ހިތުގެ އެދުމޭތީ (2 ވަނަބައި)

ޔާނިޝްއަށް އެރީތި ކުއްޖާ ފިޔަވައި އިތުރުމީހަކު ފެންނަހެންވެސް ހީނުވެއެވެ.

“މީ ރައު…… އަހަރެންގެ ވާންއުޅޭ އަނބިމީހާ…….”

ޔާނިޝް ސިހުނީ އަޔާންގެ އަޑަށެވެ. އަޔާންގެ އަތުގައި ހިފާލައިގެން ހުރި ރައުފާ ދަށްކާލަމުން އަޔާން ވާހަކަ ދެއްކިއެވެ. ހިނިތުންވެލަމުން ޔާނިޝް ރައުފާޔާ ސަލާމް ކޮއްލިއެވެ. ޔާނިޝް އެބުރި ބަލާލިއިރު އެރީތި އަންހެން ކުއްޖާ ފެންނާކަށްނެތެވެ. ޔާނިޝް އެކިދިމަދިމާލަށް ނަޒަރު ހިންގާލިއެވެ. ނަމަވެސް ފެންނަގޮތެއްނުވިއެވެ.

ގޯތިތެރޭ އަތުރާލެވިފައިވާ ގޮނޑިތަކުގައި ޔާނިޝް އަދި އަޔާން ތިބީ ކޮފީބޯށެވެ. އެކިވާހަކަތައް ދެއްކުމުގައެވެ. ޔާނިޝްގެ ނަޒަރު ހުއްޓުނީ ކުރިމަތީއިން އައްޓެއްގައި އައިސް އިއްތާލި ދެކުއްޖަކަށެވެ. އެތަނުން އެއްކުއްޖަކީ ޔާނިޝްގެ އުވަފެނީ ޕަރީއެވެ. ޔާނިޝްގެ ނަޒަރު ހުއްޓިފައިވަނީ އެރީތި އަންހެންކުއްޖާއަށެވެ. އޭނާއަށްވެސް ޔާނިޝް ފެނިއްޖެކަހަލައެވެ. ދޭތެރެއަކުން އިސްއުފުލާލާ ލަދުރަކި ގޮތަކަށް ބަލާލައެވެ. އޭނާގެ ކޮންމެ ހަރަކާތަކުން ޔާނިޝްގެ ހިތް އޭނާއަށް އެދި ގޮވަމުންދެއެވެ. އަޔާންގެ ވާހަކަތަކާ ދުރުވެ އެރީތިކަމަށް ޔާނިޝްއަށް ސަމާލުކަން ދެވުނެވެ. އަޔާންއަށްވެސް އެކަންފާހަގަ ކުރެވުނެވެ.

“އޭނ……. ތިކޮންކަމެއް……..”

އަޔާން ޔާނިޝްގެ މޫނުމަތީ އަތް ހޫރާލަމުން ބުނެލިއެވެ. ޔާނިޝް އަޔާންއަށް ބަލާލަމުން ހީލިއެވެ. އަދި އެރީތި މޫނަށް ބަލާލަމުން އިސްޖަހާލިއެވެ. އަދިވެސް ހިތް ނުފުރޭ ކަހަލައެވެ.

“ހިނގާ މަސައްކަތްތައް ބަލާލަންދާން……….”

އަޔާން ތެދުވަމުން ބުނެލިއެވެ. ޔާނިޝްވެސް އަޔާންއާއެކީ ހިނގައިގަތެވެ. ޔާނިޝްއެބުރި އެއަންހެން ކުއްޖާއަށް ބަލާލިއެވެ. އޭރު އެރީތި ދެލޮލުގެ ނަޒަރުވެސް ހުއްޓިފައިވަނީ ޔާނިޝްއަށްށެވެ. އެވަގުތު ޔާނިޝްގެ ހިތަށް ނޭނގޭ ހިތްހަމަޖެހުމެއް ލިބުނެވެ.

“އެއީ ކޮންދެކުދިންނެއް……….”

ވާހަކައިގެ ތެރެއިން ޔާނިޝް އަހާލިއެވެ.

“ކޮބާ…… އޯނ އެއީ ދޯ………..”

ފަހަތަށް އެބުރި ބަލާލަމުން އަޔާން ބުނެލިއެވެ.

“އަދި ޔާނިޝްއަށް އިންޓުރޮޑިއުސްވެސް ކޮއްނުދީދޯ މިއުޅެނީ……. އެއީ އާޔާ…. އަހަރެންގެ ކޮއްކޮ… ދެންއޭނީ މީޝާ…. އާޔާގެ ފުރެންޑެއް….. މިކޮޅުގަ ކިޔަވަން އުޅެނީ……”

އަޔާންގެ ވާހަކަތަކުން ޔާނިޝް ގަބޫލްކުރީ އޭނާގެ ހުވަފެނުގެ ރާނީއަކީ އާޔާކަމުގައެވެ.

ރޭގަނޑުގެ ކެއުމަށްފަހު ޔާނިޝް ދިޔައީ ޓެރަސްމައްޖަށްށެވެ. އަޔާންވެސް މިރޭ ދިޔައީ ރައު އާއެކު ޝޮޕިންއަށެވެ. އެހެންކަމުން ޔާނިޝްއަށް ހުންނަން ޖެހުނީ އެކަނިއެވެ. ޓެރަސްމަތީ ބަހައްޓާފަހުރި ސޯފާގައި ޔާނިޝް އިށީދެލިއެވެ. އަދި ކުރިމަތީ އިންކުޑަ މޭޒަށް ދެފައިނަގާ ހަމަޖެހިލިއެވެ. ހެމުން، ސަކަރާތް ޖަހަމުން އައިސް އާޔާ އަދި މީޝާ ޓެރަސް މައްޖަށް އެރިއެވެ. މިދެކުދިން ގޮސް ހުއްޓުނީ ޓެރަސް ވަށައިގެން ޖަހާފައިވާ ދަގަނޑު ހޮޅިތަކުން ހޮޅިއެއް ކައިރީގައެވެ. ޔާނިޝް އެތާއޮތްކަންވެސް ނޭނގޭ ކަހަލައެވެ. މިދެކުދިންގެ ހަރަކާތް ތަކަށް ޔާނިޝް ބަލަމުންގެންދިޔައީ ފޫލިކަމެއް ނެތިއެވެ. އެތައްއިރަކު ތިބުމަށްފަހު މީޝާގޮއްސިއެވެ. ޔާނިޝްގެ ހިތް އުފަލުން ނަށައިގަތް ކަހަލައެވެ. ހޮޅީގަ ލެގިލައިގެންހުރި އާޔާއާ ދިމާލަށް ޔާނިޝް ހިގައިގަތެވެ. ޔާނިޝްގެ ހިތުގެ ވިންދުވަނީ ބުނަންނޭނގޭހާ އަވަސްވެފައެވެ. އާޔާގާތު ދައްކާނީ ކޮންވާހަކައެއް ބާއޭވެސް ހިތަށްއެރިއެވެ. ނަމަވެސް އެހާރީތި ކުއްޖަކު ދުރުގަބަހައްޓައިގެން ބަލަންހުރެވޭނީ ކިހިނަކުން ހެއްޔެވެ.

“ހައެ……….”

ޔާނިޝްގެ އަޑަށް އާޔާ ސިހުނެވެ. އާޔާ އެބުރި ޔާނިޝްއަށް ބަލާލިއެވެ. ކަކުލުން ތިރިއަށް އައްނަ ދަގަނޫ ކުލައިގެ ސޯޓަކާ، އޮރެންޖު ކުލައިގެ ޓީޝާޓެއް ލައިގެން ހުރިއިރު ޖެހެމުންދިޔަ ވަޔާ ޔާނިޝްގެ އިސްތަށިކޮޅު ހެލިލަހެލިލާ ހުއްޓެވެ. ތުންފަތް މައްޖަށް ވެރިވެފައިވަނީ ކުޑަ ހިނިތުންވުމެކެވެ. އާޔާ ޔާއިޝްގެ ލޮލަށް ބަލައިލިއެވެ. ޔާނިޝްގެ ނަޒަރު އާޔާއަށް ހުއްޓިފައިވާތަން ފެނުމުން އޭނާ އިތުރަށް ސިހުނެވެ. އަވަސްއަވަހަށް އިސްޖަހާލަމުން ހިނގައިގަތެވެ.

“ވަޓް………”

ޔާނިޝް އެބުރި ބަލާލިއިރު އާޔާ ޓެރަސްމަތިން ފައިބަނީ އެވެ.

“އަޔާން ދުވަހަކުވެސް އަހަރެން ފެނިފަ ބިރަކުން ނޫޅޭ…… ދެން އާޔާ ކީއްވެ ބިރުން އެދިޔައީ………”

ޔާނިޝް ދެކޮޑުހިއްލާލަމުން ބުނެލިއެވެ.

ޖެހިގެންއައި ދުވަހަކީ ވަރަށް މަސައްކަތް ބުރަ ދުވަހެކެވެ. ކައިވެންޔަށް ތައްޔާރުވުމަށް އޮތް އެންމެ ފަހު ދުވަސްކަމަށްވާތީ އެންމެންވެސް އުޅުނީ އަވަދިނެތިއެވެ. ގޯތިތެރޭ ފަންޖެހުމުގަޔާއި، މާފަތިތަކާ ބޮކިތައް ހަރުކުރުމުގައެވެ. ނިމިފަހުރި މަސައްކަތްތައްބަލާ، އުނިކަމެއް އިދެއްޖެނަމަ ފުރިހަމަ ކުރުމުގައި ޔާނިޝް އުޅެއެވެ. އަޔާންހުރީ ވަރަށް އެކްސައިޓިންގ ވެފައެވެ. ޔާނިޝް އިރުކޮޅަކޮޅާ އައިސް ކޮށްމެސް އެއްޖެކޭ ކިޔާފަ އަޔާންއާ ދިމާކޮއްލައެވެ. އާޔާ އަދި މީޝާ އުޅުނީ އަޔާންގެ ކޮޓަރިތެރެ ތައްޔާރު ކުރުމުގައެވެ. ރަތްކުލާ މަލުގެ ފިޔަތަކުންނާއި، ރަތްކުލައިގެ އުއްބައްތިތަކުން މުޅިކޮޓަރިތެރެ ދަނީ ޒީނަތްތެރި ކުރަމުންނެވެ. އިތުރަށް މަލުގެފިޔަބަލައި މީޝާބޭރަށް ދިޔަ ވަގުތެވެ. ޔާނިޝްއައީ އަޔާންގެ ފޯނުބަލައި ކޮޓަރިއަށެވެ. ކޮޓަރިތެރޭ އިތުރު މީހަކު އުޅޭކަމެއް ޔާނިޝްއަކަށް ނޭނގެއެވެ. ފޯން ހިފައިގެން ހިނގައިގަންނަށް އުޅެފަ ހުއްޓުނީ، ކުޑަދޮރުތަކާދިމާ ތިރީ އުއްބައްތި ބަހައްޓަންއިން އާޔާ ފެނިފައެވެ. ޑުރެސިން ޓޭބަލްމަތީ ފޯންބާއްވާލަމުން ޔާނިޝް އާޔާއާ ދިމާލަށް ހިނގައިގަތެވެ. މަޑުހިނގުމެއްގައި ޔާނިޝްގޮސް އާޔާކައިރިއަށް ހުއްޓިލިއެވެ.

“ހައެ………………”

ޔާނިޝްގެ އަޑަށް އިސްއުފުލާ ބަލާލަމުން އާޔާތެދުވިއެވެ. މިފަހަރުވެސް އާޔާ އުޅުނީ ދާށެވެ. ނަމަވެސް ޔާނިޝް އޭނާއަކަށް އެފުރުސަތެއް ނުދިނެވެ. އާޔާދާން ހިނގައިގަތުމުން ޔާނިޝް އާޔާގެ އަތުގަ ހިފިއެވެ. ޔާނިޝް އާޔާގެނެސް ފާރުގަ ލައްކޮއްލިއެވެ. އެއްއަތުން އާޔާގެ އަތުގަ ހިފައިގެން އަދި އަނެއްއަތް ފާރުގަ ވިއްދާލާފަ ޔާނިޝް ހުރިއިރު، އާޔާއަށް ދެވޭނެ އެއްވެސް ގޮތެއްނެތެވެ…………..

ނުނިމޭ

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.