Skip to content
އެސްފިޔަ

ހިތުގެ ކޮންމެ ވިންދެއްގައި – 10 –

ޑޯންޓް ލެޓް ހާރ ޑައި..ޕްލީޒް..ޕްލީޒް..މޭކް ހާރ ބްރީތް…” ރޮއިގަންނަމުން ޔައިޝްގެ ގައިގައި ހިފައިގަންނަމުން ޔުނާން ބުންޏެވެ. މިޝެލިންއާއި ވަކިވެދާނެކަމުގެ ބިރު އޭނާ ވަށާލާފައިވާފަދައެވެ.

*****

ޔުނާންގެ އެ ހަރަކާތުގެ ސަބަބުން ޔައިޝްގެވެސް ލޯތެމުނެވެ. ބުނާނެ އިތުރު އެއްޗެއްނެތުމުން ޔުނާންގެ ގައިގައި ބައްދާލަމުން ޔުނާން އެތަނުން ނުކުއްދުވާފައި އައިސީޔޫ ކުރިމަތީގައި ހުރި ގޮނޑިއެއްގައި ބައިނދުމަށްފަހު ޔައިޝް އައިސީޔޫއަށް ވަންނަންދިޔައީ އޭނާއަށް މިވަގުތު އެތާގައިހުރުން މުހިއްމުވެފައިވާތީއެވެ. ޔުނާންފަދައިން ޔާއިޝްއަކީވެސް ސާރޖެންއެކެވެ. އަނބިމީހާއާ ދަރިފުޅުގޮވައިގެން މެލޭޝިޔާއަށް ބަދަލުވިތާ ދެ އަހަރުފަހުން އަނެއްކާވެސް މާލެއައީއެވެ.

ޔައިޝް ގޭމީހުންނަށް އެކަން އެނގުމުން އެންމެންހެންވެސް އައިސްތިބީ އެ ޙަބަރުއިވިފައި ލިބުނު ސިހުމެއްގެތެރޭގައެވެ. މީޑިއާގައިވެސް ދެންމެ ހިނގާދިޔަ ކުއްލި ޙާދިޘާގެ ސަބަބުން ބްލޫމްސް ހޮސްޕިޓަލުގެ ވެރިމީހާގެ ދަރިފުޅުގެ އަނބިމީހާ އެކްސިޑެންޓްވި ޙަބަރުދިޔައީ ޙޫނުކަމާއެކުގައި ދެކެވެމުންނެވެ.

އާއިލާގެ އެހެން އެންމެންހެން ޔުނާންއާ ވާހަކަދައްކަން މަސައްކަތްކުރަމުންދިޔަ ނަމަވެސް ޔުނާންއަށް އެތަނުގައި ކަމެއްވާހެންވެސް ހީނުވާކަހަލައެވެ. ކަކުލުގައި އަތްވިއްދާލައިގެން އިންއިރު މޫނު ދެއަތުން ފޮރުވާލާފައިވީއިރު ހޯސްލާފައި ވެރެމުންދިޔަ ކަރުނަތިކިތަކުން ދެއަތްތިލަ ފޯވަމުންދިޔައެވެ.

ޙަބަރުލިބިގެން ދުވެފައިކަހަލަގޮތަކަށް އައި އީދަންއާ ނަހީކްއަށް ޔުނާންގެ ހާލުފެނުމުން ވަރަށް ދެރަވިއެވެ.

“ޔާން..އެވްރީ ރިންގް އިސް ގޮނަ ބީ ފައިން..އިންޝާ ﷲ..” ޔުނާންގެ ކައިރީގައި އިށީނދެފައި ކޮނޑުގައި ފިރުމާލާފައި އީދަންބުނެލީ ޔުނާންއަށް ހިތްވަރުލައިދިނުމުގެ ބޭނުމުގައެވެ. އޭނާވެސް ހުރީ މިހިނގި ކަންތަކެއްގެ ސަބަބުން ސިހުމެއްގެތެރޭގައެވެ.

ޔުނާންއަށް އީދަން ގައިގައި ހިފައިގަންނަމުން ރޮވުނީއެވެ. ލޯބިވާފަރާތެއް އޭނާއާ ވަކިވެއްޖެނަމަ ނުވަތަ ގެއްލުމެއްލިބިއްޖެނަމަ އޭނާގެ ބަލިފަޔަކީ އެކަހަލަ ގަޑިއެއްގައި ދެރަވުމެވެ. ނުވަތަ ރުޅިއިސްކުރެވުމެވެ. ސަތާރަ އަހަރުފަހުން އޭނާއަށް މީހެއްގެ ކުރިމަތީގައި އޭނާގެ އިޙުސާސްތަކެއް ނުހިފެހެއްޓުނެވެ. މަންމަ ނެތިގެން އޭނާ ރުއިރުއިމަށްފަހު އޭނާގެ އިޙުސާސްތަށް އޭނާވަނީ އަމިއްލައަށް ތަޅުލާފައެވެ. ނަމަވެސް އެ އިޙުސާސްތަކުގެ ދޮރު ހުޅުވާލަދިން މީހަކީ މިޝެލިންއެވެ. މިޝެލިން އޭނާއާ ވަކިވެއްޖެނަމަ ދެން ވާނެގޮތް ހިތަށްވެސް އަރުވާލަން ޔުނާންއަށް ދަތިވިއެވެ.

“ޕްލީޒް..ޕްލީޒް…ސޭވް ހާ..ޑޯންޓް ލެޓް ހާރ ޑައި…މޭކް ހާރ ބްރީތް…” މާޔޫސްވެފައިވާ މޫނަކާއެކު ނިކުމެފައި ވަންނަމުންދިޔަ ޑޮކްޓަރުންނާއި ނަރުހުންފެނިފައި ޔުނާންއަށް ބުނެވުނެވެ.

“ދަރިފުޅާ..ހިތްވަރުކުރޭ..ﷲ ގެ އިރާދަފުޅާއެކު މިޝެލިންއަށް ދެކަގޮތެއް ނުވާނެ..” ޒީހާއަށް ޔުނާން އުޅެމުންއައި ގޮތްފެނިފައި ކެއްނުކުރެވިގެން ޔުނާންގެ އަތުގައި ހިފަހައްޓާލަމުން ބުނެލެވުނެވެ. ދޮންދަރިއެއްކަމަކު ޔުނާން އުޅެމުންއައި ގޮތްފެނިފައި އޭނާއަށްވެސް ރޮވިއްޖެއެވެ. ޔާއިންވެސް ހުންނެވީ ހިތްހަލާކުވެލައްވާފައިވާފަދަ ނަޒަރަކުން ލޯބިވާ ދަރިފުޅަށް ބަލަހައްޓައިގެނެވެ. ޔަޝާ އާއި ޔޫހާވެސް ހުރީ ނުހަނު ދެރަވެފައެވެ. ކުއްލިއަކަށް މުޅިތަނަށް ހަމަހިމޭންކަން ވެރިވެގެން ދިޔައީ ޔުނާންކޮއްލި ކަމަކުންނެވެ.

“މަންމާ…މަންމާ..އެމީހުންކައިރީ ބުނޭ މިޝެލިން ސަލާމަތްކޮށްދޭށޭ..ފޯރ ގޯޑްސޭކް މޭކް ހާރ ބްރީތް..ޕްލީޒް..މަންމާ..މިޝެލިން އަހަންނާ ވަކިވެގެން ގޮސްފިނަމަ އަހަރެން މޮޔަވެދާނެ…” ޒީހާގެ ގައިގައި އޮޅުލައިގަންނަމުން ޔުނާން ބުންޏެވެ. އޭނާގެ ދެލޮލުން ހޯސްލާފައި ފައިބަމުންދިޔަ ކަރުނަތަކުން ޒީހާގެ ކޮނޑު ތެމެމުންދިޔައެވެ. ސަތާރަ އަހަރުފަހުން ޔުނާން އޭނާއަށް މަންމާއޭ ކިޔާފައި ގޮވުމުން ޒީހާގެ ހިތަށްވީ ބަޔާންކުރަންދަތި އުފަލެކެވެ. ނަމަވެސް މިއީ ވަގުތީ ކަމަށް ވެދާނެކަމުގެ ބިރު އޮތެވެ. ޒީހާއަށްވެސް ރޮއިގަންނަމުން ޔުނާން ގައިގައި ބައްދާލެވުނީ މަންމަ އެބަ ހުރީމުއޭ ބުނާފަދަ ގޮތަކަށެވެ. ޔާއިންގެ ލޮލުންވެސް ކަރުނަނިރާލިއެވެ. ޔަޝާމެންނާއި އީދަންއާ ކަނީކްއަށްވެސް ޔުނާންގެ އެ ޢަމަލުފެނިފައި ލޯތެމުނެވެ. މިޝެލިން އާއި ޔުނާންގެ ޙަޔާތް ފެށުމުގެ ކުރިން އެދެމީހުންގެ ލޯބީގެ ދިރިއުޅުން ނިމިގެންދާތަން ބަލަން އެމީހުންނަކަށް ކެތެއްނުކުރެވޭނެއެވެ. އެންމެންނަށްވެސް ދުޢާ ކޮއްލަ ކޮއްލަ ތިބެވުނީއެވެ.

ހަތަރުގަޑިއިރު ފާއިތުވެގެންދިޔަ ފަހުން އައިސީޔޫ އިން ނުކުތް ޔައިޝްއަށް ޔުނާން އިން ޙާލުފެނިފައި ލޯތެމުނެވެ. ޔުނާން ޒީހާ ގައިގައި އޮޅުލައިގަނެގެންއިނދެ ރޮމުންދިޔަ މަންޒަރުފެނުމުން އޭނާވެސް ދެރަވީ އިންތިޙާއަށެވެ.

“ޔާން..” ޔުނާން ކައިރީގައި އިށީންނަމުން ޔައިޝް ގޮވާލިއެވެ.

“މިޝެލިން..މިޝެ…..” ކުއްލިއަކަށް ޒީހާގެ ގައިން ދޫކޮށްލަމުން ޔައިޝްއާ ދިމާލަށް ބަލާލާފައި ޔުނާން އަހަން އުޅުނެވެ. ރޮއިފައި ހުރުމުގެ ސަބަބުން ދެލޮލަށް ރަތްކަމެއް ވެރިވެފައިވާއިރު އަދިވެސް ކޯތާފަތްމަތިން ތެއްކަމެއްގެ އަސަރުފާޅުވެއެވެ. އިސްތަށިގަނޑު ތަރުތީބެއްނެތި ހޭވިފައިވާއިރު އެމޫނުމަތީގައިވީ ހިތްކުދިކުދިވެފައިވާފަދަ އަސަރެކެވެ.

“ޝީ އިސް ސްޓޭބަލް ނައު…މިހާރު ހަމައެކަނި މައްސަލައަކީ ކޯމާއަކަށް ދިޔުން..ނޭނގެ ބުނާކަށް ކޮންއިރަކުކަމެއް ދެން ލޯހުޅުވާލާނީ..އަދި ނޭނގެ ލިބިފައިހުރި ގެއްލުމެއްވެސް..މެމަރީ ލޮސް ވުމަކީވެސް އެކަށީގެންވާކަމެއް..ދަށްބޮލުން އިނީ ވަރަށް ބޮޑަށް ފަޅައިގެންގޮސްފަ..މާ ގިނައިން ލޭބޭރުވެފައިވުމުގެ ސަބަބުން ލޭއަޅަންވެސް ޖެހޭ..އެކަންތަށްތައް މިހާރު ހަމަޖެހިއްޖެ…މާޔޫސްނުވެ އުންމީދުކަނޑާނުލާތި ޔުނާން..އިންޝާ ﷲ އަދި މިޝެލިން ރަނގަޅުވާނެ..” ލޯބިވާ ކޮއްކޮގެ ގައިގައި ބއްދާލަމުން ޔައިޝް ޔުނާންއަށް އެތައް ވާހަކައެއްބުނެދީ ހިތްވަރުކުރުމަށް ބުންޏެވެ. ޑޮކްޓަރުންނަށް އޮތީ މަސައްކަތް ކުރުންކަމާއި ޝިފާދެއްވާނީ މާތް ﷲ ކަމަށް ބުންޏެވެ.

ޔައިޝް ޔުނާން ގޮވައިގެން މިޝެލިންގާތަށް ގެންދިޔައެވެ. ވެނޓިލޭޓަރ މޮނިޓަރ އަދި ހޮޅިތަށް ގުޅާފައި އޮތްއިރު މިޝެލިންގެ މޫނުމަތީގައިވާ ހުދުކަން ކެނޑި ޕިޔާތޮށިކުލަ އަރަން ފަށާފައިވެއެވެ. ހަށިގަނޑުގެ ހުރިހާ ގުނަވަންތަކެއް މަސައްކަތްކުރަމުންދިޔައީ ހަމައެކަނި މެޝިނުތަކުގެ އެހީގައެވެ. އެންމެ ކުޑަމިނުން އަމިއްލަ ބާރުގައި ނޭވާވެސް ނުލައެވެ. ވެންޓިލޭޓަރު ކަނޑާލީމަވެސް އެހިސާބުން އެ ނިމުނީއެވެ. މިހާރު މިޝެލިންއަކީ ވައިގެ ތެރޭގައި ހޫރެމުންދާ ރީތި އުށްބައްތިއެކެވެ. ކޮންމެ ވަގުތަކުވެސް އެ ހުޅުކޮޅު ނިވިދާނެއެވެ. މިޝެލިން އެހެން އޮތްތަން ފެނުމުން ޔުނާންއަށް ކެތެއްނުކުރެވުނެވެ. ހިތަށް ތަދުވިނަމަވެސް ކެއްތެރިވާން މަސައްކަތްކުރިއެވެ. ނަމަވެސް އަނެއްކާ މިޝެލިންއޭ ކިޔާފައި ރޮއިގަނެވުނީއެވެ.

ކެއުމެއް ބުއިމެއް ތާޒާވެލުމެއްނެތި ޔުނާންގެ ކަމަކީ މިޝެލިންގެ މޫނަށްބަލަން އިނުމެއްވެ. އުންމީދާއެކު މިޝެލިންގ އެސްފިޔަތަށް ބަލަހައްތައިގެން އިންނނީ އެސްފިޔަތަށް ތަޅުވާލާފައި ލޯހުޅުވާލާނޭކަމުގެ އުންމީދާއިއެކުގައެވެ. ޔައިޝް އާއި އީދަންމެން ކިތަންމެ ވަރަކަށް ކިއަސް އޭނާ އެތަނުން ގުޑިވެސްނުލައެވެ. މިޝެލިންގެ މޫނަށް ބަލާލާ ކޮންމެ ވަގުތަކު އެކުގައި ހޭދަކުރި މަޖާ ވަގުތުތައް ލޯކުރިމަތިން ސިފަވުމާއެކު އެ ބޯއެސްފިޔަތަށް ތެންމާލަމުން ކަރުނަތަށް ހޯސްލާފައި ފައިބައިގަނެއެވެ. އެންމެފަހުން ޔުނާން އެތަނުން ގެންދަންޖެހުނީ ޔާއިން އައިސްގެންނެވެ. ބައްޕަގެ އެދުމުގައި ކޮޅުފައިން ޖަހަންބޭނުންވިނަމަވެސް އިޙުތިރާމުކުރަމުން ބައްޕައާ އެކުގައި ހިނގައިގަތީ ޔައިޝް ކައިރީގައި އޭނާ އަންނަންދެން މިޝެލިންއާ ދުރަށްނުދިއުމަށް އެދިފައެވެ.

ކޮޓަރީދޮރުމަތީގައި ޔުނާންއަށް ހުއްޓިލެވުނީ އެ ކޮޓަރީގެ ކޮންމެ ދިމާލަކުންވެސް މިޝެލިންގެ ހަނދާންތައް އާވުމުންނެވެ. އިރުގަނޑަކު ކުރިއަށް ނުދެވި ހުރެފައި ޔުނާން ގަސްތުކުރީ ފެންވަރާލުމަށެވެ. ތިރީހަކަށް ގަޑިއިރު މިޝެލިން ކައިރީގައި އިނދެފައި އައުމުން ޔުނާންހުރީ ކުދަކޮށް ވަރުބަލިވެފައެވެ. ތާޒާވެލައިގެން ނުކުމެ ހުދުކުލައިގެ ޓީޝާޓަކާއި ކަޅުކުލައިގެ ޖިންސެއް ލައިގެން ކާބަޔަށް ދާން މިސްރާބުޖެހީ ބަނޑުފައިކަން އިޙިސާސްކުރެވުމުގެ ސަބަބުންނެވެ.

ނަމަވެސް ކޮޓަރިން ނުކުމެ ކާބަޔަށްދާން މިސްރާބުޖެހި ޔުނާންގެ ފިޔަވަޅުތަށް ގަނޑުވީ އިވުނު އަޑަކުންނެވެ. އެވަގުތު އޭނާގެ ދެލޯ ބޮޑުވިއެވެ. އިރުކޮޅަކު އެހެން ގަނޑުވެފައި ހުރެފައި ކުއްލިއަކަށް އެދެލޮލުންފެނުނު ރުޅިވެރިކަމާއި ކަތުރުކަށިގަނޑަށް ބާރުވެގެންދިޔައިރު އަތް މުއްކަވާލިއިރު އެންމެ ތަނަކަށް އެ ނަޒަރުހުއްޓުނުއިރު އޭނާ ހުރީ ހަމައިންނައްޓާލާފައެވެ. އެދިޔަ ބާރުމިނުގައި ގޮސް……………………….

  • – ނުނިމޭ –

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (15)

  1. Ain

    Varah reethi. When next

  2. Malsa Moosa (Lysh)

    Insha Allah varah avahah..shukuriyya..

  3. Malsa Moosa (Lysh)

    Salam readers..hope u guyx will like this part too..next part vx varah avahah genesdhevytho try kuraanan..feel free to comment ur viwes..dhanvehjje dhw varah..Eheh..liyelaafa nidhan kamah..
    Nyyyts, Lve ya All

  4. ??Naju??

    Wow mi part ves v reethi… Thankolheh kury ?

    1. Malsa Moosa
      ??Naju??

      thankx..Next part dhigu kohla dhynan

  5. Kairaa

    Wowww…varah varah reethi….waiting for the nxt part….

  6. malsamalkkomal

    thankx kai

  7. Dhonthy

    Yooohoooo it’s awesome mal dear. Nethin anehhen echchekey bunaakau. Bunelan othee hama thigothuga hiyvaraaieku kuriau dhaashey. Mal hama thigothuga kuriah gossiyyaa Insha Allah Mal ge future hama ujaalaa vaane. Keep it up dear. Once again I’m telling your stories are really amazing and beautiful. Stay safe at home dear. Love you ❤️❤️❤️❤️❤️❤️???❤️????❤️?

    1. Malsa Moosa (Lysh)
      Dhonthy

      Aww. Thankx dhonthy. its means a lot to me>3 love u

  8. Aashy

    V reethi …waiting for next part….

    1. Malsa Moosa (Lysh)
      Aashy

      Thankx Aashy

  9. faiher

    love your stories mal …….v v v v reethi …curiously waiting for the next part

    1. Malsa Moosa (Lysh)
      faiher

      Thankx faiher>3

  10. Seyrahh

    Mi vaahaka abadhuvx kiyan.. ekam adhi alah mi comment eh kohlyy vaahaka varah rythi mal v talented ingey mashallah..waitin for the nxt prt

  11. Malsa Moosa (Lysh)

    Thank u soo much seyrahh>3

Comments are closed.