ކިފާހް (1)

ކާރެއްގެ އިންތިޒާރުގައި ހުޅުލެ ފެރީ ޓަރމިނަލް ކައިރީ ހުރި ހުޔާން ހުރީ ރުޅި އައިސް ރަތް ވެފައެވެ. ޓެކްސީ 24 ގަޑި އިރު ދޭ ޙިދްމަތެއްގެ ގޮތުގައި ލޭބަލް ވެފައި އޮންނަ އިރު ވެސް ވާ ކަމެއް އޮންނަނީ އެއް ނޫނެވެ. ދެ ތިން ޓެކްސީ މިހާރު ވެސް ގޮއްސި އެވެ. ފެހި ލައިޓް ދިއްލައިން އަރާ ހަމަވުމަށް ފަހު އޭނާ އަތް ނެގުމާއި އެކުރަތް ލައިޓްް އަށް ބަދަލު ކޮށްލަނީ އެވެ. ދަންވަރު ނަމަވެސް ޙިދްމަތް އިންނަން ޖެހޭނެތާއެވެ. އޭނާ އަށް އެންމެ ކުޑަ މިނުން ޓެކްސީ ސެންޓަރެއްގެ ނަންބަރެއް ވެސް އެނގެނީ އެއް ނޫނެވެ.

ދާ ކޮންމެ ކާރަކަށް އޭނާ އަތް ނަގަމުން ދިޔައީ މަޑު ކުރާނޭ ކަމުގެ އުންމީދެއްގަ އެއްވެސް ނޫނެވެ. ފޯން އަށް ބަލަން ހުރެ އަތް ނަގަމުން ދިޔަ ހުޔާން އަށް ބަލާލެވުނީ ކާރެއް މަޑުކޮށްލި އަޑަށެވެ. ޕްރައިވެޓް ކާރެކެވެ. ކުރިމައްޗަށް މަޑުކޮއްލުމަށްފަހު ޑްރައިވަރު ކާރުގެ ބިއްލޫރި ގަނޑު ކަހާލިއެވެ. “އެސް ޓީ އޯ ކައިރި އަށް ލައިދެވިދާނެ ތަ ؟” ބޮކި ނިއްވާފައި ވާ ކާރާއި ދިމާލަށް ގުދު ވެލަމުން އޭނާ އަހާލި އެވެ. އަނދިރި ކަމުން ދުއްވަން އިން މީހާގެ މޫނު ވަކި ނުވިޔަސް އެއީ އަންހެން ކުއްޖެއް ކަން އެނގެ އެވެ. އެއްވެސް އިޝާރާތެއް ނުކޮށް އަދި ބަހެއް ވެސް ނުބުނެ އެ ކުއްޖާ ހުޅުވައިދިނީ ދޮރެވެ. އަރަންވީހޭ އެހުމުން ވެސް އެއްވެސް ޖަވާބެއް ނައުމުން އިރުކޮޅަކު ހުރެލުމަށްފަހު އޭގެ މާނަ އަކީ އަރާށޭ ކަމަށް ބަލައި ހުޔާނެ ކާރަށް އެރި އެވެ. އޭނާ ގެނައީ ހަމައެކަނި ސައިޑް ބޭގް އެއް ކަމުން ކާރުގެ ފަހަތު ސީޓް އަށް ލުމަށްފަހު ކުރިމަތީ ސީޓް ގައި އިށީނދެ ހަމަޖެހިލިއެވެ. އެ އަންހެން ކުއްޖާ ކާރުގެ ލައިޓް ދިއްލާލީ އެވަގުތު އެވެ. ހަމަ އެ ހިނދު ހުޔާން އަށް ވެސް އެ ކުއްޖާ އާ ދިމާލަށް ބަލާލެވުނެވެ. ކަޅި ނުހުއްޓުނީ ކިރިޔާ އެވެ.

އަޖައިބެއް ފަދަ ކުއްޖެކެވެ. ފަންފަން އިސްތަށިގަނޑެއްގެ ވެރި އެކެވެ. ހިސާބަކަށް މުށި ކުލަ ޖައްސާފައި ހުރުމުން އިތުރަށް ރީތި ކަމަށް ދައްކައެވެ. ފުރިހަމަ ދެލޮލެވެ. އެއްވެސް އައިބެއް ނެތް މޫނެކެވެ. ރީތި ކަމުގެ ލާމަސީލު މިސާލެކެވެ. ހުޔާން އަށް އެ އިންގޮތަށް ބަލަން އިނދެވުނީ ކިހާ އިރަކު ކަމެއް ނޭނގެ އެވެ. ހަމަހޭ ވެރި ވީ ބަމްޕަރެއްގެ މަތިން ކާރު ނެއްޓުމުންނެވެ. “ހެލޯ ހުޔާން ހިއަރ” ރާއްޖެއިން ނުފެންނަ ކަހަލަ ކުއްޖެއް ކަމުން ބޭރު ކުއްޖެއް ކަމަށް ނިނމައިން އިނގިރޭސީ ބަހުން ތައާރަފް ވެލިއެވެ. އެ އަންހެން ކުއްޖާގެ ފަަރާތުން ޖަވާބެއް ނައި ތާނގައި އަޑު އިވުނު ކަމަކަށް ވެސް ނުހެދެ އެވެ. އަޑު ނީވުނީ ކަމަށް ވެސް ވެދާނެ އެވެ. ނޫނީ ގަސްތުގައި އަޑު ނީވޭ ކަމަށް ހެދީ އެވެ.

އެކުއްޖާ އަޅާނުލުމުން ހުޔާން ހިސާބަކަށް ލަދުގަތެވެ. ނަމަވެސް އެހާ އަވަހަށް ހިތްވަރު އެލުވާނުލުމުގެ ގޮތުން އަނެއްކާވެސް ވާހަކަ ދެއްކޭތޯ މަސައްކަތް ކުރިއެވެ. “ޔުއަރ ނޭމް؟” ކުރިއަށްވުރެ ބާރަށް ހުޔާން އަހާލިއެވެ. މިފަހަރު ވެސް ވީހަމަ އެހެންނެވެ. ޖަވާބެއް ވެސް ނަޔެވެ. ކުޑަމިނުން ބަލާ ވެސް ނުލިއެވެ. އޭނާ ޙިޔާރު ކުރި މަގުން ހުއްޓުމެއްނެތި މަންޒިލާ ހަމައަށް ދަތުރު ކުރަމުން ދިޔައެވެ. ހުޔާން ކާރުތެރެއަށް ނަޒަރު ހިންގާލިއެވެ. އެތެރެ އިން ވެސް ފެންނަމުން ދިޔައީ އަންހެންވަންތަ ކަމެވެ. ކުތިމަތީ ލޯގަނޑުގައި ޑްރީމްކެޗަރ އެއް އެލުވާފައިއޮތެވެ. މުޅި ކާރުގައި ހަރުލާފައިވަނީ މަޑުމަޑު މީރުވަހެކެވެ. ހިތްހަމަ ޖައްސުވައިދޭ ވަހެކެވެ. އޭނާ އަށް އިހުސާސް ވަމުން ދިޔައީ ހިތްފަސޭހަ މާހައުލެއްގައި ދުނިޔެގެ އަޖައިބެއް ބަލަން އިނދެވުނު ހެންނެވެ. މިފަދަ އަންހެން ކުއްޖެއް މިހާދަންވަރު ކާރު ދުއްވަން އުޅެ ސަބަބަކާ މެދު ހުޔާން ވިސްނާލިއެވެ. އަންހެން ކުއްޖަކަށް އަދި އަމުދުން އެހާ ރީތި ކުއްޖަކަށް މިއީ އެއްވެސް ވަރަކަށް ރައްކާތެރި ގަޑި އެއްނޫނެވެ. އޭނާ އެއްވެސް ޖަވާބެއް ނުދިނީ އަނެއްކާ ބީރީ ބާއެވެ. ނޫނެވެ. ބީރެއް ނޫނެވެ. ބީރު ނަމަ އޭނާ އޭނާ ބުނި އެޑްރެސް އަޑެއް ނީވޭނެތާއެވެ. އެ ކުއްޖާ އާ ދިމާލަށް ބެލެނީއެވެ. ބަލަން ބޭނުންވަނީއެވެ. ނަމަވެސް އެކުއްޖާގެ ފަރާތުން އަންނާނެ ހަރަކާތެއް ނޭނގޭތީ ނުކެރެނީއެވެ. އެކުއްޖާ ކާރު މަޑުކޮށްލި އެވެ. އެސް ޓީ އޯ ކުރިމައްޗަށެވެ. އެކުއްޖާ އަށް ލާރިދޭން ޖީބުން ވޮލެޓް ނަގަން އުޅުނު ވަގުތު އެކުއްޖާ އޭނާ އާ ދިމާލަށް ބަލާލިއެވެ.