ޝީން (ތޭވީސް ވަނަ ބައި)

ހީ އިޒް ބިއުޓިފުލް…އަޔާޒް ރައިންނަގާ މޫނުފެންނަގޮތައް އަބުރާލަމުން އެމޫނުގައި ބޮސްދިނެވެ.އެވަގުތު އެތުއްތު މޫނުގައި އޭނަފިރުމާލުމާއެކު ހައިރާންވިއެވެ.އެހާ މަޑެވެ.
އެ ތުއްތު މޫނު ބަލާ ފޫހިނުވާހާ ރީއްޗެވެ.
އަމިއްލަ ދަރިއަކު ދެކެވާނެފަދަ ފުން ލޯއްބެއް އަޔާޒް ހިތުގައި އެކުއްޖާއާއި ދޭތެރޭ އުފެދުނެވެ.
ބްރޭކްގަޑި ޖެހުމާއެކު ޝީންބޭރައް ނިކުތީ ނަފީސާއަށް ގުޅާލުމައްފަހުއެވެ.
ހެދުނުންސުރެ ދުނިޔެމަތި ބަނަވެ އަދިރިވަމުން ދިޔައީ ކަޅުވިލާތަކުންނެވެ. މައްޗައް ބަލާލަމުން ޝީން ގޮސް އާޔަންގެ ކާރައްއެރިއެވެ.
ހ. ޑްރީމް ކުރިމައްޗައް ކާރު މަޑުކޮއްލުމުން ޝީންފައިބަން އަވަސްވެގަތެވެ.ނަމަވެސް އާޔަން އެއަތުގައި ހިފާލަމުން އޭނަވެސް ޝީންއާއިކު ރައިން ދެކެލުމައް ދާން ހުއްދައަކައްއެދުނެވެ.
ޝީން އެކަމާ އެއްބަސް ވެލުމުން ކާރު ޕާކްކޮއްލުމައްފަހު ދެމީހުންއެކުގައި ގޭތެރެއަށް ވަނެވެ. އެއީ އާޔަންގެ އާދައެވެ.ކޮންމެ ވަގުތަކުވެސް އެގެއާ ހިސާބައް އާދެވިއްޖާ އެއްވެސް ފަހަރަކު އާޔަން ރައިން ދެކިނުލާ ނުދާނެއެވެ.
ގޭދޮރުން ވަދެވުން އިރު މޯނާ ރައިން ގޮވައިގެން އުޅެއެވެ.އިތުރު މީހަކު އެވަގުތު ފެންނާކައްނެތެވެ.ރައިން އަށް އާޔަން ފެނުމާއެކު އަތް ހަލުވާލަމުން ތޫލިގޮތަކައް އަޑެއް ލައްވާލިއެވެ.
އެމަންޒަރު ފެނުމުން އާޔަންއާއި ޝީން ގާތައް ވަރައް ހިނިއައެވެ.ޝީންގެ ކުރިން އާޔަން ގޮސް ރައިން އުރާލަމުން ރައިންއާއި ލޯބިކޮއްލަމުން ޑޭޑީ ކިޔާށޭ ބުނެލިއެވެ.
ރައިން އުރައިގެން އުޅެފައި މޯނާއަތަށް ރައިން ދިނުމައްފަހު އަޔާޒް ކާގެއަށް ވަނީ ފެންބޯންވެގެންނެވެ.
ފެންބޮއި ނިމިގެން ފްރިޖްއަށް ފެންފުޅި ލުމައްފަހު ކާގެއިން ނިކުންނަންއައި އަޔާޒްއަށް ޝީންއާއި އާޔަން ފެނުމުން އެއްފަރާތަކައް ޖެހިލީ އެމީހުންނައް ނުފެންނަންވެގެންނެވެ.
އަޔާޒްއަށް ބެލެމުންދިޔައީ އާޔަންއާއިދިމާލަށެވެ.އާޔަން ރައިންއާއިގެން އުޅޭގޮތް ފެނުމުން ހިތުގައި ރިއްސައިލައިފިއެވެ
އާޔަން ޝީންއަތަށް ރައިން ދެމުން ޑެޑީ ހަވީރު އަންނާނަން ކަމައް ބުނެ ނިކުމެގެންދިޔައެވެ.
ހުރިހާ މަންޒަރެއް ބަލަން ހުރި އަޔާޒް އަށް ޝީންއާއި އާޔަން އާއި ދެމެދު އުފެދިފައިވާ ގާތްޅުން އެވަގުތުވެސް އެނގުނެވެ.
ދެވަނަ ފަހަރައް އޭނައަށް ޝީން ގެއްލެން އެހިތްބޭނުމެއް ނުވެއެވެ. ހިތްވަރު ކޮއްފައި އަޔާޒް ޝީންގެ ކިބައިން މާފައް އެދޭނެއެވެ.
ރައިން ގޮވައިގެން ޝީން ކޮޓަރިއަށް ދިއުމައްޓަކާ މައްޗައް އެރިއެވެ.ޝީން ގޮސް އޮބާލުމުން އަޔާޒް ކާގެއިން ނިކުތެވެ.
ޝީންއަށް ނުފެނި ގޮސް ކޮޓަރިއަށް ވަންނަން ބޭނުންވިޔަސް ހިތް އެކަމަކައް އެއްބަހެއް ނުވިއެވެ.ކުއްކުރީ އޭނާއެވެ.މާފައް އެދެންޖެހޭނީވެސް އޭނާއެވެ.
ރައިން ނިންދެވުމައްފަހު ޝީން ތިރިއަށް ފޭބިއިރު އަޔާޒް ސޯފާގާއިންތަންފެނި ޝީން ލައި ލައި ހުރި ނޭވާވެސް ތާށިވިކަހަލައެވެ.
ތުބުޅިއާއި ބޯ ކޮށާލާފައި ވުމުން އެރީތި މޫނައް ބަލާ ފޫހިނުވާހާ ރީއްޗެވެ.މީގެ ކުރިން އަޔާޒް ފެނުމުން އެހިތް ނުތެޅޭހާ ބާރުމިނުގައި ތެޅެން ފެށިއެވެ.
އެއަޑު އަޔާޒްގެ ކަންފަތައް އިވިދާނެތީވެސް ޝީން ޖެހިލުން ވިއެވެ
ކުއްވެރިޔަކު ފަދައިން އިސްޖަހާލަމުން ޝީން ތިރިއަށް ފޭބިއެވެ. އަޔާޒްގެ ނަޒަރު އޭނާއަށް ހުއްޓީފައިން ކަން އެގި ހާސްވާންފެށިއެވެ.
ބަނޑުހައިވެފަ ހުރިކަމުގައިވިޔަސް އަޔާޒް އެތާ އިނުމުން އިތުރައް އެތާ މަޑުކުރާނެހާ ހިތްވަރެއް ނުލިބުނެވެ.އަވަސް އަވަހައް ގެއިން ނިކުތީ އަޔާޒް އަށް ބަލާވެސް ނުލައެވެ.
މާފައް އެދެން ކިތަންމެ ބޭނުން ކަމުގައިވިޔަސް ޝީން ކަންތައް ކުރިގޮތުން އަޔާޒް އަށް އިންތަނުން ގުޑިލަންވެސް ނޭގި ޝީންއަށް ބަލަން އިދެވުނީއެވެ.
ޝީން ދިޔައީކަން ޔަގީން ވުމުންއަޔާޒް ތެދުވެގެން ގޮސް ކޮޓަރިއަށްވަނެވެ. އޭނަގެ އެކުށައް ދުވަހަކުވެސް ޝީން މާފް ނުދޭނެކަން މިއަދު އަޔާޒްއަށް ޔަގީން ވެއްޖެއެވެ.
މާފް ދިނަސް ނުދިނަސް ހިތް އެދެމުންދިޔައީ މާފައް އެދުމަށެވެ.އޭގެ ފަހުގައި ޝީން ދޭ ކޮންމެ އަދަބަކައް އޭނާ ރުހި ގަބޫލްވާނެއެވެ.ކުއްވެރިއަކީ އޭނާއެވެ.
ހިތުގެ ރިހުންގަދަވެ ކެއްނުވާވަރުވުމުން އަޔާޒް ދޮރުފަތް ކަހާލުމައްފަހު ބެލްކަންޏައް ނިކުތެވެ.
އުޑުމަތި ބަނަކޮއްލާފައޮތްވަރުން އެވިލާތައްވެސް އޭނައާއިއެކުއެ ހިތާމާގައި ބައިވެރިވާކަހަލައެވެ.
ފުންނޭވާއެއް ބޭރުކޮއްލުމައްފަހު އަޔާޒް ތިރިއަށް ބަލާލުމާއެކު އިތުރައް އެހިތައްތަދުވީ ގޭ ދޮރުމަތީ ހުއްޓިލައިގެން ހުރި ޝީންފެނުމުންނެވެ.
އަޔާޒް ސިޓިންގްރޫމްގައި އިނުމުން ޝީން ބޭރައް ނިކުތީކަންއެގުމުން އެދެލޯ ފެންކަޅިވިއެވެ.
އަޔާޒް އެހުރިގޮތައް ހުއްޓައި ޝީންގެ ކުރިމައްޗައް ކާރެއް ހުއްޓާލުމާއެކު ޝީން ކާރައް އެރިއެވެ.
ކާރުތެރޭގައި އިން މީހަކު އަޔާޒްއަށް ނުފެނުން ކަމުގައިވިޔަސް ޝީން އެދިޔައީ އާޔަން އާއިއެކު ކަމައް އޭނަގެ ހިތް ބުންނަންފެށިއެވެ.
ދޮރުގައި ފައިން ޖެހުމައްފަހު ކޮޓަރި ތެރެއަށް ވަނީ ހުރިހާ ރުޅިއެއް އެދޮރަށް ބާލާލާފައެވެ،
ހަމަ އެސިކުންތުގައި އަޔާޒް ކޮޓަރިން ނިކުމެގެން ތިރިއަށް ފޭބީ ނަފީސާ ހޯދަމުންނެވެ.އާޔަން އަށް ޓަކައި އެހިތުގައި ހަސަދަ ވެރިކަން އުފެދިއްޖެއެވެ.
ނަފީސާ ފެނުމާއެކު ހަމަޖެހިލަމުން އަޔާޒް އައިސް ނަފީސާ ކައިރީގައި އިށީނެވެ.ދުރުދުރުން އެކިވާހަކަ ދައްކަމުން ގޮސް އަޔާޒް ބޭނުންވާ ސުވާލް އެންމެ ފަހުން ކޮއްލީ ނޭވާ ހިފަހައްޓައިލައިގެން އިނދެއެވެ.
ނަފީސާގެ ފަރާތުން އާޔަން އަކީ ކާކުކަން އެގުމުން އެހިތް އެންމެވަގުތަކުވެސް ޝީންއާއި ދުރުގައި ހުންނާކައް ބޭނުމެއްނުވިއެވެ.
ހިތްވަރު ކޮއްފައި ޝީންއާއި އޭނަ ކުރިމަތިލާނެއެވެ.
ކިހިނެއްވެފަ ތީނީ؟ ޝީން ކާރައް އަރާ މާމަޑުން އިނުމުން އާޔަން ސުވާލް ކޮއްލިއެވެ.
ކަރުނަ ޖަމާވަމުން ދިޔަދެލޮލުން އާޔަން އެސުވާލުކޮއްލުމުން ކަރުނަތައް ފައިބަގަތެވެ. އަހަރެންނައް އަޔާ ކުރިމަތީ ނޫޅެވޭން “އަހަރެން ބޭނުމީ އެހެންތަނަކައް ދާން “މިވަރުން އަހަރެން ހިތަކައް ކެތެއްނުވާނެ”
އަޔާ އަހަރެންނާ ދިމާލައް ބަލާލަންވެސް ބޭނުމެއްނުވޭ “އެއީ އެއް އިރެއްގަ އަހަރެންގެ އެންމެގާތް އެކުވެރިޔާއޭ”
އެކަމަކު މިއަދު އެ އެއެކުވެރިކަން އަހަރެން އަތުން ބީވެއްޖެ” އަހަރެން ހަދަންވީ ގޮތެއް ބުނެބަލަ އާޔަން “ޝީން ގިސްލަމުން ވާހަކަ ދެއްކިއެވެ.
“އަޔާ ވާޙަކަ ނުދެއްކިޔަސް ޝީން އަޔާ ކިބައިން މާފައް އެދިބަލަ”ކަންތައް ވީގޮތް އަޔާއަށް ކިޔައިދީބަލަ އޭރައް ޔަގީނުންވެސް އަޔާ ރުޅީއެއް ނާންނާނެ ” އަހަރެންއަށް ހީވަނީ ތިދެމީހުންނައްވެސް އެކަކު އަނެކަކައް ވާހަކަ ދައްކަން ނުކެރިގެންހެން ތިއުޅެނީ ” އަހަރެން އަޔާއާއި ވާހަކަ ދައްކަންތަ”
އާޔަން އެކަމައް ހައްލެއް ގެންނަން ބޭނުންވެ ބުނެލިއެވެ.
އެގޮތައް ޝީން އަބަދު ރޯތަން ފެނުމުން އޭނާގެ ހިތައްވެސް ތަދުވެއެވެ.
ނޫން އަހަރެންބޭނުމެއއްނޫން އާޔަން އެއްވެސް ވާހަކައެއް އަޔާއާއި ދައްކާކައް”އަޔާ ގަބޫލެއް ނުކުރާނެ އެއަށް ވުރެ އޭން އަހަރެންދެކެ ރުޅީއައިސް އެހުންނަނީ”ޝީން ކުރަކި އަޑަކުންބުނެލިއެވެ.
ތޮއްޖެހިފައިވާ މާލޭގެ ބާރު ބޮޑު މަގުތަކުން ކާރުއައިސް ޕާކްކޮއްލުމައްފަހު އާޔަން އާއި އެކު ޝީން ވެސް ފޭބީ ކަރުނަ ފޮހެލުމައްފަހު ގައެވެ.

އޮފީސް ނިންމާފައި ޝީން ގެއަށް އައި އިރު ފަހެއްޖަހަނީ އެވެ. މިއަދު އާޔަން އަށް އާދެވޭ ގޮތް ނުވުމުން ޝީން ގެއަށް އައި ޓެކްސީއެއްގައެވެ.
މެންދުރު ކާން އައި ގަޑީގައި އަޔާޒް އިނުމުން ނުކައި ދިއުމުން ބަނޑުހައި ކަމުގެ އިހުސާސް ކުރެވެން ފެށިއެވެ.
ފުރިޖުން ޖޫސް ފުޅި ނެގުމައްފަހު ތައްޓައް އަޅާލުމައްފަހު އެއްނޭވާއިން ބޯލެވުނެވެ.ތަށި ދޮވެލުމައްފަހު ތަށިއަޅުވާއެތީގައި އަޅުވާލުމައްފަހު ނިކުމެ މީހެއްގެ ހިލަން ނުވުމުން މައްޗައް އެރިއެވެ.އެއްވެސް މީހެއް ގޭތެރެއިން ނުފެނުމުން ޝީން ތިރިއަށް ފައިބައިގެން ގޮސް ގެއާއި ވަކިން ހުރި މޯނާގެ ކޮޓަރީ ދޮރުގައި ޖަހާލީ އޭނާ އަތުގައި ރައިން އިންކަމށެވެ.
މޯނާގެ ވާހަކައިން ރައިން ގެންދިޔައީ އަޔާޒް ކަން އެގުމުން ޝީންއަށް ދެފައި އެއްތާލައިގެން ހުރެވޭ ގޮތެއްނުވިއެވެ.
ރައިންގެ ހަގީގަތް އެގިދާނޭވެސް އެހިތް ބުނި ކިތައްފަހަރު ކަމެއްވެސް ނޭގުނެވެ.
ކޮންމެ ގޮތެއްވިޔަސް އަޔާޒްއަށް ގުޅާކައް ޝީންއަކައް ނުކެރުނެވެ.ދެކޮޅައް ދެކޮޅައް ހިނގާލަ ހިނގާލަ ހުރީ އަޔާޒް ރައިން ގޮވްއިގެން އަންނާނެ އިރެއްގެ އިންތިޒާރުގައެވެ.
ފިހާރާއިން ނިކުތް އަޔާޒް ރައިން އުރާލައިގެން ހުރިއިރު ކާރު ޑުރައިވަރ ދެއަތުން އަޔާޒް ގަތް ކުޅޭއެއްޗެހިތައް ހިފަހައްޓައިގެން ހުއްޓެވެ.
އަޔާޒް ކާރުގެ ދޮރުފަތް ހުޅުވާލަ ދިނުމާއެކު ކާރު ފަހަތު ޝީޓައް ހުރިހާއެއްޗެހިތައް ލުމައްފަހު ޑްރައިވަރ ކުރީ ޝީޓައް އެރިއެވެ.
ޖެހިގެން އިން ޝީޓްގައި އަޔާޒް ރައިން ގޮވައިގެން އިށީނުމާއެކު ޑްރައިވަރ ކާރު ސްޓާޓް ކޮއްލިއެވެ.
ސިޓިންގްރޫމްގައި ދެކޮޅައް ހިނގާލަ ހިނގާލަ ހުރި ޝީންއަށް ގޭތެރެއަށް ވަދެގެން އައި އަޔާޒް ފެނުމާއެކު
އެދިޔަގޮތައްގޮސް އަޔާޒް އަތުގައި އިން ރައިން އަތުލެވުނީ ކިހިނެއް ކަމެއްވެސް ނޭގުނެވެ.
މޭގައި ޖައްސާ ރައިން ބޮޑިކޮއްލަމުން އަޔާޒްއާއި ދިމާލައް ޝީން ބަލާލިއެވެ.
ޝީންގެ އެކަހަލަ ކޮންމެ ހަރަކާތަކުން އަޔާޒް އަށް ކުއްވެރިކަމުގެ އިހްސާސް ކުރެވިގެންދެއެވެ.ވާހަކަ ދައްކަން ބޭނުން ވިޔަސް އެދެލޮލައް ބަލާލުމުން އަޔާޒް އަށް އެއްވެސް އެއްޗެއް ނުބުނެވުނެވެ.
ކާރުގަރާޖައް ލުމައްފަހު ޖަމީލް ކާރުގައި ހުރި ކުޅޭ އެއްޗިހިތައް ނަގައިގެން އައިސް އަޔާޒް އަތައް ދިނެވެ.
އެތާ ހުންނަން އުދަގޫ ވުމުން އަޔާޒް އަތުގައި ހުރިއެއްޗެހި ސޯފާ މަތީގައި ބެހެއްޓުމައްފަހު ޝީން އާއި ދިމާލައް ބަލައިވެސް ނުލައި މައްޗައް އަރައިގެން ދިޔައެވެ.
ގަބުވެފައި ހުރި ޝީން ހުރީ އެގޮތައް ކަންތައް ކުރެވުމުން އަޔާޒް ކުރިމަތިން ގުޑިލަންވެސް ނުކެރިފައެވެ.
އަޔާޒް ހިތްހަމަ ނުޖެހުން ކަން އެގުމުން ވަކިންދެރަވިއެވެ.
ޝީން އަށް އެހެން އެކަން ކުރެވުނީ ރައިންގެ ހަގީގަތް އަޔާޒްއަށް އެނގިދާނޭ ހިތް ބުނާވަރުންނެވެ.
އެގޮތައް ވާން ޝީން ބޭނުމެއްނުވެއެވ. އަޔާޒްއަށް ރައިން ދައްކަން ބޭނުން ނުއްވަސް އިތުރު ގޮތެއްނެތެވެ.
އަތްމަތި އަވަސް ކޮއްލަމުން ރައިންއަށް ކާންދީ ނިންމާލުމައްފަހު ޝީން ކޮޓަރިއަށްވަނެވެ.ރައިން ނިންދަވަން އޮށޯތުމާއެކު ޝީންއަށްވެސް ނިދުނެވެ.
ނަފީސާ ޝީންއަށް ކާން ގޮވުމުންވެސް ޝީންގެ ހަބަރެއް ނުވުމުން އެވަރައް ނުގޮވާ ދިޔައީ ރައިން ހޭލާފާނެތީއެވެ.
އަޔާޒް ކާން ނިކުންއިރު މިރޭވެސް ޝީން ކާކައް ނުނިކުމެއެވެ.
ކޮބާ ޝީން ކާން ނުނިކުންނަނީތަ؟ އަޔާޒް އައިފަހުން ޝީން ރޭގަނޑު ކާން އެއްރޭވެސް ނުނިކުންނާތީ އަޔާޒް މަންމަ ކާރީއަހާލިއެވެ.
ނިދިފަ ހެން ހީވަނީ ދެފަހަރަކު ގޮވާލާފަ މިއައީވެސް”
ހަދާނެ ގޮތެއްނޭގި އެކަމާ ވިސްނާ ވިސްނާ އަޔާޒްގެ ސިކުޑި ހާސްވާންފެށިއެވެ.
ދުވަސްތައް އެގޮތުގައި ވޭތުވެގެން ދާއިރު އަޔާޒް ބޭނުންވާ ކަހަލަ ފުރުސަތެއް ޝީންގެ ފަރާތުން އަޔާޒްއަކައް ނުލިބެއެވެ.
ކޮންމެ ދުވަހަކުވެސް ރޭވެ އަލިވަމުން ދިޔައީ އެއްކަހަލަ ގޮތަކަށެވެ.
ސުކޫލް ޗުއްޓީ ލިބުމުން ނަފީސާ ޔާސިރުއާއި އެކު ލަންކާއަށް ދިޔައީ ޔާސިރުގެ އާއިލާ ގާތަށޭވެ.އެދަތުރުގައި ނަފީސާ ޝީން ގެންދަން ކިތަންމެ ބޭނުން ކަމުގައި ވިޔަސް ޝީން އޮފީހުން ޗުއްޓީ ނުލިބޭނެ ކަމައްބުނީ ދާންބޭނުން ނުވުމުންނެވެ.
އަޔާޒް މާލެއައިތާ ހަފްތާއެއްވާން ގާތްވެފައި ވަނިކޮއް އޮފީހައް ނިކުންނަން ފެށިއެވެ.
މާދަން އާޔަންގެ މަންމަ މެން ފުރާތީ ރައިން ދެކިލުމައް ބޭނުން ވާ ވާހަކަ ބުނުމުން ޝީން މޯނާ އަށް ގުޅާލުމައްފަހު ރައިން ރީތިކޮއްލުމައް އެދުނެވެ. ކުޑަ އިރުކޮޅެއްގެ ތެރޭގައި ޝީން އާއި އާޔަން އެގޭ ދޮށައްގޮސް ރައިން އުރާލައިގެން ނިކުތެވެ.
އާޔަން އުޅޭ އެޕާޓްމެންޓްތެރެއަށް ވަދެވުމާއެކު ސީމާ އާޔަން އުރާލިއެވެ.އަދި ޝީން ގާތުވެސް ޗުއްޓިއެއް ނަގައިގެން އާޔަންއާއި އެކު އެމީހުންގާތައް ދިއުމައް އެދުނެވެ.
ޝީން ހިނިތުންވެލުމަކާއެކު ބޯޖަހާލިއެވެ. އާޔަން ރައިން ގޮވައިގެން ބޭރައް ނިކުތީ ރައިން އަށް ރޮވެން ފެށީމައެވެ.
ދުއްވާލާފަ ދޯ ދާނީ” އާޔަން އެހެން ބުނެލުމުން ޝީން އެއަށް ދެކޮޅުނުހަދާ ބޯޖަހާލިއެވެ.
އާޓިފިސަލް ބީޗާ ހިސާބައް އާދެވުމުން ކާރު ޕާކް ކޮއްލުމައްފަހު ފޭބިއެވެ.
ތިން މީހުން އެކުގައިގޮސް ވެލިގަނޑުގައި އިށީދެލުމާއެކު ރައިން މަޖާވެގެން އުޅެން ފެށިއެވެ.
ބްރޭކް ވޯޓާ މަތީބައިގައި ނަވާލް އާއި އަޔާޒް އިނީ ވާހަކަތެރެއަށް ގެއްލިފައެވެ.އަޔާޒްގެ ކޮންމެ ވާހަކައެއް އަޑުއަހަމުން ދިޔައިރު ނަވާލްވެސް އިނީ އަނގައިން ބުންނަންވެސް ނޭގިފައެވެ. އެހާދުވަސް ވީއިރު އަޔާޒް އެއިން އެއްވެސް ވާހަކައެއް އޭނާ އާއި ހިއްސާ ކޮއްފައެއް ނުވެއެވެ.
ކަންތައް ވެގެން ދިޔަގޮތުން ނަވާލް ވެސް އިނީ ބުނާނެ އެއްޗެއް ނޭގިފައެވެ.
ޝީން ވާހަކަ ނުދެއްކިޔަސް އަޔާ އޭނަ ކައިރިން މާފައް އެދޭ “އޭގެ ފަހުން އޭނަދޭ ޖަވާބެއްވެސް އެނގިދާނެއްނު” ނަވާލްވަރައް ވިސްނަން އިނދެފައި ބުނެލިއެވެ.
އަޔާޒް ވެސް ނަފާލްގެ ވާހަކައަށް އެއްބަސް ވެލުމައްފަހު ދުރައް ނަޒަރު ހުއްޓާލިއެވެ.އެވަގުތު އެދެލޮލައްފެނިގެން ދިޔަ މަންޒަރުން އިތުރު ތަދެއް ހިތައް ކުރިއެވެ.
ވެލިގަނޑު މަތީ އިށީންދެލައިގެން ތިބި ތިންމީހުން ފެނުމުން އަޔާޒް އަށް އެދިމަޔައް ބަލަހައްޓައިގެން އިދެވުނީއެވެ.ނަވާލްވެސް އެދިމަ ބަލާލީ އަޔާޒް ބަލަން އިން ގޮތް ފެނިފައެވެ.
ޝީންތަ އެއީ؟އެއީތަ އޭނަ ދަރިފުޅު؟ ދެން އެކޮން ފިރިހެނެއް ؟އެދިމައަށް ބަލަހައްޓައިގެން އިދެ ނަވާލް ފަހަރަކު ސުވާލެއް ކުރަމުން ދިޔައެވެ.އަޔާޒް އާޔަންގެ ވާހަކަވެސް ނަވާލްއަށް ކިޔައިދިނެވެ.
ދެވަނަ ފަހަރައް ބޭނުންތަ ޝީން ގެއްލެން؟ ނަވާލް އަޔާޒްއާއި ދިމާލައް ބަލައިލަމުން ބުނެލިއެވެ. މިހާރުވެސް މާލަސްވެއްޖެ އަޔާ ؟ ނަވާލް ދެވަނަ ފަހަރައް އަޔާޒްއަށް ޝީން ގެއްލެން ބޭނުން ނުވާތީ ބުނެލިއެވެ.
އިރު އޮއްސެން ގާތް ވުމުން ރައިން ގޮވައިގެން އާޔަން އާއި ޝީން ގެއަށް ދިއުމައްޓަކާ ތެދުވިއެވެ.
އެހުރިހާ އިރު އެމީހުންނައް ބަލަހައްޓައިގެން އަޔާޒްއިނެވެ.
ގެއަށް އާދެވުނުތަނާ މުޅި އުދަރެސް ބައްދާލާފައި ގަދަވަޔާއެކު ބޯކޮއް ވާރޭ ވެހެން ފެށިއެވެ.
ރައިން ނިންދަވަން ވަން ޝީންއަށް ނިދިފައި ހޭލެވުމާއެކު ގަޑިބަލާލިއެވެ.އެގާރަ ޖެހުމާގާތްވެފައިވާތަން ފެނުމުން ފުންމައިގެން އެނދުން ތެދުވެވުނެވެ
.އޭރުވެސް ވެހެމުން ދިޔަވާރޭ ފަހަރަކައްވުރެ ފަހަރަކައް ވުރެ ފަހަރެއް ބޯކުރަމުން ދިޔައެވެ. ނަފީސާ ނެތުމުން މިރޭ އޭނަ އަޔާޒް އަށް ކާންދޭން ޖެހޭނެކަންވެސް ހަދާން ނައްތާލާފައި ނިދުމުން އަމިއްލަނަފުސައް ރުޅިބޭލުނެވެ. ބަނޑުހައިވެފަ ހުރިވަރުން ބަނޑުގައި އަތް ހާކާލަމުން ޝީން ތިރިއަށް ފޭބިއެވެ.
ސޯފާގައިފުން ވިސްނުމަކައްގެއްލިފައި އޮތް އަޔާޒްއަށް ތިރިއަށް ފައިބައިގެން އައި ޝީން ފެނުމުން ބަލަހައްޓައިގެން އޮވެވުނެވެ.
ފަނޑުއަލިކަމުގައި ސޯފާގައި މީހަކު އޮތްކަން ނޭގި ޝީން ގޮސް ބަދިގެއަށް ވަނެވެވެ
ސޯފާގައި އަޔާޒް އޮންނަތާ ފަނަރަ ވަރަކައް މިނެޓް ފަހުން ޝީން ނިކުތެވެ.
ސޯފާއިން ތެދުވެގެން އައިސް އަޔާޒް ޝީން ކުރިމައްޗައް ހުއްޓީލިއެވެ.
ކުއްލިއަކައް އަޔާޒް ފެނުމުން ޝީންއަށް ހަޅެއްލަވައިގަނެވެން އުޅުނެވެ.ނަމަވެސް އަޔާޒް އެއަށްވުރެ ހުށިޔާރެވެ.އޭގެ ކުރިން އަޔާޒް ޝީންގެ އަނގަމަތީ އަތް އަޅިއެވެ.
ލޮލާ ލޯ ބައްދަލްވެގެން ދިޔަވަގުތު އަޔާޒް ލޮލައް ގިނަވަމުން ދިޔަ ކަރުނަތައް ޝީންގެ އަށްފެނުނެވެ.
އެވަގުތު އެއްވެސް އިހްތިޔާރަކާއި ނުލާ ޝީން އަޔާޒްގެ ގައިގާ ބައްދާލަމުން ރޯންފެށިއެވެ.
އަޔާޒްގެ ލޮލުން ފައިބަމުން ދިޔަ ކޮންމެ ކަރުނަ ތިއްކެއް ޝީންގެ ބޮލު އިސްތަށިގަނޑު ތެރެއަށް ވަދެގެން ދެއެވެ.

ނުނިމޭ