ހިތް ކަލާޔަށް އެދޭތީ 18

ކުއްލިޔަކަށް ޒާއިޝް އިވްރާގެ ކުޑަ ހުޅުގައި
ހިފާ ލުތްކެއް ޖަހާލަމުން އިވްރާގެ އަނގަ
މަތީގައި އަތް އަޅާލައިފިއެވެ. ރުޅިން ރަތް
ވެފައިވާ ޒާއިޝްގެ މޫނު ފެނި އިވްރާލާން
އުޅުނު ނޭވާވެސް ކަރުގައި ތާށިވިފަދައެެވެ.
ދެބުމަ ގޮށް ޖެހިފައިވާ ޒާއިޝްގެ ތޫނު
ނަޒަރު އިވްރާއަށް އަމާޒުވުމުން އެ ހިތް
ތެޅެންފެށީ އެޔެއްމިޔެއް ބަލާފައެއްނޫނެވެ.
އައިސްފައިހުރި ރުޅިއެއްގެ ސަބަބުން
ޒާއިޝްއަށް އިވްރާގެ ކޮލަށް ފިއްތާލެވުނެވެ.
އެވަގުތު އިވްރާގެ ލޯ ފެންކަޅިވެގެން ދިޔައީ
ވީ ތަދެއްގެ ބޮޑު ކަމުންނެވެ.އިވްރާގެ
ހަޅޭކުގެ އަޑަށް ތެޅެމުން ފޮޅެމުން ކަަހަލަ
ގޮތަކަށް އެތަނަށް އައި ޔޫހާން އާއި
ކިޔާރާގެ ދެ ލޯ ބޮޑުވީ ފެނުނު މަންޒަރަކުންނެވެ.
އެވަގުތު އިވްރާ ލޮލުގެ އިޝާރާތުން ދާން
ބުނުމުން ލަސްނުކޮއް ޔޫހާން ސައިކަލުގައި
ނައްޓާލިއެވެ. އިވްރާގެ އަނގަމަތިން
އަތް ނައްޓާލަމުން ޒާއިޝް އިވްރާ ކޮއްޕާލިއެވެ.
ފަރުވާކުޑަ ނަޒަރެއް އިވްރާއަށް ދެމުން
އޭނަ ހަރުކޮށް ހިނގައިގަތެވެ.
**************************
ކޮލެޖުން ނިކުތް ޔަނާ ގަޑިއައް ނަޒަރެއް ދެމުން
ކުރިއަށް ހިނގައިގަތެވެ. އެއްއަތުން ދަބަހުގައި
ހިފަހައްޓާލަމުން،އަނެއް އަތުން އޭނަ ފޮތްތަކުގައި
ހިފާ ބާރުކޮއްލަމުން ފިޔަވަޅުތައް އަވަސް
ކޮށްލިއެވެ. އެހެން ނަމަވެސް އޭނަގެ ފިޔަވަޅުތަކަށް
ހުއްޓުމެއް އައީ ކުރިމައްޗަށް އެރި މީހެއްގެ
ސަބަބުންނެވެ. ކުރިމަތީގައި ޕާޓޭ ފާޑަކަށް
ތިބި ތިންމީހުން ފެނި ޔަނާގެ ސިކުނޑީގައި
ނުރައްކާތެރިކަމުގެ އެލާރމް އެޅެން ފެށުނެވެ.
މަދު ސިކުންތުކޮޅެއްގެ ތެރޭގައި އޭނަ ދާ
ހިއްލައި ފޯ ވެއްޖެއެވެ. ހަދާނެ ގޮތެއް ނޭނގި
ހަރކާތް ހުއްޓިފައިހުރެ އޭނަ އައިކޮޅަށް
އެނބުރިލިއެވެ. ކުރިމަތީގައި ހުއްޓި ހުރި
މީހާ ފެނި ފިނި ނޭވާއެއް ޔަނާއަށް ބޭރު
ކޮށްލެވުނެވެ. މަޑުމަޑުން އޭނަގެ ނަޒަރު
އެ މީހެއްގެ މޭމަތިން ގޮސް ލޮލާ ހަމައިން
ހުއްޓުނެވެ. އެއާއެކު އޭނަ ލާން އުޅުނު
ނޭވާވެސް ކަރުގައި ތާށިވި ފަދައެވެ. ކުރިމަތީގައި
ހުއްޓިގެން އެ ހުރީ ނިޔާން ނޫން އިތުރު
މީހެއް ނޫނެވެ. މަޑުމަޑުން ޔަނާގެ އަތްތިލާގައި
ހިފާލަމުން ނިޔާން އެމީހުންނަށް ނުރައްކާތެރި
ނަޒަރެއް ދިނެވެ. އަދި ޔަނާގެ އަތުގައި ހިފައިގެން
ހުރެ ކުރިއަށް ހިނގައިގަތެވެ. ނިޔާންގެ އެ ރީތި
މޫނުން ނަޒަރު ވަކިކޮށްލަން ޔަނާއަށް ނުކުޅެދުނެވެ.
އިހްސާސްވެގެންދިޔަ ރައްކާތެރިކަމުން އޭނަ އަށް
ހިނިތުންވެލެވުނެވެ. “އަދިވެސް ހެނީތަ.. އަހަރެން
ނައިނަމަ ޔަނާއަށް ވާނެ ގޮތެއްވެސް ނޭނގެ..”
ފުންނޭވާއެއް ދޫކޮއްލަމުން ނިޔާން ކުރިބަލަން
ފެށިއެވެ.”ދެންވެސް އެކަނިން ނުދައްޗޭ.. މި
މާލޭގައި މި އުޅޭ މީހުންގެ ގޮތެއް ނޭނގޭނެ”
ނިޔާންގެ އެވާހަކައަށް ޔަނާ ބޯ ޖަހާލިއެވެ.
ގެއާ އަރާހަމަވުމުން ނިޔާން ޔަނާގެ އަތުން
ދޫކޮށްލިއެވެ. “ތޭންކްސް..ނިޔާންބޭ” މަޑުމަޑުން
ޔަނާ އެހެން ބުނެލުމުން ނިޔާން ހީލިއެވެ.”ނިޔާން
..ނިޔާން ކިޔަސް އޯކޭ ވާނެ..”ޔަނާ ހިނިތުންވެލަމުން
ކުރިއަށް ހިނގައިގަތް ނަމަވެސް އޭނައަށް ހުއްޓެން
މަޖުބޫރުވީ ނިޔާން އެއަތްތިލާގައި ހިފާލުމުންނެވެ.
“ގުޑް ނައިޓް”ހިނިތުންވެލަމުން ނިޔާން ބުނެލިއެވެ.
“ގުޑް ނައިޓް” މަޑުމަޑުން ޔަނާ އެހެން ބުނެލީ
ހިނިތުންވެލަމުންނެވެ.
****************************
“ކޮފީ” ބެލްކަނީގައި ހުރި އިވްރާގެ އަތަށް ކޮފީ
ތައްޓެއް ލައިދެމުން ކިޔާރާ ހިނިތުންވެލިއެެވެ.
“ކިޔާ.. ވާހަކައެއް އަހާލަންތަ؟” ސީދާ ކިޔާރާގެ
މޫނަށް ނަޒަރު ހުއްޓާލަމުން އިވްރާ އެއްސެވެ.
ކިޔާރާ ހޫމްއެއް އަޅުވައިލިއެވެ. “މީ…. ޒް..ޒޫކީގެ
މަންމަ ކޮބާ؟”އިވްރާ އަހައިލިއެވެ. އެވަގުތު
ކިޔާރާގެ މޫނަށްވެރިވި ނުތަނަވަސްކަން އިވްރާއަށް
ފާހަގަ ކުރެވުނެވެ. ކޮފީ ތަށި މޭޒުގައި ބަހައްޓަމުން
ކިޔާރާ ފުންނޭވާއެއް ދޫކޮއްލިއެވެ. “މީގެ… ތިންމަސް
ކުރިން ނިޔާވެއްޖެ”ދުރު ބަލަހައްޓައިގެން ހުރެ ކިޔާރާ
ދިން ޖަވާބުން އިވްރާގެ މެއަށް ހޫނު ވެލައިގެން
ދިޔައެވެ.”އިވީގެ ދައްތަވެސް…ތިންމަސްކުރިން
ނިޔާވީ” އަތުގެ އިނގިލި ތަކާ ކުޅެމުން އިވްރާ ބުނެލިއެވެ.
“އިވީގެ ދައްތައެއްވެސް ހުރޭތަ؟” ކިޔާރާގެ އަޑުގައިވީ
ހައިރާންކަމެވެ. “ހްމްމްމް..ޒޯވާ. ސްޓެޕް ސިސްއެއް.. އެކަމު
އިވީ އަމިއްލަ ދައްތައެއްހެން ލޯބިވޭ..ކިޔާއައް އިނގޭތަ
ކުޑައިރު އިވީމެން ދެމީހުން ވަރަށް ކްލޯޒް ވާނެ
…ހިއެއް ނުކުރަން ދުވަހަކުވެސް ވަކިވާން ޖެހިދާނެއެކޭ
އެކަމު ދައްތަގެ މަންމަ އިވީމެން އުމުރުން ގާތްގަނޑަކަށް
10 އަހަރުގަ.. މާލެ ގެންދިޔަފަހުން ހަބަރެއްނުވޭ..
މެރީ ކުރިކަން އެނގުނު ބައްޕަގެ ފަރާތުން
ދެން އޭގެ އަހަރެއްވަރުފަހުން ލިބުނީ…ދައްތަ..
ދައްތަ ނިޔާވި ޚަބަރު” އިވްރާގެ ލޮލުން ވެއްޓުނު
ކަރުނަ ތިކި އެ އަތްތިލައިގެ ތެރެއަށް ހިނދިގެން
ދިޔައެވެ.އިވްރާއަށް ހިތްވަރު ދިނުމުގެ ގޮތުން
ކިޔާރާ އިވްރާގެ އަތުގައި ހިފައިލިއެވެ. އެވަގުތު
ކޮޓަރީގެ ދޮރު ހުޅުވުނު އަޑަށް ދެމީހުންނަށްވެސް
ފަސް އެނބުރި ބަލައިލެވުނެވެ.
ނުނިމޭ…

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.