އައިނާ 6 (ހަވަނަބައި)

އަޝްހާ ގޮސް ގެއެއް ވަތްއިރު މަންމަ އާއި ބައްޕަ، މާމަ ކައިރީގައި ވަރަށް ހެވިފައި ހުރެ ވާހަކަ ދަށްކާތަން ފެނުނެވެ. “މަންމާ، ބައްޕާ، މާމާ، ކިހިނެތްވީ؟” އިވުނު ޚަބަރަކުން އަޝްހާއަށް ޝޮކެއްގެ އިތުރުން އުފާވެސް ވިއެވެ. “ދަރިފުޅާ!! ދަރިފުޅަށް އިނގޭތަ؟ ދަރިފުޅުގެ ހުރެއޭ އަންކަލް އެއް! އެކަމަކު އަންކަލްގެ އެއްވެސް ކުއްޖެއް ނުހުންނާނެ.. މާދަން ރަށަށް އެބައާދޭ.. އަންކަލް ދެއްމެ ގުޅާފަ ބުނީ… ދަރިފުޅު ގާތު ގައި މިވީ ތޭރަ އަހަރުތެރޭގައި އެވާހަކަ ނުބުނީ އަންކަލް ނުބުނާށޭ ބުނީމައި… ޑޭޑް އަކަށް ނޭނގެ ކީއްވެ ކަމެއް.. އެކަމަކު މިއަދު މިބުނީ އަންކަލް އަންނާތީ…….”

“އެހެންނޫންނަމަ އަހަރެންނަށް އެއީ އުމުރަށް ސިއްރެއްދޯ؟؟” މިހެން ކިޔާފައި އަޝްހާ ކޮޓަރިއައް ދިޔައީ ކުޑަކޮށް ހިތްހަމަ ނުޖެހި ހުރެއެވެ. މިއީ އޭނާއައް އިނގެންޖެހޭ ޙަޤީޤަތަކަށް ވިނަމަވެސް މަންމަ އާއި ބައްޕަ ނުބުނީތީވެ އަޝްހާ ވަރަށް ދެރަވިއެވެ.

އިރުގެ ރަންދޯދިތަށް ދުނިޔެ އަލިކުރަމުން ދިޔައިރު، ސްކޫލަށް ދާކުދިންތަށް ދިޔައީ އެކި ވާހަކައިގައި ތިބެއެވެ. އައިނާ އާއި އަޝްހާއައް ކުލާހަށް ވަދެވުނީ އެކުއެކީގައިއެވެ. ކުލަހުގައި އިން ރީމާއަށް ލޯއަޅައިލައިފައި އަޝްހާ ގޮސް އައިނާ އާއި އެކު ގޮނޑީގައި އިށީނދުނެވެ. “އަނާ އައް އެނގޭތަ؟ އަހަރެންގެ ހުރޭ އަންކަލް އެއް.. އަދި ކިރިޔާ އަހަންނަށް މިއެނގުނީ.. މަންމަ އާއި ބައްޕަ އެހެން ނުބުނީމައި އަޝޫ ވަރަށް ދެރަވި..” “އޯވްނނނ…. މަގޭ ބޭބީ ގާލްގެ ތުންކޮޅު މިހާރު އެހުރީ މެލޭޝިޔާގައި…. ދެންވެސް ތަންކޮޅެއް ކުޑަކޮށްލަބަލަ” މިހެން ބުނުމުން އަޝްހާ ހީގަނެފައި އައިނާ ގައިގައި ބޮނޑިއެއް އަޅާލިއެވެ. “ދެންންން… އަނާ… ވަރަށް ގޯސް..”.

މިހެން ބުނެލި ތަނާ އެއްލި ކަޅި އަކުން ފެނުނީ ހަސަދައިން ފޯވެފައިވާ ރީމާ އެވެ. އަދިވެސް ބޮޑަށް ‘ޖޭ’ ކޮށްލަންވެގެން އައިނާ ގައިގައި ބައްދައިގަތެވެ. “އައި ހޭޓް ޔޫ އައިނާ.. އައި ހޭޓް ޔޫ.” ރީމާ އައިނާ އަށް ކަޅި އަޅާލިއެވެ. އެބެލުމުން އެކަނިވެސް ހީވަނީ އައިނާ އަންދާ އަޅިއަށް ހަދާލަފާނެހެންނެވެ.

ހީވަނީ ބެލް ނުޖަހައިގެން ތިބިހެންނެވެ. ބެލް ޖަހާއިރަށް ކުދިންގަނޑު ހިނިތަކެއްހެން ގޭޓުން ނިކުމެގެން ދިޔައެވެ. ރީމާ ވެސް ގޮސް އަޝްހާމެންނާ އެއްވަރު ކޮށްލިއެވެ. އަދި ދަމުން އައިނާ އާއި ދިމާ ކޮށްލިއެވެ. “ހެއި ބޯބުޅި..” މިހެން ކިޔާފައި އަޝްހާ އަށް ހައެއެއް ޖަހާލިއެވެ. އަދި ގޮސްސައި ގޭޓު ކައިރީ މަޑުކޮށްލިއެވެ. އަޝްހާ ރީމާ އަށް ލޯއަޅާލިއެވެ.

އަޝްހާމެން އެއްވަރުކުރިމައި ރީމާ އެމީހުންނަ ދިމާއަށް އެނބުރުނެވެ. “އުމްމް.. އަހަރެންގެ މަންމަ ބަލައެއްނާދޭ. ތިމީހުންނާ ޖޮއިން ކޮށްލިއަސް އެއްމެ ރަނގަޅުތަ؟!” “އޯކޭ!!” އައިނާ އަޝްހާ އަށް ވުރެ ކުރިން ޖަވާބު ދިނެވެ. މިކަމާ އަޝްހާ ހައިރާން ވިއެވެ. އެއަށް ވުރެ ރީމާ އަށް ހައިރާން ކަން ގެނުވިއެވެ. އެހެން ނުވާންވީ ސަބަބެއްނެތެވެ. ދެންމެވެސް އޭނާ އެއައީ އެންމެން ކުރިމަތީ އައިނާ އާށް މަލާމާތް ކޮށްފައިއެވެ. ފުރަތަމަ ފަހަރަށް އައިނާގެ ރަނގަޅު ކަމާއި މެދު ތަޢުރީފު ކޮށްލެވުނެވެ.

އަޝްހާ އާއި އައިނާ ކާރަށް އެރިއެވެ. އަޝްހާގެ ގޭގައި އޮންނަ ކާރަކީ ރެނޯލްޓް ޓްރައިބާރ ބްރޭންޑްގެ އަރާމު ކާރެެކެވެ. އެއީ ކޮއްމެ ދުވަހެއްގެ ވެސްއާދައެވެ. އަބަދުވެސް އަޝްހާގެ ޑްރައިވާރ އައިނާ ގެއައް ގެންގޮސް ދެއެވެ. އެއީ އަޝްހާ ބުނެފައި ވާތީއެވެ. އަދި މަންމަ މެންވެސް އަޝްހާގެ އެދުމަކަށް ނޫނެކޭ ނުބުނަން ވެގެންނެވެ. އަޝްހާގެ ކޮއްމެ އެކުވެރިއަކުވެސް އެރުވިދާނެއޭ ބުންޏެވެ. އަދި އައިނާ ވިއަސް އޯކޭއޭ ބުންޏެވެ.

އަޝްހާ އަރާށޭ ނުބުނުމުން ރީމާ ދެރަވިއެވެ. ނަމަވެސް ރީމާ އެއީ އޭނާގެ ކުށެށްކަން އެނގެއެވެ. އައިނާއޭ ކިޔައިގެން އެހެން ނުކިޔުނު ‘ނަމަ’ އެވެ. އައިނާ އާއި ދިމާ ނުކުރެވުނު ‘ނަމަ’ އެވެ. ނަމަވެސް، ‘ނަމަ’ އަކުން ކެއްކޭނެ ރިހައެއް ނޯންނާނެކަން ރީމާ ދަނެއެވެ.

_ނުނިމޭ

ނޯޓް: މިވާހަކަ އަޕްކުރެވޭނީ ކޮންމެ ކޮނިހިރު ދުވަހަކު. އެކަމް… ލިޔެވުނު ވަރަކުން އެއައް ވުރެއްވެސް އަވަހަށް އަޕްކޮށް ދޭނަން.. އިންޝާ ﷲ.. -ވާހަކައިގެ ލިޔުންތެރިޔާ-

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.