ވަައްޓާލާފައި އޮތް އިސްތަށިގަނޑު އެއް އަތުން އެއްކުރަމުން ކަންފަތުގައި ހުރި ވަޔަރލެސް ހެޑްސެޓް ނައްޓާލިއެވެ. އަދި ބޯ ހޫރާލިއެވެ. “ބޭނުމެއް ނޫންތަ؟” ލާރި ދިއްކޮށްލަމުން ހުޔާން އަހާލިއެވެ. އެ އަންހެންކުއްޖާ ބޯޖަހާލުމުން ވަރަށް ބޮޑަށް ތޭންކްސް އޭބުނެ އޭނާ ކާރުން ފެބި އެވެ. ހުޔާން ފޭބުމާއި އެކުހެން އެކުއްޖާ ކާރު ދުއްވާލިއެވެ. އަނެއް ގޯޅިން ގޮސް އޮބާލަންދެން ހުޔާން އަށް ބަލަންހުރެވުނެވެ. އެކުއްޖާ ހެޑްސެޓް ޖަހައިން އިންދާ ވާހަކަ ދެއްކުނީތީ ހެވެނީއެވެ. އެއްފަހަރުވެސް އެކަހަލަ ކުއްޖަކާއި މިކަހަލަ ގަޑިއެއްގައި ވިޔަސް ދިމާވުމުން އަމިއްލަ ނަފްސަށް ފަހުރުވެރި ވެވި ވެވި ހުރެ ހުޔާން އޭނާގެ ގެޔާއި ދިމާލަށް ހިނގައިގަތެވެ. ދެން ދުވަހަކުވެސް ދިމާވާނެ ކަމެއް އެނގެނީ އެއް ނޫނެވެ. “ވެލްކަމް ހޯމް ހަނީ” ހުޔާން ސިއްސައިން ދިޔައީ އޭނާ ގެތެރެއަށް ވަތްތަނާހެން މީހުން ހަޅޭލަވައިގަތް އަޑަށެވެ. އޭރު އޭނާގެ އަންހެނުން ރިއާ އާއި އޭނާގެ ރައްޓެހިން އެތުރިލައިން ތިއްބެވެ. މުޅި ސިޓިންރޫމް އޮތީ ބޮކިތަކުން ޖަރީކޮށް އެކިކުލަކުލައިގެ ފުއްޕާހަމުން ޒީނަތްތެރި ކޮއްފައެވެ. ރިއާ އައިގޮތަށް އައިސް ބައްދާލިއެެވެ. “ފައިނަލީ އާދެވިއްޖެ” ލޯބިން ފުރިގެންވާ ގޮތަކަށް އޭނާ ބުނެލިއެވެ. ހުޔާން ވެސް އޭނާގެ ނިތްކުރިއަށް ދޮނެއް ދިނުމަށްފަހު އިތުރަށް ގަޔާއި ކައިރިކޮށްލިއެވެ. ދުވަސްތަކަކަށް ފަހު ދިމާވުމުން ދެމީހުންވެސް ތިބީ އުފަލުން ފޮޅިފައެވެ. “އޭ ! އޭ! އަހަރުމެންވެސް އެބަތިބީމޭ. ސިޓިން ރޫމްގައި ތިބި މީހުން ހަޅޭލަަވައިގަތުމާއި އެކު އެންމެންގެ ހިނިގަނޑު ފަޅައިގެން ދިޔައެވެ. އެޔާ އެކު ހުޔާންވެސް އަވަސްވެލީ އެމީހުންގެ އެދުމުގެ މަތީން އަވަހަށް ކޭކް ފަޅާފައި އެތަނުން އެމީހުން ފޮނުވާލުމަށެވެ. “ކޮބާ ރައި ބޭބީ؟” ދެކޮޅު ހޯދާ ބަލާލުމަށްފަހު އޭނާގެ ދަރިފުޅު ރާއިން ނުފެނުމުން ހުޔާން އަހާލިއެވެ. “ރާއިން އޮންނާނީ މިގަޑީ ނިދާފައެއްނު” ރިއާ ޖަވާބު ދިނެވެ. ބައި ވަރަކަށްގަޑިއިރު ސަކަރާތް ޖަހަން ތިބުމަށްފަހު އެންމެން ދިއުމުން އެދެމަފިރިންވެސްރޭގަނޑުގެ ނިދި ލިބިގަތުމައްޓަކައި އޮށޯތެވެ. އަނެއް ދުވަހެވެ. ހުޔާން އަށް ހޭލެވުނީ އެލާރމް ވާ އަޑަށެވެ. ކޮޓަރި ތެރެއިން ރިއާ ފެންނަން ނެތުމުން އޭނާ ވާނީ ބަދިގޭގައި ކަން ހުޔާން އަށް އެނގުނެވެ. ރާއިން ކޮޓަރިތެރޭ ކުޅޭ އެއްޗިސް ހިފައިން ދެކޮޅަށް ހިނގާލަ ހިނގާލަ ހުއްޓެވެ. ހުޔާން ތެދުވުމާއިއެކު އޭނާ ތުވާލި ބަހައްޓާ ހަރުގަނޑުގެ ފަހަތަށް ވަދެ ފިލަން އުޅުނެވެ. ރާއިން ކުޑައިރުއްސުރެ އޭނާ ރާއްޖެ އިން ބޭރުގައި އުޅެފައި ހުރުމުން އަދި އަހަރަކު އެންމެ ގިނަ ވެގެން ވެސް އެއްފަހަރު ފެންނާތީ ފިރިހެން ކުއްޖެއް ނަމަވެސް އޭނާ އެހާ ހުޔާން އާއި ގާތެއް ނޫނެވެ. އުމުރުން ހަތަރުއަހަރު ވީއިރު އެ އުމުރުގެ ކުދިންނާ އަޅާބަލާފައި އޭނާ ބައްޕައަށް ޖެހިލުންވެ ލަދުގަނެއެވެ. ރާއިން އާއިދިމާލަށް ބަލަން އޮއްވާ ރޭގައި ދިމާވި އަންހެންކުއްޖާ މަތީން ހަނދާން ވިއެވެ. އެކުއްޖާ ހަނދާން ވިޔަސް އޭނާ ހިނިއަންނަނީ އެވެ. އެއީ ރީތި ކުއްޖެކެވެ. ވަރަށްވެސް ރީތިކުއްޖެކެވެ. 8:30 އެވެ. އިރު އޭގެ ވާޖިބު އަދާކުރުމުގައި އަވަދިނެތި އުޅެމުންދިޔައެވެ. ކިފާހް އޭނާގެ ޕްރައިވެޓް އޮފީހުގައި ފޯރމްތަކެއް ބަލަމުން ދިޔައެވެ. ގަނޑުތައް އުކަމުން ހިތްހަމަޖެހޭ އެއްޗިސް ފާހަގަ ކުރަމުން ދަނިކޮށް ހުޔާން ހަލީމް ޖަހާފައި އޮތް ފޯރމް އެއް އޭނާގެ ލޮލުގައި އަޅައިގަތެވެ. އަދި ރޭގައި އޭނާ ލިފްޓް ދިން ޒުވާނާގެ މަތީން ހަނދާން ވިއެވެ. އެ ޒުވާނާ އޭނާ އަށް ތައާރަފްވި ހަނދާން އޭނާ ރަނގަޅަށް އެބަހުއްޓެވެ. މިއީ އަނެއްކާ އޭނާ ނޫންބާއެވެ. އަޅައިގަންނަ ކަހަލަ ގޮތެއް ހުރި ޒުވާނެކެވެ. ވާހަކަ ދައްކަން ބޭނުންވިނަމަވެސް އަޅާނުލީއެވެ. ގަޑީގެ ގޮތުންނެވެ. އަދި ފިރިހެނުންގެ ފިތްރަތީ އުޅުންވެސް އެނގިފައި، ތަޖުރިބާ ކުރެވިފައި އޮތްލެއް ވެސް ބޮޑުކަމުންނެވެ. އެމިހުންނަކީ ފެންނަހާ އަންހެން ކުއްޖަކަށް ހިތްކިޔައި ވާހަކަ ދައްކަން އުޅޭ ބައެކެވެ. މޭޒުމަތީ އޮތް ހައިލައިޓަރ ނަގައި އޭނާ އެނަންފަވާލިއެވެ. މިއީ އެޒުވާނާތޯ ބަލާލަން އޭނާ ބޭނުމެވެ. “މިފަހަރު ދެން ތިއައީ އެއްކޮށްތަ؟” ރާއިން އުނގުގައި ބައިންދަމުން ރިއާއަހާލިއެވެ. “އާނ އެހެން ކަމަށް” އޮމްލެޓް ރިޔާގެ ތައްޓަށް ލައިދެމުން ހުޔާން ޖަވާބުދިނެވެ. “އަންނަމުން ވަޒީފާ އަކަށް ވެސް ލައިފިން އެކަމް އަދިވެސް ދާން ޖެހިދާނެހަމަ ޗެކްކޮށްލަން ކުޑަކޮށް” އޭނާ އިތުރު ކޮށްލިއެވެ. “ސަރުކާރުގެ ވަޒީފާ އަކަށްތަ؟” ރިއާ ޝައުގުވެރިކަމާއިއެކު އަހާލިއެވެ. “ނޭނގެ ކޮންމެސް ތަނެއް. އިހަށް ގޮތް ބަލާލާފައި އޯކޭ އިއްޔާ މަޑުކުރާ ގޮތަށް ނޫނީ ކޮންމެސް އެހެން ތާކަށް ދާނީ ” އެޔާއި ވިދިގެން ހުޔާން ބުނެލިއެވެ. ހުޔާން ގެ ކޮންމެ ކަމެއްވެސް ރިއާބަލަނީ ޝައުގުވެރިކަމާއިއެކު އެވެ. ހުޔާން އަކީ އޭނާގެ ފުރާނަ އެވެ. ދުރުގައި ހުއްޓަސް މިހާރުގެ އަންހެން ކުދީންހެން އޭނާ ބޭވަފާތެރިއެއް ނުވެއެވެ. ދުވަހަކުވެސް ހުޔާންގެ ގާތް ރައްޓެހިން ނޫން ބަޔަކާ އޭނާ ވާހަކަ އެއް ނުދައްކައެވެ. ހުޔާން ނުރުހޭތީކީ ނޫނެވެ. އޭނާ ބޭނުންނުވަނީއެވެ. އޭނާ ބެނުންވަނީ މުޅި އުމުރުވެސް ހުޔާންގެ ކައިރީގައި ހުޔާންގެ އަންބެއްގެ ގޮތުގައި ހުރުމަށެވެ. މިއަދު އޭނާގެ އިންތިޒާރުވެސް ނިމުމަކަށް އައީ އެވެ. ދެން މަދުމަދުން ދިޔަސް ކުރިން ދާހެން ހުޔާން އޭނާ އާ ދުރަކަށް ނުދާނެއެވެ. ހުޔާންއޭނާ ދޫކޮށްލާފައި ދާ ދުވަހަކީ އޭނާ މިދުނިޔެއާއި އަލްވަދާއު ކިޔާފައި ދާނޭ ދުވަހެވެ. އެހާވެސް އޭނާ ހުޔާން ދެކެ ލޯބިވެއެވެ.
ކާރެއްގެ އިންތިޒާރުގައި ހުޅުލެ ފެރީ ޓަރމިނަލް ކައިރީ ހުރި ހުޔާން ހުރީ ރުޅި އައިސް ރަތް ވެފައެވެ. ޓެކްސީ 24 ގަޑި އިރު ދޭ ޙިދްމަތެއްގެ ގޮތުގައި ލޭބަލް ވެފައި އޮންނަ އިރު ވެސް ވާ ކަމެއް އޮންނަނީ އެއް ނޫނެވެ. ދެ ތިން ޓެކްސީ މިހާރު ވެސް ގޮއްސި އެވެ. ފެހި ލައިޓް ދިއްލައިން އަރާ ހަމަވުމަށް ފަހު އޭނާ އަތް ނެގުމާއި އެކުރަތް ލައިޓްް އަށް ބަދަލު ކޮށްލަނީ އެވެ. ދަންވަރު ނަމަވެސް ޙިދްމަތް […]