ޒެވިއަން 15

“ކޮބާ މިމީ؟” ނުހާއެއްސެވެ. “ނޭނގެ.. ސަހާއާއި އެކު ފޮޓޯ ނެގިފަހުން ނުދެކެން..” ސަހާ ބުންޏެވެ.

އަތިރިމަތީގައި ރާޅު ޖަހާ ހިސާބުގައި ހުރި މެހެކްގެ މޫނު މަތިވަނީ ރަތްވެ، ދުޅަވެފައެވެ. ފެނިގެން ދިޔަ މަންޒަރު ވެގެން މިދިޔައީ މެހެކްގެ ހިތަށް ކުޅަދާނަ ވާކަހަލަ މަންޒަރަކަށް ނޫނެވެ. ދެލޮލުން ކަރުނަ ފުހެލާފައި މެހެކް ހިނިތުންވެލިއެވެ. އަދި ލަސް ހިނގުމުގައި، ހުރި ސީދަލަށް ގޮސް މޫދަށް އެރުނެވެ.

މަސްބޭނުމަށް ޓަކައި އަތިރިއަށް އައި މިކިޔަލްއައީ އަނގައިން މަޑު ރާގެއް ލައްވަމުންނެވެ. ކަކުލާ ހަމައަށް އަރާ ސޯޓު ކޮޅަކާއި އެކު ކަޅު ކުލައިގެ ޓީޝާޓެއް ލައިގެން ހުރި މިކިޔަލް ފެންނަމުން ދިއީ ވަރަށް ހިތްގައިމުކޮށެވެ. މިކިޔަލްގެ ފަން އިސްތަށިކޮޅު ހާވާލާފައި ވުމުން އަންހެން ކުދިންގެ ނަޒަރު ހުއްޓިފައިވަނީ މިކިޔަލްއަށެވެ.

ގެނައި އެއްޗެހިތަށް އެއްގަމުގައި ބަހައްޓާފައި ދޮށި ތައްޔާރު ކޮއްލުމަށް މިކިޔަލް ވެލިގަނޑު މަތީގައި އިށީނެވެ. އެވަގުތު އެއްލިކަޅިއަކުން މޫދަށް އެރެމުން ދިޔަ އަންހެން ކުއްޖާ މިކިޔަލްގެ ލޮލުގައި އަޅައިގަތެވެ. ލައިގެން ހުރި ހެދުމުން އެއީ މެހެކްކަން މިކިޔަލްއަށް ކޮންމެވެސް ވަރަކަށް އެނގުނެވެ.

“މީނަ ކޮންމޮޔައެއްތަ މިވަނީ؟ މަސްތަކާއި އެކުވެސް ފޮޓޯ ނަގަން ކަންނޭނގެ ކެކެކެ” އަމިއްލަ ނަފްސަށް އިވޭވަރަށް މިކިޔަލް ބުންޏެވެ. ނަމަވެސް މެހެކްގެ ހިނގުމެއް ނުހުއްޓުނެވެ. މޭމަތިން މައްޗަށް އެރި އިރުވެސް މެހެކް ހަމަ ދިޔަ ގޮތަށް ދިޔައެވެ. ދެން ފެނުނީ މެހެކް އަޑިއަށް ދިޔަތަނެވެ.

އެއާއި އެކު މިކިޔަލްއަށް ތެޅިގަނެވުނެވެ. ވަނީ ކީއްކަން އެނގުނެވެ. ހުރިހާއެއްޗެއް އުކާލާފައި މިކިޔަލް ދުއްވައިގަތީ މޫދާ ދިމާލަށެވެ. ހިނދުކޮޅެއްގެ ތެރޭގައި މެހެކް އަތްދަނޑި މައްޗަށް ލައިގެން މިކިޔަލް އެއްގަމަށް އެރިއެވެ.

“މެހެކް؟ މެހެކް؟ މެހެކް؟” މެހެކް މޫނުގައި ކުޑަކޮށް ޖަހާލަމުން މިކިޔަލް ގޮވާލިއެވެ. ކުޑަ ހިނދުކޮޅެއް ތެރޭގައި ކެއްސާލާފައި މެހެކް ފުންނޭވާއެއް ދޫކޮށްލިއެވެ. ކައިރީގައި އިން މިކިޔަލް ފެނުމުން މެހެކްގާތަށް އަނެއްކާވެސް ރުޅިއައެވެ. ތެދުވެ އިށީންދެފައި އަތަށް ލެވުނު ބާރެއްލާފައި މިކިޔަލް މޫނުމަތީގައި ޖެހިއެވެ. “ގޮތް ކުޑަ. ކަލޭ ކީއްކުރަން މަގޭ ސަލާމަތް ކުރީތި އެއިން؟ އަހަރެން މަރުވާން ދޫކޮށްލާ” މިކިޔަލް ކޮއްޕާލާފައި ތެދުވަމުން މެހެކް ބުންޏެވެ.

މިކިޔަލް މެހެކް އުނަގަނޑުގައި ހިފާ ގެނެސް މިކިޔަލް އުނގުގައި ބޭންދިއެވެ. އަދި މެހެކްއަށް ނުތެދުވެވޭވަރަށް އަތަށް ބާރުކޮށްލިއެވެ. “ކީއްވެ ކުއްލިއަކަށް މަރުވާން ތިއުޅެނީ އެއިން؟ ބުނެބަ. ވަޓް ހެޕެންޑް؟” މިކިޔަލް އެއްސެވެ. “ކަލެއަށް ކީއްތައެއިން؟ އަހަރެންގެ އެކުވެރިޔެއް، ލޯބިވެރިޔެއް ނެތް. އަހަރެން މިއީ އެކަނި ވެރިޔެއް. އައި ޑިޒާރްވް ޓު ޑައި” މެހެކް ރޮމުން ރޮމުން ބުންޏެވެ.

“ހެހެ ނޫއާއި މައްސަލައެއް ޖެހުނީތަ؟” މިކިޔަލް އެއްސެވެ. “ނުހާ އަހަރެންގެ ލޯބިވެރިޔާ ޖަހައިގަތީ..” މެހެކް ރޮމުން ބުންޏެވެ. “ވަޓް؟” މިކިޔަލް ދެލޯ ބޮޑުވިއެވެ. ޒެވިއަން ނުހާއާއި ރައްޓެހިވީ މެހެކްއާއި އެކު އުޅި، ބޭވަފާތެރިވެފައި ހެއްޔެވެ؟

“އަހަރެން އަބަދުވެސް ޒެވްދެކެ ލޯބިވީން… އެކަމަކު މިއަދު…” މެހެކް ބުންޏެވެ. އެހިސާބުން ވީނުވީ މިކިޔަލްއަށް ފަހުމް ވިޔެވެ. “މެހެކް… ޒެވް އަބަދުވެސް ލޯބިވީ ނޫދެކެ. ނޫވެސް އަބަދުވެސް ލޯބިވީ މީހަކީ ޒެވް” މިކިޔަލްގެ ޖަވާބާއި އެކު މެހެކް ކަންފަތުގައި އަތްއަޅާ ހަޅޭ ލަވައިގަތެވެ. “ޝަޓް އަޕް….” މެހެކްގެ އަޑު ނިކުތީ ކެނޑިކެނޑިގެންނެވެ. މިކިޔަލް ވަރަށް ލޯބިން މެހެކްގެ ހަށިގަނޑުގައި ބައްދާލިއެވެ. މިކިޔަލްގެ ކޮނޑުގައި ބޯއަޅައިގެން އޮވެ މެހެކް ކިތަންމެ އިރަކު ރުއެވެ.

ކޯޓުން ނިކުމެގެން އައި މާޝާގެ މޫނުމަތީގައިވީ ހިނިތުންވުމެކެވެ. އަނެއްކާވެސް ނުހައްގުން އަނިޔާ ލިބުނު ފަރާތަކަށް އިންސާފު ހޯދައިދެވިއްޖެއެވެ. ކޯޓުން ނިކުތުމާއި އެކު ނޫސްވެރިންތަށް އަހިސް އެންމެން ވަށާލީ ފޮނިއެއްޗެއް ވަށާ ހިނިތަށް އަންނަ ފަދައިންނެވެ. އެކަން ވާނެކަން އެނގި ހުރި އާކިން ގޮސް މާޝާގެ އަތުގައި ހިފައިގެންގޮސް ސައިކަލަށް އެރިއެވެ. “ޕްރައުޑް އޮފް ޔޫ ދޫނީ” މާޝާގެ ކޮލުގައި ހިފާލަމުން އާކިން ބުނެލިއެވެ. އެއާއި އެކު މާޝާ ފޮނިވެލިއެވެ.

“ހެހެ އަދިވެސް މަގޭ ވައިފް ހަމަ ކުރިއެކޭ އެއްފަދަދޯ؟ ޔޫއާރް ދި ބެސްޓް” މާޝާގެ ނިތުގައި ބޮސް ދެމުން އާކިން ބުންޏެވެ. “ބްރޯ މިއޮތީ މިތާ އޮތްހާ ނޫސްވެރިން ފޮޓޯ ނަގާފާނެ” އާކިން ދުރުކޮށްލަމުން މާޝާ ބުނެލިއެވެ. އާކިން ހީލާފައި ސައިކަލު ދުއްވާލިއެވެ.

“ނައޫ.. ނައު ދުވަހަކުވެސް ލީން ދޫކޮށް ނުލާނަންދޯ؟” ނައުހާންގެ އަތުގައި ފިރުމާލަމުން އަވްލީން އެއްސެވެ. މިއަދު އަވްލީންއާއި ނައުހާން ބައްދަލު ކުރީ އަވްލީންމެން ގެއިންނެވެ. ގޭގައި އެއްވެސް މީހަކު ނެތުމުންނެވެ. ނައުހާން ހީލިއެވެ. “ޔެސް.. އައިމް އޯލްވޭސް އެންޑް ފޯރްއެވަރް ޔުއާރްސް” އަވްލީންގެ ނޭފަތުގައި ހިފާލަމުން ނައުހާން ބުންޏެވެ. “އެހެންވިއްޔާ ޔޫ ހޭވް ޓު މެރީ މީ ވެން ވީއާރް 18 ޕްރޮމިސް މީ” އަވްލީން ބުނެލީ ކުޑަކުއްޖެއް ފަދައިންނެވެ. ނައުހާން ހިނިތުންވެލާފައި އަވްލީންގެ ތުންފަތަށް ބޮސްދިނެވެ.

އެވަގުތު ދޮރުހުޅުވާލާފައި ވައިން އާކިންއާއި މާޝާ ފެނި އަވްލީން ވަގުތުން ކޮޅަށް ޖެހުނެވެ. ހިތް ތެޅިގަތީ އެޔެއް މިޔެއް ބަލާފައެއް ނޫނެވެ. ދަބަސްތެރެ ހާވަމުން ވައިން މާޝާއަކަށް އެމަންޒަރެއް ނުފެނުނެވެ. ނަމަވެސް އާކިންއަށް ވަރަށް ސާފުކޮށްފެނުނެވެ.

“އަވްލީން!!!” އާކިން ހަޅޭލަވައިގަތެވެ. އެއާއި އެކު ސިހިގެން ދިޔައީ އަވްލީންއާއި ނައުހާން އެކަންޏެއް ނޫނެވެ. މާޝާވެސް މެއެވެ. ބިރުން އިން ނައުހާންއާއި އަވްލީން ފެނި މާޝާއަށް ކޮންމެވެސް ވަރަކަށް ވީނުވީ އެނގުނެވެ.

އާކިންގެ އަޑާއި އެކު ބިރުން ނައުހާން ނިކުމެގެން ދިޔައެވެ. އެއާއި އެކު އަވްލީން ދުވެފައި ގޮސް އާކިންގެ ފައިބުޑުގައި އިށީނެވެ. “ބައްޕާ ޕްލީޒް. ލީންއަށް ސޮރީ. ޕްލީޒް ނައުއަށް ގޮތެއް ނަހަދަށްޗޭ. ލީން ވަރަށް ލޯބިވޭ ނައު ދެކެ” އަވްލީން ރޮމުން ރޮމުން ބުންޏެވެ.

“ކޮން ރުއިމެއް ރޯކަށްތަ އެއިން؟ މަށަކަށް ނުބުނެވޭތަ އަވްލީން ގާތަކު 10 ނުނިމެނީސް ތިކަމާ ނޫޅޭށޭ؟ ތިހުރީ ރައްޓެހިވީމަ ވާގޮތް. ޗީ! އަދި އަވްލީންއަށް އެންމެ 12 އަހަރޭ” އާކިން ހުރީ ވަރަށް ރުޅިއަހިސްފައެވެ. އެވަގުތު ދެބަފައިންގެ ވެސް ސަމާލުކަން ހޯދީ ފަހަތުން އިވުނު ބާރު އަޑުފައްގަނޑުންނެވެ. އޭރު ކަނޑާ ވައްޓާލީ ރުކެއްހެން މާޝާ ވަނީ ބިންމައްޗަށް ވެއްޓިފައެވެ. “މާޝް!!”

އަވަސްގޮތުގައި މާޝާ ހޮސްޕިޓަލަށް ގެންދެވުނެވެ. އާކިންއާއި އެކު އަވްލީންވެސް ދިޔައެވެ. “މާޝާގެ އެހީތެރިޔާ؟” ނަރުސްކުއްޖަކު ގޮވާލީއަޑަށް އާކިންއާއި އަވްލީން ގޮސް ނަރުސް ކުއްޖާ ގާތުގައި ހުއްޓުނެވެ. “ލައްބަ. މިއީ މާޝާގެ ފިރިމީހާ.. އަޅުގަނޑުގެ އަންހެނުން ކިހިނެތްތޯ؟” އާކިން ހާސްވެހުރެ އެއްސެވެ. ނަރުސްކުއްޖާގެ ޖަވާބާއި އެކު އާކިންގެ ހިތްތެޅިގަތެވެ.

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.