Skip to content
އެސްފިޔަ

ލޯބި ވެވުމުން……3

ދަތުރު ނިމިގެން އެދިޔައީ އޭނާގެ ހިތްވެސް އޮޔާލާފައެވެ.މިހާރު އެހިތަކަށް އޭނާގެ ކުޑަނަމަވެސް ބާރެއް ނުފޯރައެވެ.

ހެދުން ކަނޑަން އިން ހުސްނާއަށް ދަރިފުޅު އައިސް ގެއަށްވަތްތަން ފެނުމާއިއެކު، ކަނޑަން އިން ހެދުން އެއްފަރާތް ކޮށްލާފައި، ދަރިފުޅު ފަހަތުން ގޮސް ކޮޓަރިއަށްވެނެވެ. އަދި ވަރަށް ލޯބިން ދަރިފުޅަށް އެންމެ މީރު މަސްބަތް ކައްކާފައި ހުންނާނޭ ބުންޏެވެ. ޝަނާޔާވެސް ފާޚާނައަށްވަދެ ފްރެޝް ވެލައިގެން މެންދުރުގެ ކެއުމަށްޓަކައި، މަންމަ ގޮވައިގެން ގޮސް ކާކޮޓަރިއަށް ވަނެވެ.އެއީ މަންމަވެސް ހުންނާނީ ޝަނާޔާގެ އިންތިޒާރުގައި ނުކައިކަން އެނގޭތީއެވެ.

ދެމައިން އެކުގައި މެންދުރުގެ ކެއުމަށް އިންސާފުކޮށް ނިމުމުން ޝަނާޔާ ބޭނުންވީ އަރާމު ކޮށްލާށެވެ.އެހެންކަމުން ގޮސް ކޮޓަރިއަށްވެދެ، އެނދުގައި އޮށޯތުމާއިއެކު ޝަނާޔާއަށް އަރާމު ނިންޖަކުން ނިދިއްޖެއެވެ. ވާނީވެސް އެހެންތާއެވެ.ރޭގަ ނިދުނީވެސް އެހާ ލަހުންނެވެ.އަނެއްކޮޅުން ހެނދުނާ ތެދުވަންވެސް ޖެހުނީއެވެ.

ހަވީރުގެ ވަގުތެވެ.ޝަނާޔާ ބޭނުންވީ ފަރަހާއަށް ގުޅައިގެން ދެމީހުން ހަވީރު ބީޗަށް ފިނިކޮށްލަން ނިކުމެލުމަށެވެ.މިއަދަކީ މިއީ އޮފީހުގެ އަހަރީ ދުވަސްކަމުން މިއަދު އޮފީހަށް ނިކުންނަން ނުޖެހޭތީ،ދުވަސް މާދިގުހެން ހީވަނީއެވެ.ދެމީހުން ހިނގަމުން ހިނގަމުން ގޮސް އިށީނީ އާޓިފިޝަލް ބީޗްގައި ހުރި ގޮނޑިއެއްގައެވެ.އެތަނުގައި ތިބެ ތަފާތު ވާހަކަތައް ދައްކަމުންގޮސް ފަރަހާ ކައިވެނި ކުރަން އުޅޭ ޚަބަރު ދިނެވެ.ފަރަހާ ޝިމާންއާއި، ރައްޓެހި ވެގެން އުޅޭތާ ނުވަމަސް ވަނީއެވެ.ޝިމާންގެ މަންމަގެ އެދުމުގެ މަތިން ކައިވެނި އަވަސް ކުރަން ނިންމީވެސް ވަރަށް ކުއްލި ގޮތަކަށް ކަމަށް ފަރަހާގެ ވާހަކައިން އެނގުނެވެ.ޝިމާން އިތުރަށް ކިޔަވަން ބޭނުންވާތީ،ކައިވެންޏަށްފަހު ދެމަސްވަރު މާލޭގައި، މަޑުކޮށްލާފަ އެމީހުންގެ ދިރިއުޅުން މެލޭޝިއާ އަށް ބަދަލުކުރާވާކަ ބުނުމުން ޝަނާޔާ ވަރަށް ދެރަވިއެވެ. އެކުވެރިޔާ އެހާ ދުރަށްދާތީއެވެ.ނަމަވެސް އޭނާ ބެލީ ފަރަހާގެ ކުރިމަތީގައި އެކަން ނުދައްކަ ވޭތޯއެވެ.ޝިމާންއަކީ މުއްސަނދި ދެމަފިރިއެއްގެ ހުރި ހަމައެކަނި ދަރިފުޅެވެ. ނަމަވެސް އޭނާގެ ކިބައިގާ އެއްވެސް ފޮނިގޮތެއް ، ބޮޑާކަމެއް ނުހުރެއެވެ.ޝިމާންއަކީ އަޚްލާގު ރަނގަޅު، މަޑުމައިތިރި ޒުވާނެކެވެ.އެކުވެރިޔާއަށް އެފަދަ ރަނގަޅު ބައިވެރިޔަކު ލިބުނީތީ، އެކަމާ އެންމެ އުފާކުރާ އެކަކު ކަމުގައި ހަމަ ޔަޤީނުންވެސް ޝަނާޔާ ވާނެއެވެ.

ދެމީހުން ވާހަކައިގާ ތިއްބާ ޝިމާން ފެނުނީ އެތަނަށް އައިސް ހުއްޓުނު ތަނެވެ.ޝަނާޔާ ބޭނުންވީ އެ ދެލޯބިވެރިންނަށް ވަގުތު ކޮޅެއް ދޭށެވެ.އެހެންކަމުން މަޖީދީ މަގަށް ނިކުމެ ޓެކްސީއެއް ނަގައިގެން ގެއަށްދާނީ ކަމަށްބުނެ، ކުރިމަތީއޮތް ގޯޅިއަށް އެޅުމަށްޓަކައި، މަގު ހުރަސް ކުރަން އުޅެނިކޮށް ބާރުބަރުގޮނެއް އެޅުމާއިއެކު ދާދި ގާތުގައި މުދާބަރުކޮށްގެން އަންނަ ޕިކަޕެއް ފެނުނެވެ.ހާސްވީވަރުން ސިކުންތު ކޮޅަކަށް ނަމަވެސް ޝަނާޔާގެ ސިކުނޑި މަސައްކަތްކުރުން ހުއްޓާލިއެވެ. މޫނުމަތީގައި ދެއަތް އަޅާ ދެންވާނެ ގޮތެއް ނޭނގޭ ހާލު ދެލޯމަރާ ތަގުޅި ކޮށްލެވުނެވެ.

ޝަނާޔާއަށް ދެލޯ ހުޅުވާ ބޮޑުކޮށްލެވުނީ އޭނާގެ އުނަގަނޑުގައި ބާރުގަދަ އަތަކުން ހިފާ ޖެހި ލުއްކަކާއި އެކު އެމީހަކާއި ދިމާލަށް އޭނާ ދަމައިގަތުމުންނެވެ.ޝަނާޔާއަށް ހުރެވުނީ ލޮލަށް ފެންނަ މަންޒަރު ގަބޫލުކުރަން ދަތިވެފައެވެ. އެއީ ހަމަ އެޒުވާނާއެވެ.އެ ފެހި ވާދީއެއްފަދަ ރީތި ދެލޮލެވެ.ކުއްލިއަކަށް ޝަނާޔާ ކޮށި އެރުމުން އެ ޒުވާނާއަށްވެސް ހޭވެރިކަން ވިކަހަލައެވެ.ހަމަ އެވަގުތު ޝަނާޔާގެ އުނަގަނޑުދައި އަޅުވާފައި އޮތް އަތް ދޫކޮށްލިއެވެ.

ލާފައި ހުރި ކަޅުކުލައިގެ އަތްދިގު ޓީޝާޓާއި، ކްރީމް ކުލައިގެ ފަޓުލޫނު އެޒުވާނާއާއި ވަރަށްވެސް ގުޅެއެވެ.ޝަނާޔާ ބޭނުންވީ މިފަހަރު ކޮންމެހެން ހަދާފައި ނަމަވެސް އޭނާގެ ހުވަފެންތަކުގައި ޖެއްސުން ކުރަމުން އެދާ ޒުވާނާގެ ނަން އޮޅުން ފިލުވާށެވެ. އޭނާގެ ފުރާނަ ސަލާމަތް ކޮށްދިނީތީ، ޝުކުރު އަދާކުރަމުން، ފުރުސަތުގެ ބޭނުންހިފާ ނަންވެސް އޮޅުން ފިލުވާލިއެވެ.

\”މީ ޖިއާން\”.އެ ޒުވާނާ ޖަވާބު ދިނެވެ.ދެމީހުންނަށްވެސް އެކަކު އަނެކަކަށް ބަލަހައްޓައިގެން ހުރެވުނީއެވެ. އެ ހަމައިމޭން ކަމުގެ ތެރެއިން އިވިގެން ދިޔައީ ފަރާހާގެ އަޑެވެ.\”ނާޔާ..ޔޫ އޯލްރައިޓް؟\”.ޝަނާޔާއަށް ސިއްސައިގެން ގޮސް ފަރަހާއަށް ބަލައިލެވުނެވެ.ޝަނާޔާއަށް ހީވީ ވައްކަމެއް ކުރަނިކޮށް ފަޅާއެރީހެންނެވެ. އަނެއްކާވެސް އެޒުވާނާއަށް ބަލާލެވުނެވެ.އެއަށްފަހު އެކުވެރިޔާ އަށެވެ.އަދި އޭނާގެ ހިތުގައި ކުރި ފަޅައިގެން އެއަންނަ ލޯބި އެކުވެރިޔާގެ ކުރިމަތީގައި ބޭޒާރު ވެދާނެތީ ލަދުންގޮސް އިސްޖަހާލެވުނެވެ.ނަމަވެސް އެކުވެރިޔާގެ ހަރަކާތްތައް ފެނިފައި ޝަނާޔާގެ ހިތުގައި ސުވާލުއުފެދިގެން ދިޔައެވެ. ފަރަހާ އަވަހަށް ގެއަށްދާން ހިނގާށޭ ކިޔާ ޝަނާޔާގެ އަތުގައި ހިފައިގެން ހިނގައިގަތެވެ.ޝަނާޔާ އުއްމީދުކުރި ފަދައިން ޖިއާން އާ ބެހޭގޮތުން ޝައްކެއް އުފެދުން އެއްފަރާތުގައި އޮއިވައި،އެއީ ކާކު ތޯ އަހާވެސް ނުލިއެވެ.ނުވިތާކަށް ފަރަހާއަށް އެހާ ގާތުގައި ހުރި ޖިއާން ނުވެސް ފެންނަ ކަހަލައެވެ.

ކުރިމަތީއޮތް މަގަށް އޮބާލެވެންދެންވެސް ޝަނާޔާއަށް އިރުއިރުކޮޅާ ފަަހަތަށް ބަލާލެވެއެވެ.ފަނޑު ހިނިތުން ވުމެއްގައި ހަމަ އެހުރި ފިޔަވަޅު މަތީ ޝަނާޔާަށް ބަލަހައްޓައިގެން ޖިއާން ހުއްޓެވެ. ޝަނާޔާގެ ހިތުގައި ހާޖާނެއް އުފެދިގެން ދިޔައެވެ.އެކުވެރިޔާގެ ރިއެކްޝަން އާއި ދޭތެރޭއެވެ.ފަރަހާއަކީ ފިރިހެނަކު ޝަނާޔާއަށް ނުގޮތަކަށް ބަލާލިޔަސް ދިމާ ކުރާ ލާނެތް ކުއްޖެކެވެ.ނަމަވެސް ޖިއާން އެހާ ގާތުގައި ހުރުމުން ޝަނާޔާގެ އިހުސާސްތައް ގަދަކަމުން ކޮންޓްރޯލް ކުރަމުންް ދިޔައިރުވެސް އެކުވެރިޔާ އަށް ހަމަ ރެއަކާވެސް ނުލީތީއެވެ.އެފަދަ ޚިޔާލުތަކެއްގައި ހުއްޓާ ގެއާއި ހަމައަށް ދެވިއްޖެއެވެ.ޝަނާޔާ ގެއަށް ވަނުމުން ފަރަހާވެސް ގެއަށް ދިޔުމަށް ހިނގައިގަތެވެ.
ީ
މިރޭވެސް ނިދިވަނީ ޝަނާޔާ އާއި ހާސް މޭލު ދުރުގައެވެ. ވިސްނެމުންދަނީ ހަވީރު ހިނގާދިޔަ ހާދިސާއާއި ދޭތެރޭގައެވެ.ޝަނާޔާއަށް ވިސްނާ ވިސްނާ ބޮލަށް ބަރުވީއިރުވެސް އެހެންވާންވީ ސަބަބެއް ނޭނގުނެވެ.އެޚިޔާލުގައި އެތަށް ދަމެއްވަންދެން އޮތުމަށްފަހު މިހާރު ޝަނާޔާގެ ލޮލަށް އެވަނީ ނިދި ސަވާރުވެފައެވެ.ފުން ނުދީގައި ނިދާލާފައި އޮތް ޝަނާޔާގެ މޫނު ހިތްގައިމު ވެފައި ބަލާ ފޫހި ނުމެވާނެއެވެ.އެހާވެސް ރީއްޗެވެ. ޖިއާންއަށް އެންމެ ފުރަތަމަ ޝަނާޔާ ފެނުނީއްސުރެވެސް އެއީ އޭނާގެ ހާލެވެ.ނިދާފައި އޮންނައިރުވެސް އެފަން އިސްތަށިގަނޑުގެ އިސްތައްޓަކުންވެސް އެރީތި މޫނަށް ގޯނާއެއް ވުމަށް ނޭދެއެވެ.ޖިއާންގެ ހިތުގައި ޝަނާޔާގެ މަޤާމް އެހާވެސް ޚާއްސައެވެ.އެނދުގައި ޝަނާޔާގެ މަގަތުގައި އިށީންދެލައިގެން އިނދެ އެ ރީތިމޫނަށް ބަލަމުން ދިޔައެވެ.

ޝަނާޔާއަށް ލޯހުޅުވާލެވުނީ ކޮންމެވެސް މީހެއްގެ ހިލަމެއް ވީހެން ހީވެގެންނެވެ.އަދި ހުޅުވާލި ދެ ލޯ ތަންމިނަށް ބޮޑުކޮށްލެވުނެވެ.އަވަސް އަވަހަށް ފުންމައިގެން ތެދުވެ އެނދުގެ ބޯލާކޮޅުގައި އޮތް ކުޑަކުޑަ ވަށް ބުރުގާ ބޮލަށް މަހާލިއެވެ. އެނދުގެ ބިއްދަށު ފާރުގައި ލައްގަނެ ކައިރީގައި އޮތް ބާލީސްމެޔާލާ ބޮނޑިކޮށްލިއެވެ.ޝަނާޔާގެ މޭގަނޑު ގުން ގުން ލާފައި ތެޅެމުންދެއެވެ.ހިތް ހީވަނީ މޭ ފަޅައިގެން ނިކުމެދާނެ ހެންނެވެ.\”ޒާ…ޒާން\” ބިރުންގޮސް ތުރު ތުރު އަޅަމުން ދިޔަ ޝަނާޔާގެ ދުލުން ނިކުތްހާވެސް ބަހަކީ އެއީއެވެ….

**ނުނިމޭ**

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (37)

  1. Reesh

    Who iz zaan

    1. Noor
      Reesh

      Sorry…my mistake…aslu Jian

  2. Aki

    haadha rangalhey miadhu two part up kohla dhineema

    1. Noor
      Aki

      ?

  3. Mash

    Itz very nice n interestinn keep it up

    1. Noor
      Mash

      ?

  4. Maree

    vv salhi mi baives

    1. Noor
      Maree

      ?

  5. " "

    Kurunamaves v reethi.. Waiting..

    1. Noor
      " "

      Thanx

  6. shafu

    vvvvv reethi

    1. Noor
      shafu

      Thanx

  7. Sham cham

    Haadha salhiay….next part plx…..

    1. Noor
      Sham cham

      ?

  8. You

    Thi gotha avaha up kuraa thi nice

    1. Noor
      You

      ?

  9. Chum handi

    Thank you for updating 2 parts today…. love it… waiting for the next part…..

    1. Noor
      Chum handi

      Thanx

  10. naxo

    wow varah reethi well done noor next partvess avahah up kohla dhehchey??????

    1. Noor
      naxo

      ??????

  11. lara

    kurin buni Naaya ge mamma akee hafsaa ey. mihaaru Hafsaa Husnaa ah badhalu vehje. Jiaan Zaan ah badhalu vehje. Ehche balaigen tha Nooru vaahaka thi liyanee. V boda heevey ehen. Furathama liyaa vaahaka ey buni. Ehenviyas meehunge name eh noalheyne. Ehche balaigen liyan ulhen hadhaigen ekahala mistake eh jehenee.

    1. Noor
      lara

      Ya….its my first story….Im writing on a book..Zaan aee enme furathama beynunkuri nan…but gina story thakuga e nan huryma I thought to change the name.. N husna is the one. thanx for the comment

  12. Anonymous

    Mihaaru eba ragalhuvey eba.ibaaraai kurun ves ragalhu.keep it up

    1. Noor
      Anonymous

      Thanx

  13. Yaa

    Next part konirakun?

    1. Noor
      Yaa

      Sooon

  14. hajja hadhy

    Wow mi part vx v v reethi..

    1. Noor
      hajja hadhy

      ??????

  15. Cherry

    Nice story. Really like

    1. Noor
      Cherry

      ????

  16. Maurifa

    Dear miadhu up ves nukurantha

    1. Noor
      Maurifa

      ????writingggg

  17. i sher

    Kon irakuntha upkuraany dhn….?? Waiting……

    1. Noor
      i sher

      Hopefully tomorrow

  18. haja

    he he I live it v reethi kiya hithun mi kiyaalee !

    1. Noor
      haja

      ??????

  19. Sudha

    I think it’s a lovely story . It’s like twilight film hen

Comments are closed.