ލޯ މެރޭ ހިނދު ހީވޭ ގާތުގާ ވާހެން (28)
އޮފީހަށް ވަންނަން އާއި ޔުއާންފެނި އަންހެންކުދިންގެ ހަރަކާތްތަކަށް ބަދަލު އާއިވަރު ބަލާ ކޮންމެ މީހަކަށްވެސް ފާހަގަ ވާނެއެވެ.ހެދުން ރީތިކޮށްލާ އިސްތަށިގަނޑުވެސް ރީތިކޮށްލަނީ ހަލުވި ކަމާއިއެކުއެވެ.ކަޅު ފަޓުލޫނަކާއި މަޑުނޫކުލައިގެ ގަމީހެއް ލާފައި ހުރިއިރު ޔުއާން މިއަދު ހުރީ ކަރުގައި ގަދަ ނޫ ކުލައިގެ ޓައިއެއް އަޅާލާފައެވެ.އަތުގައި ކަޅު ކުލައިގެ ކޯޓެއް އޮތެވެ.ރެބަން އަވި އައިނުން ލޯ ފޮރުވާލާފައި ހުރިކަން ނަސީބެކެވެ.އެހެންނޫންނަމަ މިހާރުވެސް އެހާވަރުވެފައި ތިބި އެތައް ކުދިންތަކަކަށް އެ ތޫނު ދެލޯ ފެނި ހުރިތަނަށް ނުވެއްޓޭނެ ކަމެއްވެސް ނޭނގެއެވެ.އިށީންދެ ތިބި ގިނަ ކުދިންނަށްވެސް ޔުއާން ފެނި ކޮޅަށް ތެދުވެވުނީ އާޝޯހުވެފާތިބެއެވެ.އެފަރާތުން ޔުއާންއަށް ދެއްވާފައިވާ ރީތިކަމަށް ޙުދު އެތާ ތިބި ފިރިހެންކުދިންނަށްވެސް ނޭނގި ނަމަވެސް ހިތާ ހިތުން ތައުރީފު ކޮށްލެވުނެވެ.
އަންހެން ކުދިންތައް އާގަމަވެފާތިބެ ބަލަމުން ދިޔަ ނަމަވެސް ޔުއާންއަށް އެތާ ކަމެއް ވާހެންވެސް ހީނުވާ ފަދައެވެ.ހަރު ހިނގުމެއްގައި އޭނާ ކުރިއަށް ދިޔައީ ވަށައިގެންވީ މާޙައުލަށް ކުޑަވެސް ފަރުވާލެއް ނެތިއެވެ.އެއީ ސުކޫލް ދައުރުއްސުރެ އޭނާގެ ހަޔާތުގައި ހިނގަމުންދާ ކަންކަމަށް ވީތީ އޭނާ އެކަމަށް ހޭނިފާއި ވަނީ ކަމަށްވެސް ވެދާނެއެވެ.އޭނާގެ ހިނގުމާއި އެއްވަރަށް އެކުދިންތަކުގެ ބެލުންތައްވެސް ދަތުރުކުރަމުން ދިޔަކަންވެސް އޭނާއަށް އެނގޭމެއެވެ.ނަމަވެސް އޭނާ ހުރީ އޭނާގެ ގޮތުގައެވެ.ފެންނަ މަންޒަރުތައް ނުފެންނަ ކަމަށް ހަދާލައިގެން ކުރިއަށް ދިޔައީ ހަމަޖެހިލައިގެން ހުރެއެވެ.
ކޮންމެ ކުއްޖަކުވެސް ޔުއާންއާއި ދިމާލަށް ބަލައިލަނީ އުއްމީދާއެކު ކަމަށްވީއިރު ޔުއާން އެންމެ ފަހަރަކުވެސް ބަލާ ނުލީތީ އެކަމާ ހިތްދަތިވި ކުދިންވެސް ތިއްބެވެ.ބައެއްކުދިން ހާދަ ފޮންޏޭވެސް ކައިރީ އިން ކުއްޖާއަށް އަޑުއިވޭ ވަރަށް ބުނެލައެވެ.ނަމަވެސް ދެރައީ ޔުއާން އެދެއްކި ފަރުވާކުޑަ ކަމުންވެސް ގިނަ އަންހެންކުދިން ޔުއާންއަށް ހައްތަހާ ފިދާވަމުން ދިޔަކަމެވެ.
ފަނަރަ ވަރަކަށް ދުވަހު ޔޫ.އެސް ގައި އުޅެލާފައި އޭނާ މާލެއައީ އިއްޔެއެވެ.އެޤައުމަށް އޭނާ ދިޔައީ ބިޒްނަސްއަށް ޖޮއިން ކުރުމަށްފަހު އެކަމުގެ ތަމްރީން ހޯދުމަށް ދިއުމަށް، ބައްޕަ އެދިލެއްވީތީއެވެ.ގުދުރަތުން އޭނާއަށް ލިބުނީ ހަމައެކަނި ރީތި ކަމެއް ނޫނެވެ.ތޫނުފިލި ކަމާއި ވިސްނުން ތޫނުކަންވެސް އެކަލާންގެ ކުޅަދުންވަންތަކަމުން އޭނާއަށް ލިބިފާއިވެއެވެ.އޭނާއަށް އެކަމުގެ ތަމްރީން ނަގައިދިން މީހުންވެސް ހައިރާންކުރުވި ކަމަކަށް އެކަންވިއެވެ.އެފަދަ އުނދަގޫ ބޮޑެތި އެއްޗެހިވެސް ފަސޭހަ ކަމާއެކު ނަގައިގަންނާތީއެވެ.މޮޅެތި ހިޔާލު ދޭން އެނގޭތީއެވެ.އެވެސް އަދި އެހާ ޒުވާން އުމުރެއްގައެވެ.ވީއިރު އަދި ކުރިއަށް އޮތްތާ ކިހާ މޮޅެއް ވާނެ ހެއްޔެވެ؟ހައްތަހާވެސް ކުޅަދުންވަންތަ އިލާހުގެ ކުޅަންދުންވަންތަކަމުގެ ފުރިހަމަކަމެވެ.
އެނބުރި އާއި ގޮތަށް ބިޒީ ޝެޑިއުލެއްގައި ޔުއާން ވަޒީފާގެ މަސައްކަތްތަށް ކުރަމުން ދިޔައިރު ކިޔެވުމުގެ މަރުހަލާގެ މަތީ ފާސްތައް ހޯދުމުގެ މަސައްކަތްވެސް ޔުއާން ދިޔައީ ކުރަމުންނެވެ. ސީ.އީ.އޯ ގެ މަޤާމު ޒިންމާދާރުކަމާއެކު އަދާކުރަމުން ދިޔައީވެސް ނާސިރުމެން ފަޙްރުވެރިވާ ވަރަށެވެ.މިކަމާ ނާސިރު ހުންނަނީ ވަރަށް ހިތްހަމަޖެހިލާފައެވެ.އެފަދަ ވިސްނުންތޫނު ހިތްއަލި ދަރިއެއް ދެއްވީތީ ތާއަބަދު އެކަލާނގެއަށް ނާސިރު ޝުކުރުވެރިވެއެވެ.މިހާރު ދެން މިދުނިޔެ ދޫކޮށްފާއި އޭނާއަށް ހިތްހަމަޖެހިލައިގެން ފަސޭހަކަމާއެކު ލޯ މަރާލެވިދާނެއެވެ.ޔުއާންއަށް އެވިޔަފާރި ބެލެހެއްޓޭނެ ކަމުގެ ޔަޤީންކަން މިވީ ކުޑަދުވަސްކޮޅުތެރޭވެސް އޭނާއަށް ލިބިއްޖެއެވެ.
ރާއްޖޭގެ އެންމެ ބޮޑެތި ކޮމްޕެނީތަކުގެ ތެރޭގައި ހިމެނޭ ނާސިރުގެ ކޮމްޕެނީއަކީ ރާއްޖޭގައި ހަތަރުވަނައަށް ހޮވިފައިވާ ކޮމްޕެނީއެކެވެ.ޕްރޮފިޓް ހޯދާވަރާއި، ސްޓާފުންނާއި ދޭތެރޭ ކަންތައް ކުރައްވާލެން ރަނގަޅުކަމުން އެ ކޮމްޕެނީ މުޅި ރާއްޖޭގައި މަޝްހޫރުވީ ކުޑަ ދުވަސްކޮޅެއްގެ ތެރޭގައެވެ.އެފަދަ ބޮޑު ކޮމްޕެނީއެއްގެ ސީ.އީ.އޯ އަކަށްވެ އެ ކޮމްޕެނީއަށް މަހެއްގެ މައްޗަށް ހޯދާ ފައިދާގެ އިތުރަށް ވިހި ޕަސެންޑް ފައިދާ ޖައްސާލީ ޔުއާންގެ މިންނެއް މަސައްކަތުން ކަމަށްވީއިރު މުޅި ރާއްޖެއަށް ޔުއާން މަޝްހޫރުވެގެން ދިޔައީ ހަލުވިކަމާއެކުއެވެ.
މީޑިއާގެ ސަމާލުކަން އެހާ ބޮޑަށް އޭނާއަށް ހުއްޓިގެން ދިޔައީ އެހާ ޒުވާން އުމުރެއްގައި އެހާ މަތީ މަޤާމެއްގައި މަސައްކަތްކޮށް އެފަދަ ކާމިޔާބެއް އެހާ ކުރު މުއްދަތެއްގައި ހޯދީތީއެވެ.މީޑިއާގައި ޒުވާން ބިޒްނަސްމޭން އަހުމަދު ޔުއާން މަޝްހޫރުވެގެން ދިޔައީ މާސްޓަރމައިންޑް، ޔަންގް ބިޒްނަސް މޭން، އިންޓެލިޖެންޓް ހީރޯ ފަދަ ނަންތަކުންނެވެ.އެހާ ޒުވާން އުމުރެއްގައި އެފަދަ ކާމިޔާބެއް ހޯދާލުމަކީ ގުދުރަތުން ލިބިފައިވާ ހުނަރެއް ކަމަށްވެސް މީހުން ބުނެ އުޅެއެވެ.
ގޭގެ އެންމެ މަތީބައިގެ އަމިއްލަ އެޕާޓްމަންޓުގައި، ކޮފީ ޖޯޑެއް އަތަށް ލައިގެން ސޯފާގައި އިން ޔުއާންގެ ނަޒަރުވަނީ އޭނާއާއިބެހޭ ހަބަރެއް ދައްކަމުން ދިޔަ ޓީވީއަށެވެ.ނަމަވެސް އެ ހަބަރު ނުނިމެނީސް ފެނުނީ ވަކި ހިސާބަކުން ޓީވީ ނިއްވާލާފައި ކޮފީ ޖޯޑު ހިފައިފެން ގޮސް ބެލްކަންޏަށް ނުކުމެލި ތަނެވެ.އަމިއްލަ އެޕާޓްމެންޓެއްގައި އޭނާ އުޅޭތާ މިހާރު އެއްމަހާ ގާތްކުރަނީއެވެ.
މިވީ ކުޑަދުވަސްކޮޅުތެރޭ އޭނާވަނީ މުޅިރާއްޖެ ބަލައިގަންނަވަރު ބިޒްނަސްމޭން އަކަށް ވެފައެވެ. މިއަދު އޭނާގެ އަތުގައި ނެތް އެއްޗެއް ނެތެވެ.އަމިއްލަ އެޕާޓްމެންޓެއް އެބަ ހުއްޓެވެ.އެތައް ބައިވަރު ފައިސާއެއް އެބަ ހުއްޓެވެ.ކޮންމެ މީހަކުވެސް ބޭނުންވާނެފަދަ ޒިންމާދާރުކަމާއި ހަރުދަނާކަން އޭނާގެ ގައިގައި އެބަ ހުއްޓެވެ. ނަމަވެސް ދުނިޔެމަތިން މި ހުރިހާ އުފަލެއް ލިިބިވެސް އޭނާއަށް އުފާވެރިކަމެއް އިހްސާސެއް ނުވެއެވެ.އޭގެ ބަދަލުގައި އިހްސާސްވަނީ އެހުރިހާ އެއްޗެއް ލިބި އެކައްޗެއްވެސް ނުލިބޭ ކަމުގެ އިހްސާސެވެ.
އެންމެންގެ ނަޒަރުގައި މިއަދު އޭނާއަކީ ކާމިޔާބު މީހެކެވެ.އޭނާއަށް މަދު އެކައްޗެއްވެސް ނޯންނާނެއެވެ.އޭނާ ބޭނުންވާ ކޮންމެ އެއްޗެއް އުނދަގުލަކާއި ނުލާ ލިބޭނެކަމަށް އޭނާ ދަންނަ، އޭނާ އެނގޭ ގިނަމީހުން ދެކެއެވެ.ނަމަވެސް ދުނިޔޭގެ ލޯތަކަށް އެހެން ދެކި ގަބޫލު ކުރެވުނަސް އޭނާއަކީ އަމިއްލަ ދިރިއުޅުމުގައި ނާކާމިޔާބު ވެފައިވާ މީހެކެވެ.
އެ މުއްސަނދިކަމާއި އެ އަރާމާ ލިބި އޭނާއަށް ރޭގަނޑުގެ އަރާމު ނިދި ނުލިބިފާއިވަނީ އެ ފައިސާއިންވެސް ނުގަނެވޭނެ އެއްޗަކުންނެވެ.އެއީ ލޯތްބެވެ.އޭނާގެ ހަޔާތް ދުނިޔޭގެ ލޯތަށް ދެކޭހާ އުފާވެރިއެއް ނޫނެވެ.އެއީ އޭނާގެ އުފާވެރިކަމާއި ހިނިތުންވުން ގުޅިފައިވާ ލޯބި އޭނާގެ ހަޔާތުގައި ނެތީމައެވެ.އެކަނިވެރިކަމުގައި އޭނާ އުޅެމުން ދިޔައީ އަދިވެސް އެ ހިތްދަތިކަމުގައެވެ.އެދުވަހު އެހިތުގައި ލެވުނު ޒަހަމް މިއަދާ ހަމައަށްވެސް ވަނީ ތާޒާ ކަންމަތީގައެވެ.ދުނިޔޭގެ އެންމެންގެ ކުރިމަތީ ހަރުކަށިކަމާއި ހަމަޖެހޭ ގޮތް ދައްކައިގެން ހުއްޓަސް އެކަނިވާ ވަގުތު ތަކުގައި އޭނާ ކަރުނަ އަޅާ ރޯ ރޭރޭ މަދެއްނޫނެވެ.
އޭނާ އެ ފައިސާތައް އެއްކުރަނީ ކޯއްޗެއް ހޯދަންބާއޭވެސް އޭނާގެ ހިތަށް އަރައެވެ.އޭނާ ބޭނުންވާ އެއްޗެއް އެ ފައިސާއަކުން ނުގަނެވޭނެއެވެ.ވީއިރު ކީއްކުރާ ފައިސާއެއް ހެއްޔެވެ؟ބުރަ މަސައްކަތް ކޮށްގެން އޭނާއަށް ހާސިލްވާނެ އެއްޗެއް ނެތެވެ.ވީއިރު އޭނާ މަޝްހޫރުވާންދެން ބުރަ މަސައްކަތްތަކެއް ކުރުމުގެ ބޭނުމަކީ ކޮބާ ހެއްޔެވެ؟ކާމިޔާބު މީހަކަށްވެގެން، އޭނާ ދުނިޔޭން އެންމެ ބޭނުންވާ، އޭނާގެ ހަޔާތް އުފާވެރި ކޮށްދޭނެ ބައިވެރިޔާއެއް އޭނާގެ ހަޔާތުގައެއް ނެތެވެ.ވީއިރު އޭނާ ކީއްކުރަން ހޯދާ ކާމިޔާބީ ތަކެއް ހެއްޔެވެ؟
ދުނިޔޭގެ ތަނަވަސްކަމާއި އަރާމު ލިބުނަސް އޭނާވަނީ ހަޔާތަށް ބޭނުންވާ ލޯތްބާ އަރާމުން މަޙްރޫމްވެފައެވެ.އޭނާގެ އެންމެ ބުނުމަކަށްވެސް ލަހެއް ފަހެއްނެތި އަންނާނެވަރުގެ ކުދިން ތިއްބަސް އޭނާއަށް އެ އުފާތަކާ ދިމާލަށް ނުދެވެނީ ދިމްރާއަށްޓަކައި އެ ހިތުގައިވާ ސާފު އަދި ތެދުވެރި ލޯތްބެއްގެ ސަބަބުންނެވެ.އެ ލޯބީގެ ބާރުގަދަކަމުން އެނިޔަތުގައި އެހެން އަންހެންކުއްޖަކާ ދިމާލަށް އޭނާއަށް ބަލައިލެވޭ ކަމަށްވެސް ނުވަނީއެވެ.އޭނާގެ އިންޓްރެސްޓްވެސް ނުހުންނަނީއެވެ.އެ އެކަނިވެރިކަމުގެ އަލިފާނުގައި އޭނާ އަނދާ އަޅިޔަށްވަމުން ދިޔައީ އެހެންވެއެވެ.ދުނިޔޭގެ ލޯތަކަށް އޭނާއަކީ ކާމިޔާބު މީހަކަށްވެފާއި ވިއަސް އަމިއްލަ ދުނިޔޭގައި އޭނާއަކީ ނާކާމިޔާބު ވެރިއެކެވެ.ބިޒްނަސްގެ ދާއިރާގައި އޭނާ ކުރިއެރުން ހޯދަމުން ދިޔަ ނަމަވެސް އަމިއްލަ ދުނިޔޭގައި އޭނާގެ ހާލު އާދައިގެ ނިކަމެއްޗަކަށްވުރެވެސް ހާލު ދެރައެވެ.އޭނާގެ އަމިއްލަ ކުޑަކުޑަ ކަނުއަނދިރި ދުނިޔޭގައި ލޯބި އަދި އުފާވެރި މި ދެ ލަފްޒެއް ނުވެއެވެ.
ނަމަވެސް އާއިލާއާއި ރައްޓެހިންގެ ކުރިމަތީ އޭނާ އެ ހިތާމަވެރިކަމެއް ނުދައްކައެވެ.އެމީހުންގެ ކުރިމަތީ އޭނާ ހަމަޖެހޭ މޫނެއް ދައްކަނީ އެއްވެސް ހިތާމައެއް ނުކުރާ މީހެއް ފަދައިންނެވެ.ނަމަވެސް ޔުއާންގެ ލޮލުގައި ނުފިލާ ވޭނެއް ވާކަށް އާއިލާ އަދި ޔުއާންގެ ގާތް ހަތަރު ރައްޓެހިންނަށްވެސް އެނގެއެވެ.އެކަމަކު އެކަން އެނގޭ ކަމަށް ހަދަން ނުކެރެނީ ޔުއާން އެ ހިތާމަތަށް އެމީހުންނަށް ނުދައްކަން ކުރާ ހަނގުރާމަ ފެންނާތީއެވެ.
ކުރިން ކުޑަ ކުއްޖަކާހެދި ނޫޅޭ ޔުއާން ޔުޝްރާގެ ދަރިފުޅާ ހެދި އުޅޭވަރުފެނި އެންމެން ހައިރާންކުރުވައެވެ.އޮފީހުން އަންނަގޮތަށް އެ ވަރުބަލި ކަންމަތީވެސް ފުރަތަމަވެސް ޔުއާންއަށް ދެވެނީ އެކުއްޖާ ކައިރިއަށެވެ.މީގެ އިތުރުންވެސް ފުރީ ކޮން ލިބޭ ގިނަވަގުތުތައްވެސް އެކުއްޖާޔާއެކު ޔުއާން ހޭދަ ކުރެއެވެ.
އަބަދު އެގޮތަށް އެކުއްޖާ ގޮވައިގެން އުޅިއުޅި ޔުއާންއަށްވަނީ މިހާރު ކުޑަކުދިން ގެންގުޅެން ކިތަންމެ ރަނގަޅަކަށްވެސް ދަސްވެފައެވެ.މިހާރު ބަނޑުހާއިވެގެން ނުރޯހާ ހިނދަކު ކުޑަކުއްޖަކު ބެލުމަކީ ޔުއާންއަށް މާ އުނދަގޫ ކަމެއް ނޫނެވެ.އެހާވެސް ކުޑަކުދިންނަށް އޭނާ ވަނީ ދޯޅުވެފައެވެ.އެ ކުޑަކުޑަ ކުއްޖާ ގޮވައިގެން އަމިއްލަ އެޕާޓްމެންޓުގަވެސް ޔުއާން ވަގުތުތައް ހޭދަކުރަނީ އެއްވެސް ބިރެއް ނެތިއެވެ.މިފަދަ މަންޒަރުތަކަކީ ޒީނަތުމެން ޔުޝްރާމެންގެ ހިތަށް ފިނިކަން ގެނެސްދޭ މަންޒަރު ތަކެކެވެ.ޔުއާންއަށް އެހިތާމަތައް ކުރިމަތިވުމުންވެސް ހިތްވަރާއެކު ދުނިޔެއަށް ކުރިމަތި ލީތީ އެކުއްޖާގެ ހިތްވަރަށް އެދުވަހުގެ ހާދިސާ އެނގޭ ކޮންމެ މީހަކުވެސް ހިތުގެ އަޑިން ސާާބަސް ދޭނެކަން ގައިމެވެ.
ހަވީރު ޔުޝްރާ އޭނާގެ ކުޑަދަރިފުޅު ރީތި ކޮށްލައިގެން ސިޓިންރޫމަށް ނުކުތީ ރާއްޖޭން ބޭރުގައި އުޅެއުޅެފާއި އާއި ލިމްނާ އެގެއަށް އަންނަ ވާހަކަ ބުނުމުންނެވެ.ހަވީރު ފަހަކަށް ލިމްނާ ވަނީ އެގެއަށް އަންނާނެކަމަށް ބުނެފައެވެ.ލިމްނާއަށް އަދި އެކުއްޖާ ފެނިފާއި ނުވާތީ އޭނާ އެވަރަކުން މިއަދު އެގެއަށް އެ އަންނަނީ އެކުއްޖާ ދެކިލުމަށެވެ.އޭނާގެ ކަޒިިން ޔުޝްރާ ވިހޭއިރު އޭނާއަށް ނާދެވުނީއެވެ. އަދިހަމަ އެހެންމެ ޓެސްޓު ނިމުންދުވަހު ކުއްލިގޮތަކަށް ރާއްޖޭން ބޭރަށް ދާން ޖެހުމުން އޭނާ ރާއްޖެ ދޫކޮށް ދާންޖެހުނީ އެކުއްޖާ ފެނިވެސް ނުލައެވެ.އެހެންކަމުން އާއިގޮތަށް ފުރަތަމަވެސް އޭނާ ބޭނުންވީ އެދެމައިން ދެކިލުމަށެވެ.އޭނާ އައިސް އެގެއަށް ވަތްއިރު އޭނާގެ އިންތިޒާރުގައި ޔުޝްރާއާއި ޒީނަތު ތިބިއިރު އޭނާ އާއި ގޮތަށް އައިސް ފުރަތަމަވެސް އުރާލީ ޔުޝްރާގެ އަތުގައި އޮތް ކުޑަކުޑަ ބޭބީއެވެ.
“މާޝާﷲ..ހާދަ ލޯތްބޭ..މިހާރުވެސް ހީވަނީ ފަސް ހަމަސްވެފަ އޮތް ކުއްޖެއް ހެން” ލިމްނާ އެހެންބުނުމުން ޔުޝްރާއާއި ޒީނަތުގެ ފަރާތުން އިވިގެން ދިޔައީ ލުއި ހީލުމެއްގެ އަޑެވެ.
“އެކަމު އަދި ކިރިޔާ ބޮޑުދައިތައަށް އާދެވޭ ވަރު ތިވީ..އަހަރެން ހީކުރީ މިކުއްޖާއަށް އަހަރެއް ވާނީވެސް ލިމްކޮއަށް ނުފެނި ކަމަށް” ލިމްނާގެ ވާހަކައަށް ރައްދުގައި ޔުޝްރާވެސް މަޖާވެލާފައި ބުނެލިއެވެ.
“ހީހީ..ތިވަރެއް ނުވާނެ..ކޮންމެ ތަނެއް ފަޅާފަވެސް އޭގެ ކުރިން އަންނާނަން..ދޯ ޒީނައްތާ”
“އާނ!ޒީނައްތަގެ އަމިއްލަ ހަރަދުގަވެސް ލިމްކޮ އޭގެ ކުރިން ގެންނާނަން”
” ކޮބާ ޔުޝްތާ!ހީވޭ ކަމެއްހެން” ލިމްނާ އެހެންބުނެ ހޭންފެށިއިރު ޔުޝްރާއާއި ޒީނަތުވެސް ހޭން ފަށައިފިއެވެ.
“ލިމްކޮ އާއިލާ އެންމެން ރަނގަޅުދޯ”
“އާނ! އިރާދަކުރެއްވީތީ އެންމެންވެސް ތިބީ ހެޔޮހާލުގަ..ކޮބާ އޯ މިގޭގަ އުޅޭ ޔަންގް ބިޒްނަސް ހީރޯ” ލިމްނާ، އޭރު އިނީ ޔުޝްރާގެ ކުޑަދަރިފުޅާ ސަމާސާ ކޮށްލަކޮށްލައެވެ.މިހާރު އެ ކުއްޖާޔަށްވެސް ތަންތަން ފެންނާތީ ލިމްނާ ސަކަރާތް ޖަހަމުން ދިޔައިރު އެކުއްޖާ އޮތީ ހެވިލާފައެވެ.
“ބިޒްނަސް ވެރިން ތިބޭނީ އޮފީހުގައޭނުން..އެއީ ބިޒީ ކުއްޖެއް..އެކަމު މިހާރު ދެން އަންނަން އުޅޭނެ” ޔުޝްރާ އެހެން ބުނުމާއެކު ލިމްނާގެ އިތުރު ސުވާލެއް އަމާޒުވެގެން ދިޔައެވެ.
“އާން މިހާރު އޯކޭތަ؟…އައި ހޯޕް ޔޫ ނޯ ވަޓް އައި މީން؟” ލިމްނާ އެ އިޝާރާތްކުރީ ކޮން ހާދިސާއަކަށްކަން އެތާ ތިބި ދެމީހުންނަށްވެސް އެނގުނެވެ.ޕާޓީ ބޭއްވިރޭގެ ކަންތައް ލިމްނާއަށްވެސް އޮތީ އެނގިފަކަން އެމީހުންނަށް އެނގެއެވެ.
“މިހާރު ދެން އޯކޭ ދޯ!އެކަމުވެސް ބޭރު ފުށުން ކަމެއްނުވާކަމަށް ހަދައިގެން ހުއްޓަސް އެތެރެފުށުން އެކުއްޖާގެ ހިތުގައި ނުފިލާ ރިހުމެއް ވާކަން އެނގޭ..އެކަމުވެސް އެހުރިހާ ކަމަކަށް އެ ދަރިފުޅު ފައިޓް ކުރާތަން ފެނި ދައްތަ ފަހުރުވެރިވަން..އޭނާ މުޅި ދުނިޔެއަށް ކާމިޔާބު ބިޒްނަސްމެންއެއްގެ ގޮތުގަ މަޝްހޫރުވެ، ކާމިޔާބު ކުއްޖަކަށް ވެފާވިޔަސް ދެރައީ އެކުއްޖާގެ އަމިއްލަ ދިރިއުޅުން އަދިވެސް ވޭތުކުރަނީ ފަޅުކަމާ އެކަނިވެރިކަމުގެ ތެރޭގަ ކަމުގަވީމަ..އަމިއްލަ ދުނިޔޭގަ ނާކާމިޔާބު ވެފައިވާ މީހެއްފަދައިން އުޅޭތީ..އެކަމާ ދައްތަ ވަރަށް ފިކުރު ބޮޑުވެފަ މިހުންނަނީ” ޒީނަތު އޭނާގެ ހިތުގައިވާ އުދާސްތައް ބޭރު ކުރަމުން ލިމްނާގެ ސުވާލަށް ޖަވާބުދިނެވެ.
“އަދި ރަނގަޅުވާނެ ދައްތާ!އެހާ ފިކުރު ބޮޑު ނުވޭ..އެވަރު ކަމަކަށް ވަރަށް ޓައިމްވެސް ބޭނުން ވާނޭނުން ދޯ..އެކަމު އާން މިހާރުވެސް އެކަމާ ފައިޓް ކުރާތަން ފެނިވެސް އަހަރެން އާޝޯހުކުރުވާ..އަސްލުވެސް ހީކުރީ އާން ދެން އަހަރެމެންގެ ލޮލަށްވެސް ނުފެންނާނީ ކަމަށް..ބަޓް ބަލާ މިއަދު އާން..ބިޒީ ޝެޑިއުލްއެއްގަ މަސައްކަތް ކުރާ ޒިންމާދާރު ބިޒްނަސްމޭންއެއް..އާން އާ ދިމާވާއިރަށް ފުރަތަމަވެސް އަހަރެން ބުނާނީ މިހެން..އާން އައެމް ޕްރައުޑް އޮފް ޔޫ” ލިމްނާ ތުންފަތަށް ލުއި ހިނިތުންވުމެއް ގެނުވަމުން ބުނެލި ބަސްތަކުން ޔުޝްރާއާއި ޒީނަތުގެ ތުންފަތް މައްޗަށްވެސް ހިނިތުންވުމެއް ގެނެސްދިނެވެ.
“އައްދެ!ކޮންއިރަކުތަ ލިމްކޮ ތިހާ ބޮޑު ކުއްޖަކަށް ވީ”
“ހޫމް!ޔުޝްތަ އަހަރެންނާ ދިމާ ކުރާނެ ކަމެއް ނޫން އެނގޭ..އަދިި މިއުޅެނީ ޑިމީގެ ފުލް ނޭމްވެސް އަހާނުލެވި ދޯ..ކޮބާތަ ޑިމީގެ ފުލް ނޭމަކީ” ލިމްނާގެ އެ ސުވާލު ވީ އެކުއްޖާއަށް ނަން ކިއުމުގެ ކުރިން ވީ ކަމެއްގެ ހަނދާން، ޔުޝްރާގެ ހިޔާލަށް ގެނެސްދިން ކަމަކަށެވެ.އެއީ އޭނާ ދަރިފުޅު ގޮވައިގެން ހުއްޓާ ޔުއާން އެކުއްޖާ އުރަން އާއި އިރަކު އެދެމީހުން ދެމެދު ދެކެވުނު ވާހަކަތަކެއްގެ ހަނދާނެވެ.
“އާން!ދޮންތަބެއާ ދޮންތަ ބޭނުންވަނީ މި ބޭބީއަށް އާން ނަމެއް ދޭން..އާން ތީ މި ބޭބީގެ މަމް ފަރާތު ހުރި ހަމައެކަނި ބޭބެއަށްވެފާ، އާން ބޭބީއާއެކު ޓައިމް ހޭދަ ކުރާވަރު ގިނަވެފަ ބޭބީދެކެ އެހާ ލޯބިވާތީ ދޮންތަބޭ ބޭނުންވި އާން އަށް އެ ފުރުސަތު ދޭން..އެހެންވީމަ ދޮންތައާ ދޮންތަބޭގެ ވަރަށް ބޮޑު އެދުމެއް މީ އާން މި ބޭބީއަށް ކިޔާނެ ނަމެއް ޗޫޒް ކުރުން”
“ދިމްރާ” ބޭބީގެ ހަރަކާތްތަކަށް ބަލަން އިނދެފާއި ޔުއާން ދުލުން ބޭރުކޮށްލި ލަފްޒުން އޭނާ ދިޔައީ އެއްލައިގެންނެވެ.އެއްވެސް އިތުރު ވިސްނާލުމަކާނުލާ ޔުއާން އެ ނަން ބުނުމުން ރަނގަޅަށްވެސް އޭނާ އާޝޯހުވިއެވެ.ގަބޫލު ކުރަންވެސް ދަތިވިއެވެ.
ޔުއާންގެ ދިރިއުޅުމުގައި އެއީ ކިހާ މުހިއްމު ނަމެއްކަން އޭނާއަށް ރަނގަޅަށް އެނގެއެވެ.ވީއިރު ޔުއާން އެ ނަން ކިޔަން ދުވަހެއްގެ ކޮޅުންވެސް އެއްބަސްވެދާނެ ކަމަށް އޭނާއަށް ގަބޫލުކުރަންވެސް ދައްޗެވެ.އެހެންމެ އެ ނަން ކިޔަން ބުނެފާނެ ކަމަށް އޭނާ ހީވެސް ނުކުރެއެވެ.އެއީ ޔުއާންއަށް ވަރަށް ފުން ހަނދާންތަކެއް ގެނުވާނެ ނަމަކަށް އެނަން ވީތީއެވެ.އެއީ އެ ނަން ކިޔާ ކޮންމެ ފަހަރަކު އެ ހިތުގެ ރިހުން އިތުރު ވާނެތީއެވެ.ކަން މިހެން އޮތްއިރު ޔުއާން އެ ނަން ކިޔަން އެއްބަސްވުމުން ހައިރާން ނުވާނީ ކާކު ހެއްޔެވެ؟
“އާން!ކޮންނަމެއް ތިބުނީ..ރަނގަޅަށް ވިސްނާފަ ބުނެބެލަ..އޯކޭޔޭ ރަނގަޅު ނަމެއް ހޯދާފަ ފަހުން ބުންޏަސް”
“ރަނގަޅަށް ވިސްނާފަ މިބުނީ” މިފަހަރުވެސް ޔުއާން އެހެންބުނުމުން އޭނާއަށް އިނދެވުނީ ހައިރާންވެފައެވެ.އޭނާ ހީކުރީ ކުރިން ޔުއާންއަށް އެ ނަން އެބުނެވުނީ އޮޅިގެން ކަމަށެވެ.އަސްލު އެއީ އޭނާ ގަބޫލު ކުރަންވެސް ބޭނުންވި ގޮތެވެ. އެކަމަކު ޔުއާން އެއީ ގަސްތުގައި އެނގި ހުރެ ބުނި ނަމެއްކަން އޭނާއަށް ޔަޤީން ކޮށްދީފިއެވެ.
“މި ބޭބީއަށް ކިޔާނީ އައިޝަތު ދިމްރާ އާލިކް.. އަސްލު ދޮންތިއާ ދޮންތަބެ ކުރީ ދުވަހު ދެއްކި ވާހަކަ އަހަރެންނަށް އަޑު އިވުނު..އެދުވަހު ދޮންތި ދެއްކި ވާހަކަ ތަކުން އަހަރެންނަށް އެނގުނު ދޮންތި އެނަން ކިޔަން ބޭނުންވާ ވަރު..އެކަމު ދޮންތި އަހަރެންނަށް ހާޓް ވެދާނެތީއޭނުން އެނަން ނުކިޔަން ތިއުޅެނީ..ސޯ ދޮންތި އަހަރެންނަށް ފުރުސަތު ދިނީތީ މިބުނީ އަހަރެން ކިޔަން ބޭނުންވާ ނަން..އަދި ބުނަން އެ ނަން ކިޔައިގެން އަހަރެން ހިތްހަމަނުޖެހޭނޭ ނޫނީ އަހަރެން ދެރަވާނޭ ހީ ނުކުރައްޗޭ..އެހެންނެއް ނުވާނެ..އެހެންވީމަ،މީގެ ފަހުން އަހަރެން ދެރަވެދާނެޔޭ ހިތަށް އަރާފަ ދޮންތި ކުރަން ބޭނުންވާ ކަމެއް ނުކޮށް ނުހުންނާތި” ޔުއާން އެހެންބުނެ ނުކުމެގެން ދިޔުމުންވެސް އޭނާއަށް އަޖައިބުވެފާއި އިނދެވުނީ ޔުއާން ދައްކާފައި ދިޔަ ވާހަކަތަށް ސިކުނޑިއަށް ވިސްނެންދެންނެވެ.ޔުއާން އެހާ ޒިންމާ ދާރުކަމާއިއެކު އެފަދަ ވާހަކައެއް ދެއްކީތީ ރަނގަޅަށްވެސް އޭނާ އާޝޯހު ކުރުވިއެވެ.
“އޭ އޭ!ކޮން ވޯލްޑެއްގަ..އަހަރެންނަށް މި ކޮށްލެވުނީ ހަމަ އެހާ ބޮޑު ސުވާލެއްތަ؟ ލިމްނާ އައިސް ޔުޝްރާގެ ގައިގައިކޮއްޓާލާފައި ވާހަކަ ދެއްކުމުން ޔުޝްރާއަށް އެހިޔާލު ތަކުން ދުރުވެވުންއިރު ލިމްނާ އެގޮތަށް އައިސް ކޮއްޓާލުމުން އޭނާ ދިޔައީ ވެސް ސިއްސައިގެންނެވެ.އެހެނަސް ހަމަ ބިމަށް އާދެވުމާއެކު ފެނުނީ ޔުޝްރާ ހިނިގަނޑެއް ޖަހާލިތަނެވެ.
“މި ބޭބީއަށް ކިޔަނީ ދިމްރާ” ޔުޝްރާގެ އެ ޖަވާބުން ލިމްނާއަށް ސިހުން ގެނުވިކަން ގައިމެވެ.
“ވަޓް؟ ހަމަ ދިމްރާތަ މި ބޭބީއަށް ކިޔަނީ؟” ލިމްނާއަށް އެހެން އަހާލެވުނީ ކަންފަތަށް އިވުނު ބަސްތައް ކުޑަކޮންވެސް ގަބޫލު ނުކުރެވުމުންނެވެ. ވާނީވެސް އެހެންތާއެވެ.އެއީ ކިހާވަރެއްގެ ނަމެއްކަން ލިމްނާއަށް ރަނގަޅަށް ވިސްނެއެވެ.އެ ނަމުން ތަދުވާނީ ޔުއާންގެ ހިތަށެވެ.މާޒީ ފުހެލާކަށް ޔުއާންއަކަށް ފަސޭހައެއް ނުވާނެއެވެ.
“ދެން އާން އޯ؟އާން ވެސް އޯކޭތަ ތި ނަން ކިޔަން؟”
“އާން އަމިއްލައަށް އެ ނަން ބުނީީ” ޔުޝްރާ މިހެންބުނެ އެދުވަހުގެ ހާދިސާ ލިމްނާއަށް އަކުރުން އަކުރަށް ކިޔައިދިނެވެ.ލިމްނީ އިނީ ކަންފަތަށް އަޑުއިވޭ ވާހަކަތައް ގަބޫލު ކުރަންވެސް ދަތިވެފައެވެ.އެހެނަސް ޔުއާންގެ އެ ހިތްވަރުގަދަ ކަމަށް އެހިތް ތައުރީފު ކުރިކަން ގައިމެވެ.އާއިލާގެ އުފަލަށްޓަކައި ޔުއާން ކޮންމެފަދަ ކަމެއްވެސް ކޮށްފާނެ ކަމުގެ ހެއްކަކަށް އެވަރު ފުދެއެވެ.އަމިއްލަ ހިތުގައި އަތް ބާއްވާލާފައި ޔުޝްރާގެ އުފަލަށް ޔުއާން އެ ނަން ކިޔަންވެސް އެއްބަސްވީއެވެ.މި ޒަމާނުގައި އެ ވަރުގެ ފިރިހެން ދަރިއަކު ލިބޭނީ ވަރަށް ނަސީބުގަދަ ދެމަފިރިއަކަށެވެ.
ދުވަސްތައް ވޭތުވަމުން ދިޔައީ އެއްބަޔަކަށް އުފާވެރިކަން ލިއްބައިދެމުން އަނެއް ބަޔަކަށް ހިތާމަތައް ކުރުމަތި ކުރުވަމުންނެވެ.އެއީ ދުނިޔޭގެ ޤާނޫނެވެ.ދުނިޔެ ހިނގަނީ ތޮށަލި ދުޅައަށޭ ބުނެވެނީވެސް އެހެންވެއެވެ.އަބަދުވެސް އިންސާނުން އެކި ކަހަލަ އިމްތިހާންތަކާއި ކުރިމަތި ކުރުވަމުން ދާނެތީއެވެ.އެއްބަޔަކު އަނޑިގަނޑަކަށްފަހު އުސްގަނޑަކަށް އަރަމުން ދާއިރު ބައެއް މީހުން އެ އަޑިގަނޑުގައި އެތައް ދުވަހެއް ވަންދެންވެސް ހޭދަކުރަމުން ދެއެވެ.
ރީމްއާއި އުޝާ ކިޔެވުން ފެށިގެން އުޅޭތީ ކިޔެވުމުގައި ގިނަ ވަގުތުތައް ހޭދަކުރަމުން ދިޔައީ އޭ ލެވެލްގެ ފަހު އަހަރު ކަމުން ދެކުދިންވެސް ރަނގަޅު ނަތީޖާއެއް ހޯދުމަށް ގަދައަޅާ މަސައްކަތް ކުރުމުގެ އަޒުމުގައެވެ.ދިޔާން އިތުރަށް ކިޔަވަމުން ބައްޕަގެ އޮފީހުގައި މަސައްކަތް ކުރަމުން ދިޔައިރު ޝާރިމް ދަނީ އިތުރަށް ކިޔެވުމުގެ މަސައްކަތް ކުރަމުންނެވެ.އެ ހަތަރު މީހުންގެ ލައިފް ވަނީ އެހާވެސް ބިޒީ ލައިފް އަކަށް ވެފައެވެ.
އެއްއިރެއްގައި އެމީހުންނަކީ ހިޔާލެއް ފިކުރެއްނެތި އުޅުން ބައެކެވެ.ނަމަވެސް ހިޔާލެއް ފިކުރެއްނެތި އުޅުން އެކުދިންގެ މުޅި ދިރިއުޅުން މިހާރު ވަނީ ބަދަލުވެފައެވެ.އެހެނަސް އަދިވެސް ޔުއާންއެކޭ އެއްފަދައިން އެ ހަތަރު މީހުންވެސް ވަގުތު ހޯދައިގެން އެއްތަންވެއެވެ.އެއްތަންވާ ވަގުތު ތަކުގައި ޔުއާން ނެތްނަމަ މިހާރުވެސް އެ ހަތަރު މީހުންގެ ވާހަކަޔަކަށް އޮންނަނީ އަދިވެސް ދިމްރާ ވީ ތަނެއް ހޯދުމުގެ ވާހަކައެވެ.އަދިވެސް ދިމްރާ ހޯދުން އެމީހުން ހުއްޓާ ނުލާއިރު ދިމްރާ ފެންނާނެ ކަމަށް އެމީހުން ކުރާ އުއްމީދު އަދިވެސް ކަނޑައެއް ނުލައެވެ.
ދިމްރާގެ މަންމަ ކައިރީ އެވާހަކަ ދައްކަންވެސް މިހާރު އެމީހުން ހިތު ލައިފިއެވެ.ކޮންމެ ގޮތެއްވިޔަސް ދިމްރާގެ މަންމައަށް ދިމްރާ ވީތަން އެނގޭނެތާއެވެ.މި ވޭތުވި ދުވަސްތަކުގައި އެމީހުންނަށް ދިމްރާ މަންމައާއި އެއްވެސް ސުވާލެއް ކުރަން ނުކެރިފާއި ވަނީ އެ ހަބަރު ދާނިޝްއަށް ލިބިދާނެ ކަމުގެ ބިރަށެވެ.އޭރުން ވާނެ ގޮތެއް އެމީހުންނަށް ލަފާ ކޮށްލަންވެސް ދައްޗެވެ. އެކަމަކު ދެން ކޮންމެ ގޮތެއް ވިޔަސްހެވެއެވެ. އިތުރަށް ދެން އެމީހުންނަކަށް ކެތެއް ނުވާނެއެވެ. މިހާރުވެސް އެމީހުންގެ ފިނޑިކަމުން އެތައް ދުވަސްތަކެއް ބޭކާރުވެގެން ހިނގައްޖެއެވެ.ލިބުން އެއްވެސް ކުރިއެރުމެއް ނެތްތާ އެމީހުންގެ ހިތާމަތައް ބޮޑުވުން ނޫންކަމެއް ނުވިއެވެ.ވީއިރު ދެން އެމީހުން ހުއްޓާލާނީ ދާނިޝް ރުޅި އަޔަސް އެކަން ކޮންމެސް އެއްކޮޅެއްގައި ޖައްސާފަ ކަމަށް އެ ހަތަރު މީހުންވެސް ވަނީ އަޒުމް ކަނޑައަޅާފައެވެ.
ރީމްއާއި އުޝާ ތިބި އުޝާމެން ގޭގައި ގުރޫޕް ސްޓަޑީސް ހަދާށެވެ.އެކަމަށް ހުރިހާ ސަމާލުކަމެއް ހުއްޓާލައިގެން ތިބީ ކިޔަވާހިތުން ތިބެއެވެ.އެހެނަސް އެހާ ޝައުގުވެރިވެގެން ތިބެ ފިލާވަޅުތައް ހަދަން ތިއްބާ ރީމްގެ ފޯނަށް ކޯލެއް އަންނަ އަޑު އިވުމުން ކުރަމުން ދިޔަ މަސައްކަތަށް ހުއްޓުމެއް އައެވެ.އަދި އެއާއެކު ރީމް އަވަސް އަވަހަށް ފޯނު ނަގާ ސްކްރީނަށް ބަލައިލިއިރު އޭނާއަށް ފެނުނީ ބޭރު ނަންބަރަކުން ގުޅާ ތަނެވެ.
“އުޝް!ބަލާ ބޭރު ނަންބަރަކުން މިއޮތް ގުޅަނީ.. އޮޅިގެން ކަންނޭނގެ ދޯ..އަހަރެންގެ އާއިލާ މީހަކު ނޫޅޭނުން ބޭރުގައެއް”
“ދައްކަބަ ބަލާލަން..ރީ އަހަރެންނަށް ފެންނަނީ ނަގަން..އަޅެ ބުނާ އެއްޗެއް ބަލަން ނަގާބަ؟” އުޝާ އެހެން ބުނިހާއިރުން ފެނުނީ ފޯނު ކެނޑުންތަނެވެ.އެއާއެކު ރީމް ދެކޮނޑު އަރުވާލުމަށްފަހު ފޯނު ބޭއްވީ އަޅާނުލަން ވެގެންނެވެ.ނަމަވެސް ބޭއްވިހާއިރުން އަނެއްކާވެސް ފޯނު ރިންގްވާން ފަށައިފިއެވެ.އެހެންކަމުން މިފަހަރު އިތުރަށް މަޑުކުރަން ނުހަދާ ރީމް ފޯނު ނަގާ ކަންފަތުގަ ޖެހިއެވެ.
“ހަލޯ..ރީމްތަ”
“ޔާ! ކާކުތީ؟”
“މީ އަރްޖޫ ކިޔާ ކުއްޖެއް އެނގޭ..ދިމް ފަހުން ގޮސް ހުރިގޭ ދައްތަގެ ދަރިފުޅު” އަރްޖޫ އެހެންބުނި ހާއިރުން ފެނުނީ ރީމް ފުންމައިގެން ކޮޅަށް ތެދުވި ތަނެވެ.
“އަރްޖޫ ކޮބާ ދިމް؟ދިމް ކޮންތާކުވީ؟”
“އަހަރެން އުޅޭ ގޭ މީހެއްގެ ނަންބަރުން މިގުޅީވެސް ދިމް ހުރިތަނެއް ބުނެދޭންވެގެން.. ދިމްގެ މަންމައަށް ގުޅާފަ ދިމްގެ ގުރޫޕު ކުއްޖެއްގެ ނަންބަރު ދޭށޭ ބުނީމަ ދިން ނަންބަރު މިއީ.. އެހެންވީމަ އެހާ ތަފްސީލްކޮށް ކިޔައިދެވޭކަށް ނެތް ހުރިހާ ވާހަކަތަކެއް މިހާރަކު އެނގޭ” އަރްޖޫ މިހެންބުނެ ދިމްރާ މިވަގުތު ހުރި ރަށުގެ ނަން ބުނެދިނެވެ.އަދި ދިމްރާ ހޯދައްޗޭ ބުނިހާއިރުން އަރްޖޫގެ ކޯލު ކެނޑިގެން ދިޔައެވެ.
ރީމްއަށް ވަގުތުން ބައްދައިގަނެވުނީ ކައިރީ ހުރި އުޝާގެ ގައިގައެވެ.އޭރު އެކުއްޖާ ފަކީރަށް ހުރީ އުފަލުން ގޮސް ރޮވިފައެވެ.ވާނީވެސް އެހެންތާއެވެ. އެތައް މަހެއް ފާއިތުވެފައިވާއިރު ނުލިބުނު މައުލޫމާތެއް އުއްމީދު ކަނިވެފާއި ތިއްބާ ލިބުމުން އުފަލުން މޮޔަވާނެތެއެވެ.
އޭރު ދިމްރާއޭ ކިޔައިގެން ވާހަކަ ދެއްކިކަން އެނގުނަސް އުޝާ ހުރީ ރަނގަޅަށް ވާނުވާ ނޭނގިފައެވެ.އެކަމާ އޭނާގެ ހިތްވެސް ހުރީ އަވަސްވެފައެވެ.އެންމެ ލޯބިވާ ގާތް އެކުވެރިޔާ ފެންނަން އުޅޭކަމުގެ އިހްސާސް ކުރެވެމުން ދިޔައެވެ.އެއީ އެމީހުުން ހާދަ ދެކެން ބޭނުންވެފައިވާ ދުވަހެކެވެ.އެދުވަހެއް ދެކެން ކުރާ މަސައްކަތާއި ކުރާ ދުއާތައް އެކަލާނގެ ދެނެވޮޑިގެންވާނެއެވެ. އެހާވެސް ބޮޑަށް އެމީހުން ދިމްރާ ހޯދަން އަންނަނީ މަސައްކަތް ކުރަމުންނެވެ.
“ރީ!ދެން އަހަރެން ނުތަޅުވާ ވީ ގޮތް ކިޔާދީބަލަ އަވަހަށް” އުޝާ ރީމް އޭނާގެ ގަޔާއި ދުރުކޮށްލަމުން ކެތްމަދުވެފައިވާ ރާގެއްގައި ބުނެލިއެވެ.
“އަލްހަމްދުލިއްލާހި..އުޝް އަރްޖޫ ބުނެދީފި ދިމް ވީ ތަން..އަރްޖޫ އެއީ ދިމް އުޅުންގޭ ކުއްޖެއް..އޭނާއަށް އިތުރަށް އެއްޗެއް ނުބުނެވިގެން އުޅެނިކޮން އެ ކޯލް ކެނޑުނީ..ބަޓް އެވަރު ފުދޭ އަހަރެންނަށް..ދިމް ހުރި ތަނެއް އެނގުނީމަ އަހަރެން އުފަލުން މޮޔަވާވަރު ވޭބަ އުޝް” ރީމް ފުޅާ ހިނިތުންވުމެއްގައި ބުނެލިއިރު އުފާވެފާއި ހުރިވަރު ސިއްރެއް ނުވެއެވެ.އަދިހަމަ އެއާއެކު ރީމް އެހެންބުނި ހާއިރުން ފެނުނީ ދެކުދިން އުފާވެލާފައި އަނެއްކާވެސް އެކަކު އަނެކަކު ގައިގައި އޮޅުލައިގަތްތަނެވެ.އަދި އެއައްފަހު ދުރުވެލާފައި ދެމީހުން އަތް ގުޅުވާލައިގެން ފުންމަމުން ދިޔައިރު ދެމީހުންވެސް ދިޔައީ ހެމުންނެވެ.އުފަލުގެ ކޮޅެއްވެސް އެދެކުދިންގެ ނެތެވެ.އެދެމީހުން މިވަގުތު އުޅެމުން ދިޔަ ގޮތް ފެންނަ މީހަކުވެސް ހިނި އަންނާނެކަން ގައިމެވެ.އުފަލުން ގޮސް ހުދު އެދެމީހުންނަށްވެސް އުޅެވޭ ގޮތް ނޭނގެއެވެ.
“ރީ އަވަހަށް ހިނގާ އެދެމީހުންނަށް ގުޅަމާ ދޯ” އުޝާ މިހެންބުނެ ދިޔާންއަށް ގުޅަން އަވަސްވެގަތެވެ.ކަންދިމާ ކުރި ގޮތުން އުޝާ ތިން ހަތަރު ބުރު ގުޅީމަވެސް ދިޔާން ފޯނު ބިޒީ ކޮށްލަނީއެވެ.އެވަރުންވެސް އުޝާ ގުޅުން ހުއްޓާކަށް ބޭނުމެއް ނުވިއެވެ.ދިޔާންއަށް ދިމްރާ ހޯދުމަށްވުރެ މުހިއްމު މަސައްކަތެއް މިވަގުތަކު އޮވެދާނެ ކަމަކަށް އުޝާ ނުދެކެއެވެ.އެހެންކަމުން އުޝާ ދެންވެސް ދިޔާންގެ ފޯނަށް ގުޅަން މަސައްކަތް ކުރިއެވެ. ކެތްމަދު ވެފާއިހުރެ އޭނާ ގުޅަމުން ދިޔައިރުވެސް ދިޔާން ފޯނު ބިޒީ ކުރާތީ އުޝާއަށް ދިޔާންދެކެ އެވަގުތު ރުޅިވެސް އާދެވުނެވެ.
ބިޒީ ކުރާއިރުވެސް އުޝާ ހުއްޓާނުލާ ގުޅާތީ ދިޔާން ހިތްހަމަނުޖެހުނެވެ.ބިޒީ ކުރާނީ މުހިއްމު ކަމެއްގައި ހުރީމަކަން އުޝާއަށްވެސް ރަނގަޅަށް އެނގެން ޖެހޭނެތާއެވެ.އެހެންނޫނީ އޭނާއަކީ އެއް އިރެއްގަވެސް އަދި އަމުދުން އުޝާ ގުޅައިފިއްޔާ ނުގުޅާ ހުންނަ މީހެއް ނޫންވިއްޔާއެވެ.
ދިޔާން ހުރީވެސް އެވަގުތު މީޓިންއެއްގަ ކަމުން އުޝާގެ ސަބަބުން މީޓިން ކުރިއަށް ގެންދަން އޭނާއަށް އުނދަގޫވަމުން ދިޔައެވެ.އެހެންކަމުން އެންމެފަހުން ދިޔާން އެއް މިނެޓު ދޭށޭ ބުނެފައި ހިތްހަމަނުޖެހިފައި ހުރެ އެއްސައިޑަކަށް ޖެހިލާފައި އުޝާގެ ކޯލް ނެގިއެވެ.
“އުޝް!ކިހިނެއް ވެގެންތަ ތިއުޅެނީ..ރަނގަޅަށް އެނގޭނެ ބިޒީވީމަކަން ފޯނު ބިޒީކޮށްފަ އަހަރެން ނުގުޅާ ހުންނާނީ..ދެން ތިވަރަށް ގުޅަނީ ކީއްކުރަން؟” ފޯނު ނެގި ގޮތަށް ފުރަތަމަވެސް ދިޔާން ހިތްހަމަނުޖެހިފާއި ހުރެ ވާހަކަ ދެއްކީ އުޝާއަށް އެއްޗެއް ބުނެލާނެ ފުރުސަތުވެސް ނުދީއެވެ.އެހާވެސް އޭނާ ހުރީ ހިތްހަމަ ނުޖެހިފައެވެ.އުޝާ އެފަދަ ސަމާސާއެއް ވަގުތުގެ ގޮތުން ކުރީތީ އޭނާއަށް ކަމަކު ނުދިޔައެވެ.
“ޝަޓަޕް ޔާން..ޖަސްޓް ޝަޓަޕް” އުޝާ ހީވެސް ނުކުރާ ވަރުގެ އެއްޗެއް ބުނެލުމުން ދިޔާން ދިޔައީ ދެލޯ ބޮޑުވެގެންނެވެ.މިވީހާ ތަނަށް އުޝާ އެފަދަ ބަހެއް އޭނާއާއި ދިމާލަށް ކީއްކުރަން އެހެންމީހަކާއި ދިމާލަށްވެސް ބުނާ އަޑު ދިޔާންއަށް އިވިފަކާ ނެތެވެ.އޭނާއަށް ޝޮކެއް ލިބުނީ އެހެންވެއެވެ.
“ޔާންއަށް އަހަރެން ގުޅާނީ ތި ބިޒީކަމަށްވުރެ މުހިއްމު ކަމެއް ދިމާވީމަ ދޯ އެވަރަށް ބިޒީ ކުރީމަވެސް..އެވަރު ޔާންއަށް ނުވިސްނުންތަ..އޯކޭ.. ދިމްގެ ކަންތަކަށްވުރެ ތިކަން މުހިއްމުކަން އެނގިއްޖެ..ސޯ ތި މުހިިންމުކަން ނިމުނީމަ އަހަރެންނަށް ގުޅާ..އެ ހެޔޮ މިރޭގެ ބާރައިގެ ފަހުންކަމަށްވިއަސް” އުޝާ ހިތްހަމަނުޖެހުމާއެކު ބުނަންވީ އެތި ބުނެފާއި ފޯނު ކަނޑާލިއެވެ. އޭރުވެސް ދިޔާން ހުރީ ފޯނު ދުރުކޮށްލަންވެސް ނޭނގިފައެވެ.ސިކުނޑިއަށް އެބަސްތައް ވިސްނެމުން ދިޔައީ މަޑުމަޑުންނެވެ.ދިމްއޭ އުޝާ ބުނި ކަންވެސް އެ ސިކުނޑިއަށް ވިސްނުނީ އިރުކޮޅެއް ވީ ފަހުންނެވެ.އެހާވެސް އުޝާގެ ފަރާތުން އަލަށް ފެނުނު އަމަލުން ދިޔާން ހުރީ ހައިރާންވެފައެވެ.
ނަމަވެސް ދިމްރާގެ ނަން އެ ސިކުނޑިއަށް ވިސްނިގެން ދިޔުމުން ދިޔާންއަށް ހުރެވުނު ތަންވެސް ނޭނގުނެވެ.ވަގުތުން ފެނުނީ މީޓިން ކެންސަލްއޭ ބުނެ ދޮރު ހުޅުވާފައި ނުކުތްތަނެވެ.އެތާ ތިބި އެންމެން ވާނުވާ ނޭނގުމެއްގެ ތެރައަށް ދޫކޮށްލާފައި ދިޔާން ނުކުމެގެން ދިޔައީ އިތުރަށް ބަހެއްވެސް ބުނެ ނުލައެވެ.
މީޓިންއަށްވުރެ ދިމްރާ އޭނާއަށް މުހިއްމެވެ.މާ ބޮޑަށްވެސް މުހިއްމެވެ.އިތުރަށް ވިސްނަން ނުހަދާ އޭނާއަށް ދުއްވައިގަނެވުނީވެސް އެހެންވެއެވެ.އެ ދިޔަ ބާރުމިނުގައި ފެނުނީ ކަރުގާ އޮތް ޓައި ދޫކުރަމުން ދޫކުރަމުން ގޮސް އޭނާގެ ކާރަށް އަރާ ދުއްވާލިތަނެވެ.އޭރު އޭނާގެ ހިތްހުރީ ރަނގަޅަށްވެސް އަވަސްވެފައެވެ.އެހާ ބާރު ސްޕީޑްގައި ދުއްވާފައި ދެވުންއިރުވެސް އެވަރުވެސް އޭނާ އިނީ ލަސްވެފައެވެ.އެހާވެސް އޭނާ ހުރީ އުޝާމެން ކައިރިއަށް ގޮސް ދިމްރާ ވީތަން އެނގެން ބޭނުންވެފައެވެ.ދިމްރާ ހޯދަން ބޭނުންވެ އޭނާގެ އިންތިޒާރު މިހާރުވަނީ ރަނގަޅަށްވެސް ކޮޅުންލާ ހިސާބަށް ގޮސްފައެވެ.
ކާރު އުޝާމެންގޭ މަގުމަތީ ޕާކް ކޮށްފައި އޭނާ ދުވެފައިގޮސް އެތެރެއަށް ވަތްއިރު ޝާރިމްވެސް ސިޓިންރޫމްގައި އުޝާމެނާއެކު އިނެވެ.އޭނާ އެ އާއިގޮތަށް އައިސް ފުރަތަމަވެސް އުޝާގެ ދެކޮނޑުގައި ހިފާ ކޮޅަށް ނެގިއެވެ.
“އުޝް!ކޮބާ ދިމް..ބުނެބަލަ ދިމް ކޮބާތަ..ދިމް އައީތަ މިގެއަށް” ހާސްވެފައިހުރެ ދިޔާންއަށް އުޝާގެ ދެކޮނޑުގައި ހިފާ ތަޅުވައި ގަނެވުނެވެ. އޭރުވެސް އުޝާ ހުރީ މޫނު އިސްދަަށަށް ޖަހާލައިގެންނެވެ.
“އުޝް އަސްލު އަހަރެން މީޓިންއެއްގަ ހުއްޓަ ގުޅީމަ ރުޅި އިސްކުރެވުނީ..އައެމް ސޮރީ..ޕްލީޒް ފޮގިވް…..” ދިޔާން ފުންނޭވާއެއްލާ އޭނާގެ ހިތް ހަމައަކަށް އަޅުވާލަމުން މިފަހަރު ވާހަކަދެއްކީ މަޑުމައިތިކަމާއި އެކުއެވެ.އަސްލުވެސް ދިޔާން ދެރަވެއްޖެކަން އޭނާގެ އަޑުންވެސް ހެކިދިނެވެ. ދެރަވެފައި ހުރެ ބުނަން އުޅުނު ވާހަކަ އެހެނަސް އޭނާއަށް ފުރިހަމަ ނުކުރެވުނީ އުޝާ ދިޔާންގެ އަނގަމަތީ އަތް އަޅާލާ ދެ ފަރާތަށް ބޯ ހޫރާ ލުމުންނެވެ.
“ޔާން!އައެމް ސޮރީ..އައެމް ރިއަލީ ސޮރީ ޔާންއާ އެގޮތަށް ވާހަކަ ދެއްކުނީމަ..ދިމް ހޯދަން ބޭނުންވެފަ ހުރިވަރުން އެހެން ވާހަކަ ދެއްކުނީ..ވަރަށް ބޮޑަށް ސޮރީ” އުޝާ އެހެން ބުނުމާއެކުހެން ފެނުނީ ދިޔާން އުޝާގެ ގައިގައި އަވަސް ހަރަކާތަކާއިއެކު ބައްދާލިތަނެވެ.އޭނާ އޭނާގެ ކޮއްކޮދެކެ ލޯބިވާ ވަރަށް އުޝާމެންވެސް އެމީހުންގެ އެންމެ ގާތް ރަހުމަތްތެރިޔާދެކެ ލޯބިވާކަން ދިޔާންއަށް އެނގެއެވެ.އެކަމާ އޭނާ އިންތިހާއަށް އުފާވެސް ވޭމެއެވެ.
“ސޯ ދިމް ހުރި ރަށް އެނގިއްޖޭނުން..އެހެންވީމަ ހިނގާ ޕްލޭނެއް ރާވަމާ” ޝާރިމް، ދިޔާންއާއި އުޝާ ދުރަށް ޖެހިލުމާއެކު ވާހަކަ ދެއްކިއެވެ. އެއާއެކު އެދެމީހުންވެސް ބޯ ޖަހާލީ ޝާރިމްއާއި އެއްބަސްވުމުގެ ގޮތުންނެވެ.
“ޔާ!ވެއިޓް.. އަހަރެން ގުޅާލާނަން ޒީނައްތައަށް.. ޒީނައްތަ ބުނި ޒީނައްތައާ ޔުޝްތަވެސް މިހާރު ބޭނުންވަނީ ދިމް ހޯދައިގެން ގެންނާށޭ..އާމިލް މިހާރު ލައިފްއާއިގެން މޫވް އޮން ކޮށްފަ ހުރީމަ ދެން ޔުއާންގެ ހަޔާތަށް ދިމް ގެނަޔަސް މައްސަލައެއް ނުޖެހޭނެ ނޫންހޭ..އާމިލްގެ ފަރާތުންވެސް އެކަމަށް ރުހުން ހޯދާފަ ކަމަށް ވަނީވެސް..ސޯ ޒީނައްތަ ބައިވެރި ކޮށްގެން އަހަރެމެން ޕްލޭންއެއް ރާވަން ޖެހޭނީ” ދިޔާން މިހެންބުނެ ޒީނަތުއަށް ގުޅަން އަވަސްވެގަތެވެ.
ދިޔާން ޒީނަތުއަށް ގުޅާ އުޝާމެން ބުނެދިން ރަށުގެ ނަން ޒީނަތުއަށް ބުނެދިނެވެ.އަދި ޒީނަތުގެ އިރުޝާދު އެކަމުގައި ބޭނުންވާ ކަމަށްވެސް ބުންޏެވެ.ޒީނަތު އެދުނީ އެރޭ ޒީނަތުއާއިި އެއްކޮން ހަތަރު މީހުން ރޭގަނޑުގެ ކެއުމަށް އެރުމަށެވެ. އޭރު ހުރީވެސް އައްގަޑި ބައިވެފާއި ކަމުން ކެއުން ހަމަޖެއްސީ ރޭގަނޑުގެ ނުވަޔަކަށްށެވެ.އެއީ ދެންތިބި އެންމެން ނަމާދު ކޮށްގެން ތިބި ނަމަވެސް ދިޔާން ހުރީ އަދި އިޝާ ނަމާދު ނުކޮށް ކަމަށް ވާތީއެވެ.
ޒީނަތު ވަނީ މީގެ ދެތިން ދުވަސް ކުރިން ޒީނަތުއާއި ޔުޝްރާ ބޭނުންވާ ގޮތް ދިޔާން ކައިރީވެސް ދައްކާފައެވެ.އެއީ ދިމްރާ އެކަން ކުރުމުގައި ކޮންމެ މަޤްސަދެއް އޮތް ނަމަވެސް އެމީހުން އަނބުރާ ދިމްރާ ގެންނަން ބޭނުންވާ ވާހަކައެވެ.އަދި ދިމްރާއަށް އަމިއްލަ ދިފާއުގައި އެއްޗެއް ބުނާނެ ފުރުސަތު ނުދެވުނީތީ އެކަމާ ދެރަވާ ވާހަކައެވެ.އަދި ހަމަ އެހެންމެ ޔުއާންގެ އުޅުމުން ޔުއާންއަށް ދިމްރާއާއި ނުލާ ނުޅެވޭނެކަން ވިސްނޭ ކަމަށާއި، ވީމާ މައާފު ކޮށްފަ ދިމްރާ އަނބުރާާ ޔުއާންއަށް ހޯދައިދޭން ބޭނުންވާ ކަމަށްވެސް ޒީނަތު ދިޔާން ކައިރީ ބުންޏެވެ.
އާމިލްއަށް ވީ މާ ދެރަ ގޮތެކެވެ.ޒީނަތު ގުޅީ އޭނާ އެކަމާ ކުޑަކޮންވެސް ވިސްނާލާފައިވެސް ނުވަނިކޮށެވެ.އެހެންކަމުން އޭނާ އެކަމާ ވިސްނާލާފައިވެސް ނުވަނިކޮން ކުއްލިއަކަށް ޒީނަތު ގުޅާފައި އެވާހަކަ ދެއްކުމުން އިންކާރު ކުރަން ބުނާނެ އެއްޗެއް އޭނާއަށް ނުވިސްނުނީއެވެ. އެވަގުތު ރަނގަޅަށްވެސް އެހާ ކުއްލިއަކަށް ވީމަ އޭނާގެ ސިކުނޑި މަސައްކަތެއް ނުކުރިއެވެ.އެހެންކަމުން އެންމެ ފަހުން އިތުރުގޮތެއް ނެތިގެން އޭނާއަށް އަލުން ޔުއާންއަށް ދިމްރާ ހޯދަދިނަސް މިހާރު މައްސަލައެއް ނެތްކަމަށް ބުނަން ޖެހުނީއެވެ.
ބޭނުން ނުވިޔަސް ދެން އޭނާ ޖެހެނީ އާބަސް ބުނަންތާއެވެ.ދެއްކޭނެ އުޒުރެއްވެސް އޮތީކީއެއް ނޫނެވެ.ދެން އޭނާ އެކަމަށް އެއްޗެއް ބުނެފިއްޔާ ޒީނަތު އޭނާއަށް ދޭ ލޯބި ކުޑަވެގެން ހިނގައިދާނެއެވެ.ޒީނަތު އޭނާއާއި ދޭތެރޭ ދެކޭ ގޮތްވެސް ބަދަލު ވެދާނެއެވެ.އެހެންނޫނަސް ހަޔާތަށް ކުއްޖެއް ގެނެސްފައި ހުރިކަންވެސް މިހާރު ޒީނަތުމެނަށް އެންގިއްޖެ ވިއްޔާއެވެ.އެއީ އޭނާއަށް ހެދުނު ވަރަށް ބޮޑު ޅަ އެއްޗެކެވެ. އެކަމަކު ދެން ދިމްރާ އަލުން ގެންނަން އެމީހުން ވިސްނާނެ ކަމަށް ހީކުރާނީވެސް ކާކު ހެއްޔެވެ؟ހުދު އޭނާއަށްވެސް އެހެން ހީކުރެވިފައެއް ނެތެވެ.އޭނާ އާއިލާއާއި ހަނާ ބައްދަލު ކުރުވީވެސް އެހެންވެއެވެ.
އެކަމަކުވެސް އޭނާ އަދި މިހިސާބަކުން އަތް އުރައެއް ނުލާނެއެވެ.އޭނާގެ ކުރީގެ ޕްލޭން އެއްކޮން ކާމިޔާބު ނުވިޔަސް އޭގެ އަސަރު ކޮންމެސް ވަރަކަށް ހުންނާނެކަން ގައިމެވެ.އެ އަސަރުގެ ސަބަބުން ދެން އެދެމީހުން އަދި ދިމާވިޔަކަސް ގުޅޭކަށް ފަސޭހައެއް ނުވާނެކަން ގައިމެވެ.ވީއިރު އަދި އޭނާ އެކަމާ އެހާ ހާސްވާކަށް ނުޖެހޭނެތާއެވެ. އެކަމަކު ކުރިއަށް އޮތްތާވެސް ދެން ވަކި އޭނާ ޔުއާން ދުލެއް ނުކޮށްލާނެއެވެ.މިހާރުވެސް ތަންކޮޅެއް ދޫކޮށްލެވުނީތީވެސް އެކަމުގެ ނަތީޖާ އޭނާއަށް ފެނިއްޖެއެވެ.ހީކުރި ގޮތާއި ހިލާފަށް ޔުއާން އެ އަނދިރިކަމުން ނުކުމެ ދުނިޔެއާއި ކުރިމަތި ލީތީ އޭނާ އިންތިހާއަށް ރުޅިއައެވެ.އެ ހިތުގައި އުފެދިފައިވާ ނަފްރަތުވެސް ވަނީ ދެގުނަ ވެފައެވެ.
އެރޭ ނުވައެއް ޖެހިއިރު އެފަސްމީހުން ތިބީ ރެސްޓޯރެންޓެއްގައެވެ.އެ މީޓިންއަށް އެމީހުން އައީވެސް ޔުއާންއާއި ސިއްރުންނެވެ.ކާ އެއްޗިއްސަށް އޯޑަރު ދީފައި ފުރަތަމަވެސް ވާހަކަ ދެއްކީ ދިޔާންއެވެ.
“ޒީނައްތާ!ސޯ ކޮބާ ޕްލޭންއަކީ”
“ޒީނައްތަ ވިސްނީ އާން އެކޮޅަށް ފޮނުވަން.. ނާސިރުބެއާ ވެސް ވާހަކަ ދައްކައިފިން..ސޯ މާދަމާ ޔުއާން އެރަށަށް ދާނެ ޕްރޮޖެކްޓެއްގެ ކަމެއްގަ..ވަރަށް ނުދާން ގަދަ ހެދި..އެކަމު ނާސިރުބެއާ ޒީނައްތަ ވަރަށް އާދޭސް ކޮށްގެން ދާން އެއްބަސްވި..އެކަމު ހިތަށް އަރަނީ ދިމްއާ ދިމާވާނެ ބާއޭ..އަދި ދިމްއާ ދިމާވިއަސް އާން އެވާހަކަ ނުދައްކައިފިއްޔާ މިހުރިހާ ކަމެއް ވޭސްޓް ވާނީ..އޭރުން ދެން ޖެހޭނީ އަނެއްކާ އިތުރު ގޮތެއް ހަދަން.. އަސްލު އާންއަށް އެނގިގެން ދިމް ގެންނަން ބޭނުންވާތީ ޒީނައްތަ އެވަރަކުން އާން ފޮނުވަން މިއުޅެނީ”
“އެކަމު ޒީނައްތަ ތި ބުނިހެން މީޓްވިއޭ ކިޔާފަ އާން ދިމް ބަލާއިގަންނާނެ ބާއޭ ހިތަށް އަރަނީ” ޒީނަތުގެ ވާހަކަތައް އަޑުއަހަން އިނދެފައި އުޝާ ކަންބޮޑުވުން ފާޅުކުރިއެވެ.އެއީވަކި އުޝާގެ ހިތަށް އެކަނި އަރާ އެއްޗެއް ނޫނެވެ.އެތާ ތިބި އެންމެންގެ ހިތުގައިވެސް އެވަގުތު ވީ އެންމެ ބޮޑު ސުވާލަކީ އެއީއެވެ.
އަދި ޒީނަތު ބުނާހެން އެރަށަށް ދިޔަޔަސް ޔުއާންއާއި ދިމްރާއާއި ދިމާނުވެވެސް ހިނގައިދާނެއެވެ.އަދި ހަމަ އެހެންމެ ފެނުނަސް ފެންނަ ކަމަށްވެސް ނުހަދާ އެދެމީހުން ތިބެދާނެއެވެ.އެއްވަރުގެ ގޮތްދޫ ނުކުރާ ދެމީހުން ވިއްޔާއެވެ.ވީއިރު އެމީހުންނަށް އޮތީ ތަޤުދީރުގެ އަތް މައްޗަށް އެކަން ދޫކޮށްލުމެވެ.
އެހެނަސް އެ އެންމެންވެސް އެކަން ރަނގަޅު ގޮތެއްގައި ވުމަށް ހިތާ ހިތުން ދުއާ ކުރިއެވެ.ޔުއާން އަށް އުފާވެރިކަން ލިބޭނީ ހަމައެކަނި ދިމްރާ ލިބިގެންކަން އެންމެންވެސް ދަނެއެވެ.އެހެންކަމުން އެ ކުޑަކުޑަ އުއްމީދު ފުރިހަމަ ވުމަށް އެ އެންމެންވެސް ދުއާ ކުރިއެވެ.
އެ ބައްދަލުވުން ނިންމާލާފައި ހިތްހަމަޖެހިލައިގެން ހުރެ ގެއާއި ހިސާބަށް އާއި ނަމަވެސް، އެހިސާބަށް އާދެވުމުން ދިޔާންއަށް މަޑުޖެހިލެވުނީ ހާސްވި ވަރުންނެވެ.މިއަދު އެފަދަ ގޮތަކަށް މީޓިން ދޫކޮށްލާފައި ދިޔަކަން މިހާރު އޮންނާނީ ބައްޕައަށް އެނގިފަކަން އޭނާއަށް ޔަޤީނެވެ.އޭނާ އެކަމަށްވުރެ އެންމެ ކަންބޮޑުވީ ބައްޕައަށް ދޭނެ ޖަވާބެއް ނުވިސްނޭތީއެވެ.
ދިމްރާގެ ވާހަކަ ދެއްކުން ބައްޕަ މަނާކޮށްފާއި ވާތީ އެކަންތައް ވީ ގޮތަށް ތެދަށް ކިޔާދެވޭކަށްވެސް ނެތެވެ.ބައްޕަ ކިތަންމެ ރުޅި އަންނަ ކަމަށް ދެއްކިއަސް ދިމްރާ އެމީހުންނާ ވަކިވެގެން ދިޔައީއްސުރެ ބައްޕަވެސް އެކަމާ ހިތާމަ ކުރާކަން ދިޔާންއަށް ރަނގަޅަށް އެނގެއެވެ.އެހެންކަމުން އެ ވާހަކަ ތެދަށް ކިޔާދޭކަށްވެސް އޭނާ ބޭނުމެއް ނުވެއެވެ.
މަސްލަހަތަށްޓަކައި އޭނާ ހަދާނެ ދޮގެއް ވިސްނާލާފައި އެތެރެއަށް ވަތްއިރު ދާނިޝްއާއި ސިނާ އޭނާގެ އިންތިޒާރުގައި ސިޓިންރޫމްގައި ތިއްބެވެ.ދިޔާން ފެނުމާއިއެކު ދާނިޝް އެދުނީ އެތާ އިށީނުމަށެވެ.ބައްޕަގެ އެދުމަށް ސޯފާ ގޮނޑީގައި އިށީންއިރު ދިޔާން އިނީ މޫނު އިސްދަށަށް ޖަހާލައިގެންނެވެ.
“ހާސްނުވޭ ބައްޕަ ނާހާނަން ޔާން ހަމަ ހުރެފަ އެއްވެސް އެއްޗެއް ނުބުނެ މީޓިން ދޫކޮށްލާފަ ދިޔައީ ކީއްވެތޯއެއް..ބައްޕައަށް އެނގޭ ބޮޑުކަމެއްނުވެ ޔާން އެގޮތަށް މީޓިން ދޫކޮށްލާފަ ނުދާނެކަން..އެއައްވުރެ ދަރިފުޅު ޒިންމާދާރުވާނެ.. އެކަމަކު ދެން އެފަދަ ކަމެއް ދިމާވެއްޖެ ހާލަތެއްގަ ރީއްޗަށް ވާހަކަ ދައްކާފަ ނޫނީ ބައްޕައަށް އަންގާލާފަ ދާތި އެނގޭ..އޭރުން ދަރިފުޅަށް އެމީހުން ކުރާ ޤަދަރު އެގޮތުގަ ދެމި އޮންނާނީ” ދާނިޝް ލޯތްބާއެކު ދިޔާންއަށް ވިސްނައިދިނުމުން ދިޔާން އިނީ ހިތްހަމަޖެހި އުފާވެފައެވެ.އެހެންކަމުން އިސް ނަގައިގެން އިންއިރު އެ މޫނުމަތިން ހަމަޖެހުމާއި ހިނިތުންވުން ފެންނަން ހުއްޓެވެ.
“ތެންކްސް ޑޭޑް..އައި ޕްރޮމިސް ދެން މިއަދު ވީ ގޮތަކަށް އެކަމެއް ރިޕީޓެއް ނުވާނެކަން” ދިޔާން މިހެންބުނެ ކޮޅަށް ތެދުވި ދާނިޝްގެ ގައިގައި ފެނުނީ ބައްދާލިތަނެވެ.ދެބަފައިންގެ މި އުފާވެރި މަންޒަރު ބަލަން އިން ސިނާގެ މޫނުމަތިންވެސް ހިނިތުންވުމާއި އުފާވެރިކަން ފެންނަން ހުއްޓެވެ.އެ ހާދިސާއަށްފަހު ދެބެން އެހާ ހިތްހަމަޖެހިލާފައި ބައްދާލާ ލޯތްބާއިއެކު ވާހަކަ ދައްކާލިތަން ސިނާއަށް މިފެނުނީ އަދި ކިރިޔާއެވެ.
ކޮންމެހެން ބުނަންޖެހޭ އެއްޗެއް އެކަކު އަނެކަކު ކައިރީ ބުނެ އުޅުނަސް ކުރިން އެ އާއިލާގައި އޮތް ގާތްކަމެއް ނެތެވެ.ދިމްރާ ދިޔުމުން އެ އާއިލާގެ އުފާވެރިކަން ނެތިގެން ދިޔައިރު ދާނިޝްއާއި ދިޔާންގެ ގުޅުންވެސް ވަނީ ހީނަރުވެފައެވެ. ދާނިޝްއަށް އެ ބަދަލު އައީ ދިމްރާ ފޮނުވާލި ހިސާބުން ކަމަށްވީތީ ސިނާ މިހާރު އަބަދުވެސް ފިރިމީހާގެ އުފާވެރިކަން އަނބުރާ ހޯދަން ދިމްރާ އަނބުރާ އެ އެންމެންގެ ދިރިއުޅުމަށް އައުމަށް ދުއާ ކުރެއެވެ.ދިމްރާ އެއީ އެ އާއިލާގެ އުފާވެރިކަމަށް ވެފައިވާއިރު، އެ އާއިލާ ކުރީގެ އުޅުމަށް ބަދަލުވާނީ ދިމްރާ އައިސްގެންކަމަށް ސިނާ ގަބޫލު ކުރެއެވެ.އެހެންކަމުން ސިނާވެސް ދަނީ ދިމްރާ އަނބުރާ އަންނާނެ ދުވަހަކަށް ދިގު އިންތިޒާރެއް ކުރަމުންނެވެ.
ކޮޓަރިއަށް ވަންނަން ދިޔާން ހިނގައިގަތްއިރު އެ މޫނުމަތިން ފެންނަން ހުރީ މީން ދުވަހަކު ފެނިފައިނުވާ ވަރުގެ ހިތްހަމަޖެހުމެކެވެ.އޭނާ ހުރީ އެހާވެސް ބޮޑަށް ހިތްހަމަޖެހި އުފާވެފައެވެ.މިއަދު ދިމްރާގެ ހަބަރު ލިބިގެން ދިޔައިރު، ބައްޕައާއި އޭނާގެ ގުޅުންވެސް ރަނގަޅުވުމުގެ ކޮޅުމަތި ފެންނަން ފެށީއެވެ.އެއައްވުރެ ބޮޑަށް މިވަގުތު އޭނާ ބޭނުންވެފައިވާ ކަމެއް ނެތެވެ.ހުރިހާ ކަމެއްގެ ހައްލަކީ ދިމްރާ ކަމަށް ދިޔާން ދެކެއެވެ.ދިމްރާ އަނބުރާ އައިސްފިއްޔާ އެދެއާއިލާ އިރާދަކުރެއްވިއްޔާ އުފާވެރި ކަމަށް ބަދަލުވެގެން ދާނެއެވެ.
އަދިހަމަ އެހެންމެ، އޭނާގެ ގާތް އެކުވެރިޔާގެ ހިތާމަތަކުން އެހިތްވެސް މިންޖުވެގެން ދާނީ ދިމްރާ އައުމުންނެވެ.ޔުއާންގެ ހުރިހާ އުފަލަކާއި، ހިތްހަމަޖެހުމަކާއި ގުޅިފައިވަނީ ދިމްރާކަން ޔުއާން މިއަދު ކުރަމުން އެދާ ފުން ހިތާމަތަކުން ހެކިދޭއިރު ޔުއާންގެ ހަޔާތް އުފާވެރި ކޮށްދޭން އޭނާވަކި ބޭނުން ނުވާނެ ހެއްޔެވެ؟ހިތާމައިގެ ކަނޑުގައި ޔުއާން އަރަޤުވަމުން ދާތީ ދިޔާން މިހާރުވެސް ހުންނަނީ އެކަމާއި ފިކުރު ބޮޑުވެފައެވެ.އެ ރަހުމަތްތެރިޔާ އެ ކަނޑުން ސަލާމަތް ކޮށްދޭން ދިޔާން ހުރީ ކޮންމެ ފަދަ މަގަކުންވެސް ދާން ތައްޔާރަށެވެ.އެހާވެސް އޭނާއަށް ޔުއާންގެ އުފާވެރިކަން މުހިއްމެވެ.މާދަމާ މީ އެކަމަށް އެގޮތުން ފުރަތަމަ މަގު ކޮށިގެން ދާނެ ދުވަހެވެ
ދިޔާންއެކޭ އެއްފަދައިން އުޝާ، ރީމް އަދި ޝާރިމްވެސް ތިބީ އެހެންދުވަސްތަކާއި އަޅާ ބަލާއިރު މާ ބޮޑަށްވެސް އުފާވެ ހިތްހަމަޖެހިފައެވެ. ދިމްރާ ދުވަސްތަކަށްފަހު ފެންނަން އުޅޭ ކަމުގެ އިހްސާސުން އެތިން ހިތްވެސް އުފާކުރަމުން ދިޔައެވެ.އެއްގޮތެއް ނެތިއްޔާ އަނެއް ގޮތުންވެސް އެމީހުންވަނީ ދިމްރާ އަނބުރާ އެމީހުންގެ ދިރިއުޅުމަށް ގެންނަން އަޒުމް ކަނޑަ އަޅާފައެވެ. މިހާރު ވާހާ ދުވަހު ދިމްރާއަށް އެމީހުންނާ ދުރުގަ އުޅެވިއްޖެއެވެ.ދެން އިތުރަކަށް އެ ފުރުސަތެއް އެމީހުން ދިމްރާއަކަށް ނުދޭނެއެވެ.
އެރޭ އަމިއްލަ އެޕާޓްމެންޓުގެ ކޮޓަރީގައި ނިދަން އޮތް ޔުއާންގެ ލޮލަކަށް ނިންޖެއްނައެވެ.ނޭނގޭ އިހްސާސެއް އެހިތުގައި އާލާވަމުން ދާކަށް ޔުއާންއަށް އިހްސާސް ކުރެވުނެވެ.ނަމަވެސް ޔުއާންއަށް އެ އިހްސާސް ދެނެގަންނާކަށް ނޭނގުނެވެ.އޭނާއަށް ނުނިދި ވިސްނަން އޮވެވުނީ އެކަމާއެވެ.ހީވަނީ ހިތް ކަމަކަށް ބޭޤަރާރުވެފައިވާ ހެންނެވެ.އަލަށް ރާއްޖެތެރޭ ރަށަކަށް ދެވޭތީ ކަމަށްވެސް ވެދާނެއެވެ.އާއެކެވެ.އެވާނީ އެހެން ކަމަށެވެ.އެހިތް ބޭޤަރާރުވެފައި އެވަނީ އަލަށް އެފަދަ ރަށަކަށް ދެވެން އުޅޭތީއެވެ.
އެހިސާބުގައިވާ ރަށްތަކަށް އޭނާ އަދި ގޮސްފައެއް ނެތެވެ.ޕިކްނިކް އައިލެންޑު ފަދަ ރަށްތަކަށް ދަތުރު ގޮސް ހެދިޔަސް މީހުން އުޅޭ ރަށަކަށް އޭނާ ގޮސްފައިވަނީ ވިލިގިއްޔާއި ހުޅުމާލެއަށެވެ. އެހެންކަމުން އެފަދަ ރަށަކަށް ދާން ފުރުސަތު ލިބުމަކީ އޭނާއަށް މުޅިން އާ ތަޖުރިބާއެއް ކުރެވިގެން ދާނެ ފުރުސަތެކެވެ.އެހެންކަމުން އެފަދަ ހިޔާލުތަކުގައި އޮވެ އޭނާއަށް ނިދުނީވެސް ވަރަށް ދަންވި ފަހުންނެވެ.
އެހާ ދަންކޮށްފާއި ނިދިޔަސް އޭނާ ފަތިސް ނަމާދަށް ހޭލިއެވެ.މެންދުރަށް ފުރަން ހަމަޖެހިފައިވާ ދަތުރަށް ބޭނުންވާނެ ސާމާނު ޕެކް ކުރީ ފަތިހު ކޮފީ ބޮއެ އަވަދިވުމުންނެވެ.ޕެކްކޮށް ނިންމާފާއި އޭނާ އެހާ މާއިރާ އޮފީހަށް ދިޔައީ ފުރުމުގެ ކުރިން ކުރަންޖެހޭ ބައެއް ކަންކަން ނިންމާލާށެވެ.އެރަށުގެ ވިޔަފާރި ވެރިއަކާއި ބައްދަލް ކުރަން ދާއިރު އެކަމަށް ކުޑަކޮށް ތައްޔާރުވާންވެސް ޖެހޭނެތާއެވެ. ފަސްގަޑިއިރުގެ ދިގު ދަތުރެއް ކުރަން ޖެހިފާ ވިޔަސް އޭނާ ކޮންމެހެން އިތުރަށް އަރާމު ކުރާކަށް ނުހަދައެވެ.އެއައްވުރެ އޭނާ އެކަމަށް ތައްޔާރުވެގެން ދާން ބޭނުންވެއެވެ.
Other Articles
އާވާ ހަނދާން 20
އިންތިޒާރެއް މަ ނުކުރާނަމޭ (7)
145 Comments
Comments are closed.
Yesss..hama bala bala indha up v…kiyan mi ulhenii..thanks …ithoo
Awwhh..wc dearr..glad to know that ???
Haada varakah belehjeyay up kure thw
Thanxx ingey dear inthixaaru kohla dhineema ???
Salhi Vaane kan ingey..Adhi nukiyan
Hehehe ??
Habeys…Habeyss…V v v v v salhi…Ekm yuman aa ehkoh dim hutta yuan ah nudhahkaathi..Plxx …Misunderstanding eh anekka v ma kamaku nudhaane..Haadha ey reethy…??Wow..Hama salhy ey..Nxt part maadhan up koh dheyn v ehnu..Plx..Ekm ithoo ah vanyya..Stry hama superb..????
Awhh..thanxx thanxx thanxx dearr..tmrw hieh nuvey up kohla dhevey varu vaane hehneih..thanxx once again luhan ???
Omg omg omg. I cannot wait anymore. Pls pls pls kurukon nama ves alun part eh genesdhybala. Hama ekeni Dhim aa Aan aa dhima vaa thankolhu. Vaa goiy. Mihaaru Sadh ge ves hiy eba thelhey. Alhe alhe. Mixed feelings. Thanks Ithoo. So so so much ❤️❤️
Alhe dearrr…dhn wait kohla dheynee dww maadhen noon aneh dhuhah..thanxx sadh..sadh thidhey support ithoo dhuvahaku vx handhaan nunetheyne ingeyy..wc dearr n thanxx my dearr so so much???
Yes ithoo. Maa bodah ves can wait. Ehen bunaa ecchis eh nooney eii. E hama interest huri vareh express kolly. Few readers upload stories on scheduled time and you’re one of them. Love you for your dedication. So much love. Hugs ❤️❤️
Hehehe…happy to know that sadh..ly too n so much dearr ???
Awlhey.ahi nuvx kiyaa mi comment kury…iknw rythi vaane kan ehnve..???
Awwhh..thanxx dearr ???
omg.. emme inthizaaru kuri vaguthu mi jeheni dhw….can’t freaking waitt…. ??????????
Hehe..dww.. Thanxx my dearr thidhey supportah..thanx a lot ???
Omg..ithoo mi prt v rythi..next prt avaskohla dhehchey .. Luvv u ithoo???
Awwhh..thanxxx dearr…ly too dearr ???
Yes yes yes hama bala balaaa indhaa v salhi avahah aneh part genes dhee kiyaa hithun keh vanee eh nun….. plx ???????????
Awwhh..thanxxx dearr.. in sha Allah monday ga ingeyy???
Salhi
Iraadha kurevviyya hurihaa kameh hama akah elhen miulheny dhw. Heheh
Hehehe ehen kamah balamaa dww.. Thanxx cherry..thanxx a lot ???
Ithoo vaahaka haadha dhigu dhanmaa hen hyvey… ekm vx reethi story
Ithoo bunymeynun dww up kuraakah aslu liyun vaahaka eh nooney mee..so eyru hiyaalu aai gothah stry liyefa a othy..n nw book ga huri gothah mi liyanyy..thanxxxxx Rash???
Ulhi ulhi aky koaccheh kameh neygunu. Dhivehi bahah vure kommes bahakun mivaahaka liyefa inkan faahaga vey. Dhn myhun vaahaka dhakkamun madumadun hinithunvelumaa hylun komaakoalhyga liyaa dialog thereyga nuliyaane. Ethankolhu liyaany hylamun bunye kiyaafa. Abadhuves faahaga vaa dhekameh vyma bunely. No offense
Kommes bahakunney mibuny rashegge bahakun. Ithoo ge rashu bahah varah goss hurey
Thanxxx dear bunela dhineema.. Rangalhu kuran varah masaihkaih kuraanan ingeyy..Yaa rashu bas beynun kureve adhi vx ithoo ah..once again thanxx dear bunela dhineema ???
thankx ithoo..inthizaaru ga indha thi up koh dhiney..
Awwhh..wc dearr n thanxx to u also ???
Varah reethi mi part ves… alhe ithoo dhooyya e amil ge ge kahthan falha aruvalafa dhim and aan gulhuva dhyba plls… mi dhathuru ga aan and dhim meet kuruvahchey.. dhen next part koh irakun genes dheyni dhoonya… mi faharu ainy first dhw
Varah reethi mi part ves… alhe ithoo dhooyya e amil ge ge kahthan falha aruvalafa dhim and aan gulhuva dhyba plls… mi dhathuru ga aan and dhim meet kuruvahchey.. dhen next part koh irakun genes dheyni dhoonya…
Awwh..eyrun stry nimeyne ey dearr..ithoo book thakuga liyefa oih gothah thaa dww liye nihman vaanee ??? ..In sha Allah monday ga..???
Yaa meet kuruvaanan ingeyy.. In sha Allah monday ga ingeyy ???n thanxxx Ainy???
Maa haasaru dhigee but v reethi vahaka, e bai rangalhu koh lanikoh vahaka adhi maa furihama vaane
Awwhh..ehentha..thanxx ingey bunela dhineema..book ga in gothah liyan vegen hahtha haa vx..thanxx once again dearr ???
Mihaaru nuvey mivaahaka migendhaagothun kiyaahithehvx…. V molhu ekm ingey…..
A anehkaa kihineh gendheveythy dearr..thanxxx Ainth ???
Yaaayyyyyyyyy. I AM SO EXITED. Dhen kihineybaa vaany. Adhives mi part kiyaafa excitement filaigen nudhe. I am impatiently waiting for next part. ithooooo you are the best 😀 😀
Awwhh..ehen tha dearr..thanxxx my dearr..happy to know that..thanxx once again????
Mibai ga varah haasaru ginakan faahaga kurevunu.. baeh than than skip kollanves jehunu.. vaahaka dhigukuran hadhaigen foohivee mi part kiyaafa..
Awwhh..thanxxx dearr bunela dhineema… Aslu ithoo book ga liyefa oih gothah mi liyany dear..kurin bunymeynun dww up kuraa hiyaaluga liyun stry eh nooney aslu mee..so eyru beynun vi gothah stry aslu liyefa a othy…
Eba fahkaavey. V reethi mi part vs. Edhemyhun dhimaavaa gadyga kihinehbaa vaany dhw. Fights thah hunnane dhw! Next part v enme avahakah up koh dhehche. Keep it up, ur superb writer
Hehehe dwww…thanxxx laimaan..really really happy to know that my dearr..???
Aharen alah mi story feshigen mi kee.. v salhi.. v enjoy kurevijje.. heehee halaaak.. v reethi..waiting for the next part..
By i have a question.. aamil ah mihaaru engifa ehnnu onnaanee CEO ah yuaan negi kan.. eyge sababun aamil reaction eh nei
Really..so mee dear ge frst cmnt dww..thanxxx dearr..nooney aamil ehenve kuriah vure rulhi aisfa ehenve a hury..plane vx raava ehenve..aslu phone nihvaalafa othyma eyna aa a habaru nulibuny..thanxx once again dearr..n happy vejje dear ah mi stry kiyaigen enjoy v ma..???
Varah reethi mivaahaka. Ekamu mihaaru maa haasaru dhigukohfa hunnahen heevey.
Thanxx dear bunela dhineema..bt notebook ga liyefa huri gothah hama mi liyany..aslu ithoo beynun nuvany note book ga huri goih change kuran..ekamu thanxx dear bunela dhineema ☺☺??
Finay mi bai ge inthizaaruga mi ineee. Yuaan n dhin r dhimaavaane dho avaha wow can’t wait to read next part…dhn vaanyh kihineh baaey hithah aranyh mihaaruvx …n anehkaa dhin n yuan ge fights jahsaaa eyrun vrh salhi vaane .jus wow story varh reethi. Ly ithooo ?????
Dhim*
Hehehe..ehentha..ok..as always thanxxx Arkaa..ly too dearr ????
Thikuraa masakatha hama sabasdhen lvw ithoo Dhen dhemeehun glhuvan dhw mihaaru thimasaka kuranee v salhi gothaka dhekudhin gulhuvadheythi
Thanxxx thanxxx my dearr..???
Mi part kiyamun dhiya iru hiyy avas vanyy.. hiyy thelheny… ithoo dhim aa yuaan aa dhemeehun dhimaa viya dhehchey. ..n dhim n yuaan ah dhera gotheh nahadhahchey dhn.. mi part vx varah furihama. .. reethi.. chaalu… awesome. .fabulous. . Speechless. .. can’t wait to read next part ..
Awwwhh..glad to know that dearr..thanxx ReeXa ????
Just wow .masha allah speechless hama . ithoo thee liyuntherikamah varah gaabil kuhjjeh .. btw thanks mihaa lobi story ithoo aharumen kudhin kiyaalan genedheythee .aslu thi varuge writer neh.saabas hama . keep goin darling??
Awwhh..really really really happy to know that my dearr..aslu vx v v happy vejje ingey…so wc n thanx to u also so so so much ????
V salhi waiting for the next part luv uuu
Thanxx shaa..ly too ???
Salhi vaahakaeh thankolheh ginain genesdeega..plss
Ginainneh noon tha nw mi genes dhevenee dearr☺☺..n thanxx my dearr??
Alhey…..yooaan n dhim dhimaa vaan dho eulhenee….ekam dhemeehun goiy dhoo kohfa vaahaka dhakkaifiyaa vaa naseebeh…..waitin for the next part…..????
Hehehe dww..thanxxx Azu ???
Avas avas avas aan n dhim gulhuvaaa
Ehentha..gulhuvan v hama??
Vvvvvv reethi mi part ves.. Finally yuan & dhimra dhimaavaan ulheny .. Waiting for the next part…
Yaaa dww..thanxxx Navii ☺☺????
Ithoo. Yes. V rythi
Thy anehkaa stry writer cenhi tha??..btw thanxxx dearrr..thanx a lot ?????
Wow. Vvvvv loabi mi part ves. Hama kiyaa hiyyvanee. Alhay then adhi vvvv reethi vaane hen heevanee. Keep gud working dear. Luv u lot?????????????
Awwhh..thanxxx sanoo..ly tooooo?????
Mashaa Allah v reethi mi part ves,keep it up dear,next part soon plx,can’t wait,love u ithoo
Awwhh..thanxxx haw..n ly too my dear?????
Mihaaru mi story ga maa hasaru dhigu vany
Kiyan ves foohi vey
Abdhu eh vaahaka eh dhahkaafa
N maa bodu kameh ves anehen nuvey
Haasarubai kuda kohlan feney
Ok..thanxxx dearr..bunela dhineema ingeyy..☺☺
Vara reethe
Awwhh..thanxxx dearr ???
omg… haadha reechey… dhenn adhi maareethi vaane kanneynge…. and miadhu ehaa lahun stry kiyunyma sorry… ehen v kuda kameh jehigenn… and miadhu enme fahun technical device eh ga aiilee ves 7 haa iru e ee ves mi story up vi tho balan… btw waiting for the next part… gdnyt… ly ithooo… mwah…
Alhe thanxxx thihaa bxy koh ulhemun vx stry kiyaathy…n v v happy vejje mi stry ah chum handi v inthixaaru kuraakah ingunyma..thanxxx my dearr..thanxx a lot..gud nytt..ly too??????
dhanis ae dhiyange bappa eh nu. ehenvyma ethaga inane dhebafain . not dhebein
Thanxx dear..bunela dhineema..aslu vx ithoo ah v muhihmu ehcheh ingey thibunela dhinee..really thanxx for that????
Haasarubai thankolheh bodu vejje enme fahun nikui 2 baigaves… ekanthah rangalhu Kohleema rangalhu vaane…
Ehentha..ok..thanxx ingey dearr bunela dhineema ☺☺??
Mihaaru esfiya in emme kiyaa hiyvaa vaahaka mee.. my favourite… waiting dear.. ??
Aslu vx tha..me ge fav.writer eh thihen bunyma haadha ufaa vejje eyy..aslu vx v happy vejje pinkish ge fav. ah mi stry v ma..thanxx dearr?????
Alhey ithoo..
Now thankolheh haasaru dhiguvejje. .
E bae madhukollan fenay. .
Aneh hen vaahaka habeys. .
Ekam aslu kurin kiyan hunna foari nuhuray now. Cox ehaa majaakoh dhiya vaahaka eh maa serius veema. Aslu real lifegavx abadhaku maja kosheh happy kosheh noolhevayne dhw. Vaahaka kuriah dhaagoiy salhi. .
Gina kudhin thakeh ekan faahaga kuraanee hama aslu vx rangalhu kuran jeheythy thaa dww..so kuriah oihthaa i will try my best ingey..aslu v happy vey gina kudhin evaahaka bunela dhineema..foohivefa thibe nubune thibyma ithoo akah neyngeyne thaa dww..so aslu ehenve v v happy ve..thanxxx iff ingeyy..?????
Wow…. haadha riichey… Waiting for next part
Awwhh..thanxxx dearr ????
v nice mi vaahaker awerher up ko ber pluse.. <3 <3 :*
Awwhh..glad to know that..thanxx dearr..In sha Allah monday ga up kohla dheynan ingeyy????
thankw ithoo. n lots of love.. v nice storyy
Awwhh..wc dearr..n thanxx once again..alah dww mi dhimaa v vx dear aa ????
yaa. foohivegern reyger esfiyer sugt er vadherfa fenuny story .. dhenr kiyaa hihv. n v nice.. hehe.
Awwhh..happy to meet u dearr..thanxxx my dearrr ????
Mabodah ekahcheh kiyene adhives. Egoi thankolheh kudakollanikon rangalhu vaane. Vahaka reethi.
Ok..thanxxx dearr..☺☺?
wow wow wow wow varah varah varah varah reeeeethi..? dhim n uaan gulhuwahchey..❤?. n dhim fakeeruge ehvex kusheh neii kann emmennah avahah angaabae..?
waiting 4r nXt ep;)
Hehehe..ehentha..thanxxx my dearr ???
Alhugandu ala internet in vaahaka kiyan feshi mi.ala vahaka aka comment mikurani ves.adhi ala vahaka eh kiyan miha las vaaden mihuri ves.e ves nukai nuboe.ehenvima mi vahaka hama maa boda ves reethi vefa furihamai ey buneveni.?neyva hifahattalaign mihiri next part ah.?
Wowww..aslu vx tha..v ufaaveri habareh ingey thi dhinyy..thanxxx dearr…kuriah oihthaa vx ehen v ma dhimaa vaane kamah heekuran ingeyy ???
aslu maa bodah ekahcheh kiyaafa mihsaru hunnany….gina thantham skip kuranun mi kyvs ……stry v salhi but ekam rangalhu kohlyma hama parfct vrne☺☺☺?
*mihaaru
Awwhh..ok..thanxx dearr ???
Vaahaka v reethi ekamu thankolheh sifakurumuge bai thankolheh dhiguvany misalakah yuan ge furihamakan v ginain dgiguvefaivey vaahakaiga kuriyah van ulhey goi liyevifaivaleh madhy sifakurun ginavegen
Thanxxx Any.. Thigothah seedhaa point bunedhenyaa aslu ithoo ah rangalhu kuran bodah faseyha vaanee vx..thanxx for that ???
Varah reethi mi baivess
Awwhh..thanxxx my dearr ???
Haadha hyveye kurin ky vaahakaehga vee gothah vaan ulheyhen…yuaan ah dhn fennaany yoona aa yuman aa ehkoh dhim ulhenikoh dhn hykuraany marry kohgen yoona ey dhimge baby kamah dhw
Alhe balamaaa dww thihentho vany…dearr..???
Wow ithoooo …..?????? v lobii story??…. rovaaves laafi n hevaavess laaafi hehehhe.????…. thankooo ithoooo…. yuan n dhim dhimaa vanyyy dhwwww ….. n v bodah sorry ithooo bxy kon ulhunyyma nukiunyyyy igey ekm. Vesss sam ge support ithooo ah libeyne ehaavess furihama STORY genesdheyleh love you so much ithoooo ????….. yuan v lobiiii dhwww hehehe love you yuan ????…. Next part up kohladhyyy ithooo wait nuvess kureveyne ehaaavess kiyan beynunnn vefaa meenyyy plx up next part …. Again thnkoo ithooo…???? keep it up.?????
A konthaakun hevuny anehkaa..thanxxx sam thihaa bxy koh ulhemun vx stry kiyaalaathy..v happy vey ingeyy..so wc dearr n thanxx to u also so so so much ????
Yuan n dhim dhimaaan vaaa ulheythyy sam v happy vi ???? …… Anehkaa eheneh nunthaa vaaanyyy … Ekm ehn yuan n dhim ah nuhadhaaa haaadha dheraveye sam ….??? ..welcome ithooo loobii Hehehehehe????
Dhimaa vaane dearr..hehe..????
Ithoo…mihaaru shaya ah comment nukerevey dhw varah..ekamves kiyan ingey gavaidhun.. Varah reethi mivaahaka.. Miadhu next part update kohlladheeba pls
Awwhh .ehentha..happy to know that ingeyy dearr..thanxxx so so much shaya ???
Dhimra’s mother is dhiyan’s grandmother dhw?
Hmmmmm ☺☺
Adhi kiriyaa mi kiyaalyy…. ehaa gina in homeworks huri viyya….. hae haey… noooo schllll….. stry hama varah nice…. dhen aan ah nudhahkahche maan n dhim ehkoh hutta ngey…. bt varah hyve ehenney vaany…. varah salhi vaane maan dhim n aan gulhuvan ulhunyma… coz dhim eulheny maan n malakaa gulhuvaakahnnu dhw….hehehe…. bt aan annehkaaves misunderstand vaany…. alhey…. ehen nuvaanu vaakah…. dhem wait eh ves nukureveyne…. ekam ves wait kuraaanan ???…. hehehe…. fast fast ithoo…. ly dearie
Awwhh..thanxx dearr ehaa bxy koh ulhemun vx stry kiyaathy..ekamu study ah faruvaa nukurahcheyy ingey dearr..thanxxx my dearr..???
Varah reethi mibaives
Awwhh..thanxxx dearr ???
Sorry ithoo.. Bxy kamun adhi kiriyaa mi part mi kiyaalevunyvx… Akm v v reethi mi part vx Mashaa Allah… Dhn genes dhey part ga yuaan aa dhim dhimaavaane tha… Plx netha thakolhea avaha dhn ain part up kohla dheveykah… dhn ain partga vaane gothea neygey thy v v hia biruganey aeba… BT v v reethi engey…. Konirakutha next part up kuraany..
Alhe bxy koh ulhemun vx stry kiyaalythy happy vejje ingeyy..dhimaa vaane a dhekudhin..n aneh part up kohfa ingey innaanee..thanxxx dearr so so so much ???
Hey ithoo!!!! Sorry busy veema adhi kiriyaa mi part kiyuneeves. Anyways this part is more beautiful then the other parts!!?? Do u know why??? Because yuan dhim aa dhimaa vaan ulheythy?!! But adhi neynge ehnu dhw kihineh kameh vaany!!! But I hope everything will be okay!! I hope yuan can meet dhim!! ??Waiting 4 the next part!! Love u ithoo dear!!❤❤❤
Awwhhh..glad to know that dearr..thanxxxxx so so so much..ly tooo dearrr?????
Varah haalun mihaaru vaahaka kiyeneee. Phone nethyma bappa phone in vaahaka kiyany. Ehnveema konme part akah comment nukUrevidhaane but vaahaka kiyaanan. Vaahaka varah varah salhi dhim aa yuan dhimaa kohdhehchey plzzzz Ithooo thy hama eh vana.
Alhe dearrr..thihaa haalun tha hama mi stry thi kiyanyy..akamu vx v happy vejje thivarun vx stry kiyaathy..really really thanxxx for that dearr…n really really happy to know that???
Soooo much expectation..
Ehaa ummeedhu kuranyaa abadhuvs dhera goih vaanee..
Dhn vs dhim r aan eh nugulheyne evaru kureema vs..
Bxy kamun comment kohnulevenyy..
Story eh vma beynun gotheh nuvaanu..
Dhemeehun gulhuvaafa hama ekani majaa kureema story akah nuvaanu..
Thi hurihaa kameh vefa vs ninmun reethu viyya vaahaka v furihama vaane..
?
Mifaharu ekamu rangalhu vaane kamah balamaa dww…hehe.. Thanxxx kiara ???
Miadhu adhi eh part genes devidaanetha ithoo….plz
Alhe..finallyy hama up kurevijje dearr..☺☺???
Wow fainally emeehun dimavany oa thanks but e aamilge hagygaiy falhaa ereema reetivaany
Hehe..dww..thanxxx princess ???
Hama asluves.ala kiyunu iruves mikiyuni adi eha reethi vahaka eh viyya.ehnve hedhunu heylisure maadhama ah iru naraigen miulheni.vahakaige dn oih bai kiya hithun.?dn dimavane abaduves. In sha Allah.? keep up the good work..!!
Wowww….happy to meet u my dearr…n happy to know that my dearr..thanxxx so so so muchh ????
Mihaaru mikayaaalevuniy eakam haadha salhi yeaaa mi part can’t wait next part please please maadhan thankolhe kurin up kolachey vvvvvvvvvvv reeethi
Awwhh..thanxxx my dearr…finally mirey up koh dhevijje ingeyy
..hehe..thanxxx once again shanma ????
Thanks vara reethi
vrh reethi mi part vx thanks ithuu fr bringing such a cute story
yuan ah dhim yuman aaekkoh huttaa fenijeyya anekka aneh mmisunderstanding dhw.. alhey.. but waiting for the next part 😀
Awwhh..wc dearr..n thanxxx to u also ???
Yuan gadha.
Hehehehe☺☺☺
Finally they are going to meet… V salhi mi part vx but beykaaru baii maa ginain hn heevany don’t feel bad it’s just my opinion hykuran ragalhu khlaane kamah.. you be the best!!???
Yaa..thanxxx dearr bunela dhineema…thanxxx a lot???
Alhey. Vvv nice story