ހިތުގެ އުދާހުން ދުރުވާނެބާ! – ދެވަނަ ބައި

ދެލޮލުން ފައިބަމުންދިޔަ ކަރުނަތައް ފޮހެލާފައި ދެތުންފަތް ފޫއަޅުވާލާފައި ނިކުންނަމުންދިޔަ ވޭނީ ގިސްލުން ގަދަކަމުންކަހަލަ ގޮތަކަށް ހުނުމަކަށް ބަދަލުކުރިއިރު އެ އަޑުގައިވީ އިންތިހާދަރަޖައިގެ ވޭނެވެ. ދެލޮލުން ހިފެހެއްޓުމެއްނެތި ފައިބަމުންދިޔަ ކަރުނަތަށް ފޮހެމުންފިޔައިރު މުޅި ކޮޓަރިތެރޭގައިވެސް ފެތުރިފައިވަނީ އެ އަންހެންކުއްޖާގެ ވޭނުންފުރިގެންވި ހުނުމުގެ އަޑެވެ.
****
ތާޒާ ވެލައިގެން ނުކުތްއިރު ފަތިސްނަމާދު ބަންގީގެ އަޑު އިވުމާއެކު އެ އަންހެންކުއްޖާ އަވަސްވެގަތީ ނަމާދުކުރުމަށެވެ. އެއީ އޭނާގެ ހިތަށް ހަމަޖެހުންލިބި ކެއްތެރިކަން ލިބޭވަގުތުކޮޅެކެވެ. ދިރިއުޅުމާއިންގެން ކުރިއަށްދާން ލިބޭ ކުޑަ ކުޑަ ހިތްވަރެކެވެ. އެހެން ހުރިހާކަމެއް މަތިން ހަނދާން ނެތޭ ހަމައެކަނި ވަގުތުކޮޅެވެ. ނަމާދުކޮށް ނިމުމާއެކު މުސައްލަ އޮޅާލާފައި އެނދުމަތީގައި ބާއްވާލިއެވެ. ކުޑަ ކޮޓަރިއަކަށްވުމުން އެ ކޮޓަރީގައި ހުރީ އެނދެއްގެ އިތުރުން އަލަމާރިއެކެވެ. އަލާމާރީގެ އެއްފަޅިއެއްގައި ފޮތް ދަބަހެއް އިނެވެ. ބޭރަށް ހުޅުވޭގޮތަށް އިން ކުޑަދޮރު ހުޅުވާލާފައި ބޭރަށް ބަލާލަމުން އެ އަންހެންކުއްޖާ ހިނިތުންވެލިއެވެ. ކުޑަ ނަމަވެސް ހިތްހަމަޖެހުމެނެއް ހިތަށް ލިބުނުފަދައެވެ. ރޭގައި ނުނިދައި ހުރުމުގެ ނަފްސަށް ލިބިފައިފާ ލޮޑުކަމެއްގެ ސަބަބުން މަޑުމަޑުން ތިރިވެ ބިންމަތީގައި އިށީނދެ ދެލޯ މެރި ނިދުނުއިރުވެސް އޭނާއަށް ނޭނގުނެވެ.

“އީޝަލް! މި ދޮރުހުޅުވާށޭ..” ނިދިފައި އިން އީޝަލްއަށް ކުއްލިއަކަށް ކޮޅަށް ތެދުވެވުނުއިރު ބޮޑުކޮށްލެވިފައިވާ ދެލޮލުން ފެނުނީ އިންތިހާ ދަރަޖައިގެ ބިރުވެރިކަމެވެ. ގަޑިން ވީއިރެއް އަންދާޒާކޮށްލަން ނޭންގުނެއްކަމަކު ވަރަށް ލަސްވެއްޖެކަން އެނގުނެވެ. އުނދަގޫގޮތަކަށް ހިތްދިރުވާލަމުން އަވަސް ހިނގުމެއްގައި ގޮސް ދޮރުހުޅުވާލިއިރު އެއްޗެކޭ ބުނަން އަނގަހުޅުވާލި ނަމަވެސް މޫނުމައްޗަށް އަރައިގެންދިޔަ ދިލަ ހޫނުއެތިފަހަރަކުން އެދެތުންފަތް ފޫއަޅުވާލާފައި ނުކުތީ ވޭނީ އާހްއެހެވެ.

“ކިތަށްފަހަރުތަ އަހަރެން ކަލޭކައިރީ ބުނަން ޖެހެނީ ހެނދުނު އަށެއްޖެހުމުކުރިން ހުންނަން ޖެހޭނީ ކާން ހެދިފައޭ..އަޑެއް އިވޭ އެއްޗެއްވެސް ނޫން މީ އަދި..އެއް މަސް ނުވޭ އަދި ކަލޭ އައިތާ..އަހަރެން ބުނިން ނިހާދު ކައިރީ ކަލޭ އަމާ މަރުވެގެން މި ގެއަށް ގެނައިރުވެސް މަށަކަށް ކަލޭއެއް ނުބެލޭނޭ..އަމާ މަރުވީމަ އަހަރެމެންގެ އާއިލާއަށް އޭނަ އެދިޔައީ ކަލޭ ދޫކޮށްލާފަ..ކަލޭވެސް ޝައިލާ އާއެކު ދިޔަނަމަ މަށަށް މި އުނދަގުލެއް ނުޖެހުނީސް..ދެން ފޮނިދައްކާކަށް ދެލޮލުން ކަރުނަބާލުވާނެކަމެއް ނެތް..ކާކު ކަލޭގެ ފޮނިބަލާނެ ކަމަށްތަ؟ އޭން..ގަޑިން ވީއިރެއް އެނގޭތަ!.. މިހާރު އެއޮށް ބާރަޖަހަނީ..މިކަމުގެ އަދަބު ކަލެއަށް ލިބޭނެ..މިޔަދު ކަލެއަށް ކާކަށް ނުލިބޭނެކަން ހަނދާންކުރާތި..މަށަށް ނޭނގި ކެއިކަން އެނގުނަސް ހޭއަރުވާލާނަން…ތި ހުންނަނީ..ހަމަ މިހާރު ދޭ ގޮސް މެންދުރަށް ކާން ހަދާ..ކާން ހަދާފަ އެއްޗެހި ދޮވެ ހިތްކަން އަޅާފަ ގޭތެރެ ފޮޅާފަ ކުނިކަހަންދޭ….އެންމެ ފޮތްކޮޅެއްވެސް ފެނިގެންނުވާނެ..އެއްޗެހި ހިކުނީމަ އިސްތިރިކޮށްފަ ފަތްޖަހާތި..އަދި އަހަރެންގެ ކޮޓަރިއާ ޒާރާގެ ކޮޓަރި ފޮޅައި ސާފުކުރާތި….” ކޮޓަރީ ދޮރުމަތީގައިރު ޒިޔާނާ ބުނެލިއިރު އެ އަޑުގައިވީ ނަފްރަތާއި ފޫހިކަމެވެ.

ޝައިލާ އަކީ ނިހާދުގެ ފުރަތަމަ އަނބިމީހާއެވެ. އެކަމާ ޒިޔާނާ ހަސަދަވެރިވަނީ އިންތިހާއަށެވެ. އީޝަލްއަށް ދެ އަހަރުގައި ނިހާދު ޝައިލާއާ ވަރިވީއެވެ. އޭނަގެ ދެވަނަ އަނބެއް ހުންނަކަމެއް ޝައިލާއަކަށް އެނގުމުން ކަންތައްތައް ގޯސްވިއެވެ. ޒިޔާނާގެ ދަރިފުޅަށްވެސް އޭރު ދެ އަހަރެވެ. އީޝަލްއަށްވުރެ ޒާރާ ކުޑައީ އެންމެ ހަތަރުމަހެވެ. ފައިސާހުރުމުން ނާހިދުއަށް ދެ އަނބިންގެ ކަންތައްތައް ކޮއްދޭކަށް އުނދަގުލެއް ނުވިއެވެ. ކަންތައްތައް ފަޅައަރައި ގޯހުން ގޯހަށްދާން ފެށުމުން ނާހިދު ޝައިލާ ވަރިކޮށްފައި ޒިޔާނާ ގާތަށް ދިޔައީ އީޝަލްވެސް ޝައިލާ ގާތުގައި ބަހައްޓާފައެވެ. އޭގެފަހުން އެދެމައިން އުޅުނު ހާލެއް ނިހާދަކަށް ނޭނގެއެވެ. ހޯދާކަށްވެސް ނޫޅެއެވެ. ނަމަވެސް ފަނައަހަރު ފަހުން މީގެ އެއްމަސްކުރިން ޝައިލާ ނިޔާވެއްޖެކަމުގެ ހަބަރު ނިހާދުއަށް ލިބުނެވެ. އީޝަލްއަށް އަޅާލާނެ މީހެއް ނެތުމުން އީޝަލްއާ ހަވާލުވެތިބި މީހުން ވަރަށް ހާލުން ނިހާދުއަށް ގުޅޭނެ ނަންބަރެއް ހޯދައި އެކަން އެނގީއެވެ. ފަނަރަ އަހަރުފަހުން ޝައިލާ މަރުވި ޚަބަރުލިބި އޭނާގެ ދަރިފުޅުގެ ޙަބަރުލިބުމުން އެ ހިތުގައިވި ހަމްދަރުދީއެއްގެ ސަބަބުން ދަރިފުޅު އޭނާ ގާތަށް ގެނައީއެވެ.

މެންދުރަށް ކާންހެދުމަށްފަހު ދާވަށިގަނޑު ފުރިގެން އޭގެ ބޭރުގައިވެސް ބެހެއްޓިފައިވާ ދާއެއްޗެހިތައް ދޮންނަން އަޅާފައި މެންދުރުގެ ރަތްގަދަ އަވިގަނޑަށް އިލޮށިފަތިހިފައިގެން ނުކުމެ އީޝަލް ކުނިކަން ފެށިއިރު އެ މޫނުމަތީގައި ދާތިކިތަށް ވިދަ ވިދާހުރީ މުތީތަކެއް ފަދައިންނެވެ. ސަތާރަ އަހަރުވިނަމަވެސް އީޝަލްއަށް ލިބިފައިވާ ރީތިކަމަކުން އެންމެ ބަލައިލުމަކުންވެސް ފިރިހެނުންގެ ހިތްތައް އޭގެމަގާމުން ދޫވެދާނެކަން ގައިމެވެ. އައްވަށް ނުކުތުމުން އެ މުށިކުލައިގެ އިސްތަށީގަނޑަށް ރަންކުލައެއް އެރިއިރު މޫނަށް މަޑު
ރަތްލައެއްވެރިވެފައިވެއެވެ. ޒިޔާނާ މޫނުމަތީގައި ޖެހިތަނުން ފަސް އިނގިލި ފެންނަން ހުރިނަމަވެސް އީޝަލްއަށް އެކަމެއް ނޭނގެއެވެ. އީޝަލްގެ މަންމަ ފަރާތު ކާފަ އިނދެގެން އުޅުނީ ބޭރު އަންހެނަކާއި ނަމަވެސް އިސްލާމަކަށް ވުމުން ކައިވެނިކޮށް އެމީހުނަށް ލިބުނު ހަމައެކަނި ދަރިފުޅު ޝައިލާއަށް އޭނަގެ މަންމަގެ ރީތި ސިފަލިބި އެ ސިފަތަށް އީޝަލްއަށްވެސް ލިބުނީއެވެ. ނިހާދުއާ ޝައިލާ ކައިވެނިކުރިއިރުވެސް އޭނާގެ މަންމައާ ބައްޕަ ވަނީ އޭނާއަށް ސަތާރައަހަރުގައި ހިނގި ކާރު އެކްސިޑެންޓެއްގައި ނިޔާވެފައެވެ. ކުނިކަހައި ނިމުމާއެކުހެން އީޝަލް އަވަސްވެގަތީ އެއްޗިހިތަށް ހިތްކަން އަޅާފައި ކައިފައިހުރި ތަށިތައްދޮވުމަށެވެ. ތަށިތައްދޮވެ ނިމުމުން ގޭތެރެ ފޮޅާލާފައި ވަށިގަނޑު ހިފައިގެން ބޭރަށްގޮސް ހިކިފައިހުރި އަންނައުނުތަށް އެވަށިގަނޑަށް އަޅާލުމަށްފަހު ގޭތެރެއަށް ވަދެ އިސްތިރކުރާ މޭޒުކައިރީ މަޑުކޮށްލަމުން ދެތިން ނޭވާލިއެވެ. ރެއިންސުރެ ނުކައިހުރުމުގެ ސަބަބުން ބަނޑުހައިހޫނުކަން އިހުސާސްކުރެވުނަސް ކުރާނެ އިތުރުކަމެއް ނެތުމުން އިސްތިރިކޮށް ނިންމާލުމަށްފަހު ޒިޔާނާއާ ނާހިދުގެ ކޮޓަރިއަށް އެމީހުންގެ އެއްޗެހި ލުމަށްފަހު ޒާރާގެ ކޮޓަރިއަށްގޮސް އޭނާގެ އަންނައުނުތައް އަލަމާރިއަށްލުމަށްފަހު އަވަސްވެގަތީ ކޮޓަރިތައް ފޮޅުމަށެވެ. ޒާރާގެ ކޮޓަރި ރީތިކުރުމަށްފަހު ފޮޅައިސާފުކޮށްފައި ޒިޔާނާގެ ކޮޓަރި ފޮޅަން ފެށިއެވެ. އީޝަލްގެ ހަރަކާތްތައް ލަސްވަމުން ދިޔަނަމަވެސް އޭނާ ފޮޅަމުންދިޔައެވެ. ކޮޓަރީދޮރު ހުޅުވުނު ވަގުތު އީޝަލް އަރިއަޅާލަން އުޅުމާއެކު އޭނާގެ ހަށިގަނޑު ވެއްޓުމުގެކުރިން އެއްޗެއްގައި ހިފެހެއްޓޭތޯ މަސައްކަތް ކުރަނިކޮށް ރީތިވާ މޭޒުމަރީގައިހުރި ބިއްލޫރި ސެންޓުފުޅީގައި އަތުންޖެހި ބިންމައްޗަށް ވެއްޓުމާއެކު ތެޅިގެންދިޔައެވެ. އަވަސް އަވަހަށް ހަށިގަނޑު މަތަކުރުމާއެކު ދެލޯ ބޮޑުކޮށްލާފައި ދޮރާދިމާލަސް ބަލާލެވުނީ އެ މަންޒަރުފެނުނު ޒިޔާނާގެ ރުޅިވެރި ހަޅޭކުގެ އަޑަށެވެ.

“ކަލެއަށް ރަނގަޅަށް ކަމެއް ކުރަން އެނގޭތަ…އެއީ ކިތަށް ރުފިޔާކަން އެނގޭތަ ކަލެއަށް..ހަމަމިހާރު އެތަން ސަފުކުރޭ..ސުންޕާ ދޮންދަރިއެއް މަށަށް ބަލަންޖެހިފަހުރި..މިކަމުގެ އަދަބުވެސް ކަލެއަށް ލިބޭނެ.. މާދަން ސުކޫލަސް ދާން ޖެހެފުރަތަމަ ދުވަހެއްނު ދޯ..ކަލެއަކަށް ސުކޫލަކަށް ނުދެވޭނެ މާދަމާއަކު…” ރުޅިއައިސް ރަތްވެފައިހުރި ޒިޔާނާ ބުނެލިއެވެ. އީޝަލްގެ ދެލޯ ބޮޑުވިއެވެ. މިއަހަރު ފެށި ސުކޫލަށްދާންޖެހޭ ފުރަތަމަ ދުވަހު ނުދާކަމުގައި ރިކޯޓުފޮތަށް އަރާކަށް އޭނާ ނޭދެއެވެ.

“މަން…ދައްތާ..ޕްލީޒް…ސުކޫލެއްނޫން…އެނޫން އަދަބެއްދިނަސް އަޅުގަނޑު ޝަކުވާއެއް ކީއްކުރަން ޗުއްޕުވެސް ނުބުނާނަން…އާދޭސްކުރަން ދައްތާ…ސުކޫލަށް ދިޔަދީ…” ރޮވިފައިވާ އަޑަކުން އީޝަލް އެހެން ބުނެލިއިރު އެ އަޑުގައިވީ އާދޭހެވެ. ޒިޔާނާ އައިގޮތަށް އައިސް އީޝަލްގެ މޫނުމައްޗަށް އެތިފަހަރެއް ވީއްލާލީ އަތުރުހި ބާރެއްލާފައެވެ. އަދި ތެޅިފައިވާ ބިއްލޫރިތައްހުރި ދިމާލަށް އީޝަލްކޮއްޕާލުމާއެކު އީޝަލްގެ ދެފައި ދަށުން ލޭތަށް ފައިބައިގަތެވެ. ޒިޔާނާގެ ހިތް އަދި ނުފުރެނީކަންނޭނގެއެވެ. އެވަރުން ނުވެގެން އަދި އީޝަލްގެ އަތުގައި ހިފާ ދަމަމުންކަހަލަ ގޮތަކަށް ބަދިގެއަށް ގެންގޮސް ދޮންކޮއްފައިވާ ދޭފަތް އީޝަލްގެ ކަނާއަތުގެ ނުފުށުގައި ޖައްސާލުމާއެކު އީޝަލްގެ ދެލޮލުން ކުޅަދާނަނުވެގެން ފައިބައިގަތް ކަރުނަތަކާއެކު ދެތުންފަތް ފޫ އަޅުވާލާފައި ނުކުތީ އެންމެ ލަފުޒެކެވެ.

“މާންމާ!..”

– ނުނިމޭ –