ނޭންގިހިތޭ ގެންދެވީމަ މިތުރާ… (14)

އިބާއާއި އަރުޝަދުއަށް އެކަަކު އަނެކެއްގެ މޫނަށްގެއްލިފައި ހުރެވުން ނަމަވެސް އަރުޝަދު އަވަސްގޮތަކަށް ދުރުބަލާލީ އެއީ މިހާރުމީހެއްގެ އަތްބެއްކަން އިހްސާސްވުމުންނެވެ. ނަމަވެސް ހުރިހާދުވަހު އަރުޝަދުއަށް އިބަ އަކީ ކާކުކަން ނޭންގިހުރެ ވެވިފައިވާ މަތިވެރި ލޯބި އޭގެ މަގާމުން ބޭރަށްލާކަށް އޭނާ ބޭނުމެއްނުވެއެވެ. އަރުޝަދު ގަބޫލުކުރާ ގޮތުގައި ތެދުވެރި ލޯބިވެވޭނީ އުމުރުގައި އެއްފަހަރު އެކަކުދެކެވެ. ވީއިރު ފާއިތުވެ ދިޔަ ފަސްއަހަރުދުވަހު އިބާގެ ފަހަތުން މުގޯލިއެޅަމުން ދިޔަ އަރުޝަދުއަށް އޭރުވެސް ވާހަކަދައްކަން ނުކެރި ހިތުގައިވި ލޯބި ފޮރުވުނުގޮތަށް މިއަދުވެސް އެކަން ކުރެވޭނެއެވެ. ނަމަވެސް އިބާއަށް ވީ މުޅިން އެހެންގޮތެކެވެ. އަރުޝަދުއެއީ އިބާގެ ޒޭންކަމަށް ހީކޮށް މޭގައި އަތްއަޅާލެވުނީ އެއްވެސް އިހްތިޔާރަކާއި ނުލައެވެ. ލޫޔާއައި ފަރޫންއަށް ކުރިމަތިން ފެންނަމުން ދިޔަ މަންޒަރުތަށް ކިތަންމެހާވެސް ރީއްޗަށް ފެނުނެއްކަމަކު އަޅާނުލާތިބީ ވާނުވާ ނޭންގޭތީއެވެ.

އިސް އޮބާލައިގެން ހުރެ އަރުޝަދު އަލޫކްއާއި އިބާ އަށް މަރުހަބާކިއުމަށްފަހު އަވަހަށް ދުރަށް ދިޔައީ އެންމެ ހިނދުކޮޅަކުވެސް އެތާންގައި މަޑުކުރަން ކުޅަދާނަ ނުވެގެންނެވެ. އަރުޝަދުދިޔަ ދިމާއަށް ބަލަން އިން އަލޫކް ސިކުނޑީގައި މޮޅު ޕްލޭންއެއް ރާވާލިއެވެ. އަދި ހިނިތުންވެލާފައި އިބާގެ މޫނަށް ބަލާލުމާއެކު އަރުޝަދުއަށް ބަލަން އިން އިބާއަށް ސިހުންވެގެން ދިޔައެވެ. ނަމަވެސް ނޫންކަމަށް ހަދާލާފައި އަލޫކް ކިހިނެއްވީތޯ އަހާލުމުން އިބާ މޫނުމަތިން ހާސްކަން ފެނުން ނަމަވެސް ” ކަމެއްނުވޭ ” ބުނެލިއެވެ.

ފަރޫން ކައިރީގައި ބުނެލާފައި ލޫޔާ އަރުޝަދުކައިރީގައި ގޮސް މަޑުކޮށްލިއިރު އަރުޝަލޮލުން ކަރުނަ ފުހެލިމަންޒަރު ލޫޔާއަށް ފެނުނެވެ. ” ހެއި އަރުޝަދު.. ހިނގާބަލަ ލޫ އާއެކު ތިރިން އެއްޗެއްބަލާ އެ ފަރޫންގަނޑު ކައިރީގައިބުނީމަ ގުޑާވެސްނުލި.. ” ” ހިނގާ.. ” ލޫޔާއެހެން ބުނުމާއެކު ހަމަޖެހޭގޮތް ދައްކަމުން އަރުޝަދުވެސް ހިނގައިގަތީ އެތަނުން އަވަހަށް ދާން ބޭނުންވެފައި ހުރީމައެވެ. ތިރިއަށް ދެވުމާއެކު ފަރޫންއަށް ލޫޔާ މެސެޖްކޮށްލާފައި ކުޑައިރުކޮޅެއް ވާނޭ ބުނެލީ ލަސްވެގެން ހޯދަން އުޅެފާނެތީއެވެ. ” ހޫމް ދެން ބުނެބަލަ.. ކީއްވެ ދެންމެ ތިރުއީ.. ލޫ ދެކުނީމޭ ލޯފުހެލިތަންވެސް.. އަނެއްކާ އިބާ ފެނުނީމަވެސް ވީގޮތް ދުށިން އަރުޝަދު ދަންނަންތަ އިބާ.. މިތަނަށް މިއައީ އެއްޗެއްބަލައެއް ނޫން.. އަރުޝަދުކައިރީ ހަމަ މިވާހަކަ އަހަން.. ” އާންމުކޮށް އެމީހުން އުޅޭބަޔަށް އާދެވުމާއެކު އަސްލު އޭނަ އެތަނަށް އައިބޭނުން ލޫޔާ ހާމަކޮށްލިއެވެ.

“ލޫ އެއީ މީގެ ފަސްއަހަރުކުރިން.. އަހަރެން އިބާ ދުށީ ސްކޫލް ނިންމާލާފަ އިބާ ގެއަށް ދަނިކޮށް .. އަހަރެންވެސް ސްކޫކް ނިންމާލާފަ އަމީނިއްޔާ ދޮށަށްދިޔައީ އަހަރެމެންގެ ގްރޫޕް މާރީތި ކުދިން އެތަނުންފެނޭ ކިޔާތީ ހަމަ ބަލާލަން.. އެދުވަހު އިބާ އެެެހެން ކުދިންނާ ހިލާފަށް ތުއިދެއްކޭކަށް ނޫޅި ދާންފެށުމުން އަހަރެންގެ ޝައުގުވެރިކަން އިބާއަށް ހުއްޓުނީ.. އެއަށްފަހު ކޮންމެދުވަހަކު އަހަރެންވެސް ސްކޫލް ނިންމާފަ ދަން ހަމައެކަނި އިބާދެކެލުމަށް .. އޭރު ނަމެއް ނޭންގޭ.. އެހެން އުޅެނިކޮށް އެއްދުވަހު އަހަރެންގެ ހިޔާލަށް އައީ އިބާދާ ގެއެއްބަލަން.. އެހެންވެ ފަހަތުން ދިޔައީ.. ވަކިހިސާބަކަށް އިބާއަށް ނުދެވެނީސް އިބާކައިރީގައި އައިސް މަޑުކޮށްލީ ހަރުފުރައިގެމީހަކު.. ” ދަރިފުޅާ ބައްޕަ މިއަދު މާބޮޑަށް ލަސްވެއްޖެދޯ.. ” އެމީހާ އެހެން ބުނުމާއެކު ” ނޫން ބައްޕާ އިބާއަށް ލަހެއްނުވޭ. ދެންވެސް އަވަހަަށް ހިނގާދާން ގެއަށް ބައްޕަ ހުންނާނީ ވަރަށް ބަނޑުހައިވެފައެންނު.. ” އިބާ އެހެން ބުނުމާއެކު އިބާގެ ބައްޕަ އިބާ އާއި އެކުގައި ހިނގައިގަތީމަ އަދި އެދުވަހު އަހަންނަށް އެނގުނީ އެކުއްޖާގެ ނަމަކީ އިބާ ކަންް.. އެދުވަހު އަހަރެން އެމީހުންގެ ފަހަތުން ދެވުނީ އަހަރެމެން ގެއާަވެސް ދާދިކައިރިއަށް.. އެހެންވެ އެއަށް ފަހު ކޮންމެހެން ހަދާފަ ސްކޫލް ދޮށަށް ދާކަށް ނުހަދަން.. އަހަރެންގެ ކުރިޔަށް އިތީ ފަހުއަހަރަށްވީމަ ބެލީ ރަނގަޅަށް ކިޔެވޭތޯ.. އެކަމަކު ގޭދޮށުނއ މިހާރު އިބާ ފެންނާތީ އުފާވި.. ކުރިން ނުނިކުންނަ ވަރަށް ބޭރަށް ހިނދުހިނދުކޮޅާ ނިކުންނާތީ މަންމަ ވަރަށް އަނގަވެސް ތެޅި.. އެކަމާ އަހަރެން ފަރުވާލެއް ނުބަހަށްޓަން.. އެކަމަކު އޭގެ ދެއަހަރުފަހުން އަހަންނަށް އިބާ ގެއްލުނީ.. އެއީ ޒޭންވެސް ނިޔާވިތާ ހަމަސްވަރު ފަހުން.. ހަމަ ޔަގީނުންވެސް އޭރު އިބާ އުޅޭނީ އެންމެފަހު އަހަރުގެ އިމްތިހާނަށް ތައްޔާރުވުމުގަ.. އޭގެ ފަހުން އަހަރެން ހާދަ މަަސައްކަތެއްކުރީމޭ އިބާ ހޯދަން.. އެކަމަކު އެންނެފަހުން މިފެނުނީ މީހެއްގެ ހައްގަކަށް ވެފަހުއްޓަ.. ”

އަރުޝަދުގެ ވާހަކަތަށް ނިމުން އިރުވަނީ ރޮވެމުންގޮސް މަޑު ގިސްލުމަކަށް ބަދަލުވެފައެވެ. އެހާވެސް މިރޭ އެހިތަށް އަސަރުކޮށްފިއެވެ. ” ހިތްވަރުކުރޭ އަރުޝަދު.. ދުނިޔޭގަ އުޅޭއިރު އެކިފަހަރު ދިމާވާނީ އެކިކަހަލަ އިމްތިހާނުތަކާ.. ﷲ ގެ އިރާދަފުޅުން އެކަލާނގެއަށް ކުއްތަންވެ ކެތްތެރިކަމާއި ވާތްގަށް އެދޭމީހާ ބާކީއެއް ނުވާނެ އިންޝާﷲ.. ” ލޫޔާގެ ހިތުގައި އަޅާވޭން އެއްަރާތްކޮށްލަމުން ގާތް ރަހްމަތްތެރިޔާއަށް ހިތްވަރުދެމުން ދިޔައެވެ. އަދިހަމަޔަކަށް އެޅުވުމަށްފަހު އެނބުރި ޕާޓީއަށް ދިޔައެވެ. އަދި ލޫޔާ ފަރޫންއާއި އެވާހަކަ ހިތްސާކުރީ އަލީއާއި އަރުޝަދުވެސް ދިއުމުންނެވެ.

ޕާޓީނިމި އަލޫކްއާއި އިބާ ކޮޓަރިއަށް ވަތްމަންޒަރު ލޫޔާ ބަލަން އިނީ ހިތްދަތިގޮތަކަށެވެ. އެވަގުތުވެސް މާލެ އައިދުވަހު ހިނގި ހާދިސާ ލޫޔާގެ ލޯމައްޗަށް ސިފަވެގެންދިޔައެވެ. ހަމައެގޮތަށް މިރޭ ލޫޔާގެ ބަދަލު އަލޫކްގެ އަތުތެރޭގައިވާނީ އިބާއޭ ހިތަށްއެރުމާއެކު އެއްވެސް ހިފޭއްޓުމެއްނެތި ލޫޔާގެ ލޮލުން ކަރުނަ ނީރާލިއެވެ. ކިތަންމެ ވަރަކަށް އެހިތަށް ވިސްނަދޭން އުޅުނަސް ލޫޔާއަށް އެކަން ނުވަނީ ބަސްނާހާ އެހިތް އަލޫކްއަށް އެދޭވަރުންނެވެ.

ކޮޓަރިއަށް ވަންއިރުވެސް އިބާ އިންނަނީ ކޮންމެވެސް ކަމަކަށް ގެއްލިފައެވެ. އަދިވެސް އަރުޝަދު ފެނުން ވަގުތު ވެގެންދިޔަގޮތް އިބާއަށް އިހްސާސްކުރެވެއެވެ. ޒޭން އާއި ވައްތަރު އެމީހަކީ ޒޭން ނޫންކަން މިރޭ އިބާއަށް ޔަގީންވީ ހުރިހާމީހުންވެސް އޭނައަށް އަރުޝަދުގެ ނަމުން މުހާތަބުކުރާތީއެވެ. އެއީ އަދި ޒޭންއަށް ނުވިއެއް ކަމަކު އިބާގެ ހިތަކުން އެސޫރަފިލާގޮތެއް ނުވިއެވެ. ލޯމަރާލަން ވާއިރަށް އަރުޝަދުއަށް އިބާފެނުމުން ބަލަންއިންގޮތް ހިތަށް ސިފަވަނީއެވެ. އެހިޔާލުތަކާއި ދުރަށްދާން އިބާ އަވަހަށް ގޮސް ފާހާނާއަށްވަދެ ތާޒާވެލައިގެން ނިކުތް އިރު އަލޫކް ކޮޓަރީގައި ފެންނާކަށް ނެތެވެ. ނަމަވެސް މިއަދު އަލޫކް ާއާއި އިނދެވުމުންވެސް އިބާހިތަށް ވަނީ އުނދަގުލަކަށްވެފައި ކަމުން އަލޫކް ހޯދަން ދާކަށް ހިޔާލެއް ނުކުރިއެވެ. އަވަހަަށް އެނދަށްއަރާ ކުއިލްޓް އަޅާލައިގެން އޮށޯވެލީ ނިދާލުމަށެވެ. ނަމަވެސް ހަމަ އޮށޯތުމާއެކުގައިވެސް އަރުޝަދުގެ ހިޔާލުތަށް އުނދަގުކުރާން ފެށިއެވެ.

ހިތާމާއިގެ ސާލެއްލައިގެން ލޫޔާ ކޮޓަރިއަށް ވަނީ އިތުރަށް ކޮޅަށް ހުންނަން އުނދަގޫވުމުން އޮށޯވެލާށެވެ. ހަގީގަތުގައި ލިބިފައިވާ ހިތްދަތިކަމާއި އެއްވަރަށް މިއަދު ލޫޔާ ހުރީ ވަރުބަލިވެސް ވެފައެވެ. އިސާހިތަކު ފުން ނިންޖެއްގެ ތެރެއަށް ގެނބިގެން ދިޔަ ލޫޔާއަށް ނޭންގުނުކަމަކީ މިރޭ އޭނައަށް ނިދުނީ ދޮރުތަޅުނުލާކަމެވެ. ލޫޔާގެ ފަހަތުން އައި މީހާއަށް މިކަން ޔަގީންވިއެވެ. އެހެންވެ ލޫޔާ ނިދާހާއިރުކޮށްލާފައި ކޮޓަރީ ދޮރުހުޅިވާފައި އެމީހަކު ވަންއިރު މުޅިގޭތެރޭގައިވަނީ މަރުފަދަ ހަމަހިމޭންކަމެވެ. ވުމާއެކު ސިއްރުން ދޮރުލައްޕާލުމަށްފަހު ގޮސް ލޫޔާގެ ކުރިމަތީގައި ހުއްޓުން މީހާ ސިހުނީ ލޫޔާކޮޓަރީ ސޯފާގައި ނިދާފައޮތް ފަރޫން ފެނުމުންނެވެ.

އެވަގުތު ފަރޫންވެސް މޯޅިއަކަށް ދެމިލާފައި އެނބުރުން ގަޑީ ހިޔަންޏެއްވީހެން ހީވެގެން ބަލާލިއިރު އެމީހަކު ކޮޓަރީ ދޮރާދިމާއަށް ދަނީއެވެ. ލޫޔާވެސް ފުންނިންޖެއްގައި ނިދާފައި އެނދުގައި އޮތުމުން ފަރޫން މަޑުމަޑުން އޮތީ އެއީ ކާކުކަން ބަލާލަން ޝައުގުވެރިވެފައެވެ. ގޮސް ގޮސްފައިވެސް އެމީހަކު އެނބުރިލީ އަނެއްކާވެސް އެނދާދިމާއަށެވެ. އެވަގުތު ފަރޫން އަށް ގަބޫލުކުރަން ދަތިވިނަމަވެސް ކުރިމަތީގައި އެހުރީ ޔާސިރުނޫން ދެވަނަ ދެމީހެއްނޫނެވެ. ޔާސިރު ލޫޔާއާއި ދިމާއަށް ބަލާލާފައި ހީލިގޮތުން ފަރޫންގެ ލޭހޫނުވެގެން ދިޔަނަމަވެސް އެއްޗެކޭނުބުނެ މަޑުންއޮތީ ޔާސިރު ލޫޔާއާއި ގާތް ނުވާތީއެވެ. ނަމަވެސް ފަރޫން ހީކުރިގޮތާއި ހިލާފަށް ޔާސިރު ދެން ކުރިކަމަކުން ފަރޫން އިނީ ވިސްނާނެ އެއްޗެއްނޭންގިފައެވެ. ލޫޔާ ގައިމަތީގައި ކުއިލެޓް އަޅާދިނުމަށް ފަހު ބޮލުގައި ފިރުމާލާފައި ޔާސިރު ލޯފުހެލިމަންޒަރު ފަރޫންއަށް ރަނގަޅަށް ފެނުނެވެ. އަދި މަޑުމަޑުންގޮސް ދޮރުހުޅުވާފައި ނިކުތްއިރުވެސް ދެފަހަރަކަށް ލޯފުހެލިއެވެ. ސުވާލުމާކެއްގައި އޮތް ފަރޫންއަށް އެހެން އޮވެ ނިދުން އިރެއްވެސް ނޭންގެއެވެ.

ފަތިހުނަމާދަށް ދާން އާދަވެފައިހުރި ޔާސިރުހޭލައިގެން ނިކުތް ިއރު އަލޫކްވެސްނަމާދަށް ދާން ނިކުންނަނީއެވެ. އަދި ފަރޫންވެސް ލޫޔާ ކޮޓަރިން ނިކުންނަނީއެވެ. ލޫޔާ ގޮވާފައި ފެންވަރާލައިގެން ނަމާދަށް ދާށޭބުނުމުން ފަރޫންވެސް ނިކުތީ އެމީހުންގެ ކުރިމައްޗަށް އެރޭނެކަމަކަށްނޫނެވެ. ނަމަވެސް މިވީގޮތުން އަލޫކްގެ ސުވާލުތަކާއި ކުރިމަތިލާންޖެހޭނެކަން ފަރޫންއަށް ވިސްނުނީ އޭނަ ބަލަން އިންގޮތުންނެވެ. ނަމަވެސް ޔާސިރު މާބޮޑުކަމަކަށް ހަދާނުލާ ދަރިފުޅާ ހިނގާށޭކިޔާ ފަރޫންވެސް ގޮވައިގެން ނަމާދަށް ދިޔައެވެ.

ފަރޫން ހީކުރިގޮތާ ހިލާފަށް ފުރަތަމަ ސުވާލުއައީ ޔާސިރުގެ ފަރާތުންނެވެ. އޭރު އެމީހުންތިބީ ނަމާދުން ފައިބައިގެން މިސްކިތް ކައިރީގައިހުރި ދާރެސް ކެފޭތެރޭގައި ކޮފީބޯށެވެ. ” ފަރޫން ރޭގަ އެކޮޓަރީގަ ކީއްވެތަ ނިދީ ލޫޔާއަށްވުރެ ކުރިންދޯ ނިދީވެސް.. ” ޔާސިރުއަހާލިއެވެ. ” ލައްބަ ފަރޫން ގެއަށްދާން އުޅެނުކޮށް ލޫ ބުނި މިރޭ މިކޮޅުގަ މަޑުކޮށްލަދޭށޭ.. އެހެންވެ ލޫކޮޓަރީގަ ފިލްމެއްބަލަން އިނީ އަންނަންދެން އިންދަ ނިދުނީ.. އެއޮތްގޮތަށް ސޯފާގަ އޮތީމަ ގައިގަވެސް ރިއްސާއެބަ.. ” އަނގަޔަށް ގޮތެއްހަދާލަމުން ފަރޫން އެހެންބުނިއިރު އަލޫކްގެ މޫނުގެ ކުލަވަރު ބަދަލްވެގެން ދިޔަކަން ފަރޫންއަށް ފާހަގަވިއެވެ. ހަގީގަތުގައިވެސް ފަރޫން މަޑުކުރީ ލޫޔާބުނެގެން ނެވެ. ވީއިރު އެކަމުގައި އެއްވެސް މައްސަލައެއްޖެހޭކަށް ނުޖެހޭނެނޫންހޭ ފަރޫން ހިތަށްއެރިއެވެ. ގައިމު އަލްޔާކައިރީވެސް އޭނާ އެވާހަކަ ކުރިން އޮތީބުނެފައިވިއްޔާއެވެ. ވީއިރު އަލޫކް އަށް އެވަނީ ކިހިނެއްހެއްޔެވެ. ފަރޫން ހިތުތެރޭގައި އުފެދުނު އެހައިޖާނުގަނޑާއެކު ޔާސިރުކުރެއް އެކޮޓަރިއަށްވަނީ ކީއްކުރަންތޯ އަހާލިއެވެ. އެއާއެކު ޔާސިރުއާދިމާއަށް އަލޫކް ބަލާލިއިރު ޔާސިރުއަށް ތެޅިގަނެވުނެވެ.

“އެތެއްދަ..” އަލޫކްގެ ލޭކެކިގެންދިއުމާއެކު އަހާލެވުން އިރު ހަރުކަށިކަމެއް އެކުލެވިގެން ވިއެވެ. ނަމަވެސް ފަރޫން ލޮލުގެ އިޝާރާތުން އަލޫކްއަށް ހަމަޖެހުމަށް އެދުމުން އިސްޖަހާލިއެވެ. “ފަރޫން އޮތީ ހޭލާތަ އެއިރު.. ” ޔާސިރުއަށް އަހާލެވުނީ ހަމައެކަނި އެހެންނެވެ. “އަހަރެންނަށް އެވަގުތު މީހަކު އުޅޭހެން ހީވެގެން ހޭލެވުނީ.. ” “އެހެންތަ.. އެވަގުތު ބޭބެ އެކޮޓަރިއަށްވަނީ ގޯސްނިޔަތަކުނޫން.. ލޫޔާއަކީ ވެސް ބޭބެގެ ދަރިއަކުފަދައިން ނަސްރީނާއާއި އިންފަހުން ދެކެމުން އައިކުއްޖެއް.. އެކަމަކު އެކުއްޖާގެ މޫނުފެންނަ ކޮންމެ ވަގުތަކު އަހަންނަށް ސިފަވަނީ އަހަރެންގެ ބައްޕަ.. ހާދަ ވައްތަރޭ.. އުޅެ އުޅެ އަހަންނަށް ނަސްރީނާ ކުރިން އިންމީހާގެ ފޮޓޮއެއްއާ ހިސާބުވެސް ނުފެނުން.. އެހެންވެ އެއީ ކާކުކަންވެސް ނޭންގެ.. އަހަރެންގެ ބައްޕައަށް އަހަންނަށް ނުދެވުން ލޯބި އަހަރެންގެ އެދަރިއަށް ދޭން ބޭނުން.. ” އެހެންބުނި އިރު ޔާސިރުގެ ލޮލުން ކަރުނަ ފާއްދާލައިފިއެވެ.

“ތީގެ މާނައަކީ ލޫޔާގެ ބައްޕައާ ބޭބެއާ ގުޅުމެއް އޮވޭތަ.. ” ފަރޫން އަހާލިއެވެ. ” އާން އެެެން ވަރަށް ހީވޭ.. އެކަމަކު ޔަގީން ވާނީ ނަސްރީނާގެ އެހީތެރިކަންވެސް ލިބިގެން.. އެއީ މާޒީގަ ހިނގާފައިވާ ހާދިސާއެއްގެ ސަބަބުން މިހާ ޔަގީންކަމާއެކު ބޭބެއަށް މިހެން ބުނަން މިއިނގެނީ.. ” ” އެއަނެއްކާ ކޮން ހާދިސާއެއް ބައްޕާ.. ” ޔާސިރުގެ ވާހަކަ އަޑުއަހަން އިން އަލޫކް ކެތްތެރިކަން ކުޑަވެފައި އަހާލިއެވެ. ” ދަރިފުޅާ މިބައްޕަގެ ހުރޭ ބޭބެއެއް އެކަމަކު މިވީހާތަނަށް ބައްޕައަށް ނޭންގެ އެބޭބެ ވީތަނެއް.. ބައްޕަ ނަސްރީނާއާއި އިނދެގެން އެގެއަށް މިބަދަލްވީވެސް ބައްޕައަށް ހީވަނީ ހައްތަހާވެސް ބޭބެއަންނާނޭ، އަންނަދުވަހަކުން ބޭބެއަށް އެގެދޭން.. ހަގީގަތުގަ ބައްޕަގެ ވިޔަފާރީގެ ދެބައިކޮޅައެއްބައި އެބޭބެއަށް ވެސް ހަމަ ހައްގުވާނެ.. ވަރަށް ދެރަވޭ ބޭބެ ނުފެނުނީމަ.. އެހާވަރުން ލޫޔާގެ ބައްޕަ މިހޯދަނީވެސް ލޫޔާގެ ބައްޕަގެ ނަމަކީ އަހަރެންގެ ބޭބެގެ ނަންކަމުގައިވާތީ.. އެއީ ޢާދިލަ ހުސެއިން .. ބައްޕަ އަށް މިކަމުގަ ތިދެކުދިންގެ އެހީތެރިކަން ލިބޭނެތަ.. ” ކަރުނަފުހެލުމާއެކު ޔާސިރު އަހާލިއެވެ. އެއާއެކު އަލޫކް އާއި ފަރޫން އެކީގަހެން ބޯޖަހާލީ އެކަމަށް ވެވެން އޮތް މިންވަރަކުން އެހީތެރިކަން ދޭނެކަމުގައި ބުނަމުންނެވެ.

އާ ކައިވެނީގެ ދުވަހު އަލޫކް އޮފީހަށް ނުދިޔަނަމަވެސް ޗުއްޓީ ނަގާކަށް އޭނަގެ ހިޔާލުގައި ނެތެވެ. ފެކަލްޓީގެ ކިޔެވުން އެއްހަފްތާއަށް ބަންދުވެފައި އޮތުމުން ފަރޫންއާދެމީހުން އޮފީސްގަޑި ނިންމާލާފައި ހާޖީބެ ކައިރިއަށް ދިޔައީ ވަރަށް އުންމީދާއެކު ޔާސިރު އެދުނު އެދުމުގެ މަތީން ލޫޔާގެ ބައްޕަގެ މައުލޫމާތު ހޯދުމަށް އެހީތެރިކަމެއް ހާޖީބެގެ ފަރާތުން ލިބޭތޯއެވެ. ދެމީހުންއެކީގައި ކާރުގައިގޮސް މަޑުކޮށްލުމާއެކު އެތަނުން އެގޯޅިގަނޑުން ނިކުތް އިބާފެނުމާއެކު ދެމީހުން އެކީގަހެން އެކަކު އަނެކެއްގެ މޫނަށް ބަލާލިއެވެ.

އިބާ ގޮސް ލޯމަތިން ގެއްލުމާއެކު އަލޫކްއާއި ފަރޫން ކާރުން ފައިބައިގެން ގޮސް އެހަނީ ގޯޅިގަނޑުން އެތެރެއަށްވަދެ ހާޖީބެ އުޅޭ ކޮޓަރީގައި ޓަކިޖަހާލިއެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.