
ހުރީމެ ތިހިތުން ޖާގަ ދޭތޯ 2

“އެކަމް ހީ އިޒް މެރީޑް އެހެންނު…” ރޫޔާ ފަރާތުން އެ ޖުމްލަ އަޑުއިވުމުގެ ކުރީން އަހަރެން ފުރިހަމަކޮށްދިނީމެވެ. އެއީ މާޒީގައިވެސް އެތައްފަހަރަކު ރޫޔާގެ ފަރާތުން އަހަންނަށް އަޑުއިވުނު ޖުމްލައެކެވެ. ބައެއްފަހަރު ރޫޔާގެ ވާހަކަތައް ހުންނަގޮތުން ޝަދަފްދެކެ ލޯބިވުމަކީ އަހަންނަށް ކުރެވުނު ކުށެއްކަމަށް އިޙުސާސްކޮށްދޭން އުޅޭހެން އަހަންނަށް ހީވެއެވެ. އަހަރެންގެ ނަޒަރު ފުރަތަަމަ ފަހަރަށް ޝަދަފްއަށް ހުއްޓިގެންދިޔައިރު އެއީ އެހެން އަންހެންކުއްޖެއްގެ ލޯބިވެރިއަކަށްވެދާނެކަމަށް އަހަރެން ހިޔެއްނުކުރަމެވެ. ކައިރާއާއި ޝަދަފްއާއި ދެމެދު އޮތް ގުޅުން ފުރަތަމަ ދުވަހުވެސް އިނގުނުނަމަ އަމިއްލަ އިޙްސާސްތަކަށްވެސް އަހަރެން ފުރަގަސްދިނީ މުހެވެ. އަމިއްލަ އިޙުސާސްތައް އަހަންނަށް ދޮގުނުކުރެވުނަސް ޝަދަފްއަކީ ކައިރާގެ ހައްޤެއްކަން އިނގުމަށްފަހު އެ ލޯބި ހާސިލް ކުރަން އަހަރެން ކުރިކަމެއް ނޯންނާނެ އެވެ. އެކަމަކު އަހަރެންގެ އިޙުސާސްތައް ބަދަލުނުވުމަކީ ކުށެއްނޫންކަން ޤަބޫލުކުރަން ހުރީ ކާކު ހެއްޔެވެ؟
“ރޫޔާ… އަހަރެން ވަރަށް ވަރުބަލިވެއްޖެ… ގުޑްނައިޓް…” އިތުރަށް ރޫޔާއަށް ވާހަކަދައްކާނޭ ފުރުސަތު ދޭކަށް އަހަރެން ބޭނުމެއް ނުވިއެވެ…
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.