ވާލޯބި އެނގޭނަމަ…(16)

“ބައްޕާ ކީއްވެ ސިއާ ހަންދާންތައް ގެއްލުނު ވާހަކަ ނުބުނީ ހަމަގައިމުވެސް ބައްޕަ ބުނީ ސިއާ އަށް އެއްގޮތެއްވެސް ނުވެޔޭ” ނާއިމް ސުވާލަކަށްފަހު ސުވާލެއް ކުރަމުން ދިޔައެވެ. ނަމަވެސް ހަމްދީގެ އަނގައިން އެންމެ ބަހެއްވެސް ނުނިކުތެވެ. ނާއިމް ރުޅިއަރައިގެން މޭޒުމަތީގައި އަތުން ޖެހިއެވެ…

“ދަރިފުޅާ ދެންވީކަމެއް އެވީ ސިއާ މިހާރު އެއުޅެނީ ވަރަށް އުފަލުން ދެން ދަރިފުޅުވެސް ސިއާ މަތިން ހަނދާންނައްތާލަން މަސަތްކަތްކުރޭ ދަރިފުޅު ބޭނުންވަނީ ސިއާ އުފަލުގަ ހުންނާކަށް ނޫންތަ؟؟” ލޯބިން ފުރިގެންވާ ރާގަކުން ނާއިމްގެ ބުރަކަށީގައި ފިރުމާލަމުން ހަމްދީ ބުނެލިއެވެ. ހަމްދީ އެ ބުނީވެސް ހަމަ ތެދެކެވެ. ސިއާ ނުލިބުނެއްކަމަކު ސިއާ އުފަލުގަ ހުންނަޏާ ނާއިމްވެސް އުފާވާނެއެވެ. އަމިއްލަ ލޯބި ގުރުބާން ކޮއްގެންވެސް ސިއާ އަށް އުފާވެރި ދިރިއުޅުމެއް އުޅެވިއްޖިއްޔާ އެ ނިމުނީއެވެ. ހަމްދީ އެތަށް ވާހަކައަކާ ނަސޭހަތެއް ދީގެން ނާއިމްގެ ސިކުނޑި ހަމައަކަށް އެޅުވިއެވެ. ހަމްދީ ބުނަމުން ދިޔަ ކޮންމެ ބަހެއް ނާއިމް ދިޔައީ ކަނުލާ އަޑުއަހަމުންނެވެ. އެ ހިތަށް ކިތަންމެ އަސަރެއް ކުރިއަސް ނާއިމް ކެއްކުރާނެއެވެ. އެ ދެލޮލަށް ކިތަންމެ ކަރުނައެއް ޖަމާވިއަސް ނާއިމް އެއްވެސް ޝަކުވާއެއް ނުކުރާނެއެވެ. “ދަރިފުޅު ކޮންމެ ތާކު ހުއްޓެއްކަމަކު ކޮންމެ މީހަކާ ކައިވެނި ކުރިއެއްކަމަކު މީ ހަމަ ދަރިފުޅުގެ ބައްޕަގެ ގޮތުގައި ދެކެންވާނީ ނާއިމް ތީ އަހަރެންގެ ދަރިއެއްކަހަލަ ކުއްޖެއް އަހަރެން އަބަދުވެސް އެދެނީ ނާއިމް އަށް އުފާވެރި ދިރިއުޅުމެއް” ހަމްދީ ހިނިތުންވަމުން ބުނެލިއެވެ. ނާއިމް ހަމްދީއަށް ޝުކުރު އަދާކޮއްފައި އެތަނުން ދިޔައެވެ. ނާއިމް އޮފީހުގެ ދޮރުން ނިކުތުމުން ހަމްދީ ހަމަޖެހުމުގެ ނޭވައެއް ލިއެވެ. ގޭގެ ބޮޑު ދޮރުން ވަތް ހަމްދީ ފެނިފައި ސާނިޔާ ހަމްދީގެ ދަބަސް ހިފައިގެން ކޮޓަރިއަށް ލާންދިޔައެވެ. ޓައީ ދޫކޮއްލަމުން ހަމްދީ ސޯފާގައި އިށީދެލިއެވެ. ނާއިމްގެ މައްސަލައަށް މީ ހަމައެކަނި ވަގުތީ ހައްލެއްކަން ހަމްދީއަށް އެނގެއެވެ. ނާއިމް އަކީ ވިސްނުންތޫނު މީހެކެވެ. އެ އެކްސިޑެންޓް އާ ބެހޭގޮތުން މައުލޫމާތު އެއްކުރާނެއެވެ. ނާއިމް އަށް ހަގީގަތް އެނގިއްޖިއްޔާ ހަމްދީގެ ދުވަސް ދިޔައީއެވެ. ހަމްދީ ކުރި ކަންތަކުގެ އެއްވެސް އެވިޑެންސެއް ބަހައްޓާކަށް ބޭނުމެއްނޫނެވެ. ހުރިހާ އެއްޗެއް މި ދުނިޔެއިން ދުއްވާލެވުނީމަ ނޫނީ ހަމްދީ އަށް އެއްވެސް ހަމަޖެހުމެއް ނުލިބޭނެއެވެ.

ގެއަށް ވަތް ނާއިމް އަށް ސޯފާގައި ސަކަރާތްޖަހަން ތިބި ކިއާން އާއި ސިއާ ފެނުމުން ގަދަކަމުން ހިނިތުންވެލިއެވެ. “ނާއިމް ކޮބާ މީޓިންގ ކިހިނެއް؟؟” ކިއާން ހީލަމުން ބުނެލިއެވެ. ސޯފާގައި އިށީންނަމުން ނާއިމް އަތުން ހުރިހާ ކަމެއެއްވެސް ބަރާބަރު ކަމައް ބުނެލިއެވެ. ކުއްލިއަކަށް ސިއާ އަށް ރާކިންގެ ކޯލެއް އައެވެ. “ހަލޯ” “ސިއާ އަވަހަށް އައިސްބަލަ ހޮސްޕިޓަލަށް ނޫރާ.. ” ރާކިންގެ ޖުމްލަ ނުނިމެނީސް ފޯނުބާއްވާފައި ހޮސްޕިޓަލާ ދިމަލަށް ދާން ސިއާ ދުއްވާގަތެވެ. ކިއާން ސިއާގެ އަތުގައި ހިފައި ހުއްޓުވިއެވެ. “ކޮންތާކަށް ތިދަނީ؟؟” “ނޫރާ ހޮސްޕިޓަލުގަ ބާއްވައިގެނޯ” “ތިހެން ހުރެ ދާން ކަމައް؟؟” ކިއާން އެހެން ބުނުމުން ސިއާ ހޭވިފައި އޮތް އިސްތަށިގަނޑަށާއި ލައިގެން ހުރި ކުރުތާއަށް ބަލާލިއެވެ. “ވަރަށް ކަންނެއްވެފަ މީނީ ނުދެވޭނެ” ސިއާ ތުންދަމާލިއެވެ. “ހާސްނުވެބަލަ ޔުއާ ހަޒްމެންޑް އިޒް ހިއާ ހެދުން ބަދަލު ކޮއްދީފަ ބޮލުގަ ފުނާވެސް އަޅުވާދީފާނަން އެނީތިންގ ފޯ މައި ލަވް” ކިއާން ސިއާ އާ ދިމަލަށް އެއްލޯ މަރާލާފައި ސިއާ އަތްދަނޑިމައްޗައް ލައިގެން ކޮޓަރިއަށް ދިޔައެވެ. މިމަންޒަރު ބަލަން އިން ނާއިމް ގެ އަތް މުއްކެއްވިލެއް ބާރުކަމުން އަތުން ލޭއަންނަންއެވެ. ނާއިމް އަކީ ވެސް އިންސާނެކެެވެ. ކެއްވާނީ ވަކިވަރަކަށެވެ. ކިއާން މެނާ އެކީ ނާއިމް ވެސް ހޮސްޕިޓަލަށް ދިޔައެވެ.

“އޭއި ސައިކޯ ކީއްވެތަ އެހާ ފަރުވާކުޑީ ކާއެއްޗެއް ފެނުނީމަ ހަމަ މޮޔަތަވަނީ އަމިއްލަ މީހާ އެއްޗަކަށް އެލާޖިކް ވާންޏާ ތަންކޮޅެއް ބަލާލައިގެނެއްނު އުޅެންވާނީ” ރާކިންގެ ލެކްޗަރުތައް އަޑުނާހަން ވެގެން ނޫރާ ކަންފަތުގައި އަތްއެޅިއެވެ. “ދެން ޝަޓްއަޕް” “ތިބުނީ އަހަރެންދައްކާ ވާހަކައެއް އަޑެއްނާހާނަމޭ ތަ ހުރެބަލަ މިގުޅަނީ ނޫރާގެ ބައްޕަ އަށް ހޮސްޕިތަލުގަ އެޑްމިޓް ކުރި  ވަހާކަ ބުނަން” ރާކިން ފޯނު ނަގައި ކަންފަތުގައި ޖައްސާލިއެވެ. “ނު..ނޫން އަޑުއަހާނަމޭ ޑޯންޓް ކޯލް މައިޕޭރެންޓްސް” ރާކިންގެ ތުންފަތްމައްޗައް ލާނެއް ހިނިތުންވުމެއް ވެރިވިއެވެ. ނޫރާ ބޭސްބޯ ގަޑިޖެހުމުން މައްޗަކަސް ބޭސްއަަޅާފައި ރާކިން ނޫރާ އަތައް ދިއްކޮއްލިއެވެ. “ނޫން ނުބޯނަން ތި ވަރަށް ނުބައޭ”  ނޫރާ ތުންދިގުކޮއްލިއެވެ. “މި ގުޅަނީ ނޫރާގެ” ރާކިން ބުނަން އެއުޅެނީކީކޭކަން އެނގުމުން ނޫރާ އަވަސްއަވަހަށް ބޭސް ބޮއެލިއެވެ. އަނގަޔަށް ހިތިވި ވަރުން ނޫރާ ހަޅޭލަވައިގަތެވެ. “އިޓްސް ސޯ ބިޓާ!!!!!!!!!” ރާކިން ގުދުވެލާފައި އެނދުގައި އިށީދެގެން އިން ނޫރާގެ ތުންފަތައް ބޮސްދިނެވެ. އިސާހިތަކު ބޭހުގެ ހިތިކަން ކެނޑުނުކަހަލައެވެ. ކުއްލިއަކަށް ދޮރުހުޅުވާފައި ވަތް ކިއާން އާއި ސިއާ އަށް މި މަންޒަރު ފެނުމުން ކަރުކެހިލިއެވެ. އެއަޑަށް ސިހިފައި ރާކިން ނޫރާ އާ ދުރުވެލިއެވެ. “ޕިސް ޕިސް ކިއާން ބަޔަކު އެބައުޅޭ ވަރަށް ވަގަށް ދޯ ” ސިއާ ކިއާން އަށް ދޯދެމުން ބުނެލިއެވެ. “އާން އެމީހުން ހިތުން އެއީ އަހަރެމެންނަށް ނޭނގޭކަމެއް ކީއްކުރާނީ ” ނޫރާގެ ކޯ ލޭކޮޅެއްހާ ރަތްވިއެވެ. “ސި.ސިއާ ތިހީކުރާ ކަހަލަ ކަމެއް ނޫނޭ ދެންމެ ބުއި ބެސް ހިތިކަމުން” ރާކިން ނޫރާގެ އަނގަމަތީގައި އަތް އެޅިއެވެ. ސިއާ އާއި ކިއާން އެކަކު އަނެކަކާ ދިމަލަށް ބަލާލާފައި އެއްބުމަ ހިއްލާލިއެވެ. “ކީއްވެއޯ ތިއައީ؟؟” ނޫރާ ބުނެލިއެވެ. “ރާކިން ގުޅާފަ ބުނިއިރު ހީވަނީ ނޫރާ އެންމެ ފަހު ނޭވާލަނީ ހެން އެހާވެސް ހާސްވެފަ ހުރީ އެހެންވެ އަވަސްކޮއްލައިގެން މިއައީ”ސިއާ ބުނެލިއެވެ. “ނޫނޭ އޮޅިގެން އާފަލުކޮޅެއް ކެވުނީ އަހަ އަހަ” “ސިއާ ހިނގާ އަވަހަށް ދަމާ އަހަރެމެން ތިބީމަ މިދެމީހުންނަކަށް މަލެއް ނުފޮޅުވޭނެއެއްނު” ކިއާން ހެމުން ހެމުން ބުނެލިއެވެ. ސިއާ އާއި ކިއާން ނޫރާ  ކައިރީގައި މަޑުކޮއްގެން ހުރިއިރު ނާއިމްގެ މިސްރާބަކަށް ވީ ބޭސްއަޅާ ކޮޓަރިއަށް ދިއުމެވެ. އަތުގައި ހަލާކުވެފައި ހުރި ތަންކޮޅުގައި ބޭސްއަޅަން އިން ނާއިމްގެ ކަންފަތުގައި ދަންނަ އަޑެއް ޖެހުނެވެ. ނާއިމް އިން ތަނުން ތެދުވެގެން ކުރިއަށް ދެތިން ފިޔަވަޅު އަޅާލިއެވެ. އެމީހާ ފުރަގަސްޖަހައިގެން އިނުމުން އެއީ ކާކުކަން ސާފުނުވިއެއްކަމަކު އެއަޑަކީ ކުރިންވެސް އަޑުއިވުނު އަޑެއްކަން ނާއިމް އަށް ކަށަވަރެވެ. “ހަލޯ ހަމްދީތޯ ލައްބަ ލައްބަ އެކަމުގެ ވާހަކަ އަހަރެން ނުބުނަން އެކަކުކާރީވެސް އާން ނާއިމް އަކާ އޭގެ ފަހަކުން ދިމަލަށްވެސް ނުވޭ ހަމްދީ ހާސްނުވޭ އެކަމުގެ ހަގީގަތެއް ނޭނގޭނެ އެކަކަށްވެސް އެކަމަކު އަނެއްކާ 50،000 ރުފިޔާ ބޭނުންވެއްޖެ” ޑޮކްޓަރު އަނެއްފަރާތައް އެނބުރުގަނީ ނާއިމްއަށް އެ ޑޮކްޓަރުގެ މޫނު ފެނުނެވެ. އެއީ ކާކުކަން ނާއިމް ހަނދާންނެތޭނީ ކިހިނަކުންތޯ އެއީ އޭނާގެ މަންމަ އަށް ފަރުވާފދިނުމުގައި އެތަށް އަހަރެއް ހޭދަކުރި މީހެކެވެ. ނަމަވެސް އެ ޑޮކްޓަރާއި ހަމްދީއާ ދެއްކިވާހަކަ ހޯދަން ނާއިމްގެ ސިކުނޑިބުނަން ފެށިއެވެ. ކޮންމެސް ނުބައެއް އުޅޭކަން ނާއިމް އަށް ހީވާން ފެށިއެވެ. ޑޮކްޓަރު އެވާހަކަ އެކަކުކާރިވެސް ނުބުނާނެ ކަމަށް ވައުދު ވިއެއްކަމަކު ހަމްދީގެ ހިތަކަށް ކުޑަވެސް ފިނިކަމެއް ނުލިބެއެވެ. އަބަދުވެސް ވިސްނެނީ މިކަންތައް ފަޅާއަރާފާނެއެވެ. އެންމެ ފަހުން ހަމްދީ ނިންމީ ޑޮކްޓަރުގެ ކަންތައް މުޅި އުމުރަށް ނިމްމާލާށެވެ. ސިއާ އަށް ޓަކައި ހަމްދީ ކޮންމެ ކަމެއް ވެސް ކުރާނެއެވެ. ހުރި ހަމައެކަނި ދަރިފުޅުގެ އުފަލައްޓަކާ ހަމްދީ އަމިއްލަ ނަފްސު ގުރުބާން ކުރަން ޖެހުނަސް ދެވަނަ ފަހަރަށް ވިސްނާނުލާ އެކަން ކުރާނެއެވެ. އެ ޑޮކްޓަރަށް ފާރަލަން ބަޔަކު ނާއިމް ހޯދިއެވެ. ޑޮކްޓަރު އަންވަރުގެ ކޮންމެ ހަރަކާތެއްވެސް ނާއިމް ދިޔައީ ގާތުން ބަލަމުންނެވެ. އެއްދުވަހަކު ވަގުވަގަށް ޑޮކްޓާރ އަންވަރު ހަދަންފަށައިފައިވާ އިމާރަތަކަށް ދިޔައެވެ. އެތަން ކިތަންމެ ނާމާނަސް އަންވަރުގެ މޫނުމަތީގައިވަނީ ބޮޑު ހިނިތުންވުމެކެވެ. ހަމްދީ ގުޅާފައި އެތަނައަށް އައުމުން މީހަކު 50،000 ރުފިޔާ ދޭނެކަމައްބުނުމުން އަންވަރު އަވަހަށް އެތަނައް އައީއެވެ. އަތުކުރި ގަޑިއަށް ބަލަބަލާއިން އިން އަންވަރުގެ ހިނިތުންވުން އިތުރަށް ފުޅާވެގެން ދިޔައީ މާސްކެއް އަޅައިގެން ހުރި މީހެއް ބޮޑު ފޮއްޓެއް ހިފައިގެން އައުމުންނެވެ. އަންވަރަށް ފާރަލުމައްޓަކަައި ނާއިމް ހޯދިމީހުން މިމަންޒަރު ބަލަންތިއްބެވެ. އަންވަރު އަވަހަށް ގޮސް އެ ފޮށީގައި ހިފެއްޓިއެވެ. “ހަމްދީ ބުނީ މިފައިސާގެ އިތުރުން އެހެން ހަދިޔާއެއްވެސް ދޭށޭ” މާސްކެއް އަޅައިގެން ހުރި މީހާ މަޑުމަޑުން ލައިގެން ހުރި ބޫޓުގެ ތެރެއިން  ތޫނު ވަޅިއެއް ނެގުމުން އަންވަރު ބިރުން ހަޅޭލަވައިގަތެވެ. އެ މީހާ އަންވަރު ކަރުގައި  ވަޅި އަޅަން އުޅެނި ކޮއް ހުށިޔާރުކަމާއެކީ ފާރައަށް ތިބި މީހުން އަންވަރު ސަލާމަތްކުރިއެވެ. ނަމަވެސް މާސްކެއް އަޅައިގެން ހުރިމީހާ އެތަނުން ފިލިއެވެ. “ތީ ކޮންބައެއް ކީއްވެ އަހަރެން ތި ސަލާމަތްކުރީ؟” އަންވަރު ތުރުތުރުލާ ހާލުގައި ބުނެލިއެވެ.  އެމީހުން ބަލަން ނުހުރެ އަންވަރު ހޭނައްތާލިއެވެ. ދާއިން ދިން ހަބަރަކުން ހަމްދީގެ ހިތް ނުހުއްޓުނީ ހަމަ ކިރިޔާއެވެ. މި ވީ ގޮތުން އަންވަރު ހުރިހާ ކަމެއް ބަސްޓުކޮއްލާނެކަން ޔަގީނެވެ. ނަމަވެސް އަންވަރު ސަލާމަތްކުރީ ކާކު ކަން ބަލަން ހަމްދީ ބޭނުންވިއެވެ.

ވަށައިގެން ވަނީ އަނދިރި ކަމެވެ. އަންވަރު މަޑުމަޑުން ދެލޯ ހުޅުވާލިއެވެ. މިއޮއެވުނީ ކޮންތަނެއްގަ ކަން ނޭނގުމުން އަންވަރުގެ ހިތަށް ބިރުވެރިކަން ވަދެގަތެވެ. އޭނާ ހަމްދީގެ އަތްދަށު ވީކަމަށް ހީކުރެވުމުން މީހާ ބިރުން ތުރުތުރު ލާން ފެއްޓިއެވެ. ނަމަވެސް ކުރިމަތީގައި ހަށަން ބަނދެގެން ހުރި ނާއިމް ފެނުމުން ހަމަޖެހުމުގެ ނޭވާއެއް ލިއެއްކަމަކު ހާސްކަން ވީ އިތުރެވެ. “ޑޮކްޓާރ އަންވަރު އަހަރެން މަތިން ހަނދާން އެބަހުރިތަ؟ ހުންނަން ޖެހޭނެ ހަމަގައިމުވެސް” ނާއިމް އެތާ ހުރި ގޮނޑިއެއްގައި އިށިންނަމުން ބުނެލިއެވެ. “ނި..ނިއާޝާގެ” “އާން ތިބުނީ ހަމަ ރަނގަޅަށް އަހަރެން އަހަން ބޭނުމީ ހަމަ އެންމެ ސުވާލެއް ހަމްދީ އާއި ކަލެއާ ދެމެދު އޮތީ ކޮންގުޅުމެއް؟؟” ނާއިމް ކުރި ސުވާލުގެ ސަބަބުން އަންވަރުގެ ދެލޯ ބޮޑިވިއެވެ. ނާއިމް އަށް އެކަން އެނގެންވި ސަބަބެއް ނެތެވެ. “އަންވަރު އަހަރެން ކުރާ ސުވާލަށް ޖަވާބު ނުދިނަސް ހެޔޮ އެކަމަކު ހަމްދީ އަންވަރު މަރާލަން އެއުޅެނީ ކޮންމެސް ކަމެއް ވީމަދޯ ޝުކުރު ކޮއްބަލަ ހަމްދީގެ އަތްދަށުން އަންވަރު ސަލާމަތްކޮއްދިން ކަމައްޓަކައި” “އަ..އަހަރެން ހުރިހާ ވާހަކަ އެއް ކިޔާދޭނަން އެއީގެ މީގެ 2 އަހަރު ކުރި ހަނދާންވޭތަ ނާއިމްގެ ކައިވެނި އޮތް ދުވަހު ނިއާޝާ އެކްސިޑެންޓް ވި ހަނދާން؟؟ އެ އެކްސިޑެންޓުން ނިއާޝާ އަކަށް މާބޮޑު ގެއްލުމެއް ނުލިބޭ ކުޑަ އޮޕަރޭޝަނަކުން އެއްކޮށް ރަނގަޅުވާނެ ނަމަވެސް އެދުވަހު ހަމްދީ އަހަރެންނަށް ގުޅާފަ ބުނީ ނިއާޝާ ލަންކާ އަށް ފޮނުވާށޭ އެދުވަސްކޮޅު ފައިސާގެ ދަތިކަމެއް ވާތީ ހަމްދީގެ އެދުމަށް އަހަރެން އެއްބަސް ވީ 50،000 ރުފިޔާ ދޭމަތިން” އަންވަރުގެ ކިބައިން ހަގީގަތް އެނގުމުން ނާއިމް އަންވަރު ދޫކޮއްލިއެވެ. ނަމަވެސް ސިކުނޑިއަށް އިތުރުވީ އާ ސުވާލުތަކެވެ. ހަމްދީ ނާއިމް އާއި ސިއާ ކައިވެނިކުރުމަށް އެއްބަސް ވެސް ވިއެވެ. ވީއިރު ނާއިމް ސިއާ އާ ދުރުކުރަން މަސަތްކަތްކުރީ ކީއްވެބާއެވެ. ނާއިމް ހުރީ ހަމަ ރަނގަޅަށްވެސް ބޯގޮވާފައެވެ. ގަބޫލުކުރަންވި ކަމެއް ނުވަތަ ނުކުރަންވި ކަމެއް ނޭނގިފައެވެ.

ޗުއިންގަމެއް ހަފާލަ ހަފާލާ އިން ނޫރާ ގެ ނަޒަރު އަމާޒުވެފައިވަނީ އެނދުކައިރީ އިށީންދެގެން ފޯނާ ކުޅެން އިން ރާކިން އަށެވެ. ނޫރާ ހޮސްޕިޓަލުގައި އެޑްމިޓްކުރިންސުރެ ރާކިން އެތަނަކުން ދުރަކަށް ނުދެއެވެ. އޮފީހުން ޗުއްޓީއެއް ނަގައިގެން އަބަދު އިންނަނީ ނޫރާ ގާތުގައެވެ. މާދަމާ މީ ނޫރާ ގެއަށް ދޫކޮއްލާ ދުވަސް ކަމުން ނޫރާ ހުރީ ވަރަށް އުފަލުންނެވެ. ނަމަވެސް އެއާ ހިލާފަށް ރާކިން ހުރީ ކުނިމޫނު ހަދާފައެވެ. ހޮސްޕިޓަލުގައި ވޭތުވެ ދިޔަ މަދު ދުވަސްކޮޅުގައި ނޫރާ އަށް ވަނީ ރާކިންގެ އެހެން ފަރާތެއް ވެސް ފެނިފައެވެ. ރާކިން ނޫރާއާ ދޭތެރޭ ބަހައްޓާ ގާތްކަމާއި ކެއާ ކުރާވަރު ނޫރާ އަށް އެނގެއެވެ. ރާކިންގެ ސަބަބުން ނޫރާ ބައެއްފަހަރު ވަރަށް އުފާވެއެވެ. އަނެއްބައި ފަހަރު ރުޅިވެސް އާދެއެވެ. ނޫރާގެ ރުޅިގަނޑު ހިފައްޓާލެވޭނެ ހަމައެކަނި މީހަކީ ރާކިންއެވެ. ނޫރާ މާ ވަރަކަށް ބަލަން އިނުމުން ރާކިން އެދިމާލަށް ބަލާލިއެވެ. “ފަ..ފަ..ފާހަނައަށް ” ނޫރާ އަވަސްއަވަހަށް ބުނެލިއެވެ. މަޑުހިގުމެއްގައި ފަހަތް ބަލަމުން ބަލަމުން ގޮސް ނޫރާ ފާހަނައަށް ވަނެވެ. ފެންވަރަން ހުރި އިރުވެސް ނޫރާ އަށް ވިސްނެމުން ދިޔައީ ރާކިންއާ މެދުގައެވެ. ނޫރާ ކުރިއަށް އަޅާލި ފިޔަވާއެކު ތިރީގައި އޮތް ސައިބޯންޏަށް އަރާފައި ކައްސައިލައިގެން ވެއްޓުނެވެ. ތަދުވިވަރުން ނޫރާ ހަޅޭލަވައިގަތެވެ. ފޯނުކުޅެން އިން ރާކިން ދިޔައީ ސިއްސައިގެނެވެ. ނޫރާ އަށް ކަމެއްވީބާއޭ ހިތަށް އަރާފައި ދުވެފައި ގޮސް ފާހަނައަށް ވަދެގަތެވެ. ވެލައެއްހެން ތަޅުންގަނޑުމަތީގައި އޮތް ނޫރާއަށް ދޮރުން ވަދެގެން އައި ރާކިން ފެނުމުން އަދި އެޔަށް ވުރެ ބާރަށް ހަޅޭލަވާގަތެވެ. ނޫރާ އޮތް ހާލު ފެނުމުން ރާކިން ލޮލުގައި އަތް އަަޅިއެވެ. ދެލޯ މަރައިގެން ހުރެ އެނދުމަތީގައި އޮތް ބެޑްޝީޓް ހިފައިގެން ރާކިން ފާހަނައަށް ވަދެ ނޫރާ ބެޑްޝީޓް ގަނޑަށް ލާ އޮޅާލާފާ ކޮނޑައް ލައިގެން އައިސް އެނދަށް ލިއެވެ. “ކިހިނެއްތިވީ؟؟” ރާކިން ބުނެލިއެވެ. “ކައްސާލީ ފަޔަށް އެބަ ތަދުވޭ ވަރަށް” ބެޑްޝީޓްގެ ތެރެއިން ބޯ ހިއްލާލަމުން ނޫރާ ބުނެލިއެވެ. “މި ދަނީ ޑޮކްޓަރ ބަލާ” ރާކިން ދާންއުޅުމުން ނޫރާ އެކަން ހުއްޓުވިއެވެ. “އަހަރެން ލާނެ ހެދުމެއް ގެނެސްދީބަލަ ފުރަތަމަ ދަބަސްތެރޭގަ އޮންނާނެ” ރާކިން ހެދުން ހިފައިގެން  ގޮސް ނޫރާ އަތަށް ދިނެވެ. ނަމަވެސް ނޫރާގެ ގެ އަތް ގުޑާވެސް ނުލިއެވެ. “ހެދުން ލައްވާދޭށޭ ބުނިނަމަ ލައްވާދޭނަމޭ” ރާކިން ނޫރާ އާ ދިމަލަށް ބަލާލަމުން ބުނެލިއެވެ. “ޔޫ މަސްޓް ބީ ޑްރީމިންގ” ނޫރާ ރާކިން އާ ދިމަލަށް ލޯ އަޅާލިއެވެ. ނުރާ އުޅެއުޅެވެސް ހެދުމެއް ނުލެވުނެވެ. އެންމެ ފަހުން ނޫރާ ރާކިން އާ ދިމަލަށް ބަލާލިއެވެ. ރާކިން ބޮކި ނިއްވާލާފައި ނޫރާ ގާތައް ދިޔައެވެ. ރާކިންގެ މި އަމަލުން ނޫރާގެ ހިތުގައި ރާކިންގެ މަގާމު މަތިވިއެވެ. ރާކިން ހެދުމުގެ ޒިބު ނައްޓާލާފައި ނޫރާގެ ބޮލަށް އެރުވިއެވެ. “އޭއި!!!!!!!! ކޮންތާކު ތިއަތްލަނީ” އެތަށް މަސަތްކަތުން ރާކިން ނޫރާ ހެދުން ލެއްވިއެވެ. ބޮކި ދިއްލިގަޑީގައި ރާކިންގެ ކޯ ފެނުމުން ނޫރާ ސޮރީ އޭ ބުނެލިއެވެ. ރާކިންގެ ދެކޮލުގައި ވަނީ ނޫރާގެ އަތުގެ ނިޝާންތަކެވެ……………………..

…ނުނިމޭ….

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.