ހިތުގެ ކޮންމެ ވިންދެއްގައި – 6 –

“ޝަޓްއަޕް….ޖަސްޓް ޝަޓްއަޕް..” ކުއްލިއަކަށް ކޮޅަށްތެދުވަމުން މޭޒުމަތީގައި މުއްކެވިފައިވާ އަތުން ނިކަން ބާރަށް ޖަހާލަމުން ބުނެލިއިރު ޔުނާން ހުރީ އެ ނުރައްކާތެރި ރުޅީވެރިނަޒަރުން ޒޯހަންއާ ދިމާލަށް ބަލަހައްޓައިގެނެވެ. އެ ރީތި ދެލޮލުން އަލިފާންކަނި ބުރަމުންދާފަދައެވެ. ދެން ޔުނާން ކޮއްލިކަމަކުން އެންމެން ހައިރާންވިއެވެ. ޔައިޝް އާއި ޔާއިން ފިޔަވައެވެ.

ޒޯހަން އާ ހަތަރުކަޅި ހަމަކޮއްލައިގެން ހުރިއިރު އެ ރުޅިވެރިނަޒަރު ފެނި ޒޯހަން ވެސް އެސްފިޔަތައް ތިރިކޮއްލިއެވެ. ދެން ކުއްލިއަކަށް އެއްޗެއް ތެޅިގެންދިޔަ އަޑުފަށްގަނޑަކުން އެންމެން ހައިރާންވިއިރު ދެލޯބޮޑުވިއެވެ. ޔާއިޝް އާއި ޔާއިން ފިޔަވައެވެ. ކާކޮޓަރީ ރެކްމަތީ ބަހައްޓާފައިހުރި ބޮޑު ޓީވީ އާއި ޒީނަތްރެތިކުރުމަށް ބެހެއްޓިފައިވާ ވާސްތައް ބިމައްޖަހާލިއިރަށް ޔުނާންގެ ރުޅި ފިނިވީކަންނޭނގެއެވެ. ސިކުންތުކޮޅެއްގެ ތެރޭގައި ހިނގާދިޔަ މި ގަބޫލުނުކުރެވޭ މަންޒަރުފެނި ޔުނާންގެ ހުރި ކުޅަދާނަކަމާއި ހަލުހިކަމާއި އެ ބާރުފެނި ހައިރާންވެފައިތިބި އެންމެންގެ ލޮލުގެ ޝިކާރައަކަށް ޔުނާން ވީއިރު ޔުނާން ހުރީ ވަރަށް ހަމަޖެހިލައިގެން ކާކޮޓަރީ ދޮރުގެ ދާރައިގައި އަތް ވިއްދާލައިގެން ހިނިތުންވެލައިގެންނެވެ. ކުރެވުނުކަމަކުން ވަރަށް ހިތްހަމަޖެހިފައިހުރިފަދައެވެ.

“ޔުނާން..އިށީންދޭ…” ކާމޭޒުމަތީ ގޮނޑިއަށް އިށާރާތް ކުރަމުން ޔާއިން ބުނެލުމާއެކު ވަރަށް ރީތި ހިނިތުންވުމެއް ހަދިޔާކޮށްލާފައި ޔުނާން އިށީންދެ ކާންފެށިއެވެ. އެކެއް އެއްވެސް އެއްޗެއް ނުބުނެއެވެ. ކުޑަ ގޮތެއް ހަދައިލައިގެން ޔުނާން ދިއުމުން މިޝެލިންވެސް އަވަސް ގޮތަކަށް ކައި ނިންމާލަމުން ހިނގައިގަތީ ކޮޓަރިއަށެވެ. މިޝެލިން ކޮޓަރިއަށް ވަތްއިރު ޔުނާންއޮތީ ކައުޗްގައި އޮށޯވެލައިގެން ފޯނުކުޅޭށެވެ.

“މިޝެލިން…” މިޝެލިންއަށް ގޮވާލަމުން ޔުނާން ކައިރިއަށް އަންނާށޭ ބުނެ އިށާރާތްކޮއްލުމުން މިޝެލިން ގޮސް ޔުނާން ކައިރީ މަޑުކޮއްލިއެވެ.

“އަން..” މިޝެލިން އަތަށް ފޯނުދެމުން ޔުނާން ބުންޏެވެ.

“މި ކީއްކުރަން؟..އަޅުގަނޑަކަށް ނޭނގެ މި ބޭނުންކުރާކަށް…” އަތުގައި އޮތް ފޯނަށް ބަލާލާފައި ޔުނާންއަށް ބަލާލާފައި މިޝެލިން ބުނެލީ ދެލޯ ބޮޑުކޮއްލާފައެވެ. މިޝެލިންގެ މި ހަރަކާތުން ޔުނާންއަށް ހީލެވުނެވެ.

“އެހެ..ކަމް ހިއަރ…ދަސްކޮއްދޭނަން..” ކައުޗް ގައި އިށީދެފައި ޔުނާން ބުނެލީ މިޝެލިން ކައިރީ އިށީންނަން ބުނެފައެވެ.

ހަތަރު ކަނުންވެސް ކަނު އަނދިރިކަން ފިޔަވާ އެހެން އެއްޗެއް ފެންނާކަށް ނެތެވެ. މުޅި އެ ކޮޓަރިއަށް ވެރިވެފައިވަނީ މަރުފަދަ ހިމޭންކަމެކެވެ. ކުއްލިއަކަށް ބެލްކަނި ދޮރުހުޅުވާލާފައި ޒުވާނަކު ކޮޓަރިއަށް ދެމިގަތެވެ. އެވަގުތު މުޅި ކޮޓަރިއަށް އިރުގެ ރަން ދޯދިތައް ފެތުރިގެން ދިޔަނަމަވެސް ބެލްކަނި ދޮރު ލައްޕާލާފައި ފޮތިގަނޑު ކެހިގެންދިޔުމުން މުޅި ކޮޓަރިއަށް އަނދިރިކަންވެރިވެއްޖެއެވެ. ކުއްލިއަކަށް ލައިޓު ދިއްލުނުއިރު އެ ކޮޓަރީގައިތި ދެ ޒުވާނުން ހުރީ އެކަކު އަނެކަކާ ކުރިމަތިލައިގެންނެވެ. ދެ ޒުވާނުންގެ މޫނުމަތިންވެސް ފެންނަމުންދިޔައީ ރުޅިވެރިކަމެވެ. ބަލާލާފައިވެސް މީހަކަށް އެއީ އެއްމާބަނޑު ދެބެއިންނޭ ބުނެވޭނެއެވެ. ދެ ޒުވާނުންގެ ވެސް ތަފާތަކީ ކަޅީގެ ކުލައެވެ.

“ކައިލް ކޮބާ އަހަރެން އޭރުވެސް ބުނީމެއްނު އެއީ އޭނަގެ ދަރިއޭ..މިހާރު ގަބޫލު ކުރެވިއްޖެތަ؟..” އީކަލް ކައިލްއާ ހަތަރުކަޅި ހަމަކޮއްލިއިރު އެ ދެލޮލުން ފެންނަންހުރީ ރުޅިވެރިކަމެވެ.

“ބަލާލާފައިވެސް ގަބޫލުކުރެވިއްޖެ..އޭނަ އޭނަގެ ދަރި ދޫކޮއްލާފަ އެތަނުގަ އެ އުޅެނީ ކީއްވެ؟..އަހަރެން ބެލިބެލުމަށް އޭނަ އެންމެ ފަހުން އައީ މީގެ ދެ ހަފްތާކުރިން…އަހަރެމެންގެ މަންމަ މަރާލާފަ ބޭނުންހާ ގޮތަކަށް އުޅެވޭނެކަމައްތަ އޭނަ ހީކުރަނީ..އޭނަ ކިތަންމެ ބާރުގަދަޔަސް އަހަރެމެންގެ ލަޝްކަރުންގެ އަދަދާ ބަލާފަ އެއީ އެކައްޗެއްވެސް ނޫން..” ކައިލް ފާރަށް އަތުގެ ހޫނު ހަމަލާއެއް އަރުވާލަމުން ބުނެލިއިރު އެ ދެލޯ ނޫކުލައިން ދިއްލިފައި ނިވިގެންދިޔައެވެ.

“އަހަރެމެންގެ ބާރުގެ ބޭނުން ކޮއްގެންވެސް ބަދަލުހިފާނަން..ބައްޕަ އަހަރެމެން ދުނިޔެއަށް ފޮނުވީވެސް އެހެންވެ..އެކަމު އަދި ފުރަތަމަ އެބަ އޭނައަށް އިންޒާރުދޭން ޖެހޭ އޭނަގެ ދަރިން ތިބީ ނުރައްކަލެއްގަކަން ބުނަން…..އޭގެ ކުރިން އެބަޖެހޭ އަދި އެއްކަމެއް އޮޅުންފިލުވަން…” އީކަލް ވިސްނުންތެރިކަމާއެކު ބައެއް ކަންކަން ރޭވިފައިވާގޮތް ކައިލްއަށް ބުނެދެމުންދިޔައެވެ.

“އަހަންނަށް އެނގޭ…އޭނައާ އޭނަގެ ފިރިމީހާ މި ހުރިހާކަމެއް ސިއްރުކޮއްފަ ހުރީ އޭނަގެ ދަރިންކައިރީ..އެމީހުންނަކަށްވެސް ނޭނގޭ އެމީހުންނަކީ ކޮން ބައެއްކަން….އެކަމް ނޭނގުނަސް ބާރު ބޭނުން ކުރެވޭނެ ބައެއްފަހަރު..ނޭނގެ އެކަމް އެމީހުންގެ އަދި އާދަޔާހިލާފު ކަމެއް ފާހަގަ ކުރެވިފަކާ ނެތް..” ކައިލް އޭނާ ހޯދި މައުލޫމާތުކޮޅު އީކަލްއަށް ކިޔާދިނެވެ.

“އެމީހުންގެ ބުރަކަށީގަ ދެ ލަފުހެން ހުންނަ އެއްޗެއް ނުހުރޭތަ؟…” ވިސްނަންހުރެފައި އީކަލް އަހާލީ ކައިލްއަށް ބަލާލަމުންނެވެ.

– ނުނިމޭ –

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.