ޅަކުއްޖާ 1 (ހަޤީޤީ ވާހަކަ)

ފުރާޅު މައްޗަށް އެއްޗެއް ވެޓުނު އަޑާއެކު އަހަންނަށް ހޭލެވުނެވެ. ފުންމައިގެން ތެދުވެ ފާރުގައި  އިން ބޮޑުގަޑިއަށް ބަލާލީމެވެ. މިރޭވެސް ހަމަ އެވަގުތެ އެއަޑެ އިވުނީވެސް އަހަންނަށް އެކަންޔެވެ. އެހެންނޫންނަމަ މިކޮޓަރީގަ ނިދާފަ ތިބި އެހެން މީހުންނަށްވެސް ހޭނުލެވިޔެއް ނުދާނެއެވެ. ފުންނޭވައެއް ލުމަށްފަހު، ބޮލުގެ އިސްތަޝިގަނޑުގަ ހުޅިއެއްޖަހާލަމުން އެނދުން ފާބަންއުޅުނީ ފާހާނާއައް ދިއުމަށެވެ. ނަމަވެސް ފައި ބިންމަތިގަ ނުޖެހެނީސް އެއްކަލަ ރުއިމުގެ އަޑު އިވުނެވެ.

ސުނާމީ ކާރިސާއަށް ފާހު އަހަރެމެން މިރަށަށް  ބަދަލުވީތާ މިވީ  ހަތް ހަފްތާއެވެ.އެހާދިސާގައި އަހަރެމެންގެ ރަށްމުޅިން ހަލާކުވެ ދިރިއުޅެވެން ނެތުމުން ހަމައެދުވަހު ރަށުގެ ރައްޔިތުން ބަދަލުވީ އަތޮޅުގެ ވެރިކަންކުރާރަށަށެވެ.ވަގުތީގޮތުން ކޮންމެ ކޮންމެ ރަށްޔިތަކަށްވެސް ހިޔާވައްސެއްލިބުނެވެ.އެންމެން ގޭގެޔައް ބަހާލެވުނެވެ.ކުޑަނަމަވެސް ހަމަޖެހުމެއް ލިބުނުއިރު ރޭގަނޑުގެ އެއްދަން ވޭތުވެއްޖެއެވެ.އަހަރެމެން ތިބިގޭގައިވެސް މީހުންގިންކަމުންއޮށޯވެލާނެތަންކޮޅެއް ނުލިބުނޭބުންޏަސް ދޮގަކަށްނުވާނެއެވެ.އެހާދިސާގެ ބިރުވެރިކަމާ ހިތާމަޔާ އެވަގުތުއުޅެންޖެހުނުހާލަތާ ދޭތެރޭގައި ރޮއި ހިތާމަކުރަމުން ނިދޭތޯ ބެލިބެލުންވެސް ވީނާކާމިޔާބެވެ.ދެފަޔާ ބުރަކަށްޓަށް ލިބިފަހުރި އަނިޔާގެ ސަބަބުން އޮށޯވެގެނެއްނޯވެވެއެ ތަނަކުލެގިލައިގެނެއް ނުހުރެވެއެވެ.ގެއްލުނުމީހުނާ ކުދިންނާ މަރުވިމީހުނާ ކުދިންގެ ހަނދާން ވާވަރުން ހިތަކަށްހަމަޖެހުމެއް ނުލިބެއެވެ.މިފަދަހާލަކު އުޅެ އުޅެ ހުށްޓާ އެރޭ ވޭތުވެހިގައްޖެއެވެ.

އަނެއްދުވަހު ހެނދުނުގެ ސަޔަށްފަހު އަހަންނާ އަދި ދުރުތާތިމާގެ ދައްތަޔަކާ ގަސްތުކުރީ ވަކިދިރިއުޅުމެއް ފަށާށެ މިގޮތުން ަހަރެންގެ ދެމަފިރިންނާ ދެކުދިންނާ ދައްތަގެ ދެމަފިރިންނާ ހަކުދިންނާ އެކު މީހުން ނޫޅޭ ފަޅުގެޔަކަށް ބަދަލުވީމެވެ.މީހުން ނޫޅޭތާ ގިނަދުވަސް ވުމުގެ ސަބަބުން ގެޔާ ގޯތިއޮތީ ވަރަށް ބުޑަށްހަޑިވެފާކަމުން ސާފުކޮން ހަދައިގެން ދެވުނުއިރު ިރުއޮއްސި އަނދިރިވެއްޖެއެ އެހެން ކަމުން ރޭގަޑުގެ ކެއުން ހަމަޖެއްސީ ލުއިކެމަކުންނެވެ.އިޝާ ނަމާދަށްފަހު ލިބިފަތިބި ވަރުބަލި ކަމާއެކު އެމީހަކުޖެހުނު ތާާކުއޮށޯވެނިދައިފިއެވެ. އަހަންނަށްވެސް ހަޖެހުމާއެކު ނިދިއްޖެއެވެ.

 ގޯއްޗަކީ އިހުޒަމާނުގެ ބޮޑު ގޯޗެކެވެ. ދޮރުއަށިން އެތެރެއަށް  ވަންނައިރު މޫނު ޖެހޭގޮތަށް ކުޑަވަރެއްގެ ގެއެއް އިމާރަތް ކޮއްފައިވެ އެވެ. ތިންކޮތަރިޔާ ކުޑަ ސިޓިންރޫމަކާއި އެއް ކޮޓަރީގަ ފާހާނަލާފަ އަނެއް ދެކޮޓަރީގަ ހުންނަނީ ވަޅު ގިފިއްޔެވެ. ގޯތީގެ އެއްކޮޅުގަ ގެ ހުންނައިރު ބަދިގެ ހުންނަނނީ އަނެއްކޮޅުގައެވެ. ގެއިން ނުކުމެގެން ބަދިގެއަށްދާއިރު ގޯތިތެރޭގަ ވަރަށް ބޮޑު ދެ ޖޭމްގަހާ ޖައުފާނު ރުކަކާ ކުންނާރު ގަހެއް ވެއެވެ. އަދި އުތުރު ކަނުގައި ކުރިޒަމާނުގެ ގެ  ރާނަންް ގެންގުޅޭ ކަހަލަގެ ތެޅި ގާ ފުންޔެއް އޮވެއެވެ. ގާފުނީގެ  މައްޗާއި ކައިރީގައި ބޮޑެތި އަހިގސް ތަކެއްް އޮވެއެވެ. ރޭގަނޑު ގެއިން ނުކުމެގެން ބަދިގެއަށް ދާއިރު ގޯތިތެރެ ފެންނަނީ ވަަރަށް އަނދިރިކޮށެވެ. އާންމުކޮށް އަހަންނާ ދައްތައާ ނޫނީ ރޭގަނޑު އެކަނި ބަދިގެއަށް ގޮހެއް ނޫޅޭނެއެވެ.   ފަސްވަގުތުގެ ނަމާދަކީ އަހަރެން ވަރަށް އިސްކަންދޭ ކަމެކެވެ. ބައެއް ސުންނަތްތަކަށްވެސް ފަރުވާތެރިވަމެވެ. މިގޮތުން ދަމުނަމާދަށް ހާއްސަ ސަމާލުކަމެއް ދެމެވެ.

މިގެއަށް ބަދަލުވި ފުރަތަމަ ރެއެެވެ. އަހަރެންނަށް ހޭލެވުނީ އެރޭ ދެގަޑި ބައި ކަންހާއިރެވެ. ފާޙާނާއަށް ވަދެ ވުޟޫކޮށް ލާގެން ނިކުތް ވަގުތު މަޑު މަޑު ރުއިމެއްގެ އަޑު ކަންފަތުގައި ޖެހުނެވެ. އަހަރެންނަށް ބަލާލެވުނީ ކޮޓަރި ތެރޭގައި ނިދާފަ ތިބި ކުދިންނަށެވެ. ހުރިހާ ކުދިންވެސް ތިބީ ގަދަ ނިދީގައެވެ. އެއަޑު އިވޭކަން ޔަގީންވުމުން އަހަރެން ހިތަށް އެރީ އެއީ ބުޅަލެކެވެ. ބުޅަލަކީ ތަފާތު އަޑު ލައްވާ ހަދާ އެއްޗެކެވެ. އަމުދުން ދެ ބުޅާ ކޯޅޭ ވަގުތު އިވޭފަދަ އަޑު ތަކުތެރޭ މިފަދަ ރުއިމުގެ އަޑެއްވެސް އިވޭ ފަހަރު އާދެއެވެ.

އިވުނު އަޑަށް މާ ބޮޑު ސަމާލުކަމެއް ނުދީ ނަމާދު ކުރަން ފެށީމެވެ. ނަމާދަށް ހަށަމް ބަނުމާއިއެކު އަޑު ކެނޑިއްޖެއެވެ. ނަމާދުން ނިމިގނެް ޤުރުއާން ކިޔަވާލުމަށް ފަހު ދޮޅި ބާލާ މުސައްލަ އަށް ލާ އޮޅާލަން ފެށިތަނާ އަނެއްކާވެސް ރުއިމުގެ އަޑު އިވެން ފެށިއެވެ. ތެދުވެގެންގޮސް ކުޑަ ދޮރާ ކައިރި ވެލީމެވެ. އެ އަޑު ތަންކޮޅެއް ސާފުކޮށް ބާރަށް އިވުމުން އެއީ ބުޅަލެއްގެ އަޑު ނޫން ކަން އަހަންނަށް ޔަޤްީންވިއެވެ. ގަންނާ ކުރެއްވި ބިރުން ފުންމާގެން ގޮސް އެނދަށް އަރާ ލޯ ތަގުޅި ކޮށްގެން އޮތީމެވެ. ހިތަށް އެރިހާ ހެޔޮ އެއްޗެއް ކިޔަން ފެށުމުން ހަމަވިސްނުން އައިސް މީހާ ކުޑަކޮށް ހަމަޖެހި ބިރު ކުޑަވެއްޖެއެވެ. މަޑުމޑުން ލޯ ހުޅުވާލީމެވެ. މިހާރު އެއަޑެއް ނީވެއެވެ. 10 ވަރަކަށް ފަހަރު ކުރުޡި ކިޔާލުމުން ނިދޭގޮތް ވެއްޖެއެވެ. ދެން ހޭލެވުނީ ހެނދުނު ދައްތަ ގޮވާ އަޑަށެވެ. ދެން ހޭލެވުނީ ހެނދުނު ދައްތަ ގޮވާައަދަށެވެ.ތެދުވެގެން ގޮސް ދޮރުހުޅުވާލީމެވެ. ބަލީތަ” އެހެންނާ އެމީހުން ހޭލާއިރު އަހަރެން އުޅޭނީ ބަދިގޭގަޔެވެ.”ނޫން މިދަނީ” ދައްތަ ދިޔުމުން އަވަސް އަވަސް ކޮއްލައިގެން ގެއިން ނުކުމެ ބަދިގެޔައް ދާން ހިގައިގާާައިންތަނާ ރޭގެ ކަންތައްތައް ހަނދާން ވުމުން ހިތަށްއެރިއެވެ. ރޭގަ އިވުނު  ރުއިމުގެ އަޑު އައި ކުޑަދޮރުކައިރި ބަލާލާނަމެވެ.

ގޭގެ ދެކުނު ފަރާތަށް ގޮސް އަހަރެން އުޅޭ ކޮޓަރީގެ ކުޑަދޮރު ކައިރިއަށް ހުއްޓި ބިންގަނޑަށް ބަލާލީމެވެ. އެއްވެސް އެއްޗެއް ނޫނީ މީހެއް އުޅުކަމުގެ ނިޝާނެއްވެސްނެތެވެ.

މިގޮތަށް މިކަން ހިގާތާ މީތިންވަނަރެޔެވެ.އަހަރެން މިވާހަކަ އެއްވެސް މީހެއްކައިރިއަކު ނުދައްކަމެވެ.އަހަރެންގެ ފިރިމީހާވީ އޭނަގެ މަންމަ ގޮވަިގެން ބޭސްފަރުވާ އަކަށް މާލެގޮހެވެ.

ރޭގަނޑުގެ ކެއުމަށްފަހު ގޭ އެންމެން ޖޯލީގަ ވާހަކަ ދައްކަން ތިބެފަ ނިދަން ދާންވެގެން ތެދުވެފަ ދައްތަގެ ދޮށީ އަންހެދަރިފުޅު ގާތު އަހަރެން ބުނީމެވެ. “އާޤި ހިނގާބަލަ މިރޭ އަހަރެމެން ކޮތަރިއަށް ނިދަން” އޭނަވެސް ހުރީ ވަރަށްދާހިތުންނެވެ.ދައްތަމެން ކޮތަރި ތޮއްޖެހިފަ އޮންނާތީޔެވެ. އަހަރެން ގަސްތުކުރީ އެއަޑު އިވެނީ އަހަންނަށް އެކަނިތޯބަލާށެވެ.އަހަރުމެން ނިދަން އޮށޯތީ ދިހަގަޑި ބައި އެހާކަންހާއިރު އެވެ.އާޤި ވަރަން އަވަހައި ނިދައިފިއެވެ.އަހަރެން އޮތީ އެ އަޑުއިވޭނެ އިރެއްގެ އިންތިޒާރުގައެވެ. މިހެން އޮއްވާ އަހަނަށްވެސް ނިދިއްޖެއެވެ.