ނިކާލް މަރުވެފައިވީ މައުވާ ގާތަށް ޖެހިލި އިރު ރައިޒެލް ދިޔައީ ކުޅި ކައިރިން އެއްވެސް ކަހަލަ ހެއްކެއް ފެނޭތޯ ބެލުމަށެވެ. “ޒެލް” ފަހަތުން އިވުނީ ލުއި އަންހެން އަޑެކެވެ. ރައިޒެލް ހިނިތުންވެލާފައި ފަހަތަށް އެނބުރުނެވެ.
(3 ވަނަ ބައި)
ރައިޒެލްއާއި ދިމާލަށް ލަސް ހިނގުމުގައި ހިނގާލާފައި އަންހެން ފުލުހަކު އަންނަމުން ދިޔައެވެ. ފުލުސް ޔުނީފޯމުގައި ހުރި އިރު، މޭމަތި ނިވާވާ ގޮތަށް އަޅާފައިވީ ބުރުގާއިން އެކުއްޖާގެ މޫނުމަތިން ފެންނަނީ ނިޔަނެތިކަމެވެ. ފިޔާތޮށި ކުލައިގެ ތުނި ތުންފަތެއް ލިބިފައިވީ އިރު އެއްކޮލުގައި އަޑިކޮޅެއް އިނެވެ. މޫނު މަތީގައި އެއްވެސް މޭކަޕެއް ނެތް އިރުވެސް، އެރީތި ކަމުން ހަނދުވެސް ލަދުން ފިލާނެކަން ގައިމެވެ. މަޑު މުށި ކުލައިގެ ދެލޮލަށް އިރުގެ އަލި އެޅިފައި ވުމުން ވަކިން ރީތިހެން ހީވެޔެވެ. އެކުއްޖާގެ ދެލޯ އިތުރަށް ފުރިހަމަ ކޮއްދެނީ އޭނާގެ ދިގު އެސްފިޔަތަކެވެ.
“އަހަރެން ހީކުރީ ދެން މިއަދު ނާންނާނެ ކަމަށް” އުޔޫނާ ރައިޒެލް ގާތުގައި އުޑަފައިން އިށީނެވެ. އުޔޫނާއަކީ ރައިޒެލްގެ ލޯބިވެރިޔާއެވެ. “ހަހަ ކިހިނެތް ވީ؟ ބުނިން ދޯ އަންނާނަމޭ. ނިކް މަންމަ ގާތަށް ވަދެފަ އައީމަ ލަސްވީ އަސްލު” ރައިޒަލް ބުނެލިއެވެ.
“ޒެލް މަތިން ވަރަށް މިސްވި” އުޔޫނާ ތުންކޮޅު އޫކޮށްލާފައި ބުނެލީ މައުސޫމް ގޮތަށެވެ. “ހެހެ އައި މިސްޑް ޔޫ މޯރް” ރައިޒެލް ހީލާފައި ބުންޏެވެ.
”ޒެލް… ޔޫން ބޭނުމެއް ނޫން ދެން މިހެން އުޅޭކަށް. ޔޫން ވަރަށް ލޯބިވޭ ޒެލްދެކެ. ޒެލް، ޔޫން ބޭނުން ޒެލްއާއި ކައިވެނި ކުރަން” އުޔޫނާ ދެކަކޫ މެޔާއި ގާތް ކޮއްލާފައި ދަތްދޮޅި ކަކުލުގައި ޖައްސާލިއެވެ.
“ހެހެ. އަޅެ ކޮންކަހަލަ މީހަކުތަ ކްރައިމް ސީންއެއްގަ އިނދެފައި ޕްރޮޕޯޒް ކުރަނީ” ރައިޒެލް ހީލިއެވެ. “ކިހިނެތްތަ ވީ؟ ޒެލް ނޫޅުނު ވިއްޔަ ރޮމޭންޓިކް ޕްރޮޕޯޒަލް އެއްވެސް ކުރާކަށް” އުޔޫނާ ކަޅި އަނބުރާލިއެވެ. އުޔޫނާގެ މައުސޫމްކަން ފެނި ރައިޒެލްއަށް ހިނިތުންވެވުނެވެ.
ބޮޑު ކޮޓަރިއެކެވެ. ކޮޓަރި ތެރޭގައި ވީ ހުރިހާ ބޮތްކެއް ނިވާލެވިފައި ވުމުން ކޮޓަރި ތެރޭގައި ވީ ކަނު އަނދިރި ކަމެވެ. މަރުފަދަ ހަމަ ހިމޭން ކަމެއް އެކޮޓަރި ތެރޭގައި ވީ އިރު، މަޑު މަޑުން އަންހެން ކުއްޖެއްގެ ގިސްލުމުގެ އަޑު ލުއި މިއުޒިކެއް ފަދައިން އިވެމުން ދިޔައެވެ. ކަޅު ކުލައިގެ ދޫ ހަރުވާޅަކާއި އެކު ގަދަ މުށި ކުލައިގެ ސްވެޓާރްއެއް ލައިގެން އިން އަންހެން ކުއްޖާގެ މޫނު ވަނީ ކަކޫ މަތީ ބޭއްވި، ވަންހަނާ ކުރެވިފައެވެ. ސްވެޓާރް އިން ހިއްލިފައި އިން ތަންކޮޅުގައި އެކުއްޖާގެ އަތުގައި ހުރި ލަކުނުތަށް ވަރަށް ރީތިކޮށް ފެނެޔެވެ. ބައެއް ލަކުނު ތާޒާ ކަންމަތީގައެވެ. އަނެއްބައި ލަކުނު ރަނގަޅު ވެފައެވެ. ދެފައިގައި ހިލިހިލާ ޖަހާފައިވީ އިރު އެކުއްޖާ ވަނީ އެކޮޓަރި ތެރޭގައި ކަސްތޮޅު އެޅުވިފައެވެ.
ކޮޓަރި ތެރެއަށް އެޅުނު އަލި ކަމާއި އެކު ދޮރު ހުޅުވުނީކަން އެކުއްޖާއަށް އެނގުނެވެ. އެއާއި އެކު ހިތް “ޑަން ޑަން” ލާން ފެށީ އެޔެއް މިޔެއް ބަލާފައެއް ނޫނެވެ. އަނެއްކާވެސް އެބިރުވެރި ކަންތައްގަނޑާއި ކުރިމަތި ލާންވީތާއެވެ…
ގެއަށް ވަދެވުމުން ޔީޝާ ދޫކޮށްލީ ފިނި ނޭވާއެކެވެ. ދަބަސްތަށް ދޫކޮށްލާފައި ގޮސް އެނދުގައި އޮށޯވެލީ އޮތް ގޮތަށެވެ. އެއްޗެހި ބަދަލު ކުރުމެއްވެސް ނެތިއެވެ. ފުން ނޭވާއެއް ދޫކޮށްލާފައި ޔީޝާ ދަބަސް އުނގުމަތީގައި ބޭއްވިއެވެ. އަދި އޭގައި އޮތް ކޮންމެ ވެސް އެއްޗެއް ނެގިއެވެ.
“އަލްހަމްދުލިއްލާހި. މި އުންމީދު ވެސް މި ފުރިހަމަ ވީ” ކޮތަޅު ތެރޭގައި އޮތް އެތި ނަގާ ޔީޝާ މޭގައި ޖައްސާލިއެވެ.
ނިކާލް އެނބުރި ގެއަށް ވައިން އިރު އިރު އޮއްސިއްޖެއެވެ. ނިތްމަތީގައި ހުރި ދާތަށް ފުހެލަމުން ނިކާލް އެތެރެޔަށް ވަނެވެ. އެވަގުތު ބަދިގެ ތެރޭގައި ކޮންމެވެސް މީހަކު އުޅޭ އަޑު އިވުނެވެ. ލުއި ފިޔަވަޅު ތަކެއްގައި ގޮސް ބަދިގެއަށް ވައިން އިރު އުނދުން ކައިރީ ރޮށިފިހަން ހުރި އަންހެން ކުއްޖާ ފެނުނެވެ.
ކަޅު ކުލައިގެ ދޫ ހަރުވާޅަކާއި އެކު، ކަޅު ހޫޑީއެއް ލައިގެން ހުރި އިރު އެކުއްޖާގެ ބޯވެސް ވަނީ ނިވާ ވެފައެވެ. އެކުއްޖާގެ ފައިގައި ހަރުކޮއްފައިވީ ހިލިހިލާ ގަނޑުގެ ބަދިގެއިން ބޭރުގައިވެސް އޮތެވެ. އެއީ ކާކުކަން ނިކާލަށް އެނގެއެވެ.
“ޝިވާ އޭނަ ދޫކޮށްލާފަ ދޮންބެއާއި އިނީ މިހެން ދިރިއުޅެން ތަ؟” ނިކާލް ސުވާލު ކޮއްލިއެވެ. ނިކާލްގެ އަޑަށް ޝިވާ ފަހަތަށް އެނބުރުނެވެ. އެއްޗެކޭ ބުނަން އަނގަ ހުޅުވާލި ނަމަވެސް އެއްވެސް އެއްޗެކޭ ނުބުނެވުނެވެ.
“އޭ! ކަލޭ ތި ކާކު މަގޭ އަންހެނުންނަށް ތިހެން ވާހަކަ ދައްކަން؟ ޝިވާ އޭނަ ދޫކޮށްލީ ޝިވާއަށް އަހަރެން ކަމުދާތީ. އޭނައަށް ވުރެ މަ ރަނގަޅުވީމަ. މާ ލޯބި ވާތީ” އެވަގުތު ބަދިގެއަށް ވައިން ނިޔާލް އަޑަށް ބާރުލަމުން ބުނެލިއެވެ.
“ތިއީތަ ލޯތްބަކީ؟ ލޯތްބަކީ ހިލިހިލާ ތަ؟ މަނުދެކެން ޝިވާ މިގެއަށް ވައިން ފަހުން އެ ހިލިހިލާ އޭނާގެ ފައިގައި ނެތްތަނެއް. މުޅި ހަށިގަނޑުގައި އެހުރީ ލަކުނު. ޝިވާ ރޮއެ ހޭރޭ އަޑު މަށަށްވެސް އިވެޔޭ” ނިކާލްއާއި ނިޔާލްގެ ޒުވާބު ހޫނު ވަމުން ދާތީވެ ޝިވާ ހުރީ ބިރުން ރޫރޫ އަޅާ ހާލުގައެވެ.
(ނުނިމޭ)
ހަތަރުވަނަބައިގެ ތެރެއިން:
“އަދިވެސް އޮތީ؟ މަވީ ދެން މިހެން ހުރެ ބަނޑަށް މަރުވާން ތަ؟” ނިޔާލް ހިތްހަމަ ނުޖެހިފައި ހަޅޭ ލަވައިގަތެވެ. ޝިވާ ތުންފިއްތާލާފައި ތެދުވިއެވެ. އެނދާއި ތަންކޮޅެއް ދުރުގައި ރޭގައި ޝިވާ ލައިގެން ހުރި އަންނައުނުތައް ވީދާ، އުކާފައި ހުއްޓެވެ. އެމަންޒަރު ފެނި ޝިވާގެ މުޅި ހަށިގަނޑުން ހީބިހި ނަގައިގަތެވެ.
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Other Articles
ޒޯޔާ
އަންޖަލް (ފަހުބައި)
4 Comments!
Comments are closed.
Oh my god.. Shivaa akee Nikaal ge sis in law tha? But i dont remember Nikaal ge dhnbe eh hunna vhk kiyunu handhaaneh.. so that girl in the alone darkroom might be Shivaa? possible dhw…
Ekam Niyaal aniyaa kuranee ehnu dhw Shivaa ah.. ehen nuvaanu hadhaakah..
so sad Shivaa ge story kiyaafa. like, she had someone else, but maybe Niyaal aa kaiveni kuree majubooru vegen? ehn ves eba hithah araa mihaaru. so excited!
yet so saddd.. this is the 3rd episode. 2 episode more and i wont know vaa eh nuvaa eh ves. but itsss okk! so glad Shiherr story liyun continue kuraathee.. lyssmm <3
jazaakallah khairan oreo gurll 🤍
yes shivaa is nikaal’s sister-in-law..
Niyaal eii yaleesha ge first n nikaal eii second
Yaleesha nafrathu kuraa vhk inehnu trailer ga eii nikaal n niyaal ge vhk ebaoih trailer ga vs
Yeesha n yaleesha,,name vrh vahtharu anehkaa thi dhemiihun ge gulhumeh ebhtha?
SOO CURIOUS
jazaakallah khairan dear yesss 🤍
omygodd 😭🫶🏻