އަބަދުވޭ ހިތުގާ މަގޭ 2 (8)

ކަޅު ކުލައިގެ ހޫޑީއަކާއި އެކު ކަޅު ދޫ ހަރުވާޅެއް ލައިގެން ކޮޓަރި ތެރޭގައި އިން ޝިވާގެ މޫނުމަތީގައި ނުތަނަވަސްކަން ވިއީ އިންތިހާއަށެވެ. ބޯހޭވިފައި އޮތް އިރު އަތުގެ ނިޔަފަތިތަށް ހެފެމުން ދިޔައެވެ. ޔަމްނަތްގެ މަރުގެ ސަބަބުން އެހެން އެކަކަށް ވުރެ ވެސް ބިރުގަތީ ޝިވާއެވެ. ނިޔާލްގެ ވަކިތަށް އެންމެ ގާތުން ފެނުނު މީހަކީ ޝިވާ ކަމުގައި ވާތީއެވެ.
ސައިޑް ޓޭބަލަގައި އޮތް ފޯނު ރިންގުވި އަޑަށް ޝިވާ ސިހުނެވެ. އަމިއްލަ ނަފްސު ހަމައަކަށް އަޅުވާލަމުން ފޯނު ނެގިއެވެ. “ހަލޯ؟” ޝިވާ ހަމަ ޖެހިލަން މަސައްކަތް ކުރަމުން ބުނެލިއެވެ. “ޝިވް… ވަރަށް ބޮޑު ސުވާލެއް ކޮއްލަން މިގުޅީ…” ޔީޝާ ބުނެލިއެވެ. “ޔެސް… އަހާބަ…” ޝިވާ ބުނެލިއެވެ.
(8 ވަނަ ބައި)
އެނދުމަތީގައި އެއްވެސް ތަރުތީބެއް ނެތި ޔަމްނަތްގެ ފޮޓޯތަށް ހުއްޓެވެ. ޔަމްނަތްގެ އިތުރުން ނިޔާލް މެރި މީހުންގެ ފޮޓޯ ވެސްމެއެވެ. ބަލަބަލާ ވެސް ޔީޝާއަކަށް އެއްވެސް ތަފާތެއް ނުފެނުނެވެ. އަޖައިބެކެވެ. ނިޔާލް އަނެއްކާ ޖަލުން ނިކުތީ ބާއެވެ؟ އެންމެ ފަހުން ޔީޝާ ނިންމީ ޝިވާއަށް ގުޅާށެވެ.
ފޯނު ރިންގުވަމުން ދިޔައިރު ކޮންމެ ސިކުންތެއް ވެސް ޔީޝާއަށް ދިގުވަމުން ދިޔައެވެ. ކެތްމަދު ވެފައިވީ ވަރ…