ހިތް މިއެދޭ ސޫރައޭ ތީމަގޭ (6 ވަނަ ބައި)

“ކޮން ކޯލާ ބޭބެއެއްތަ ދޫނީ…” ޔަނާލް އައިސް އަންޖަލް އުރާލަމުން އަހާލިއެވެ. އެވަގުތު އަންޖަލްއަާއި ދިމާލަށް ޔާލް ބަލާލައިފައި ދެފަރާތަށް ބޯހޫރާލީ ނުބުނައްޗޭ ބުނާފަދައަކުންނެވެ. އެ ޅަޅަ ސިކުނޑިއަށް އެކަން ނަގައިގަނެވުނެވެ. “ނޫން އެ ސީކްރެޓެއްދޯ ދޮނޭ….” އަންޖަލް ދަތްޕިލަ ދައްކާލަމުން ބުނެލިއެވެ. ނޫރާމެންވެސް އައީ އެވަގުތުއެވެ. އެންމެން ލަސްނުކޮށް ސައިބޯން އައުމަށް ނަސީމާ އެދުނެވެ. އަދި މިއީ ޔާލްއަށް ވަޒީފާ ލިބުނުކަމުގެ އުފަލުގައި ދޭ ސައެއްކަމަށްވެސް ބުންޏެވެ.. އެކި ވާހަކަތަކުގައި ތިބެ އެންމެން ސައި ބޮމުން ދިޔައިރު ހީވަނީ އެއް އާއިލާއެއް ހެނެވެ. ޝާނިމް ދޭތެރެއަކުން ބުނެލާ ޖޯކުވާހަކަތަކުން އެންމެން ހެމުން ދިޔައެވެ. ނަމަވެސް އަޔާންގެ ކަންފަތަށް އެއިން އެއްވެސް ވާހަކައެއް އަޑުނީވޭ ކަހަލައެވެ. އޭނާގެ ނަޒަރު ހުއްޓިފައިވަނީ އައިސްއަލަމާރީ ކައިރީ ހުއްޓިގެން ހެވިފައި އިން ޔާލްއަށެވެ. ފުރިހަމަ ހިނިތުން ވުމެކެވެ. އަޔާންއަށް މިވާ ގޮތްތަކުން ހުދު އަޔާންވެސް ހައިރާންވިއެވެ. ކާންތިބި އެންމެނަށް ބަލަންއިން ޔާލް އެއްލިކަޅިއަކުން ފެނުނީ އަޔާން އޭންއާއި ދިމާލަށް ބަލަހައްޓައިގެން ހުރިތަނެވެ. މިހާރަކަށް އައިސް އަޔާން ވަރަށް ބަލާކަން ޔާލްއަށް ފާހަގަވެއެވެ. ނަމަވެސް ޔާލް މާބޮޑަކަށް އަޅައެއްނުލައެވެ. ދެން ފެންނީ އަޔާން އެއްލޯ މަރާލިތަނެވެ. އަވަސް އަވަހާ ޔާލް އިސްޖަހާލުމަށްފަހު އެހެން ދިމާލަކަށް ބަލަން ފެށިއެވެ. މިރޭ އަޔާން އެއުޅެނީ ކީއްވެގެން ހެއްޔެވެ؟؟ ލަދުން އިސްޖަހާލި ޔާލް ފެނި އަޔާންގެ ތުންފަތަށްވެރިވީ ލާނެތް ހިނިތުން ވުމެކެވެ. ” ޔާލްވެސް ދޭބަލަ އިށީންނަން… އެމީހުންނާ ބައިވެރިވެބަލަ… ” ނަސީމާ އެހެން ބުނުމުން ޔާލް ބަލާލީ ހުސްކޮށް އިން ގޮނޑިއަށެވެ. ކަން ދިމާކުރި ގޮތުން ހުސް ގޮނޑިއެއް އިނީވެސް އަޔާންއާ ޖެހިގެންނެވެ. ނުދާން ހުރެފަވެސް ޔާލް ދިޔައީއެވެ. ގާތުގައި އިށީން ޔާލްއަށް ވައްކަޅިން އަޔާން ބަލާލިއެވެ. ” މިވަގުތު އެއްކަލަ ވާހަކަ ދައްކަންވީދޯ..؟؟ ” އެހެން އެންމެން ވާހަކައިގައި އުޅުނު ވަގުތު ބަލާފައި އަޔާން ސިއްރު ސިއްރުން ޔާލްގާތު ބުނެލިއެވެ. ޔާލްއަށް ކުއްލިއަކަށް އަޔާންއާ ދިމާލަށް ބަލާލިއެވެ. އަދި އަޔާންގައިގައި ވިކައިގަތެވެ. “އައްދޯއި..” އަޔާން އަށް ބުނެވުނީ ތަންކޮޅެއް ބާރަށެވެ. އެންމެންގެ ނަޒަރު އަޔާންއާއި ދިމާލަށް ހުއްޓުނީ ކިހިނެއްވީހޭ އަހާފަދަ ގޮތަކަަށެވެ. “އަމް.. އެ… މަދިރިއެއް ވަރަށް ބާރަށް ކައްޓެއް ޖެހީ…” އަޔާންއަށް ބުނާނެ އިތުުރު އެއްޗެއް ނޭނގުނެވެ.. “އެހެންނުވާނީ ހުރިހާ މަދިރިތަކެއް ގޮވައިގެން ވިއްޔާ ތިއައީ…” ޝާނިމް ބުނެލިއެތިން ދެން އިވިގެން ދިޔަައީ އެންމެންގެ ހުނުމުގެ އަޑެވެ.

އެކިކަހަލަ ސަކަރާތުގައި ތިބެ އެންމެންވެސް ފޫހިކަމެއްނެތި ސައިބޮއެ ނިންމާލިއެވެ. ” ވަރަށް މީރު އިނގޭ ހުރިހާ އެއްޗެއްވެސް… އަދިވެސް މިކަހަލަ ދެތިން ސައެއް ލިބޭނެކަމަށް އުންމީދުކުރަން…” ޝާނިމް ފޯއްކޮޅެއް އަނގަޔަށްލަމުން ހީލިއެވެ. ” ޔާލް… ހިނގާބަ ޓެރަސްއަށް ގޮސްލަން….” ނޫރާ ޔާލްގެ އަތުގައި ހިފާލިއެވެ. “އޯކޭ ހަމަ ދާންވީ…” ޔާލް ހިނގައިގަތެވެ. ” ޝާނިމްއާ އަޔާންވެސް އާދެބަލަ…. އަދި އިރުކޮޅަކުންނެންނު ދާނީ…. ކޮބާ ޝިޔާޒްމެން ދިޔައީތަ؟؟ ” ފަހަތް ބަލާލަމުން ނޫރާ ބުނެލިއެވެ.. ” އާނ.. އެމީހުންނަށް ލަސްވާތީ ދިޔައީ… އޭ އަޔާ ހިނގަދާން…” އަޔާންއަށް ގޮވާލަމުން ޝާނިމް ދިޔައެވެ. “މަ އެބަދަން….” މިހެން ބުނެ އަޔާން ސޯފާގައި އިށީނދެލީ ކަރަންފުލެއް އަނގަޔަށްލަމުންނެވެ. އެހެން އިރުކޮޅަކު އިނުމަށްފަހު އަޔާންވެސް ސިޑިން މައްޗަށް އަރަންފެށިއެވެ.
“ނޫ… އަހަރެން އެބަ އަންނަން ކޮޓަރިއަށް ވަދެލާފަ… ތި ދެމީހުން ވަދެ… ” ޓެރަސް ދޮރު ހުޅުވާލަމުން ޔާލް ނޫރާ އާއި ޝާނިމް ގާތު ބުންޏެވެ. އަދި ޔާލްގެ ކޮޓަރިއާ ދިމާލަށް ހިނގައިގަތެވެ. ސިޑިން އަރަމުންދިޔަ އަޔާން އަަށް ފެނުނީ ޔާލް ކޮޓަރިއަށް ވަންނަނިކޮށެވެ. އެހެންވިއްޔާ މީ ޔާލްގެ ކޮޓަރިތާއެވެ. މަޑު ފިޔަވަޅު ތަކެއްގައި އަޔާން ގޮސް އެކޮޓަރީ ދޮރުމަތީ މަޑު ކޮށްލިއެވެ. އަދި ވަގެއްހެން ދެފަރާތް ބަލާލީ ޝާނިމްމެން ކޮބާތޯއެވެ. އަލާމާރީ ވަތްގަނޑު ހުޅުވައިގެން އިން ޔާލް ސިހުނީ ދޮރުލެއްޕުނު އަޑަށެވެ. ނަމަވެސް ބޯ ދިއްކޮއްލާފައި ބަލާލާލިއިރު އެއްވެސް މީހެއް ފެންނަން ނެތުމުން ދެކޮނޑު ހިއްލާލުމަށްފަހު ކުރަން ހުރި މަސައްކަތާއިގެން ކުރިއަށް ދިޔައެވެ. ކަބަޑު ލައަޕާލުމަށްފަހު އެނބުރިލި ޔާލްއަށް ތޫލި އަޑަކުން ހަަޅޭއްލަވައިގަނެވުނެވެ. ނަމަވެސް ދެވަނަ ސިކުންތުގައި އަޔާން ޔާލްގެ އަނގަމަތީ އަތްއަޅާލިއެވެ.. ” ޝޫޝްް… އަޅެ އަހަރެން ފެންނަނީ ފުރޭތައެއްގެ ގޮތުގަތަ…؟؟؟ ” އަޔާން އެހުރިގޮތުގައި ހުރެ އަހާލިއެވެ. ޔާލް ކުޑަކޮށް ހަމަޖެހިލިއެެެވެ. ” އަޔާން ކީއްކުރަނީ މިތަނަށް ވަދެގެން…. މީސްމީހުންގެ ކޮޓަރިއަށްވެސް ހުއްދަ ނުނަގާ ވަންނަން ފެށީދޯ.. ؟؟ ދޭބަލަ ނޫރާމެން އައިސިއްޔާ ކީކޭ ހީކުރާނީ.. މަންމަވެސް އައިސްދާނެ…” އަޔާން ކުޑަކޮށް ދުރަށް ކޮއްޕާލަމުން ޔާލް ބުނެލިއެވެ. އަޔާންއަށް އިނދެވުނީ ޔާލްއާ ދިމާލަށް ބަލަހައްޓައިގެންނެވެ.. ” މިރޭ ޔާލް ވަރަށް ރީތި.. ” އަޔާންއަށް އެހެން ބުނެވުނީ މަޑުމަޑުންނެވެ. އަދި ގަސްތަކާނުލައެވެ. ” ކީކޭ؟؟ އެއްޗެކޭ ބުނިންތަ..؟؟ ” ޔާލް ކަންފަތުގައި އަތްލަމުން އަހާލީ އަޔާން ބުނި އެއްޗެއް ސާފު ނުވުމުންނެވެ. އަޔާން މަޑުމަޑުން އަނގަމަތީ އަތް އަަޅާލިއެވެ. އަދި ހިތާހިތުން ޝުކުރުކޮށްލީ ޔާލްއަށް އޭނަ ބުނި އެއްޗެއް އަޑުނީވުމުންނެވެ. “އަމް.. އަހަރެން ބުނީ.. މިއަދު ޕްރޮމިސް ކުރީމެއްނޫންހޭ ކަމެއް.. އެހެންވެގެންނޭ މިތަނަށް މިއައީ… ” ޔާލް ގާތަށް ހިނގައިގަންނަމުން އަޔާން ބުނެލިއެވެ. އެހެން ބުނުމާއެކު ޔާލް ހަނދާވިއެވެ. އަނެއްކާ އަޔާން މިއުޅެނީ ކީއްކުރަން ހެއްޔެވެ؟؟ ފަހަކަށް އައިސް އަޔާން އުޅޭ ގޮތުން ޔާލް ފާޑަކަށް ހުންނަނީ ބިރުގަނެފައެވެ. އަޔާން މިހާރު ކުރިން ބާލާ ރުޅިގަނޑެއްވެސް ނުބާލައެވެ. މިވީ ކިހިނެއް ހެއްޔެވެ؟؟؟ ޔާލްއަށް ވިސްނާ ވިސްނާވެސް ބޮލަށް އެއްޗެއް ވަންނަގޮތެއް ނުވިއެވެ. ” ހޫމް…ސޯ ރެޑީތަ..؟؟ ” އަޔާންގެ އަަޑު އެހާ ގާތުން އިވުމުން ޔާލްގެ މޭގަނޑު ހީވީ އަތަށް އައިހެނެވެ. ފަހަތަށް އެނބުރުނު ޔާލްގެ ނޭފަތް ޖެހުނީ އަޔާންގެ މޭމަތީގައެވެ. ޔާލްގެ ހިތް ބާރަށް ތެޅެންފެށީ އެއެއްމިއެއް ބަލާފައެއްނޫނެވެ.

ޝާނިމްގޮސް އިށިނދެލީ ޓެރަހުގައި އިން ޖޯލީގައެވެ. އަދި ނޫރާއަށް ނަޒަރު ހުއްޓާލިއެވެ. ނޫރާއަށް އޭނާގެ ހިތުގެ ހާލަތު އަންގަން ކިތަންމެހާވެސް ބޭނުމެވެ، ނަމަވެަް ފަސްޖެހެވެނީއެވެ. އަދި މާއަވަސްކަމަށް ބެލެވެނީއެވެ. އަހަރެން ކިހާ ފިނޑިހެއްޔެވެ؟؟ ޝާނިމްއަށް މަލާމާތް ކުރެވުނީ އަމިއްލަ ނަފްސަށެވެ. މިހާރުވެސް އެއަތުގެ ތެރެއަށް ނޫރާ ގެންނަން ޝާނިމް ބޭނުންވެއެވެ. ނަމަވެސް……
“ނޫރާގެ ފެމިލީ އެއްކޮށް މާލޭގަތަ އުޅެނީ؟؟؟ ” ދައްކާނެ ވާހަކައެއް ނެތުމުން ޝާނިމް އަހާލިއެވެ.. ނޫރާވެސް ޝަަނިމްގާތު ޖޯލީގައި އިށީނދެލިއެެވެ. ” ހޫމް… ފެމިލީ އެހާ ބޮޑެއް ނުވާނެ… އެހެންވެ އެންމެން މާލޭގަ ވަޒީފާގަ އުޅޭތީ އަސްލު ބަދަލުވީ… ޝާނިމް ސަރ ތީ މަޑިފުށިދޯ؟؟؟ ” ނޫރާ އަހާލިއެވެ. ” އޯކޭ އޭ ޝާނިމް ކިޔަސް… މީދެން އޮފީސް ގަޑިއެއްވެސް ނޫނެއްނު… ” ޝާނިމް އެހެން ބުނުން ލަދުވެތި ގޮތަކަށް ނޫރާ ހީލިއެވެ. އެ ހިނިތުންވުމަށް ބަލަން ޝާނިމްއަށް ހުރެވުނީ އާށޯހުވެފައެވެ. ނޫރާ އޯކޭއޭ ބުނުމުން ޝާނިމްވެސް ހީލިއެވެ. އަދި ނޫރާ ކުރި ސުވާލަށް ޖަވާބު ދިނުމުގެ ގޮތުން ބޯޖަހާލިއެވެ. “ކޮބާތަ ޔާލް… އަދިވެސް ނާދޭ… ” ދޮރާ ދިމާލަށް ބަލާލަމުން ނޫރާ ބުނެލިއެވެ. “އަޔާވެސް އަންނާކަށް ނޫޅޭ… އޭ އަނެއްކާ އެދެމީހުން ތަޅައިގަތީބާ… ” ދެލޯ ބޮޑުކޮށްލަމުން ޝާނިމް ބުނީ ވަރަށް މަޖާކޮށެވެ. “ހެހެ… އެ ކީއްވެ ތިހެން ތިބުނީ..؟؟ ” ” ހަހަހ.. ނޫރާއަށް އަދި ނޭނގޭނު…. ހަމަ ދެ ހަނގުރާމަވެރިން އެއީ… ކުދިކުދި ކަންކަމުގަ ރުޅި އައިސް ރަތްވާ ދެމީހުންތީ… އަދި އިނގޭތަ ވީގޮތެއް.. ” މިހެން ބުނެ ނޫރާއަށް ޝާނިމް ހުރިހާ ވާހަކައެއް ކިޔަައިދިނެވެ.. ” ހަހަހަ.. އަސްލު… ހާދަ ވަރުގަދަ ބައެކޭދޯ… ” ނޫރާ އަދިވެސް ހެނީއެވެ. ” އާނ… އެކަމު މިހާރަކަަށް އައިސް އެދެމީހުން ވަރަށް ޕާޓުހެން ހީވަނީ… ބަހައްޓަ އަންނާނެއްނު އަންނަންވީމަ…” ޝާނިމް ބޭނުމީ ނޫރާއަައެކު އެކަނި ގިނަ ވަގުތު ހޭދަކުރާށެވެ.

“އަޔާން މީހަކު އައިސްދާނެ… ” ޔާލް މަޑުމަޑުން އެހެން ބުނެލީ އަޔާން އެހާ ކާރީގައި ހުރުމުންނެވެ. ޔާލްއަށް ފަހަތަށް ޖެހެވޭކަށްވެސް ނެތެވެ. ފަހަތުގައި ހުރީ އަލަމާރިއެވެ. “ނާންނާނެ…. އަހަރެން މިއައީ ދޮރު ތަޅުލާފައޭ… ” އަޔާން އެހެން ބުނުމުން ޔާލްއަށް ހިންދިރުވާލެވުނެވެ. ” އަ..އަޔާން.. ދެން ދޭބަލަ.. ” ޔާލްއަށް ވާހަކަ ދެއްކެނީވެސް އަޅައިގަންނަމުންނެވެ. ” އަހަރެން ކުރާ ސުވާލަކަށް ޖަވާބު ދިނީމަ.. ” އެހުރި ގޮތަށް ހުރެ އަޔާން ބުނެލިއެވެ. ” އެދުވަހު ޔާލްއަށް އޮފީހަށް މާބޮނޑި ގެންގޮސްދިނީ ކާކު؟؟؟ ” އަޔާން ސީދާ ޔާލްގެ ލޮލަށް ބަލާލަމުން އަހާލިއެވެ. އަޔާން އެސުވާލު ކުރުމުގެ ބޭނުމެއް ޔާލްއަކަށް ނޭނގުނެވެ. ” ނޭނގެ…. ” ޔާލްގެ ޖަވާބު ކުރެވެ.. ” އިނގޭނެ…. ހަމަ ގައިމުވެސް އެހާ ގާތް މީހަކު ނޫނިއްޔާ ނުދޭނެ…. އެހެންވީމަ ޔާލްއަަށް އިނގޭނެ…” އަޔާންދެވަނަ ފަހަރަށްވެސް އަހާލިއެވެ. ” ހަމަ ރަނގަޅަށްވެސް ނޭނގެއޭ….. އަހަރެން އެދުވަހު ނޫރާ ކަރީވެސް އެހީމޭ… ” ޔާލް އަށް ވާހަކަ ދެއްކުނީ ވަރަށް ވަރުންނެވެ. ހީވަނީ ނޭވައި ތާށިވެފައިއިން މީހެއްހެނެވެ. “ޔަގީން ޔާލްއަށް އިނގޭނެކަން އެއީ ކޮން ފިރިހެނެއްކަން…. އަހަރެން…” އަޔާން ބުނަން އުޅުނު ޖުމްލަ ހުއްޓުނީ ޔާލް ވާހަކަ ދައްކަން ފެށުމުންނެވެ.. “އަޔާންއަށް ކިހިނެއް އިނގުނީ އެއީ ފިރިހެނަކު ފޮނުވި އެއްޗެއްކަމެއް..؟؟؟ އެހެން ނޫނަސް އެ ފޮނުވީ ކާކުތޯ ބަލަން މާވަރަކުން ކީއްވެ ތިއުޅެނީ…؟؟” އަޔާންއަށް ބުނަނެ އެއްޗެއް ނޭނގުމުން ތުނިކޮށް ކޮށާލެވިފައިވާ ތުނބުޅީގައި އަތް ހިންގާލިއެވެ. ” އެއީ އެދުވަހު އަހަރެން އޮފީސް މީހެއް ކާރީ އެހީ…. ” އަޔާން ހަމަޖެހިލަމުން ބުނެލިއެވެ.. “އެހެންވީމަ އަޔާންއަށް އިނގޭނެ ކާކު ގެނައި އެއްޗެއްކަންވެސް…” ” ނޭނގޭތީނު މި އަހަނީ… ބުނަންވީނު އެހެންވީމަ… ” ދެޖީބަށް އަތްޖަހާލަމުން އަޔާން ބުނެލިއެވެ. ” އަހަރެންވެސް މިބުނީނު ނޭނގޭ… އިނގުނަސް އަޔާންކާރީ ކީއްކުރަން ބުނަންވީކީ…. އަޔާން ނުޖެހޭނު ހޯދާކައްވެސް… ” ޔާލްއަށް އަޔާންގެ ހިތުގެ ހާލަތު ނޭނގޭ ހާލު ބުނެލިއެވެ. “އަހަރެން އެހެން މިއަހަނީ ގޮތްނޭނގޭ މީހުން ދޭ އެއްޗެހީގައި އަތްލަން ނުވާނެތީވެ… ޔާލްއަށް ރަނގަޅަކަށް މިބުނީވެސް… ” އަޔާން އެހާ ފަސޭހައިން ދޫދޭކަށް ބޭނުމެއްނުވިއެވެ. ” އޯ… އަޔާން ކޮންއިރަކު އަހަންނަށް އެހާ ރަނގަޅުވީ…؟؟؟؟ ” ދެބުމަ ހިއްލާލަމުން ޔާލް މިހެން ބުނެލިތަނާހެން ދޮރުގައި ޓަކި ޖަހާ އަަޑު އިވެންފެށިއެވެ.. ޔާލްގެ އިތުރުން އަޔާންވެސް ހާސްވީ ޔާލްގެ މަންމަގެ އަޑު އިވުމުންނެވެ. ” ކޮބާ.. އަޔާންގެ ކަންތަކޭ.. ދެން ކިހިނެއް ހަދާނީ… މަންމައަށް އަޔާން މިކޮޓަރިން ފެންނީމަ ކީކޭ ހިތަށްއަރާނީ… ” “ދެންވެސް ތި ވާހަކަ ގިނަ ނުކޮށް އަހަރެން ފިލާނެތަނެއް ބުނެބަލަ..، ” އަޔާން އައިސް ޔާލްގެ ގައިގައި ހިފައި ތަޅުވައި ގަންނަމުން ބުނެލީ ކިރިޔާ އަަޑުއިވޭވަަރަށެވެ.. ” ޔާލް ދަރިފުޅާ… ހުޅުވަބަލަ… ” ނަސީމާ ދިޔައީ އަދިވެސް ޔާލްއަށް ގޮވަމުންނެވެ،… ޔާލް ހުރީ ހާސްވެގެންގޮސް ހަލާކުވެފައެވެ.. ދެން އެ ސިކުނޑިއަށް އައީ މޮޅު ހިޔާލެކެވެ. އަޔާންގެ އަތުހިފައިގެންގޮސް އަލަމާރީ ދޮރު ހުޅުވައިލިއެވެ.. އަދި އަޔާންއަށް އެއްޗެކޭ ބުނާނެ ފުރުސަތެއް ނުދީ ކޮއްޕާލިއެވެ.. ފަސޭހަކަމާއެކު އަޔާން އަލަމާރީ ތެރެއަަށް ގުޅައަކަށް ޖެހުނެވެ.. ބޮޑު އަލަމާރީއެއްކަމުން ފަަސޭހަކަމާއެކު އޭގެތެރޭ އިންނާނެ ޖާގަ ލިބުނެވެ. ” މަންމާ މި ހުޅުވަނީއޭ… ” މިހެން ބުނެ މުޅިހެދުމުގެ އެކި ތަންތަނަށް ކެރަމްބޯޑަށް އަޅާ ފުއް އެޅުމަށްފަހު ބިންމައްޗަށްވެސް އެޅިއެވެ. އަދި ފާހާނައަށްގޮސް ގައިގައި ކުޑަކޮށް ފެން އުނގުޅާލިއެވެ.. ” ކީކޭ މަންމާ… ” ދޮރު ކުޑަކޮށް ހުޅުވާލަމުން ޔާލް ވާހަކަ ދެއްކިއެވެ. “ދައްކަބަލަ މަންމަ އެއްޗެއް ހޯދާށޭ މިއައީ…. ދަރިފުޅު ނައިސްގެން ނޫރާމެންވެސް އެބަ ތިބި ޓެރަހުގަ… ” ނަސީމާ މިހެން ބުނެ އެތެރެއަށް ވަނެވެ. ” މީ…ހެދުމަށް ފުއް އެޅިގެން ދޮވެ އުޅުނީމަ އެހާ ލަސްވީ… މަންމަ ކޯއްޗެއް ހޯދަނީ.. ” ޔާލް އޭނާގެ ހެދުން ދައްކާލުމަށްފަހު ހާސްވެފައި އިނދެ އަހާލިއެވެ.

އަލަމާރީތެރޭއިން އަޔާން އިނީ ދާހިތްލާ ޗަސްވެފައެވެ. ޔާލްމެން ދައްކާ ހުރިހާ ވާހަކައެއް އަޔާންއަށް އަޑު އިވެމުން ދިޔައެވެ. އެހެން ހުރެފައި ތިރީގައި އަތް ޖައްސާލިވަގުތު އެއްޗެއް އޮތްހެން ހީވެގެން އަޔާން ފޯނުން މަޑުމަޑުން އަލިކޮށްލިއެވެ. އެއީ ކުޑަ ނޯޓު ފޮތެކެވެ. ފޮތް ޑިޒައިން ކޮއްފަ އޮތް ގޮތުން ވަރަށް ހާއްސަ ފޮތެއްކަން އިނގެއެވެ. ކުދި ހިތް ތަކަކުން ފަރުމާ ކުރެވިފައިވާއިރު ވަރަށްވެސް ރީއްޗެވެ. ނަމަވެސް އަޔާން އެ ފޮތް ޖީބަށްލުމަށްފަހު ފޯނު ނިއްވާލީ އަލިކަން ބޭރަށް ފެނިދާނެތީއެވެ. އެ ފޮތުގައިވަ އެއްޗެއް ކިޔާލުމަށް އަޔާން ހުރީ ވަރަސްވެސް ޝައުގުވެރިވެފައެވެ.

“މަންމާ ތި އަލަމާރީގަ ކޯއްޗެއްދެން އޮންނާނީ… ތީ އަޅުގަނޑުގެ ހެދުން ހުންނަ ތަނެއްނު…” ނަސީމާ އަލަމަރިއާ ދިމާލަށްދާން ފެށުމުން ޔާލް ދުވެފައި އެދިމާލަށް ދެވުނު ގޮތްވެސް ނޭނގުނެވެ. “މަންމަ އެދުވަހު މިތާއޭ އެޅުވީ އެ ކޮތަޅު… ފަހަރެއްގަ އަލަމާރީތެރޭވެސް އޮވެދާނެ.. ” މިހެން ކިޔައި ނަސީމާ ގޮސް ހުއްޓިލީ އަލަމާރީ ދޮރުމަތީއެވެ..

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.