އެ ކީއްވެހޭ ހިތަށް މަގޭ މިހެންވަނީ 18

އަގު ބޮޑު ހެން ހީވާ ކުޅޭ އެއްޗެހި ގެނެސް ދިނަސް އެޔަކުން އަރޫއަށް އެއްވެސް އުފަލެއް ނުލިބޭކަން ނޭނގޭތަ, ދައްތަގެ ދަރި މިއަދު އެހެރީ ބޮޑުވެ ޒިންމާދާރު ވެފަ, ދުވަހަކުވެސް އަރޫގެ ނުބައި ވާހަކައެއް ނީވޭނެ, އެހެންވީމަ ރަނގަޅަކަށް ނޫންތަ ބެލުނީ”
އާތިފާ ހިތާ ދިމާލުގައި އަތް އަޅައިގެން ހުރެ ހިތުގެ އުދާސްތަކާއި ޝަކުވާތަށް ބޭރު ކުރީ ރޮމުންނެވެ.

ދުވަސްތަށް ފާއިތުވަމުންދަނީ އަރުޝްއާއި ސާރާގެ ލޯތްބަށް އުޖާލާކަން ގެނުވަމުންނެވެ. ކޮންމެ ރެޔަކު ބައްދަލުކޮށް އެތަކެއް ވައުދާއި އަޙުދު ދަނީ އެކަކު އަނެކަކަށް ވަމުންނެވެ. ދެމީހުންގެ ގުޅުން އެނގޭ ހަމައެކަނި ބަޔަކީ ހަމީދުއާއި ޝާމިންނެވެ. އަނެއްކޮޅުން ނަޢުހާ މަދުމަދުން ޝާމިންމެން ގެއަށް އަންނަމުންދަނީ އެންމެ ބޭނުމެއްގައެވެ. އެއީ ހަމައެކަނި އަރުޝް އޭނާގެ އަތު އަޅުވާލާނެ ގޮތެއް ހޯދުމަށެވެ. މި އައުމުން އެެންމެ ބޮޑު އުފަލެއް ލިބެނީ ޝާމިންއަށެވެ. ޝާމިން ދެކޭ ގޮތުގައި ނައުހާ އައުމުގެ ބޭނުމަކީ އޭނައެވެ. އަންހެން ކުއްޖެއްދެކެ ލޯބި ނުވާ ވަރަށް ޝާމިން ނައުހާ ލޯބިވެއެވެ. އެހެންނަމަވެސް ޝާމިންއަށް ނޭނގުނު ކަމަކީ ނައުހާއަކީ އޭނަގެ ދިރިއުޅުމަށް ހުރި ނުރައްކަލެއް ކަމެވެ.

ރޭގަނޑުގެ ހަމަހިމޭން ވަގުތުގައި ނައުހާގެ ފަރި ހިނގުމުގައި ޝާމިންގެއަށް މިސްރާބު ޖެހިއެވެ. ވަކި ހިސާބަކުން ނައުހާގެ ހިނގުން ހުއްޓުނީ ފޯނާ ކުޅެން ގަހެއްގެ ދޮށުގައި ދަންނަ މީހަކު ހުއްޓާ ފެނުމުންނެވެ. އެތަނަކީ ހިސާބަކަށް އަނދިރި އެހެނަސް މަގަށް އެޅިފައި ހުރި އަލިން މީހުންގެ ސިފަ އެނގޭ ވަރަށް އަލިކަން ހުރި ހިސާބެކެެވެ.

“އަރުޝް, އެއީ އަނެއްކާ ހަމަ އަރުޝްތަ, އާނ, އަހަރެންގެ ލޮލެއް އަހަރެންނަކަށް ދޮގެއް ނަހަދާނެ, އެއީ ހަމަ އަރުޝް, އެކަމް އެތާ ކީއްވެފަ, އޯހްް, އަހަރެންގެ އިންތިޒާރުގައި ދޯ, އައި އޭމް ކަމިންގް އަރުޝް” މިހެންބުނެ ވިހަ ހިނިތުންވުމަކުން ހިނިތުން ވެލުމަށްފަހު ކޮނޑުގައި އަޅުވާފައި ހުރި ދަބަސް ހުޅުވާ ސެންޓްފުޅި ނަގާ ގަޔަށް ބުރުވާލިއެވެ. އަދި ލާފައި ހުރި ޓޮޕްކޮޅު ކިރިޔާ ބަނޑު ފެންނަ ވަރަށް ކުޑަކޮށް މައްޗަށް ނެގިއެވެ. އެއަށްފަހު ހެދުމުގެ ކޮނޑު ދެފަރާތުން ތިރިކޮއްލުމަށްފަހު ކުރިއަށް ހިނގައިގަތެވެ. އަރުޝް ހުރީ ފުރަގަސް ދީގެން ކަމުން އަރިމަތިން އައި ނައުހާއެއް ނުފެނެވެ.
ކުއްލިއަކަށް އަރުޝްއާ ކައިރިން އަންހެން ކުއްޖެއް ފެނުމާއެކު ނަޢުހާގެ ހިނގުން ހުއްޓުނެވެ. އެކުއްޖާ އައިސް އަރުޝްގެ ކައިރިއަށް ހުއްޓުމުން އަރުޝް އެކުއްޖާގެ ދެއަތުގައި ހިފާ މައްޗަށް ނެގުމަށްފަހު ދޮނެއްދިނެވެ. މިތަން ފެނި ނައުހާގެ ލޭ ކެކިގަތެވެ.
” ހޫ އާރ ޔޫ ބިޗް, ހޫ އިޒް ދެޓް ގާރލް, ވަރި ހަމަ ކޮންމެ މީހަކަސް ތިޔަ މީހެއްގެ މޫނު ފެނިބަލަ, ދިރިއުޅުން ހަލާކުކޮއްލާނަން, އަހަރެންގެ މަގަށް ހުރަސް އަޅާ ކޮންމެ މީހަކަށް ހިތުން ނުފިލާ ވަރުގެ ލަގާއެއް ދޭނަން,” ނައުހާގެ ހިތުން އެމީހަކަށް އެއްޗެހި ގޮވަމުންދިޔައެވެ. މީހާ ރުޅި އައިސް ފުފިފަ ހުރި ވަރު ފެނުނު ކޮންމެ މީހަކަށްވެސް އެނގޭހާ, ނައުހާގެ މޫނުމަތިން ނުރައްކާތެރި ކަމާއި ރުޅިވެރިކަން ފެނުނެވެ.

އެވަގުތު ވައިބްރޭޓް ވަމުން ދިޔަ ފޯނަށް ކުއްލިއަކަށް ނަޒަރު ހިންގާލިއެވެ. ޝާމިންގެ ނަން ފެނުމާއެކު މޫނުމައްޗަށް ފޫހި ވައްތަަރެއް ޖައްސާލުމަށްފަހު ފޯނު ނަގާ ކަންފަތުގައި ޖައްސާލިއެވެ.
“ނަޢު, އައި ވޯންޓް މީޓް ޔޫ, އާރޖެންޓް” ނަޢުހާ ވަގުތުން ނޫނެކޭ ބުނަން އަނގަ ހުޅުވާލިއެވެ. އެހެންނަމަވެސް ކުއްލިއަކަށް އެއްޗެއް ހަނދާން ވެގެން ބުނާ ފަދައިން އަރުޝް ހުރި ދިމާލަށް ބަލާލުމަށްފަހު އަހަރެންވެސް ބޮޑު ކަމަކު ބައްދަލު ކުރަން ބޭނުމޭ ބުންޏެވެ. ނަޢުހާގެ ޖަވާބުން ޝާމިންގެ ހިތް އުފަލުން ނަށާލިއެވެ. ވަގުތުން އެގެއަށް އައުމަށް ބުންޏެވެ. ނަޢުހާ މިދަނީ ކަމަށް ބުނެ ނަޢުހާ ފޯނު ބޭއްވުމުން ޝާމިން ޔޭސް އޭ ބުނެލިއެެވެ. ފޯނު ބޭއްވުމާއެކު ނަޢުހާ މަކަރުވެރި ނަޒަރަކުން އަރުޝް ހުރި ދިމާލަށް ބަލާލިއެވެ.
” އައްދެ, އަރުޝް ކައިރީގަ ތިހުރީ ކާކުކަން ހޯދާކަށް އަހަރެންނަށް އެއީ އުނދަގޫ ކަމެއް ނޫން, އަހަރެން ކުރިއަށް ދާންވީ މަގު ކޮށާދެން ޝާމިން އެ ހުރީނު, ވެއިޓް އެންޑް ވޮޗް” މިހެންބުނެ އެގެއަށް ދިއުމަށް ނަޢުހާ މިސްރާބު ޖެހިއެވެ.

ނަޢުހާ އެގެއަށް ދިޔައިރު ޝާމިން ދެކޮޅަށް ހިނގަ ހިނގާލަ ހުއްޓެވެ. ނަޢުހާ އައިސް ވަނުމާއެކު ސޯފާގައި އިށީނުމަށް އިޝާރާތް ކުރިއެވެ.
” މި މި ވަރަށް ބޮޑު ވާހަކައެއް ބުނަންވެގެން, ނަޢު ރުޅި ނާންނައްޗޭ” ކުރިމަތީގަ އިން ނަޢުހާގެ ލޮލަށް ބަލާލަމުން އަޅަ އަޅައިގަންނަމުން ޝާމިން ބުނެލިއެވެ. ނަޢުހާ ފޫހިވެފަ އިނެއްކަމަކު އެކަން މޫނުމަތިން ނުދައްކާ ވޭތޯ މަސައްކަތް ކުރަމުން ބޯ ޖަހާލިއެވެ.

” ނަޢު އައި ލަވް ޔޫ, އައި ރިއަލީ ޑޫ” ކުއްލިއަކަށް ދެލޯ މަރާލަމުން ޝާމިން ބުނެލިއެވެ. ނަޢުހާގެ އެއްވެސް އަޑެއް ނީވުމުން ޝާމިން މަޑުމަޑުން ދެލޯ ހުޅުވާލިއެވެ. އޭރު ނަޢުހާ ހިނިތުންވެފައި ޝާމިންއަށް ބަލަން އިނެވެ. ނަޢުހާ އިންގޮތް ފެނި ޝާމިން އިނީ ކުރާނެ ކަމެއް ނޭނގިފައެވެ. ކުއްލިއަކަށް ނަޢުހާ ޝާމިންގެ ގައިގައި ބައްދާގަތެވެ. އަދި ކޮނޑުގައި ބޯ އަޅައިގެން އޮވެ ނުލަފާ ވައްތަރަކަށް ހީގަތެވެ. ދެރައީ ޝާމިންއަށް މިއިން އެއްވެސް ކަމެއް ރޭކާނުލުމެވެ. ” އަހަރެންވެސް, މިހުންނަނީ މިފަދަ ފުރުސަތަކަށް ބަލަބަލާ, އެކަމް އިސްނަގަން ނުކެރިފަ ހިތަށް އަރާނެ އެއްޗެއް ނޭނގޭތީ, ވަރަށް އުފާވެއްޖެ, ތިކަހަލަ ބައިވެރިއެއް ލިބުނީމަ, ޕްލީޒް އަހަރެން ދޫކޮއްނުލައްޗޭ, ކޮންމެ މީހަކުވެސް އަހަރެން އާދޭސްކޮއްކޮއް އޮއްވާ އަހަރެން ދޫކޮއްދަނީ އެހެން މީހަކު ފެނިގެން, ޕްލީޒް އެހެން ނަހަދާތި އަހަރެންނަށް, ޝާމިންއަށް އަހަރެން ވަރަށް އިތުބާރުކުރަން” ނަޢުހާގެ ކޮންމެ ލަފްޒަކުން ޝާމިންގެ ހިިތް އުފަލުން ފުރުވާލައެވެ. ނަޢުހާގެ އެ ބުނުމުގައިވި މަކަރުވެރިކަމާއި އަމިއްލަ އެދުން އެނގޭނަމަ ޝާމިން އެ ފުރުސަތު ނުދޭނެކަން ކަށަވަރެވެ. އެހެންނަމަވެސް ޝާމިންވަނީ ނަޢުހާގެ މަޅީގައި ރަނގަޅަށް ބަދެލާފައެވެ. އެ މަޅި ބާރު ކުރި ކުރީނުން ގެއްލުންވާނީ ކިހާވަރަކަށް ކަމެއް ބުނެދޭކަށް ނޭނގެއެވެ. އަމިއްލަ އެނދުމަށްޓަކައި ނަޢުހާ އެ އެޅި ފިޔަވަޅަކީ ކިހާ ނުރައްކަަތެރި ފިޔަވަޅެއްކަން އެވަގުތު ނަޢުހާގެ މޫނަށް ބަލާލި ކޮންމެ މީހަކަށްވެސް އެނގޭނެއެވެ. އެހެންނަމަވެސް އެކަން ދެނެ ގަންނަން މިވަނީ ނުކުޅެދިފައެވެ.

“އަސްލުވެސްތަ ވަރަށް އުފާވެއްޖެ, މިހާރު ދެން އަރުޝްއަށް އަހަރެންނަކަށް ދިމައެއް ނުކުރެވޭނެއެއްނު” ޝާމިން އެހެން ބުނުމާއެކު ނަޢުހާ މަޑުމަޑުން ބޯ ހިއްލާ ބަލާލިއެވެ. ޝާމިންގެ ދުލުން އަރުޝްގެ ނަން ބުނުމާއެކު ނަޢުހާއަށް އެއްޗެއް ހަނދާންވެގެން ބުނާ ފަދައިން އަހާލިއެވެ. ” ތިހެން ވީއިރު އަރުޝް ކޮބަޔޯ, ފެންނާކަށްވެސް ނެތް, އެއްކޮއް އުޅޭ ބައެއްނު ތީ” ނަޢުހާ އެހެން އަހާލީ އިތުރަށް އެނގެން ބޭނުންވާ ފަދައިންނެވެ. ނަޢުހާ ބޭނުންވި ގޮތަށް ޝާމިން ޖަވާބުދިނެެވެ.

“ނަޢު ވެސް ދޯ, މާ ފޮޅުވަން ދާއިރު ކާކު އިތުރު މީހަކު ގެންދާނީ މަ ނަމަވެސް ނުގެންދާނެ” ޝާމިން އެހެން ބުނުމާއެކު ނަޢުހާގެ ހިތް ނަފްރަތުކަމުން އަނެއްކާވެސް ފުރުނެވެ. ” އެހެންތަ, ހާދަ ނަސީބު ގަދަ ކުއްޖެކޭ ދޯ, ކޮންކުއްޖެއްތަ, ކޮން އިރަކުން ބައްދަލް ކޮއްދޭނީ” ނަޢުހާ ފައްޗަކަށް ހުރިހާ ސުވާލެއް އަމުނާލިއެވެ.
” ސާބަސް ނަޢު, ކެތްކޮއްބަލަ, މާދަން ހަވީރު ސަޔަށް މިގެއަށް އާދޭ, އަހަރެން އޭނަ ކައިރިވެސް ބުނާނަން އަންނާށޭ” އެއީ ކާކުކަން އެނގެން ބޭނުން ވެފަ ހުއްޓާ ޝާމިން އެ ޖަވާބު ދިނުމުން ނަޢުހާ މާޔޫސްވިއެވެ. އެހެންނަމަވެސް ހަމަޖެހިލާ ޝާމިންގެ ކޮނޑުގައި ބޯ އަޅާލިއެވެ.

ނުނިމޭ