އިންސާފު ލިބޭނެބާ – 17

” އާނ އަހަރެން ގާތު މަރާލަން ބުނި މީހަކީ ގޭންގަށް ބިޓްރޭ ކުރި މީހެއް.. އޭނަ ބޭނުންވީ އަންހެންކުއްޖަކަށްޓަކައި އައު ފެށުމެއް ފަށަން.. އެހެންވެ ގޭންގު މީހުން މަށަށް އެމީހަ މަރައިލާން ޖެއްސީ.. ” މާވިން ބުންޏެވެ. ” ދެން ކަލޭ ކީއްކުރީ؟ އެމީހުން ދެކޭ ގޮތުގަ އޭނަ މަރައިލީމޭ ތިބުނަނީ ކީއްވެ؟ ” މާވިންގެ ވާހަކަ ޝައުގުވެރިކަމާއިއެކު އަޑުއަހަންހުރެ ދާރިއަން ކުރިން ކުރި ސުވާލު އަނެއްކާވެސް ތަކުރާރުކޮށްލިއެވެ.

***ޕާޓް 17***

” އެމް.ވީ.އެސް.އޭ އިން އަހަރެންނަށް އިންޖެކްޝަންއެއް ތައްޔާރު ކޮށްދިނީ.. އޭތި ޖެހީމަ މީހާގެ ހިތް ގާތްގަނޑަކަށް ފަނަރަވަރަކަށް މިނެޓް ވަންދެން ހުއްޓުވާނެ.. އަހަރެން އޭތި ބޭނުންކޮށްލީ.. އަހަރެން ބުނިން އަހަރެން ކަނޑު ފައްތާނީއޭ.. އެހެން ކިޔާފަ ހެޑްކުއާޓާސްއަށް ގެންދިޔައީ.. ނިޔު އައިޑެންޓިޓީއެއް ދީފަ އޭނަ އެހެން ގައުމަކަށް ފޮނުވާލީ.. ހީ އިޒް ސޭފް އެންޑް ވެރީ މަޗް އަލައިވް. އެ އަންހެން ކުއްޖާ އާއެކު ދިރިއުޅުމެއް ފަށާގެން އުޅެނީ.. އަހަރެން އެކަހަލަ އިންޖެކްޝަންއެއް ދާރިއަންއަށް ތައްޔާރުކޮށްލަދޭނަން.. ” މާވިން ހަމަޖެހިލާފައި ބުންޏެވެ. އެއާއިއެކު ދާރިއަންއަށް ފުންނޭވާއެއް ދޫކޮށްލެވުނެވެ. ” ތެންކްސް މޭން.. ” ހިނިތުންވެލަމުން ދާރިއަން ބުންޏެވެ. އޭނާގެ ހިތްމަތިން ބޮޑު ގާގަޑެއް ނެގި ކަމުގެ އިހްސާސް އޭނައަށް ކުރެވުނުވެ.

މާވިން ބޯޖަހައިލިއެވެ. ” ދެން ވެސް ތައްޔާރުވާން އުޅޭ.. ” މާވިން ދާރިއަންގެ ކޮނޑުގައި އަތްއަޅުވައިލަމުން ބުންޏެވެ. ދާރިއަން ހޫންއެކޭ ކިޔާފައި ތުވާލި ކޮނޑުގައި އަޅުވައިލައިގެން ފާހަނައަށް ވަނެވެ. އެއާއެކު މާވިން ފޯނުން މީހަކަށް ގުޅަމުން ކޮޓަރިން ނިކުތެވެ. ” އަޔާޝް ކަލޭގެ ބޭނުމެއް ޖެހިޖެޔޭ..” އޭނާއާއެކު މަސައްކަތް ކުރާ އޭޖެންޓެއްކަމަށްވާ އަޔާޝްއާއި މާވިން ވާހަކަ ދެއްކިއެވެ. ” ކަލޭ އަބަދުވެސް މަށަށް ގުޅާނީ މަގޭ ބޭނުމެއް ޖެހިގެންނުން.. ކޮންކަމެއް އަނެއްކާ މިހާރު ޖެހުނީ؟ ” އަޔާޝް އަހައިލިއެވެ. ” ފޯނުގައެއް ނުބުނެވޭނެ މިކޮޅަށް މީހަކު ވަރަށް އަވަހަށް ފޮނުވަބަލަ..” ފޯނުން އޭޖެންސީއާއި ގުޅޭ ވާހަކަ ދެއްކުމަކީ މަނާ ކަމެއްކަމުން މާވިން ބުންޏެވެ. އަޔާޝް އާއެކޭ ބުނުމަށްފަހު ފޯނު ކަނޑައިލިއެވެ.

ކުޑަ އިރުކޮޅެއްފަހުން ދޮރުގައި ޓަކި ޖަހާ އަޑު އިވުނެވެ. އޭޖެންސީ ކުއްޖެއްކަން ޔަގީން ވާތީ މާވިން އަވަހަށް ގޮސް ދޮރު ހުޅުވައިލިއެވެ. ކުރިމަތީގައި ކަޅުކުލައިގެ މާސްކެއް އަޅައިގެން ހުރި މީހެއް ހުއްޓެވެ. ” ލަމާން.. ” ޔަގީން ކުރުމުގެ ގޮތުން މާވިން ގޮވައިލިއެވެ. ލަމާން ބޯޖަހައިލިއެވެ. ” އަޔާޝް ގާތު އެއްކަލަ މީހެއްގެ ހިތް ފަނަރަ މިނެޓް ވަރު ހުއްޓުވާ ކަހަލަ އިންޖެކްޝަންއެއް ހަދާދޭށޭ ބުނެބަލަ… މިއަދު ހަވީރުގެ ކުރިން އަހަރެން އެ ބޭނުންވޭ އެބަ.. ” މާވިން ބުންޏެވެ. ” މައްސަލައެއް ނެތް ” ލަމާން ބުނުމަށްފަހު އެގެއިން ނިކުމެގެން ދިޔައެވެ.

ލަމާން ދިޔަތާ އިރުކޮޅެއް ނުވެ ދާރިއަން ފާހަނައިން ނިކުމެ އާދައިގެ ކަޅުކުލައިގެ ޓީޝާޓްއަކާއި ފަޓުލޫނެއް ލައިގެންއައެވެ. ” ކޮފީއެއް ބޮއެގެން މަށަށް ދެވޭނީ.. ” ދާރިއަން އެހެން ބުނުމަށްފަހު ބަދިގެއަށްވަނެވެ. މާވިންވެސް ކާގެއަށް ވަދެ އަމިއްލައަށް ކޮފީއެއް ގިރައިލައިގެން ގޮޑީގައި އިށީނެވެ. ” އެއްކަލަ ކަންތަކާ އުޅެވިއްޖެތަ؟ ” ދާރިއަން މާވިން ބުނި އިންޖެކްޝަންގެ މަތިން ހަނދާންވުމުން އަހައިލިއެވެ. ” އާނ.. އެޖެންސީއިން މިހާރު އެބައުޅޭ އެކަމާ.. ” މާވިން ބުންޏެވެ. ދާރިއަން ފުންނޭވާއެއް ދޫކުރުމަށްފަހު މާވިންއަށް ޝުކުރު އަދާކުރިއެވެ. ކޮފީ ބޮއެ ނިމުމުން ދެ މީހުން މިސްރާބު ޖެހީ ގޭންގް ބައްދަލުވުން އޮތް ތަނަށް ދިޔުމަށްޓަކައެވެ.

ޒާލިކް އޭނަގެ އޮފީހުގައި ކަމެއްކުރަން އިންދާ ދާލިޔާ ވަދެގެން އައިސް އޭނާގެ ގާތު ހުއްޓުނެވެ. ޒާލިކް ދާލިޔާ ހުރިމީހަކަށްވެސް ހަދާނުލާ އޭނަގެ މަސައްކަތައިގެން ކުރިއަށް ދިޔައެވެ. އޭނަ ދިޔައީ ކުރީގެ ކޭސްތަކެއްގެ އެވިޑެންސްބައިތައް ބަލަމުންނެވެ. ގާތުގައި ދެ ލެބޯޓްރީ ‘ ބީކާ ‘ ހުރިއިރު، އެކަތީގައި މަޑު ރީދުލަކަށް ދާ ކުލައެއްގެ ދިޔާ އެއްޗެއް ހުއްޓެވެ. އަނެއް ބީކާގައި ފެނުގެ ކުލައިގައި ހުރި ދިޔާ އެއްޗެއް ހުއްޓެވެ. އޭނަ ފެނުގެ ކުލައިގައި ހުރި ބީކާ ސަމްސަލެއް ފަދައިން ދިގުކޮށް ހުރި އެއްޗެއްލައި ހަލުވައިލުމުން އޭތި ރަތް ކުލައަށް ބަދަލުވިއެވެ. ޒާލިކް އެއިން ދޭހަވި އެއްޗެއް އޭނާގެ ފޮތުގައި ލިޔުނެވެ.

ޒާލިކްގެ ހިމޭންކަމުން އުދަނގޫވެގެން ދާލިޔާ ވާހަކަ ދައްކަން ފެށިއެވެ. ” ކީއްކޮށްލަނީ؟ ” ދާލިޔާ ޒާލިކްގެ ގާތުގައި ހުރި ގޮޑިއެއްގައި އިށީންނަމުން ސުވާލުކޮށްލިއެވެ. ” އަހަރެން ކުރާކަންތައް ހަމަ ނުފެންނާތީތަ ތި އަހަނީ.. ” އެއްވެސް އަސަރެއް ނެތް ފަދައިން ޒާލިކް އަހައިލިއެވެ. ” ކީއްވެ ކުއްލިއަކައަކަށް ޒެކް އެހާ ރޫޑްއީ.. އަހަރެން މީ ޒެކްގެ ބެސްޓީއެއްނުން.. އެހެންނޫނަސް ޒެކްތި ހަދާ އެކްސްޕެރިމެންޓްތައް އަހަރެންނަށް އެނގޭނީ ޒެކް ބުނީމައެއްނުން.. އަހަރެން މީ ސައިންސްއަށް އެހާ މޮޅު މީހެއް ނޫން ވިއްޔާ.. ” ދާލިޔާ ޒާލިކްގެ މޫނަށް ބަލައިލަމުން މަޑުމައިތިރިކަމާއިއެކު ވާހަކަ ދެއްކިއެވެ.

” އަހަރެންނެއް ނޫން ރޫޑްއީ.. ދާލިޔާއަށް ރޫޑް މީހުން ވަކިކުރަން ނޭނގެނީ ކަންނޭނގެ.. ދާލިޔާއާ ބެހޭ ކަމެއް އަހަރެން މިތަނުގައެއް ނުކުރަން.. ނޭންގޭ ކަންކަމާ ނުބެހުން މާ ރަނގަޅުވާނެ.. ” ޒާލިކް ހިތްހަމަނުޖެހިފައި ހުރި ރާގަކަށް ބުންޏެވެ. ޒާލިކްގެ ރާގު ހުރިގޮތުން ދާލިޔާއަށް ބުނާނެ އެއްޗެއް ނޭނގުނެވެ. އޭނަ މަޑުމަޑުން ދާން ހިނގައިގަތެވެ. ” ޒެކް ކަމެއް ބޭނުން ވިއްޔާ އަހަރެން ކައިރީބުނޭ.. އައިމް ހިއާ ފޯރ ޔޫ.. ” ޒާލިކްގެ ވާހަކަތަކުން ކިތަންމެ ހިތުގައި ޖެހުނު ނަމަވެސް ދާލިޔާ ހިތްވަރުކޮށްލާފައި ބުންޏެވެ. އޭރު ދާލިޔާގެ އަޑުގައި މަޑު ތުރުތުރުއެޅުމެއް ހުއްޓެވެ. ދޮރު ހުޅުވައިލުމަށްފަހު ޒާލިކް އެއްޗެކޭ ބުނޭތޯ އިރުކޮޅަކަށް މަޑުކޮށްލުމުންވެސް، ޒާލިކް އެއްޗެކޭ ނުބުނުމުން އިސްޖަހައިގެން ހުރެ ދާލިޔާ ނިކުމެގެން ދިޔައެވެ.

ދާލިޔާ ދިޔުމުން ޒާލިކްއަށް ފުންނޭވާއެއް ދޫކޮށްލެވުނެވެ. އޭނަގެ އަތުގައި ހުރި ސަމްސާ ފާޑުގެ އެތި ބީކާގެ ތެރެއަށް ދޫކޮށްލުމަށްފަހު ބޮލުގެ އިސްތަށިގަނޑަށް އަތްމަހައިލަމުން ގޮޑީގައި އިށީނެވެ. ދާލިޔާއާ އެހެން ވާހަކަދެއްކުމުން އޭނާގެ ހިތަށް ކޮންމެވެސް ވަރަކަށް ތަދުވިއެވެ. ދާލިޔާގެ އަޑުގައިވި ތުރުތުރު އޭނައަށް އަދިވެސް އިވޭފަދައެވެ. ” އިޒް ދިސް ވޯރތް އިޓް.. ” ޒާލިކްއަށް އަމިއްލަ ނަފްސާ ސުވާލުކޮށްލެވުނެވެ. އޭނަ މިކުރާ ކަމަކުން ދެމީހުންގެ ވެސް ހިތަށް ތަދުވެއެވެ. ދާލިޔާ އެކުވެރިއެއްގެ ގޮތުގައި ދެކުނަސް ޒާލިކް ދާލިޔާއާއި މެދު ތަފާތު ނަޒަރަކުން ދެކޭ ވާހަކަ ބުނާނީ ކޮން ދުލަކުން ހެއްޔެވެ؟ އެއީ އޭނާގެ ކުޑައިރުއްސުރެ އެންމެ ގާތް އެކުވެރިޔާއެވެ.

ދާލިޔާ ޒާލިކްގެ އޮފީހުން ނިކުމެގެން އައިސް އޭނާގެ އޮފީހަށްވަނެވެ. އަދި މޭޒުމަތީ ބޯއަޅައިގެން އޮވެ ނޭފަތް ދަމާލިއެވެ. ކުޑައިރުއްސުރެ އެންމެ ގާތް އެކުވެރިޔާގެ ދުރުކަމުން އޭނާގެ ހިތައް އަސަރުކޮށްފިއެވެ. ދާލިޔާ އައިއިރު އޭނާގެ އޮފީހުގައި އިތުރު މީހެއް ހުރިކަމުގެ ހިލަމެއް އޭނައަކަށް ނުވިއެވެ. ކުއްލިއަކަށް ދާލިޔާ އޮފީހަށް ވަދެގެން އައިސް މޭޒުގައި ބޯއެޅުމުން ކޮންމެވެސް ކަމެއްވެގެން އުޅޭކަން އުކައިލްއަށް ޔަގީންވިއެވެ. އޭނަ މަޑުމަޑުން އައިސް ދާލިޔާ ގާތު ކުޑަކަކޫ ޖަހައިގެން އިށީނެވެ. ” ދާޔާ ” ދާލިޔާގެ ހަށިގަނޑުގައި އަތް ޖައްސައިނުލައި ހުރެ އުކައިލް މަޑުމަޑުން ގޮވާލިއެވެ. ދާލިޔާ ސިއްސައިގެން ގޮސް އަވަސްއަވަހަށް ބޯ ނެގިއެވެ. އުކައިލްއިން ގޮތުން ދާލިޔާ ހައިރާންވިއެވެ.

” ހުރިހާ ކަމެއް ރަނގަޅުތަ؟ ” އުކައިލް މަޑުމައިތިރި އަޑަކުން ސުވާލުކޮށްލިއެވެ. ދާލިޔާ އުކައިލްއާއި ހަތަރުކަޅި ހަމަކުރަން ނުކެރިގެން އިސްޖަހައިލިއެވެ. މަޑުމަޑުން އޭނަ ބޯޖަހައިލިއެވެ. ” ޕިސް ދާޔާއަށް ނޭނގެ ދޮގުހަދާކަށް ވެސް ” އުކައިލް ލުއި ހިނިތުންވުމަކާއިގެން ބުންޏެވެ. އުކައިލްއަށް އޭނަ ހެދި ދޮގު އެހާ އަވަހަށް ފަޅާއެރުމުން ދާލިޔާގެ މޫނަށް ޖަންބުކުލަވެރިވެގެން ދިޔައެވެ. އުކައިލް މަޑުމަޑުން ދާލިޔާގެ އަތްކައިރިއަށް އޭނާގެ އަތް ގެންދިޔައީ، އޭނާގެ ދޮލުލުން ދާލިޔާގެ އަތުގައި ހިފުމަށް ހުއްދައަށް އެދެމުންނެވެ. ދާލިޔާ އޭނާގެ އަތާ އަތް ދުރުނުކޮށްލުމުން މަޑުމަޑުން ދާލިޔާގެ ގަޑުފެންކޮޅެއްހައި ފިނި އަތުގައި ހިފައިލިއެވެ.

” އަހަރެން މިހުރީ އަޑުއަހަން.. ” އުކައިލް މަޑުމަޑުން ބުންޏެވެ. ” ޒެކް މާ ދުރުން އުޅޭތީ.. ” މަޑުމަޑުން ވާހަކައިގެ އެއްބައި ސިއްރު ކުރަމުން ދާލިޔާ ބުންޏެވެ. ” ކަމެއް ސިއްރުކުރޭއެބަ.. ޒާލިކް ދުރުން އުޅުނަސް ދާޔާއެއް ނުރޯނެ.. ޒާލިކް އެއްޗެކޭ ބުނީތަ؟ ” ދާލިޔާގެ މޫނަށް ފަރުވާތެރިކަމާއެކު ބަލައިލަމުން އުކައިލް އަހައިލިއެވެ. ދާލިޔާ ތުންފަތުގައި ދަތްއަޅާއިލަމުން އިސްޖަހައިލިއެވެ. ” އަހަރެން ނުރޮން.. ” އަނގައަށް ގޮތެއް ހަދައިލަމުން ދާލިޔާ ބުންޏެވެ. ” އޯހް ދެން ކޮންހައި ފެނެއް ދާޔާގެ ދެލޮލުން މިފައިބައިނީ.. ” ދާލިޔާގެ ލޮލުން ވެއްޓެންދިޔަ ކަރުނަ ތިއްކެއް ފޮހެލަމުން އެއްމިޔަކަނުން ހީލަމުން އުކައިލް އަހައިލިއެވެ. ދާލިޔާ މޫނަށް އެރި ޖަންބު ކުލަ ގަދަވެގެން ދިޔައެވެ.

” ޒާލިކް” ދާލިޔާ މަޑުމަޑުން ބުންޏެވެ. ދާލިޔާގެ ކަރުނަތަކުގެ އަސްލަކީ ޒާލިކްކަން އެންގުމުން، އުކައިލްގެ މޫނުމައްޗަށް ޒާލިކްއާއި މެދު ހިތްހަމަނުޖެހުމުގެ ކުލަވަރު އަރައިގެން ދިޔައެވެ. ” ކީކޭ އޭނަ ބުނީ.. ” އުކައިލް އޭނާގެ އިހްސާސްތަށް ހަމައަކަށް އަޅުވައިލަމުން ސުވާލުކޮށްލިއެވެ. ” އެހާ ބޮޑު އެއްޗެކޭ ނުބުނެ.. އެކަމަކު ވަރަށް ރޫޑްކޮށް ވާހަކަ ދެއްކީ.. ” އިސްޖަހައިލަމުން ދާލިޔާ ބުންޏެވެ. އުކައިލް ފުންނޭވާއެއް ދޫކޮށްލިއެވެ. ” އަހަރެން އޭނައާ ވާހަކަ ދައްކާލާނަން.. ” ތެދުވަންނަމުން އުކައިލް ބުންޏެވެ. ” ނޯ ޕްލީޒް.. އުކައިލް އެކަމުގެ ތެރެއަށް ވަންނަން ނޫޅޭ.. އަހަރެން ރަނގަޅޭ.. ” ދާލިޔާ އަވަސް އަވަހަށް އުކައިލްގެ އަތުގައި ހިފަމުން ބުންޏެވެ. ދާލިޔާގެ އަޑުގައިވި އާދޭހުގެ ރާގުން އުކައިލްގެ ހިތް މަޑުކަފަކޮޅަކަށްވި ފަދައެވެ. އަވަސް އަވަހަށް ނުބުނާނަމޭ ބުނާ ފަދައަކުން ބޯޖަހައިލިއެވެ.

ލަމާން އިންޖެކްޝަން ހިފައިގެން އަންނާތީ މާވިން ބޭރުގައި މަޑުކޮށްލައިގެން ހުއްޓެވެ. މީހަކަށް ޝައްކު ވެދާނެނެތީ ދާރިއަން ހުރީ ގޭންގްގައި މީޓިން ބާއްވާ ކުޑަ ގެ ގަނޑުގައެވެ. އޭރު ވަދީހު އާއި ޝިމާއުގެ އިތުރުން ހަތަރު ވަރަކަށް މީހުން ތިއްބެވެ. ލަމާން އިންޖެކްޝަން ހިފައިގެން އައުމުން މާވިން އަވަހަށް އޭގައި ހިފިއެވެ. ” ތޭންކްސް ބަޑީ.. ” ލަމާންއަށް ބަލައިލަމުން މާވިން ބުންޏެވެ. ލަމާން ބޯޖަހައިލަމުން އެތަނުން ދިޔައެވެ. މާވިން އެ ކުޑަގެގަޑަށް ވަދެގެން އައިސް ދާރިއަން ގާތު ހުއްޓުނެވެ. އަދި މީހަކަށް ހިލަމެއް ނުވާނެހައި ސިއްރުން ދާރިއަންގެ އަތުތެރެއަށް ސިރިންޖް ލައިދިނެވެ. ދާރިއަން އަވަސް އަވަހަށް ސިރިންޖް އޭނަ ލައިގެންހުރި ފަޓުލޫނުގެ ޖީބަށްލިއެވެ.

” މިއަދު އަހަރެމެން ދަޔާން މިތަނަށް މިގެނައީ ދަޔާންގެ އެންމެ ފަހު ޓެސްޓު ފުރިހަމަ ކުރަން.. ” ޝިމާއު ބުންޏެވެ. އޭނަގެ އަތުގެ އިޝާރާތަށް ތިހާމް އާއި ވަދީހު ކަނުބަދެފައިވާ ފިރެހެނެއް ގެނެސް ކުޑަކަކޫ މައްޗަށްވާ ގޮތަށް ބޭންދިއެވެ.

( ނުނިމޭ )

🦋 ކިޔުންތެރިން ދެއްވާފައިވާ ރީތި ނަންތަކަށް ވަރަށް ބޮޑަށް ޝުކުރިއްޔާ.. ތި ކުދިން ދެއްވާފައި ހުރި ހުރިހާ ނަމެއް މި ވާހަކައިގައި ނުހިމެނުނަސް ކޮންމެ ކުއްޖެއްގެ ނަންތަކުގެ ތެރެއިން ނަމެއް އަޅުގަނޑު ހިމަނާނަން.. އަދި އަޅުގަނޑުގެ ކުރިއަށް އޮތް ވާހަކަތަކުގައިވެސް ހިމަނަން މަސައްކަތް ކުރާނަން.. އަދިވެސް އެއްފަހަރު ވަރަށް ބޮޑަށް ޝުކުރިއްޔާ..💜🦋

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.