ހިތާމައެހެނިހެންލޯބި

ތިޔަ އަސަރު 48

maroon
February 28, 2018 17 Mins Read
113 Comments

ދަތުރުގެ ދެވަނަ ދުވަހެވެ.

ފަތިސް ނަމާދުކޮށްލައިގެން އެއްމެން ވެސް އަވަސްވެގަތީ ހެނދުނު ނާސްތާ ތައްޔާރުކޮށްލުމަށެވެ.

ރޭގެ ހާދިސާއަށްފަހު އަޝްވާ އިތުރަށް ކާއިންގެ ކުރިމައްޗަށް އަރަން ލަދުގަތެވެ. ރޭގެ ފިނި މެންދަމުގައި އަޝްވާގެ ސިކުޑި ބަރުކޮށްފައިވަނީ ކާއިންގެ ހިޔާލުތަކުންނެވެ. ގުގުރާއިރު ބިރުން ދެ ލޯ މަރާލިއަސް އެޔަށް ވުރެ ބޮޑަށް ކާއިންގެ ހިޔާލުތައް އަޝްވާ ބިރުގަންނަވާލައެވެ. މި ބިރުވެރިކަން ހިތުގައި އޮތަސް އެހިޔާލުތަކާއި އެކީ އަޝްވާއަށް ހިނިތުންވެވޭ ސަބަބެއް ހުދު އޭނާއަކަށް ވެސް ނޭނގެއެވެ. އެނގޭހާވެސް ކަމަކީ ކާއިން ކުރާ ކޮންމެ މިކަހަލަ ކަމަކަށް ކުރިން އޭނާ ހަޅޭތްލެވިޔަސް މިއަދު އެކަން ކުރަން ބޭނުން ނުވާ ކަމެވެ.

“ކޯއްޗެއް މިއަދު އަހަންނަށް ކައްކާލަ ދޭން ތިޔަ އުޅެނީ” ރޮށި ފިހަން ހުރި އަޝްވާއަށް ފަހަތުން ކާއިންގެ އަޑުއިވުނެވެ. ކާއިންގެ އަޑުއިވުމާއި އެކު އަޝްވާ ދިޔައީ ސިއްސައިގެންނެވެ. ދެ ލޯ ބޮޑުކޮށްލައި އަވަސް އަވަހަށް ފަހަތަށް އެބުރިލި އިރު ކާއިން އެއްމިޔަކުން ހީލައިގެން ބަލަހައްޓައިގެން ހުއްޓެވެ.

ކާއިންގެ އެ ބެލުމުގެ ސަބަބުން އަޝްވާއަށް ފަހަތަށް ޖެހެވުނެވެ. އަޝްވާ ފަހަތަށް ޖެހުނީ ވިސްނާނުލައި ކަމުން މޭޒުމަތީގައި ހުރި ހޫނު ތަވާގައި އަތް ޖެހި އަނެއްކާ ވެސް ސިއްސައިގެން ދިޔައެވެ.

އަޝްވާއަށް އަނިޔާއެއް ލިބުނު ތަން ފެނި ކާއިންގެ ހިތަށް ކުއްލި ހާސްކަމެއް ވެރިވެގެން ދިޔައެވެ. އަވަސް އަވަހަށް ކުރިއަށް ޖެހިލައި އަޝްވާގެ އަތުގައި ހިފައި ބަލަން ފެއްޓިއެވެ.

“ތަދުވޭ ތަ؟ ވަރަށް ބޮޑަށް ތަދުވޭ ތަ؟ ބޭސް އަޅައިދެން ތަ؟” ހާސްކަމާއި އެކު ކާއިން އަވަސް އަވަހަށް އަހާލިއެވެ.

“ނޫން” ތަދު ވިޔަސް ކާއިންއަށް ވެފައި ހުރި ވަރު ފެނިފައި އަޝްވާ އަވަސް އަވަހަށް ބުނެލިއެވެ.

“ދެން ވެސް ބަލައިގެން އުޅޭތި.. ނަސީބެއްނު އުނދުނުގެ ހުޅުގަނޑުގައި އަތް ނުޖެހުނުކަން” ސީރިއަސް ވެލަމުން ކާއިން ބުނެލިއެވެ.

“ކާއިން ބެލީމައެއްނު އެހެން ވީ…” އަޝްވާ އުޅުނީ ކާއިންއާއި ދިމާލަށް ހަޅޭތްލަވައިގަންނާށެވެ. އެހެންނަމަވެސް ވަކި ހިސާބަކަށް ދެވުނު ތަނާ އަނގަ ބަންދުވިއެވެ.

“އަޝްވާއަށް އަހަރެން ފެންނަނީ ކަނޑުން އަރައިގެން އަންނަ ކަހަލަ ފުރާތައެއް ހެންތަ؟ އެހެންވާތީ ދޯ މިހާރު އަހަރެން ފެންނަ އިރަށް މީހާ ބިރުން ތުރުތުރު ތި އަޅައިގެންނަނީ.. ” ކާއިން މަޖާވިޔަސް އެކަން ފޮރުވޭތޯ އުޅުނެވެ.

“އެހެން ނުބުނަން ދޯ… ” ބަހަނާއެއް ހޯދަން އުޅެ އުޅެ ނުވިސްނުމުން އަޝްވާ ބުނެލިއެވެ.

“ދެން އެހެންވެއްޖާ ކީކޭ ތި ބުނަނީ؟ ދެ މީހުންގެ ގުޅުމަށް ކޮން ބަދަލެއް އައިސްގެން އަޝްވާ އަހަންނާއި ދުރުވާން ތި އުޅެނީ” ކާއިން ހުރީ އަދިވެސް އަޝްވާގެ އަތުގައި ހިފައިގެން ކަމުން ހިތުގެ ތެޅުން އަވަސްވެއްޖެކަން އެނގުނެވެ.

“ރޭގަ ކުރި ސުވާލުގެ ޖަވާބުގައި ކީކޭ ބުނަނީ؟” އަޝްވާ ވާހަކަ ނުދެއްކުމުން ކާއިން އަނެއްކާ ވެސް ސުވާލެއް އަމާޒުކޮށްލިއެވެ.

“ކޮން ސުވާލެއް؟” ޖަވާބު ލަސްކުރަން ބޭނުންވާތީ އަޝްވާ ބުނެލިއެވެ. ނޫނީ ދޭނެ ޖަވާބެއް އަދިވެސް ކަނޑަނާޅަނީ ކަންނޭނގެއެވެ.

“އަހަރެން ނެތިން ސުވާލު ތަކުރާރު ކުރާކަށް.. އަޝްވާއަށް އެނގޭނެ މިހާރު އަހަރެން ކުރި ސުވާލު ވެސް އަދި ބޭނުންވާ ޖަވާބު ވެސް.. އެހެންވީމަ އަޝްވާ ގޮތެއް ނިންމަން ދެން އަހަރެން މަޑުކުރާނަން.. އަދި ވެސް ބުނެލަން، އަޝްވާ އެކަނިކޮށްލާފަ އަހަރެން ނުދާނަން.. ކޮންމެ ހާލަތެއްގައި ވެސް އަޝްވާއާއި އެކީ އަހަރެން ވާނަން.. ” ކާއިން އުޅުނީ އަދިވެސް ވާހަކަ ދައްކާށެވެ. އެހެންނަމަވެސް ވާހަކަ މެދުކަނޑާލަން ޖެހުނީ އެވަގުތު އެތައް ރީމް އާއި ޝަނުމް އައުމުންނެވެ.

“ރީމް! ހާދަ ލަހުން ހޭލައިގެން އުޅޭ ދުވަހެއް… އަނެއްކާ ބަލީ ތަ؟” ރީމް ފެނުމާއި އެކު އަޝްވާގެ އަތުން ދޫކޮށްލަމުން ކާއިން އަހާލިއެވެ. އޭނާ ކުރިން ހީކުރި ގޮތާއި ހިލާފަށް ރީމް ވީ ތަފާތު ކުއްޖަކަށެވެ. ހާއްސަކޮށް ބައްޕަ ޖަލަށް ލުމަށްފަހު މާކޯނި ގެޔަށް ބަދަލުވި ފަހުން އެއްމެން އެކުގައި އުޅެން ފެށުނު ހިސާބުންނެވެ. ކާއިން ވެސް ފަތިސް ނަމާދަށް ތެދުވާއިރު ރީމް ވެސް ހޭލައިގެން ހެނދުނުގެ ނާސްތާ ތައްޔާރު ކުރުމައިގެން އުޅޭ ތަން ފެނެއެވެ. އަދި ޝަނުމްއާއި އެކު އުޅޭއިރު ވެސް ފިރިމީހާއަށް ދޭން ޖެހޭ އިހުތިރާމް ވެސް ފެނެއެވެ.

ކާއިން އެހެން ބުނުމުން ރީމް ބަލައިލީ އޭނާއާއި ޖެހިގެން މޭޒު ދޮށުގައި އިށީދެލި ޝަނުމްއަށެވެ. ރޭގެ އެ ކަންތަކަށް ފަހު ޝަނުމްއާއި ދެ މީހުން އަދި އެކަކު އަނެކަކާއި އެއްމެ ބަހެއް ވެސް ނުބުނެއެވެ. ދެ މީހުން ވެސް ތިބެނީ ލަދުން އިސްވެ ވާހަކަ ދައްކާނެ މީހެއް ނޭނގިފައެވެ.

“ތެދެއް ބަލީ ތަ؟… ބަލިއްޔާ ގޮސް އޮށޯވެލަންވީއެއްނު.. ސައި ތައްޔާރު ކުރެވުމުން އަހަރެން ގޮވާލާނަން” ރީމް އާއި ދިމާލަށް އެބުރިލަމުން އަޝްވާ ބުނެލިއެވެ.

“ނޫނޭ ބައްޔެއް ނޫން… ކޮބާ އެހެން މީހުން… އަދިވެސް ނިދާފަތަ؟” މައުޟޫ ބަދަލުކޮށްލަމުން ރީމް ބުނެލިއެވެ.

“އެހެން މީހުން އެކި ދިމާ ދިމާލަށް ގޮއްސި.. ގޭހުން ކެއްކުމަށް ވުރެ މީރުވާނީ ދަރުން ކެއްކީމައޭ ބުނެ ކައުސަރު ދައްތައާއި ހަފީޒާ ދައްތަ ގޮއްސި ދަރުކޮޅެއް ހޯދާލަން.. އަހަރެން މިއުޅެނީ އެމީހުން އައުމުގެ   ކުރިން ރޮށި ފިހެވޭ ތޯ” ރީމް އާއި ބައިވެރިވެލަމުން އަޝްވާ ވެސް ބުނެލިއެވެ.

“އަހަރެމެން އެބަ އަންނަން މޫދަށް އެރިލާފަ” ޝަނުމް ރީމްގެ އަތުގައި ހިފާލަމުން އެތަނުން ދިޔައެވެ. އެމަންޒަރު ބަލަން އަޝްވާ ކަޅި ނުޖަހައި ހުރި އިރު ކާއިން ހުރީ އަޝްވާގެ ހަރަކާތްތައް ބަލާށެވެ. އަދިވެސް އަޝްވާގެ ހިތުން ޝަނުމްގެ ނަން ނުހުފެވޭކަން ޔަގީނެވެ. ކާއިން ހިތަށް އެރިއެވެ.

ދަތުރު ނިމުނީ ރީމްއާއި ޝަނުމްގެ ގުޅުން އިތުރަށް ބަދަހި ކުރުވަމުންނެވެ. އަޝްވިންއާއި އީޝް އަދި ހިންދު އެމީހުންގެ އަމިއްލަ ދުނިޔެއްގައި އުޅެމުން ދެއެވެ.

ކާއިން އަޝްވާއަށް ކުރާ ސަމާސާތައް އިތުރުވާތީ އަޝްވާ ގިނަވަގުތު ހޭދަކުރީ ގޭގެ އެހެން އަންހެނުން ކައިރީގައެވެ.

 

ބައްޕައާއި ބައްދަލުކޮށްލުމަށްފަހު އޮފީހަށް އައި ކާއިންއަށް ވާންވީ ދެރަ ކަމެއް އަދި އަންނަންވީ ރުޅި ކަމެއް ނޭނގުނެވެ. އެތައް ދުވަހަކަށްފަހު ބައްޕައާއި ބައްދަލުކޮށްލަން ފުރުސަތު ލިބުމުން ކާއިން ހުރީ އުފަލުން ފޮޅިފައެވެ. އެހެންނަމަވެސް ބައްޕަ ދެއްކި ވާހަކަތަކުން އެ އުފާވެރިކަން އިސާހިތަކު ނެތިގެން ހިގައްޖެއެވެ. ތަހުގީގު ކުރަމުން ދާ މައްސަލައަކަށް ވުމުން ފުލުހުން ކައިރީ އަހައިގެން ވެސް އިތުރު މައުލޫމާތު ނުލިބުމުން ކާއިން ހީކޮށްގެން ހުރީ ބައްޕަ އަމިއްލައަށް އިއުތިރާފުވީ ކުޑަ މައްސަލައަކަށް ކަމަށެވެ. އެހެންނަމަވެސް ކަންވީ އެހެންނެއް ނޫނެވެ.

“އަޝްވާ!!” ރުޅި އައިސްގެން ހުރެ އަޝްވާގެ ކެބިންގެ ދޮރު ހުޅުވާލަމުން ކާއިން ބާރަށް ހަޅޭތްލަވައިގަތެވެ.

ކާއިން އެހާ ބާރަށް ކުއްލިއަކަށް ހަޅޭތްލަވައިގަތުމުން އެ ވަގުތު ކޮފީއެއް ބޯން އިން އަޝްވާގެ އަތުގައި ހުރި ހޫނު ކޮފީތަށި ގަޔަށް އޮއްސިގެން ދިޔައެވެ.

“ކާއިން… ކީއްވެ ތަ ތިހާ ބާރަށް ތި ގޮވައިގަތީ؟” ތަދުވުމުން ރުޅި މޫނު ހަދާލަމުން އަޝްވާ ބުނެލިއެވެ.

“އަދި އަހަރެން ގޮވިލެއް މަޑު ކަންނޭނގެ!” އެހެން ބުނެލަމުން ކާއިން އަޝްވާގެ ކެބިންއަށް ވަދެ އެތެރެއިން ތަޅުލިއެވެ. ކާއިން އެހެން ކަންތައް ކުރުމުން އަޝްވާ އަވަހަށް ކޮޅަށް ތެދުވެ ކާއިންއާއި ދިމާލަށް ހިނގައިގަތީ ކޮންމެވެސް ގޯސްކަމެއް ވެއްޖެ ކަމުގެ އިހުސާސް ކުރެވުމުންނެވެ.

“ކާއިން ކިހިނެތް ވީ ތަ؟” ސުވާލުން ފުރިގެންވާ ބެލުމަކުން ކާއިންއާއި ދިމާލަށް ބަލާލަމުން އަޝްވާ އަހާލިއެވެ.

“އަހަރެން ކޮން ކަމެއް ކޮށްގެންތަ އަޝްވާ މިހެން ކަންތައް ކުރީ.. ފުލުހުންނަށް އެކަންތައް ކިޔައިދިނީ އަހަރެން އަޝްވާއާއި ދިމާލަށް ފަލައޭ ބުނެ އެއް އިރެއްގައި ޖެއްސުން ކުރީތީ އޭގެ ބަދަލު ދޭން ތަ ؟؟ ބުނެ ބަލަ އަޝްވާ!!! އަހަރެން އަހަރެންގެ އަމިއްލަ ނަފުސަށް ވުރެ ބޮޑަށް އަހަރެން އަޝްވާއަށް އިތުބާރު ކުރިން…އެކަމަކު އޭގެ އަގު އަދާކޮށްދޭން އަޝްވާއަށް އެގުނު ގޮތަކީ މިއީތަ؟” އަތުގައި ހުރި ގަނޑުތައް އަޝްވާގެ މޫނާއި ދިމާލަށް އުކާލަމުން ކާއިން ހަޅޭތްލަވައިގަތެވެ.

“އަހަރެން  ފުލުހުންނަށް ކޯއްޗެއް ކިޔައިދީގެން ތަ ކާއިން ތިހާ ރުޅި އައިސްގެން ތި އުޅެނީ” ކާއިންގެ ލޮލުން ރުޅިއަށް ވުރެ ބޮޑަށް އަޝްވާއަށް ފެންނަމުން ދިޔައީ ހިތާމައެވެ.

އަޝްވާ އަވަސް އަވަހަށް ކާއިން އުކާލި ގަނޑުތައް ބިން މަތިން ނަގައި އޭގައިވާ އެއްޗެއް ބެލުމަށް އުޅުނެވެ. އަޝްވާ އޭގައިވާ އެއްޗެއް ކިޔާލުމާއި އެކު ހައިރާންކަން ލިބިގެން ދިޔައެވެ. އަދި ދެވަނަ ފަހަރަށް އަދި ތިންވަނަ ފަހަރަށް ވެސް އޭގައިވާ އެއްޗެއް ކިޔާލިއެވެ. ނަމަވެސް ހައިރާންކަން ވީ އިތުރެވެ.

“ކާއިން، މިއީ އަހަރެން ލިޔުނު އެއްޗެއް ނޫން…” އަޝްވާ ކާއިން އާއި ދިމާލަށް ބަލާލަމުން ބުނެލިއެވެ.

“އިތުރު ބަހަނާ ދައްކައި އެކްޓު ޖައްސާނެ ކަމެއް ނެތް.. އަހަރެން އެއްމެ ގާތް ކޮށްގެން ގެންގުޅުނީ އަޝްވާ.. އަޝްވާ ނޫން ދެވަނަ މީހަކަށް މީގައި މިވާ އެއްވެސް އެއްޗެއް ނޭނގޭނެ.. ޝައިމްއަށް ވެސް އަހަރެން ނުކިޔައިދެން.. ދެން އެހެންވީރުން މިކަންތައް މިހެންވާންވީ ގޮތެއް އަޝްވާ އަހަންނަށް ކިޔައިދީބަލަ… ބުނެބަލަ އަޝްވާ ނޫން ދެވަނަ ނޫން މީހަކާއި ހިއްސާކުރި މައުލޫމާތު ޕޮލިހުންނާއި ހިސާބަށް ދިޔަ އެއްވެސް ގޮތެއް..” ކާއިން އެތައް ގޮތަކުން ސުވާލު ތަކުރާރު ކުރިއެވެ.

“މީ އަހަރެން ޕޮލިހުންނަށް ދިން މައުލޫމާތެއް ނޫން.. ކާއިން ވިސްނާލިއަސް އެނގޭނެ އަހަރެން ކާއިންއަށް ދެރައެއް ލިބޭ ފަދަ އެއްވެސް ކަމެއް ނުކުރާނެކަން.. ” ނުކުރާ ކުށަކުން ދިފާއުވުމަށް އަޝްވާ އުޅުނެވެ.

“އެކަމަކު އަޝްވާ! މީ އަޝްވާގެ ސޮއޭ!! މީ އަޝްވާގެ ނަމޭ!!” އަޝްވާ އަތުން ގަނޑު ދަމައިގަނެ އޭގެ ތިރީގައިވާ އަޝްވާގެ ނަމާއި ސޮޔަށް އިޝާރާތްކޮށްލަމުން ކާއިން ބުނެލިއެވެ.

“މީ އަހަރެން ސޮޔެއް ކަމަކު އަހަރެން މި ބުނަނީއެއްނު މީ އަހަރެން ކުރި ކަމެއް ނޫނޭ.. އަހަރެން ކީއްކުރަން ކާއިންއަށް ދެރައެއް ދޭންވީ؟؟ އަހަރެން މި އޮތް ހާ ދުވަހު ކާއިން އާއި އެއްކޮށް މިއުޅެނީ ކާއިންއަށް މިކަމުން ސަލާމަތްވެވޭނެ ގޮތެއް ހޯދޭ ތޯ! އެކަމަކު ކާއިން ތި ބުނަނީ އޭގެ އެއްވެސް އަގެއް ނެތޭ ތަ؟ އަހަރެން ކޮށްދިން ހުރިހާ ކަންތަކަށް ފަހު ކާއިން ތި ބުނަނީ ކާއިން އަހަންނަށް އިތުބާރު ނުކުރަމޭ ތަ؟؟ ކީއްވެ ކާއިން؟ މީ ވެދާނެ އެހެން މީހެއް އަހަރެންގެ އަގު ވައްޓާލަން ކުރި ކަމަކަށް ވެސް.. ” އަޝްވާ ދެރަވިއެވެ. ކާއިން އޭނާއަށް އިތުބާރު ނުކުރާކަން ހާމަވުމުން ހިތުގައި ރިއްސާލިއެވެ.

“ތިހެން ނުބުނޭ އަޝްވާ!! މިއީ އަޝްވާގެ ސޮއި.. މިހާ އުނދަގޫ ސޮއެއް ކުރަން އެހެން އެއްވެސް މީހަކަށް ނޭނގޭނެ.. އަހަރެން މި ސޮއި ދަސްކުރަން އޮފީސް ތެރޭ އުޅުނު ހާލު އަޝްވާއަށް އެނގޭނެ.. އަޝްވާގެ ސޮއި އުނދަގޫވެގެން އަހަރެން އެތައް ފަހަރެއްގެ މަތިން އަޝްވާ ސޮއި ކުރާތަން ބަލައިގެން ވެސް ދަސްކުރެވޭތޯ އުޅުނިން.. ވީ އިރު އެހެން މީހަކަށް މިކަން ކުރެވޭނީ ކިހިނެތް؟ އޮފީހުގައި އުޅޭ އެހެން މުވައްޒަފުން އަށް އަޝްވާ މިތާ ތެރޭގައި ކުރާ ސޮއި ފެންނާނީ ކިހިނެތް؟؟ … ޕޮލިހުން މި ގަނޑުތައް އަހަންނަށް ދެއްކުމުން މިއީ އަޝްވާ ނުކުރާނެ ކަމެއް ކަމަށް ބުނެ އަހަރެން އެމީހުންނާއި އެތައް ޒުވާބެއް ކުރިން…ބުނިން އަހަރެންގެ އަޝްވާ އަހަންނަށް ދެރައެއް ނުދޭނޭ.. އެތައް ފަހަރެއްގެ މަތިން އެދުނިން އަލުން މިކަންތައް ބަލައި ދިނުމަށް.. އެކަމަކު އަޝްވާ!! އަހަރެންގެ ހިތް އަޝްވާ މިކަހަލަ ކަމެއް ނުކުރާނެއޭ ބުނަމުން ދިޔައިރު އަހަރެންނަށް ވެސް ސިކުޑިން ވިސްނާލީމަ އެގިއްޖެ މިއީ އަޝްވާ ކުރި ކަމެއް ކަން… އަޝްވާގެ ނޫ ގަލަން އަޝްވާ ނޫން އެހެން ދެވަނަ މީހެއް އަތަށް ނުދާނެ.. އަޝްވާގެ ސޮއި އެހެން ދެވަނަ މީހަކަށް ކުރާކަށް ނޭނގޭނެ.. އަދި ބުނަންތަ އަހަރެން އެއްމެ ދެރަވާ ސަބަބު؟؟ އެއީ އަޝްވާ އަހަންނާއި ތިހާ އެއްކޮށް އުޅޭ އިރުވެސް އަޝްވާއަށް އަހަރެން އިހުސާސްތައް ދަސްނުވީތީ.. އަހަންނަށް އެނގޭ މިއީ އަޝްވާ އަހަރެން ސަލާމަތް ކުރަން ކުރި ކަންތަކެއް ކަން.. އެކަމަކު އަޝްވާ! ބައްޕަ އަހަރެން ކައިރީ ނެތް ނަމަ އަހަންނަށް ހިނިތުންވެވޭނެތަ؟ އަމިއްލަ ޖާނާއި މާލު ގުރުބާންކޮށްގެން ވެސް އަހަރެން މި ބަލަނީ އަހަރެންގެ ލޯބިވާ ބައްޕައަށް ރައްކާތެރިކަން ދެވޭ ތޯ.. ބައްޕައަކީ ކުށް ކުރި މީހެއް… ވަރަށް ބޮޑު ކުށެއް ކުރި މީހެއް! އެކަމަކު އެއީ މާޒީ ކަމަށް ބަލައި ބައްޕަ އިސްލާހުވާން އުޅުނު.. ތައުބާވެ އުޅުން އިސްލާހު ކުރި.. މީހެއްގެ ހައްގަކަށް އަރައިގެންފައިވާ ނަމަ އެކަމުގެ ބަދަލު ދޭން މާލުން ގުރުބާން ވުމަކަށް ފަހެއް ނުޖެހުނު.. ޑުރަގު އެތެރެ ކުރުމަކީ ކުރެވުނު ބޮޑު ފާފައެއް ކަމަށް ހަމަ ބުއްދިއަށް ވިސްނުމުން ދެތިން އަހަރު ވެއްޖެ ބައްޕަ އެކަމުން ދުރުވެވޭތޯ އުޅުނުތާ!! އެކަމަކު އެ ގޮތްދޫނުކުރާ ގައްދާރުން ބޭނުމެއް ނުވި އެމީހުންގެ މައުލޫމާތު އެހެން މީހަކަށް އެނގޭނެ އެއްވެސް ގޮތެއް ބާއްވަން.. އެހެންވެ އެމީހުން މިވީހާ ތަނަށް ބައްޕަ ފަހަތުން ނުނެއްޓިގެން އެއުޅެނީ.. މާޒިންއާއި މައިރާ އެމީހުންނާއި ބައިވެރިވުމުން އެމީހުންނަށް ލިބުނު އިތުރު ހިތްވަރަކަށް މިކަން ވެގެން ދިޔައީ.. މައިރާ އަށް ބައްޕައެއްގެ ލޯބި ނުލިބުނީ ތީ އޭނަ ބޭނުންވަނީ އަހަރެންގެ ލޯ ކުރިމަތީ ބައްޕަ މަރާލައި ބައްޕައެއްގެ ލޯބި ނުލިބުމުން އުޅެން ޖެހޭ ހިތިކަން އަންގައިދޭން.. ދެން އެހެރީ އެ މާޒިން.. މައިރާ ބައްޕަގެ ނަމުގައި  މަކަރު ހަދައި އޮޅުވާލައި އެތައް ޑުރަގެއް ރާއްޖެ އެތެރެކޮށް އެ ޑުރަގުން މީހުން ބައްޕައާއި މެދު މީހުންގެ ހިތުގައި ނަފުރަތާއި ރުޅިވެރިކަން އުފައްދަން އުޅުނީ.. އޭނަގެ ޕުލޭން މޮޅުކަމުން މާޒިން ވެސް އެމަޅީގައި ޖައްސައި ގާތްކޮށްގެން އެއުޅެނީ…” ކާއިންގެ އަޑު މަޑު ވިޔަސް ރުޅިގަނޑު މަތަނުކުރެވެއެވެ.

“ކާއިން! އަހަންނަށް އިތުބާރު ކުރޭ.. އަހަރެން ކުރި ކަމެއް ނޫނޭ މިއީ!” ކާއިން ރުޅި އަތުވެއްޖެނަމަ އެކަން މައިތިރި ކުރެވެނީ ހަމައެކަނި އަޝްވާ އަށެވެ. އެހެންނަމަވެސް މިއަދު އެކަން ވާނެ ހެއްޔެވެ؟

“އަޝްވާ!! އަހަރެން އަދިވެސް އަޝްވާއަށް އިތުބާރު ކުރަން.. އެކަމަކު އަޝްވާއަކަށް ނުބުނެވޭނެ މިއީ އަޝްވާ ކުރި ކަމެއް ނޫނޭ!! އިތުރަށް ދޮގު ނުހަދާ.. އަޝްވާ މިކަން ކުރީ އަހަރެން ސަލާމަތް ކުރަން ކަމަށް ވެދާނެ.. އެކަމަކު މިއިން އަހަންނަށް ލިބުނު އެއްވެސް އުފަލެއް ނެތް.. އިތުރަށް ބޯ ހާސްވެ ތެޅިފޮޅެން މިޖެހުނީ ..” ކާއިންއަށް ރޮވުނެވެ. ހާސްވެ ދެރަވި ވަރުންނެވެ.

އެގަނޑުގައި އެވާ މައުލޫމާތު ތަކަކީ މީގެ ދުވަސްތަކެއް ކުރިން ކާއިން އަޝްވާއަށް ދައްކަން އޮފީހަށް ގެނައި މައުލޫމާތު ތަކެކެވެ. އެދުވަހުގެ ހަނދާން ކާއިންގެ ސިކުޑީގައި އަދިވެސް އެބަ ހުއްޓެވެ. އެ ދުވަހަކީ މިއުވާންގެ ބައްދަލުވުމެއް އޮތް ދުވަހެކެވެ. އަދި ޓްރެކިންގ ޑިވައިސް ބައްދަލުވުމަށް އައި މީހުންގެ ފޮށީގައި ހަރު ކުރި ދުވަހެވެ. އެދުވަހު އަޝްވާ އައުމުގެ ކުރިން ކާއިން ރީމްގެ ޕުރިންޓަރުން އެ މައުލޫމާތުތައް ޕުރިންޓު ކުރިއެވެ. އެޔަށްފަހު އަޝްވާ އޮފީހަށް އައުމުން އެ ވާހަކަތައް ކިޔައިދިނެވެ. އޭގައިވާ ގޮތުން ނަމަ އަނެއްކާ ވެސް އެމީހުން ދޮގު ތުހުމަތުކޮށް ހައްސާނުގެ ނަމުގައި ރާއްޖެއަށް ޑުރަގު އެތެރެކުރަން އުޅުނެވެ. އެހެންކަމުން ކާއިން އެ ކޮޅުގައި ހުންނަ އޭނާއަށް ވާގިވެރިވާ ފަރާތަށް ގުޅައި މިކަން ހުއްޓުވޭ ތޯ މަސައްކަތް ކުރިއެވެ. އެހެންނަމަވެސް އެއިން އަދި އެއްވެސް ކުރި އެރުމެއް ނުލިބެއެވެ.

ކާއިން އެހެން ބުނެ އެތަނުން ދާން އުޅުމުން އަޝްވާ ދުވެލާފައި ގޮސް ކާއިންގެ އަތުގައި ބާރަށް ހިފާލިއެވެ.

“ކާއިން… އަހަރެންގެ ވާހަކަ އަޑުއަހާފަ ދޭބަލަ.. ކާއިންގެ ބައްޕައަށް ގެއްލުމެއް ދީގެން އަހަންނަށް ކޮން ފައިދާއެއްތަ ވާނީ؟.. އެއްމެ ފަހަރަކުވެސް އެކަމާއި ދޭތެރޭ ވިސްނާލަބަ” އާދޭހުގެ ރާގަކަށް ކާއިންގެ ކުރި މައްޗަށް އަރާލަމުން އަޝްވާ ބުނެލިއެވެ.

“އައި އޭމް ސޯ ސޮރީ އަޝްވާ.. އަހަންނަށް އެނގޭ ބައްޕައަށް ގެއްލުމެއް ދޭން އަޝްވާ ނޫޅޭނެ ކަން.. އަދި އަހަންނަށް ގެއްލުމެއް ދޭން ވެސް އަޝްވާ ނޫޅޭނެ ކަން.. އަޝްވާ އިތުރަށް ބައްޕައާއި ދެކޮޅަށް ހެކި ހުށަހެޅީ އަހަރެން ޖަލަށް ގޮސްދާނެތީއެއްނު.. އެކަމަކު އަޝްވާ އެއިން އަހަންނަށް ލިބުނު އުފަލެއް ނެތޭ…!! ބައްޕަ ދެކެ އަހަރެން ވާ ލޯބި އެއްމެ ރަގަޅަށް އެގޭނީ އަޝްވާއަށް..އެކަން އެނގި ހުރެ އަޝްވާ ކީއްވެތަ މިހެން ކަންތައް ކުރީ.. އަދި ކީއްވެތަ އަޝްވާ ކުރި ކުށަށް އިއުތިރާފުވާން ނޫޅެނީ؟” އަޝްވާ ކިތައްމެ ބަހަނާއެއް ދެއްކިޔަސް ކާއިންގެ ހިޔާލު ބަދަލުވާނެހެން ހީނުވެއެވެ. ބައްޕައަކީ އޭނާ އެއްމެ ލޯބިވާ ފަރާތެވެ. އެހެންނަމަވެސް އަޝްވާ އަކީ މިހާރު އެ ހިތުގެ މަލިކާއަށް ވުމުން ރުޅި އަންނަންވެސް ކާއިންއަށް ނޭނގުނެވެ. އަދިވެސް އުއްމީދު ކުރެވެނީ މިކަމުގައި ފޮރުވިފައިވާ ހަގީގަތެއް ވާނެ ކަމަށެވެ. އެހެންނަމަވެސް ހެކި ކުރިމަތިން ފެންނަން އޮވެ ކާއިންއަށް ވިސްނާނެ އެހެން ގޮތެއް ނުހޯދުނެވެ.

ކާއިން އެތަނުން ނިކުމެގެން ދިޔަ މަންޒަރު ބަލަން އަޝްވާއަށް ހުރެވުނީ ގަބުވެފައެވެ. ކިތައްމެ ވާހަކައެއް ދެއްކިޔަސް ކާއިން އޭނާގެ ވާހަކަތައް ގަބޫލުކުރާނެ ހެއްޔެވެ؟

 

ހެނދުނު އީޝް ލިއުޝާއާއި ހަވާލުކުރުމަށްފަހު އަޝްވިން ދިޔައީ ކުލިނިކަށެވެ. އަދި އެޔަށްފަހު ޑިޔުޓީ ނިއްމާލުމަށްފަހު އީޝް ބަލައި ދިޔައިރު ލިއުޝާ ދެއްކި ވާހަކަ އަކުން އޭނާގެ ފައި ދަށުން ބިންގަނޑު ކަނޑައިގެން ނުދިޔައީ ކިރިއާއެވެ. އެ ނުތަނަވަސްކަމާއި އެކު ގެޔަށް އައިސް އެއްމެ ފުރަތަމަ ވެސް އަޝްވިން ދިޔައީ ހިންދު ފެނޭތޯއެވެ. އޭނާއަށް ލިބުނު މައުލޫމާތުގެ ތެދު ދޮގު ބެލުމަށެވެ.

“ހިންދު.. އަވަހަށް ނުކުމެ ބަލަ” ހިންދު ހުރީ ފާހަނާއިގައި ކަމުން ދޮރުގައި ޓަކި ދެމުން އަޝްވިން އަވަސް އަވަހަށް ބުނެލިއެވެ.

“ކިހިނެތް ވީ.. އޯކޭ ތަ ހުރިހާ ކަމެއް” ދެތިން މިނެޓު ފަހުން ފާހަނައިން ނިކުތް ހިންދުއަށް އަޝްވިންގެ މޫނު މަތީގައި ވާ ހާސްކަން ފެނި އަހާލިއެވެ.

“މިއީ ކިހާ ވަރެއްގެ ހަގީގަތެއްތަ؟” އަޝްވިން އޭނާގެ އަތުގައި އޮތް ގަނޑު ހިންދުގެ މޫނާއި ކައިރިކޮށްލަމުން އަހާލިއެވެ.

ޑޮކުޓަރު ލިޔެފައިވާ ގޮތުން އޭގައިވާ އެއްޗެއް ކިޔުން ހިންދުއަށް ވީ ދަތިކަމަށެވެ.

“އަހަންނަކަށް ނޭނގެ މީގަ މި ބުނާ އެއްޗެއް” އަޝްވިން އަތަށް ގަނޑު ދިއްކޮށްލަމުން ހިންދު ބުނެލިއެވެ.

“މީގަ މި އޮތީ ހިންދު މީގެ ކުރިން ދަރިއަކަށް ބަލިވެ ދަރިފުޅު އެބޯރޓުކޮށްލި ވާހަކަ.. އެއީ ތެދެއްތަ؟” އަޝްވިންގެ އަޑު މުޅި ކޮޓަރީގައި ހިފާލިއެވެ.

“ކީކޭ!! އަހަރެން ކީކޭ؟؟” ހިންދުގެ ދެލޯ ބޮޑުވެގެން ދިޔައެވެ. ލިބުނު ކުއްލި ސިހުމާއި އެކު ދޫ ވެސް ބަންދުވެގެން ދިޔައެވެ.

“އާން!! ހިންދު ދަރިއަކަށް ބަލިވެ އެ ދަރިފުޅު އެބޯރޓުކޮށްލި ވާހަކަ…އަހަރެން ހީކުރީ ހިންދުއަކީ މިއަށްވުރެ ވިސްނޭ، އަހުލާގު ރަގަޅު ކުއްޖަކަށް ވާނެ ކަމަށް.. މިއީ ހިންދު ގަސްދުގައި ކުރި ކަމަކަށް ނުވިޔަސް އަދި ދެރަވެ ހަދާނެ ގޮތް ހުސްވުމުން ކުރި ކަމަކަށް ވިޔަސް އެ ވާހަކަތައް އަހަންނަށް ނުކިޔައި ދިނީ ކީއްވެ؟ ކީއްވެ މިއޮތް ހާ ދުވަހު ސިއްރުކޮށްގެން އުޅުނީ.. އަހަރެން އެތައް ފަހަރެއްގެ މަތިން ހިންދު ކައިރިން އެދުނިން ހިންދުގެ މާޒީއާއި ބެހޭ ގޮތުން އަހަންނަށް އެގެންޖެހޭ ހުރިހާ ކަމެއް ކިޔައިދޭށޭ.. އަހަރެން ނުބުނަންތަ ކޮންމެ ހާލަތެއްގައި ވެސް އަހަރެން ހިންދުގެ ދިފާއުގައި ހުންނާނަމޭ.. އަހަރެން އެވަރަށް އިތުބާރު ނުދެންތަ؟؟ ދެން ކީއްވެ ހިންދު މިހާ ބޮޑު ކަމެއްގެ އެއްމެ ކުޑަމިނުން އިޝާރާތެއް ވެސް ނުކޮށްލީ” އަޝްވިންއަށް ރޮވެން ފެށުނެވެ. ހަނދާނަށް އަންނަމުން ދިޔައީ ލިއުޝާ އީޝް އެބޯރޓުކޮށްލަން އުޅުނު ދުވަސްތަކެވެ. ނުވަމަސް ވަންދެން އަޝްވިންގެ ލޮލަށް ހަމަ ނިދި ނުލިބެއެވެ. ނިދިފައި އޮތަސް ހޭލެވެނީ އެ ތުއްތު ފުރާނަ މި ދުނިޔެއާއި އަލްވަދާއު ކިޔާފާނެ ކަމުގެ ހުވަފެންތައް ފެންނާތީއެވެ.

އިސްތަށިގަނޑު ތެރެއަށް އިނގިލިތައް މަހާލައި އިސްތަށިގަނޑުގައ ހިފައި ބާރު ކޮށް އަޝްވިން އެނދުގައި އިށީނެވެ. އަދި ފުން ނޭވާ ތަކެއް ލާން ފެށިއެވެ.

“އަޝްވިން.. އަހަރެން އެކަހަލަ ކަމެއް ނުކުރަމޭ..މިއީ ހުސް ދޮގު.. އަހަންނަށް އިތުބާރު ކުރޭ” އަޝްވިން ރޯން ފެއްޓުމުން ހިންދުއަށް ވެސް ރޮވެން ފެށުނެވެ. އެހެންކަމުން ކުރިއަށް ޖެހިލައި އަޝްވިންގެ ފައިބުޑުގައި އިށީދެ އަޝްވިންގެ އަތް އިސްތަށިގަނޑުން ނައްޓަން އުޅުނެވެ.

“ކޮން ދޮގެއް ތި ހަދަނީ.. ބަނޑުބޮޑުކަމެއް ނޭނގި ތަ ހިންދު ދަރިފުޅު އޮބޯރޓުކޮށްލީ.. އަހަރެން ހަމަ ހައިރާންވެއްޖެ.. ނޭނގެ ބުނާނެ އެއްޗެއް ވެސް… ގެވެށި އަނިޔާއާއި ޖިންސީ އަނިޔާ ލިބުނަސް ހިންދު ނުޖެހޭނެ އެއްވެސް ކުށެއް ނެތް ފުރާނައެއް….” އަޝްވިންއަށް އެ ޖުމްލަ ފުރިހަމަ ކުރުމުގެ ހިތްވަރެއް ނުލިބުނެވެ. އަނެއްކާ ވެސް ރޮވެން ފެށުނެވެ.

“އަޝްވިން އަހަންނަށް އިތުބާރު ކުރޭ.. އަހަރެންގެ މާޒީއާއި ބެހޭ ގޮތުން އަޝްވިންއަށް ނޭނގޭ އެއްވެސް އެއްޗެއް ނޯންނާނެ.. އަޝްވާއާއި ރީމްއަށް ވެސް ނުކިޔައިދޭ އެތައް ވާހަކަތަކެއް އަހަރެން އަޝްވިންއަށް ކިޔައިދިނިން… އަހަރެން ވަރަށް ލޯބިވޭ އަޝްވިން ދެކެ.. ތީ އަހަރެންގެ ހުރިހާ ވެސް މީހަކީ.. ތި ލޯތްބާއި އިތުބާރު ނެތި އަހަރެން ކިހިނެތް އުޅޭނީ؟؟” އަޝްވިންގެ ލޮލުން ހުއްޓުމެއް ނެތި ފައިބަމުން ދިޔަ ކަރުނަތައް ފުހެދެމުން ހިންދު ބުނެލިއެވެ.

އަދި އަޝްވިންގެ ގައިގައި ބައްދާލަމުން އެތައް ފަހަރެއްގެ މަތިން އަޝްވިންއަށް ގޮވައި އޭނާއަށް އިތުބާރު ކުރަން އެދުނެވެ. ހިންދުގެ ދެ ލޮލުން ފައިބަމުންދާ ކަރުނަތަކުން އަޝްވިންގެ ގަމީސް ތެއްތަމުން ދިޔައެވެ. ގިސްލަ ގިސްލާފައި އަޝްވިންގެ ނަމުން ގޮވާލާ ކޮންމެ ފަހަރަކު މުޅި މީހާގެ ހަށިގަނޑުގައި ތުރުތުރު އަޅައިގެން ދެއެވެ.

“އަހަރެންވެސް ވަރަށް ލޯބިވަން.. އިންތިހާއަށް އިތުބާރު ކުރަން.. އެކަމަކު ހިންދު ކީއްވެ މިހެން ކަންތައް ކުރީ.. ކީއްވެ މައުސޫމް ފުރާނައެއް ނަގާލީ… ހިންދު ހުރީ ދަރިއެއް ލިބުމަށް ތައްޔާރަށް ނޫންނަމަވެސް އެހެން ނަފުސަކަށް އަރައިގަތުމުގެ ހައްގެއް ނޯންނާނެ.. ދަރިންނަކީ އަހަރަމެންނާއި ހަވާލުކުރި އަމާނާތެއް.. އެއަމާނާތައް އަހަރަމެން ޖެހޭނެ ރައްކާތެރިވާން.. ބޭނުން ވީމަ ހޯދަން އަދި ބޭނުން ނުވީމަ ނައްތާލަން ލިބޭ ނިއުމަތެއް ނޫން މިއީ.. ” އަޝްވިން ޝަކުވާ ކޮށްލިއެވެ. އަދި ފުންނޭވާއެއް ލުމަށްފަހު ހިންދު ދުރަށް ޖައްސާލާ ލިއެވެ.

“އަހަންނަށް އެނގެއޭ ތިކަން.. އެކަމަކު އަހަރެން މި ބުނަނީއެއްނު މިއީ އަހަރެން ކުރި ކަމެއް ނޫނޭ.. އަޝްވިން އަހަންނަށް އިތުބާރު ކުރާނަމަ ކީއްވެތަ އަހަރެން ދައްކާ ވާހަކަ އަޑުނާހަނީ” ހިންދު ވެސް ކޮށްލީ ޝަކުވާއެކެވެ. ހިންދުގެ މުޅި ހަށިގަނޑުގައި ރިއްސަން ފަށައިފިއެވެ. ހަޔާތުގެ އެއް ތޫފާން ނިމުނު އިރަށް އަނެއްކާ ވެސް އަނެއް ތޫފާން ބޯ މަތިކޮށްލީ ހެއްޔެވެ؟ ތަގުދީރު ކުޅެމުން މިދަނީ ކޮން ކަހަލަ ސާމާސާއެއް ހެއްޔެވެ؟ ހުރިހާ އުފަލެއް އެއްފަހަރާ ލިބެން ނެތީ ހެއްޔެވެ؟ މިފަހަރުވެސް އެއްވެސް ކުށެއް ނެތި ލޯބިން މަހުރޫމް ކޮށްލަން އުޅެނީ ހެއްޔެވެ؟

“އަހަރެން ވަރަށް ބޭނުން ހިންދުގެ ތި ވާހަކަތައް އަޑު އަހަން.. އެކަމަކު ހިންދު.. ދަރިއެއް އެބޯރޓުކޮށްލުމަކީ އަހަރެން މިދުނިޔެއިން އެންމެ ނުރުހޭ ކަންތައް.. އެވާހަކަ އެތައް ފަހަރެއްގެ މަތިން އަހަރެން ހިންދުއަށް ކިޔައިދިނިން.. އީޝް ހޯދަން އަހަރެން އުޅެން ޖެހުނު ހާލު ހިންދުއަށް އެނގޭނެ. އަހަރެންނަށް އީޝްއަށް މައެއްގެ ކުލުނު ނުދެވި ދާނެ.. އެކަމަކު އެ ތުއްތު މައުސޫމު ފުރާނާއިގެ ހައްގުގައި ތެދުވީ އަހަރެން އެކަނި.. ލިއުޝާ ނުދޭ ލޯބިދޭން ތައްޔާރަށް ހުރީ އަހަރެން.. އެގޭތަ އެއީ ކީއްވެގެންތަ؟ އެއީ އެހިތުގައި ވިންދު އެޖަހަނީ އަހަރެންގެ ލެއިން ކަމަށް ވާތީ.. މިހާރު ހޮސްޕިޓަލުގައި އުޅޭ އިރުވެސް ނަހަލާލަށް ބަޑުބޮޑުވެގެން އެތައް ބަޔަކަށް އަހަރެން ފަރުވާދެން.. އެއިން ގިނަ މީހުންނަކީ އަމިއްލަ އެދުމާއި އެކު ދަރިންގެ ފުރާނަ ނަގާލަން އެއްވެސް ވަރަކަށް ފަސްޖެހޭނެ ބައެއް ނޫން.. އަހަރެން ކޮންމެ މަހަކު އެތައް ބަޔަކަށް އެތައް ނަސޭހަތެއް ދޭން.. އަހަރެން ލޯބި ލޯބި ދަރިފުޅުގެ ވާހަކަ ދައްކައި އެމީހުންގެ ހިޔާލު ބަދަލުކުރަން އުޅެން.. އެކަމަކު އެއިން ވެސް ހިޔާލު ބަދަލުވަނީ މަދު ބަޔަކު.. ހިޔާލު ބަދަލުނުވާ މީހުން ފެނި އަހަރެން ހިތަށް އަރާ އެމީހުންގެ ހިތުގައި އެއްވެސް ކުލުނެއް އެއްވެސް ހަމްދަރުދީއެއް ނުވަނީ ބާއޭ.. އެތައް ފަހަރަކު ހިތަށް އަރާ އެމީހުންނާއި ދިމާލަށް ހަޅޭތްލައިވައި ގަންނާނަމޭ ވެސް.. އެކަމަކު ޑޮކްޓަރަށް ވެ ހުރެ އަހަންނަށް ޕޭޝަންޓު ނުރުހޭ ބަހެއް ނުބުނެވޭނެ.. މިހުރިހާ ކަމެއް ނިއްމާލައި އަހަރެން ގެޔަށް އައުމުން ވެސް އަހަރެން ކުރި މަތިލާން މިޖެހެނީ އެފަދަ އަންހެނަކާއި ތަ؟ ހިންދު އެ މީހުންގެ ލިސްޓަށް އެރީތީ އަހަރެން ދެރަވަން.. ލަދުގަނޭ..” ކޮޅަށް ތެދުވެ އެތަނުން ދާން ހިނގައިގަންނަމުން އަޝްވިން ބުނެލިއެވެ.

“އަޝްވިން!!! ދެފައިގައި ހިފައި އާދޭސްކުރަން.. އަހަރެންގެ ވާހަކަ އަޑު އަހާބަލަ.. އަހަރެން ވެސް ބޭނުން މަންމާއޭ ބުނެ ގޮވާލާނެ ދަރިއެއް،، އަހަރެންވެސް ބޭނުން އަހަރެންގެ ލެއިން ވިންދު ޖަހާ ފުރާނައެއް މި ދުނިޔެއަށް އުފަން ކުރުވަން.. އެފަދަ ފުރުސަތެއް ލިބި އަހަރެން ކީއްކުރަންތަ އެ ފުރުސަތު  ނަގާލަންވީ.. މީހެއްގެ ރަހުމެއް ނެތް އަނިޔާތަކަށް އަހަރެން ކެތްކުރިން.. ލޯބިވާ މަންމައަށް ވީމައި އެކަމުން ހިތްވަރު ހޯދިން.. އަހަންނަށް އެނގޭ ދަރިއަކަށް މަންމައެއްގެ ލޯބި ބޭނުންވާ މިންވަރު.. މުޅި އުމުރު އަހަރެން އިންތިޒާރު މި ކުރީ އެ ލޯބި ލިބޭ ތޯ… އެވަރު ލޯތްބެއްގެ މަތިވެރިކަން އެނގި އަހަރެން ކީއްކުރަންތަ އެލޯބިން އެހެން މީހެއް މަހުރޫމް ކޮށްލަންވީ.. އަޝްވިން!!! އަދިވެސް އާދޭސް ކުރަން.. އަހަންނަށް އިތުބާރު ކުރޭ.. އަހަރެން މިހިރީ ދަރިއެއް ހޯދުމަށް ކެތްމަދުވެފައި… ދަރިއެއް ނެތަސް އަހަރެންގެ މުޅި ހިތް ފުރިފައި މިވަނީ މައިވަންތަކަމުގެ ލޯބިން.. އީޝްއަށް ވެސް އަދި ދެން ލިބޭނެ ކަމަށް  ދެމީހުން އިންތިޒާރު ކުރަމުން މިދާ ދަރިފުޅަށް އަހަރެން ބޭނުން އެ ލޯބި ދޭން.. ” ފަހަތުން އަޝްވިންގެ ގައިގައި ބައްދާލަމުން ހިންދު ބުނެލިއެވެ. އޭރު މީހާގެ ހިތް އަވަސްވެ އަތްފައިވަނީ ފިނިވެފައެވެ.

“މާފުކުރޭ ހިންދު.. ހިންދު އެކަހަލަ ކަމެއް ކުރިކަން އެނގި ހުރެ އަހަންނަކަށް ނެތް ހިންދުއާއި އެކީ ކުދިން ހޯދޭކަށް.. ހިންދު ދަރިއެއް ބޭނުން ވެގެން ތި އުޅެނީ އަހަރެން ދަރިއެއް ހޯދަން ބޭނުންވާ މިންވަރު ފެނިފައި.. އެ ފަދަ ސަބަބަކަށް ދަރިން ހޯދަން އަހަރެން ބޭނުމެއް ނޫން.. ” އަޝްވިން ހިންދުގެ އަތް އޭނާގެ ގައިން ނައްޓާލަމުން ބުނެލިއެވެ. އަދި ފަސް އެބުރި ބެލުމެއް ނެތި އެތަނުން ދާން ހިނގައިގަތެވެ.

އަޝްވިންގެ ފަހަތުން ދިޔުމުގެ ބަދަލުގައި ހިންދުއަށް ހުރި ތަނަށް ތިރިވެވުނެވެ. އެވަގުތު ހޯސްލާފައި ހިންދުގެ ދެ ލޮލުން ކަރުނަ އޮހެން ފެށުނެވެ. ހިންދު ގިސްލުމުގެ އަޑުނޫން އެހެން އަޑެއް ކޮޓަރީގައި ނުވެއެވެ. ފުން ނޭވާ ތަކެއް ލުމަށްފަހު މޭގައި އަތް އަޅާލީ މެޔަށް ކުއްލި ތަދެއް އެރުމުންނެވެ. ހިތާމާއިގެ ބޮޑުކަމުން އޭގެ އަސަރު ބޭރަށް ވެސް ކުރަން ފެށީއެވެ.

ހިންދު ދައްކާނީ ކޮން ވާހަކައެއް އަދި ކޮން ބަހަނާއެއް ހެއްޔެވެ؟ ކޮންމެ ހާލަތެއްގައިވެސް އޭނާއަށް އިތުބާރު ކުރާނެކަމަށް ބުނެފައި އަޝްވިން އެއްމެ ފަހު ވަގުތު ދިޔައީ ހެއްޔެވެ؟ އެއްމެ ކުޑަމިނުން ހަގީގަތް ހޯދާލަން އުޅުނު ނަމައެވެ. އޭރުން އޭނާ ދައްކާ ވާހަކައިގެ ތެދުކަން އަޝްވިންއަށް އެނގޭނެއެވެ. ލޯބިވާ ފިރިމީހާގެ ނުރުހުން ލިބުމުން ކޮންމެ މީހެއްގެ ހިތުގައި ވެސް ރިއްސާލާނައެވެ. ގާތް އެކުވެރިން ފިޔަވައި ދެން ހިންދުގެ ވާހަކަތައް ގަބޫލުކުރީ އަޝްވިންއެވެ. އިތުބާރާއި ކުލުނު ދިނީ އަޝްވިން އެވެ. ލޯތްބަކީ ހަމަ އެކަނި އިޝްގު ނޫންކަން ބުނެދިނީ އަޝްވިންއެވެ. އެހެންނަމަވެސް މިއަދު މިވީ ކީއް ހެއްޔެވެ؟ އަޝްވިން އޭނާއަށްޓަކައި ބިނާ ކުރި އިތުބާރުގެ ފާރު ބިމާ ހަމަ މިވީ އޭނާ ނުދަންނަ ކަމަކާއި ހެދި ހެއްޔެވެ؟

 

ރީމްއަށް އަދިވެސް ބޭރަށް ދިޔުމުގެ ހުއްދަ ޝަނުމް ނުދޭތީ އޮފީހަށް ވެސް އަދި އެހެން ތާކަށްވެސް ނުދެވެއެވެ. ފޯނަކީވެސް މިހާރު ރީމްއަށް ރައްކާތެރި އެއްޗަކަށް ނުވާތީ ޝަނުމް އޮންނަނީ ރީމްގެ ފޯނު ނިއްވާފައި ކަބަޑަށް ލާފައެވެ. ފޫހި ވަންޏާ ވާހަކަ ދައްކާލަން އިންނަ ކައުސަރު ވެސް މިވަގުތަކު ނެތެވެ. އެހެންކަމުން ޝަނުމް ބުރޭކް ގަޑިއަށް އަންނަންވާ އިރަށް ފޯނު ބޭނުން ކުރިއަސް މައްސަލައަކަށް ނުވާނެ ކަމަށް ބަލައި ރީމް އޭނާގެ ފޯނު ހުޅުވާލިއެވެ.

ފޯނު ހުޅިވިތާ ވީ ދެތިން މިނެޓެވެ. ވީޑިޔޯ ކޯލެއް އަންނަން ފަށައިފިއެވެ. ގުޅަނީ ރާއްޖޭގެ ނަންބަރަކުންނެވެ. ފޯނު ރިންގުވެ ނިމެންދެން އަތުގައި އޮތް ފޯނަށް ގެއްލިފައި ރީމް ހުއްޓެވެ. ޖަވާބު ދޭން ބިރުގެންފައެވެ. އެހެންނަމަވެސް ދެވަނަ ފަހަރަށް ފޯނު ރިންގުވެ އަދި ތިންވަނަ ފަހަރަށް ވެސް ރިންގުވާން ފެއްޓުމުން ފޯނު ނެގާ ހިތްވިއެވެ. ސަބަބެއް ހުދު ރީމްއަކަށް ވެސް ނޭނގެއެވެ. ހިތަށް ކުއްލިއަކަށް ވެރިވި ހިޔާލެކެވެ.

ތުރުތުރު އަޅަމުންދާ ހާލު ރީމް ފޯނަށް ޖަވާބު ދޭން ފިތައް އޮބާލިއެވެ. އެޔާއި އެކު މީހާ ސިއްސައިގެން ގޮސް އަތުން ފޯނު ދޫވީ ފޯނުން އޭނާގެ ސޫރަ ފެނުމުންނެވެ. ރީމްގެ ހިތް އަތަށް ނައީ ކިރިއާއެވެ. ޖެހިލުންވެ ހުރެ ފޯނު ބިންމަތިން ނަގައި އޭނާއަށް ކުރެވުނު ކުށް ހީ ފިލުވަން އުޅުނެވެ. އެހެންނަމަވެސް ލިބުނީ އިތުރު ހައިރާންކަމަކެވެ.

“ރީމް… ކިހިނެތް ހާލު… ވަރަށް އިންތިޒާރު ކޮށްފިން ދެ މީހުން ބައްދަލުވާނެ ދުވަހަކަށް…” ފޯނުގެ ސްކުރީނުން ފެންނަމުން ދިޔަ މައިރާ ބުނެލިއެވެ.

“ތީ ކާކު” އަޑުގައިވި ތުރުތުރު އެޅުމާއި އެކު ރީމް އަހާލިއެވެ.

“އަހަރެންމީ ރީމް ދައްތަގެ ޓްވިންސް..  ދެ މީހުން ހާދަ އެއް ގޮތޭ ދޯ… އަދި ނަންވެސް ނުބުނެވޭ ދޯ، އަހަރެން މީ މައިރާ!! ތީ ރީމް މިގުދާދު އެއްނު” އެއްމިޔަކުން ހީލަމުން މައިރާ ވާހަކަ ދައްކަމުން ދިޔައެވެ. އޭރު އޭނާގެ ހިތުގައި ނަފުރަތުގެ ހުޅުރޯވަމުން ދިޔައެވެ.

“އެކަމަކު މަންމަ އަހަރެން ކައިރީ ނުވެސް ބުނޭ” ލިބުނު ހައިރާންކަމާއި އެކު އެ ވާހަކަތައް ސިކުޑިއަށް ނަގައިގަތުން ރީމްއަށްވީ އުނދަގޫ ކަމަކަށެވެ. އެހެންކަމުން ކައިރީގައި ހުރި އެނދުގައި އިށީދެ ނަފުސު ހަމައަކަށް އެޅުވޭތޯ އުޅުނެވެ.

“ކަލޭގެ މަންމަ އެއްމެ ފުރަތަމަ ބައްޕައަކީ ކާކުކަން ބުނެގެން ދޯ ދަރިންނާއި ހިސާބަށް ދާނީ… އެއީ މަކަރުވެރި އަންހެނެއް.. އޭނައަށް ލިބެން ޖެހޭ ހައްގު އަދަބު އަހަރެންގެ އަތުން ދީފަ އެއޮތީ” މައިރާ ދައްކަމުން ދިޔަ ކޮންމެ ވާހަކައަކާއި އެކީ ރީމްގެ ހާސްކަން އިތުރުވަމުން ދިޔައެވެ. އަދި ސުވާލު މާކުތަކުން މޫނުމަތި ފުރުނެވެ.

“ތީ ހުސްދޮގު..މާޒިން އަހަރެންގެ މަންމަ މަރާލީ..” ރީމް ގަބޫލުކުރަން ބޭނުންވަނީ އެގޮތް ކަމުން އެހެން ބުނެލިއެވެ.

“މާޒިން ދެކެ އެހާ ވަރަށް ލޯބިވެފަ މިހާ އަވަހަށް ނަފުރަތުވަނީ ކީއްވަތަ؟ އެއީ އަހަރެންގެ ހަޔާތަށް އައި އެއްމެ ބޮޑު އެއް ނަސީބު.. ރީމްއާއި އެކު އުޅުނު އިރުން ފެށިގެން އަހަރެން މާޒިން ފަހަތު އަޅުވައިފިން.. އެތައް ނަސޭހަތެއް ދީ މަސްތުވާތަކެތިން އޭނަގެ މުޅި ސިކުޑި ހަލާކުކޮށް އަހަރެންގެ މީހަކަށް ހެދިން.. މާޒިން ހުންނަނީ އަހަރެން ކަމެއް ކުރަން ނުބުނެގެން.. އަވަހަށް ދުވެފައި ގޮސް އެކަން ކުރާނެ.. އެހާ ވެސް ބަސްއަހާނެ” ނުފަލާކޮށް ހިނިތުންވެލަމުން މައިރާ އޭނާގެ ވާހަކަތައް ފަށައިގަތެވެ.

“ރީމްގެ ފަހަތު އަޅުވައިގެން އުޅުނީ އަހަރެން ފޮނުވި މީހެއް.. ރީމްގެ އައިޑީ ކާޑު ނަގައި އޭގެން އަހަރެން ނުކުރާކަށް ކަމެއް ނެތް.. އެކަމަކު އެވާހަކަތަކުގެ ތަފުސީލަށް ނުގޮސް ދެން އަހަރެން ކުރި ކަންތައް ކިޔައިދޭނަން.. އަހަރެން މާޒިން ކަލޭ ކައިރިއަށް ފޮނުވީ އަހަރެން ކުރަން އުޅޭ ކަންތަކުގެ އިންޒާރު ދޭން.. އެކަމަކު މަގެ ލޯބިވާ ދައްތައަށް އެއިންވީ އެއްވެސް ފައިދާއެއް ނެތް ދޯ.. އަހަރެން ޖަހާލި މަޅީގައި ހަމަ ރަގަޅަށް ވެސް ބެދިފައި ތިހިރީ.. އެދުވަހު މާޒިން ނުބުނޭތަ ކަލެއަށް ހުރިހާ އުފާވެރިކަމެއް ހޯދައިދޭނަމޭ.. އަދި ނުބުނޭތަ އެ އުފާވެރިކަން ލިބުމަށްފަހު އެކަން ނުލިބުނު ނަމޭ ކިތައް އަރާނެއޭ… ވެލް، އެކަންތައް އެގޮތަށް ކުރުމަށް އަހަރެން އެއްމެ ފުރަތަމަވެސް ބޭނުން ކުރީ ކަލޭގެ ލޯބިވާ ފިރިމީހާ.. އެއާޕޯޓުން މާލެ އައުމުން އަހަރެންގެ ބައިވެރިން އޭނަ ގެންގޮސްގެން އެތައް އިންޒާރެއް ދިން… އޭރު އޭނަ ހޯދަން އުޅުނު ކުއްޖާ ދޫކޮށްލައި ކަލެއާއި އިނުމަށް އަހަރެން އެމީހުން ލައްވައި ޝަރުތުކުރުވިން..އެހެންނޫން ނަމަ އޭނަ ލޯބިވާ ކުއްޖާ މަރާލާނެ ކަމަށް ބުނިން… އެހިސާބުން ވާ ލޯތްބެއްގެ ބޮޑުކަމުން އޭނަ ކަލެ އާއި ކައިވެނި ކުރީ.. ކަލޭ ތީ ހާދަ ރަހުމެއް ނެތް މީހެކޭ ދޯ، ޝަނުމް އެވަރަށް އެކުއްޖާ ދެކެ ލޯބިވީ އިރުވެސް އޭނަގެ އިހުސާސްތަކަށް ވިސްނާލަން ވެސް ކެރުނުތަ؟؟ ” މައިރާ ހީގަތެވެ. ރީމްއަށް ރޮވުނެވެ. ޝަނުމްގެ ނަން ދުލުން ކިޔެން ފެށުނެވެ. އެހެންނުވާނެއޭ ބުނެވެން ފެށުނެވެ.

“ޝަނުމް އެ ކުއްޖާއި ކައިވެނި ނުކުރީ އެ ދެމީހުންނަކީ ތެލެސީމިއާ ކެރިއަރުންނަށް ވީމަ” ރީމްގެ މުޅި މޫނުން އޮތްދާތައް ފާޅުވާން ފަށައިފިއެވެ. އޭސީގެ ފިނިކަން މުޅި ކޮޓަރީގައިވާ އިރުވެސް ހޫނުކަމާއި ހާސްކަން މީހާ ވަށާލަމުން ދިޔައެވެ.

“ތި ސަބަބު ވެސް އެބަ އޮތް.. އެކަމަކު އެއީ އޭނަ ކަލެއާއި ކައިވެނި ކުރި ސަބަބެއް ނޫނެއްނު!!! އެނގޭތަ ޝަނުމް ލޯބިވަނީ ކާކު ދެކެ ކަން؟ އެނގޭތަ އޭނަގެ ހިތުގައި އަދިވެސް ވަނީ ކާކުގެ ނަން ކަން؟” ރީމްގެ މޫނަށް ރަނގަޅަށް ބަލާލަމުން މައިރާ ބުނެލިއެވެ. ރީމްއަށް ލިބޭ ކޮންމެ ދެރައަކީ އޭނާއަށް ލިބޭ އުފަލަކަށް ވާހެން ހީވެއެވެ.

“އެއީ އަޝްވާ.. ކަލޭގެ އެއްމެ ގާތް އެކުވެރިޔާ އަޝްވާ!!! އަދި މީގެ އެއްމެ ރަގަޅު ތަންކޮޅަކީ އަޝްވާ ވެސް ޝަނުމް ދެކެ ހަމަ އެހާ ވަރަށް ލޯބިވުން…. އެ ދެމީހުންނަކީ ލޯބީގެ ނަމޫނާއެއް! އެކަމަކު ކަލޭގެ ނުލަފާކަމުން އަޝްވާގެ ހިތުގައި އަޅަމުންދާ އެއްވެސް ވޭނެއް ނޭނގުނެއްނު.. އެއްމެ ގާތް އެކުވެރިޔާ ލޯބީގައި ދީވާނާ ވަމުން ދިޔައިރު ކަލޭ ހުރީ އެ ދެމީހުންގެ މެދަށް ހުރަސްއަޅަން.. އަދި ބުނަންތަ! ޝަނުމް އެއްމެ ފުރަތަމަ ލޯބި ހުށަހެޅުމުން އަޝްވާ ނޫނެކޭ ބުނީ ކަލޭއަށް އުފާ ލިބެން އެދޭތީ… ކަލޭ އުފަލުގައި ބަހައްޓަން ބޭނުންވާތީ.. އެކަމަކު މަންމަހެން އަމިއްލަ އެދުމުން ފޯވެފައިވާ މީހަކަށް ކޯއްޗެއް ވިސްނޭނީ…!!!” މައިރާ އަޝްވާގެ ނަން ބުނުމުން ރީމްގެ ހިތް ހުއްޓިގެން ނުދިޔައީ ކިރިއާއެވެ. ކުއްލިއަކަށް ލޮލަށް ކަރުނަތައް ޖަމާވެ ރޮވެން ފެށުނެވެ.

“ނުވާނެ ތިހެން..” ރީމް އެކަން ގަބޫލުކުރާކަށް ބޭނުމެއް ނުވިއެވެ.

“ނޫނޭ ރަންކޮޅާ… އަހަރެން ވާހަކަ ގަބޫލުނުކުރެވޭ ނަމަ ލޯބިވާ ފިރިމީހާ ކައިރީ އަހާލާ..ނޫނީ އެއްމެ ގާތް އެކުވެރިޔާ ކައިރީ އަހާލިޔަސް އެއްމެ ރަގަޅު” އެހެން ބުނެ ރީމްއަށް އިތުރު ވާހަކައެއް ދައްކަން ފުރުސަތު ނުދީ މައިރާ ފޯނު ކަނޑާލިއެވެ.

 

އޮފީހުގައި އިދެ އިދެ އެއްވެސް ގޮތަކަށް މަސައްކަތް ކުރާ ހިތް ނުވުމުން އަޝްވާ ގެޔަށް އައެވެ. އަޝްވާއަށް ގެޔަށް އާދެވުނު ވަގުތަކީ ކާއިން އޭނާގެ ފޮށި ހިފައިގެން ކައުސަރާއި އެކީ ސިޑިމަތީގައި ހުރި ވަގުތެވެ.

“ދައްތާ! ކޮންތާކަށް ދާން ތި އުޅެނީ” ކުރިމަތީގައި ހުރީ ކައުސަރު ކަމުން އަޝްވާ އަހާލިއެވެ.

“މަންމާ!.. އިހަށް ދޭ ތިރިއަށް.. އަޅުގަނޑު މިއަންނަނީ އިރުކޮޅަކުން” ކައުސަރަށް ޖަވާބު ދޭން ފުރުސަތު ނުދީ ކާއިން ބުނެލިއެވެ.

“ކާއިން! ކޮންތާކަށް ދާން ތި އުޅެނީ” ހައިރާންވެ ހުރެފައި އަޝްވާ އަހާލިއެވެ.

“އަހަރެން މި އުޅެނީ މިގެއިން ދާން.. އަޝްވާ ކުރިމަތީގައި އުޅެން ވެސް އަހަރެން ކުޅަދާނައެއް ނުވާނެ.” އަޝްވާއަށް ބަލާލަމުން ކާއިން ބުނެލިއެވެ.

“އެކީއްވެ؟ ކާއިން އަދިވެސް ގަބޫލުކޮށްގެން ތިހިރީ އެއީ އަހަރެން ކުރި ކަމެއް ކަމަކަށްތަ؟” ކާއިން ދާން އުޅުމުން އަޝްވާ ކާއިންގެ އަތުގައި ހިފާލަމުން ބުނެލިއެވެ.

“އާން!! އެއީ އަޝްވާ ކުރި ކަމެއް.. ” ކާއިންގެ އަޑު ކުޑަކޮށް ބާރުވުމުން އަޝްވާއަށް ފަހަތަށް ޖެހެވުނެވެ.

“އެކަމަކު ކާއިން! އަހަރެން ދެކެ ހިތްހަމަނުޖެހުނަސް ގެއިން ނިކުމެގެން ނުދޭބަލަ.. ކާއިންއަށް ލިބޭ މަދު ފައިސާކޮޅުން މާލޭގައި ދިރިއުޅޭނީ ކޮންތާކު؟” އެ މައުޟޫއަށް ކާއިންއަށް މިވަގުތު ވިސްނުވައި ދިނުމަކީ ވާނެ ކަމެއް ނޫންކަން އެނގި އަޝްވާ މައުޟޫ ބަދަލުކޮށްލައިގެން ވެސް ކާއިން މަޑުކުރެވޭ ތޯ އުޅުނެވެ.

“ޢަހަރެންގެ އަތުން ދޫކޮށްލާ… އަހަރެންގެ ހާލަތާއި އަހަރެންގެ އިހުސާސްތަކަށް ވިސްނާނަމަ އަޝްވާ މިހެން ކަންތައް ނުކުރީސް ކަން ޔަގީން..” ގަދަކަމުން އަޝްވާގެ އަތުން އަތް ދަމައިގަންނަމުން ކާއިން ބުނެލިއެވެ.

“ކާއިން ބުނީމެއްނު ކޮންމެ ހާލަތައްގައި ވެސް ކާއިން އަހަރެން އެކަނިކޮށް ނުލާނަމޭ… ދެން ކީއްވެ މިހެން ތި ހަދަނީ.. ކީއްވެ އަހަރެން ދޫކޮށްލާފަ ތި ދަނީ…” އަޝްވާ ޝަކުވާ ކޮށްލިއެވެ. ކާއިން އޭނާގެ ދެކެ ހިތްހަމަނުޖެހުމުން ދެރަވެ ގޮތް ހުސްވާން ކައިރިވެއްޖެއެވެ.

ކާއިން އެޔަށް ޖަވާބެއް ނުދީ އަޝްވާގެ މޫނަށް ރަގަޅަށް ބަލާލިއެވެ. އަދި ފަރުވާ ކުޑަކޮށް ހިނިތުންވެލުމަށްފަހު ދާން ހިނގައިގަތެވެ.

“ކާއިން!!! ނުދޭބަލަ.. އަހަރެން ކިހިނެތް ކާއިންއާއި ނުލައި ދިރިއުޅޭނީ.. ކާއިން ތީ މިހާރު އަހަރެންގެ ދިރިއުޅުމުގެ އެއްބައި.. ކާއިން ނޫން ދެވަނަ މީހަކަށް ނޭނގޭ އަހަރެންގެ އެއްވެސް އިހުސާސެއް.. ކާއިން ނޫން މީހަކަށް އަހަރެން ހިތުގެ ހާލަތު ނޭނގޭ.. އަހަރެން ކާއިންއަށް ވަރަށް އިތުބާރު ކުރަން.. ކާއިން ވެސް އަހަންނަށް އިތުބާރު ކޮށްބަލަ.. އާދޭސް ކުރަން ކާއިން.. ނުދޭ އަހަރެން ދޫކޮށްލާފަ.. ކާއިން ގޮސްފިނަމަ އަހަރެން ކިހާ ދެރަވާނެ.. ކާއިން ނެތް ނަމަ ކާކަށް އަހަރެން ހުރިހާ ވާހަކައެއް ކިޔައިދޭނީ.. ކާއިން ނޫން ދެވަނަ ކާކު އަހަންނަށް ހިތްވަރު ދީ ލޮލުން އޮހެރެމުންދާ ކަރުނަތައް ފުހެދޭނީ” ލޯބީގެ ލަޒުފު ނެތި އަޝްވާ އޭނާގެ ހިތުގެ އުދާސްތައް ކާއިންއަށް އިއްވާލިއެވެ.

———-

އެހެންނަމަވެސް ޝަކުވާތައް އަޑުއަހަން ކާއިން ބޭނުން ނުވި ފަދައެވެ. އަޝްވާގެ އަތުގައި ހިފައި ބާރަށް ފިއްތާލުމަށްފަހު އެތަނުން ދިޔައެވެ.

ކާއިން ދިޔުމުން ދެރަވެގެން ގޮސް އަޝްވާ ދިޔައީ މަލަކާ ކައިރިއަށެވެ. އެ ވަގުތަކީ ޝަނުމް ވެސް ބުރޭކް ގަޑިއަށް ގެޔަށް އައި ވަގުތެވެ.

ޝަނުމް އަޝްވާއަށް ގޮވުމުން ވެސް އެޔަށް ޖަވާބެއް ނުދީ އަޝްވާ ގޮސް ވަނީ މަލަކާގެ ކޮޓަރިއަށެވެ. އޭރު މަލަކާ އޮތީ އެނދުގައި ވާހަކަ ފޮތެއް ކިޔާށެވެ.

“ދޫންޏާ ކިހިނެތްވީ” އަޝްވާގެ ލޮލުން އޮހެރެމުން ދިޔަ ކަރުނަތައް ފެނި މަލަކާ އަވަސް އަވަހަށް އެނދުން ތެދުވާން އުޅުނެވެ. އެހެންނަމަވެސް އޭގެ ކުރިން އަޝްވާ ދުވެފައި ގޮސް ކުޑަކުއްޖެއްހެން މަލަކާ ކައިރީގައި އޮށޯވެ މަލަކާ ގައިގައި ބައްދާލިއެވެ. އަދި ގިސްލަ ގިސްލާފައި ރޯން ފެށިއެވެ.

“އަޝްވާ!! ކިހިނެތް ވީތަ؟” މަލަކާ އަޝްވާ ކުރެން ވީ ގޮތް އޮޅުން ފިލުވަން އުޅުނެވެ. އެހެންނަމަވެސް އަޝްވާގެ ލޮލުން އޮހެރެމުންދާ ކަރުނަތަކާއި އެއަޑުގައިވި ކުކުރުމުގެ ސަބަބުން އެއިން އެއްވެސް ސުވާލަކަށް ޖަވާބު ލިބޭ ގޮތެއް ނުވިއެވެ.

“މަލާ! ކާއިން ގޮއްސި.. ކާއިން ގޮއްސި އަހަރެން ދޫކޮށްލާފަ” އަޝްވާއަށް އެނޫން އެއްޗެއް ނުބުނެވުނެވެ.

 

ޝަނުމް ކޮޓަރިއަށް ވަންއިރު ރީމް އޭނާގެ އިންތިޒާރުގެ ދެ ކޮޅަށް ހިނގާލަ ހިނގާލަ ހުއްޓެވެ.

“ޝަނުމް.. ކީއްވެ އަހަރެން ކައިރީ ނުބުނީ ޝަނުމް ލޯބިވަނީ އަޝްވާ ދެކެއޭ” ރީމް ފެނުމުން ޝަނުމްގެ މޫނަށް ވެރިވި ހިނިތުންވުން ފަޑުވެގެން ދިޔައީ އެ ޖުމްލަ އަޑު އިވުމާއި އެކުގައެވެ.

“ރީމް! ކާކު ދެއްކި ވާހަކައެއް ތީ” ޝަނުމް އުޅުނީ މާޒީ ފަސްއަޅައި ފޮރުވުމަށެވެ. އެހެންނަމަވެސް މިއަދު އެކަން ވާނެ ހެއްޔެވެ؟

“އެވާހަކަ ދެއްކި މީހަކު ބަލާނެ ކަމެއް ނެތް! އަހަރެން ކުރި ސުވާލަށް ޖަވާބު ދީބަލަ… ޝަނުމް ލޯބިވަނީ އަޝްވާ ދެކެތަ؟” ރީމްއަށް އަންނަންވީ ރުޅި ކަމެއް ނޫނީ ވާންވީ ދެރަކަމެއް ނޭނގުނެވެ.

“އާން.. އެކަމަކު އެއީ މާޒީ…މާޒީގެ ވާހަކަ ނުދައްކަމާ” ޝަނުމް އެހާ ފަސޭހައިން މިކަން ނިއްމާލަން އުޅުނަސް އެކަން ވާނެ ހެއްޔެވެ؟

“މާޒީގެ ވާހަކަ ނުދައްކާ ނުތިބެވޭނެ ދޯ ޝަނުމް ލޯބިވަނީ އަހަރެންގ އެއްމެ ގާތް އެކުވެރިޔާ ދެކެ ކަމަށް ވުމުން.. ޝަނުމް ކީއްވެތަ އަހަންނަށް މިކަން ސިއްރު ކުރީ.. ކީއްވެތަ ނުބުނީ އަޝްވާވެސް ޝަނުމް ދެކެ ލޯބިވެއޭ… ބުނެބަލަ! އަހަރެން އެއީ އަހަރެން ދަންނަ ކުއްޖެއްހޭ އެހުމުން ޝަނުމް ދޮގު ހެދީ ކީއްވެތަ؟ ” ރީމްއަށް އަނެއްކާ ވެސް ރޮވެން ފެށުނެވެ.

“އަހަރެން ލޯބިވަނީ އަޝްވާ ދެކެ ވިޔަސް އަހަރެން މިއުޅެނީ ރީމްއާއި އެކީ ދޯ.. ދެން ކީއްވެތަ ޝަކުވާ ތި ކުރަނީ” ފުން ނޭވާއެއް ލުމަށްފަހު ޝަނުމް ބުނެލިއެވެ.

“ޝަކުވާ ނުކުރަންވީ ސަބަބެއް ޝަނުމް ބުނެބަލަ! އަހަރެން އެއްމެ ލޯބިވާ މީހުންގެ އެއްމެ ކުރީގައި އަޝްވާ ހިމެނޭނެ. އަޝްވާ އެއީ ދުނިޔޭގެ ހުރިހާ އުފަލެއް ގުރުބާންކޮށްލުމަށްފަހު ވެސް އޭނާ ދެކެ ލޯބިވާ މީހުންނަށްޓަކައި ހުންނަ ވަފާތެރި ހިތް ހެޔޮ ކުއްޖެއް… އަހަރެން އަޝްވާ ދެކެ ރުޅި އައުމުން ވެސް އަޝްވާ ރުޅި އައިސްގެން އަހަންނާއި ދިމާލަށް ޗުއްޕުއޭ ވެސް ނުބުނޭ.. އަހަންނަށް ލިބޭ ކޮންމެ ދެރައެއްގައި އަޝްވާ އަހަރެން ކައިރީ ހުރޭ.. އެވަރަށް ހިތްވަރުދޭ.. ވީ އިރު އަޝްވާއަށް ލޯބިވެވުނު ފުރަތަމަ ފަރާތް އަހަރެން ޖަހައިގަތުމުން ވާނީ ކިހިނެތް؟ އަޝްވާ އަހަރެން ކައިރީ ޝަކުވާ ނުކުރިއަސް އަޝްވާގެ ހިތް ހަލާކު ވާނެކަން ޔަގީން.. އަދި އަމުދުން އަހަރެން އޭނަގެ އެއްމެ ގާތް އެކުވެރިޔާއަށް ވެ ހުރެ ޝަނުމް ކުރިމަތީ މިހެން އުޅުމުން އެ ނާޒުކު ހިތަށް ލިބޭނެ ގެއްލުމަކާއި މެދު ޝަނުމް ވިސްނާލިންތަ؟؟ ބުނެބަލަ ޝަނުމް!! ކީއްވެތަ އަހަރެން ކައިރީ ނުބުނީ!! ޝަނުމް އެއްމެ އިޝާރާތެއް ކޮށްލި ނަމަވެސް އަހަރެން އަޝްވާއަށްޓަކައި ޝަނުމްއާއި ދުރުވީސް.. އޭރުން އަޝްވާ ހިތާމަ ކުރާކަށް ނުޖެހޭނެ.. ” ނިތްކުރީގައި އަތް އަޅައި ބާރުކޮށްލަމުން ރީމް ވާހަކަ ދައްކަމުން ދިޔައެވެ. ހަދަންވީ ގޮތެއް ބުނާނެ އެއްޗެއް ނޭނގުނެވެ.

“ރީމް! އަހަރެން ރީމް އާއި ކައިވެނި ނުކުރިއަސް އަހަންނަށް އަޝްވާއެއް ނުލިބޭނެ.. އަޝްވާ ބޭނުންވާ ބައިވަރު ދަރިން.. އަހަރެން ކިހިނެތް އެ އުފާވެރިކަން އަޝްވާއަށް ހޯދައިދޭނީ.. ލޯބީގެ ނަމުގައި ދަރިންއަށް އޭގެ އަދަބު ދޭން ހުދު އަހަރެންވެސް ބޭނުމެއް ނޫން..” ރީމް ދެއްކި އެއްވެސް ވާހަކައަކަށް ޝަނުމް ދެ ކޮޅު ހަދާކަށް ބޭނުމެއް ނުވިއެވެ.

“ތިއީ އެއް ނޫނޭ މައްސަލައަކީ… މައްސަލައަކީ ޝަނުމް އަހަރެން ކައިރީ ނުބުނުން… އަހަރެން ކައިރީ އެއްމެ ފަހަރަކު ބުނި ނަމަވެސް އަހަރެން ޝަނުމް ހޯދާކަށް ނޫޅުނީސް” ރީމް ޔަގީންކަމާއި އެކީ ބުނެލިއެވެ.

“ރީމް އަހަރެން ދެކެ ލޯތްބެއް ނުވާތީތަ ތިހެން ތި ބުނަނީ؟” ޝަނުމްގެ ހިތަށް ލިބެމުން ދިޔަ ފަރުވާ ހުއްޓެނީ ހެއްޔެވެ؟

“ނޫން.. އިންތިހާއަށް ލޯބިވަން.. ވަރަށް ބޭނުން އެކުގައި އުޅެން.. އެކަމަކު އެއީ އަހަރެންގެ އެއްމެ ގާތް އެކުވެރިޔާގެ ހިތް ހަލާކުކޮށްލުމަށްފަހު ގައެއް ނޫން… އަހަންނަށް މާފުކުރޭ ޝަނުމް… އަޝްވާ ކުރިމަތީ ޝަނުމްއާއި އެކީ މިހާ ގާތްކޮށް އުޅުމަކީ އަހަންނަށް ކުރަން ފަސޭހަވާނެ ކަމެއް ނޫން…” އެހެން ބުނެލުމަށްފަހު ރީމް އެއް ފަރާތެއް ގައި ހުރި އޭނާގެ ދަބަސް ހިފައިގެން ދާން އުޅުނެވެ.

“ނުދެވޭނެ! އެއްވެސް ތާކަށް ނުދެވޭނެ.. ރީމް ތީ އަހަރެންގެ އަންހެނުން.. އަހަރެން ބުނާ ތަނެއްގައި ރީމް ހުންނަން ޖެހޭނީ.. އެހެންނޫނަސް  ދެމީހުންގެ ގުޅުން ރަގަޅުވަމުންދާ އިރު ރީމް ބޭނުންވަނީ އަހަންނާއި ދުރަށް ދާންތަ؟” ރީމް ދާން އުޅުމުން ޝަނުމް ރީމްގެ އަތުގައި ހިފައި މަޑުކުރުވިއެވެ.

“ޝަނުމް!! އަހަރެން އަތުން ދޫކޮށްލާ… އަހަރެން ވެސް ވަރަށް ބޭނުން ޝަނުމްއާއި އެކީ އުޅެން.. އެކަމަކު އެއީ މިގޮތަކަށް ނޫން” އެހެން ބުނެލުމަށްފަހު ރީމް ޝަނުމްގެ އަތުން ވީއްލެމުން އެތަނުން ދާން އުޅުނެވެ.

ރީމް ދިޔަ މަންޒަރު ބަލަން ޝަނުމްއަށް ހުރެވުނީއެވެ. ފަހަތުން ދާން ވެސް ނުލާހިކު ހެތް އެދެއެވެ. އެހެންނަމަވެސް ކޮންމެވެސް ސަބަބަކާއި ހެދި އެކަން ކުރުމުގެ ހިތްވަރެއް ނުލިބުނެވެ.

ރީމް ދިޔަ ގޮތަށް ދިޔައީ އަޝްވާ ހޯދާށެވެ. އެކި ތަންތަން ހޯދަމުން ގޮސް އަޝްވާ ފެނުނީ މަލަކާ ކައިރީ އޮއްވައެވެ.

“އަޝްވާ!” ރީމް އައީ އަޝްވާ ޝަނުމްއާއި ހަވާލުކުރުމަށެވެ.

“އަޝްވާ ނިދިފަ… ރީމް ކޮންތާކަށް ދާން ތި އުޅެނީ؟” ރީމް ކައިރީގައި ހުރި ދަބަސް ފެނިފައި މަލަކާ އަހާލިއެވެ.

“އަހަރެން މިއުޅެނީ ބައްޕަ ކައިރިއަށް ދާން… އަޝްވާ ހޭލުމުން ބުނެލައްޗޭ އަހަންނަށް ބޭނުމޭ ވަރަށް އުފާވެރި ހަބަރެއް ދޭން” ގަދަކަމުން ހިނިތުންވެލަމުން ރީމް ބުނެލިއެވެ.

“ކޮން އުފާވެރި ހަބަރެއް؟” މަލަކާ ހީކުރީ ރީމް އުޅެނީ ޝަނުމްއާއި އެކީ ދާން ކަމުން އިތުރު ސުވާލެއް ނުކުރެއެވެ.

“އެއްމެ ފުރަތަމަ އަޝްވާ ކައިރީ ބުނަނީ…އަހަންނަށް ޔަގީން އަޝްވާ ވާނެކަން ދުނިޔޭގައި ހުރި އެއްމެ އުފާވެރި ކުއްޖާއަށް” އެހެން ބުނެލުމަށްފަހު ރީމް އެތަނުން ދިޔައެވެ.

ރީމް ދިޔަތާ މާ ގިނައިރެއް ނުވެއެވެ. ދެލޯ ފެންކަޅިވެފައިވާ ހިންދު އަޝްވާ ހޯދަން އެތަނަށް އައެވެ.

“އަޝްވާ ކައިރީ ބުނެލާ އަހަރެން ދިޔައީ މަންމަ ކައިރިއަށް އެގެޔަށޭ!” އަޝްވާ ނިދާފައި އޮތް ތަން ފެނި ހިންދު ބުނެލިއެވެ.

“ހިންދު !!! ކިހިނެތްވީ؟؟” ހިންދުގެ ލޮލުން ކަރުނަ ބަބުޅަމުން ދާތީ މަލަކާ ސުވާލުކޮށްލިއެވެ.

“ކަމެއް ނުވޭ!! މިވަގުތު ބޭނުމީ މަންމަ ކައިރީ ހުރެލަން” ރީމްހެން ގަދަކަމުން ހިނިތުންވެލަމުން ހިންދުވެސް އެހެން ބުނެ އެތަނުން ދާން އުޅުނެވެ.

ހިންދު އަތުގައި ދަބަހެއް ނެތަސް ކޮންމެވެސް ކަމެއް ވަރަށް ގޯސްވެއްޖެކަން އެނގި މަލަކާ ތެދުވާން އުޅުނެވެ. އެހެންނަމަވެސް އަޝްވާ އޮތީ ބަނޑުގައި އަތް އަޅާލައި ގަދައަށް ބައްދާލައިގެން ކަމުން އެކަން ކުރުންވީ ދަތިކަމަށެވެ.

Share Article

Follow Me Written By

maroon

Author of 1. Vaashe oagthaa hitha 2. Thiya noon ehen hitheh neydhemey 3. Thiya asaru , and more stories. Contact me at: [email protected] Much love to my lovely readers ?

Other Articles

113 Comments!

  3. So a lot has happened… and for those who read the story no matter how the story goes, a big thanku to all of you.. much love. Say something abt this part and point out mistakes.. ???

    2. ކޮއްކޮ ރޮންޏާ ބޭބެ ދެރަވާނެދޯ އަވަހަށް ހުއްޓާލާ ލޮލީ ޕޮޕެއް ދޭނަން ?

  8. Alhey loabivaa maroo khonireh story up veytho balaathaa… Off vaairah hithah arany mihaaru innaany up vefaey… Ehenve anehka on velany ekam naakaamiyaab aa kurimathi laan jeheny… Ekam mufaharu miothy kaamiyaab vefayo insha allah… ???.. Ehaaves bodah mi story kiyan hiyjehifa mi hury… ???… Molhu rythi story eh kiyaalan beynumihyaa hurihai kudhinves gavaidhun mi story kiyaalaa… Eyrah buneveyne saharoa saabahey mivaa rythi story ekey hama yagynunves… Mivaru kameh nethey hama yagyn hithah araane… Maroo ge thi bura masahkah hurihai readers ves hama ufalaaeky balaigannaane… Thy story liyan hunaru huri molhu liyuntheriekey shann bunaany…????…. Now how r u Maroo???… Me n kids v rangalhu… Thigothuga kuriah dheveytho balaa igey… Hama yagyn kaamiyaab vaanekan… Insha Allah …. Luv u n Miss u always…??????????❤?????????????????????????

    1. magey loabivaa dhegotheh nuvaa shann ?
      comment kiyaafa dhera ves vejje adhi ehaame ufaaves vejje… sorry ehaa gina iru inthizaarugai behettunythy dear.. haadha ufaa vejje ey thihaa loabi, sweet, cute commenteh kollythy… eufalun folhijje. thiya asaru koffi ragalhah ves ??
      maroon adhi ekko ok noon, but so glad to know shann and kids ragalhu vaahaka angaalyma.. return my love to them.. so many hearts and love to you dear… miss you tooo ??

  10. Oh shittt.. I HATE YOU MAROON.. ANDDD ATBTHE SAME TIME I LOVE YOUU..STORY HAMA HABEYSS.. YAGEENEY MI MAAZIN MENGE KAMEH KAN

  11. Wow vvvvvv reethi adhinukiah mihaa reethi story ehh ????❤️❤️❤️Mee mivaahaka saitun fenunu ehhme reethi vaahaka ❤️❤️❤️

  13. Wow ? haadha intense ey. Hama comment eh nukoh nuhurevuny reethi kamun. So far my favorite part. ???? Keep it up dear ?

  15. A’lhy haadha reechy mipart ehame dhera vex vehjje hurihaa kudhin roathy ,????? kaain n ashva n reem n Hindu fahun rangalhuvaane dhow maroon??????? waiting for next part……

  16. Haadha udhagey comment fonuvan ehnve nufonuveny … Mirey vx mihaar 2nd msj mi BT nueh fonuvey v v v dheravejje story ah usgadeh a as adi gadeh mioh are ehfaharaa.. Amayyaaai!!! dhn kihinrbbaa dhw vaany alhey haadha salhiey asluvs mirey adhi beyynun eh part pleees

    1. yh v gina kudhin eba shakuvaa kurey thikama.. i hope verything will be fine soon…vvvvvv ufaa vejje dear thihaa haaluves comment kollythy ??tc

  17. Alhey rohvaalaifi..v v v heart touching. ..story hama v furihama ey buneveynee..adhi hurihaa kudhin ge life ah ves ufaaveri kan annaane dhw maroon..kudhin kudhin dhera nuvahchey..ur my favourite. Much love??? bali kihineh tha mihaar..

    1. thanku aish…vvv ufaa vejje ngy hiyaalu dhinythy..yes higaabala thikan kuran… bali adhives ok noon. ekams dnt worry story baraabarah up kuraanan ngey.. much love.. tc.. ??

  19. Rovihje adi alah mi vaahaka akah comment kury.. vvv v rythi. Abaduvx hurihaa vaahakehvx kiyan. Ekm mihaavarah nurovey… lvu maroon… ❤❤❤?????????????

    1. alhey.. rovunyma dherves vejje.. ekams v ufaa vejje comment fenunyma.. much love from me.. ??tc

  22. Alhey…enmen ehfaharaa rovvanee thi marroon…azu ah ves rovijje…??? ehen nuhadhaa marroon…liusha ves nubai bai kulhelee dho…mihaaru dhen kon kameh …vv foohi vey liusha dheke ves…and MAIRA ?? …

    1. i hate her too. lets give her a good lesson dhw azu.. kihinei hadhanvy liushaa ah?? thanku so much dear ?? maa boadah adhi kudakoh ves nurohchey.. just a story ngey 😉

  23. Alhey haadha dhera vejjey enmen vx hithaamaiga dhw. . .liusha vx haadha goahey ashwin adhivx hindhu ah vuren bodah trust kurany liusha ahtha? wasn’t expect that from ashwin. .dhn avahah ashwa and kain gulhuvabaa. .maroon you are the best. .waiting fr next part

    1. Thanku shina ?
      I m sure you will be happy to read next part. Sometimes incidents happen to make us stronger. Lets see ashwin dhn haadhe goiy dhw…much love. And for kaain and ashwa happy days will come for both of them ??

  24. mi episode kiyuny varah haalun… emmen ge hayaathah bodu thoofaaneh genesdhyfa thi nimmaaly.. shudha rovvaalynu… mi maira mee hurihaa ves massala aky.. emyhun ashwa ge boluga bodu ilzaameh alhuvaafa, nuvithaakah reem aa shanum ves dhurukury… thay have done enough!! plus mi liusha ves hasadhain foavefa… hindh aa ashvin ge dhiri ulhun ves halaaku vy… ashwa ah hurihaa kameh effaharaa boluga alhaigeneh noolheveyne… everybody was living in peace until now… dhn vaane gotheh neyge… shudha v dhera vejje… i think dhn maira amilla ah kanneyge bust vaany… gina faharah amilla meehaa salaamaiy kuran vegen ulhenikoh amilla ah bedheny… v v v reethi and sad mi part… eagerly waiting for next part.. maroon ge faraathun bodu hug eh beynun shudha rovvaalyma ingey… thankuuuu… loveeeeess<3 <3 <3 <3

    1. hehehe shudha v rulhi aisfi dhw.. sorry dear.. ekams lets hope their lives get better.. mairaa ah gotheh hadhaanan 49 vana part in.. liusha ah ves.. eyrun ok thaa dhw dear.. vvvvvvvvvvvvv happpy vejje adhi dhera ves vejje… ashwa needs to take her own happiness to her hand.. hind too.. firihenun komme vaahaka eh dhekkias they shud stand up for themselves…much love tc ????

  25. hama rovihje????? ehaavess furihama well done maroon ashwaan reemge dhemedhah mairaa fani vadhy?????????i hate mairaa ???dhen maroo vess kuraakanthah ??ehn hadhaakah nuvaanu??? ?hurihaakudhinge hithuga malan alhan ulhey ayrun dhw dhenvess kuda kuda hamajehumeh libeynyvess ?????next partah v inthizaaru ebakurevay knme partakah cmt nukuriyass maroon loabige strythah kiyan ingey love you????????next part avahah up kohladhehchey

    1. thanku nux… v dhuvas kollaafa nux ge habareh thivy.. ehen hedhy vvv bodu beynumaku.. lets see dhw dhn vaane goiy dear.. malan kolheh gannan miadhu fihaara ah dhaanan ngey 😉
      much love ??

  27. Anehkaa ves rohvaalaefi maroon? ekam ves vvvvvvv vv reethi mi part ves ❤️❤️ alhey plx maroon kaain nd ashwa gulhuvaany? cox they are the best couple ?nd i think maairaa kanneyge ashwa nd kaain dhuru kuran thi ulhuny??i hate her!!! Plx jaain nd ashwa ehaa ginairu vandhen dhuruga nubae thihbahchey maroon? i love this story❤️❤️❤️ waiting for the next part ?? vvvv dheravehje kaain nd ashwa dhuru v ma plxx ae dhekudhin ge rulhigadu ragalhu kohdhy maroon???

    1. thanku isha… vvvv happy vejje comment fenifa.. isha ge name fenunyma hadhaan vy maroon ge first story mathin 🙂 we all hate her dear.. in sha Allah mairaa ah ves eyna ah haggu adhabu libeyne.. kaain ah vaa gotheh balama next part in dhw ?? much love

  30. Maroon I really ??????????. Hurihaa emmenah landu dhiny nulafaa, mairaa , emmenge dhiriulhun halaaku kohlaifi mi baiga, Maroon plz hurihaa emmen gulhuvahchey, adhi mairaa hamabeynumy maraalan Bodukoh…??????.
    Kury partehga ashwaa ofyhuga hutta reem varah avahah ofyhun nukumegen dhiya bai oh genesdhyfa, ehenehenvma mairaa edhuvahu eaee ofyhah. I hate u mairaa ????????????.
    Emmenge dhiriulhun halaak kohlyma vaane mairaa bodukoh ladhu gannavaalan Maroon plz plc plx. I love u maroon ????????????????.
    Mihaaruvess hih hutrijje mibaiga emmenge dhiriulhun halaak vyma, hindhu , ashwin, ge dhiriulhun halaak kohlany eesh ge Mom hen hyvany, l hate u mairaa ?????????.
    Mihaaru maaxin ahvure mairaa dheke rulhi annany,

    1. vvvv dhera vejje dear thihaa roathy… omg noo aai havaalu kuranvy dhw mairaa aai maazin.. dhemyhunnaves ragalhu gotheh hadhaanlan.. heheh… yes ei mairaage kameh.. but kaain moya kamun ekan visney vareh noon dhw.. hope he trusts her .. subuhanAllah,, v viha gadha harufaeh dhw thi dhiny mairaa maraalna.. thanku so much dear ??

  31. No way maroon kythi kuri, this is so unfair. enme furathama ves u ruined all their life nw after so much happiness. anyway ashwin ves haadha moya ey dhw, as a dr he shud knw they can make reports wat ever way they want, i m sure liyusha amillayah hedhi fake report eh kan ei hindh abort kuriye kiyaa,but ashwin ves ehaa promise kohffa hindhu ah ithubaru nukurevunu. Next kaain, i knew it the moment fake reem step inside reems office something is wrong kan, which means ashwa boluga alhuvaafa that day kain ah landu dhini eyna ey. she framed ashwa and kain ves ekkala bappage love ga blind v varun ashwa kairi kendunu ha fonyeh ves dhiyai dhoo koh ves dhiyai hageegah hoadhan noolhe varah foohi vey >.<. And reem i knew reem ah inge dhuvahun she will step aside kan, but ashwa and shanum marry nukureveyne since they are carriers. last minute shanum will run for reem bcz he loves her too. but even reem wudnt let him explain. stubborn people hama hus ves. poor ashwa and hindh every time they are hurting for things they didnt even do. y maroon? y such a big twist nw? nulafa kan kuran ulhe meehunah chance thi dheni nw. :'( i m so saaaaaaad.kain i hate u huriha enmen misunderstand ve trust nukuriyas i thought u will for sure trust ashwa. but even u didnt. ashwa say yes to the other guy miuwan. eyrun kain ah echeh visneyne. ashwa and hindh deserve all the happinesses. reem too. but i am very disappointed in tonights episode. one minute all trust each other next minute they cannot b trusted. this sucks. waiting for the next part. and i hope next part ga mind lose v trust nukurevunu enmennah heyo visnun libeyne kamah and reem ge twins and mazin ge all evil plans reveal vaane kamah. gdnyt :'(

    1. bunaane ehcheh neygifa mihiry.. assuves.. adhi mihaa rulhi gadha reader eh nudheken.. yes dear i ruined their lives again… every single of themm.. but letss hope weverything gets better .. kaain moya kamun sigurulhi anna varun ehen kanthah kuree,, and ashwin hama visnaaluny.. but those are not good excuses to blame the other person.. if they really love each other i m hoping things will be better.. v dhera vejje ekam i will wait adhi.. thanku dear so much.. mi story aai medhu thihaa shaugu bahattaa dhevana ehen reader eh nuvaanekana yageen ???

  32. Alhey vvvv nyc mi part…can hardly wait for the next part…rooon plz avahah up khdhyba…hama kiyaahiyvanee ey mirey

  33. ahlheyyyy enmen ehaa happy koh ulhefa kihineh mi v vv dhera vejje mi part kiyaafa nukuraa kanthakah emmenah vx mi adhab libeny rohvaalaifi mi part kiyaalaafa

  35. v reethi mi part and so sad for all of them ???khassakoh hindh baeh faharu stories thakuga girls v balikashi koh portray kuranee hama enme faharaku sorry bunelaa irah kithanme bodu kameh viyas ok vaane .I hope ashwin ah truth inguneema hindhu stand eh nagaane kamah ei abadhu meehun dhakaa vaahaka gabool koh wife ah trust nukurevenyaa ulhumuge beynumeh nei kahneyge and shanum ves reem fahathun reem ge loabi hoadhan massakai kuran jeheyne eyna heevanee abimeeha veema vaajibeh adhaakuraa hen loabi nuve hope all the girls come out as strong characters . and vaahaka v reethi hope to see more love &romance in upcoming parts ???

    1. thanku ninaa. i think u will a little bit happy to read the next part,…thanku so much dear…vvvv happy vejje ..m hoping thi hurihaa kameh vaane kmaha ??tc loves

  36. grr dear esfiya team y are u eating my comment every time? do i have to send it 3 times before u publish mine? i am so annoyed this time i am so not gonna comment for a 2nd time. hmph maroon i have already send the comment but even last time 3 times send kurima publish kurevuni. tonight i am annoyed

  37. Alhey ashwage frnd thah gein dhiyaeetha?.. hindhuah ladu dhinee e liyushaa.. liyushaa v hasadhavejje.. liyushage reyvun kaamiyaabu nuvaane liyushaa?.. reemge twin kurikamekey ashwa think kohlaa.. ekm ashwa ah heylevuneema vaanee kihunehbaa??. V v v v nice mipart???.. happy life thakah adigadeh aee.. v sad vefa mi inee kiyaali iru.. adhiwex kiyaahiivanee.. next part avhah up kohdhehche maroon.. thee v v v best writer eh komme dhuvahaku v dhigukoh parteh up kohdheeba.. thank you?????..

    1. thanku dear shina ?? vvv happy vejje comment kiyaalaafa. higaabala liyushaa ah ragalhu filaavalheh nagaidheyn.. eyrun visnidhaane ?? much love.. and mairaa ahves ladeh dheveythw miulheny ngey 🙂

  38. alhey so sad.. kurin kuri comment netheema.. ehaa loabin kuri comment.. varah foohiveyy.. dhn neyngeyne ehen bunaakah ves.. mi comment ves dhey thorr test kuran jeheyniii dhn.. story hama varah habeys.. ekam e comment nudhiyaima vrh foohi dhn…

    1. vvv sad vejje dear hope massala vahah hallu vaane kamah.. ?? thanku so much jeen

  44. Alhey, so heartbreaking. Mihaaru dhen ohbai kiaa hithun nuves nidheyne kanneynge. Mi vaahaka nimmaalafa ehn vaahaka eh fashahcchey inge ❤️

    1. thanku dear… haadha loabi namekey dhw thi kiyany heheh 🙂
      adhi decide nukuran ehen story eh liyan.. this might be my last one too ..
      ekam vaguthu vejjeyyaa fashaanan ngey ??

  46. މާކޯނިގެއަށް ބޮޑުރާޅު އަރާފި ސާބަހޭ maroo ތަލިން ކުޅުހިކިފަ މީނީ ދެމިޔަކަނުން ސޮނިވެއްޓިފަ އަޝްވާ ދެން ނީލަމަށްލާ ބުރޯ ނަގާނަން ?ރޫން ލޯބި ޔޫ ?

  47. ވޭ އުފާ ހާދަހާ ލިބުމުން ކިޔާލަން ތިޔަ އަސަރު
    ރޭދުވާ އެސްފިޔަޖަހާނުމެލާ ހޯދަމޭ ތިޔަވއަސަރު
    ވޭ ބުނާހިތް ހާދަޗާލޭ ރޫންގެ ތިޔަ އަސަރު
    ⁦❤️⁩ ރޫންއަށް ބުރޯދޭ ގިފްޓެއް ???

  48. Alhey maroon… thin kudhin ehfaharaa thi roahvaalee..
    Ekakah ves anekauge ehee eh nudheveyne gothah v dhera…
    V reethi mivaahaka ?
    Comment nukuriyas maroon ge hurihaa vaahaka thakeh ves kiyan v reethi hurihaa vaahaka thakeh ves
    Thank you ehaa reethi vaahaka thah genes dheythee…❤️?
    Waiting for next part

    1. i remember you dear from vaashe oagaaa hithaage comment section in.. v ufaa vejje mi story ves thihaa shaugaai eky kiyaathy.. much love dear.. much love.. ??

  49. Buxy kon ulheythee comment nukurevenee mihaaru. Ekam hithah eree maroon story dhookohli Ey buna kudhinge listga shanum himeni dhaaney. Dhuniyeyga ulheyiruves hurihaa kameh vanee beynun vaa gothakah nooneynun. Ekam enmenves ulheneenun. Egothah story vani gothakah dhiyaey kiyaafa kiyumeh huttaeh nuleveyne. Ashwa & shanum ekee noolheveyne reason gaboolu kuramey. Neiy evves shakuvaaeh maroon akah. Story v v v reethi. Maroonge Thi visnuma hiyaalah hama saabas.

    1. alhe dhoonyaa.. thiheh hithah naaruvaa.. maroonge evves shakuvaa eh neiy comment nukuriyas.. egey kiyaa hiyvaa kudhin kiyaane kan.. and busy koh ulhey iru commen tnukuriyas evves massala eh neiy ngey.. vvvv ufaa vejje dear shanum ?? loves

  51. alhey hama rovijje plx plx avaha masala hallu kobba…adhi aswa and kaain gulhuvaba..hurihaa kudhin ge life happy kurachey next part ga…mi bai ves vv reethi…maroon you are the best writer always i support you …kepp it up…ekamu vv dheravey gavaaidhun comment nukurevey thi ..hurihaa episodeh ves baraabarah kiyan…vvv reethi..hama huvaa speachless

    1. its okay dear comment nukuriyas.. egey maaisha story kiyaanekan.. kurinves gavaidhun comment koffa maroon ekanikoh nulaanu 😉 dhw…lets hope everything gets better ??loves

  55. Oh nooooo ???… Kihineh mi veee???? Sooo sad ?????… U made me cry again ?????… Enme ge dhiriulhumah vx ehaa bodu thoofaaneh dhw miaeee… Dhn kihineh baa vaanee??? Mi part haadha emotional ey maroon ❤️❤️❤️… V v v reethi n ehaame furihama mi part ???… Heevanee hama filmeh balaaleveyhen ???… Feelings thah deliver kohdhinun haadha furihama ey ????… U are sooo great ????… Maasha Allah maroon v v molhu ingey ???… Mi Story ge hurihaa parteh vx v v v reethi n it’s interesting ???… Keep up the good work maroon ???… Curiously waiting for the next part ???… Lots of love and take care ??????❤️❤️❤️??????

    1. dhw dear.. m so sad thi kudhin rovvaaleveyethy…ekams adhi happy vaane kamah mi balany ngey…vvvvvvvvvvv happy vejje comment thihaa colorful, sweet koh kollythy… thanku?? much love tc…

  57. ???????haadha dhera eyyyy.maroon enmen thi rovvaalydho.??any way story v.v.v.v. reethi.maashaa allah????❤?????

Comments are closed.

All Right Reserved!