެއްގެ ގޮތުގައި އަޖްވަދު ނުލާ އެންމެން މަޖާކުރިއެވެ. ނާއިލްއާއި ސައިފްގެ އިތުރަށް އެދެމީހުންގެ ލޯބިވެރިން ބައިވެރިކޮށްގެންނެވެ. އެންމެންވެސް ހަމަޖެހިފައި ތިބިއިރު އަވްޔަންގެ ހިތްވަނީ ނުތަނަވަސްކަމުން ފުރާލާފައެވެ. ޖަވާބު ދޭންޖެހުމުގެ ނުތަނަވަސްްކަމެވެ. އޭނާއަށް ހަގީގަތުގައިވެސް އަލިޝްކާ ބެލެހެއްޓޭނެހެއްޔެވެ. މި ހަވާލުވެވެނީ ކުރެވޭނެ ވަރު ކަމަކާބާއެވެ. އަލިޝްކާ އޭނާގެ ހައްގެއްގެ ގޮތުގައި ގެންގުޅުމަކީ ހަމަގައިމުވެސް ފަސޭހަ ކަމަކަށް ނުވާނެއެވެ. ކުރިމަތިވާން މިއުޅެނީ ރަނގަޅުކަމެއް ނޫންކަން އަވްޔަންގެ ހިތުގެ ކަނަކުން އިންޒާރު ދެމުން ދިޔައެވެ. އޭނާގެ ހިތް ބުނަމުން ދިޔައީ މި އިމްތިހާނުން އޭނާ ފާސްނުވާނެކަމަށެވެ. ނަމަވެސް ޡަމީރު އެކަމާ ދެކޮޅު ހަދާނީވެސް ހަމަ ސަބަބެއް އޮތީމަ ނޫންހެއްޔެވެ.

“ދެން އުޅޭ ކޭކު ފަޅަން..” ކޭކު ކައިރިއަށް ދާން އަމީން ތަންދެއްކިއެވެ. މޭޒު ކައިރީގައި އަލިޝްކާ ވަޅިއާއެކު ހުއްޓިލަމުން އަވްޔަންއަށް ބަލާލިއެެވެ. “އޭ އަވޫވޫ ކައެވެސް ދޭބަލަ އެއްކޮށް ފެޅީމަ ކޭކުގަ މީރު ރަހަ ލުން ގާތްކަން ބޮޑު..އެހެންނޫނަސް ކޭކު މަތީގަ އެހެރީ ބަރަބޮލާ ބިލިމަގޭ..” ނާއިލްގެ ވާހަކައިން އެންމެން ހޭންފެށިއެވެ. ދޮގެއް ނޫނެވެ. ވެނީލާ ކޭކުގެ މަތީގައި އެއްއަރިއަކަށް ވާގޮތަށް ތިން ބިލިމަގު ކޮޅާ ދެ ބަރަބޯ ކޮޅު ބާއްވާލާފައި އޮތެވެ. އަވްޔަން ހުއްޓިލީ އަލިޝްކާ ކައިރީގައެވެ. މުޅި މާހައުލު އަނދިރިވެފައި ވާއިރު އެދެމީހުންގެ މޫނު އަލިކޮށްދިނީ ކޭންޑަލްސް ތަކެވެ. ކޭކުގައި އަލިޝްކާ ވަޅި ޖައްސާލިއެވެ. ފަަހަތުން އަވްޔަންވެސް އަލިޝްކާ ގައިގައި އަތްވަށާލަމުން ވަޅީގައި އަތްޖައްސާލިއެވެ. ކޭކު ފަޅާލި ގަޑީ ކެމެރާ ފްލޭޝްތަށް ނިވި ދިއްލެން ފެށީ ހަޅޭކުގެ އަޑާ އެކުގައެވެ.

“ޔެސް..” ދަތް ޖައްސާލަމުން އަލިޝްކާގެ ކަންފަތް ބުޑުގައި އަވްޔަން ބުނެލިއެވެ. އަލިޝްކާ ދެލޯ ކުޑަކޮށްލަމުން އަވްޔަންއަށް ބަލާލީ ކޭކުފޮތި އަތަށް ނަގަމުންނެވެ. “ޔެސްއޭ..ކޮންކަމަކަށް..” އަވްޔަންގެ އަނގަޔަށް ކޭކު ފޮތިލިއިދިން އަލިޝްކާގެ ހިތުގައި ސުވާލު އުފެދުނެވެ. މަންޒަރު ބަލަން އެންމެން ތިބީ ހިމޭންވެފައެވެ. ހިނިގަނޑު ހިފާއްޓާލައިގެންނެވެ.

(ނުނިމޭ)