Skip to content
އެސްފިޔަ

އައިރީން…(4)

“ސޮރީ ގަބޫލު ކުރާނީ ޝަރުތެއްގެ މަތިން..” ލީވާން އެހުރި ގޮތަށް ހުރެ ބުނެލިއެވެ.”އައިރީނަށް ދެލޯ ބޮޑުކޮށްފައި ބަލައިލެވުނީ ކުއްލިއަކަށެވެ.”އަނެއްކާ މިމީހާގަނޑު އަހަރެންް ލައްވާ ކީއްކުރަން ހިތުލައިގެން އެހުރީ؟؟” އައިރީން ހިތާހިތުން ބުނެލިއެވެ.

“ލުކް މިސްޓާ…އަހަރެން މިތަނަށް މިއައީ ތިމީހާގެ ޝަރުތުތައް އަޑުއަހާ އެކަން ކޮށްދޭކަށް ނޫން…މާޢަފް ކުރުމާ ނުކުރުމާ އެއީ ތިމީހާގެ ކަމެއް…އަހަރެން ކޮންމެހެން ސޮރީ ބުނީވެސް ތިމީހާގެ ރަނގަޅު ކަމަކުން އެހެންނޫނީ ރީތި ކަމުންނާ މުއްސަނދި ކަމަކުންވެސް ނޫން…އެރޭ އަހަންނަށް ކަންތައް ކުރެވުނީ ރަނގަޅަށް ނޫންކަން އަހަންނަށް ވިސްނުނީމަ….ސޯ ވެދާ ޔޫ ފޮގިވް މީ އޯ ނޮޓް އިޓްސް ނޮޓް މައި ޕްރޮބްލަމް..އަދި ހިތަށް ނާރުވައްޗެ އެހެން އަންހެން ކުދިންހެން އަހަރެންވެސް ތިމީހާގެ ކޮންމެ ބަހަކަށް އާއެނކޭ ބުނެގެން އުޅޭނެއޭ….ނޯ ވޭ….މި އައިރީން މުޙައްމަދެެއް ތިކަހަލަ ފިރިހެނުން ތަޅާހާ ބެރަކަށް ނުނަށާނަން!!!” އައިރީން އެއްނޭވާ މަތިން އިއްވާލި ބަސްތަކުން ލީވާން ހުރީ ބުނާނެ އެއްޗެއްވެސް ނޭނގިފައެވެ.

އެހެން ނުވާންވީ ކީއްވެ ހެއްޔެވެ.އޭނަ މުޅި ހަޔާތުގައި ވެސް އަންހެން ކުއްޖެއްގެ ފަރާތުން އެފަދަ ބަސްތަކެއް އިވުނު މީ ފުރަތަމަ ފަހަރެވެ.ހައްތަހާ ވެސް ފެންނަނީ އޭނަގެ ރީތިކަމަށް ފިދާވެ އޭނަގެ އެންމެ އިޝާރާތަކަށް އިންތިޒާރުގެ ވަގުތު ގުނަމުންދާ އަންހެން ކުދިންނެވެ.އެހެން ކަމުން މިއަދު އައިރީންގެ ބަސްތަކުން އޭނަ ހައިރާން ނުވާނީ ކީއްވެ ހެއްޔެވެ.

ހުއްޓުން އަރާފައި ހުރި ލީވާން ހޭ ވެރިކަންވީ އައިރީންދާން ހިނގައިގަންނަން އުޅުމުންނެވެ.އަދި ހަމަ އެއާއެކު އައިރީނަށް ނުދެވޭނެހެން ދެފަރާތުން ފާރުގައި އަތް ވިއްދާ އެދޭތެރޭގައި އައިރީން ގައިދު ކޮއްލިއެވެ.”އަހަރެން މިއުޅެނީ އައިރީން ލައްވާ ގޯސްކަމެއް ކުރުވާކަށް ނޫނޭ….އަހަރެންނަށްވެސް އިނގޭ ތިކުއްޖާ އަކީ ފިރިހެނެއްގެ ރީތި ކަމަށް ހެއްލޭ ވަރުގެ ކުއްޖެނޫންކަން…އެންމެ ފުރަތަމަ ދުވަހުވެސް އެކަން ވަރަށް ރަނގަޅަށް ސާބިތު ކޮށްދީފި…” ލީވާންގެ ބަސްތަކުން މިފަހަރު ހުއްޓުން އެރީ އައިރީނެވެ.

އައިރީން އެހުރި ގޮތަށް ހުއްޓާ ދެންވެސް ވާހަކަ ދެއްކީ ލީވާނެވެ.”އަހަރެން ބޭނުންވީ އަހަރެންގެ ޕާރސަނަލް ސެކެޓްރީގެ މަގާމް އައިރީނަށް ދޭން…އެ ދުވަހު އައިރީނަށް އިންޓަރވިއު ދޫކޮށް ދާން ޖެހުނީ އަހަރެންގެ ސަބަބުން ކަން އަހަންނަށް ގަބޫލު ކުރެވޭ….އެންޑް މިހާރު އެމަގާމުގަ ހުރި ކުއްޖާ ރިސައިން ވާތީ އެހެން މީހެއް ބޭނުންވީ…އައިރީން ޖޮބަށް އެޕްލައި ކުރިއިރު އައިރީން ހުށައަަޅާފަ ހުރި ސެޓްފިކެޓް ތަކުންވެސް އިނގޭ އައިރީންގެ ގާބިލްކަން އެބަ ހުރިކަން…ސޯ ކީކޭ ބުނަނީ…ގަބޫލުތަ؟؟”

ލީވާން ދެއްކި ވާހަކަ ގަބޫލު ކުރަން ދަތި ވެފައި އައިރީނަށް ހުރެވުނީ ލީވާންގެ ސިހުރެއް ފަދަ އެ ރީތި ދެލޮލަށް ގެއްލިފައެވެ. އެހެންހުއްޓާ އައިރީނަށް ތެޅިގަނެވުނީ ލީވާން ކަރުކެހިލި އަޑަށަވެ. ހީވީ ވައްކަމެއް ކޮއްގެން ފަޅާއެރި ހެންނެވެ. އަދި ވަގުތުން އިސްޖަހާލެވުނެވެ. އޭނައަށް ލީވާންއާ ދޭތެރޭ ހީކުރެވުނީ މުޅިން ގޯސްކޮށް ކަމުން އޭނާ ލަދުވެސް ގަތެވެ.

“އަހަރެން ވިސްނާލާނަން..”އައިރީން އެއިން ގޮތަށް އިސްދަށަށް ޖަހާލައިގެން ހުރެ ބުނެލިއެވެ.”ވިސްނާލާފަ މާދަމައިން ފެށިގެން ހަމަ ޖޮއިން ކުރަންވީ…” ލީވާން ހިނިތުންވެފައި ބުނި ގޮތުން އައިރީނަށް އިތުރު ހައިރާން ކަމެއް ލިބުނެވެ.ލީވާނަށް އައިރީނާއި ދުރަށް ޖެހެން ހަނދާންވީ ވެސް އައިރީން އޭނާގެ މޭމަތީ އަތް އަޅާ މަޑުން ދުރަށް ޖައްސާލުމުންނެވެ.

އެއާއެކު ލީވާން އައިރީން ދާން ތަންދެއްކުމުން އައިރީން މަޑުކުރުމެއް ނެތި ދާން ހިނގައިގަތެވެ.އައިރީން ދިޔަ މަންޒަރު ބަލަން ލީވާނަށް ހުރެވުނީ އާޝޯހު ވެފައެވެ.އެވަގުތު އައިރީން އޭނާއަށް ޖެއްސީ ކޮންފަދަ ސިހުރެއްބާއޭ ވެސް އޭނަ ހިތައް އެރިއެވެ. ލީވާން ލުއި ހިނިތުންވުމަކާއި އެކު މަޑު މަޑުން ބޯ ކަހާލުމަށް ފަހު އޭނަ ނިންމަން ޖެހޭ ޕްރެސެންޓޭޝަންގެ މަސައްކަތް ނިންމުމުގައި ވަގުތު ހޭދަ ކުރަން ފެށިއެވެ.

ކެބިންއިން ނުކުމެގެން ދިޔަ އައިރީން ސިހުނީ މީހެއްގައިގާ ޖެހި އޭނަ ވެއްޓެން ދިއުމުންނެވެ.ނަމަވެސް އެމީހަކު ހުޝިޔާރު ކަމާއެކު އައިރީން ވެއްޓުނަ ނުދީ ހިފެހެއްޓިއެވެ. އެއް އަތުން އައިރީންގެ ކަނާތު އަތުގެ މުލައްދަނޑީގައި ހިފާލެވިފާވާއިރު އަނެއް އަތް އޮތީ އޭނަގެ އުނަގަނޑުގައި ވަށާލެވިފައެވެ.އައިރީން މެރިފައިވާ ދެލޯ ހުޅުވާލުމުން އެމީހަކު ބަލަން ހުރި ގޮތް ފެނުމުން ދެބުމަ ގޮށްޖެހުނެވެ.

ވަގުތުން އައިރީން ދެފައިމައްޗަށް ތެދުވެ އޭނަގެ ހަށިގަނޑު އެމީހެއްގެ އަތް ދަށުން މިނިވަން ކޮއްލިއެވެ.”ހައި…އައިމް ޝިމާއު..” ސަލާމަށް އަތް ދިއްކޮލަމުން ޝިމާއު އެހެން ބުނެލުމުން އައިރީން ބަލައިލީ ފޫހި ވައްތަރަކަށެވެ. އޭރުވެސް ޝިމާއުގެ ދަހިވެތި ނަޒަރު އަމާޒު ވެފައިވަނީ އައިރީންގެ ބައްޓަން ރީތި އަންހެންވަންތަ ހަށިގަނޑަށެވެ.

އައިރީން ޝިމާއުއާ ދިމާލަށް ބަލައިވެސް ނުލާ އޮފީހުން ނުކުމެގެން ދިޔައެވެ.އަތް ދިކޮއްލި ގޮތަށް ހުއްޓުން އަރާފައި ހުރި ޝިމާއު ހިތުގައި އައިރީންގެ ރީތި ސޫރަ ކުރެހިގެން ދިޔައެވެ.ކޮންމެހެން ހަދާފައި ވިއަސް އައިރީން އޭނަގެ ހައްޤަކަށް ހަދަން އޭނާ އަމިއްލަ ނަފްސަށް ވަޢުދުވިއެވެ. އޭނައަކީ އަދިއަދަށް ދާންދެންވެސް އޭނަ ބޭނުންވި ކޮންމެ އެއްޗެއް ހާޞިލްކޮށްފައި ނޫނީ ދޫކުރާ މީހެއް ނޫނެވެ.އޭނައަށް އަންހެނުންނަކީ ކުޅޭކުޅޭ ބުދުތަކެކެވެ.

ނަޢީމާގެ އަތުގައި އަލްބަމެއް އޮތްއިރު އޭނާގެ ލޮލުގައި ކަރުނައިގެ އަސަރު ފާޅުވާން ހުއްޓެވެ. ލޯބިވާ ފިރިމީހާގެ ފޮޓޯގައި ފިރުމާލި އިރު އެތުންފަތުގައި ހިނިތުންވުމެއް ވީނަމަވެސް މޫނު މަތިން ފެންނަނީ ހިތްދަތިކަމެވެ. ނަޢީމާއަށް އޭނަގެ ހިތި މާޒީ ހަދާންވާ ކޮންމެ ފަހަރަކުވެސް ވަނީ މިވަރެވެ.އަމިއްލަ ނަފްސު ކުށްވެރި ކޮށްކޮށް އެފަކީރު ދަނީ ފުންމިން ނޭގޭ ހިތައިމާގެ ކަނޑަށް ގެބެމުންނެވެ.

ކޮޓަރިއަށް ވަދެގެންއައި އައިރީނަށް ނަޢީމާ ކަރުނަ ފޮހެލިތަން ވަރަށް ސާފުކޮށް ފެނުނެވެ.އަދި އޭނަ މަންމަ ބާލީސް ދަށަށް އެއްޗެއްލިތަން ވެސް ފެނުނެވެ.މިއީ ކޮންމެ ދުވަހަކު ކަހަަލަ ގޮތަކަށް އައިރީނަށް ފެންނަ މަންޒަރެއް ނަމަވެސް ސުވާލެއް ނުކޮށް ހުންނަނީ ނަޢީމާ އަމިއްލައަށް އޭނައަށް ހުރިހާ އެއްޗެއް ކިޔައިދޭތޯއެވެ.ނަމަވެސް މިއަދު ކޮންމެހެންނެއް ހަދާފަވިއަސް އައިރީން ނަޢީމާގެ މާޒީ ކޮންނަން ހިތުލިއެވެ.

“މޮމް ބޭސް ކެއީތަ؟؟” އައިރީން އާދައިގެ ގޮތަކަށް އަހާލިއެވެ. ނަޢީމާ ހިނިތުންވެފައި ބޯޖަހާލި ނަމަވެސް އެމޫނު މަތިން އައިރީނަށް ފެނުނީ މޮޅިވެރިމެވެ.އައިރީން ހިތަށްހީވީ މީހަކު ތޫނު ޙަންޖަރެއް ހަރާލިހެންނެވެ.އެހާވެސް އެ ބަލައިލުމުގައި ވީ އަސަރު ގަދައެވެ. ހިތްވަރު ކޮށްފައި އައިރީން ވާހަކަ ދައްކަން ފެށިއެވެ.”މޮމް ދޮގު ނުހަދާ ބުނެބަ..ރީން އަށް އެއްވެސް އެއްޗެއް ސިއްރު ކުރަންތަ އެބަ؟؟”

އެހިނދު ނަޢީމާގެ ހިތުގެ ކަނަކުން އޭނަގެ ފަސްއަޅާ ފޮރުވާލެވިފައިވާ ކަޅު މާޒީ ކޮނެގެން ނަގަން ޖެހޭ ވަގުތު އައީ ކަމުގެ ސިގްނަލް ލިބިގެން ދިޔައެވެ.ވަރަށް ހިތްވަރު ކޮށްފައި އޭނާގެ މާޒީގެ ފަތްފުއްތައް އައިރީން ކުރިމަތީ ހުޅުވާލިއެވެ.

***********************************************

“އަހަރެންނަކީ އޭރުގެ ނަންމަޝްހޫރު ހިތުގެ ޑޮކްޓަރެއް ކަމަށްވާ އަހުމަދު އާކިފްގެ ހުރި ހަމަ އެކަނި ދަރިއެވެ.އަދި ހަމައެހެންމެ އަހަރެންގެ މަންމަ ތާނިޔާ އަކީވެސް ކާމިޔާބު ވަކީލެކެވެ.އަހަރެން އުޅެ ބޮޑުވީ ގަނޑުވަރެއް ފަދަ މެހެލްގަ އަރާމާއި ލައްޒަތުގައެވެ.އަހަރެންނަށް އެންމެ އެއްޗެއްވެސް އުނިނުވާނެހެން މަންމަ އާއި ބައްޕަ އަހަރެން ގެންގުޅުނީ އިންތިހާއަށް ލޯބިދީގެންނެވެ.

އަހުމަދިއްޔާ ސުކޫލުން އޯ ލެވެލް ނިންމާފައި އިތުރަށް ކިޔަވަން އަހަރެން ބޭނުންވީ ރާއްޖެއިން ބޭރުންނެވެ.އެހެން ކަމުން އެއްވެސް ޝަކުވާއެއް ނެތި އެދެމަފިރިންވެސް ދިރިއުޅުން މެލޭޝިޔާއަށް ބަދަލުކުރީ ބައްޕަގެ ގެއެއް އެތާގައި އޮތުމާއި އެކުވެސްމެއެވެ.

ކޮލެޖްގެ އެންމެ ފުރަތަމަ ދުވަސް ކަމުން އަހަރެން ހުރީ ވަރަށް ހާސްވެފައެވެ. ބައްޕަ އޮފީހަށް ދަމުން އަހަރެން ލާފައި ދާން އުޅުމުންވެސް އަހަރެން އެއްބަސް ނުވީ ބައްޕައާއި އެއްކޮށް ގޮސްގެން އެންމެންގެ ސަމާލުކަން އަހަރެންނަށް ހުއްޓެން ބޭނުން ނުވާތީއެވެ.މަންމަވެސް މެއެވެ.”އަޅުގަނޑުގެެ މޮމް އެންޑް ޑޭޑް ދެން އެހާ ފޭމަސްވީމަ އެންމެންގެ ސަމާލުކަން ލިބޭނެއެއްނު…”ލާނެތް ފާޑަކަށް އަހަރެން އިއްވާލި ބަސްތަކުން ބައްޕަ އަދި މަންމަ ވެސް ހިނިތުން ވެލިއެވެ.

ހެދުނުގެ ނާސްތާ ނިންމާލުމަށްފަހު އަހަރެން ދަބަސް ހިފައިން ދާން ނުކުތީމެވެ. ލައިސެންސް ކަންތައް ހަމަޖެހިފައި ނެތުނުމުން އަހަރެން ދާންޖެހުނީ ހިނގާފައެވެ. ވާރޭވެހި މަގުތަކުގައި ފެން ހެދިފައި އޮތުމުގެ ސަބަބުން ފެންގަނޑަކަށް އެރިދާނެތީ އަހަރެން ދިޔައީ ވަރަށް ބަލައިންނެވެ.

އެހެން ނަމަވެސް އަހަރެންގެ މަސައްކަތް ފެނަށް ވެގެން ދިޔައީ އަހަރެން ކައިރިންލައިފާ ބާރު ދުވެއްޔެގައި ދުއްވާފައިދިޔަ ކަޅުކާރުގެ ސަބަބުންނެވެ. ދުއްވާފައި ދިޔަލެއް ބާރުަކަމުން ކައިރީގައި އޮތް ފެންގަނޑުގެ ޝިކާރައަކަށްވީ އަހަރެންނެވެ. ނަތީޖާއެއްގެ ގޮތުން އަހަރެން ލައިގެން ހުރި މެކްސީ ހެދުމަށާއި ގަޔަށް އެއްކޮށް ފެންބުރައިގެން ގޮސް މީހާއެއްކޮށް ތެމިފޯވިއެވެ.

ކާރުގައި ތިން ފިރިހެން ކުދިން ތިބިއިރު އޭގެން ދެމީހުން އަހަރެންނާ ދިމާކޮށް ހީހެދިއެވެ. ނަމަވެސް ކާރު ދުއްވަންއިން ޒުވާނާ އަހަރެންނާ ދިމާލަށް ބަލައިވެސް ނުލިއެވެ. އަހަރެން ގާތަށް އައި ރުޅި ޙުދު އަހަރެންނަށްވެސް ބުނެދޭކަށް ނޭގުނެވެ.އަހަރެން ފަސް އެނބުރި ބަލައިލީ މީހަކު އަހަރެންނާ ވަހަކަ ދެއްކިހެން ހީވުމުންނެވެ.

“މިއަހަރު އަލަށް ދޯ މި ކޮލެޖަށް ޖޮއިން ކުރީ…ހައި އަހަރެންނަށް ކިޔަނީ ސަމީރާ…”ސަލާމަށް އަތްދިކޮލަމުން ހިތޮހެޔޮ ކަމާއެކު ސަމީރާ ބުނުމުން އަހަރެންވެސް ރައްދުގައި ބޯޖަހާލާ ތަޢާރަފް ވެލީމެވެ. އަދި ދެންމެ ކަންހިނގައި ދިޔަ ގޮތްވެސް ކިޔައިދިނެވެ.”އަޅާނުލާ… ފެންނަ ކޮންމެ އަންހެން ކުއްޖަކާ ބެހި ފޮށުމަކީ އެމީހުންގެ އާދައެއް…” ސަމީރާ ފޫހި ގޮތަކަށް ބުނެލުމުން އަހަރެންވެސް އިތުރަށް އެމީހުންގެ ވާހަކައެއް ނުދައްކަމެވެ.

އަހަރެން ކޮލެޖަށް ދިޔައީ ސަމީރާގެ އެދުމުގެ މަތިން އެނާގެ ގެއަށް ގޮސް އެއްޗިހި ބަދަލު ކޮށްގެންނެވެ.އަހަރެންގެ ނަސީބު ދިމާކުރިގޮތުން ސަމީރާއާއި އަހަރެން ޖެހުނީ އެއްކުލާހެއްގައެވެ. ނަމަވެސް އަހަރެން ހައިރާންވީ މިއަދު ކާރު ދުއްވަން އިން ޒުވާނާވެސް އަހަރެން ހުރި ކްލާހަށް ވަނުމުންނެވެ.

އަހަރެން ހީކުރީ އޭނަ އަހަރެން ކިބައިން މަޢާފް އެދޭނެ ކަމަށެވެ.ނަމަވެސް އަހަރެންނަށް ކިރެވުނީ ކުށްހީއެއްކަން ޔަގީންވީ އޭނަ އަހަރެންނާ ދިމާލަށް ބަލައިލަވެސް ނުލުމުންނެވެ. އަހަރެން އެކަން މާބޮޑު ނުކޮށް ފިލާވަޅަށް ސަމާލުކަން ދިނީމެވެ.

ބްރޭކް ގަޑި ޖެހުމުން ސަމީރާއާއި އެކު އަހަރެން މިސްރާބުޖެހީ ކެންޓީނާއި ދިމާލަށެވެ. ބޭނުންވާ އެއްޗިހި ތައްޓަކަށް އަޅާލުމަށްފަހު ކަނެއްގައި ހުސްކޮށް ހުރި މޭޒާ ދިމާލަށް އަހަރެން ހިނގައިގަތީމެވެ.ހަމައެވަގުތު އަހަރެން ފައިދަށުގައި އޮތް އެއްޗެއްގައި އަޅައިގަނެގެން އަހަރެން ނުވެއްޓުނީ ހަމަ ކިރިޔާއެވެ.

–ނުނިމޭ–

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (36)

  1. tara

    nice part. can’t wait for the next update 🙂

    1. kiaara
      tara

      Thank you tara..

  2. Azuna

    Nice butHàdha kurey?

    1. kiaara
      Azuna

      Thank you …but I want to say that mi baii kuryga up kohfa huri baithakahh vure dhigu vaane..and kuriahh oiithaaga miah vure dhigu vaane…m really sorry to disappointe yuh guyx… 🙁

  3. sem

    Wow v nice mi part waiting for next part

    1. kiaara
      sem

      Thank you . . 🙂

  4. Afoo

    Nice..bt thankolheh dhigukoh genex dhehchey next part..

    1. kiaara
      Afoo

      Thank you . . 🙂 yea…i will insha allah… 🙂

  5. Naana

    Vrh rythi mi part vx…ekm maa kury…wiating 4 the nxt part……

    1. kiaara
      Naana

      Thank you . . 🙂

  6. song joong ki..KOREAN

    v reethi. thankolheh dhigukoh genesdheynama v furihama vaane

    1. kiaara
      song joong ki..KOREAN

      Thank you dear. . 🙂 yea…i will insha allah… 🙂

  7. sam♥

    nice♥

    1. kiaara
      sam♥

      Thank you dear. . 🙂

  8. sheen

    nice story waiting for the next part…

    1. kiaara
      sheen

      Thnxx.. 🙂

  9. Shaain

    Haadha kurey. Me dhen vaahakatha thi liyany

    1. kiaara
      Shaain

      Thnq 4 Reading … 🙂

  10. Hish?

    Salhi ekam thankolheh kuree

    1. kiaara
      Hish?

      Thank you..?

  11. Adha?

    Varah reethi mi part ves.. waiting for next part ?❣

    1. kiaara
      Adha?

      Thank you adha….?

  12. Tutee ?

    Awlhey vrh rythi ingey ??.. Varah kiyaa hithun hutta e nimuny … Awahah up kurahchey ?

    1. kiaara
      Tutee ?

      Hehehe…thank you…??

  13. magey hiyaalu

    mi vaahakaiga furathama mi dhemeehun badhdhaluvaa goiy e ee hindi film isqga juhie aa amir badhdhaluvaa goiy…same to same…copy kuri iruves haadha baa echche key thi copy kureem..meehunah neygeyne kamah kanneyge thankolheh kureege filmakun manzaru mi copy kuree

    1. kiaara
      magey hiyaalu

      Rangalhah thibuny…e film ge thankolheh eii…but same to same ehh nuvaane…ehves haalehga meehakahh olhuvaalakahh noon e manzaru story ahh lee…and thank you vr bodahh hiyaalu faalhukohly thy….kiaa ekanyehh noon kanneyge film thakuge scene story ahh lany….but anyways…e scene ehn huhtas ehn baithah eii hama kiaa amihla ahh liyefa….?

  14. maroon

    V reethi mi partves… btw i love ur name.. ??

    1. kiaara
      maroon

      Awwwwnn…???
      Thank yuh maroon…?
      Your name vxx vr lwbi…?
      My fav color…?

  15. Shaima

    When next part??????

    1. kiaara
      Shaima

      Maadhan up kurevey thoa mibalany…?

  16. gud girl

    ރީތި

    1. kiaara
      gud girl

      Thank you…

  17. ayya

    kiyaa kiyaaa kiyaaaa…. kobaatha vaahaka. plxxxx up kohbala dhen.

    1. kiaara
      ayya

      Mirey insha allah up khla dheynan….thank you thihaa kiyaa hithun huryma…

  18. no name

    plxxxxx

  19. Ayya

    Mirey ves faathu vegen dhiyaee kobaa story??? Kiyaa

Comments are closed.