އަބަދުވޭ ހިތުގާ މަގޭ 2 (9)

“ހެހެ ކިހިނެތްވީ؟ ދެންމެ ބުނީ ރައްޓެހި ވެގެންނެއްވެސް ނޫނޭ. އެކަމަކު މިހާރު މިތިބީ ރައްޓެހި ވެގެންނެއްނުން؟ ދެން މިހާރު ކޮބާތަ މައްސަލައަކީ؟” ނިޝްވާގެ ދަތްދޮޅީގާ ފިރުމާލަމުން އަކްޔަލް އަހައިލިއެވެ. “ނިޝް ބިރުގަނޭ…” ނިޝްވާ ދުރުބަލާލިއެވެ. “ކޮންކަމަކަށް؟” އަކްޔަލް ނިތް ހިއްލާލިއެވެ. “މި… މިއީދެން ކައިވެނިން ބޭރުން ކުރަން ޖެހޭ ކަހަލަ ކަމެއްނޫނެއްނުން؟” އިނގިލިތަކާ ކުޅެން އިނދެ ނިޝްވާ ބުނެލިއެވެ.
“ނިޝް އެހެންވެ ޔަލްދެކެ އެހާ ލޯތްބެއް ނުވޭ ދޯ؟” އަކްޔަލް އަހައިލިއެވެ. “ނޫން… ވަރަށް ލޯބިވޭ. ޔަލްދެކެ ވަރަށް ލޯބިވޭ. ކުޑަކުޑަ އިރުން ސުރެވެސް… ޔަލްއަށްޓަކާ ކިތަންމެ ރެއަކު ދުޢާ ކުރަން އިނިން. ތިއީ ނިޝްގެ ހުރިހާވެސް މީހަކީ. ނިޝް ވަރަށް ވަރަށް ލޯބިވޭ ޔަލްދެކެ. ހަމަ ހުވާ…” ނިޝްވާގެ ދެލޮލުގާ ކަރުނައިގެ މުތީތަށް ބަބުޅައިގަތެވެ. އަކްޔަލްގެ ތުންފަތް އެއްމިޔަކަނުން ދެމުނެވެ. އަދި ނިޝްވާގެ ހަށިގަނޑުގާ ލޯބިން ބައްދާލިއެވެ.
(9 ވަނަ ބައި)
“އެންމެ ރަނގަޅު. އެހެންވެ ފަހުން ދޯ؟ އާހް. ވަރަށް ނިދިއައިސްފި. ނިދަން މިދަނީ. ލަވް ޔޫ. ގުޑް ނައިޓް” ނިޝްވާގެ ތުންފަތަށް ލޯބި ކޮއްލަމުން އަކްޔަލް ތެދުވިއެވެ. “ލަވް ޔޫ މޯރް.…