Skip to content
އެސްފިޔަ

ލޯބި އަހަރެން ވާނަމޭ (3)

ކޮޓަރިއަށްވަތް އަފްހަމް ހުރީ މަޑު ރާގެއް އަޅުވާލައިފައެވެ. އެނދުމަތީގައި އޭނާގެ ހަރަކާތްތައް ބަލަން އަފްރީން އިންކަންވެސް އޭނާއަށް ރޭކާއެއްނުލިއެވެ. ދެފައިވަށްކޮށްލައިގެން އެނދަށްއަރާއިން އަފްރީންއީނީ އަފްހަމް އުޅޭގޮތުން އަނގަހުޅުވިފައެވެ. އޭނައަށް ދެތިން ފަހަރަކު އިނގިލީގައި ދަތްވެސް އެޅިއްޖެވެ. އަފްހަމް ދިޔަގޮތަށް ގޮސް އޭނާގެ ކުލޯސެޓައަށް ވަނީ ލާންކަމުދާ ކަހަލަ ގަމީހެއް ހޯދުމަށެވެ. އެކަމަކު އެހާގިނަ ގަމީހާ ޓީޝާޓު ހުރިއިރުވެސް އޭނާއަށް ކަމުދާއެކައްޗެއް ފެނުނުކަމަކަށް ނުވިއެވެ. “ދޮންބޭ” އަފްހަމް ސިއްސައިގެން ދިޔައީ ކައިރީ ހުރެ އަފްރީން ވަރަށް ބާރަށް އޭނައަށް ގޮވާލުމުންނެވެ. ކަންފަތްމަތީ އަތްއެޅީވެސް އެހެންވެގެންނެވެ. “ކޮންތާކު ރޯވެގެންތަ ތިހާ ބާރަށް ތިގޮވާލީ” “ގޮވާނުލެވޭވަރެއްތަ ކިހިނެއްތަ ތި އުޅެނީ އަފޫ ކޮޓަރީގައި އިންއިރުވެސް ނޭނގުނު… އަމިއްލަ ދުނިޔެއަށް ގެއްލިފަ” “އަފޫ މިކޮޓަރީގަތަ މިއޮތްހާއިރު ތިއިނީ؟” އަފްރީން ނިތްކުރީގައި އަމިއްލައަތުން ޖަހާލާފައި ކޮޓަރިން ނިކުންނަން ދަނިކޮށް އަފްހަމް އަފްރީންގެ އަތުގައި ހިފާ ހުއްޓުވިއެވެ. “ސޮރީއޭ” “ގުޑް ނިއުސްއެއް އެބައޮތް” އަފްހަމް ބުނަން އުޅޭވާހަކަ ކޮންމެވެސް ވަރަކަށް ފަހުމްވީ ނަމަވެސް އެއްޗެކޭ ނުބުނީ އަދި އޭގެ ފަހުން ލިއުޝާއާއިވެސް ވާހަކަ ނުދެއްކޭތީއެވެ. “ގެސް ވަޓް” “ދެން ބުނެބަލަ އައި ކާންޓް ވެއިޓް ޓު ހިއާރ” “އުޝް ސެއިޑް ޔެސް” އަފްރީން ޔޭއޭ ކިޔާހަޅޭއްލަވައި ގެންފައި އަފްހަމް ގައިގައި ބައްދާލާފައި ކޮންގުރާއޭ ބުނެލިއެވެ. އަފްރީން އުޅެމުން ދިޔަގޮތުން ހީވަނީ އޭނާ އަފްހަމްއަށްވުރެވެސް އުފާވެފައި ހުރިހެނެވެ. “އައި އޭމް އިން އަ ރިލޭޝަން ބަޓް ލުކުސް ލައިކް ޔޫ އާރ އިން އިޓް” އަފްހަމް ހައިރާންވެފައި އެހެންބުނުމުން އަފްރީން  ހޭން ފެށިއެވެ. “ދެން ބުނެބަލަ ކޮންތާކަށްދާންވެގެންތަ ކުލޯސެޓް ތިހާވަނީ؟”  “އެއީ މާން ކައިރިއަށް ދާންވެގެން” ” ނޭނގޭނު އުޅުނު ގޮތުން ހީވީ ފަސްޓް ޑޭޓަށް ދާން އުޅުނުހެން ވިއްޔާ” އަފްރީން އަފްހަމްގެ ޓީޝާޓުތަށް ބަލާލަމުން ބުންޏެވެ. “ދެން މިރެއަކު ނޫން” އަފްހަމް ކަބަޑުގައި ލެގިލަމުން އަފްރީންއަށް ނަޒަރު ހުއްޓައިލައިގެން ހުރެ ބުންޏެވެ. އަފްރީން ހޯދަހޯދާފައި އަޅިކުލައިގެ އަތްދިގު ޓީޝާޓަކާއި ކަޅުކުލައިގެ ޖިންސެއްނަގާ އަފްހަމްގެ އަތަށްލައި ދިނެވެ. “ދެންދޭ ތި ކުރާކަމެއް ކުރަން” އަފްހަމް އަފްރީންގެ ކޮލުގައި ހިފާލާފައި ގޮސްވަނީ ފާހަނައަށެވެ.

ބަނދަރުމަތީ އަނދިރި ހިސާބަކު ސައިކަލު މަތީ އިށީނދެ އިން އަމާން ވަނީ ފުންހިޔާލެއްގެ ތެރެއަށް ގެބިފައެވެ. ދުލުން ހާމަނުކުރި ކަމުގައި ވިޔަސް އެ ލޮލުގައިވާ ވޭން އެއްވެސް މީހަކަށް ސިއްރެއް ނުވާނެވެ.

އެއީ މީގެ 8 އަހަރު ކުރިއެވެ. އަމާންގެ މައިންބަފައިން އޭނަ މާލެ ބަދަލުކުރީ ހުރި ހަމައެކަނި ދަރިފުޅަށް ރަގަނޅަށް ކިޔަވާދިނުމުގެ ބޭނުމުގައެވެ. މައިންބަފައިންނާއި ވަކިން އުޅެންޖެހޭތީ އަމާން ހުރީ ވަރަށް ދެރަވެފައެވެ. ނަމަވެސް ރަނގަޅަށް ކިޔެވެން އޮތީ ދުރުގައި ހުރެގެންކަން އަމާންއަށް ވެސް އެނގެއެވެ. އަމާން ހުރީ އޭނާގެ މަންމަގެ ރައްޓެއްސެއްގެ ގޭގައެވެ. އެއީ ވަރަށް ހިތްހެޔޮ ބައެއްކަމުން އަމާންއާއި މުހާތަބު ކުރަނީވެސް “ދަރިފުޅު” ކިޔާފައެވެ. އަމާންއަށް މަންމަމެންނާ ދުރުގައި އުޅެން  ފަސޭހަވީ  އެމީހުންގެ ހިތްހެޔޮކަމާއި ރަނގަޅުކަމުންނެވެ. ފުރަތަމަ ސުކޫލަށްދިޔަ ދުވަހު ޒުބޭދާދައްތަ އޭނަ ލާން ސުކޫލުދޮށަށްވެސް ދިޔައެވެ. ކުލާހަށްވަދެ އަމާން އިށީނނީ ދެވަނަބަރީގައެވެ. އޭރު އަދި ގިނަ ކުދިން ކުލާހަކަށް ނުވަދެއެވެ. ފުރަތަމަ ދުވަހު އެސެންބުލީ އޮއްނާނެތީ އޭނަ މަޑުކޮށްލައިގެން އިނީ ކުލާހަށް ކުދިންއައިސް ސަފު ހަދަންފަށާނެ އިރެއްގެ އިންތިޒާރުގައެވެ. އެހެންއިންދާ އޭނަގެ ލޮލުގައި އަޅައިގަތީ ދެ އަންހެންކުދިންގެ ދެމެދުގައި ވާހަކަ ދައްކަމުން ހެމުން އައި ޕަރީއެއްފަދަ އަންހެންކުއްޖަކަށެވެ. ފަތްމިނި ކުދިންވާހަކަ އަމާން އަޑު އަހައެވެ. ނަމަވެސް އެފަދަ ރިތިކަމެއް ލޮލުން ބަލާލުމުގެ ނަސީބު ލިބިދާނެކަމަށް އެނާއަށް ހުވަފެނުންވެސް ހީކުރެވިފައެއްނެތެވެ. ފިލްމުތަކުން އަމާންއަށްވަނީ ރީތިކުދިން ފެނިފައެވެ. ހުރިހާ ރީތިކަމެއް ހުސްކޮށްލައިގެން ހުރި މިއަންހެންކުއްޖާ ފެނުމުން އަމާން އިނީ ހަރަކާތެއްވެސް ކޮށްލަން ނޭނގިފައެވެ. އޭނާގެ ހިތްވެސް އަދަޔާ ހިލާފަށް ތެޅެންފެށީ އޭނައަށް ނުވެސް އެނގި ހުއްޓައެވެ. “އެކުސްކިޔުޒްމީ” އަމާން އޭނަގެ ނަޒަރު ތިރިކޮށްލީ އޭނާގެ ލޯކުރިމަތީ ހުރެ ފިރިހެން ކުއްޖަކު އަތްހޫރަން ފެށުމުންނެވެ. “ހިތް އަތުލައިފި ދޯ! އާދޭ ސަފުހަދަން” އަމާން ވަށައިގެން ހޯދާލިއިރު އެއަންހެން ކުއްޖާ ފެންނަންވެސް ނެތެވެ. އަމާން އެނާގެ ކުރިމަތީ ހުރި ފިރިހެންކުއްޖާގެ ފަހަތުން ގޮސް ސަފުގާ ހުއްޓުނެވެ. ފުރަތަމަ ދުވަސް ކަމުން އެސެންބުލީ ދިގުލައިގެން ދިޔައެވެ. ކުލާހަށް ގޮސް ގޮނޑީގައި އިށީނނިއިރު އަމާންގެ ފައިވެސް ހުރީ ވަރުބަލިވެފައެވެ. ދުވަސްތައް އެގޮތުގައި ހޭދަވަމުން ދިޔައެވެ. މިހާރު އަމާން އޭނަގެ ހިތުގައި ރަނިކަންކުރަމުންދާ ޕަރީ، ހަޔާއާއި ވާހަކަދައްކައެވެ. ނަމަވެސް އަދިވެސް އޭނާގެ ހިތުގެ ހާލުވަނީ ސިއްރު ކުރެވިފައެވެ. ދުވަސްތަށް ފާއިތުވަމުންގޮސް އަހަރުނިމި ސުކޫލުވެސް ބަންދުވެއްޖެއެވެ. އަމާންވެސް ރަނގަޅު ނަތީޖާއަކާއެކު އޯލެވެލް ނިންމާލީ އުފަލުންހުރެއެވެ. ދުވަހަކީ ހުރިހާ ކުދިން އެކުއްޖެއްގެ ރަށަށް ދިއުމުގެ ކުރިން ގެޓް ޓުގެދާއެއް ބޭއްވި ދުވަހެވެ. ހުރިހާކުދިން ރަސްފަންނަށް އެއްވެ މަޖަލާ އުފަލުގައި ވަގުތު ހޭދަކުރަމުން ދިޔައެވެ. ދޮންވެލިގަނޑުމަތީ އިށީނދެ އިން އަމާންގެ ނަޒަރު ހުއްޓިފަ ހުރީ އަންހެން ކުދިންނާ ސަކަރާތް ޖަހަމުން ދިޔަ ހަޔާއަށެވެ. ކުއްލިއަކަށް ކޮޅަށްތެދުވެ އޭނާ ހަޔާއަށް ގޮވާލިއިވެ. ހަޔާ ހައިރާންވެހުރެ އަމާންކައިރީ އައިސް ހުއްޓިލިއެވެ. އަމާން އެހެން ކުދިންނާ ދުރަށް ހިނގައިގަންނަމުން ވާހަކައެއް ބުނަން ބޭނުންވާ ވާހަކަ ބުންޏެވެ. ހަޔާވެސް އަމާންގެ ފަހަތުން ހިނގައިގަތީ އަމާން ދައްކަން އުޅޭ ވަހާކައެއް ނޭނގޭތީ ހިތްއަވަސް ވެފައި ހުރެއެވެ. އަމާން އެހެންކުދިންނާ ދުރަށް ދެވުމުން ހުއްޓިފައި އޭނާގެ ފަހަތުގައި ހުރި ހަޔާގެ މޫނަށް ބަލާލިއެވެ. “ވަރަށް ގިނަ ދުވަސް ވެއްޖެ މިވާހަކަ ބުނަން އުޅޭތާ އެކަމަކު ހަޔާ ހީކޮށްފާނެ އެއްޗަކާ ދޭތެރޭ ވިސްނާފަ ކޮންމެ ފަހަރަކުވެސް ފަސްޖެހެވެނީ.. އެކަމަކު ދެން އަހަންނަކަށް ކެތެއްނުވާނެ… އަހަރެންނަށް ހަޔާ ދެކެ ލޯބިވެވިއްޖެ… އެހެން އަންހެން ކުއްޖަކު ފެނުމުން ނުވާގޮތްތަށް ހަޔާ ފެނުމުން އަހަންނަށްވޭ.. އަހަރެން ހަޔާދެކެ ވަރަށް ލޯބިވޭ…. އަހަންނާ ރައްޓެހި ވެދާނަންތަ؟” އަމާން އޭނާގެ ވާހަކަ ފުރިހަމަ ކޮށްލާފައި ހަޔާއާއި ދިމާއަށް ބަލާލިއެވެ. އޭރު މުޅި މިހާ ހުރީ ފިނިވެފައެވެ. “ކޮންމެސް އެއްޗެއް ބުނެބަލަ؟” “އަހަންނަށް ވެސް އަމާން ވަރަށް ކަމުދޭ” އިސްޖަހައިގެން ހުރެ ހަޔާ މަޑުމަޑުން އެހެންބުނުމުން އަމާންގެ ތުންފަތްމައްޗަށް ހިނިތުންވުމެއް ވެރިވެގެން ދިޔައެވެ. “ތީގެ މާނައަކީ ޔޭސް އޭތަ؟” އިސްޖަހައިގެން ހުރި ހަޔާގެ ދަތްދޮޅީގައި ހިފާ އުފުލާލަމުން އަމާން އެއްސެވެ. ހަޔާ ބޯޖަހާލުމުން އަމާން ހިތަށް ވެރިވެގެން ދިޔަ އުފާ ބަޔާން ކޮއްދޭންވެސް ނޭނގުނެވެ. ހަޔާ އޭނާއާއި ކައިރިކޮށްލުމަށްފަހު ނިއްކުރިއަށް ބޮސްދީފައި އޭނާގެ ގައިގައި ބައްދާލައިފައި އެހެންކުދިންތިބި ދިމާމާލަށް ހިނގައިގަތްނަމުން އިރު އިރު އިރު ކޮޅާ އަމާން ހަޔާގެ ދޮން މޫނަށް ބަލާލައެވެ. އެއިން ކޮންމެ ފަހަރަކުވެސް ހަޔާ އަމާންއާއި ދިމާލަށް ބަލާލައިފައި ހިނިތުންވުމެއް ހަދިޔާ ކޮށްލައެވެ. ހަޔާގެ ކޮންމެ ސިފައަކަށް އަމާން ހިތާހިތުން ތައުރީފް ކުރަމުން ދިޔައެވެ. އެހެން ކުދިން ކައިރިއަށް ދިޔައިރު ހުރިހާފިރިހެން ކުދިން އުޅުނީ އަންހެން ކުދިން މޫދަށްލުމުގައެވެ. ބައެއް ކުދިން ފިރިހެން ކުދިންގެ އަތުގައިނުޖެހެންވެގެން ދުވަމުން ދިޔައެވެ. މިމަންޒަރު ފެނުމުން ހަޔާ އުޅުނީ އެމީހުންނާ ދުރަށްދާށެވެ. ނަމަވެސް ހަޅޭއްލަވައި ގަނެވުނީ ގެނައި ކުއްލި ހަރަކާތަކާއެކު އަމާންގެ އަތްދަނޑިމައްޗަށް ހަޔާ ނެގުމުންނެވެ. އޭރު އަމާންގެ މުށިކުލައިގެ ދެލޯ އަމާޒުވެފައި ވަނީ ހަޔާގެ ލޮލަށެވެ. ދެމީހުންގެ ހަތަރު ކަޅި ހަމަވި ވަގުތު ކުރެވުނު އިހްސާސް އެދެމީހުންގެ ތެރެއިން އެކަކަށްވެސް ބަޔާންކޮށްދޭކަށް ނޭނގުނެވެ. ހަޔާއަށް ހޭވެރިކަންވީ އަމާން އޭނާގޮވައިގެން ގޮސް ލޮނުގަނޑުތެރޭގައި ބާއްވައިލުމުންނެވެ. ރުޅިމޫނު ހަދާފައި އޭނާ ފެންއުކައިގަތުމުން އަމާން އޭނާގެ އަތުގައި ހިފަހައްޓާފައި ގާތަށް ދަމާލިއެވެ. އޭރު ދެންތިބި ކުދިންގެ ނަޒަރު އެދެމީހުންނާ ދިމާލަށް ހުއްޓިފައިވާކަން ރޭކާވެސް ނުލައެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (29)

  1. sam

    V reeethiii……. mi part … Please up next part ….:-)

    1. Aisha
      sam

      Glad u like it Sam.. Viee enme avahakah up kohdheynan ?

  2. Aisha

    Hi guys miothiee 3 rd part up vefa reyga up kurin but nufene esfiya akah.. Anyway hope u guys will like it.. Have a nice day ?

  3. i sher

    Vvv reethi…?

    1. Aisha
      i sher

      Thank u i sher that means a lot

  4. nonns

    Vvvv reethi when next part. Pls varah avasskohdhechey

    1. Aisha
      nonns

      Thanks u so much nonns.. I will do my best dear

  5. shafu

    vvv reethi…. when next part

    1. Aisha
      shafu

      Thanks shafu… Insha allah view enme avahakah up kohdheynan

  6. Ni her

    Omg ❤️❤️Amazing ?
    Wanna see the next part soon dear …

    1. Aisha
      Ni her

      Awww.. Thank u so much niher.. I will upload the next part as soon as possible ?

  7. Chum handi

    wow… gdnyt….

    1. Aisha
      Chum handi

      Thank Yuh chum handi.. Gud nyt dear

  8. love girl

    vvvv reethi mi part vess. waiting for the next part.

    1. Aisha
      love girl

      Happy to hear that love girl ?

  9. Noor

    Awwh..next part varah kiyaalaahiyvey???

    1. Aisha
      Noor

      Thanks noor I really appreciate it.. I love u r story too.. ???

  10. Fiu sh

    Obi novei huvai ???❤

  11. Aisha

    Aww really Fiu thank u so much ???

  12. Rainy princess

    Stry vara salhii..kon dhuvas thakega tha up kohdheny ??

    1. Aisha
      Rainy princess

      Thank u rainy princess vaki dhuvahehgaeh noon liyhevunu enme avahakah up kohdheniee

  13. Some one

    V v lwbi story!!! Kn irakun hen hiivaniii nxt prt genevey varu vaanii?

    1. Aisha
      Some one

      Aww happy to hear that viee enme avahakah up kohladheynan

  14. @l

    Alley avahah aneh part genes dheeba…….can’t wait…….btw this part is nice♥️♥️♥️

    1. Aisha
      @l

      Thankxx dear.. View enme avahaka genesdheynan ?

  15. Sidhu

    Ohhhhhhhhhhhh. ……what a beautiful story…..aishaa story v habeys 2vana faharah kiyaalaafa comment eh mi kohlee.?????????

    1. Aisha
      Sidhu

      Sidhu aslutha varah happy thikala comment than fenunieema ???

  16. ithoo

    Mi part vx v v nice..keep it up dearr..??

    1. Aisha
      ithoo

      Thank u so much ithoo ???

Comments are closed.