އަބަދުވޭ ހިތުގާ މަގޭ 2

އެކުއްޖާ ދަތްކުނޑި ވިކާލިއެވެ. އަދި އެކުއްޖާއަށް ހަމަ ޖެހިފައިވީ ގޮނޑިއާއި ދިމާލަށް ހިނގައިގަތެވެ. ނިކާލް ހީލީ ކަމެއް ކާމިޔާބު ވުމުން ހީލާ ބީދައިންނެވެ. ނިކާލް މަޑުމަޑުން ގޮނޑީގައި އިށީނެވެ.

(2 ވަނަ ބައި)

އަމާން އޮމާން ދަތުރަކަށް ފަހު ބޯޓު ހދ.ކުޅުދޫފުށި އެއާޕޯޓަށް ޖެއްސިއެވެ. ބޯޓުން ފައިބާފައި ނިކާލް ރައިޒެލް އަންނަންދެން މަޑު ކޮށްލިއެވެ. ޖީބަށް އަތް ޖަހާލައިގެން ފޯނަށް ބަލަމުން ދިޔަ ނިކާލްއާއި ދިމާލަށް ތަނުގައި ތިބި އެންމެންގެ ލޯތަށް ހުއްޓެމުން ދިޔައެވެ. އެހެނަސް ނިކާލްގެ ނަޒަރު ހުރީ ފޯނާއި ދިމާލަށެވެ.

އެވަގުތު ނިކާލް މޭމަތީގައި މީހަކު ޖެހުނެވެ. “އައުޗް” އެކުއްޖާގެ ނޭފަތް ޖެހުނީ ނިކާލްގެ ތަނަވަސް މޭމަތީގައެވެ. ނޭފަތުގައި އަތް އަޅާލަމުން އޭނާ ބަލައިލީ ނިކާލްގެ މޫނަށެވެ.

“ކަލޭ؟” އަނެއްކާވެސް އެކުއްޖާ ކުރިމައްޗަށް އެރުމުން ނިކާލަށް ބުނެވުނެވެ. “ކަލޭ އޭ؟ މަށަށް ކިޔަނީ ކަލޭއެއް ނޫން. މަށަށް ކިޔަނީ ޔީޝާ” ޔީޝާ ތުންކޮޅު އޫކޮށްލަމުން ބުނެލިއެވެ. “ޔީޝާ؟ ޔިކީ؟ ޔަކީ؟” ނިކާލް ބަނޑުގައި އަތް އަޅައިގެން ހޭން ފެށިއެވެ. “ޔޫ ބާސްޓާރްޑް” ޔީޝާ ނިކާލްގެ މޭމަތީގައި ތަޅައިގަތެވެ. ނިކާލްއަށް ކަޅި އަޅާލާފައި ޔީޝާ ހިނގަތެވެ. “ސްޓަބާން ލިޓްލް ގާލް” ޔީޝާ ދިޔުމުން ނިކާލް އަމިއްލަ ނަފްސަށް އިވޭ ވަރަށް ބުނެލިއެވެ.

“ނިކާލް! ކޮބާ އާދޭ” ރައިޒެލް ފަހަތުން ގޮވާލި އަޑު އިވުނެވެ. އޭރު “ރައިޒެލް އިނީ ކާރުގައެވެ.

ނިކާލް ފޮށި ގެންގޮސް ކާރަށް ލާފައި ނިކާލް ކާރަށް އެރިއެވެ. އެއާއިއެކު ރައިޒެލް ކާރު ދުއްވާލިއެވެ. “ތިއީ މަންމައަށް ތަ؟” ނިކާލް އަތުގައި ޕާރުސަލް ކޮއްފައި އޮތް ފޮއްޓަށް އިޝާރާތް ކުރަމުން ރައިޒެލް އަހާލިއެވެ. “ހޫމް…” ނިކާލްގެ ޖަވާބު ކުރެވެ. “ކީއްކުރަން ތަ އަސްލު؟ އެނގެއެއްން ނިކާލް މަންމަގެ ގޮތް…” ރައިޒެލްއަށް ބުނެވުނެވެ.

“އިނގޭ. އެކަމަކު އެއީ ހަމަ މަންމަ. އިހުތިރާމް ކުރަން ވާނުން؟ ފޮށިތަށް ގެއަށް ލާފަ މަންމައަށް ހަދިޔާ ފޮށި ދީފަ ފައިބާނަން. މަޑު ކޮއްލައްޗޭ މިތާގަ. އަންނާނަން ވަރަށް އަވަހަށް” ރައިޒެލްގެ ސުވާލަށް ނިކާލް ޖަވާބު ދިނީ ގޭދޮރު މައްޗަށް އަރާފައެވެ. ރައިޒެލް ފުންނޭވާއެއް ދޫކޮށްލާފައި ބޯޖަހާލިއެވެ.

ގެއަށް ވަދެވުން އިރު ނިކާލަށް މަރްހަބާ ކިއީ ފަޅުކަމާއި، ހަމަ ހިމޭން ކަމެވެ. ހީވަނީވެސް ފަޅު ގެޔެއް ހެންނެވެ. ތެޅިގަލުން ހަދާފައިވާ އެގެއަކީ އާދައިގެ ގެޔެކެވެ. ގޭ ބޭރުގައި ޖޯލިފައްޗެއް އިން އިރު، ހިޔާ ކޮއްފައި އިން ތަންކޮޅެއްގައި ބޮޑު އުނދޯއްޔެއް އިނެވެ.

ނިކާލް ގޭތެރެއަށް ވަނީ ލޯބިވާ މަންމަ ދުށުމަށް ކެއްމަދުވެފައިވާ ހާލުގައެވެ. ސިޓިންގްރޫމްގައި ހުރި ސޯފާގައި އިން ޔަލީޝާ ފެނި ނިކާލްގެ ތުންފަތުގައި ހިނިތުންވުމެއް ކުރެހުނެވެ. “މަންމާ” ނިކާލް ވަރަށް ލޯބިން ގޮވާލިއެވެ.

އެހެނަސް ޔަލީޝާގެ މޫނު މަތީގައިވީ އެހެން އިހުސާސެކެވެ. ހިތްހަމަ ނުޖެހުމާއި ފޫހި ކަމެވެ. ބީރައްޓެހި ކަމާއި ދުރު ކަމެވެ. “އަން. މިއީ މަންމައަށް އޮތް ހަދިޔާއެއް” ޔަލީޝާ އަތަށް ޕާރުސަލް ކޮއްފައި އޮތް ފޮށި ނިކާލް ދިނެވެ.

ޔަލީޝާ އޭގައި ހިފައިގެން ގޮސް ލީ ޑަސްޓްބިނަށެވެ. “ކަލޭ މަށަށް ތިހާ ހަދިޔާ ދޭން ބޭނުންވަންޔާމުން މަގޭ ފިރިމީހާ އެނބުރި ގެނޭ!” ޔަލީޝާ އަޑަށް ބާރުލަމުން ބުނެލިއެވެ. “މަންމާ.. އެކަމަކު.. ބައްޕަގެ މަރަކީ އަޅުގަނޑުގެ ކުށެ-”

“އެއީ ހަމަ ކަލޭގެ ކުށް. ތިއީ ގާތިލެއް” ޔަލީޝާ ހިނގައިގަތީ އަނެއްކާވެސް ނިކާލްގެ ހިތަށް ހަންޖަރެއް ހަރާލާފައެވެ.

ނިކާލް ފުންނޭވާއެއް ދޫކޮށްލިއެވެ. ދެލޯ ފޫއަޅުވާލާފައި ނިކުތުމައް ތައްޔާރުވަމުން ދިޔަ ކަރުނަތިކިތަށް ފުހެލާފައި ނިކާލް ތެދުވިއެވެ. ލަސް ހިނގުމުގައި ގޮސް ކާރަށް އެރިއެވެ. ކުރީ ސީޓު އޮށޯވެލެވޭ ވަރަށް ތިރި ކޮއްލާފައި ނިކާލް އޮށޯވެލިއެވެ. ނިކާލްގެ ހަރަކާތްތަކުން ކަން ހިނގާ ދިޔައީ ރަނގަޅަށް ނޫންކަން ރައިޒެލްއަށް އެނގުނެވެ. ނަމަވެސް ނިކާލަށް އެކަނި ވަގުތު ކޮޅެއް ދިނުމަށްޓަކައި އެކަނި ބާއްވާލިއެވެ.

10 ވަރަކަށް މިނިޓް ތެރޭގައި ދެމީހުނަށް ޕޮލިސް ސްޓޭޝަނާއި ދިމާލަށް ވާސިލް ވެވުނެވެ. އޭރު ބައިވަރު ފުލުހުންތަށް ނިކުންނަތަން ފެނެޔެވެ. ނިކާލްއާއި ރައިޒެލްއަށް ދެމީހުން ދެމީހުނަށް ބަލައިލެވުނީ ކަމެއް ގޯސްވެއްޖެކަން އެނގުމުންނެވެ. ކާރު ޕާރްކް ކޮއްލާފައި ނިކާލާއި އެކު ރައިޒެލް ނިކުތެވެ.

“ކިހިނެތްތޯ ވީ؟” ރައިޒެލް އަހާލިއެވެ. “މާރްޑާރް ކޭސްއެއް. އަޅުގަނޑުމެނަށް ފޯނުއައީ 3 މިނިޓް ކުރިން. އަވަހަށް ތައްޔާރުވޭ” ރައިޒެލްގެ ސުވާލަށް ޖަވާބު ދިނީ ހުޒާނެވެ. ނިކާލްއާއި ރައިޒެލް ވެސް ޕޮލިސް ޖިޕަށް އެރިއެވެ.

ކާރު މަޑުކޮއްލީ ރަށު ކުޅިއާއި ދިމާލަށެވެ. އޭރު ދެތިން އެހެން ފުލުހުން ތަން ބަންދުކޮށް، ހަށިގަނޑު ރިޕޯޓަރުންނަށް ފޮރުވަން މަސައްކަތް ކުރަމުން ދިޔައެވެ.

“ކޮންކަހަލަ ކޭސްއެއް ތޯ؟” އަތަށް ރަބަރު އަންގި ލައްވާލަމުން ނިކާލް ސުވާލު ކޮއްލިއެވެ. “އައިޝަތް މައުވާ ނަސީރް. އުމުރުން 18 އަހަރު. ރޭގަ 10 ޖަހަން އުޅެނިކޮށް މައުވާ ގެއްލިގެން އުޅޭކަމަށް އަޅުގަނޑު މެނަށް ވަނީ ޙަބަރު ލިބިފައި. މައުވާ ފެނިފައިވަނީ މީގެ 5 ވަރަކަށް މިނިޓް ކުރިން” އޮފިސަރް އައިރިކް ނިކާލްއަދި ރައިޒެލްއަށް ކިޔައިދިނެވެ. ނިކާލް މަރުވެފައިވީ މައުވާ ގާތަށް ޖެހިލި އިރު، ރައިޒެލް ދިޔައީ ކުޅި ކައިރިން އެއްވެސް ކަހަލަ ހެއްކެއް ފެނޭތޯ ބެލުމަށެވެ.

“ޒެލް” ފަހަތުން އިވުނީ ލުއި އަންހެން އަޑެކެވެ. ރައިޒެލް ހިނިތުންވެލާފައި ފަހަތަށް އެނބުރުނެވެ.

(ނުނިމޭ)

ތިންވަނަބައިގެ ތެރެއިން:

“އޭ! ކަލޭ ތި ކާކު މަގޭ އަންހެނުންނާއި ތިހެން ވާހަކަ ދައްކަން؟ ޝިވާ އޭނަ ދޫކޮށްލީ ޝިވާއަށް އަހަރެން ކަމުދާތީ. އޭނައަށް ވުރެ މަ ރަނގަޅުވީމަ. މާ ލޯބި ވާތީ”

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.