ހުރީމެ ތިހިތުން ޖާގަ ދޭތޯ

ވަގުތުގެގޮތުން ހަމަހިމޭންކަމަށް ގެނބިފައިވާ މާލޭގެ މަގުތައްމަތީގައި އެވަގުތު ރަސްކަންކުރަމުންދިޔައީ ފުން ހިމޭންކަމެކެވެ. ފަޅުކޮށް އޮތް މާލޭގެ ބޭރުމަގުގައި ބާރު ސްޕީޑެއްގައި ސައިކަލު ދުއްވާފައިދިޔައިރު އޭރުވެސް ތުނިތުނިކޮށް ވާރޭގެ ކަނިތައް ޖަހަމުންދިޔައެވެ. ހާމަޔަށް އޮތް ކަނޑުން އަންނަމުންދިޔަ ފިނިކަން އެކުލެވިގެންވާ ތާޒާ ވައިރޯޅިތަކާއިއެކު ވައިގެ ތެރޭގައި ވިހުރިގެން އައިސް މޫނުގައި ބިހެމުންދިޔަ ހިމަފޮދުވާރޭގެ ކަނިތަކުންވެސް ހިތަށް ފިނިކަންގެނުވައެވެ. މަގުގެ ދެކޮޅުން ރީނދޫކުލައިގެ ލައިޓްތަކުން ދިއްލާލެވިފައިވީ އިރު އެއަލިކަމުގައި ވަޔަށް ހޫރެމުންދާ ފެންތިކިތައްވެސް ފެންނަމުންދިޔައީ ވިދަމުންދާ ޝަބްނަމްތިކިތަކެއްގެ މިސާލުގައެވެ. ވައިރޯޅީގެ މައްލަވަކުރުންތަކާއިއެކު ހޫރެމުންދިޔަ އިސްތަށިގަނޑު ރީތިކޮށްލަމުން ދެއަތް ގެނެސް މޭގައި ޖައްސާލެވުނީ ފިނީގެ ސަބަބުން ރޫރޫ އަޅަމުންދިޔަ ހަށިގަނޑަށް ހޫނުކަމެއް ހޯދައިދެވޭތޯއެވެ. މިއީ ލޯބިވެރިއެއްގެ ދެއަތުގެ ހޫނުން ވިރިގެންދާން ބޭނުންވާނޭފަދަ މަންޒިލަކަށް ވިޔަސް، އަމިއްލަ އިޙުސާސް ތަކުގައި އަތްއަޅާލައިގެންހުރެ ނަފްސު ކޮންޓްރޯލްކުރަން މަސައްކަތްކުރަމުންދިޔައ…