އިންތިޒާރުގައި ހުރިން 11

ސުމާމެންނަށް ގެއަށް ދެވުމާއި އެކު ކާރުން ފައިބާ ގޭގެ ތެރެއަށް ވަނީ ދުވެފައެވެ. އަދި ލިފްޓުން މަައްޗަށް އެރުމަށްފަހު ދޮރުަަމަތީ ސުމާ މަޑުކޮށްލީ އޭނާ ތެމިފައިވީމައެެވެ. “ޒިން.. ބޭބީ… މަންމި ފެންވަރަންެދެން ޒިން މަޑުކޮށްލަންވީނު.. މަންމި އެއްކޮށް ތެމިފަ މިހުރީ..” ސުމާ ދޮރުމަތީ ހުރެ އެހެން ބުނެލުމުން ޒިން އާއެކޭ ބުނެލުމަށްފަހު އޭނާގެ ކުޅޭ އެއްޗެހި ކައިރިއަށް ދުވެފައި ދިޔައެވެ. ސުމާ ދުވެލާފައި އެތެރެއަށް ވަނެވެ. އަދި ތެތްއެއްޗެހި ބޭލުމަށްފަހު އަވަސް އަވަހަށް ފެންވަރާލައިގެން ނިކުތީ ޒިން ގައިދޮއްވާލަންށެވެ. ސުމާ ކޮޓަރީގައި އޮވެފައި ޒިންއަށް ގޮވާލުމާއި އެކު ޒިން ދުވެފައި ކޮޓަރިއަށް ވަނެވެ. ސުމާ ފަސޭހަކަމާއި އެކު ޒިން ގައިދޮއްވާލުމަށްފަހު ނެރެލިއެވެ.

“ޒިން އިނގޭތަ… މަންމިއަށް ޖޮބް ލިބުނީ….” ސުމާ ޒިންގެ ގައިގާ ބައްދާލަމުން ބުނެލިއެވެ. “ވާއު މަންމީ… ދެން ޒިން އެކަނި ހުންނަންޖެހޭނީ؟” ޒިން ދެރަވެލާފައި އެހެން އަހާލުމުން ސުމާވެސް ދެރަވިއެވެ. “ނޫނޭ ބޭބީ… ބޭބީ ރީހަންބެ ގެއަށް ދަނީ.. އެހެންނޫނަސް މަންމި އަންނާނަމޭ… ބޭބީ އެކަނި އެއް ނުކޮށްލާނެ އެއްނު ދޯ.. ޒިން ސުކޫލަށް ދަންޏާ އޯކޭވާނެ.. އެން ޒިންއަށް މަންމިއާއި އެކު ހޮސްޕިޓަލަށްވެސް ދެވޭނޭ.. މަންމި ގެންދާނަން އިނގޭ..” ސުމާ ޒިންގެ ގައިގާ ބައްދާލަމުން ބުނެލީ ޒިންގެ ހިތްހަމަޖައްސާލުމަށްޓަކައެވެ. އެކަމުގައި އޭނާ ކާމިޔާބުވެސް ވިއެެވެ. ޒިންގެ މޫޑްރަނގަޅުވިއެވެ. “ބޭބީ ބުނެބަ ސުކޫލް މަޖާތަ؟ ނިއު ފްރެންޑްސް؟؟؟” ސުމާ އަހާލީ ޒިން ގެ އަތުގައި ހިފައިގެން ކޮޓަރިން ނިކުމެލަމުންނެވެ. ޒިން ވަގުތުން ސުކޫލުގައި ވީ ހުރިހާ ކަމެއް ކިޔައިދިނެވެ.

ސުމާ ޒިން ރީތިކޮށްލުމަށްފަހު ޒިން ގޮވައިގެން ރީހަންމެން ގެއަށް ދިޔައެވެ. މިފަހަރު އޭނާ އަމިއްލަ ނަފްސް ކޮންޓްރޯލްކުރަމުން ބެލްޖަހާލީ އެއްފަހަރުއެވެ. އަދި ދޮރު ކައިރި މަޑުކޮށްލައިގެން ހުރެލިއެވެ. ދޮރު ހުޅުވީ ރިލްވާންއެވެ. ރިލްވާން ހިނިތުންވެލަމުން ސުމާ ވަންނަން ތަންދިނެވެ. ރިލްވާން ފެނުމާއި އެކު ޒިން ރިލްވާންގެ ގައިގާ ބައްދާލިއެވެ. ރިލްވާން ޒިން އުރާލިއެވެ. ސުމާ ގޮސް ރިލްވާން ކައިރި ހުރެލުމަށްފަހު ރިލްވާންއައި އެކު ސަކަރާތް ޖަހަމުން ދިޔަ ޒިންގެ އިސްތަށިގަނޑުގައި ފިރުމާލިއެވެ. ރިލްވާންވެސް ހެމުން ހެމުން ޒިންގެ ގައިގާ ގިލިގިލި ކޮށްޓަމުންދިޔައެވެ. އެ ތިންމީހުންގެ ސަކަރާތްބަލަން ދުރުގައި ހުރި މަރިޔަމް ހުރީ ހެވިފައެވެ. މަރިޔަމްގެ ފަހަތުގައި ހުރި މިޝްޔާ މަރިޔަމްގެ ކޮނޑުގައި އަތްލިއެވެ. މަރިޔަމް ސިހިފައި ފަހަތަށް ބަލާލުމުން މިޝްޔާ ހިިނިގަނޑެއް ޖަހާލިއެވެ. ދެމީހުން އެއްކޮށް އެ ތިންމީހުންނާއި ކައިރިވެލިއެވެ. “ކޮބާ ސުމް ޖޮބް ލިބުނީތަ؟” މަރިޔަމްގެ އަޑު އިވުމާއި އެކު ތިންމީހުންވެސް ހުނުން މަޑުކޮށްލާ މަރިޔަމްއާއި ދިމާލަށް ބަލައިލިއެެވެ. ސުމް ބޯޖަހާލިއެވެ. މަރިޔަމް އުފަލުން ސުމާގެ ބޮލުގައި ފިރުމާލިއެވެ. އަދި މަރުހަބާ ކިޔަމުން ސުމާއަށް ރަނގަޅު ދުވަސްކޮޅެއް ކުރިއަށް އޮތުމަށް ދުޢާ ކޮށްލިއެވެ. “އެހެންވީމަ ޒިން އަންނާނީ މިގެއަށޯ.. ދޯ ޒިންންންންންން…” މިޝްޔާ ރިލްވާންގެ އަތުން ސުމާ ނަގަމުން އެނބުރިލިއެވެ. ޒިން މަޖާވެގެން ހޭންފެށިއެވެ. ސުމާވެސް ހޭންފެށިއެވެ. އަލާން ކޮޓަރީގައި ކުޅެން އޮވެފައި ނުކުމެގެން އައީ މިޝްޔާ ގޮވާ އަޑަށެވެ. އަލާން  ޒިން ގޮވައިގެން ކުޅެން ވަނުމުން ސުމާ ސޯފާ މަތީ އިށީނީ މިޝްޔާއާއި ވާހަކަ ދައްކާލާށެވެ.

“ކޮންއިރަކުން ދަނީ ދެން؟ އެން އިންޓަވިއު ރަނގަޅުތަ؟؟” މިޝްޔާ އަހާލިއެވެ. ރިލްވާން ވެސް އެމީހުންގެ ކައިރި އިށީނދެލިއެވެ. “ހުމްމް ބުނީ ގުޅާނަމޯ… މިޝީ އިންޓަވިއުގެ ވާހަކަ ނުދައްކާ… އޭނާ އިނގޭތަ ސުމްކޮ ދޮރުމައްޗަށް އެރުމާއި އެކު ބުނެފި ޖޮބް އެއް ނުލިބޭނެޔޭ ބޮޑު ހެދުން ލާފަ ހުރީމަ އޯ.. ދެން ސުމްކޮ އޭނައާއި ދިމާލަށް ދެތިން އެއްޗެއް ބުނެފަ ނިކުތީ.. އަނެއްކާ ގޮވައިފި ދަނިކޮށް.. ދެން ވަންނައިރަށް ފައިލްވެސް ބެލީ.. ދެން ބުނީ ސެލެކްޓެޑްއޭ… އައި ވޯސް ވޮންޑަރިން ހައު އިޓް ހެޕަންޑް.. ސަރ ބުނީ ސުމްކޮ ނިކުންނަނިކޮށް ވަންނަން އުޅުނު ކުއްޖާގެ ސަބަބުންނޯ އެހެންވީ.. އޭނާ ބުނީއޯ ސުމްކޮގެ ޕާރފޯރމެންސް ބަލާށޭ…ކޮންމެއަކަސް އޭނާއަށް ޝުކުރު ހައްޤު.. އެކަމް ސުމާ ދިޔައީ އޭނާ ކޮށްޕާލާފަ އޭރު ރުޅިއައިސްގެން.. ހަހަ އައި ޑޯންޓް ނޯ ނުވެސް ފެނުނު މޫނެއް..” ސުމާ އިންޓަވިއުގައި ވީ ކަންތަށް ކިޔައިދިނުމުން މިޝްޔާ ފެށިީ ހޭށެވެ. “އޯ ގޯޑް.. ހަހަހަ ސުމް ރުޅިއައިއްސަ އޭނާ ކޮށްޕާލާފަ ދިޔައީ އޭ.. ހަހަހަ އެން ހީ ޑިޑް ދެޓް. އޯ ގޯޑް ސުމް.. ޔޫ އާރ އިމްޕޯސިބަލް.. ހަހަ” މިޝްޔާ ހެމުން ހެމުން ބުނެލިއެވެ. ސުމާވެސް ހޭންފެށިއެވެ. “އަދި އެހެން ކަމެއްވެސް ވިއޭ… ކާރެއް ނުލިބިގެން ވިއްސާރައިގައި ހިނގާފައި ދިޔައީ ދޯ ކާރެއް ލިބިދާނެކަމަށް… ދަނިކޮށް މީހަކު ކުޑައެއް ފަހަތުން ދިއްކޮށްލި. ސުމްކޮ އެއީ ކާކުތޯ ބަލަން ފަސްއެނބުރުމުން ޖަހާ ކުޑަ އެއްލާލާފައި ދުވެފައި ގޮއްސި.. ބިރުން ހަލާކުވެސް ނުވީ ކިރިޔާ..” ސުމާ އެވާހަކަ ކިޔައިދިނީ ކުޑަކޮށް އެ ވާހަކަ ހަނދާންކޮށްލަމުންނެވެ. “އެހެންތަ.. ހުމްމް ވެދާނެ ޖިންނިއެއް ކަމަށް… ބޫ..” ރިލްވާން ސުމާގެ އަތުގައި ހިފާ ތަޅުވާލަމުން އެހެން ބުނެލިއެވެ. އަދި ބަރުއަޑަކުން ހަޅޭލަވައިގަތެވެ. މިޝްޔާއާއި ސުމާއަށް އެއްފަހަރާ ހަޅޭލަވައިގަނެވުނެވެ.

“އަދި މީ ވަރުގަދަ ފިރިހެނެއް..” މިޝްޔާ ރިލްވާންގެ އިސްތަށިގަނޑަށް ދަމާލަމުން ބުނެލިއެވެ. ސުމާ އެދެމީހުންގެ ކޯޅުންގަނޑު ބަލަން ހެވިފައި އިނެވެ. މިޝްޔާ އެއީ ރިލްވާންގެ ފަހަރިއަށްވުރެ ބޮޑަށް އެއްބަނޑު އެއްބަފާ ކުއްޖެކޭ އެއްފަދައެވެ. އެދެމީހުން އެހާ ވެސް ގާތެވެ. އިރުކޮޅަކު އެހެން އިނުމަށްފަހު ސުމާ ޒިން ގޮވައިގެން ދިޔައީ ޒިން ނިދާގަޑި ޖެހެނީ އޭ ބުނެފައެވެ. ޒިން ހުރީ އަލާންއާއި އެކު ކުޅެވުމުން ވަރަށް ހިތްހަމަޖެހިފައެވެ. ސުމާ ނަމާދުކޮށްލާ ހަދައިގެން ޒިންއަށް ކާންދިނުމުގައި އުޅުނެވެ. ޒިން އަމިއްލަ ވާހަކައިގައި ކައި ނިންމާލިއެވެ. އެއަށްފަހު ނިދަން އޮތީ ސުމާވެސް އެނދުގައި ޒިން ބޭއްވުމާއި އެކުަގައެވެ. ޒިން ނިދުމާއި އެކު ސުމާ ބޭރަށް ނިކުމެލިއެވެ. އޭނާ ހުރީ ރޯގާ ވައްތަރުވެފައެވެ. އެހެންކަމުން ހޫނު ފެންފޮދެއް ބޯލީ ކުޑަކޮށް ރަނގަޅުވޭތޯއެވެ.

ކުއްލިއަކަށް ސުމާ އަށް އިވުނީ ބެލްޖެހިއަޑެވެ. ސުމާ ގަޑިއާއި ދިމާލަށް ބަލައިލީ މިގަޑީގައި ކާކުބާއޭ ހިތާއެވެ. އެ ހިޔާލުގައި ހުރެ ބުރުގާ އަޅާލަމުން ސުމާ ދޮރުހުޅުވިއިރު ކުރިމަތީ ހިނިތުންވެލައިގެން ހުރީ ރިޝްފާއެވެ. ސުމާ ހިނިތުންވެލަމުން ރިޝްފާ އެތެރެއަށް ވަންނަން ތަންދެއްކިއެވެ. “ހާދަ ރޭގަނޑަކު؟” ސުމާ އަހާލީ ރިޝްފާ ސޯފައިގާ އިށީނދެލުމުންނެވެ. “އާނ…. މިތާ ކައިރި ފިހާރައަކަށް ވަދެފަ ހިތަށް އެރީ ސުމް ކައިރިއަށް އައިއްސައޭ ދާނީ…. އަން! މީނީ ޒިންއަށާއި ސުމްއަށް ގެނެސްދިން ޗޮކްލެޓެއް..” ރިޝްފާ އޭނާ ގެނައި ކޮތަޅުން ދެ ޗޮކްލެޓް ނަގަމުން ބުނެލިއެވެ. “ދެން ކީއްކުރަންތަ.. ހެހެހެ” ސުމާ ރިޝްފާކައިރި ބުނެލިއެވެ. ސުމާ ނުހިފުމުން ރިޝްފާ އެ ދެ ޗޮކްލެޓް ގެންގޮސް ފްރިޖަށްލިއެވެ. “އުޅޭ މާދަމާ ހިނގާލަން ދާން…. ހަވީރު ރަސްފަންނަށް ދާން މިއުޅެނީ…” ރިޝްފާ ސޯފާގައި އިށިނދެލަމުން ބުނެލިއެވެ. “ޒިންގެ ސުކޫލް ނިމެނީވެސް 5 ގަ ސޯ ވީ ކާންޓް… އެހެން ދުވަހަކުން ދޯ” ސުމާ ބުނެލިއެވެ. އޭނާވެސް ހުރީ ރިޝްފާއާއި އެކު ހިނގާލަން ދާންބޭނުންވެފައެވެ. “އޯވް… އެހެންވިއްޔާ ވީކްއެންޑްގަ ދޯ..” ރިޝްފާ އެހެން ބުނެލިއެވެ. އިރުކޮޅަކު ދެމިހުން ވާހަކަ ދައްކާލަން ތިބުމަށްފަހު ރިޝްފާ ދިޔައީ އޭނާގެ ނަމްބަރ ވެސް ސުމާއަށް ދީފައެވެ. ސުމާ ހިތްހަމަޖެހިފައި ހުރެ ރިޝްފާ ފޮނުވާލީިއެވެ. އާ އެކުވެރިއެއް ލިބުނީތީ އޭނާ ހުރީ ވަރަށް އުފާވެފައެވެ.

ސުމާ މިރޭވެސް ބެލްކަނީގައި މަޑުކޮށްލިއެވެ. ވާރޭ ހުއްޓާލާފައި ވިއެއް ކަމަކު ޖެހޭ ވައިގައި ވަނީ ތެތްކަމެކެވެ. ޖައްވުގައި ދުވަނީ މީރުވަހެކެވެ. ސުމާ ލޯ މަރާލައިގެން އިރުކޮޅަކު އެހެން ހުރީ އެ ފިނިރޭގެ އުފާ ހޯދާލުމުގެ ބޭނުމުގައެވެ.

“ޒިންންންން…. މިހާރު ފެނުނީމަ މާ އުނދަގޫވެ… އަބަދު އެދެވެނީ ކައިރި ހުންނަން.. ކުރިން ކެތްކޮށްލެވުނަސް މިހާރު ވަރަށް އުނދަގޫ.. ތި ސޫރަ ދެކެން އަބަދު ބޭނުމީ….. ބަޓް…. ޔޫ އަރ ސަމްވެއަރ އެލްސް.. އަސްލު ހެޕީ ވި ވަރަށް…. ވަރަށް ހެޕީވި ސުމްކޮ މަތިން ހަނދާންހުރީމަ….”

…..

“ހާދަ ލޮތްބޭ ދޯ ތިހިރަ ބަލާލުން.. އިނގެޔޭ އެބަ އަސަރު ކުރާކަން…” ލޯ މަރައިގެން ބެލްކަނީގައި ހުރި މާޒިން ލަވައިގެ އެބައި ކިޔައިލިއެވެ. ސުމާ ފެނުނުފަހުން އޭނާގެ ހިތް ކޮންޓްރޯލްކުރަން ވަރަށް އުނދަގޫވިއެވެ. ނަމަވެސް އެ ހުންނަނީ  ވަރަށް އުނދަގުލުންނެވެ. ކެތްތެރިކަން އޭނާ އިހްތިޔާރުކުރާތީއެވެ. ހިތަށްވުރެ ބޮޑަށް ސިކުނޑިއަށް އިސްކަންދޭތީއެވެ.

“ހިތް އަތުލާފައި ދުރުގައި ހުރުމުން…

ކެތްކުރެވޭހޭ ލޯބިން….” މާޒިން ކިޔާލިއެވެ.

………………………………..

“ހިތް އަތުލާފައި ދުރުގައި ހުރުމުން..

ކެތްކުރެވޭހޭ ލޯބިން…” ސުމާ ކިޔާލިއެވެ.

ދެމީހުންނަށް ނޭނގުނުކަމުގައިވިޔަސް ދެމީހުންގެ ހިތުގައި ވަނީ އެކައްޗެކެވެ. ތެޅެނީ އެކަކު އަނެކަކަށްޓަކައެވެ. ބަދަލުކުރެވިފައިވާ އެ ދެހިތް ދުވަހަކުވެސް ވަތްކެއްނުވާނެއެވެ. ދެޖިސްމު ވަކިވެގެން ދިޔަޔަސްހެވެވެ. އެތަށްއިރަކު އެ ފިނި ރޭގެ އުފާހޯދާލަން ސުމާ އިނެވެ. މާޒިންވެސް ބެލްކަނީގައި އިން ގޮނޑީގައި އިށީނދެލައިގެން އިނެވެ. ދެމީހުންގެ ނަޒަރު ހުއްޓިފައި ވަނީ ހަނދަށެވެ. ވިލާތަކުގެ ތެރެއިން ދުނިޔެ އަލިކުރަމުން އަންނަ އެ ފަޅިހަނދަށެވެ. ފުރިހަމަ ހަނދެއްކަމުގައި ނުވިޔަސް މިރޭ އެ ހަނދު އަދާ ކުރާ ރޯލް ކުޑައެއްނޫނެވެ.

“އޭ… ކިޔާލަ ދީބަލާ…. ބޭނުން ކަލާ.. ބޭނުން ކަލާ…

އަހާ ވާ ގޮތް މިތާ…. ކިޔާލަ ދީބަލާ.. ބޭނުން ކަލާ… ބޭނުން ކަލާ….

ވާ ގޮތް މިތާ…. ” ސުމާ ހިނިތުންވެލަމުން އެ ލަވައިގެ ބައި ކިޔާލީ އޭނާގެ ހިތުގެ އަޑު ފޯރާނެކަމަށެވެ.

….

“ހިތްހަމަޖެހުމެއް ނުލިބޭ ނުފެނުމުން ތި ރީތި ސޫރަ…

ހާދަހާ ހިތަށް ތަދުވެޔޭ ނުފެނުމުން ކަލާގެ ސޫރަ…

“ޗާލޭ…. ޗާލޭ މަގޭ ސުމްކޮޅާ… ޗާލޭ މަގެ ދުންޏާ… ޗާލޭ މަގޭ ސުމްކޮޅާ…….”

މާޒިންވެސް އޭނާގެ ހިތުގެ އަޑު އިއްވާލިއެވެ. އެއީ އަބަދުވެސް އޭނާ ސުމާއަށް ކިޔައިދޭ ލަވައެކެވެ. ދެމީހުންވެސް އެކި ލަވަ ލަވަ އެދެމީހުންގެ ނަން ލައިގެން ކިޔައިފާ ހުންނާނެއެވެ.

ދެމީހުންވެސް ހަނދަށް ބަލަންތިބީ އެ ހަނދު އެދެމީހުންގެ ހިތުގެ އަޑު އެ ފަރާތަކަށް ފޯރުކޮށްދޭށޭ ބުނާފަދަ ގޮތަކަށެވެ.

ދެމީހުންނަށް ނިދުނީވެސް އެތަށް ދަމެއްވީފަހުން އެތާ އޮއްވައެވެ.

…..

ސުމާއަށް ފަތިހު ހޭލެވުނީ ހަމަކުއްލިއަކަށެވެ. އޭރު އިރު ދިޔައީ އޭގެ ވާޖިބް އަދާކުރުމުގެ ގޮތުން ދުނިޔެ އަލިކުރަމުންނެވެ. އެ ހިތްގައިމު މަންޒަރަށް އިރުކޮޅަކު ސުމާ ބަލަން އިނުމަށްފަހު ކޮޓަރިއާއި ދިމާލަށް ދިޔައެވެ. ނަސީބަކުން އޭރު ޒިންއެއް ނުހޭލައެވެ. އެހެންނޫންނަމަ ޒިން އެއްޗެހި ގޮވީސްކަން ޔަޤީނެވެ. ސުމާ ފެންވަރާއިގެން ނިކުމެ ނަމާދުކޮށްލިއެވެ. އެއަށްފަހު ބަދިގެއާއި ދިމާލަށް ގޮސް ފެން ހޫނުކޮށްލާ ކޮފީއެއް ހަދާލިއެވެ.

ސުމާ ކޮފީތަށި ހިފައިގެން ބެލްކަނިއަށް ނިކުމެލިއެވެ. އެއަށްފަހު ރެއިލިންގައި ވާއަތް އަޅުވާލައިގެން އަނެއްއަތުން ކޮފީތަށި ހިފައިގެން ހުއްޓެވެ. ތެތްވެފައި ވާ އޭނާގެ އިސްތަށިގަނޑު ޖެހޭ ފިނި ވައިރޯޅިއާއި އެކު ތެޅިލައެވެ. އަދިވެސް ފަޒާގައި ވަނީ ފިނިކަމެވެ. އިއްޔެއާއި ބަލާފައި އުޑުމަތި ސާފުވިއެއްކަމަކު އޮންނަނީ ކުޑަކޮށް ބަނަކޮށެވެ. ސުމާ އެހެން ހުރެ ކޮފީތަށި ބޯލާ ހުސްކޮށްލިއެވެ. މާލޭގެ މަގުމަތި ހަލަބޮލި ވާންފެށީ އެވަގުތުގައެވެ. ސުކޫލަށްދާ ކުދިން ސުކޫލަށް ދާތަން ފެނެއެވެ. ސުމާ އެދިމާ ބަލަން ހުރުމަށްފަހު އެތެރެއަށް ވަދެލީ ކޮޓަރިއަށް ދިޔުމުގެ ބޭނުމުގައެވެ.

…..

މިއަދުވެސް ޒިން ލާފައި ސުމާ ގެއަށް އައިސް އުޅުނީ ފޫހިވާތީއެވެ. ކުރާނެ ކަމެއް ނެތިގެން އުޅެނިކޮށް މިޝްޔާ އެގެއަަށް އައެވެ. ދެމީހުންވެސް ވާހަކައިގައި ޖެހުނީ މިޝްޔާއަށްވެސް ލަސްނުވާނެތީއެވެ. އަލާން ސުކޫލަށް ލާފައި އައިސް މިޝްޔާވެސް އުޅުނީ ފޫހިވާތީއެވެ. ދެމީހުން ވެގެން ނޫޑްލްސް ކޮޅެއް ކައްކާލާ ޓީވީ އިން ފިލްމެއް އަޅުވައިގެން އެ ބަލަން ތިބިއިރު ހީވަނީ އެމީހުންގެ ޅަދުވަސްކޮޅުހެންނެވެ. ކުރާނެކަމެއްނެތް ބައެއްހެންނެވެ. މިޝްޔާއާއި ސުމާގެ އުމުރުގައި ހުރީ ދެއަހަރުގެ ތަފާތެވެ. މިޝްޔާއަށް އަލާން ލިބުނީވެސް އޭނާ ވަރަށް ޅައިރުގައެވެ. ކައިވެނި ކުރިއިރުވެސް އުމުރުން 19 އަހަރުގައެވެ. އެއީ މިހާރު އެންމެ ރަނގަޅުގޮތެވެ. މާ ގިނަދުވަހު ރައްޓެހިވެ އުޅުމުގެ ބަދަލުގައި އަވަަހަށް ކައިވެނި ކުރުން ރަނގަޅުކަމުގައި ގިނަ މީހުން ދެކެއެވެ.

ސުމާ އާއި މިޝްޔާ އިނީ ޓީވީއަށް ގެއްލިފައެވެ. އަންނަމުން ދިޔަ ފިލްމް އެމީހުންގެ ހުރިހާ ޝައުގުވެރިކަމެއް އަތުލިއެވެ. ދެމީހުންނަށް އެއްފަހަރާ ސިއްސައިގެން ދިޔައީ ގޭގެ ބެލްޖެހި އަޑަށެވެ. ސުމާ ބުރުގާ އަޅާލާފައި ދޮރާއި ދިމާލަށް ދިޔައީ އަވަސްހިނގުމެއްގައެވެ. ދޮރުމަތީ ހުރީ ރީހަންއެވެ. ސުމާ ރީހަން ކައިރި އެތެރެއަށް ވަނުމަށް އެދުނެވެ. ރީހަން އެތެރެއަށް ދެމިގަތީ ވަރަށް މަޑުމަޑުންނެވެ. އަދި ޓީވީއަށް ގެއްލިފައި އިން މިޝްޔާ ކައިރިއަށް ގޮސް ހަޅޭލަވައިގަތެވެ. އެއާއި އެކު މިޝްޔާވެސް ހަޅޭލަވައިގަތެވެ. ދޮރު ލައްޕާފައި އައި ސުމާ ހޭންފެށިއެވެ. “ސާބަހޭ. ކިރިޔާ އޭ މޭގަނޑު އަތަށް ނައީ…” މިޝްޔާ އޭނާގެ މޭގައި އަތްއަޅައިގެން ހުރެ ރީހަންއާއި ދިމާލަށް ބުނެލީ ލޯ އަޅާލުމުންނެވެ. “އަންނަންވީ އެއްޗެއް އަންނާނެ.. ދެލޯވެސް ނިކުންނާނެ.. އެވަރު އެބަ ކުރަމެއްނު..” ރީހަން މިޝްޔާގެކޮލަށް ދަމާލަމުން އެހެން ބުނެލިއެވެ. މިޝްޔާ ރީހަންގެ އަތް ފޮޅާލިއެވެ. “ދެން ވަރަށް އުނދަގޫ ބޮޑުވާނެ.. މިއަދު ފޮނިކަމުން އޮފީހަށްވެސް ނުދޭ.. ސުމްއަށް އިނގޭތަ ބުނެލި އެއްޗެއް… މިޝީ ނުގޮވީއޯ… މީހަކު އަޖައިބެއްނުވާނެތަ.. މިޝް ގޮވަ ގޮވަ ހުއްޓާ 8ވެސް ޖެހީ… ތެދުވަން އުޅޭ މީހަކަށް ދޯ ގޮވައިގެން ވެސް ނެގޭނީ.. މީނަ އުޅުނީ ތެދުވާކަށްނޫންވިއްޔަ.” މިޝްޔާ ރީހަންއާއި ދިމާލަށް ލޯ އަޅާލަމުން އެހެން ބުނެލިއެވެ. ސުމާ ހޭންފެށިގޮތުން މިޝްޔާއަށް ވަގުތުން ހެވުނެވެ. ސުމާ ރީހަން ކައިރި އެއްޗެއް ބޭނުންތޯ އަހާލުމުން ރީހަން ނޫނެކޭ ބުނެލިއެެވެ. އެހެންކަމުން ސުމާ ވެސް އައިސް ޓީވީ ބަލަން އިށީނދެލިއެވެ.

“ދެން މި ނުވާނެ ބަލާކަށް…. ދެން ހުސް ރޯނީ ތިމީހުން. ބަލާބަލަ އެހާައަވަހަށް ސުމާގެ ދެލޯ ފުރިއްޖެ.. މިޝީ އޭނީ ފަޅައިގެން ދާވަރުގަ…” ރީހަން ޓީވީ ނިއްވާލަމުން ބުނެލީ އެދެމީހުންނަށްވެފައި އިންގޮތް ފެނިފައެވެ. “ދެން ރީހަން….. ހާދަ ފޫހިވެޔޭ…” މިޝްޔާ ބުނެލިއެވެ. ރީހަން ހޭންފެށިއެވެ. ސުމާވެސް އޭނާގެ ލޮލުން ވެއްޓުނު ކަރުނަތިކި ފޮހެލަމުން ހިނިތުންވެލިއެވެ. “ސޯ ސުމް… ހައުސް ލައިފް؟” ރީހަން މިޝްޔާ ގެ އަތުގައި ހިފާލައިގެން އިނދެ އެހެން ބުނެލީ ސުމާއާއި ދިމާބަލައިލަމުންނެވެ. ރުޅިއައިއްސާ އިން މިޝްޔާގެ ނަޒަރު ސުމާއަށް ހުއްޓުނީއެހެންވެއެވެ. “ގުޑް ހަމަ” ސުމާ ހީލަމުން ބުނެލިއެވެ. “ސުމް ދެން ތިހެން ހުންނަނީތަ؟ މެރީ ކުރާކަށް ގަސްތެއް ނުކުރަން؟”” ރީހަން ބުނެލިއެވެ. މިޝްޔާ ރީހަންގެ އަތަށް ފިތާލަމުން ރީހަންއާއި ދިމާ ބަލައިލީ ސިހިފައެވެ. މިޝްޔާއަށް އެހެންވީ ސުމާ އަޑުއަަހަން ބޭނުންނުވާނެ ސުވާލެއްކަން އިނގިހުރެ ރީހަން އެހެން އަހާލުމުންނެވެ. “ހެހެހެ..ހުމްމް ބޭނުމެއް ނުވޭ ކުރާކަށް…” ސުމާ ބުނެލީ ގަދަކަމުން ހިނިތުންވެލަމުންނެވެ. އޭނާގެ ކަރުނަތަށް ހިންދަން މަސައްކަތްކުރަމުންނެވެ. “އެކަމަކު ތީތި ކަޑައޭ…” ރީހަން މިޝްޔާގެ އިނގިލަތަކާއި ކުޅެލަމުން އެހެން ބުނެލިއެވެ. ސުމާ ހަމައެކަނި ހިނިތުންވުމަކުން ފުއްދާލިއެވެ. އެމީހުން ދައްކަމުން ދިޔަ ވާހަކަ މެދުކެނޑުނީ ސުމާއަށް އައި ކޯލެއްގެ ސަބަބުންނެވެ. ސުމާ ދުރަށްޖެހިލިއެވެ.

“މިޝީ… އައި ނޯ ބަޓް އަސްލު އަހަރެން ބޭނުމީ އޭނާ މެރީ ނުކުރާން އުޅެނީ ކީއްވެތޯ ބަލަން؟ އޭރުންނު ވީ ކޭން ޓޯކް އަބައުޓް ރިލޭ… އަހަރެން އެންމެ ބޮޑަށް އެނާގެ ލައިފްގައި ވީގޮތް ބަލަން ބޭނުންވަނީ ނަތިންގް އެލްސް.. މިޝީވެސް އަހާލަބަ… އޭރުންނު އެހީއެއްވެސް ވެދެވޭނީ ދޯ…” ރީހަން ބުނެލިއެވެ. މިޝްޔާއޭނާއާއި އެއްބަސްވެލިއެވެ.

“މިޝީޝީޝީ….. މާދަން ޖެހޭ ދާން… އޯ މައި ގޯޑް އަމް ސޯ ނަރވަސް… މިހާރުން ފަށައިގެންވެސް އެބަ ހިތްތެޅޭ.” ފޯނު ކަނޑާލުމަށްފަހު އެމީހުން ކައިރިއަށް ދުވެފައި އައި ސުމާ ބާރަކަށް ބުނެލިއެވެ. “ޔޭ.. އަމް ސޯ ހެޕީ…. ސުމްމްމް….” މިޝްޔާ ސުމާގެ އަތުގައި ހިފާލަމުން އެނބުރިލިއިރު މިޝްޔާގެ ތުންފަތްމަތީ ވަނީ ހިނިތުންވުމެކެވެ. އެކުވެރި ސުމާއަށް ލިބޭ ކޮންމެ އުފަލަކީ އޭނާގެ ވެސް އުފަލެވެ.

-ނުނިމޭ-

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.