ކަލާޔާ ނުލާ 17

އަޔާން ލިފްޓަށް ވަދެ ހަމަޖެހިލަމުން ކައިރީ ހުރި ޒޯޔާއާއި ދިމާލަށް ބަލައިލިއެވެ. ޒޯޔާ އަށް އަޔާން ލިފްޓަށް އެރިކަން ނޭގޭކަން އަޔާން އަށް އިނގުނީ ޒޯޔާ އިސްއުފުލާލައި އަޔާން އާއި ދިމާލަށް ބަލާވެސް ނުލުމުންނެެވެ. އަޔާން ޒޯޔާއަށް ސިއްރު ނަޒަރެއް ދިނެވެ. ކަޅުކުލައިގެ ލެގިންސް އަކާއި ރައްކުލައިގެ ގަމީހެއްގައި ހުރިއިރު ޒޯޔާގެ ސާދާކަން  ހާމަވަމުން ދިޔައެވެ. ކުޑަކޮން ބުޅި ކޮށްފައި އޮތް އިސްތަށިގަނޑު ވޫލުކޮޅަކުން އައްސައި ހައްޔަރު ކޮށްފައި ވާއިރު ކުދި ބުޅި ކޮޅުތަކަކުންވާ ކުރު އިސްތަށިތަށް ޒޯޔާގެ މޫނު  މައްޗަށް ވެއްޓިފައި ހުއްޓެވެ. ޒޯޔާގެ މޫނުމަތި ވަނީ ލުއި މޭކަޕަކުން އިތުރަށް ފުރިހަމަ ކޮށްދީފައެވެ. އަޔާން ގެ ހިތް ޒޯޔާގެ އެ ސޫރަ ފެނުމުން އޮބިނޯއްނަ ވަރަށް އެ ރީތި ރާނީ އަށް އެދި ގޮވާވަރު އަޔާން އަށް އިނގޭ އިރު ވެސް އެކަން ނުދައްކާ ވޭތޯ އަޔާން ދިޔައީ ބަަލަމުންނެވެ.

” ހެލޯ … ޒޯޔާ ..” އަޔާން އޭނާގެ ހިއްސުތަކަށް ބާރު ފޯރުވަމުން ޒޯޔާއާއި ގާތްވެލަމުން ޒޯޔާގެ ކަންފަތްކައިރީ ބުނެލިއެވެ. އަޔާންގެ އެ ޖާދުވީ އަޑު އެހާގާތުން އިވުމުން ޒޯޔާ ސިހިފައި ދެލޯ ބޮޑު ކޮށްލަމުން އަޔާން އާއި ދިމާލަށް ބަލައިލިއެވެ. އިރު ކޮޅަކަށް ދެ މީހުންގެ ހަތަރުކަޅި ހަމަވެގެން ދިޔައެވެ. އެ ވަގުތުކޮޅަށް ނިމުމެއް އައީ ކުއްލިއަކަށް ލިފްޓުގެ ބޮކި ނިވިދިއްލުމުންނެވެ. ޒޯޔާ ހަމަޖެހިލަމުން އަޔާން އާއި ދުރުވެލަން އުޅުން ވަގުތު ލިފްޓަށް އެރި ކުއްލި ގުޑުމަކާއެކު ބޮކި ނިވުމުން ޒޯޔާ ބިރުން ހަޅޭއްލަވައިގައްނަމުން ކައިރީގައި ހުރި އަޔާންގެ ގައިގައި ބައްދައިލިއެވެ. ބިރުން ޒޯޔާއަށް އަވަސް އަވަހަށް ނޭވާލެވެމުން ދިޔައިރު  ފަހަރަކަށް ވުރެ ފަހަރަކަށް އަޔާންގެ ގަމީހުގައި ހިފަހައްޓާފައި ހުރި ޒޯޔާގެ އަތުގެ އިނގިލިތަކަަށް ބާރުކުރެވެމުން ދިޔައެވެ.  އަޔާންއަށް ބޭއިޙުތިޔާރުގައި ޒޯޔާގެ ގައިގައި ބައްދާލެވުނެވެ. އެ ވަގުތު ދެހިތުގެ ހިނގުން އަވަސްވެގެން ދިޔައެވެ. މާޒީގެ ފޮނި ދުވަސްތައް  ޒޯޔާގެ ސިނކުޑީގައި ދައުރު ވެގެން ދިޔައެވެ. އަޔާން އަތުތެރޭގައި އޭނާ ވޭތުކުރި އެ ފޮނި ވަގުތުތަކަކީ ޒޯޔާ ހަދާނުން ފިލައިގެން ދާނެ ވަގުތު ތަކެއް ނޫނެވެ. އަޔާންގެ ހާލަކީ ތޯއެވެ.  ޒޯޔާ އޭނާއާއި އެހާގާތުގައި ވުމުން އޭނާގެ ސިކުނޑީގައި ނުބައި ވަސްވާސްތައް އުތުރި އަރަމުން ދިޔައެވެ. ނަމަވެސް އަޔާން ދިޔައީ އެކަން ނުދައްކާ ވޭތޯ ބަލަމުންނެވެ.

ކުއްލިއަކަށް ލިފްޓަށް ކަރަންޓު އައިވަގުތު އެނެއްކާވެސް ލިފްޓަށް ގުޑުން އަރައިގެން ދިޔައެވެ. އެވަގުތު އަޔާން ގައިގައި ޒޯޔާ  ބޮޑަށް ބައްދައިލިއެވެ. ނަމަވެސް އަޔާން ޒޯޔާގެ އަތް އޭނާގެ ގައިން ނައްޓާލުމައްފަހު ޒޯޔާ ދުރަށް ކޮށްޕައިލިއެވެ. ޒޯޔާ ބެލެންސް ނުވެގެން ގޮސް ލިފްޓުގެ ބިތުގައި ޖެހުނެވެ. ޒޯޔާގޮސް ޖެހުނުލެއް ބާރުކަމުން އޭނާއަށް ތަދުވެސް ވިއެވެ. އިސްއުފުލައި އަޔާންގެ މޫނަށް ބަލައިލިއެވެ. ނަމަވެސް އަޔާން ގެ މޫނުމަތިން ނަގައިގަންނަށް ވީ ކޯޗެއްކަން ޒޯޔާއަކަށް ނޭގުނެވެ. އެ މޫނުމަތީގައި ރުޅިވެރިކަން އިންތިހާއަށް ވީއިރު ނުތަނަވަސް ކަން ވެސް ފާޅުވަމުން ދިޔައެވެ. ލިފްޓު ހުޅެވުމުން އަޔާން އެންމެ ކުރިން ލިފްޓުން ނިކުތެވެ. ޒޯޔާ ލިފްޓުން ނިކުންއިރު އޭނާގެ މޫނުމަތިން ހިތާމަވެރިކަން ހާމަވަމުން ދިޔައެވެ. ޒޯޔާގެ ލޮލުން ވެއްޓެން ދިޔަ ކަރުނަތިކި އަތުގެ ނުފުށުން ފުހެލަމުން ޒޯޔާ ކުރިއަށް ހިގައިގަތެވެ.

” ޝިޓް.. ވައި .. ވައި އައި އޯލް ވޭސް ކާންޓް ކޮންޓުރޯލް މައިސެލްފް ވެން ޝީއިސް ވިތް މީ .. ވައި ޝީ އިޒް ލައިކް ދެޓް….” އަޔާން ކެބިން އަށް ވަދެ އައިސް ހުރި ރުޅިގަނޑު ބޭލީ ފާރަށްށެވެ. އަތް މުއްކަވާފައި ދެތިން ހަތަރު ފަހަރު ފާރުގައި ޖެހިއެވެ.

ޒޯޔާ ކެބިން އަށް ވަދެ  ގޮޑީގައި އީށީނުމަށްފަހު ޑެސްކުގައި ދެއަތް ވިއްދާލުމަށް ފަހު  މޫނުމަތި ދެއަތުން ފޮރުވާލިއެވެ. ވެދާނެއެވެ. ޒޯޔާގެ މޫނުމަތީގައިވާ އިހުސާސްތައް އެހެން މީހަކަށް ދައްކަން ބޭނުން ނުވަނީ ކައްނޭގެއެވެ. އެ ހިތަށް ކޮށްފައިވާ އަސަރުން ޒޯޔާގެ ދެ ލޮލުން ފައިބަމުން ދިޔަ ކަރުނަ ތަށް އޭނާގެ އަތުތެރެއަށްް ފޭދިގެން ދިޔައެވެ. އެ ގޮތުގައި ޒޯޔާ ފަސްވަރަކަށް މިނެޓް ވޭތުކުރިއެވެ. ޒޯޔާ މޫނުމަތިން އަތް ނެގުމަށް ފަހު މޫނުމަތި ރަނގަޅު ކޮށްލިއެވެ. ” ޒޯޔާ .. ވައި ޔޫ އޯލްވެސް އެކްސްޕެކްޓު މަޗް ފުރޮމް ހިމް … ހީ ހޭވް ޗޭންޖުޑް … ” ޒޯޔާ އޭނާގެ އަމިއްލަ ނަފުސާއި މުހާތަބް ކުރަމުން  ދިޔައެވެ. ޒޯޔާ މަސައްކަތައިގެން ފެށިތަނާ ޑެސްކުމަތީ ބަހައްޓާފައި ހުރި ފޯން ރިންގު ވާން ފެށިއެވެ. ޒޯޔާ ފޯންގެ އަތްގަނޑު ނަގައި ކަންފަތުގައި ޖައްސާލަމުން އެކޮޅުން ވާހަކަ ދައްކަން ފެށި އަޑު އިވުނެވެ. ” ކަމްޓު މައި ކެބިން … ނައު …” ޒޯޔާގެ ކަންފަތުގައި ޖެހުނީ އަޔާންގެ ހަރުކަށި އަޑެވެ. އަޔާން ބުނަންބޭނުންވި އެތި ބުނުމަށް ފަހު އަޔާން ފޯން ކަޑާލިއެވެ.

ޒޯޔާ އަންނަށްދެން އަޔާން ކެބިން ތެރޭ ދެފަރާތަށް ހިނގާލަ ހިނގާލާ ހުއްޓެވެ. ޒޯޔާއައިސް ކެބިން ދޮރު ހުޅުވާލާފައި ވަނުމުން  އަޔާން ޒޯޔާއާއި ވީ ދިމާލަށް އެނބުރުނެވެ. ޒޯޔާ އަޔާން ބަލާލި ގޮތުންވެސް ބިރުން ހަލާކުވާވަރު ވިއެވެ. ” ނެކްސްޓު ޓައިމް  ރިމެންބަރ ޓު ނޮކް ބިފޯރ ކަމިން އިންސައިޑް .. އޯކޭ …” އަޔާން އޭނާގެ ގޮޑީގައި އިށީންނަމުން ބުނެލިއެެވެ.  ޒޯޔާ އާއެކޭ ބުނުމުގެ ގޮތުން ބޯ ޖަހާލިއެވެ. ” ސްޓޯ ރޫމަށް ގޮސް އެތަނުގަ އިން ފައިލެއް ހޯދައިގެން ގެނެސްދީބާ … އެއީ ގުރީން ކުލައިގެ ޑޯލް ފެޝަން ޓުރެންޑް ޖަހާފަ އިން ފައިލް އެއް .. ” އަޔާން ކުރިމަތީ ހުރި ކޮމްޕިޔުޓަރާއި ކުޅެމުން ޒޯޔާގާތު ކުރަންވީ ކަންތަށް ބުނެދިނެވެ. ” ދެޓް އިސް ވެރީ އިމްޕޯޓެންޓު ފައިލް ފޯރ ޓުމޯރޯ މީޓިން … ސޯ ފައިޑް އިޓް … ” ޒޯޔާ ދާން ހިގައިގަތުމުން އަޔާން ތަންކޮޅެއް ބާރަށް ބުނެލިއެވެ.

ޒޯޔާ މަޑުމަޑުން ހިގާލާފައި ގޮސް ސްޓޯ ރޫމްގެ ދޮރު ހުޅުވައިލިއެވެ. އެވަގުތު ޒޯޔާއަށް އަގަމަތީ އަތް އަޅައިލެވުނެވެ. އެތަނުގެ އެތެރޭގައި ލައިޓެއް ނުވާއިރު ހިރަފުސް މުޅި އެތަނުގެ އެތެރެ ފުރާލާފައި ވާކަހަލަ އެވެ. ޒޯޔާ ކެއްސަމުން  އަތުގައި އޮތް މޯބައިލް ފޯންގެ ފުލެޝްލައިޓް ޖައްސާލިއެވެ. އަދި އެތެރެއަށް ހިނގައިގަތެވެ. ޒޯޔާއަށް އެތަނުގައި އިން ކަރަންޓު ބޯޑު ފެނުނީ ވަރަށް އުނދަގުލުންނެވެ. ޒޯޔާ އެ ސުވިޗް ޖައްސާލުމާއެކު މަޑު އޮރެންޖު ކުލައިގެ ލައިޓް އެއް ޖެއްސުނެވެ. ޒޯޔާ އެތަނަށް ވަށައިގެން ބަލައިލިއެވެ. އެތަނުގައި އަށްވަރަކަށް ހަރުގަނޑު ބަހައްޓާފައި ހުރި އިރު އެ ހަރުގަނޑުތަށް ފުރެންދެން ފައިލްތަށް އަތުރާލާފައި ހުއްޓެވެ. އެއް ބިތް ފުރެންދެން ހުރި ހަރުގަނޑުގައި ސީޑީތައް ފުރެންދެން ވީއިރު ދެން ހުރި ދެބިތުގައި ހުރި ހަރުގަނޑުތަކުގައި ވަނީ އެކި ވަރުގެ ޓޮރޮފީ ތަށް ބަހައްޓާ ފުރާފައެވެ. ޒޯޔާ ކުރިއަށް ހިނގައިގެން ވަގުތު ބިންމަތީ ހުރި ފޮތި ފޮށިގަނޑުގައި އަޅައިގެންފައި ނުވެއްޓުނީ ކިރިޔާއެވެ. ޒޯޔާ ވަރަށް ބަލައިގެން ކުރިއަށް ހިގައިގަތެވެ. ފުރަތަމަ ދޮރުކައިރިން ޖެހުނު ހަރުގަނޑުގައި ހުރި ފައިލްތައް ޒޯޔާ ބަލަން ފެށިއެވެ. ކޮންމެ ފައިލެއް ނަގައި ފައިލްގެ ޓައިޓަލް ބަލަމުން ދިޔައެވެ.

އަޔާން ގޮޑި ހެއްލަމުން ކޮމްޕިޔުޓަރުން ސްޓޯ ރޫމްގައި ހުންނަ ސީސީ ކެމެރާގެ ފޮޓޭޖް ބަލަމުން ދިޔައެވެ. ޒޯޔާ  އުޅޭހާލު ފެނުމުން އަޔާން ގެ ތުންފަތް މައްޗަށް ހިނިތުންވުމެއް ވެރިވެފައި ވިއެވެ. ” ޒޯޔާ .. ކިތަންމެ ވަރަށް މަސައްކަތް ކުރިއަސް ތިކަމެއް ނުވާނެ… ފައިލް ފެއްނާނީ ފައިލް ތި ތަނުގަ އޮވެގެންނެއް ނު … ހަހަ .. ” އަޔާން ކައިރީ އޮތް ފައިލްއަށްް ބަލައިލަމުން އަޔާން ހޭންފެށިއެވެ.

ބުރޭކަށް ނިމުމުން ރީނާ ދަބަސް ކޮޑުގައި އަޅުވާލަމުން ކެބިން އިން ނިކުތެވެ. އެވަގުތު އޮފީސް ތެރޭގައި މީހުން ވަރަށް މަދެވެ. ރީނާވެސް މަޑުުމަޑުން ހިގާލާފައި ކޭންޓީނާއި ދިމާލައް ހިގައި ގަތެވެ. ކޭންޓީން ތެރޭ މީހުން ވަރަށް ގިނައެވެ. ރީނާ ޖޫސްތައްޓަކާއި ޓޫނާ ސޭންޑުވިޖްއެއް ހިފައިގެން ގޮސް މޭޒެއް ކައިރީ އިށީނެވެ. އެ މޭޒުގައި އިތުރު މީހެއް ނެތުމުން ރީނާ ފޯން ނަގައި އޮންލައިން ވެލިއެވެ.

ރީނާ އިންމޭޒު ގައި ހުރި ގޮޑިއެއް ދަމާލި އަޑަށް ރީނާ ކުރިމައްޗަށް ބަލައިލިއެވެ. އެވަގުތު ރީނާ ފިނިވެގެން ދިޔައެވެ. ހަރަކާ ތެއްވެސް ކޮށްލަން ނޭގިފައި އިނެވެ. ފަޔާޒް ހިނިތުން ވެލުމަށް ފަހު ރީނާއަށް ބަލައިލިއެވެ. ” ކޭން އައި ސިޓް ހިޔަރ …” ފަޔާޒް ރީނާ ކުރެން އަހައިލިއެވެ. ރީނާ ބޯޖަހާލުން ނޫން ކަމެއް ނުކުރެވެ. ފަޔާޒް އެތަނުގައި އިށީނުމުން އެ ވަގުތު ކޭންޓީނުގައި ތިބި އެންމެންގެ ނަޒަރު އެމީހުންނަށް ސީދާވެގެން ދިޔައެެވެ. ރީނާ މީހުން ބަލާވަރުން ލަދުން އިނުމުން ފަޔާޒް އެންމެންނާއި ދިމާލަށް ބަލައިލިއެވެ. ފަޔާޒްގެ މި އަމަލުން ހުރިހާ މުއަށްޒަފުން ބިރުގަތެވެ. އަވަހަށް އެމީހުން ކުރަމުން ދިޔަ ކަންތައް ކުރުމައިގެން މައުލޫއު ވިއެވެ.

” ރީ … ވަރަށް ބޭނުންވި ރީ ފުރަތަމަ ފެނުން ދުވަހުވެސް ވާހަކަ ދައްކާލަން … އެކަމް .. އަހަރެން ދެކެ ރީ ރުޅިއައިސް ހުރެދާނެ ތީ  ވާހަކަ ދައްކަން ނުކެރުނީ …  ރީ .. ރީ އަހަރެން ދެކެ ރުޅި ނައްނައްޔާ މިރޭ އަހަރެން ބުނާ ތަނަކަށް ދެވިދާނެތަ… އަހަރެން އިންތިޒާރު ކުރާނަށް …” ފަޔާޒް އެ ހުރިހާ އެއްޗެއް ކިޔާފައި ދިޔައިރު ވެސް ރީނާ އިނީ ބުނާނެ އެއްޗެއް ނޭގިފައެވެ.  އޭނާގެ ހިތް  އުފަލުން ނަށަމުން ދިޔައިރު މޫނުމަތިން ފާޅުވަމުން ދިޔައީ ހާސްކަމެވެ. ބުރޭކް ގަޑި ނިމުމުން ރީނާ އެނެއްކާވެސް އޭނާގެ މަސައްކަތް ކުރަން ދިޔައެވެ.

އޮފީސް ގަޑި ނިމުމުން އެންމެން ގެއަށް ދާން ފެށިއެވެ. ޒޯޔާއަށް މިއިން ކަމެއް ރޭކާވެސް ނުލައެވެ. މުޅި ދުވަހު އައި ގޮތަށް ބުރޭކެއްވެސް ނުނަގައި އޭނާއަށް ހަވާލުވި މަސައްކަތް ފުރިހަމަ ކުރަން ޒޯޔާ މަސައްކަތް ކުރަމުން ދިޔައެވެ.

އަޔާން އޮފީހުން ބޭރުގައި އުޅެފައި އޮފީހަށް އައިސް ވަދެވުން ވަގުތަކީ އެ ވަގުތު އޮފީހުގައި ތިބި އެންމެ ފަހު ގުރޫޕް އޮފީހުން ނިކުންނަށް ހިގައިގަން ވަގުތެވެ. އަޔާން އޭނާގެ ކެބިންނަށް ވަންނަށް ހިގައިގަން ވަގުތު ނަވީންގެ ކެބިންއަށް ވަދެލާހިތް ވުމުން ގޮސް އެ ކެބިންގެ ދޮރު ހުޅުވާލާފައި ވަނެވެ. އަޔާންގެ މިސްރާބު ހުރީ ޒޯޔާގެ ޑެސްކާ ދިމާލައްށެވެ. ޒޯޔާ އިއްނަ މޭޒުމަތީގައި ފައިލް ތަކެއް ހުޅުވާފައި ހުއްޓެވެ. އަޔާން ލޮލުގައި އެވަގުތު ޒޯޔާގެ ހޭންޑު ބޭގު އަޅައިގަތެވެ. ” ބެވަކޫފް ލަޅްކީ … އަބީތަކް ނެހީ ގައީ …” އަޔާން ޒޯޔާގެ މޮޔަކަން ވިސްނުމުން ހިނިގަނޑެއް ޖަހާލަމުން ބުނެލިއެވެ.

” ޕިސް ޕިސް … އަޅެ ކޮބައިތަ އެ ފައިލް ގަނޑު … މިހާރު ބަޑުހައިވެގެން ހަލާކުވޭ އަބަ … މި ދެން އަޅެ ކަމެއްނު .. އެ ފެންނަ މީހާ އަމިއްލައަށް  އައިސް އެ ހޯދީމަ ވީނު … މަ ނޫނީ އޭނަ އަށް ނުފެނުނީތަ އެހެން މީހަކު މިތަނަށް ފޮނުވަން …” ޒޯޔާ އަމިއްލަ ނަފުސާ ވާހަކަ ދައްކަމުން ދިޔައެވެ. އަޔާން އާއި ދިމާލަށް އެއްޗެހި ކިޔަމުން ދިޔައިރު ބަޑުހައިވެފަ ހުރިވަރުން މޫނުމައްޗައް އަދިރި ވަމުން ދިޔައެވެ. ބައެއްފަރު ދެންމެ ދެންމެ ވެއްޓިދާނެއޭ އޭނާ ހިތަށް އަރަމުން ދިޔައެވެ.

އަޔާން އޭނާގެ ފިރިހެން ވަންތަ ހިނގުމުގައި އައިސް ސްޓޯ ރޫމްގެ ދޮރު ކައިރީ ލައްގަނެލައިގެން ހަށަމަށް އަތްނަގައިގެން ހުއްޓިލިއެވެ. ޒޯޔާއާއި ދިމާލަށް ބަަލަހައްޓައިގެން ހުރިއިރު ތުންފަތްމަތީ ކާމިޔާބީގެ ހިނިތުން ވުމެއް ވިއެވެ. ޒޯޔާ މާ ބިޒީ ކޮށްލައިގެން އުޅުމުން އޭނާއާއި ދިމާލަށް މީހަކު ބަލާކަން އޭނާއަށް ނުވެސް އިނގުނެވެ. އަޔާން މަޑުމަޑުން ހިނގާލާފައި ގޮސް ޒޯޔާގެ ފުރަގަހުގައި ހުއްޓިލިއެވެ. ޒޯޔާ ފައިލެއް ނެގިވަގުތު މީހަކު ފަހަތުގައި ހުރިހެން ހީވުމުން ފަހަތް ބަލައިލިއިރު އަޔާން ހުރި ތަން ފެނުމުން ސިއްސައިގެން ގޮސް ފައި ކައްސާލިއެވެ. އަތުގައި އޮތް ފައިލް އަތުން ދޫވިއެވެ. ފައިލްގައި ހުރި ހުރިހާ ކަރުދާސް ތަކެއް މުޅިތަނަށް ބުރައިގެން ދިޔައިރު ޒޯޔާގެ ހަށިގަނޑުގައި އަޔާންގެ ބާރުގަދަ ދެއަތުން ހިފަހައްޓާލާފައި ހުއްޓެވެ. ޒޯޔާ އަޔާން އާއި ދިމާލައް ބަލަމުން ދިޔަނަމަވެސް  މޫނުމައްޗަށް އަދިރި ވަމުން ދާކަން އޭނާއަށް އިނގުނެވެ. ޒޯޔާގެ ދެލޯ މެރުނު ތަން ފެނުމުން އަޔާން ދެފަހަރަކު ޒޯޔާއަށް ގޮވާލިއެވެ. ނަމަވެސް ޒޯޔާގެ ހަބަރެއް ނުވިއެވެ. އަޔާން ޒޯޔާ އަތްދަނޑި މައްޗަށް ނަގައިގެން ސްޓޯ ރޫމްއިން ނިކުމެ އޭނާގެ ކެބިންއަށް ގޮސް ވަނެވެ.

އަޔާން ޒޯޔާ ގެންގޮސް އޭނާގެ ކެބިންގައި ހުރި ސޯފާއެއްގައި ޒޯޔާ ބޭތްވިއެވެ. ޒޯޔާ ބޭއްވުމަށްފަހު އަޔާން ތެދުވަން އުޅުން ވަގުތު ޒޯޔާގެ އިސްތަށިކޮޅެއް އަޔާން ލާފައި ހުރި ގަމީހުގެ ގޮށެއްގައި އަޅައިގެންފައި އިނުމުން އޭނާ އެނެއްކާވެސް ޒޯޔާ ގާތު އިށީނެވެ. އަދި ވަރަށް ބަލައިގެން އެ އިސްތަށި ކޮޅު ނައްޓުވައިލިއެވެ. އަޔާން ފެންތައްޓެއް ހިފައިގެން އައިސް އަތަށް ފެންކޮޅެއް އަޅައި ޒޯޔާގެ މޫނުމަތީ ހާކާލިއެވެ. ޒޯޔާ މަޑުމަޑުން އެސްފިޔަ ތަޅުވާލާފައި ދެލޯ ހުޅުވާލިއެވެ. އަޔާން ޒޯޔާގެ ހަށިގަނޑު ތެދު ކޮށްލިއެވެ. އަދި އަތުގައި ހުރި ފެންތަށި ޒޯޔާގެ ތުންފަތުގައި ޖައްސާލިއެވެ. ޒޯޔާ އެ ފެންތަށި ބޯލުމުން ގައިގައި ކޮންމެވެސް ވަރަކަށް ވަރު ޖެހުނެވެ. އަޔާން ޒޯޔާއާއި ފެންތަށި ދުރު ކޮށްލުމުން އިރު ކޮޅަކަށް ޒޯޔާއާއި އަަޔާންއާއި ދެމީހުން އެކަކު އެނެކަކަށް ބަލަހައްޓައިގެން ތިއްބެވެ.

މާންތީ ހޫނ ކު ދާ ތުޖީމޭ..  ތޫ ހޭ ތޯ ރެހެނާ ޔަހާ

އަބް ސޭ ހަޔާލީ ޕަންމޭބީ ތޫ ޕާސް މޭރީ ކަޅާ

ތޫ ހޭ ނެހީ ޔަހާ ޔޭނާ ޔަކީން ހުއާ

ކޭސޭ ކަރޫން ޔެ ކުދްސޭ ބަޔާން

ބިކުޅީހު ހަރ ޖަގާ މެ ރީތްކީ ތަރްހާ

ނާ މޭރެ ދަރްދު ކީ ހޭ ދަވާ

ސާސޮކީ ސަރ ޒަމީ ޕަރ  ބަރސާތު އާ ގަޔޭ

އޭކް ޗުޕްކީ މެ ތޭރަ ސޯ ކާބް އާގަޔޭ

ބޭޕަނާ ބޭޕަނާ … ޕިޔާރ ހޭ ތުމްސޭ

ޒޯޔާއަށް އެވަގުތު މިއަދު ހެނދުނު ކަންތައް ވީގޮތް ހަދާންވުމުން އަވަހަށް އެތަނުން ދާން ހިނގައި ގަތެވެ. ސޯފާއިން ތެދުވެ ބާރަށް ދުވެފައި އެ ކެބިން އިން ނިކުމެ  އޭނާގެ ކެބިންއަށް ވަދެ ދަބަސް ހިފައިގެން އޮފީހުން ނިކުނަށް ދިޔައެވެ. ޒޯޔާ ގޮސް ލިފްޓަށް އެރިއިރު އެނާއަށް މާނޭވާ ލެވެއެވެ. ޒޯޔާ އަށް ދެލޯ މަރާ ބާރު ކޮށްލެވުނެވެ. އެވަގުތު އަޔާންގެ ސޫރަ ޒޯޔާގެ ލޯކުރިމަތީ ސިފަވެގެން ދިޔައެވެ.

-ނުނިމޭ-

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.