ކޮކާ

އަހަރެންނަށް ހޭލެވުނީ ގޭތެރެ މާ އަޑު ގަދަ ވުމުންނެވެ. އަހަރެން ނިކުމެ ދޮރު ޖެހީމެވެ. ފެނުނު މަންޒަރުން އަހަރެން ކޮޓަރިއަށް އަލުން ވަދެ ދޮރު ތަޅުލައިފައި ތަންޑު އެޅުވީމެވެ. އަހަރެންނަށް މާނޭވާލެވެމުން ދިޔައެވެ. މިހާ ބޮޑެތި މާބޫރު ތަކެއް މިއިން ޒަމާނަކުން އަހަރެން ނުދެކެމެވެ. އަހަރެން ކަޅިއެއްލީ ކޮކާ ގެ އަށެވެ. އެތަން އޮތީ ހުސްކޮށްނެވެ. އަހަރެން ކަންބޮޑުވިއެވެ. އަހަރެން މޭޒު ކައިރީ އިށީނީމެވެ. “ސަލާމަތް ކުރޭ ” މޭޒު މަތީގައި އޮތް ލިޔުންކޮޅާއި މެދު ވިސްނާލެވުނެވެ. އެހެން މީހަކު އެކޮޓަރި އަކަށް ނުވަދެއެވެ. އަނެއްކާ މިއީ ކޮކާގެ ކަމެއް ހެއްޔެވެ. ކައިރީގައި އޮތް ގަލަމަށް ބަލައިލައިފައި އަހަރެން ކޮޓަރި ހޯދަން ފެށީމެވެ. ކޮކާ އިނީ އެނދުތަންދޮށަށް ވަދެއެވެ. ކޮކާ ބިރުގަންނަނީ މި މާބޫރު ދެކެ ކަން އަހަރެންނަށް އެނގިއްޖެއެވެ.
” ދަރިފުޅާ ހުޅުވަބަލަ ” އަހަރެން ދޮރު ހުޅުވީމެވެ. ދޮރުމަތީގައި ހުރީ މަރުވެފައިވާ މާބޫރު ތަކެކެވެ. މަންމަ އެތަން ސާފު ކުރިއެވެ. ސާފު ކޮށް ނިމިގެން ނިދަން ވަންނަން ދޮރު ހުޅުވާލިއެވެ.
” ދަރިފުޅާ. އެއްޗެއް ގެންގުޅެން ތަ ކޮޓަރީގަ ” މަންމަ ވަންނަން އުޅެފައި ވެސް މަޑުކޮށް ލިއެވެ. ” ނު ނޫން. ކިހިނެއް ވީ ” އަހަރެން ބުނީމެވެ. ” މާބޫރުތަށް ވަންނަން މަސައްކަތް ކުރީ ދަރިފުޅުގެ ކޮޓަރިއަށް ވަންނަން ކަމުން އަހާލީ ” އެހެން މަންމަ ބުނުމުން އަހަރެންނަށް ޔަގީން ވިއެވެ. ކޮކާ މަސައްކަތް ކުރަމުން އެދަނީ މާބޫރު ތަކުން ސަލާމަތް ވާށެވެ. އަހަރެން ކޮޓަރިއަށް ވަދެ އޮށޯތީ ނިދާށެވެ. އަދި ގަޑިން ދަންވަރު އެކެއް ޖެހީއެވެ. އަހަރެން ހޭލައިގެން ތެދުވިއިރުވެސް ކޮކާ އޮތީ ތަންދަށުގައެވެ. ނަމާދު ކޮށް ނިމިގެން ތަސްބީޙަތަށް ކިޔަން އަހަރެން އިނީ ކަންބޮޑުވެފައެވެ. އެ ކޮކާ ސަލާމަތް ކުރުމަށްޓަކައި ކޮންމެވެސް ކަމެއް ކުރަން ޖެހެއެވެ. އަހަރެން ކޮޓަރިން ނިކުމެ ބަދިގެއަށް ވަނީމެވެ. އަހަރެން ދިޔައީ އެއްލިގެންނެވެ. ސައިގިރައި ހުރިހާ ކަމެއް މި ކުރަނީ އެހެން އަންހެން މީހެކެވެ. އަހަރެންގެ ލޮލުގައި އަޅައިގަތީ އޭނާގެ ފައެވެ. އޭނާ ހުރީ ފައި އެއްކޮށް ފޮރުވައިގެންނެވެ. މި އަންހެނާއާއި މެދު ޝައްކު ކުރަމުން އަހަރެން ސައިތަށި ބޯލީމެވެ. އަހަރެން ކޮޓަރިއަށް ވަނީ ކޮކާ ރައްކާތެރި ކުރުމަށް މީރާ ގާތު އަހާށެވެ. އަހަރެން ބޮޑު ހެދުމެއް ލައިފައި ހެދުން ތެރޭ ކޮކާ ފޮރުވައިގެން ނިކުތީމެވެ. މީރާ ގެއަށް ދިޔައިރު މީރާ ކުނިކަހައި ނިމިގެން އެތެރެއަށް ވަންނަނީއެވެ.
” ސަމާ މާ ނުވަގުތަކު ތިއައީ ” މީރާ އަހަރެން ކައިރިއަށް އައެވެ. ” އެތެރެއަށް ގޮސް ބުނާނަން ” އަހަރެންނާއި މީރާ ވަނީ މީރާގެ ކޮޓަރިއަށެވެ. އަހަރެން ކޮކާ ނަގައިފައި ރޭގެ ހާދިސާ ކިޔައި ދިނީމެވެ. ކޮކާ އެގޭގައި ބަހައްޓަން އޭނާ އެއްބަސް ވިއެވެ. އަދި އެ ކޮކާގެ ވާހަކަ އެހެން މީހަކު ގާތު ނުބުނާން ވެސް އަހަރެން ބުނީމެވެ. އެގޭގައި އަހަރެން ވަގުތުކޮޅެއް ހޭދަ ކޮށްލައިފައި އަހަރެން ގެއަށް ދިޔައީމެވެ.
” މަންމާ މިތާ މަސައްކަތް ކުރަން އެގެނައީ ކާކު؟ ” އަހަރެން މަންމައާއި ސުވާލު ކޮށްލީމެވެ. ” އެ މީހަ ދެންމެ އެދިޔައީ ” މަންމަ ބުންޏެވެ. އަހަރެންނަށް މި މީހާ އާއި މެދު ވިސްނެން ފެށިއެވެ. މަންމަ އެހާ ހެޔޮއިރު މީހަކު މީހާ ފަސޭހައިން ނުދާނެއެވެ. މި މީހަކު މިއުޅެނީ ކޮންމެސް ކަމެއް ކުރާށެވެ. އަހަރެން ކޮޓަރިއަށް ވަންނަން ދޮރު ހުޅުވާލީމެވެ. އަހަރެންނަށް ބަައިލެވުނީ ހައިރާން ކަމާއި އެކު އެވެ. އަހަރެންގެ ލޯބިވާ ކޮކާގެ ވަނީ ކުދިކުދި ކޮށް ލައިފައެވެ އަހަރެން އެތަން ސާފު ކޮށްފައި ޑަސްބިނަށް އަޅާލީމެވެ. އަހަރެންނަށް މިހާރު ޔަގީން ވެއްޖެއެވެ. އެމީހާ އެ އުޅުނީ މަގޭ އޮޅު ކޮކާ ހޯދާށެވެ.
-ނުނިމޭ-