ވާތީ ހިތަކު ލޯބި މަންމަންވެފާ 56

ލަސް ހިނގުމުގައި ގޮސް އެޒިކިއެލް ސްޓޭޝަނަށް ވަނެވެ. “ސާރ. އަޅުގަނޑު ދާއިޔަލް ހައްޔަރު ކޮށްފިން” އެތެރެއަށް ވައިން އެޒިކިއެލް ފެނުމުން އަކިޔަލް ބުނެލިއެވެ. ނަމަވެސް އޭނާގެ މޫނުމަތިން ފެނުނީ އަކިޔަލް ހީކުރި ކަހަލަ އަސަރު ތަކެއް ނޫނެވެ. މަޑުމަޑުން ހުރެފައި އެޒިކިއެލް އަކިޔަލްގެ ކަންކަށިމަތީގައި ޖެހިއެވެ.

(56 ވަނަ ބައި)

ސްޓޭޝަނުގައި އިން ލަޝްކާގެ މޫނުމަތީގައިވީ ނުތަނަވަސް ކަމެވެ. ދާއިޔަލްގެ ކުއްލި ހައްޔަރު ކުރެވުން ވެގެން ދިޔައީ އޭނާގެ ހިތް ފިސް ފިސް ވެގެން ދިޔަ ކަމަކަށެވެ. ދާއިޔަލް އެކަހަލަ ކަމެއް ނުކުރާނެ ކަން އެއީ އޭނާއަށް ޔަގީން ކަމެކެވެ.

ޙިޔާލު ތަކުން އޭނާއަށް ނިކުމެވުނީ ފޯނު ރިންގުވާން ފެށުމުންނެވެ. ގުޅަމުން ދިޔައީ ހަސްފަތާލުންނެވެ. އަނެއްކާވެސް އޭނާގެ ހަށިގަނޑުގައި ބިރުވެރިކަމުގެ ރާޅެއް ނެގިއެވެ. އެއީ އޭނާ ދެއްކި އަންހެނުންގެ ޑަކްޓަރެވެ. މައްސަރު ކަންތައް ނުޖެހި ލަސްވުމުގެ އިތުރުން، ފަލަވެ ގިނައިން ކެވެން ފެށުމުން އޭނާ ވަނީ ‘ޕީ އެމް އޯ އެސް’ ޖެހިފައި ކަމަށް އޭނާއަށް ވަނީ ޝައްކު ކުރެވިފައެވެ. މިއަދަކީ މިއީ އެޙަބަރު އޭނާ ބޭނުންވީ ދުހެއް ނޫނެވެ. ނަމަވެސް އޭނާ ފޯނު ނެގިއެވެ.

“ހަލޯ…؟” ލަޝްކާގެ އަޑު ތުރުތުރުލަމުން ދިޔައެވެ.

“ހަލޯ؟ ލަޝްކާ ދެއްތޮ؟ އާދެ ލަޝްކާގެ ރިޕޯޓުތައް ލިބިއްޖެ. އެއްވެސް ވަރަކަށް ހާސްވާނެ ކަމެއް ނެތް އިނގޭ ތޯ؟ ލަޝްކާގެ ހަށިގަނޑުގައި ޕީ އެމް އޯ އެސް އެތް ނެތް އިނގޭތޯ؟ ލަޝްކާ ބަނޑުބޮޑު. ބަނޑަށް 5 ހަފްތާ”

ޑަކްޓަރު ދިން ހަބަރާއި އެކު ލަޝްކާގެ ދެލޯ ބޮޑުވިއެވެ. އެއީ އޭނާ އުއްމީދު ކުރި ކަހަލަ ޙަބަރެއް ނޫނެވެ. ވަގުތުން ގިސްލަ ގިސްލާފައި ރޮވެން ފެށުނެވެ. “އަލްހަމްދުލިއްލާހި ޔާ ރަބް…” ރޮމުން ރޮމުން އޭނާ ޝުކުރުގެ ސަޖިދަ ޖެހިއެވެ. ދާއިޔަލް ގާތުގައި އެވާހަކަ ބުނެވޭނެ އިރަށް އަވަހަށް އިންތިޒާރު ކުރެވެން ފެށުނެވެ.

***

“ކީއްކުރަން ދާއިޔަލް ހައްޔަރު ކުރީ؟” އެޒިކިއެލްގެ އަޑު މުޅި ސްޓޭޝަން ތެރޭގައި ‘އެކޯ’ ވެލިއެވެ. އެއަޑަށް ދުވެފައި ކަހަލަ ގޮތަކައް ރުޒައިކް ވެސް އައެވެ.

“ސާރ… ހުރިހާ މަރެއްވެސް… ދާއިޔަލްގެ ގޭ މަގުގައި ހުރުމުން…” އަކިޔަލް ލަސް ލަހުން ބުނެލިއެވެ.

“ކީކޭ ކިޔާނަމޭ ހިތާ ތިއުޅެނީ؟ ބަލަ މަށޭ މި ކޭސްގެ ހެޑްއަކީ. މަށޭ ގޮތް ނިންމާނީ. ކަލޭ ތި ކާކު މި ދޭތެރެއަށް ވަންނަން؟ ހައްޔަރު ކުރަންވީ މީހުންނާ ނުކުރަންވީ މީހުން އެނގޭނީ މަށަށް. ދާއިޔަލް އެއީ ސަސްޕެކްޓް ލިސްޓުގައި އިން މީހެއް ނޫން. މަށަށް ދާއިޔަލްއަށް ވުރެ ކަލެއަށްވެސް ޝައްކު ކުރެވޭ” ދަތްކުނޑިވިކާލަމުން އެޒިކިއެލް ބުނެލިއެވެ. އަދި ބަރުހެލި ފިޔަވަޅު ތަކެއްގައި ހިނގައިގަތެވެ.

ކުޑަ ކުޑަ ކޮޓަރި އެކެވެ. ލޮލައް އިނގިލި ކޮއްޕާލިޔަސް ނޭނގޭހާ އަނދިރި އެކޮޓަރި ތެރޭގައި ވީ ދުރުގައި އިން އުއްބައްތިއެއްގެ އަލިކަން އެކަންޏެވެ. އެތަނުގައި އިން ދަގަނޑު ދޮރު ހުޅުވާލުމާއި އެކު ބޮލަށް އުދަނގޫ ވާކަހަލަ އަޑެއް އިވުނެވެ. ދޮރު ލައްޕާލަމުން އަކިޔަލް ހަމަ ޖެހިލިއެވެ. މިއަދު ‘ބޮސް’ ވަރަށް ރުޅި އަންނާނޭކަން ކަށަވަރެވެ.

އުއްބައްތި ކައިރީގައި ބޮޑު ސޯފާއެއްގައި އިން ‘ބޮސް’ އިނީ ސިނގިރޭޓެއް ރޯކޮށްގެންނެވެ. އޭނާ އަކިޔަލްގެ ޖަވާބަކަށް އިންތިޒާރު ކުރަން އިންފަދައެވެ. ‘ބޮސް’ ކުރިމަތީގައި ހުއްޓިލަމުން އަކިޔަލް އިސްޖަހާލިއެވެ. ‘ބޮސް’ ކުރިމަތީގައި ކުޑަ ކަކޫ ޖަހާލަމުން އޭނާ އިސްޖަހާލީ ކުށްވެރިއެއް ފަދައިންނެވެ.

“ސާރ… އަޅުގަނޑު ދާއިޔަލް ހައްޔަރު ކުރިން… ނަމަވެސް… އެޒިކިއެލް ހުރީ ރުޅި އައިސްފަ. ބުނީ އެއީ ޝައްކު ކުރެވޭ ލިސްޓުގައި އިން މީހެއް ނޫނޭ. އެހެން ބުނެ ދާއިޔަލް ދޫކޮށްލައިފި” އަކިޔަލް މަޑުމަޑުން ބުނެލިއެވެ.

ކުއްލިއަކަށް ހުރެފައި ‘ބޮސް’ ގޮށް މުއްކަވާފައި އަކިޔަލްގެ މޫނުމަތީގައި ޖެހިއެވެ. އޭނާ ޖެހިލެއް ބާރު ކަމުން އެ އަޑު މުޅި ކޮޓަރި ތެރޭގައި ‘އެކޯ’ ވެލިއެވެ. “ކަލޭ ތީ ކީއްކުރާނެ މީހެއްތަ އޭނ؟ މަ ބުނީ ކީކޭ؟ ދާއިޔަލް ހައްޔަރު ކުރާށޭ! އެވަރު ކަލެއަށް ނުވި. ކީއްކުރާނެ ބުރާންޗެއްތަ މިއީ؟” ދަތްކުނޑިވިކާލަމުން ‘ބޮސް’ ބުނެލިއެވެ.

“މަޢާފް ކުރައްވާ…” އެއްމިޔަކަނުން ހުއްޓި ނުހުރި ލޭ އަންނަމުން ދާތީވެ އަކިޔަލްގެ އަރުގައި ލޭ ރަހަވެސް ލަމުން ދިޔައެވެ. ނަމަވެސް އޭނާ ދިޔައީ ހުއްޓި ނުހުރެ މަޢާފަށް އެދެމުންނެވެ.

“ކޮން މާފެއް ކުރާކައްތަ އޭނ؟ މިހާރު އަދި އެ ލަޝްކާ ބަނޑުވެސް ބޮޑު. އެމީހުނަށް އީދެއްނުން އެއައީ؟ ތިއީ އެ ދިރިއުޅުން ހަލާކު ކުރަން ފޮނުވި މީހާ. ކަލެއަށް އެވަރުވެސް ނުވި. މަރާލިޔަސް ފާފަ ނުވާނެ” އަތުގައި އޮތް ސިނގިރޭޓު އަކިޔަލްގެ ކަރުގައި ޖައްސަމުން ‘ބޮސް’ ބުނެލިއެވެ. ވީ ދިލަ ހޫނުން އަކިޔަލްއަށް ހަޅޭ ލަވައިގަނެވުނެވެ.

“ހޫން. ރައްކާވޭ. މަ ނެތް ކަލެއަށް ވާހަކަ ދައްކާ ހިތެއް. ފަހުން ހަބަރެއް ވާނަން” މިހެން ބުނެ ‘ބޮސް’ ތެދުވިއެވެ. ކަބަޑު ހުޅުވާލަމުން އޭނާ ނެގީ ދެލޮލާއި އަނގަ އެކަނި ފެންނަ ކަހަލަ މާސްކެކެވެ. މާސްކު އަޅާލަމުން ޖީބުގައި އޮތް ކުޑަ ތަޅުދަނޑި ނެގިއެވެ. އަދި ބޮޑު ތަޅު އަޅުވާފައި ހުރި ދޮރު ހުޅުވާލިއެވެ. އެއާއި އެކު އަންހެން ކުއްޖެއްގެ މަޑު ގިސްލުމެއްގެ އަޑު އިވެން ފެށިއެވެ.

އެއަންހެން ކުއްޖާގެ ހަށިގަނޑުގައި އެއްވެސް ނިވާ ކަމެއް ނެތެވެ. މުޅި ހަށިގަނޑު ވަނީ ލެއިން ތަތްތެޅިފައެވެ. ބޮލުގައި ބޮޑު މަލަންގަނޑެއް އަޅާފައިވީ އިރު އޭގައިވެސްވީ ހުސް ލެޔެވެ. އޭނާ ބޮކި ދިއްލާލުމާއި އެކު އެ އަންހެން ކުއްޖާގެ ރުއިމުގެ އަޑު ބާރުވިއެވެ. ބަރުހެލި ފިޔަވަޅު ތަކެއްގައި ގޮސް އެ އަންހެން ކުއްޖާގެ އިސްތަށިގަނޑުގައި ހިފާ ކޮޅަށް ނެގިއެވެ. ލެއިން ތަތްތެޅިފައިވީ، އަދި ބިރުވެރިކަމުން ފުރިފައިވީ އެލާރާގެ ދެލޯ ފެނި އޭނާގެ ހިތަކައް އެއްވެސް އަސަރެއް ނުކުރިއެވެ.

(ނުނިމޭ)

ފަންސާސްހަތްނަބައިގެ ތެރެއިން:

ދެފަރާތް ބަލައިލަމުން އޭނާ ޑަކްޓަރު އަތައް ރުފިޔާ ދިނެވެ. “ބުނޭ އެލާރާގެ ފުރާނަ ސަލާމަތެއް ނުކުރެވުނޭ” ޑަކްޓަރު އަތައް ދިން 5 މިލިޔަން ރުފިޔާއަށް ބަލާލަމުން އޭނާ ބުންޏެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.