ތަޤްދީރު-28

”ވިލް ޔޫ މެރީ މީ؟“ ލިއަމް ކަރުކެހިލަމުން ބުނެލިއެވެ. ޔަލްވީހުރީ ގުޑިލަންވެސް ނޭގިފައެވެ. އަނެއްކާވެސް ލިއަމް ޔަލްވީއަށް ގޮވާފައި ސުވާލު ތަކުރާރު ކޮއްލިއެވެ. މަޑުމަޑުން ޔަލްވީ ބޯ ޖަހާލިއެވެ. ލިއަމް ޔަލްވީގެ ވާތު ކަށިއިނގިލީގައި އަނގޮޓި އަޅުވާލަދިނެވެ. އަދި ތެދުވެ ހަށިދަމާލަމުން ޔަލްވީގެ އަތުގައި ހިފަހައްޓާލިއެވެ.

”މަރިޔަމް ޔަލްވީ ޔާސިރު…. އައި ލަވްޔޫ….އައި ލަވްޔޫ ސޯމަޗް…އައި ޔޫސްޑް ޓު ތިންކް ދެޓް ލަވް އިޒް ސްކޭރީ…ދެން އައި މެޓް ޔޫ… އެންޑް ސަމް ހައު ލަވިން ޔޫ ބިކޭމް ދަ މޯސްޓް ބިއުޓިފުލް ތިންގް އައި އެވާ އެކްސްޕީރިއެންސްޑް….ޔޫ އާ ދަ ބިއުޓިފުލް ރެޑް ރޯޒް ޓު މައި ތޯންސް…އައި ހޭވް އޯލްވޭޒް ބިލީވްޑް ދެޓް އައިއެމް ނޮޓް ކެޕޭބަލް އޮފް ލަވިން ސަމްވަން…މައި ހޯލް ލައިފް ވޯޒް އެބައުޓް ހޭޓް…..ބަޓް ދެން ޔޫ ކޭމް އިންޓު މައި ލައިފް ޖަސްޓް ލައިކް އަ ބިއުޓިފުލް ރެޑް ރޯޒް ގްރޯވިން އިންދަ މިޑްލް އޮފް ތޯންސް…. ޔޫ މޭކް މީ ހެޕީ….ވެން އައި ސީ ޔޫ މައި ޑޭ ގޯޒް ސޯ ވެލް….ޔޫ އާ މައި ބިއުޓިފުލް ސަންޝައިން….މެރީ މީ ބޭބީ….އައި ޕްރޮމިސް ދެޓް އައިވުޑް ޑޫ އެނީތިންގް ޓު މޭކް ޔޫ ދަ ހެޕިއެސްޓް“ ލިއަމް ޔަލްވީގެ ކޯތާފަތަށް ވެއްޓިގެން ދިޔަ ކަރުނަތިކި ފޮހެލަދިނެވެ.

ޔަލްވީ ލިއަމްގެ މޭގެ ތެރޭ ބޮނޑި ވެލިއެވެ. ”އައި ލަވްޔޫ ޓޫ….ލިއަމް….ވަރަށް ބޮޑަށް ލޯބިވޭ….އައިކަާންޓް އިމޭޖިން އަ ލައިފް ވިތައުޓް ޔޫ އެނީ މޯ….ޔެސް އައިވިލް މެރީ ޔޫ“ ޔަލްވީ އިތުރަށް ލިއަމް ގައިގަ ބައްދާލިއެވެ. ލިއަމް ފުން ނޭވާއެއް ދޫކޮއްލީ ވެފައި ހުރި ހާސްކަން ދުރުވުމުންނެވެ.

……………………..

 ކާރުގައި އިނދެ އަޒާން ވަނީ އާޔަތުއަށް ލިއަމްގެ ރޭވުން ކުޑަކޮށް ކިޔާދީފައެވެ. ޔަލްވީ ރަނގަޅުކަން ޔަޤީންވުމުން އާޔަތު ހުރީ ހަމަޖެހިފައެވެ. ހަޤީޤަތް ނުބުނެ  ހާސްކުރުވުމުން އަޒާން ދިމާއަށް އާޔަތު ކުދިވެސް ކިއެވެ. އާޔަތުގެ ބޮޑާހޭކުމާއި ޝަކުވާކުރުންތައް އަޒާންއަށް ވަނީ މަޖާކަމަކަށެވެ. އެހެންވެ އިތުރަށް އާޔަތުއަށް ޖެއްސުންވެސް ކުރެއެވެ.

ޔަލްވީއަށް ސަޕްރައިޒެއް ރާވަން އާޔަތުގެ އެހީތެރިކަން ބޭނުންވާނެ ވާހަކަ އަޒާން ހާމަކުރިއެވެ. އެގޮތުން ލިއަމްވަނީ ހުޅުމާލޭގެ ބީޗު ސަރަހައްދުގައި ހުންނަ ބޮޑު ގެސްޓް ހައުސް މުޅިދުވަހަށް އެއްކޮށް ހިފާފައެވެ. 3 ބުރިއަށް ހުރި އެ ބޮޑު ގެސްޓް ހައުސްގެ ދެބުރީގައި ހުންނަނީ ގެސްޓް ރޫމްތަކެވެ. އަދި އެންމެ މަތީބައިގައި ހުންނަނީ ކެފޭ އެއްގެ އިތުރުން ހިޔާނުކޮށް އޮންނަ ބޮޑު ހުސްޖާގައެކެވެ. އެހުސްޖާގަ ފުރާލެވިފައިވަނީ އެކި ވައްތަރުގެ ގަސްމުށިތަކުންނެވެ.

އަޒާންގެ ފަހަތުން އާޔަތުގޮސް އެންމެ މަތީ ބަޔަށް އެރި އިރު އާޔަތުއަށްވެސް ލިބުނީ ސިހުމެކެވެ. އާއިލާގެ އެންމެން  އެތަނުގައި ތިބިތަން ފެނި އުފަލުން އާޔަތު ދުވެގޮސް ފަހަރަކު މީހަކާ ބައްދަލު ކުރިއެވެ. ލިއަމް ވަނީ އާއިލާގެ އެންމެނަށް ޓިކެޓުނަގައި މާލެ އާދެވޭނެ ގޮތް ހަމަ ޖައްސައި އެ ގެސްޓް ހައުސްގައި ތިބުމުގެ އިންތިޒާމު ހަމަ ޖައްސާދީފައެވެ.

ކެފޭ ކުރިމަތީގައި ހުރި ހުސްޖާގައިގަ އެއްކޮޅުން އަނެކޮޅަށްދާ ވަރުގެ ބޮޑު ދިގު މޭޒެއް ބަހައްޓައި ތަން ތައްޔާރު ކުރެވެމުން ދިޔައީ  އެރެއަށް ޙާއްސަ ކުރެވިފައިވާ އާއިލީ ކެއުމަށެވެ. އާއިލާގެ އެންމެން ދަތުރު ވަރުބަލިކަން ފިލުވާލައި އަރާމުކޮށްލުމަށް ކޮޓަރިތަކަށް ދިޔައީ އަޒާން ކުރުނުކޮށް ކިޔަން ފެށުމުންނެވެ. އާޔަތު އާއި މަހީރް މަޑުކުރީ އަޒާން އާއެކު ތަން ތައްޔާރުކުރަން ތިބި މީހުނަށް އިރުޝާދު ދިނުމަށެވެ.

ހުރިހާ ތައްޔާރީތަކެއް ނިމި ފަހުފަހަރަށް އެއްޗެހިތައް ހަމަތޯ ބަލަމުން އާޔަތު ވަށާ ހިނގަމުން ދިޔައެވެ. އޭރު އިރުއޮއްސިއްޖެއެވެ. މަހީރް ދިޔައީ މަންމަމެން ކޮޓަރިއަށް ތައްޔާރުވާން ދަނީ ކަމަށް ބުނެފައެވެ. އޮފީހަށް ލައިގެން ދިޔަ މަޑު ނޫ ކުލައިގެ ޓޮޕްކޮޅާއި ކްރީމްކުލައިގެ ފުޅާ އޮފީސް ޕޭންޓުގައި އާޔަތު ފެންނަލެއް ނުހަނު ހިތްގައިމެވެ. އިސްތަށިގަނޑު ކްލިޕަކުން ހައްޔަރު ކޮއްލާފައިވީއިރު ބައެއް އިސްތަށިކޮޅުތައް ކަނދުރާއާއި އެ ލޯބި މޫނަށް ވިހުރިލާ ގޮތުން އަޒާން އިނީ އަރުތެރެއިން ކުޅުހިކިފައި އިން މީހެއްފަދައިން އެ މަންޒަރަށް ގެއްލިފައެވެ. މަސައްކަތު މީހަކާއެކު މާބޮނޑިތަކެއް ހިފައިގެން މޭޒުމަތީގައި ހުރި މާޑުކުރީގައި އަތުރާނެގޮތް ކިޔާދެމުން އާޔަތު އެއްލި ކަޅިއަކުން ފެނުނީ ކަރުދާސް ފޮށިގަނޑެއް މަތީގައި ދަތްދޮޅީގައި އެއް އަތް އަޅުވާލައިގެން އޭނާއަށް ބަލަން އިން އަޒާންއެވެ.

މާތައް މޭޒުމަތީ ބަހައްޓަމުން އާޔަތު އައިސް އަޒާންގެ ނިއްކުރީގައި އަތުގައި އޮތް ފަންސުރުން ޖަހާލިއެވެ. ހަމަރަނގަޅަށް ވެސް އަޒާން ސިހުނެވެ. އެލިގެން ގޮސް ފަހަތައް ނުވެއްޓުނީ ކިރިޔާއެވެ. އަޒާންއަށް ވީގޮތުން އާޔަތު ހޭންފެށިއެވެ. އަނގަމަތީގައި އަތްއަޅައިގެން އާޔަތު ހެމުން ދިޔަގޮތުން އަޒާން ހިނިތުންވެލިއެވެ.

”އައިފީލް ތިންގްސް އިން މައި ހާޓް ވެން ޔޫ ސްމައިލް….. ސޯ ޑޭމް ގޯޖަސް“ އަޒާން އާޔަތުގެ އިސްތަށިކޮޅު ކަންފަތް ދޮށަށް ލައްވާލަދިނެވެ. އާޔަތުގެ ހުނުން މަޑުވެ އަޒާންއާ ހަތަރުކަޅި ހަމަކޮއްލެވުނީ ބޭއިޙްތިޔާރުގައެވެ. ނޭގޭ ދަމާ ބާރެއް އެދެލޮލުގައި ވާކަހަލައެވެ. ގެއްލި ހުސްވާފަދަ  އަސަރެއް އެދެލޮލުގައި ވިއެވެ.

މަޑުމަޑުން އާޔަތުގެ އުނަގަނޑުގައި ހިފާ ގާތަށް ދަމާލީ ފަރުވާތެރިކަމާއެކުއެވެ. އެދެއަތުތެރެއަށް އާޔަތު ގެންނަން ބޭނުންވާތާ ކިތަންމެ ދުވަހަކެވެ. އަޒާންގެ ހިތް ނެފިނެގިފައި ޖެހެމުން ދިޔައީ އާދައިގެ ވަރަކަށް ނޫނެވެ. ގުޑިލަންވެސް ބޭނުން ނުވެފައި ހުރީ ހެދޭ ގޮތަކުން އާޔަތު ދުރަށް ގޮސްފާނެތީއެވެ. އަޒާންއަށް ނޭގުނުކަމީ އެވަގުތު ކޮޅު ދިގުދެމިގެންދާން ބޭނުންވީ ހަމައެކަނި އަޒާން ނޫންކަމެވެ. އާޔަތަށް އިހްސާސް ކުރެވެމުން ދިޔައީ މުޅިން އެހެން ކަހަލަ އިހްސާސްތަކެކެވެ. ފިރިހެނެެއްގެ ގާތްކަމަށް ބޭނުން ނުވާ އާޔަތަށް އަޒާންގެ ފަރާތުން ލިބެމުން ދިޔައީ ބުނެދޭން ނޭގޭ ހިތްހަމަޖެހުމެކެވެ. އެދެމެދުގައި މާބޮޑު ގާތް ކަމެއް ނެތަސް އެކަކު އަނެކަކަށް ސިއްރުން އެދެވެއެވެ. އެކަން އަޒާންއަށް ލޯބިގޮތުގައި އިހްސާސްވިއިރު އާޔަތު ނިންމީ  ’އެޓޭޗްމެންޓް‘ ގޮތުގައެވެ. ގިނަ ދުވަހު އެކުގައި އުޅެ މަޖާކޮށް އެކަކު އަނެކަކަށް އަބަދު ފެނިދެނިވެ އުޅޭތީ މާބޮޑަށް އެޓޭޗްވީ ކަމުގައި އާޔަތު ހީކުރިއެވެ. އަމިއްލަ އިހްސާސްތައް ފަސްއަޅާ ފޮރުވުމަކީ އާޔަތުގެ އާދައަކަށް ވަނީ ވެފައެވެ. ދެމީހުން އެކަކު އަނެކަށް ގެއްލިފައި ތިބީ ދެމީހުންގެ އަމިއްލަ ދުނިޔެއެއްގައި ކަހަލައެވެ. އަޒާން އެތެރެއަށް ފުން ނޭވާއެއް ލަމުން ލޯމަރާލީ އާޔަތުގެ ގައިން ދުވި މަޑު ފޮނިވަހުން ލިބުނު ހިތްހަމަ ޖެހުމުންނެވެ.

ކުއްލިއަކަށް އެއްޗެއް ހަނދާންވިހެން އާޔަތު އަޒާންގެ މޭގައި އަތްވިއްދާ ކޮއްޕާލަމުން ފަހަތަށް ޖެހިލިއެވެ. ހުރެވުނުގޮތް ހަނދާންވުމުން އާޔަތުގެ ދޮބުމަ ގޮއްޖެހިގެން ދިޔައެވެ. ހީވީ ޙިޔާލީ ދުނިޔެއެެއްގައި ހުރެފައި ހަމަބިމަށް  ތިރިވެވުނުހެނެވެ. އާޔަތު އިންޒާރުގެ ބެލުމަކުން އަޒާންއަށް ބަލާލަމުން އެތަނުން ދުރަށް ޖެހިލީ ކުރަން ހުރި މަސައްކަތް ނިންމުމަށެވެ.

”ހެހެހެ….މައި ސްވީޓް އޭންޖެލް….އައިނޯ ޔޫ ފީލް ދަ ސޭމް ފޯ މީ“ އަޒާން ދެފަރާތަށް ބޯ ހޫރުވާލަމުން ހިނިތުންވެލިއެވެ.

………………………………..

ލިއަމް ކާރުގައި އައިސް މަޑުކޮއްލީ ގެސްޓް ހައުސް ކުރިމައްޗަށެވެ. ޔަލްވީ ފައިބަން ދޮރުހުޅުވާލަދެމުން ކާރު ޕާކު ކުރުމަށް ދޮރުވާނާ ހަވާލުކުރިއެވެ. 3 ވަނަ ފްލޯއަށް ލިފްޓު ހުޅުވުމުން ޔަލްވީ ހިނގައިގަތީ ލިއަމް އާއެކުއެވެ. އޭރުވެސް ލިއަމް ޔަލްވީގެ އަތުން ދޫކޮށެއް ނުލައެވެ.

”ސަޕްރައިޒް“ ކެފޭތެރެއިން ނުކުމެވެން ހުރި ހުސްޖާގައަށް  ނުކުތްއިރު އެންމެން އެއްއަޑަކަށް ގޮވާލިއެވެ. އަދި ހަމަ އެވަގުތު މުޅިތަން ދިއްލިގެން ދިޔައެވެ. ތަނަށް ވެރިވެފައި އޮތީ ފަނޑު ރީދޫ އައްޔެކެވެ. ކުދި ބޮކިފަތިތަކުން މުޅިތަން ދިއްލާލެވިފައިވާއިރު ހުދު ކުލައާއި ’ބާރގަންޑީ‘ ކުލައިން ތަން ތައްޔާރުކުރެވިފައިހުރީ ވަރަށް އާދައިގެ ނަމަވެސް ރީތި ގޮތަކަށެވެ. އެއްކޮޅުން އަނެއްކޮޅަށް ހުރި ދިގުމޭޒުގައި އާއިލާގެ މެމްބަރުން ތިބިތަން ފެނިފައި ޔަލްވީ ހަމަ ރަނގަޅަށްވެސް ހައިރާންވިއެވެ. ފަހަރަކު މީހަކު އައިސް ޔަލްވީއާއި ލިއަމްއަށް މަރުހަބާ ކިއެވެ. ޔަލްވީއާއި ލިއަމް އަށް ހާއްސަކުރެވިފައިވާ ގޮނޑީގައި ދެމީހުން އިށީނީ ދެނެވެ.

”ވަރަށް އުފާވެއްޖެ މިކަހަލަ މަންޒަރެއް ފެނުމުން…..ދުވަސް ތަކަކަށް ފަހު އާއިލާއަށް އުފާވެރިކަން އެލިބުނީ“ ޔާސިރު ހިނިތުންވެލިއެވެ.

”އެތެދެއް….އެހެންނޫނަސް މި ދެމީހުން ހާދަ ވަގޭ ދޯ….ރަށަށް ގޮސް އުޅުނުއިރުވެސް މީގެން ކަމެއްގެ ހިލަމެއްވެސް އަހަރުންނަށް ވިޔަ ނުދިން ވިއްޔާ“ ފަރީދާ ބުންޏެވެ. ކުރިމަތިވި ހިތްދަތި ކަމަށްފަހު ފަރީދާގެ ހާލަތު މިހާރު މުޅިންހެން ހަމައަކަށް އެޅެމުން ދިޔައެވެ.

”ލިއަމްގެ ފެމެލީ ކޮބާ؟ އެމީހުން ނުގެންނަންތަ މިރޭ؟“ އާޔަތު ސުވާލު ކޮއްލީ ޔަލްވީގެ އާއިލާ އެންމެން ތިބިއިރު ލިއަމްގެ އާއިލާ ފެންނަން ނެތުމުންނެވެ.

ލިއަމް ބަލާލީ ޔުވާން ގާތުގައި އިން މެހެކްއަށެވެ. ”ލިއަމްގެ ހުންނާނީ އަޅުގަނޑާ އަޅުގަނޑުގެ ބައްޕަ އެކަނި މިވަގުތު…..ބައްޕަ މިރޭ ބަލިކޮށް އުޅޭތީ ނާދެވުނީ…..އަދި އަންނާނެ ބައްދަލު ކޮއްލަން“ މެހެކް ވާހަކަދެއްކީ ލިއަމް ބޯ ޖަހާލުމުންނެވެ.

އެ އުފާވެރި ވަގުތުކޮޅު އެންމެންވެސް ހޭދަކުރަމުން ދިޔައީ އެކި ވާހަކަތައް ދައްކައި ކުރީގެ އުފާވެރި ހަނދާންތައް އާކުރުމުގައެވެ. އެންމެންގެ މޫނުމަތިންވެސް ހިނިތުންވުން ފެންނާތީ ޔަލްވީ އިނީ ހިތްހަމަޖެހިފައެވެ. ލިއަމްގެ އެކުވެރިންގެ ތެރެއިން އަޒާން އައިސް އިން އިރު މީކައިލް ފެންނާކަށް ނެތެވެ. މަހީރް އުންމީދުކުރީ އެރޭ މީކައިލް ފެންނާނެ ކަމަށެވެ. އެދުވަހަށް ފަހު މީކައިލްއާ ވާހަކަ ނުދެއްކުނެއް ކަމަކު މަހީރް ހުރީ މީކައިލް ދެކިލާހިތުން ކެތްމަދުވެފައެވެ.

އާޔަތުގެ ފޯނު ރިންގުވާންފެށީ އެވަގުތުއެވެ. ފޯނު ކޯލު ނަގަމުން އާޔަތު ތެދުވެގެން ގޮސް ތަންކޮޅެއް ދުރުގައި މަޑުކޮއްލިއެވެ. ވާހަކަ ދައްކަމުން ދިޔައިރު އާޔަތުގެ މޫނުމަތިން ފެންނަމުން ދިޔައީ ނުތަނަވަސް ކަމެވެ. އެތައް ވާހަކައެއް ދެއްކުމަށްފަހު އާޔަތު އެނބުރި އައިރު އެމޫނުމަތީގައި ކުރިންހުރި އުފާވެރިކަމެއް ނެތެވެ.

”އާޔޫ….ކަމެއް އުޅެނީތަ؟ ކީއްވެ އެހާ ހާސްވެފަ؟“ ޔަލްވީ މަޑުމަޑުން އާޔަތު ކަންފަތްދޮށު އަހާލީ ކަމެއް ފާހަގަވެގެންނެވެ.

”ޔެސް….އޯލް ގުޑް. ކްލައިންޓެއް އެގުޅީ ކޭސްގެ އަޕްޑޭޓެއް ބަލާލަން“ އާޔަތު ގަދަކަމުން ހިނިތުންވެލިއެވެ.

ބައްދަލުވުން ނިމި އެންމެން ވަކިވީ ފުރުމުގެ ކުރިން ލިއަމްގެ ބޮޑުބޭބެއާ ބައްދަލުކޮށް ކައިވެނީގެ ވާހަކަ ދައްކަން ނިންމާފައެވެ.

………………………

ހެނދުނު އޮފީހަށް އައިސް އެންމެ ފުރަތަމަވެސް އާޔަތު އުޅުނީ މުޖްތަބާގެ ކޭސްގެ ކަންކަން ނިންމޭތޯއެވެ. އެތައް ދުވަހަކަށް ދިގުދެމިގެންދާ އެމައްސަލައަށް ނިމުމެއް ނާދެއެވެ. ރެޔާ ދުވާލު އެތައް މަސައްކަތެއް ކޮއްގެންވެސް މައްސަލައިގެ  އެންމެ އަޑިއަށް ވާސިލްވާ ގޮތެއް ނުވެއެވެ.

ހުޅުމާލޭގައި އޮތް ބިމުގެ ހަޤީޤީ މިލްކުވެރިންނަކީ ކޮބާ ކަމެއް އާޔަތުއަކަށް އަދިވެސް ހޯދޭގޮތެއް ނުވެއެވެ. މުޖުތަބާ ބުނާގޮތުގައި އެބިމަކީ އޭނާ މީގެ 7 އަހަރު ކުރިން ގަނެފައިވާ ބިމެކެވެ. އެބިމުގެ އަސްލު ޙައްޤުވެރިއަކީ އޭނާ ކަމުގައި ބުނެއެވެ. ނަމަވެސް އެ ބިމަކީ 15 އަހަރަށްވުރެން ގިނައަހަރު އާއިލާއަކަށް ނިސްބަތްވާ ބިމެކެވެ. އެ ބިން ވިއްކި ކަމުގެ އެއްވެސް ހެތްކެއް ފެންނަން ނެތްއިރު އެބިމުގެ ރަޖިސްޓްރީ ވެސް އެ އާއިލާ އަތުގައި ވެއެވެ. ހަމަ އެގޮތަށް މުޖުތަބާ އަތުގައި ހުރި ބިމުގެ ރަޖިސްޓްރީ ތަކަކީވެސް އަސްލުކަން ސާބިތުވެއެވެ. ތެދު ދޮގު ހަދަނީ ކޮން ފަރާތަކުން ކަމެއް ނޭގެއެވެ. މީގެ ކުރިން އެ އާއިލާ އާއި  އާޔަތު މުއާމަލާތު ކުރަމުން ދިޔައީ ފޯނުންނެވެ. މައްސަލަ އަށް ހައްލު ލިބޭތޯ އާޔަތު ނިންމީ އަމިއްލައަށް އެތަނަށް ގޮސް ގާތުން ކަންކަން ބަލާ ފާސްކުރުމަށެވެ.

އޮފީސް ކުއްޖެއްގެ ސައިކަލުގައި އާޔަތު މިސްރާބު ޖެހީ ހުޅުމާލޭގެ އެންމެދުވަސްވީ ފްލެޓްތަކާއި ދިމާއަށެވެ. މަންޒިލަށް އާދެވުމުން ސައިކަލު ޕާކުކޮށް އާޔަތު ހިނގައިގަތީ ކުރިމަތިން ފެންނަން ހުރި 5 ބުރީގެ އިމާރާތާ ދިމާއަށެވެ. ފޯނު ނަގައި ނަންބަރަކަށް ގުޅާލަމުން އެތެރެއަށް ވަދެގެން ދިޔައެވެ. ގަޑިއެއް ހާއިރު ފަހުން އާޔަތު އެ އިމާރާތުން ނުކުތީ ފުދޭވަރަކަށް ބާރަށެވެ. ނުކުތްއިރު އަތުގައި ކަރުދާސްތަކެއްވެސް ހުއްޓެވެ. ފޯނުނަގައި އޮފީހުގައި އުޅޭ މީރާގާތު ވީހާވެސް އަވަހަކާ އިސް ވާކީލުންނާއެކު އެމެޖެންސީ މީޓިންއެއް ރޭވުމަށް އާޔަތު އެދުނެވެ.

އާޔަތުގެ ހަރަކާތްތައް ފުދޭވަރަކަށް އަވަހެވެ. ދެކޮޅު ބަލާލަމުން މަގަށް ނުކުމެ ސައިކަލު މަޑިދޮށަށް އަތުގައި ހުރި ކަރުދާސްތައްލަމުން ސައިކަލަށް އަރައި ދުއްވާލިއެވެ. އާޔަތު ސައިކަލަށް އެރި ހިސާބުން ފަހަތުން ކާރެއް އަންނަހެން ހީވިއެވެ. އަޅާ ކޮންމެ ގޯޅިއަކުން އެކާރުވެސް އަޅަނީ އިއްތިފާގަކުން ނޫނޭ އާޔަތުގެ ހިތަށް އަރަމުން ދިޔައެވެ. ހައިވޭއާ ހަމައިން އާޔަތުގެ ހީ ޔަޤީނަށް ބަދަލުވިއެވެ. އާއެކެވެ. ފަހަތުން ފާރަލަމުން ބާރު ސްޕީޑުގައި އެ އަންނަނީ އަޅިކުލައިގެ ކާރެކެވެ. ހުންގާނުގައި ބާރަށް ހިފަހައްޓާލަމުން އާޔަތު ސައިކަލުގެ ދުވެލި ބާރުކޮއްލިއެވެ. ކާރުގެ ދުވެލިވެސް ބާރުވިތަން ލޯގަނޑުން ފެނުނެވެ. އާދަޔާ ޙިލާފަށް ކާރުގެ ދުވެލި ބާރުވިތަންފެނި އާޔަތުގެ ހިތުގެ ތެޅުން ބާރުވެލިއެވެ.

ލޯގަނޑުން ފަހަތް ބަލަން ކުއްލިއަކަށް ގެނައި ހަރަކާތަކުން ހުންގާނުގެ ކޮންޓްރޯލު ގެއްލި ސައިކަލު މަތަނުވެ ގޮސް ހައިވޭ އަރިމަތީގައި ހުންނަ ދަގަނޑުތަކުގައި ޖެހުނެވެ. ހަމައެއާއެކު ބާރު ސްޕީޑުގައި ފަހަތުން އައި ކާރު މަޑުނުކުރެވި ސައިކަލުގައި ޖެހުނު އަޑުފައްގަނޑު މުޅިތަނުގައި ގުގުމާލިއެވެ. އާޔަތުވެ ދެލޯމެރެމުން ދިޔަވަގުތު ގައިގެ އެއްވެސް ތަނެއް އިހްސާސް ނުވާކަހަލައެވެ. އަތެއް ފަޔެއް ވެސް ގުޑުވާނުލެވުނެވެ. އެހީއަށް އެދި މީހަކަށް ގޮވަން އަނގަ ހަރަކާތެއް ނުކުރިއެވެ. ތެތް ފިނިއެއްޗެއްގެ އިހްސާސް ވެގެން ދިޔައިރު މުޅިތަން އަނދިރިވެގެން ދިޔައެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.