Skip to content
އެސްފިޔަ

ވަޢުދޭ ވެވޭމީ 5

ނޯޓް: އެޕިސޯޑް 3 ގަ އަޅުގަނޑަށް ހެދިފައި އިން ކުޑަ މިސްޓޭކްއެއް އެއީ، 2 އަހަރު ފަހުންނޭ ޖެހުން… އަސްލު އެއީ 5 އަހަރު ފަހުން…

“މަންމާ…” ހައިޒަލްގެ ބާރު އަޑަށް ބަދިގޭގައި އުޅުނު ރިހާނާއާއި ނައިނާ ނުކުތެވެ. އެވަގުތު ހައިޒަލްގެ މޫނު ފެނި އެ ދެމީހުންގެ ވެސް ހިނިގަނޑު ފަޅައިން ދިޔައެވެ. އޭރު ސޯފާގެ ފުރަގަހު ފިލާއިނދެ ޒާން ދިޔައީ ހެމުންނެވެ. ވަގުތުން އެއީ ޒާންގެ ކަމެއްކަން ހައިޒަލްއަށް އިނގުނެވެ. ބާރަކަށް ހިނގާފައިގޮސް އެކުއްޖާ އުރާލިއެވެ. “ޒެލްބެ ރިވެންޖް ނަގާނަން އިނގޭ!…” ހައިޒަލް ބުނެލިއެވެ.

މޫނު ދޮވެލައިން ނުކުތް ހައިޒަލް ފެނި ޒާން ދުވެފައިގޮސް ނައިނާގެ އުނގަށް އެރިއެެވެ. “މަންމީ… ޒެލްބެ އިސް ގޮނަ ޓޭކް ރިވެންޖް…” ޒާން ބުނެލިއެވެ. “ހެހެހެ… ޒެލްބެ ނުނަގާނަން ރިވެންޖް އެއް… އަވަހަށް އާދޭ ޒާން…” ހައިޒަލް ލުއި ހީލުމަކާއެކީ ބުނެލިއެވެ. އަދި ނައިނާގެ އަތުން ޒާން ނަގައިން ސައިބޯން އިށީންދުނެވެ.

އެންމެން ސައިބޮއި ނިމުމުން ނައިނާ ބޭނުންވީ ފިހާރައަކަށް ދާށެވެ. ޒާން އަށް ބޭނުންވާ އެއްޗެހި ހުސްވެފައި ހުރުމުގެ އިތުރުން ގެއިން ނުކުމެލާ ހިއްވީއެވެ. ކުޑަގޮތަކަށް ތައްޔާރުވެލައިން ނައިނާ ފިހާރަތަކާ ދިމާލަށް މިސްރާބު ޖެހިއެވެ. ދެތިން ފިހާރައަކަށް ވަދެ ބޭނުންވާ ހުރިހާ ސާމާނެއް ގަނެ ނިމުނު އިރު އެގާރަ ގަޑި ބައިވެއްޖެއެވެ. އަވަސް ހިނގުމެއްގައި ނައިނާ ފިހާރައިން ނުކުތީ ހައިޒަލް ހުކުރަށް ދާނޭ އެއްޗެހި އިސްތިރި ނުކޮށް ހުރިކަން ހަނދާން ވެގެންނެވެ. އެވަގުތު އޭނާ ލައިގަތީ ފިހާރައަށް ވަންނަން އައި ޒުވާނާ ގައިގައެވެ. “ސޮރީ…” ދެމީހުންނަށް ވެސް މާފަށް އެދެވުނީ އެކުއެކީއެވެ. އެއާއެކު އެ ޒުވާނާ ހީލިއެވެ. އަދި އަތްދިއްކޮށްލީ “ޒަޔާން” އޭބުނަމުންނެވެ. “ނައިނާ… ދެން ދަނީ…” ޒިޔާންގެ އަތުގައި ހިފަން ބޭނުން ނުވެ ހުރެ ނައިނާ ބުނެލިއެވެ. އަދި ބާރަކަށް ހިނގައިގަތެވެ.

“ޒެލް… ހައިޒަލް…” ނައިނާގެ އަޑު އިވިފައި ހައިޒަލް ދޮރުހޮޅުވާލިއެވެ. އަދި ނައިނާ ދިއްކޮށްގެން ހުރި ގަމީހާއި ޖިންސުގައި ހިފިއެވެ. އެއިރު ނައިނާހުރީ ހުއްޓުން އަރާފައެވެ. އެ މަންޒަރު ފެނިފައި ހައިޒަލްގެ ތުންފަތުގައި ކުޅެލީ މީހުންގެ ހިތްތައް ކަތިލާފަދަ ހިތްގައިމު ހިނިތުންވުމެކެވެ. “މަންޖެ ތިވަރަށް ބަލަންޔާ ހިތްކިޔާފާނެ އިނގޭ…” އެއްލޯ މަރާލަމުން ހައިޒަލް ބުނެލިއެވެ. އަދި ހާމަކޮށް އޮތް އޭނާގެ ހަށިގަނޑުގައި ފިރުމާލަމުން ނައިނާއަށް ބަލާލިއެވެ. “ހިތްކިޔާފި މިހާރުވެސް…” ހިތާހިތުން ނައިނާ ބުނެލިއެވެ.

ޖެހިގެން އައީ ބަނދު ދުވަހެއް ކަމުން ހައިޒަލްއާއި ނައިނާ ބޭރަށް ނުކުމެލީ ރިހާނާއާ ޒެލް ހަވާލުކޮށްފައެވެ. ހަވީރުގެ ހިއްގައިމު ވަގުތުގައި އެ ދެމީހުންގެ މިސްރާބަކަށްވީ މާލޭގެ މަޝްހޫރު ރެސްޓޯރެންޓެކެވެ. ކޮފީ ބޯ ނިމިގެން ހައިޒަލް ރުފިޔާ ދައްކަން ދިޔުމުން ނައިނާ ނުކުތީ މަގުމައްޗަށެވެ. އެވަގުތު ސައިކަލެއްގައި ކުރިމައްޗަށް އައިސް ހުއްޓުނު މީހާ ފެނި ނައިނާ ދިޔައީ ސިއްސައިގެންނެވެ. “ނައިނާ؟… އެކަނިތަ؟…” ޖެހިލުމެއްވެސް ނެތި އެމީހާ އަހާލިއެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (2)

  1. eyharn

    Alheyy vrh reethiiiii inegyhhhh💋

    1. Craxy_Baby
      eyharn

      thankiuuu sm??

Comments are closed.