ވާނަން އުމުރަށް – 3 –

މަޑުމަޑުން ލޯހުޅުވާލުމާއެކު އައިލީން ސިގިގެންދިޔައީ އެ އަސަރުގަދަ ނޫކުލައިގެ ދެލޯ އެހާކައިރިން ފެނުމުންނެވެ.

**************************

ލީޝާ ހީލާފައި އެތަނުން ދާން ހިނގައިގަތީ އައިލީން ގެ ހިތުގައި އެ ޒުވާނާއާ ދޭތެރޭ އިޚްސާސެއް ވާކަން ދަނެހުރެއެވެ. ލީޝާ ދިޔައިރުވެސް ދެމީހުން ތިބީ އެކަކުއަނެކަކުގެ ލޮލަށް ގެއްލިފައެވެ. ނަމަވެސް އިއްބާންގެ މޫނަކުން އެއްވެސް އަސަރެއް ފެންނާކަށް ނެތެވެ. އަދި އެހެން ހުރުމަށްފަހު ދެންކޮއްލީ އައިލީން އުންމީދުވެސް ނުކުރާކަހަލަ ކަމެކެވެ. އައިލީން ގައިގައި ވަށާލެވިފައިވާ އިއްބާންގެ އަތް މޮހެލުމާއެކު އައިލީން ވެއްޓެންދިޔައެވެ. އެވަގުތު އައިލީންއަށް ހަޅޭއްލަވައިގަނެފާ އިއްބާންގެ ގަމީހުގައި ހިފުނުގޮތެއްވެސް ނޭންގުނެވެ. މިފަދަ ކަމަކަށް ނުވިސްނައިހުރި އިއްބާންވެސް ބެލެންސް ކަޓައިގެން އައިލީން ގައިމައްޗަށް ވެއްޓެން ދިޔައެވެ. ދެމީހުންގޮސް ޖެހުނީ ދޮންވެލި ގަނޑުމަތީގައެވެ.

“ވަޓް ދަ…..ކީއްކުރަން ގައިގަ އަތްލީ..” އިއްބާން އޭނާގެ މާޒީމަތިން ހަނދާންވުމާއެކު އެ ހިތާމައިގެ މައްޗަށް އިސްކުރެވުނީ ރުޅިއެވެ.

“އަހަރެން..” “ކޮން އަހަރެންނެއް ކިޔާކަށް..”އިއްބާން އަނެއްކާވެސް ރުޅިވެރިކަމާއެކު ވާހަކަދައްކަމުން ކޮޅަށް ތެދުވަން މަސަތްކަތްކުރިއެވެ.
ނަމަވެސް އިއްބާން ސިހުނީ އައިލީން އިއްބާން ގެ ގަމީހުގައި ހިފާ އޭނާއާއި ގާތަށް ދަމާލުމުންނެވެ.

“ކިހިނެއް………”އިއްބާން ދެބުމަގޮއްޖަހާލަމުން ބުނަން އުޅުނު ޖުމްލަ ހުއްޓުމަކަށް އައީ އައިލީންގެ ފެންކަޅިވެފައިވާ ފެހިކުލައިގެ ލޯފެނުމުންނެވެ.

“އަމް….އަހަރެންގެ އިސްތަށިގަނޑު……އޮއްބާން ގެ ގޮށުގައި އޮޅިފަ…ތަދުވާތީ..” އައިލީން އާގަންނަމުން ބުނެލިއެވެ.
“އޮވހް…” އިއްބާންއަށް ބޭއިޚްތިޔާރުގައި ބުނެލެވުނެވެ. އަދި އެ އޮޅިފައިވާ އަސްތަށިތައް ނެއްޓުމަށް އަވަސްވެގަތެވެ. ނަމަވެސް ހުއްޓުމަކަށް އައީ އައިލީން ބުނި ޖުމްލަ ހަންދާން ވުމުންމެވެ. އިއްބާން އައިލީންއާ ދިމާލަށް ބަލާލީ ދެބުމަ ގޮއްޖަހާލަމުންނެވެ.
“ކިހިނެއް އަހަރެންގެ ނަން އެނގުނީ..” ކަޅުކަންގަދަ ބުމަ ގޮއްޖަހައިގެން ހުރެ އިއްބާން ސުވާލުކުރިއެވެ.

“މި….އަމް…އެއްކަލަ ދުވަހު އިއްބާން ދިޔައީމެންނުން…އެވަގުތު އެތާހުރި ފިރިހެން ކުއްޖާ ގޮވާލީ އިއްބާންއަށް..އެހެންވެ އިއްބާންގެ ނަން އެނގުނީ…” އައިލީން ހަމަޖެގެން މަސަތްކަތްކުރަމުން ބުނެލިއެވެ.

“މިޔައްފަހު އެނަން ކިޔައިގެން ނުވާނެ..އެހެން ނަމެއްކިޔާ…” އިއްބާން ރުޅިއައިއްސަ ހުރިވަރިން މި ބުނެވުނީ މޮޔައެއްޗެއް ކަމެއްވެސް ނުވިސްނުނެވެ. އެވަގުތު އައިލީންގެ ހިނިގަނޑު ފަޅައިގެން ދިޔައެވެ. މީހަކު ދެން ނުހޭވަރެއްވެސް ނޫންތާއެވެ.އެހެރީ ކިޔާ މޮޔައެއްޗެއްސެވެ.

“ކީއްވެ ތިހެނީ..މާމަޖާ އެއްޗެއް އަހަންނަށް ކިޔުނީތަ…” އައިލީން ހޭތަންފެނި އިއްބާންގެ ރުޅިދިޔައީ ހައްތަހާ ގަދަވަމުންނެވެ.
“ނުހޭވަރުތަ…މިޔަދަށް ފަހު އަހަރެންގެ ނަން ކިޔައިގެންނުވާނޯ..އެހެންނަމެއް ކިޔާށޯ…ހެހެ..” ހިނިގަނޑު ކޮންޓްރޯލް ކުރަންމަސަތްކަތް ކުރަމުން އައިލީން ވާހަކަ ދެއްކިއެވެ. މިބުނެވުނީ ކިހާވަރެއްގެ އެއްޗެއްކަން އިއްބާނަށް ވިސްނުނީ ދެނެވެ. ކުޑަކޮށް ކަޑަވިނަމަވެސް އެއަންހެން ކުއްޖާއަށް އެކަންދައްކާކަށް އިއްބާން ބޭނުމެއްނުވިއެވެ.

“މިބުނީނު އަހަރެންގެ ނަންނުކިޔާށޭ..އެހެންނޫނީ….” “އޯކޭ…އޯކޭއޭ..ދެންނުކިޔާނަން..” އިއްބާންގެ ޖުމްލަ މެދުކަނޑާލަމުން އައިލީންބުނެލިއެވެ. އަދި އަވަސްވެގަތީ އިއްބާން ގެ ގަމީހުގައި އޮޅިފައިވާ އިސްތަށިތައްނެއްޓުމަށެވެ. އުޅެއުޅެވެސް ކާމިޔާބުވާގޮތެއް ނުވިއެވެ. އެތައްމަސަތްކަތެއް ކުރުމުންވެސް އިސްތަށިތައް ނެއްޓޭގޮތް ނުވުމުން އައިލީންއަށް ތުންކޮޅު ދަމާލެވުނެވެ. އިއްބާންއަށް އައިލީންގެ ހަރަކާތްތަކަށް ބެލެމުންދިޔައީ އިޚްތިޔާރަކާ ނުލައެވެ. އަދި ކުއްލިއަކަށް އަހާލިއެވެ.

“ކޮން ނަމެއްކިޔަނީ…” “އައިލީން” އިސްތަށިތައް ނައްޓަން މަސަތްކަތް ކުރަމުން އައިލީން ބުނެލީ އިއްބާންއަށް ބަލާލުމެށް ނެތިއެވެ.ކުޑަކޮށް ހީލާފްއި އައިލީންގެ އެ ނިޔަނެތި ހަރަކާތްތެކަށް ގެއްލިފައިއޮތް އިއްބާން ސިހުނީ އައިލީން ވާހަކަ ދައްކަން ފެށުމުންނެވެ.

“ނެއްޓިއްޖެ..”އައިލީން ހީލަމުން ބުނެލިއެވެ.އެވަގުތު އިއްބާން އަވަސް އަވަހަށް ތެދުވިއެވެ. އައިލީންވެސް ތެދުވަން އަވަސްވެގަތެވެ.

“ތެންކްސް ބާން….”އައިލީން އެހެންބުނުމަށް ފަހު ދާންހިނގައިގަތެވެ. ނަމަވެސް އިއްބާން އައިލީންގެ އަތުގައިހިފާ އޭނާއާ ދިމާލަށް އަނބުރާލިއެވެ.

“އައިލީން..ތިނަންވެސް އަހަންނާ ދިމާލަށް ކިޔައިގެން ނުވާނެ…”ހައިރާންކަން އެކުލެވިފައިވާ އިއްބާންގެ މޫނުމަތިން ރުޅިވެރިކަން ފާޅުކުރަމުން ބުނެލިއެވެ.
“ވަޓް….ކޯއްޗެއްތަ ދެން ކިޔަންވީ…އިއްބާންއެއް ނުކިޔޭ…ބާން އެއްނުކިޔޭ….ވަޓް އިޒް ޔުއަރ ޕްރޮބްލަމް….”އައިލީން ބުނެލިއެވެ.

“ޔޫ އަރ މައި ޕްރޮބްލަމް….ގެޓް ލޮސްޓް…”އިއްބާން އައިރުޅީގައި ދަތްކުނޑި ވިކާލަމުން ބުނެލިއެވެ. އަދި ފަސް އެނބުރި ދާން ހިނގައިގަތީ އެތާއިން ގަހުގައި މުއްކެވިފައިވާ އަތަށް ލެވުނުހާބާރެއް ލާފައި ޖަހާލަމުންނެވެ. އައިލީންވެސް ހިނގައިގަތީ ގެއާ ދިމާލަށެވެ. ހިއްދަތިވިވަރުންނެވެ. އައިލީން ދިޔުމާއެކު ދެން ފެނުނީ އެތާއިން ބިޔަ ގަސްދޮށުގެ ފުރަގަހުން ނާއިލް ނުކުތްތަނެވެ. އަދި ހާސްވެފައިހުރެ ގޮނޑުދޮށަށް ފައިބަން ދިޔައީ އިއްބާން އެތާހުންނާނެކަން އެނގޭތީއެވެ.

“އިއްބާން…ކީއްތިކުރީ…އެ ކުއްޖާ އެދިޔައީ އިއްބާން އެހެން ބުނީމަ ހާދަ ދެރަވެފައޭ…” ނާއިލް އަށް ހުރިހާ މަންޒަރެއް ފެނުނުކަމުގައި ވިޔަސް އެދެމީހުން ދެއްކި ވާހަކައެއް އަޑެއް ނީވުނެވެ.

“އަހަރެންނަށް ކީއްތަ…މި ހުރިހާ ކަމެއް މިވީ ނާއިލް އާ ހެދިއޭ…ކީއްކުރަން އޭނަ ހުއްޓާ އަހަރެން ގެ ނަން ކީ…”ނާއިލް އެހެން ބުނުމާއެކު އިއްބާން ހުރިހާ ރުޅިއެއް ބޭލީ ނާއިލްއަށެވެ. ނަމަވެސް ނާއިލް އެއްޗެއް ނުބުނެ ހަނުހުރީ އެއީ އިއްބާން އޭނާދެކެ ރުޅިއައިސްގެން ބުނިއެއްޗެއް ނޫންކަން ދަންނާތީއެވެ.

“ހޫމް…ދެން އޯކޭއޭ..ހިނގާ ލޯނޗާ ދިމާލަށް…މިހާރުއެއޮށް ހައެއްޖެހީ…ހަގަޑި ފަނަރާގަ ލޯންޗަ ފުރާނެ..ލެޓްސް ގޯ…” ނާއިލް އެހެން ބުނުމުން އިއްބާން ނާއިލްއާއެކު ހިނގައިގަތީ ދެބުމަ
ގޮއްޖަހައިގެންހުރެއެވެ.

– ނުނިމޭ –

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.