ލޯތްބެއްގެ ފެށުން 33

” ނޯ ” ތެދުވުމަށްފަހު ލިވީ ކުޑަކޮށް ހަޅެއްލަވައިގަތެވެ.

” ނޯ ؟ ” ސުވާލު އުފެދިފައި ހުރެ ޝިފާވެސް ބަލާލިއެވެ.

” ޒައިކު ކައިރީ ބުނެގެން ނުވާނެ އަހަރެން ހުރި ތަނެއް، ދުނިޔޭގަ ހުރިކަމެއްވެސް، އަހަރެން ނުދާނަން އެކަކާއެކުވެސް ” ލިވީގެ ބަހާއެކު އެކަކު އަނެކަކު ބަލާލިއެވެ.

***************

ބެލްކަނީގައި ދުރުދުރަށް ދާންދެން ފެތުރިފައިވާ ރީތި ކަމަށް ގެއްލިފައި ލިވީ ހުއްޓެވެ. ސައިފުމެން ދިޔަތާ އިރުކޮޅެއް ވީ އިރުވެސް ލިވީ އެހުރީ ހަމަ އެ ހުރި ތަނުގައެވެ. މިދުވަހަކީ އޭނާ ކުޑަކޮށްވެސް ފެނިދާނެކަމަކަށް އުންމީދުކޮށްގެން ހުރި ދުވަހެއް ނޫނެވެ. ޒައިކު….އާހް އެރީތި ސޫރަ ހިތުން ފޮހެވިގެން ނުދާނެކަން ކަށަވަރެވެ. އެއަށްވުރެ ހައިރާންވާން ޖެހޭ ސަބަބަކީ އޭނަގެ އަންހެނުން ޒައިކު ކައިރިއަށް އަލުން ދިއުމަށް އެދޭތީއެވެ. އެއަންހެން ކުއްޖާ އެ އެދެނީ އޭނަގެ ފިރިމީހާގެ ފުރަތަމަ ވާން އުޅުނު އަނބިމީހާ އަލުން އެ ދިރިއުޅުމަށް ދިއުމަށެވެ. އެއްވެސް އަންހެން ކުއްޖަކު ފިރިމީހާ އެހެން އަންހެނަކާ ހިއްސާކުރުމަކަށް ނުރުހޭނެއެވެ. އެކަމަކު ޝިފާ އެހެން އެބުނަނީ ކީއްވެ ކަމެއް ލިވީއަކަށް ނުވިސްނެއެވެ. އަލުން އޭނަ އަނބުރާ ޒައިކުގެ ދިރިއުޅުމަށް ގޮއްސިނަމަ ވާނެގޮތް ހަމަ ނޭގެނީބާއެވެ؟.  ” ނޫން ނޫން ޒައިކު އަހަރެން ބަލައެއްވެސް ނުގަންނާނެ، ކީއްވެތަ އަމިއްލަ ފެންވަރު އޮޅިގެން މިއުޅެވެނީ . ޒެކް އަހަރެންދެކެ ވި ލޯބީގެ ބަދަލުގައި އަހަރެން އޭނައަށް އޮޅުވާލީ ” އަމިއްލަ ނަފްސައް ވާހަކަ ދައްކަމުން ލިވީ ތެދުވިއެވެ.

އަދިވެސް ލިވީ ހަނދާންވަނީ ޝިފާ ދެއްކި ވާހަކަ ތަކެވެ. އެއަންހެން ކުއްޖާ ވާހަކަ ދެއްކުމުގައި އެއްވެސް ކަމެއް ފޮރުވުމެއް، އޮޅުވާލުމެއް ނުގެންގުޅެއެވެ.

***************

” ވައި ވޯންޓު ޔޫ ކަމް ބެކް؟ ހުރިހާއެންމެން ހީކޮއްގެން ހުރީ ފިލައިގެން ގޮސް މިހާރު ދުނިޔޭގައިވެސް ނެއްކަމަށް ” ދާން ތެދުވެފައިވެސް ޝިފާ ކުރު ނުކުރިއެވެ.

” މޭބީ އިޓްސް ބެޓާރ ދިސް ވޭ ”

” ދޭ ޑިޒާވް ޓު ނޯ ދަ ޓުރޫތް ”

” ހަގީގަތަކީ ، ލިވީ ވީ ހާޓް އެޓޭކެއް ޖެހިގެން މަރުވެފައިކަން. މިހާރު އެންމެން ކުރިމަތީ މިހުރީ އީމާ . އަހަރެން މީ މިހާރު ތަފާތު މީހެއް، ލައިފް ހޭޑް ޗޭންޖުޑް މީ ޝިފާ ”

” ޖަސްޓު ކަމް ބެކް ވަންސް. ޒައިކު އަށް ހަގީގަތް އެނގެން ޖެހޭނެ ”

ޝިފާގެ ދުލުން ޒައިކުގެ ނަން އިވިލާ ކޮންމެ ފަހަރަކު ލިވީއަށް ކުރެވެނީ ތަފާތު އިހުސާސެކެވެ. އެނަމުން އެކަނިވެސް އޭނަގެ ހިއްސުތައް ހަމައިން ނައްޓާލައެވެ. އެރީތިކަން ދެކިލުމަށް ހިތް ބޭގަރާރު ވަމުން ދެއެވެ. މިވަގުތުވެސް އޭނަ ބޭނުން ވަނީ ދުވެލާފައި ގޮސް ޒައިކުގެ ގައިގަ ބައްދާލާ، އެ މޫނުގައި ބޮސް ދިނުމަށެވެ. ކަރުނަ ހުސްވަންދެން އެ މޭމަތީ ބޯއަޅާލައިގެން އޮވެ ރޯލުމަށެވެ. އެކަމަކު އޭނައަކީ އެހާ އަމިއްލަ އެދުން ބޮޑު އަންހެނަކަށް ވާކަށް ބޭނުމެއް ނޫނެވެ.

ޝިފާ އަކީ އޭނާގެ އަމިއްލަ އުފާތަކަށްވުރެ ފިރިމީހާގެ އުފާތަކަށް އިސްކަންދޭ ކުއްޖެއްކަން އޭނައަށް ހާމަވެއްޖެއެވެ. އެހެން ނޫންނަމަ ލޯބިވާ ފިރިމީހާއަށް އެހެން އަންހެނަކު ހޯދަދޭން ނޫޅުނީހެވެ. ތަންކޮޅެއް ކުރިންނަމަ ހަމަ އެގޮތައް އުޅުނު މީހަކީ ހުދު އޭނައެވެ. ކޮލެޖުގައި އުޅުނު އިރުވެސް މީރުހާ އެއްޗިއްސައް ދާންދެން،  ހޯމް ވޯރކުތައްވެސް ޒައިކު އަށް ކުރިން ނިންމުމަށް އެހީވެވެއެވެ. އޭނައަށް ޒައިކު ގެއްލެން ދިމާވި އެއްމެ ބޮޑު ސަބަބަކީވެސް ޒައިކުދެކެ ވެވުނު ހަގީގީ ލޯއްބެވެ. ކުޑަ ހިންދުކޮޅަކަށްވެސް ޒައިކު އޭނަދެކެ ރުޅިއައިސްގެން ފެންނަފަށުގައި ހުރުމަކީ އޭނައަށް ކެތްވާނެ ކަމެއް ނޫނެވެ. ހަމަ އެގޮތައް އޭނައަށް ވީގޮތް ޝިފާއަށް ވުމަކަށް ހިތެއް ނުރުހެވެއެވެ. ޒައިކު ހަޔާތުގައި އޭނަ ނޫން މީހަކު ހިއްސާވުމަކީ ދުވަހަކު އެހިތައް ތަސައްލީއެއް ލިބޭނެ ކަމެއް ނޫނެވެ. ޒައިކު އުފާކުރުމަށް ޝިފާ ނުކުރާނެ ކަމެއް ނޯންނާނެކަން އޭނައަށް އެނގެއެވެ.

ނޫނީ އޭނައަށްވެސް މިހާރު ބޭނުން ވަނީ ޝިފާކަހަކަ އޭނައަށް އަޅާލާ ، އޭނަދެކެ ލޯބިވާ ބައިވެރިއެކެވެ. ސައިފު ކަހަލަ މިހެކެވެ. އެކަމަކު ސައިފުގެ ދިރިއުޅުން ރުއިން ކޮއްލާކަށް ހިތެއް ނޭދެއެވެ. ސައިފުއަކީ ހަމަ އަދި ދިރިއުޅުމުގައި އެއްވެސް ހިތާމައެއް ކަންބޮޑުވުމެއް ދިމާވި މީހެއް ނޫނެވެ. އޭނަގެ އެހިތާމަތައް ލުއިކުރަން ސައިފުއަށް އުނދަގޫކަމަކަށް ވާނެއެވެ. ސައިފުގެ ލޯބި ގަބޫލުނުކުރަން ނިންމި އެންމެ ބޮޑު ސަބަބަކީވެސް އެއެވެ. އޭނަދެކެ ލޯބިވާކަމަށް ސައިފު އެއްބަސްވި ނަމަވެސް ކޮންމެ ވެސް ދުވަހަކުން އޭނަގެ ހިތް ބަދަލު ނުކުރެވިއްޖެނަމަ ސައިފުވެސް އޭނަދެކެ ފޫހި ވެދާނެއެވެ.

*************

ކުރެވެމުންދިޔަ ހިޔާލު ތަކުން ކުޑަކޮށް ދުރުވެލެވުނީ އިތުރު އަޑެއް އިވެމުން ދިޔައީތީއެވެ. މޭޒުމަތިން ފޯނު ރިންގު ވެ ކެނޑުނުއިރުވެސް ލިވީ އެދިމާއަކަށް ބަލައެއް ނުލިއެވެ. އެހެނަސް ދެވަނަފަހަރަށް ރިންގު ވާން ފެށުމުން އެދިމާއަށް ހިނގައިގަތެވެ. އެއީ ކޮންމެވެސް މީހެއްގެ ފޯނެކެވެ. ހަމަގައިމުވެސް އޭނަގެ އެއް ނޫނެވެ. އަލުން ފޯނު މޭޒުމަތީ ބާއްވަން އުޅެނިކޮށް ނޭގިގެން ފޯނު ނެގުމާއެކު ލައުޑަށްވެސް ލެވުނެވެ. ލޯ ބޮޑުކޮށްލަމުން ފޯނަށް ބަލަހައްޓައިގެން ލިވީއަށް ހުރެވުނީއެވެ. ފިރިހެން ވަންތަ ބަރު އަޑެއް އިވުނެވެ.

” ޝިފް. ބޭބީ. އާރ ޔޫ އޯކޭ ” ލިވީއަށް އެ އަޑެއް ދުވަހަކުވެސް ނޯޅޭނެއެވެ. އެވަގުތު ކުރެވުނު އިހުސާސް ދުލަކުން ބަޔާން ކޮށްނުދެނޭނެކަން ގައިމެވެ. މޭގައި އެއްއަތުން އަޅާލީ މެޔަށް ފިނިވެލިހެން ހީވުމުންނެވެ. ހިތުގައި އެއްފަހަރާ ވިންދު ޖަހަން ފެށިކަހަލައެވެ. އެއީ އޭނަގެ ޒައިކު އެވެ. އޭނަގެ އަމިއްލަ ޒެކް އެވެ. އެކަމަކު ޒައިކު އެ ގޮވަނީ އޭނާއަކަށް ނޫނެވެ. ޝިފާ އަށެވެ. ޒައިކުގެ ދިރިއުޅުމުގައި އޭނާއަކީ އެއްވެސް މީހެއް ނޫނެވެ. އެ ގޮވާލި ގޮތުންވެސް ޝިފާ އަށް ދީފައިފާ މަގާމު ހާމަވެއެވެ.

” ވެއާރ އާރ ޔޫ؟ ރޭއްސުރެ ބޭބީ އަށް ނުގުޅިގެން މިއުޅެނީ. ސައިފު އާއިއެކުތަ ތިއުޅެނީ؟ ފޯނުން ގުޅެން ޖެހޭނެ ދޯ ، ކިހާ ހާސްވެފަ ކަން އިނގޭތަ މިހުރީ؟ ” މަޑުމަޑުން ރައްކާތެރިކަން ދޭ ފަދައަކުން ވާހަކަ ބަދަލުވިއެވެ. އޭރު ލިވީގެ ހިތް ދިޔައީ ފޮތިފޮތި ވަމުންނެވެ. ދުނިޔެ އެނބުރި ގަން ފަދައެވެ. މިހުރިހާ ދުވަހަކު ނުވި ދެރަ، ނުލިބުނު ހިތާމަ، އެއްފަހަރުން ސިކުންތު ކޮޅެއްގެ ތެރޭގައި ލިބިއްޖެއެވެ.

އެއްވެސް އެނގުމަކާއި ނުލާ އޭނަގެ ލޮލުން ކަރުނަ އަންނަން ފެށިއެވެ. އެ ބާރެއްނެތް ކަރުނަތައް އޭނަގެ ތުންފަތުން ތިރިއަށް ދެމެމުން ، އަގެއްނެތް ތަޅުންމަތިން ޖާގަ ހޯދިއެވެ. އަދިވެސް އެއަޑު އަހާ ހިތް ވީއެވެ. ކިތަންމެ އަނިޔާ ދޭ އަޑަކަށް ވިއަސް އޭނާއަށް ފަރުވާލެއް ނެތެވެ. އެއްފަހަރާ ތުނޑުތޫނު ކަށިތަކެއް އޭނާގެ މެޔަށް ހަރާލެވުނު ކަހަލައެވެ. ހިތާމައިގެ ތަސްވީރެކެވެ. ދިރި ހުރުމުގެ ބާރު ނެތި ދިޔަފަދައެވެ.

ފޯނު ކަނޑާލުމަށްފަހު، ދުރުން ފެންނަން ހުރި ސޯފާ އާ ދިމާއަށް ހޫރާލެވުނީ އަމިއްލަ ބާރަކު ނޫނެވެ. ދެއަތްތިލަ ތުރުތުރު އަޅަންފެށިއެވެ. އޮފްއަރައަރާ ހުރި މަޑު ފިޔާތޮށި ކުލައިގެ ދިގު ނިޔަފަތި ތަކުން ބޮލުގެ ހަންގަނޑަށް ބާރުކޮށްލެވުނެވެ. އަޑުން އަޑު ނަގައި ބާރަށް ރޯންފެށިއެވެ. ބަލާލާ މީހަކަށް ކެތް ކުރަން އުނދަގޫ ވޭނީ ރުއިމެކެވެ. ކަކޫ މާބުލް މަތި ޖެއްސުމަށްފަހު އަނގަ މަތީ އަތް އެޅުމަށްފަހު އެ އަޑު ކެނޑޭތޯ ބޭކާރު މަސައްކަތް ކުރިއެވެ. ކަރުނައިގެ ކޯރެއްގައި ފެތޭކަމުގެ އިހުސާސް ކުރެވެން ފެށިއެވެ. ދުވަހަކު ސަލާމަތް ވާނެކަމުގެ އުންމީދެއް ނެތް ފަދައެވެ. އެހެން ހުރެވުނީ ކިހާ އިރަކު ކަމެއް ނުވެސް އިނގެނީއެވެ. ދޮރާދިމާއަށް ބަލާލެވުނީ އަނެއްކާވެސް ބެލް އަޅާ އަޑަށެވެ. އަވަސްއަވަހަށް މޫނު ދޮވެލުމަށްފަހު ދޮރު ހުޅުވާލީ ދެވަނަ ފަހަރަށް ޝިފާގެ މޫނު ފެނިދާނެކަމަށް އުންމީދު ނުކޮށް ހުއްޓައެވެ.

” ފޯނު ” ޖުމްލަ ފުރިހަމަ ނުވަނީސް އެތެރެއަށް ވަދެ ފޯނު ހިފައިގެން އައިސް ޝިފާއަށް ދިއްކޮއްލިއެވެ.

” ތި ފޯނަށް އައި ކޯލެއް އޮޅިގެން ނެގުނު، ކަނޑާލިން ވަގުތުން ” ބުނަން ބޭނުން ވާ އެއްޗެއް ބުނުމަށްފަހު ދޮރު ލައްޕާލަން އުޅުމުން ދޮރުގެ ބޭރުގައި ސައިފު ހިފަހައްޓާލިއެވެ. އަދި އެމޫނަށް ފަރުވާތެރިކަމާއިއެކު ބަލާލިއެވެ.

” އެކަނިމާއެކަނި ކިހާ ހިތާމައެއްގަ އުޅެނީ ؟ ” ކައިރިވެލުމަށްފަހު ލިވީގެ އަތުގައި ސައިފު ފިރުމާލިއެވެ.

” ޔޫ ޑިޒާވް ހެޕިނެސް ލިވީ ”

“އީމާ! ކޯލް މީ އީމާ ”

” އޯކޭ ، އީމާ ލެޓް މީ ގިވް ޔޫ އޯލް ދަ ލަވް ޔޫ ޑިޒާވްސް ” އުންމީދާއެކު ސައިފު ހިނިތުންވެލިއެވެ.

” ނޯ، ސައިފު. ޑޯންޓް ޑޫ ދިސް. އަހަރެމެން މިކަމާ ވާހަކަ ދައްކައިފީމެއްނު. އަހަރެމެން ދެމީހުންނަށް އެކުވެރިކަމަށްވުރެ ގާތް ކަމެއް ނުބޭއްވޭނެ. އެކަމާ ސައިފު އެއްބަސް ވީމެއްނު ” ނުތަނަވަސްކަން ފިލުވުމަށް ލިވީ މަސައްކަތް ކުރިއެވެ.

” ބަޓް ވައި؟ ”

” ދެވަނަ ފަހަރަށް އަހަރެންގެ މި ބަލިކަށި ހިތް އެހެން މީހަކަށް ނުދެވޭނެ ސައިފް. ޕްލީޒް އަންޑަސްޓޭންޑު ވެބަލަ ”

” އޯކޭ . ދެރަނުވައްޗޭ. އަބަދުވެސް އަހަރެން އެންމެ ކައިރީ ވާނަން. އީވްނިންގަ ރަޝިޔާއަށް ދާން ފުރާނަން. ދެން ދެމީހުން ބައްދަލުވާނީ އެތަނުން ” ހީލަމުން ކުޑަކޮށް ލިވީ ގައިގަ ބައްދާލަމުން ދުރަށްދިއުމަށް ހިނގައިގަތެވެ.

” ޝިފާ ” ފަހަތައް އެނބުރި ބަލާލީ އޭނަގެ ނަމުން ލިވީ ގޮވާލުމުންނެވެ.

” އައެމް ޝުއާރ، ޒައިކު އިޒް އިން ގުޑް ހޭންޑްސް. އައި ޑޯންޓު ހޭވް ޓު ކެއާރ އެބައުޓް ހިމް ނައު ” ހިނިތުންވެލަމުން ލިވީ ދޮރުލައްޕާލީ ހިތްހަމަ ޖެހިގެންނެވެ. ހަޔާތުގައި އެންމެ ބޭނުންވި ލޯބި ނުލިބުނަސް ، އޭނަ ދެކެ ލޯބިވާ ފަރާތެއް ހުރިކަން ހިތައް އެރުމުންވެސް ހިތްހަމަޖެހުމެއް ލިބެއެވެ.

*******************

ރޭގަނޑުގެ ވަގުތެވެ. މުޅި ގެ ވަނީ ފަޅުވެފައެވެ. ޝިފާ ނެތި އެންމެ ދުވަހެއްވެސް މިހާރު ޒައިކުއަށް ހީވަނީ އެއްހާސް އަހަރު ވާހެނެވެ. އެ ލޮބުވެތި ބީހިލުންތަކަށް އަބަދު އެދެވެއެވެ. ގޭގެ ޓެރެސްގަ މަޑުކޮށްލައިގެން ހުރީ ޝިފާ މިރޭގެ ވަގުތެއްގައި އަންނާނެ ކަމަށް ބުނުމުންނެވެ. އެއާޕޯޓަށް ބަލާދާން ބުނުމުންވެސް އަންނަ ގަޑިނުބުނުމުން ޒައިކު ހުރީ ހިތްހަމަ ނުޖެހިފައެވެ. އެހެން ނަމަވެސް މީގެ އެއްގަޑި އިރުކުރިން ޑުރައިވަރު އެއާޕޯޓަށް ފޮނުވީ ޑްރައިވަރަށް ޝިފާ ގުޅުމުންކަން ޒައިކު އަށް އެނގުނެވެ. އޭނައަށް ނާންގާ އަންނަނީ ސަޕްރައިޒެއް ދިނުމަށް ކަމަށް ހިތުން ނިންމަމުން މޭގައި ފިރުމާލިއެވެ.

އެގޮތުގައި އިރުތަކެއް ވޭތިވެ ދިއުމަށްފަހު ވަކި ދިމާލަކަށް ނަޒަރު ހިންގާލީ ކާރުގެ ބަރުގޮނުގެ އަޑުންނެވެ. ބޭރަށް ދިއުމުގެ ބަދަލުގައި އަވަސް އަވަހަށް ކޮޓަރިއަށް ވަނުމަށް ހިނގައިގަތީ ޝިފާ ވަންނަ ގަޑީ ސިއްސުވާލުމުގެ ބޭނުމުގައެވެ. އެނދުގައި އިށީންނުމާއިއެކު ދޮރު ހުޅުވާލާފައި ޝިފާ ވަނެވެ. ޒައިކު ފެނުމާއި އެކު ފުރަގަސް ދިނުމަށްފަހު ފާރުގައި ބޯ ޖައްސާލިއެވެ. މަޑުމަޑު ގިސްލުމެއްގެ އަޑު ކޮޓަރިތެރެއަށް ފޫދެމުން ދިޔައެވެ.

ޝިފާގެ އުނަގަނޑުގައި ހިފާ ކުރިމައްޗަށް އަނބުރާލަމުން އެމޫނުގައި ޒައިކު ބޮސްދިނެވެ. ދެއަތުން ބައްދާލަމުން ކަނދުރާ ކައިރީ މަޑުމަޑުން ވަސްގަތެވެ.

” އުމްމްމް. ވަރަށް މުހިންމު ވާހަކަ އެއް ބުނަން ”

” ޝުޝްޝްޝް ” ޝިފާ ގެ ތުންފަތުގައި ޒައިކު އިނގިލި އަޅާލަމުން ބޯހޫރާލިއެވެ.

” އައެމް ސޯ ސޮރީ ޒައިކު ”

” ފޯރ ވަޓް؟ ”

” އައި ހޭވް ޓު ޓެލް ޔޫ ސަމްތިންގ ޒައިކު ” ޝިފާ ވާހަކަ ދެއްކި ގޮތުން ޒައިކުގެ މޭ ތެޅެން ފެށިއެވެ. ހިތް ބިރުގަތީ އެހެނަކުން ނޫނެވެ. އެ އަސަރުގަދަ އަޑުން އެބުނަން އުޅެނީ ދިރި އުޅުމުގައި ހަބަރައްވުރެ ހިތި ހަގީގަތެއްކަމެއް ކުޑަކޮށްވެސް ހިތަކަށް ނާރައެވެ. އެދެ ލޮލުން ފެނުނީ ހުސްކަމެވެ. ވީރާނާކަމެވެ.

ނުނިމޭ…

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.