އިންތިޒާރު 23

އިންތިޒާރު 23

“ބަޓް ޑޯންޓް ޓެލް އެނީތިންގ ޓް އެނީވަން، ޝްޕެޝިއަލީ މަމް އެން ޒާ އޯކޭ” ޒަޔާން އެހެން ބުނުމުން “ޔެސް ބޮސް” އޭ ކިޔާފަ ނޫރާ އެކޮޓަރިން ނުކުތެވެ. އޭރު ޒާޔާ ސިޑިން މައްޗަށް އަރަނީއެވެ. ޒާޔާފެނުމާއި އެކު ނޫރާގޮސް ޒާޔާގެ ގައިގައި ބައްދާލިއެވެ. އަދި ޒާޔާގެ ނަން ދަމާލާފައި ކިޔާލިއެވެ. ޒާޔާ ކިހިނެތްވީހޭ ސުވާލުކޮށްލިއެވެ.

“ހަމައުފާވީމަ ހަގްކޮށްލާހިތްވީ” ނޫރާ ބުނެލިއެވެ. ޒާޔާ ދެފަރާތަށް ބޯހޫރާލަމުން ކޮޓަރިއާއި ދިމާއަށްދާން ހިނގައިގަތެވެ. ނޫރާވެސް ޒާޔާގެ ފަހަތުން އެކޮޓަރިއަށް ވަނެވެ.

ހަވީރުގެ ވަގުތެވެ. ރާއިން އޮފީސް ނިންމާލުމަށްފަހު ޒަޔާންއަށް ގުޅާލީ އޭނަ ދައްކަން ބޭނުންވާ ވާހަކަ ދެއްކުމަށެވެ. ކުޑައިރުކޮޅެއްގެ ތެރޭގައި ޒަޔާން ހުރީ އޮފީސްކައިރީގައެވެ. ހީވީ ރާއިން ނުގުޅައިގެން ލަސްވެފައި ހުރިހެނެވެ. އޭރު ރާއިންއާއި އެކު ޝާންވެސް އޮފީހުން ނުކުންނަނީއެވެ.

“ދޮންބެ ބައިވެރިއެއް ނުކުރާނަންތަ ތިދާ ކޮފީއަކަށް” ޒަޔާންއާ އަރާހަމަވުމުން ޝާން ބުނެލިއެވެ.

“ނޫން އެހެނެއްނޫން” ކުޑަކޮށް އުނދަގޫވެފައިހުރެ ޒަޔާންބުނެލިއެވެ.

“އެއީ ދޮންބެއެހެން ބުނިއެއްޗެއްނޫން، ގެއަށް މިހާރުމިދަނީ، ޒަކޫ ހުންނާނީ ލަސްވެފަ ނައިސްގެން” ޝާން ސައިކަލާދިމާއަށް ދަމުން ބުނެލިއެވެ.

“އައި ތޯޓް ޔޫ ޓޯލްޑް ހިމް” ރާއިން މޭގައި އަތްއަޅާލުމަށްފަހު ފުންނޭވައެއްދޫކޮށްލަމުން ބުނެލިއެވެ.

“ނޫން ޒެން އަށް ގުޅައިގެން ހުއްޓާ ދޮންބެ އައީ، ކޮންތާކަށްދާންހޭ އެހީމަ ބުނީ ކޮފީއަކަށްދާންވެގެނޭ، ހިނގާ” ކާރާ ދިމާއަށް ހިނގައިގަންނަމުން ރާއިންބުނެލިއެވެ.

ރާއިންއާއި ޒަޔާންތިބީ އާރޓިފިޝިއަލް ބީޗްގައި ހުރި ކެފޭއެއްގައެވެ. އޯޕަން އޭރިއާގައިތިބެފައި ދެމީހުންވެސް އޯޑަރުކުރީ ކޮފީއަކަށެވެ. ރަޔާން ވީހާވެސް ބޮޑަށް އޭނަގެ މޫނުމަތިން އެއްވެސް އަސަރެއް ނުދައްކަވޭތޯ މަސައްކަތް ކުރަމުން ދިޔައެވެ.

“ސޯ ޒެން ބޭނުންވަނީ ކިހިނެތް ޕްރޮޕޯޒް ކުރަންތަ؟” ކޮފީތަށިން އެތިފޮދެއްބޯލަމުން ރާއިން ސުވާލުކޮށްލިއެވެ.

“ދެޓްސްވަޓް އައި ޑޯންޓް ނޯ، އައި ޑޯންޓް ނޯ އެނީތިން އެބައުޓް ހާރ، ނޭނގެ ކިހިނެތް ޕްރޮޕޯޒް ކުރީމަކަމެއް ޒާ ލައިކްވާނީ، ހީވަނީ އަލަށް ކުއްޖަކާ ރައްޓެހިވާން އުޅޭހެން ހެހެ،” މަޑު ހުނުމަކާއިއެކު ޒަޔާން ބުނެލިއެވެ.

“އައިހޭވް އޭން އައިޑިއާ، އިފް ޔޫލައިކް އިޓް” ރަޔާން ބުނެލިއެވެ. ޒަޔާން ކިޔާދިނުމަށް އެދުނެވެ. ދެމީހުން މަޝްވަރާކުރުމަށްފަހު ރާއިން ބުނިގޮތަށް ކަންތައްކުރަން ނިންމިއެވެ. އެކަމަށް ވާންޖެހޭ ހުރިހާ ތައްޔާރީއެއް ރާއިން އަމިއްލައަށް ކުރާނެކަމަށް ބުނެލިއެވެ. ޒަޔާން ރާއިންއަށް ޝުކުރު އަދާ ކުރިއެވެ. ދެމީހުން ގެއަށްދާން ނުކުތްއިރު އިރުއޮއްސިއްޖެއެވެ.

“މިއަދު ފަހުންނެއް އެނަންބަރުން މެސެޖެއް ނާދޭތަ؟” ނޫރާ ޒާޔާގެ އެނދުމަތީގައި އޮށުއޮވެލަމުން ބުނެލިއެވެ. އޭރު ޒާޔާހުރީ ޑްރެސިންގް ޓޭބަލް ކައިރީ ފުނާއަޅާށެވެ. އޭނަ ތައްޔާރުވަމުން ދިޔައީ އެރޭ އޮތް ކުލާހަކށް ދިއުމަށެވެ. “ނޫން ދެންމެ އައި މެސެޖެއް، ކިހިނެތްވީ ކުއްލިއަކަށް ތިހެން ތިއެހީ” ނޫރާއާއި ދިމާއަށް ބަލާލަމުން ޒާޔާއަހާލިއެވެ.

“ކަމެއްނުވޭ ހަމަ އަހާލީ، ޒާ ކީއްވެ އަހަންނަށް ހުރިހާ ވާހަކައެއް ޝެއަރ ނުކުރަނީ” ނޫރާ ސީރިއަސްވެފަ ސުވާލުކޮށްލިއެވެ.

“އަހަރެން ކޮންވާހަކައެއްތަ ނުކިޔާދެނީ” ޒާޔާވެސް ކޮށްލީ ސުވާލެކެވެ.

“އައި ނޯ ޒާގެ ލައިފްގަ ކޮންމެސް މީހަކު ހުރިކަން ކުރިން، އެން އަހަރެންނަށް އެނގޭ އޭނަ ކަންތައްކުރީ ރަނގަޅަށް ނޫންކަންވެސް، އެވާހަކަ މިދައްކަނީ” ނޫރާގެ އެސުވާލުން ޒާޔާގެ މޫނުމިލައިގެން ދިޔަކަން އޭނައަށް ފާހަގަ ކުރެވުނެވެ.

ޒާޔާ އެއްވެސް ޖަވާބެއް ނުދީހުރުމުން ނޫރާ ޒާޔާގާތަށް ދިޔައެވެ. އަދި އެވާހަކަ ކިޔާދިނުމަށް އެދުނެވެ.

“އަހަރެންނަކަށް ނެތް މިވާހާކަ އެއްވެސް މީހަކަށް ކިޔާދެވޭކަށް، އޭނަ އެދުނީ އަހަރެން ގާތު ވެއިޓް ކުރުމަށް، އަހަރެން ވެއިޓް ކުރިން 5 އިޔާޒް ވަންދެން، ދެން އޭނަ އަހަރެން ކުރިމައްޗަށް އައީ އެހެން ކުއްޖަކާ އެއްކޮން، އަހަރެނަށް އޭނަ ކައިރީ ޝަކުވާ ކުރެވުނު އެކަމް އެއީ އެންމެ ފަހަރަކު، އެދުވަހު އެނގުނު އޭނަ އަހަންނާ އެއްކޮން އުޅެން ނެތްކަން، އެކަމާ މާބޮޑަށް ވިސްނުނީމަ އޭރު ބަލިވީ، މޭބީ އަހަރެން މިއީ އޭނައާ އެއްފެންވަރެއްގެ މީހަކަށް ނުވީމަކަންނޭގެ އެހެންވީ، އަހަރެންގެ ޝަކުވާއެއް ނެތް، އެކަމަކު ވަރަށް ދެރަވޭ، އަހަރެންގެ ހިތުން އެނޫން މީހަކަށް ޖާގައެއް ނުދެން، ނޫރާއަށްވެސް އެކަކަށްވެސް އެވާހަކަ ނުކިޔާދިނީ ކިޔާދިނުމުގެ ވަކި ބޭނުމެއް ނެތީމަ، އަހަންނަކަށް ނެތް މިއަށްވުރެ ޑީޓެއިލްސްކޮށް މިވާހަކަ ކިޔާދެވޭކަށް، ސޮރީ” ވާހަކަ ދެއްކިއިރު ޒާޔާގެ ލޮލަށް ޖަމާވެފައި ހުރި ކަރުނައިގެ ސަބަބުން ނޫރާއަށްވެސް އިތުރަށް އެވާހަކަ ދައްކާކަށް ނުކެރުނެވެ. އެއީ ކާކުތޯ ކޮންނަމެއް ކިޔާ މީހެއްތޯވެސް އަހާލަން ނުކެރުނީ ޒާޔާ އެންމެ ފަހަރަކުވެސް އޭނަގެ ނަންވެސް ނުބުނާތީއެވެ. ޒާޔާއެނަންވެސް ކިޔަން ބޭނުން ނުވާހެން ނޫރާއަށް ހީވިއެވެ.

ލޯފޮހެލުމަށްފަހު ޒާޔާ ޝޯލް އަޅަންފެށިއެވެ. ނޫރާވެސް އެންމެ ރަނގަޅުކަމުގައި ބުނެލަމުން ވާހަކަ ބަދަލުކޮށްލިއެވެ.

“ދެން ޒާގެ ލައިފްއަށް އެއްވެސް މީހަކަށް ޖާގައެއް ނުދޭނަންތަ، އޭނަ އެހެން ކަންތައް ކުރީއޭ ކިޔާފަ އޭގެ މާނައަކީ އެންމެން އެހެންވާނެއެކޭ ނޫނެއްނު” ނޫރާ އަހާލިއެވެ.

“އަހަރެން ތިހެން ނުބުނަމެއްނު، އެކަމަކު އަދި ނުވިސްނަން ކުއްޖަކާ ގުޅޭކަށް، ކިޔަވާ ނިންމާފަ ވިސްނާނަން” ޒާޔާވެސް މޫޑު ރަނގަޅު ކޮށްލަމުން ބުނެލިއެވެ. އަދި ތައްޔާރުވަމުންދިޔައެވެ.

“ކިހާއިރަކު ކުލާސް ނިމޭނީ” ޒާޔާ ތައްޔާރުވެނިމުމުން ނޫރާ އަހާލިއެވެ. ނުވައެއް ޖަހާއިރު ނިމޭނެކަމަށް ޒާޔާބުނެލީ ދަބަހަށް ބޭނުންވާ އެއްޗެހިތައް އަޅަމުންނެވެ. އެއަށްފަހު ދެމީހުން ކޮޓަރިން ނުކުތެވެ.

ޒާޔާއަށް ގޭގެ ދޮރުން ނުކުމެވުނީ ރާއިންއާ ޒަޔާން ކާރުގައި ގޭޓުން ވަތް އިރުއެވެ. ޒަޔާން އޭނައާއި ދިމާއަށް ބަލަހައްޓައިގެން އިނުމުން ރާއިންގެ ހިތަށް ތަދުވެލިއެވެ. ނަމަވެސް އިހުސާސްތައް ކޮންޓްރޯލް ކުރަމުން ކާރުން ފޭބިއެވެ. ކާރުން ފޭބުމަށްފަހު އޭނަ ދިޔައީ ކޮޓަރިއާ ދިމާއަށެވެ. ޒަޔާން ޒާޔާއަށް ޕްރޮޕޯޒް ކުރުމުގެ ހުރިހާ ތައްޔާރީއެއްވަނީ އަމިއްލައަށް ބޮލުގައަޅާފައެވެ. ކޮޓަރިއަށް ވަނުމަށްފަހު ޖީބުން ފޯނުނަގާ މީހަކަށް ގުޅާލިއެވެ. ކުރަން އޮތްކަމަކީ އަމިއްލަ ހިތަށް ކިތަންމެ ވޭންދެނިވި ކަމެއް ނަމަވެސް އޭނަ އެކަން ކުރާނެއެވެ. ކިތަންމެ އުނދަގޫވިނަމަވެސް އޭނަގެ ފަރާތުން ކުރަންޖެހޭ ހުރިހާ ކަމެއް ކޮށްނިންމިއެވެ. ދެން އޮތީ ޒަޔާންއަށް އޭނަ ރާވާފައިވާ ގޮތަށް ކަންކުރުން އެކަންޏެވެ.

ޖެހިގެން އައިދުވަހުގެ މެންދުރެވެ. ރިސޯޓުގައި ތިބިއެންމެން މާލެއައިސްފިއެވެ. އެއްވެސް މީހެއްގެ ގާތުގައި ނުވެސްބުނެއެވެ. ޝާންއަށްވެސް އެމީހުން ދެދެވަސްފަހުން އަންނަން ބުނފައި ކުއްލިއަކަށް އައުމުން އޭނަގެ މަންމަ ބަލްގިސް ގާތުގައި ސުވާލު ކޮށްލެވުނެވެ. ނަމަވެސް ބަލްގިސްވެސް ބުނީ ޔާސިރު ކުއްލިއަކަށް ދަތުރު ހަމަޖެއްސި ވާހަކައެވެ. އަހައަހާވެސް ސަބަބު ނުބުނިކަމަށެވެ. ސަލްމާގެ ގާތުން ސުވާލުކޮށްލުމުންވެސް ލިބުނީ އެއްޖަވާބެކެވެ. ގެއަށް އައި ގޮތަށް ޔާސިރުއާއި ޔަޝްރާގެ ފިރިމީހާ އަޖްމަލް ބޭރަށް ނުކުމެއްޖެއެވެ. ހަވީރުވީއިރުވެސް އެއިން އެކަކުވެސް ނާދެއެވެ.

ހަވީރުވެގެން އައިއިރު ގޭގެ ނޯކަރުން އެރެއަށް ހާއްސަކޮށް ރާއިން ތައްޔާރުކުރުމަށް ބުނެފައިވާ ލިސްޓަށް އެއްޗެހި ތައްޔާރު ކުރުމަށް ރޭޑީވަނީއެވެ. ސަލްމާއަށް އެކަން އެނގިގެން ރާއިން އަށް ގުޅާލީ އޭނަ ގޭގައި ނެތުމުންނެވެ. ރާއިންއާއި ސުވާލު ކޮށްލުމުން އޭން ބުނީ އެއީ ސަޕްރައިޒް އެއްކަމެވެ. ނަމަވެސް އެއީ އޭނަގެ ފަރާތުންނެއް ނޫނެވެ. އެރޭ 8:30 އެންމެން ފެމެލީ ޑިނާރ އަށް ތައްޔާރުވެގެން ތިބުމަށް ބުނެލިއެވެ. އަދި އެ މެސެޖު އެންމެންނަށް އަންގައިދިނުމަށް އޭނަ އެދުމުން ސަލްމާއަށް ވާހަކަ ދައްކާނެ ފުރުސްތެއް ނުދީ ފޯނު ކަނޑާލިއެވެ.

8 ގަޑި ބައިވިއިރު އެންމެން ތިބީ ތައްޔާރުވެގެން ސިޓިންގ ރޫމުގައެވެ. އޭރު ޔާސިރު އާއި އަޖްމަލްވެސް ގެއަށް އައިސްފިއެވެ. ނަމަވެސް ޒާޔާއާއި ނޫރާ އަދިވެސް ތިބީ އޭނަގެ ކޮޓަރީގައެވެ. ޒާޔާއިނީ އޭނަގެ އެސައިމެންޓް ޓައިޕްކުރަންވެގެނެވެ. އެހެންމީހުން ގޮވާލުމުން ތރިރިއަށް ދާންވެގެނެވެ. ނޫރާހުރީ ޒާޔާއާއި އެކު ތިރިއަށް ދާންވެގެން މަޑުކޮށްގެނެވެ. ކުޑއިރުކޮޅަކުން ރާއިން ގުޅާފައި އެންމެން ކާމޭޒުދޮށުގައި ތިބުމަށް ބުންޏެވެ. ޒަޔާން އާއި އޭނަ ގެއަށް އަންނަންދެން މާގިނައިރު ނުވާނެކަމަށާއި އަދި ކެއުންކުރިއަށް ގެންދިއުމަށްވެސް ބުނެލިއެވެ.

ޒާޔާއާއި ނޫރާއަށް ގޮވަންދިޔައީ ސަނާއެވެ. ތިންމީހުން އެކީގައި ތިރިއަށް ފޭބިއިރު ޒާޔާހުރީ ނުތަނަވަސް ވެފައެވެ. އޭނައަށް އިވިފައިއޮތީ ރާއިން ސަޕްރައިޒް އެއް ދޭން އުޅޭވާހަކައެވެ. އެހެންވެ އެކަމާ ވިސްނެނީއެވެ. ކާގެއަށް ވަނުމުން ކާއެއްޗެހީގެ މީރުވަސް ދުވަންފަށައިފިއެވެ. ނަމަވެސް އެއާއި އެކު މޭޒުމަތި ރީތިކޮށްލުމަށް ބަހައްޓާފައި ހުރި ހުދު ފިނިފެންމާތަށް ފެނިފައި ޒާޔާއަށް ބޭއިހުތިޔާރުގައި ހިނިތުންވެލެވުނެވެ. ފިނިފެންމަލުގެ މީރުވަސްވެސް އެތާގައި ހުއްޓެވެ.

މޭޒުގެ ކޮޅުގައި އަބްދުﷲ އިށިއިދެލައިގެން އިންއިރު އޭނައާއި ޖެހިގެން އެއްފަރާތުގައި ބަލްގިސް އިނެވެ. އަނެއްފަރާތުގައި ތިބީ ޔާސިރުގެ ދެމަފިރިންނެވެ. ބަލްގިސްއާއި ޖެހިގެން ތިބީ ޔަޝްރާގެ ދެމަފިރިންނެވެ. ނޫރާއާއި ޒާޔާ ކައިރީގައި އިށިއިނދެލިއެވެ. ދެންތިބީ ޝާންގެ ދެމަފިރިންނެވެ. ކާންފެށިތަނާ ކުޑައިރުކޮޅަކުން ޒަޔާންއާއި ރާއިން އަތުވެއްޖެއެވެ. ޒާޔާގެ ކުރިމަތީގައި ހުސްކޮށްހުރި ގޮނޑީގައި ޒަޔާން އިށިއިނދެލިއެވެ. ކުރިމަތީގައި އިން ޒާޔާއަށް ފުންކޮށް ބަލާލަމުން ހިނިތުންވެލިއެވެ. ރާއިން އިށިއިނީ މޭޒުގެ އަނެއްކޮޅުގައި ހުސްކޮށް ހުރި ގޮނޑީގައެވެ.

“ރާއިން ދެންބުނެބަލަ، ކޮބާތަ ސަޕްރައިޒްއަކީ، އެން މިއީ ކޮންކަމަކާ ގުޅިގެން ބާއްވާ ކެއުމެއްތަ” ރާއިންއާއި ޒަޔާންވެސް ހަމަޖެހިލުމަށްފަހު ކާންފެށުމުން ޔަޝްރާ ސުވާލުކޮށްލިއެވެ.

“ޑެޒާރޓްވެސް އޮންނަނީ ކެއުމުގެ ފަހުންނެއްނު، އެހެންވީމަ ސަޕްރައިޒްވެސް އަދި ލިބޭނެ، އެމް ޝުއަރ ދޮންދައްތަވެސް ވަރަށް އުފާވާނެކަން އެސަޕްރައިޒް ލިބުނީމަ” ކާންއިންތައްޓަށް ނަޒަރު ހުއްޓާލައިގެން އިނދެ ރާއިން ބުނެލިއެވެ. އެކި އެކި ވާހަކައިގައި ކެއުންވެސް ނިމިއްޖެއެވެ.

“އޯކޭ ދެން މިއޮތީ ސަޕްރައިޒް ދޯ، މިއީ އަޅުގަނޑުދޭ ސަޕްރައިޒްއެއްނޫން، އެކަމްހަމަ މިތާ އިންމީހަކު ދޭންއުޅޭ ސަޕްރައިޒްއެއް، އައި ވޯޒް އޮންލީ ހެލްޕިންގް، އެކަމް އޭގެ ކުރިން ވެއިޓް އަ ސެކެންޑް” ރާއިން ކޮޅަށްތެދުވަމުން ބުނެލިއެވެ. އަދި ކާކޮޓަރިން ނުކުތެވެ. ދެން ވަދެގެން އައީ ދެއަތް އެއްކޮން ފޮރުވޭވަރުގެ ބޮޑު ހުދުފިނިފެންމާ ބޮނޑިއެއް ހިފައިގެންނެވެ.

“އައި ނޯ، ނޯމަލީ މީހުން މިކަހަލަ އޮކޭޝަންތަކުގައި ވައިޓް ރޯޒް ބޭނުން ނުކުރާނެކަން، އެކަމް ދެން އެކުއްޖަކަށް ލައިކްވާ ވައްތަރެއްދޯ ގެންނަންވާނީ، ދެން މިހާރު އެނގޭނެކަންނޭގެ މިތަނުން ވައިޓް ރޯޒް ރީތީ ކާކަށްކަން” ރާއިން އެތެރެއަށްވަދެ ބުނެލިއެވެ. ރާއިންގެ ފަހު ޖުމްލައާއިއެކު ޒާޔާއަށް އިސްޖަހާލެވުނެވެ. އެންމެންގެ ނަޒަރު އޭނއަށް ހުއްޓޭނެއޭ ހިތަށްއެރުމުންނެވެ.

ރާއިން ޒާޔާގެ ކައިރީގައި މާބޮނޑި ބާއްވަމުން ޒާޔާގެ ނަންކިޔާލިއެވެ. އެންމެންތިބީ ވާނުވާ ނޭގިފައެވެ. ދެން އޭނަގޮސް ހުއްޓިލީ ޒަޔާން ގާތުގައެވެ. “މަމް، އައިނޯ މަމް ބޭނުންވަނީ އަހަރެން މެރީކުރަންކަން، އެން އައި ނޯ ވަރަށްގިނަ ދުވަހު މަމްގެ ވާހަކަ އިގްނޯރ ކުރެވިއްޖެކަން، ބަޓް އައިގެސް ނޮޓް އެނީ މޯރ، އިންޝާﷲ އެމް ގޮއިން ޓުގިވްޔޫ ދަބެސްޓް ގިފްޓް އައިކޭން ގިވް…..” ޒަޔާން ތެދުވަމުން ވާހަކަ ދެއްކިއެވެ. އަދި މަޑު ހިނގުމެއްގައި އައިސް ޒާޔާކައިރިއަށް ހުއްޓުނެވެ.

ޒާޔާއިނީ ނޭވާ ހިފަހައްޓާލައިގެނެވެ. ރާއިން މިހުރިހާކަމެއް އެކުރަނީ އޭނަ ހިތުގައި އަޅާވޭން ނޭގޭތީބާއޭ ހިތަށް އެރިއެވެ. ޒަޔާން އައިސް ޒާޔާގެ ކައިރީގައި ކަކޫޖަހާލިއެވެ. ޖީބުން ކުޑަ އެހެއްޖަހާފައި އިން ރީތި އަނގޮޓިއެއް ނަގަމުން ޒަޔާން ޒާޔާއަށް އެދިއްކޮށްލިއެވެ. “މެރީ މީ” ޒަޔާންގެ އަޑުން އެހެންބުނުމާއިއެކު އެންމެން އެއްފަހަރާ ހޯއްގޮވާލިއެވެ. ޒާޔާއެކޭ އެއްގޮތަށް ޒަޔާންވެސް އިނީ ނޭވާ ހިފަހައްޓާލައިގެނެވެ. އޭނަ ދޭނެ ޖަވާބެއް ނޭނގޭތީއެވެ.

“ދަރިފުޅު ކޮންމެވެސް އެއްޗެއް ބުނެބަލަ” ޒާޔާ އެއްވެސް އެއްޗެއް ނުބުނެ އިންނަންފެށުމުން ޔާސިރު ބުނެލިއެވެ. ޒާޔާއަށް ބަލާލެވުނީ ހިނިތުންވެލައިގެން އިން ރާއިންއާއި ދިމާއަށެވެ. ކަރުނުން ފުރިގެންވާ ލޮލަކުންނެވެ.

“ނުނިމޭ”