އާޒީން 9

“ހޫނ. ކޮށްފިން.” އާޒީން ބުންޏެވެ.*

މަޣްރިބް ނަމާދުގެ ވަގުތު ފާއިތުވެގެން ގޮސް ޢިޝާ ނަމާދު ބަންގި ގޮވައިފިއެވެ. އެންމެން ޢިޝާ ނަމާދުކޮށް ބަތް ކައިގެން ނިދަން އޮށޯތެވެ. 12 ޖަހައި ބޮޑުވެއްޖެއެވެ. އާލިކްއަށް ހޭލެވުނީ ވަރަށް ބޮޑަށް ކަރު ހިތްކައިގެންނެވެ. އާލިކް ގޮދަނޑިން ތެދުވިއިރު އާޒީން އެނދަކުނެތެވެ. އާލިކް ލައިގެން ހުރި ސޯޓުގެ މަތިން އަތްކުރު ޖޯޒީއެއް ލައިގެން ކޮޓަރިން ބޭރަށް ނިކުތެވެ.

ބޭރަށް ނުކުތް އިރު އާޒީން ފެންނަން ނެތުމުން އާލިކް ކުޑަކޮށް ނުތަނަވަސްވިއެވެ. އާލިކް ފެން ބޮއޮއިގެން ގެއިން ބޭރަށް ނުކުތީ އާޒީންގެ އެއްވެސް ހިލަމެއް ވޭތޯއެވެ. ނަމަވެސް އާޒީންގެ އެއްވެސް ހިލަމެއް ނުވުމުން އާލިކް ހާސްވާން ފެށިއެވެ. އާލިކް އެއްލި ކަޅިއަކުން ފެނުނީ އަންހެން ކުއްޖަކު ގޯޅިއަކަށް އަޅަނިކޮށެވެ. އެހެން ކަމުން އާލިކް އެކުއްޖާ އާއި ފާރަލަމުން ދިޔައެވެ. އެކުއްޖާ ކުއްލިޔަކަށް ވަލަށްވަނެވެ. އާލިކް ވަންނަން ނުވަންނަން ހުރެފައި ވަލަށްވަނެވެ. އެކުއްޖާ އާއި ފާރަލަމުން ދަނިކޮށް އެކުއްޖާ ހުއްޓުނީ ދުވަސްވެފައިވާ ފަޅު ގެއެއްގެ ކުރިމަތީގައެވެ.

ކުއްލިއަކަށް މީހަކު ބަލާހެން ހީވެގެން އެކުއްޖާ ފަހަތް ބަލާލިއެވެ. އާލިކް ދެލޯ ބޮޑުވެގެން ދިޔައެވެ. އެއީ ދެވަނަ އެހެން މީހެއް ނޫނެވެ. އެއީ އޭނާގެ ލޯބިވާ ކޮއްކޮއެވެ. “އާޒް؟” އާލިކް މަޑުމަޑުން ބުންޏެވެ. “އާޒް ކީއްވެ މި ގަޑީގަ އެ މިތަނަށް އައީ؟” އާލިކް ހިތާއި ހިތުން ސުވާލު ކުރަމުން ދިޔައެވެ. “މަންމާ!” އާޒީން ގޮވައިލިއެވެ. އާލިކް ހައިރާންކަން ދެގުނައަށް އިތުރުވެގެން ދިޔައެވެ. އާލިކް ބަލަން ހުއްޓައި އަންހެނަކު އެގެއިން ބޭރަށް ނުކުތެވެ.

އެ އަންހެންމީހާގެ ޢުމުރުން ގާތްގަނޑަކަށް 45 ވަރަކަށް އަހަރު ވެދާނެވެ. އެ އަންހެން މީހާ ކޮށްލި އިޝާތަކުން ތިރިއަށް އެއްޗެއް ވެއްޓުނެވެ. އެއީ ރަތް ކުލައިގެ ބޯޅައެއް ކަހަލަ އެއްޗެކެވެ. އެ ބޯޅަ ތެރޭގައި އޮތް އެއްޗެއް ނޭނގުމުން އަދިވެސް އާލިކް އެތާނގައި އިނެވެ. މިފަހަރު އާޒީން ކޮށްލި އިޝާރާތަކުން އެ ބޯޅަ ފަޅައިގެން ދިޔައެވެ.

އެ ބޯޅަ ތެރެއިން ނުކުތް ކުއްޖާ ފެނިފައި އާލިކްގެ ހައިރާންކަން ދެގުނައަށް އިތުރުވެގެން ދިޔައެވެ. އެ ބޯޅަ ތެރެއިން ނުކުތީ އާޒީންއެވެ. އާޒީން އެ ބޯޅަ ތެރެއިން ވެއްޓުނު އިރު އޭނާގެ ދެފައިގައި ހިލިހިލާ ޖަހައިފައި ހުއްޓެވެ. އާލިކް ގެ ހިތުގައި ސުވާލުތައް ފުނި ޖެހުނެވެ. ދެން ފެނުނީ އާޒީން އަންހެން ކުއްޖަކަށް ބަދަލުވި ތަނެވެ. އެއީ ވެސް އާލިކް ހައިރާންކޮށްލި މަންޒަރެކެވެ. އާލިކް ހައިރާންވީ އެ ކުއްޖާ ބަދަލުވުމަކުންނެއް ނޫނެވެ. އެއީ ކޮން ކުއްޖެއްކަން އެނގުމުންނެވެ.

އާނއެކެވެ! އެއީ ރީހާއެވެ. ދެން ކުއްލިއަކަށް ފެނުނީ އޭނާގެ ލޯބިވާ ކޮއްކޮގެ ގައިގައި އެ ދެމީހުން ދަނޑި ބުރި އަކުން ތަޅަނިކޮށެވެ. “ދައްތާ! ޕްލީޒް އަހަރެން ދޫކޮށްލާ! އާދޭސްކޮށްފަ މިބުނީ.” އެމީހުންނަކަށް އަޑުއިވުނު ކަމަކަށްވެސް ނަހަދައެވެ. އެ ނާޒުކު އަންހެން ކުއްޖާގެ ގައިގައި ތަޅަމުން ދާތަން ފެންނަ ކޮންމެ މީހަކު ފެންކަޅިވާނެކަން ޔަޤީނެވެ. އާލިކްގެ ގާތަށް އައި ރުޅިންނާއި ދެރައިން އޭނާ ތެދުވަން އުޅުނުތަނާހެން ދެމީހަކު އައިސް އޭނާ ހިފަހައްޓައިގެން ފަޅުގެއަކަށް ވެއްދިއެވެ.

*އެއީ ކޮން ބައެއްބާ ؟

ނުނިމޭ

10 ވަނަ ބަޔަށް އިންތިޒާރު ކުރައްވާ!

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.