މަލާކް… 10ވަނަަބައި

ސްކޫލްގެ ފުރަތަމަ ދުވަހަށްވުމުން މާގިނަވަގުތަކު ސްކޫލްގައި ހޭދަކުރާކަށް މަލާކްއަށް ނުޖެހުނެވެ. ނަމަވެސް ކުލާހުން ނިކުމެ ނިކުމެ ހުރި މަލާކް އަށް ހުއްޓެވުނީ މާހިލްއައިސްް ކުރިމައްޗަށް އެރީމައެވެ. ކަޅިޖަހާނުލައި މާހިލް ބަލަންފެށުމުން މަލާކް އަށް ކިތަންމެ އުނދަގުވީނަމަވެސް އެއްޗެއްނުބުނެ ހިނގައިގަތީ ބޭރަށް ދާށެވެ. “މަލާ.. މަޑުކޮށްލެވިދާނެތަ..” މާހިލް ގެ މަޑުމައިތިރި ގޮވުމުން މަލާކް އަށް ހުއްޓިލެވުނީ އިޙްތިޔާރަކާއެކު ގައެއްނޫނެވެ. “މަލާ.. އަހަންނަށް މާފްކުރޭ.. އަހަރެން ގަސްތަކުނޫން.. އެރޭއެހެންހެދީ.. އެކަމަކު އެގޮތަށް ކަންތަށް ކުރެވެމުން މިއަދު އަހަންނަށް ކުއްވެރިކަން އިހްސާސްވޭ.. އިނގޭތަ އަހަރެެންގެ ޖީއެފް އެއްހުރޭ.. މިއަދު އަހަރެން ބޭނުމީ މަލާގެ އެކުވެރިކަން ވެދާނެތަ..” މާހިލް ހުރިހާވާހަކައެއް އެއްފައްޗަކަށް އަމުނާލުމުން މަލާކް “މާފްކޮށްފިން.. ” ބުނުންފިޔަވާ އެއްވެސް އެއްޗެއް ނުބުނެ އަވަހަށް ހިނގައި ގަތެވެ. މާހިލް ކަރުއެލުވާލާފައި ކުލާހަށް ވަނީއެވެ.

ގެެއަށް އައިސްވަނުމާއެކު މަލާާކްއަށް ކުށެއް ކުރެވުނުކަމުގެ އިހްސާސްވާންފެށިއެވެ. މާހިލް އެހާރީއްޗަށް ވާހަކަ ދެއްކުމުން ވެސް އެގޮތަށް ކަންތަށް ކުރެވުނީމައެވެ. ހިޔާލަށް ގެއްލިފައި އިންދައި ފޯނަށް މެސެޖްއެއް އައި އަޑުއިވުމުން ހަމަރަނގަޅަށްވެސް މަލާކް ސިހުނެވެ. އެމަންޒަރު ދުރުގައި ބަލަން ހުރި މިޝާގެ ހޭންފެށުމުން މަލާކްގަތީ އަމަށަކު ލަދެއްނޫނެވެ. ” ދެން އަޅެކުޑާ ހަމަ ހަމަަ ހީ ފާނޭ..” މަލާކް މޫނުހަދާލަމުން ބުނެލިއެވެ. ” ނުހެވޭނެތަ އަޅެމީހަކަށް.. މެސެޖްއެއް އައީމަވެސް މީހާ ތެޅިގަތްއިރު ހީވަނީ ކަރަންޓް ޖެހުންހެން ވީޔާ..” ހިނިގަނޑު މަތަކުރަމުން މިޝާ މަލާކުކައިރިއަށް އަންނަމުން ބުނެލިއެވެ. ” ދޭމަލްކޮ ޗޭންޖްކޮށްލައިގެން ފްރެޝްވެލައިގެން ނަމާދު ކޮށްލައިގެން އަންނަން.. މިހާރު ބައްޕަވެސް އަންނަން އުޅޭނެ.. އޭރަށް ކުޑާ ކާން ރެޑީކޮށްލާނަން..” މިޝާ މަލާކްކައިރީ އެހެންބުނެފައި ދިޔައީ ބަދިގެއަށެވެ.

“ހެއި .. ލޯބި މަލް މަލް.. ކިހިނެއްތަ.. މިއަދުކިޔެވުން ރަނގަޅުތަ.. ” ފޯނަށް އެވަގުތުއައިމެސެޖް މަލާކްއަށް ކިޔާލެވުނީ ނަމާދުކޮށް ހަދައިގެންނެވެ. އަރޫންގެެ އެލޮބުވެތި މެސެޖްއިންވެސް މަލާކްގެ މޫނުމަށްޗަށް ދިޔައީ ޖަންބުކުލަ އަރައިގެންނެވެ. މަލާކް އަވަހަށް މިއަދުވީ ކަންތައްތައް ލިޔެ ރިޕްލޭކޮށްލާފައި ނިކުތީ މިޝާ ކާން އައުމަށް ގޮވާންފެށުމުންނެވެ.

ކާމޭޒުދޮށުގައިވީ ހަމަހިމޭންކަމެވެ. ނަމަވެސް އެގޮތް މިޝާއަށް ކަމަކުނުދިޔައެެެވެ. ” ބައްޕައަށް އެނގިލައްވާތޯ.. އަންނަހަފްތާގަ ދޮންތަމެން މިކޮޅަށް އަދޭ.. މިހާރު އެމީހުންތިބީ އިޓަލީގަ ދޮންތަބެގެ މަންމަކައިރީ..” “އެހެންތަ .. ބައްޕަ އަށް އަދި މިއަދުމިއުޅެނީ ދޮންތައަށް ގުޅާނުލެވިގެން.. ކޮންއިރަކު ދަރިފުޅުގެ ދަސްވެނިމުމުގެ ރަސްމިއްޔާތު އޮތީ..” ހިޝާމްވެސް މިޝާއާއި އެއްބައިވެ ވާހަކަ ދައްކަންފެށިއެވެ. “ގްރެޖްއޭޝަން ދެއްތޯ.. އެވެސް އަންނަ ހަފްތާގަ އެބައޮތް .. އަޅުގަނޑު އެއަށްވުރެ އުފާވެރިހަބަރެއް ދެއްވަންތޯބައްޕައަށް.. ” ފުޅާހިނިތުން ވުމަކާއެކު މިޝާއެހެންބުނުމުން މަލާކްއަށް ވެސް އެކަމަށް ސަމާލުކަން ދެވުނެވެ. “ބައްޕަގެ ކުޑާ އަވަހަށްބުނޭ.. ” ” އަޅުގަނޑަށް އޭޑީކޭ އިން ވަޒީފާ ހަމަޖެހިއްޖެ.. ޝަމާލް މިކޮޅުގަ ހުރިއިރު ތުންތޮންބެއާއެވާހަކަ ދެއްކީމަ އަޅުގަނޑަށްވެސް އަންގާނުލާ ތުއްތޮންބެ އެޕްލައިކުރީ.. ކުރީދެފަހަރުވެސް ކޯހުން އެއްވަނަ ލިބިފައޮތީމަ އެހާ ފަސޭހައިން ފަޒީފާ ހަމަޖެހުނީ..” މިޝާގެ އެވާހަކައިން މަލާކްއަށްވެސް ހިމޭނުން ނުއިނދެވުނެވެ. “ކޮންގްރާ ކުޑާ” އޭބުނެ ބައްދާލީ ވީއުފަލެއްގެ ބޮޑުކަމުންނެވެ.

ދުވަސްތައް މަޒީއާއިއެކުވެ އެއްމަސް ވެގެންދިޔައިރު ދުވަހެއް ދުވަހަކަށް އަރޫން އާއި މަލާކްގެ ގުޅުންވެސް ދިޔައީ ވަރުގަދަވަމުންނެވެ. ހަމައެގޮތަށް މިހާރު މަލާކް މަޑުމަޑުން މާހިލްއާއިވެސް ވާހަކަ ދައްކައެވެ. މާހިލްރައްޓެހިވެގެން އުޅޭކުއްޖާވެސް މަލާކް އާއި ވަނީ މިހާރު ގާތްގުޅުމެއް އުފައްދާފައެވެ. އެއްސްކޫލެއްގައި އުޅުން ކަމުގައިވިޔަސްް ލީޝާއަކީ ގްރޭޑް ނުވައެއްގައި އުޅޭ ދަރިވަރަކަށް ވުމުން މަލާކްއާ ގިނައިން ދިމާވަނީ ލައިބްރަރީންއެވެ. މިއަދުވެސް ލީޝާ ލައިބްރަރީއަށް ދިޔައީ މަލާކްއާއި ބައްދަލްކޮށްލުމިގެ ނިޔަތުގައެވެ. އޭރު މާހިލްއާއި މަލާކްތިބީ ފިލާވަޅަކަށް ގެއްލިފައެވެ. އެއްކުއްޖަކަށްނޭންގޭ އެއްޗެއް އަނެއްކުއްޖަކަށް އޮޅުންފިލުވާދެއެވެ. މިހާރު އެކަން އާދައަކަށް ވެފައިވާތީ ލީޝާވެސް އެކަމާ މާކަންބޮޑެއްނުވެއެވެ.

ގޭތެރޭގައި އެކަނި ދެކޮޅަށް ހިނގާލާ ހިނގާލަހުރި ބަލްޤިސް މިރޭވެސް އިންތިޒާރުކުރަމުން އެދަނީ އެއްކަލަ ޒުވާނާއަށެވެ. މިރޭވެސް އޭނާ އަށް އާހަބަރެއްލިބޭނެތީކަން ގައިމެވެ. ސަމީހުއައުމުން އެހެން ގެއަށް މީހުންގެނެވެން ނޯންނާނެކަން ބަލްޤިސްއަށް އެނގެއެވެ. ނަމަވެސް އޮފީސްކަމެއްގަ ކަމަށްބުނެވެސް ހަބަރުތަށް ހޯދުމަށް އެޒުވާނާއެގެއަށް ގެންނަން ބަލްޤިސްހުރީ ފައިވިއްދާލާފައެވެ.

ފެބްރުއަރީމަސް ފެށުމާއެކު ޖަޒްލާން ވެސް ކެތްތެރިކަމެއްނެތި ތިޒާރުކުރަމުން ދިޔައީ ބިންޔާއާއި ބައްދަލްވާނެ ދުވަހަކަށެވެ. އޭނާ ފުރީއެއްވެސް މީހެއް ކައިރީބުނެ ނުލައެބވެ. ބޭނުންވީ އެކޮޅުގައި ތިބިމީހުނަށް ސަޕްރައިޒްދޭށެވެ. ކަންވީވެސް އެހެނެވެ. ނަމަވެސް ސަމީހުގެ އެހީތެރިކަމާ އެކުގައެވެ. ޖަޒްލާން އަށް އެއަރޕޯޓްއިން ނިކުމެވުނީ ސަމީހުގެ ކުރިމައްޗަށް ކަމުން އެކަން އޭނަ ސިއްރުކޮށްދިނީ ލޯބިވާދަރިފުޅުވެސް އުފާކޮށްދިނުމަށެވެ.

އެރޭވަގުތެވެ. ” ބައްޕާ މިއަދު ހާދަލަސްވަނީ ބޭރުގަ.. އަވަހަށް އާދޭ އަޅުގަނޑުމެން މިއުޅެނީ ކާންވެގެން.. ” އަރޫން ވާހަކަދެއްކީ އޭޭނާގެ ބައްޕަ ސަމީހުއާއެވެ. “ހަމަޖެހޭދަރިފުޅާ މިހާރުދެން މިދަނީގެއަށް .. ކާންވާނީ ބައްޮަވެސް ދިޔާމަ އިނގޭ.. ކޮބާ ކޮއްކޮ..” ” ކޮއްކޮ އެބައުޅޭ ކެއުން ތައްޔާރުކޮށް އަޅުގަނޑުވެސް މިނިކުންނަނީ..” އަރޫން އެހެން ބުނުމާއެކު ސަމީހު  އަވަހަށް ފޯންކަނޑާލުމާއެކު ބެލްޖަހާލީ ހަމަޔަޤީނުންވެސް މިގަޑީގައި ދޮރުހުޅުވާނީ ބިންޔާކަން އެނގުމުންނެވެ. ކާންހަދައި ނިންމާލުމަށް ފަހުއައިސް ސިޓިންގްރޫމްގެ ސޯފާގައި އިށީން ބިންޔާ އަށް ބެލްޖަހާއަޑު އިވުމާއެކުބައްޕައައީކަން އެނގުނެވެ. އަވަހަށް ގޮސް ދޮރުހުޅުވާލުމާއެކު ދެލޯބޮޑުވެގެން ދިޔައީ ކުރިމަތީގައި ހުުރި ޖަޒްލާންފެނުމުންނެވެ. އުފަލުން ހަޅޭލަވައިގަނެވުނީ ގޭތެރޭގައި ދެންތިބިމީހުންވެސް ބިރުގަންނަވަރަށެވެ. ” ކިހިނެއްވީ.. ” “ކިހިނެއްވީ އަނެއްކާ ކޮއްކޯ.. ” ޝަމާލްއާއި އަރޫން އަށް އެކުއެކީގަހެން އައިސް އަހާލެވުނީ މީގެކުރިން ނީވޭ އަޑެއް އިވުމުންނެވެ. އޭރު ޖަޒްލާންއާއި ސަމީހުއެކުއެކީގަހެން އެތެރެއަށް ވަންނަނީއެވެ. “ހޭޑޫޑް.. މޯދޯމިވީގޮތަކީ.. ” އަރޫން އައިސް ޖަޒްލާގަި ބައްދާލުމާއެކު ވާހަކަ ދެއްކިއެވެ. ހަމައެގޮތައް ޝަމާލްވެސް ޖަޒްލާންއަށް މަރުހަބާކިިއެވެ. އެންމެން އެކީގައި ކާންތިބީ ލިބުނި އިތުރު މެހެމާނާއާއި ތަފާތު ވަާހަކަތައް ދައްކަމުންނެވެ. ” ބައްޕަބުނިން މިތާގަ ހުންނަން އެހެންވެ ޖަޒްލާން އިތުރުތާކަށް ނުދިޔައީ.. އެންމެރަނގަޅުތަ.” ސަމީހުގެ މިވާހަކައިން ހުރިހާ އެންމެންގެ މޫނުމައްޗަށް ވެރިވީ އުފާކަން ފެނި ސަމީހުއަށްް އޭގެ ޖަވާބުލިބުނެވެ. ” ޖަޒްލާން އާއި އަހަރެެން ރޫމް ޝެއަރ ކުރަން ހަމަރެޑީ.. އެއީ އަހަރުމެންދެމީހުން އެކައްޗެއް ކިޔަވަންޔާ ސްޓަޑީކުރަންވެސް ފަސޭހަވާނެއްނު.. ” ޝަމާލްގެ ހިޔާލަށް އަރޫން ވެސް ތާއީދުކުރީ އެހެން ގޮތެއްނެތުމުންނެވެ. ހުދުއޭނާވެސް ހުރީކޮޓަރި ހިއްސާކުރަން ތައްޔާރަށެވެ.

އެރޭގެ ކެއުން ނިންމާލުމަށްފަހު އަރޫން ކޮޓަރިއަށްވަނީ މަލާކްއަށް ގުޅާލުމަށެވެ. ހަމައެގޮތަށް ޝަމާލްވެސް މިޝާގެ ހަބަރެއްބަލާލުމަށް ދިއުމުން ސަމީހު ބިންޔާ އާއި ޖަޒްލާން ކައިރީ ވާހަކައެއް ދެއްކުމަށްބުނެ ސޯފާގައި ޖައްސާލިއެވެ. ދެކުދިންވެސް ކިޔަމަންތެރިކަމާއެކު ތިބީ ބައްޕަދައްކާ ވާހަކަ ކަނުލާ އަޑުއަހާށެވެ. ސަމީހު އަރޫންއަށް ކިޔާދިންގޮތައް ހުރިހާވާހަކައެއް ބިންޔާއަށްވެސް ހިއްސާކުރިއެވެ. ލޮލުން ކަރުނަ ނުހިކޭ ހާލު ޖަޒްލާންގެ ކޮނޑުގައި ބޯއަޅާލައިގެން އިންް ބިންޔާއަށް ބައްޕަގެ މަޖުބޫރީ ހާލަތަށް ވެސް ވިސްނުނެވެ. ” ދަރިފުުޅާ މިހުރިހަ ވާހަކައެއް ބައްޕަ ދޮންބެއަށްވެސް ކިޔާދިނިން.. އެހެންވެ ދޮންބެވެސް ދަރިފުޅިމިކޮޅަށް ގެންނަން ބޭނުންވެފަ ހުއްޓަ މިގޮތައްމިދިމާވީ..” ސަމީހުގެ އަޑުބެދޭގޮތްވާން ފެށުމުން އަވަހަށް ފެންތައްޓެއް ގެނެސްދިނީ އެމީހުނަށް ނުފެންނާނެހެން އަޑުއަހަންހުރި ޝަމާލްއެވެ. ހުރިހާވާހަކައެް ހިއްްސާކުރުމަށްފަހު ސަމީހު ބޭނުންވީ ވީއެންމެ އަވަހަކަށް ރާއްޖެ ދިއުމަށެވެ. ހަގީގަތުގައި މިހުރިހާދުވަހު އޭނާ މަޑުކުރީވެސް ޖަޒްލާން އައުމުން ދާންވެގެންނެވެ.

އެރޭނިދަން އުޅެއުޅެ ބިންޔާއަށް ނުނިދެއެެެވެ. ކުރީގެ ހަންދާންތައް އާވަނީއެވެ. ބައްޕަގެ ހާލަށްވިސްނެނީއެވެ. މަންމައެއީ ކޮންކަހަލަ އިންސާނެއްބާއޭ ހިތައްއެރުމުން އިތުރަށް ރޮވޭގޮތްވަނީއެވެ. ނަމަވެސް އެކަމުގައި ބައްޕަގެ ކުށެެއްނެތްކަން އެނގުމުން އެބައްޕައަށް މާފްކުރީ ހެޔޮހިތުންނެވެ. ބައްޕަގެފަރާތުން ލިބުނު ލޯތްބާއި އަޅާލުުމުން ދޮންބެގެ ލޯބިވެސް ިިއަދު އޭނައަށް ލިބުނީތީ ހިތާހިތުން ޝުކުރުވެވުނީ އޭގެ އިންތިހާއަށެވެ.

އާދައިގެ މަތިން ކޮންމެ ދުވަހަކުވެސް މަލާކް އާއި މާހިލް މިހާރު ހުރިހާ ފިލާވަޅުތައްހަދާ ގްރޫޕްސްޓަޑީ ހެދުން ވަނީ އާދައަކަށް ވެފައެވެެ. މީރާންމެން ވެސް އައުމާއެކު ގިނައިން މަލާކްމެންގެއަށްވެސް މިހާރު މާހިލްދަނީ މަލާކްގެ ވެސް ރުހުމުގައެވެ. ބައެއްދުވަސްދުވަހު ލީޝާވެސް ގޮވައިގެންނެވެ. ލީޝާވެސް މިހާރު އެގޭމީހުނާާ ގާތްކަމެއްއުފެދިފައި ވެއެވެ.

މިހާ އަމާން އޮމާން ކަމާއެކު ދުވަސްތައް ފާއިތުވަމުން ދާއިރު އެއްވެސްމީހަކަށް ކުރިއަށް އޮތް ތޫފާންގެ އެއްވެސް ކަމެއްނޭންގޭކަހަލައެވެ. އެތޫފާނުގައި ގެއްލުންވާނީ ކާކަށް ކިހިނެއްކަމެއްވެސް ނޭންގޭކަހަލައެވެ.