ހިތް އެކީ ދެވިއްޖޭ… 26

ހުރިހާ ކަމެއް ރަނގަޅު ތޯ ކިއާރާ ބަލާލުމަށްފަހު އަނެއްކާވެސް ޒާއިން އަށް ގުޅިއެވެ. “އާނ އާނ މި ޖެއްސީއޭ..” ކިއާރާ އެއްޗެއް ބުނުމުގެ ކުރިން ޒާއިން އެހެން ބުންޏެވެ. ކިއާރާ ހީލާފާ އޯކޭ އޭ ބުނެފައި ހޯލްގެ ދޮރުމައްޗަށް ނިކުތެވެ. އިރުކޮޅެއް ނުވެ ޒާއިން އާއި ޝުކޫރުގެ އިތުރުން ފަހުމާ ވެސް އައެވެ. ހޯލްތެރެ ފެނިފައި އެމީހުންގެ ލޯ ތަރަ ތަރަ ޖަހައިގެން ދިޔަކަހަލައެވެ. “ވާވް ކިޓީ.. އިޓްސް އޯވސަމް..” ޒާއިން ކިއާރާ އާއި ކައިރިވެލާފައި ބުންޏެވެ. “އާނ ދެން އެތާ އެތެރޭގައި އޭނީ ކައިވެނި ކުރަން ހަމަޖެހިފައި އިން ތަން… ދެން އެބައަދޭ މިހާރު ގާޒީވެސް.. މިހާރު މައި އަށް އެބަ ގުޅަން.. ބައެއް ފެމިލީ މެމްބަރސްވެސް އަންނަން ފަށާނެ..” ކިއާރާ އެހެން ބުނެފައި ދުރަށް ޖެހުނެވެ.. އަދި ފޯނުން މައިޝާ އަށް ގުޅާލާފައި ފަތުހީއަށް ވެސް ގުޅިއެވެ.. އޭގެ އިތުރަށް ޤާޒީގެ ހަބަރެއްވެސް ބަލައިލިއެވެ.

މައިޝާ މެން އާއިރު އެންމެންވެސް ތިބީ ތައްޔާރަށެވެ. ކައިވެނި ކުރެވިގެން ދިޔައީ އެންމެންގެ ތުންފަތްމަތީވާ ހިނިތުންވުން ދެގުނަ ކޮށްލާފައެވެ. ޒާއިން މައިޝާގެ އަތުގައި ހިފަހައްޓާލައިގެން އެމީހުން ތިބެން ހަމަޖެހިފައި ހުރިތަނަށް ގޮސް ހުއްޓުނެވެ.. އެވަގުތަކީ މީހުން ޕާޓީއަށް އަންނަންފެށިގަޑިއެވެ. ނަމަވެސް ފަތުހީ އަދިވެސް ނާދެއެވެ. ކައިވެނީގައިވެސް ފަތުހީއަށް ބައިވެރިނުވެވުނެވެ. ކިއާރާ އެދެމީހުން ކައިރިއަށް ގޮސް ސެލްޕީއެއް ނަގާލިއެވެ. “ކޮންގްރޭޓްސް މައި.. ޒާން… މާތް ﷲ އަބަދުވެސް ދެކުދިންގެ ލައިފް އަށް އުފާވެރިކަން ގެނެސްދެއްވާ އަބަދުވެސް އެކީ ލައްވާންދޭވެ.. އާމީން..” ކިއާރަ ބުނެލީ ޒާއިން އަދި މައިޝާގެ އަތަށް ފިތާލަމުންނެވެ. “ތެންކްސް ކިޓީ.. އެހާ ޕާރފެކްޓް ވެޑިން ޕްލޭނާރ އަކަށް ވީމަ އެން ބީއިން މައި ބެސްޓް ކޮއްކޮ އެން ބެސްޓް ފްރެންޑް..” ޒާއިން ކިއާރާ ގައިގާ ކުޑަކޮށް ބައްދާލިއެވެ. މައިޝާވެސް ބައްދާލިއެވެ. ކިއާރާ އަކީ މެލޭޝިޔާގައި އުޅުނުއިރު އޭނާގެ އެކުވެރިންނާއި އެކު ތަފާތު ވެޑިން ޕްލޭންތަށް ހެދުމުގައި އުޅުނު ކުއްޖެކެވެ. އެހެންކަމުން އޭނާ އެކަމަށް މާހިރެވެ.

އެންމެން ހޯލްތެރެއަށް ވަދެގެން އައިތަން ފެނުމާއި އެކު ކިއާރާ އެމީހުންނާއި ދުރަށް ޖެހުނެވެ. “މިދަނީ ކާއެއްޗެހިތަށް ބަލަން އިނގޭ؟” ކިއާރާ ބުނެފައި ހިނގައިގަތެވެ. ކާއެއްޗެހިތަށް ހުރިތަނާއި ހަމާއަށް ދިޔައިރު މީރުވަސް ނޭފާތުގައި ޖެހުނެވެ.. ކިއާރާ ފުން ނޭވައެއް ދޫކޮށްލަމުން ލޯ މެރާލެވުނެވެ.. “ހޭ… މީހުން އައިސް އިށީނީމަ މި ތަށިތަށް ކޮންމެ މީހެއްގެ މޭޒަށް ލާނީ އޯކޭ.. އެން ޔާ  ދަ ސްޓޭޖް ރެޑީ ކުރައްޗޭ…. ޒާންގެ ލަވައެއްވެސް އިންނާނެ.. ކީޕް އޭން އައި އޮން ދަ ލައިޓްސް ސްޓޭޖަށް ހުރި.. އެން ޗެއަރ ވެސް ރެޑީކޮށްލާ ސްޓޭޖް ކައިރި އޯކޭނު..” ކިއާރާ އައިސް ކިޔަންފެށީ ދެން ކަންތަށް ކުރާނެގޮތެވެ. އެންމެންވެސް ބޯޖަހާލަމުން ކިއާރާ ބުނި ކަންތަކައިގެން އުޅެންފެށިއެވެ. މީހުން އައިސް މައިޝާ މެންނަށް މަރުހަބާ ކިޔާ ގިފްޓް ގެނައި މީހުން އެ އެއްޗެހި ދީ ހަދަންފެށިއެވެ. އެންމެންގެ ވެސް ހެޔޮދުޢާ ވަނީ އެމީހުންނާއި އެކުގައެވެ.

ކިއާރާ އެމީހުންނާއި އެއްވަރަށް މަސައްކަތްކުރަން އުޅެނިކޮށް އެއްލިކަޅިން ލޮލުގައި އަޅައިގަތީ އެތެރެއަށް ވަދެގެން އައި އަޔާންގެ އާއިލާއެވެ. އަޔާންގެ ބޭބެ އިޝާން އާއި އޭނާގެ އަންހެނުން ރިޝްމާއާއި އެމީހުންގެ 5 އަހަރުގެ ދަރިފުޅު ރިހާނާވެސް އައެވެ. ރިހާނާ ހުރީ ޕީޗް ކުލައިގެ ބޮޑު ހެދުމެއް ލާފައެވެ. އުމުރުން ކުޑަކަމުގައިވިޔަސް އޭނާގެ އިސްތަށިގަނޑު ދިގުވެފައި ފަނެވެ. އިސްތަށިގަނޑު ވަނީ ހާވާލެވިފައިއެއްކަމަކު ބޮލުގައި ބޮޑުމަލެއް އިން ދައްޗެއް އިނެވެ. ކިއާރާއަށް އެ އާއިލާ ފެނުނު މީ ފުރަތަމަ ފަހަރެއްނޫނެވެ. އަހަރީ ޕާޓީގައިވެސް އެމީހުން ތިއްބެވެ. ނަމަވެސް ރިހާނާ ފެނުނު މީ ފުރަތަމަ ފަހަރެވެ. ކިއާރާގެ ނަޒަރު ދެން ހުއްޓުނީ އަނާންއަށެވެ. އަނާން ހުރީ ކަކުލާއި ހަމާއަށް އަރާ ޕީޗް ހެދުމެއްލާފައިއެވެ. އޭނާވެސް ރިހާނާއެކޭ އެއްގޮތަށް ބޮލުގައި މާ ގަނޑުޖަހާލައިފައި އިން އިރު އެ ދިގު އިސްތަށިގަނޑު ވަނީ ހާވާލެވިފައެވެ. އެމީހުންގެ މަންމަ ހަމްނާ ހުރީ ކަޅުކުލައިގެ ދިގުހެދުމެއްގައެވެ. އަދި ޕީޗް ބުރުގަލެއް އަޅައިގެންނެވެ. އަނީލް އާއި އިޝާން އާއި އަޔާން ހުރީ ކަޅުކުލައިގެ ގަމިހެއް ލާފައެވެ. ތިބި ގޮތުން ވަރަަށް ޝާހީ އާއިލާއަކާއި ވައްތަރެވެ.

އެމީހުން އައިގޮތަށް އައިސް މައިޝާ މެންނަށް މަރުހަބާކިޔާ ހެދިއެވެ. އެދެމީހުންނަށް އަޔާން ފެނުމުން އެކަކު އަނެކަކުގެ މޫނަށް ބަލައިލެވުނެވެ. ނަމަވެސް އުފާވެރިކަން ގެއްލުވައިނުލަން ބޭނުންވާތީ ހިނިތުންވުމާއި އެކު އަޔާންއަށް ސަލާމްކުރިއެވެ. “ކޮންގްރޭޓްސް ޒާންބޭ..” އަނާން ބުންޏެވެ.. “ތެންކްސް އަނާ..” ޒާއިން ބުނެލީ އަނާންގެ ކޮލުގައި ފިރުމާލަމުންނެވެ. މައިޝާގެ ނަޒަރު ހުއްޓުނީ ދުރުގައި އަޔާންއަށް ގެއްލިފައި ހުރި ކިއާރާއަށެވެ. ކިއާރާ އަށް އެހެންތަނެއް ނުވެސް ފެންނަފަދައެވެ. “ކިއާ ދަރިފުޅާ!!!” ކިއާރާ ސިހުނީ ފަހަތުން އައި ފަތުހީ ފެނިފައެވެ. “ޑޭޑް!!.. ހާދަ ލަހަކުންނޭ…” ކިއާރާ ބުނެލީ ހާސްކަން ކަނޑުވާލަމުންނެވެ. “އާނ މިކަން ތަށް ނުވެގެންނޭ..” ފަތުހީ އަތުގައި އޮތް ސިޓީއުރަ ދައްކާލިއެވެ. ކިއާރާ ހީލާފައި ފަތުހީއަށް ޝުކުރުއަދާކުރިއެވެ.. އަދި ފަތުހީގެ އަތުގައި ހިފަހައްޓާލައިގެން މައިޝާމެން ތިބި ތަނަށް ދިޔައީ އަޔާންމެން ދުރަށް ޖެހިލުމުންނެވެ.

“ދެކުދިންނަށްވެސް ބާއްޖަވެރި ހަޔާތަކަށް އެދެން.. އަބަދުވެސް އެކީ ވާނެކަމަށް އުއްމީދުކުރަން..” ފަތުހީ ޒާއިން އާއި މައިޝާއާއި ދިމާލަށް އެހެން ބުނެފައި ޒާއިންގެ ކޮނޑުގައި ޖަހާލިއެވެ. ކިއާރާ އެ ހުރިހާ އިރު ހުރީ ފަތުހީ ދެން ދޭނެ އެއްޗަކަށް ކެތްމަދުވެފައެވެ. “މީ ކިއާއާއި ސަރ ގެ ފަރާތުން ދެކުދިންނަށް ދޭ ހަދިޔާ..” ފަތުހީ ސިޓީއުރަ ދެކުދިންނަށް ދިނެވެ. މައިޝާ އޭގާއި ހިފާލާފައި ހުޅުވާލިއެވެ. އެއާއި އެކު އޭނާ ދެލޯ ބޮޑުވިއެވެ. “އޯ…. މައި ….ގޯޑް… އޯ މައި ގޯޑް.!!. ތެންކިޔު ސޯ މަޗް ކިޓީ އެން ފަތުހީ ބޭ.. އަސްލުވެސް ބެސްޓް ގިފްޓް އެވަރރރ..” މައިޝާ ބުނެލެވުނި އިރު އެ ތުންފަތުގައި ވާ ހިނިތުންވުމުން އެ ހަދިޔާ ކަމުދިޔަކަން ހާމަވެއެވެ. މައިޝާ ކިއާރާ ގައިގާ ބައްދައިގަތެވެ. “ކިޓީ މި ހުރިހާ ކަމެއް ކޮށްދިނީމަ އިޓް ވޯސް އިނަފް އޭ..” ޒާއިން ބުންޏެވެ. “އެކަމްވެސް… ޓޭކް އިޓް ޔޫ ޑަމްބޯ..” ކިއާރާ ބުނެލީ ޒާއިންގެ ގައިގާ ޖަހާލާފައެވެ. “ތީގެ ތެރޭ އޮންނާނެ އެޑްރެސް އިވެން ދަ ޑްރައިވަރ ގެ ނަމްވެސް ހުރިހާ އެއްޗެއް.. ޑޭޑް އޭނާއަށް ގުޅަންވެސް ގުޅާނެ އެއަރ ޕޯޓަށް ދާން.. އޯކޭނު… ސޯ އެހެންވީމަ 2 ދުވަސް ފަހުން މައިމެން ދާ ގޮތަށް ގޮސް އަންނާނީ މަހެއް ފަހުން އެން މިއަދުން ފަށައިގެން ކިއާ އެކަނި ދޯ.. މަހެއް ވަންދެން.. އޯކޭ.. ” ކިއާރާ ބުނެލީ ދެރަވާކަމަށް ހަދާލާފައެވެ. އެއާއެކު ދެމީހުންވެސް ހޭންފެށިއެވެ. ފަތުހީ އޮފީސް ބަޔަކު ތިބިތަން ފެނިގެން އެތާ އިށީންނަން ދިޔައެވެ. “ހޭ ޒާން. ޒާންގެ ލަވަ އިންނާނެ އިނގޭ؟ މައި އަށް ޑެޑިކޭޓްކުރާ..” ކިއާރާ ބުންޏެވެ.

“ޔާ ޔާ… މޭކް އިޓް ރެޑީ މީހުން މިހާރު އައުން އެ ނިމެނީ.. އިރުކޮޅަކުން ދެން ދާނަން އޯކޭނު.” ޒާއިން ބުންޏެވެ. ކިއާރާ ބޯޖަހާލިއެވެ. “ކޮން ލަވައެއްތަ ކިޔަން އުޅެނީ؟” މައިޝާ އަހާލީ އޭނާއަށް އެކަން ނޭނގޭތީއެވެ. “ސަޕް އެކޭ މައި.. ދެން މިދަނީ ރެޑީ ކުރަން… އޯކޭ އެން މައި.. އެން ޒާންގެ މޭޒް އޭނީ އެންމެ ކުރިއަށް… އިރުކޮޅެއްވަންދެން ތިބެފަ މީހުން ނައިއްޔާ އެތާ ގޮސް އިށީނދޭ..” ކިއާރާ ބުނެލީ އެހެން މޭޒުތަކާއި ތަފާތުގޮތަކަށް އިން މޭޒަށް އިޝާރާތްކުރަމުންނެވެ. އެއަށްފަހު އޭނާ ދިޔައީ ކުރިންވެސް ކުރަން ހުރި މަސައްކަތްތަކަށެވެ. ކިއާރާ ތަށިތަށް އެކި މޭޒުތަކަށް ގެންދިޔުމުގައި އުޅެނިކޮށް ސިހުނީ ފަހަތުން މީހަކު އޭނާގެ ހެދުމަށް ދަމާލަމުންނެވެ. ކިއަރާ ފަހަތަށް ބަލައިލިއިރު ފެނުނީ ކުޑަ ކުޑަ ރިހާނާއެވެ. ކިއާރާ ހިނިތުންވެލާފައި އޭނާއާއި އެއްވަރު ވާނެހެން ގުދުވެލިއެވެ.

“ހޭ ޕްރިންސެސް.. ކިހިނެއްވީ؟” ކިއާރާ އަހާލީ ރިހާނާގެ މަޑުކޮލުގައި ހިފާލަމުންނެވެ. ކުއްލިއަކަށް އޭނާ ސިހުނީ ރިހާނާ ކައިރިއަށް އައިސް ހުއްޓުނު އަޔާން ފެނިފައެވެ. “ހަންކޮ ދޭ މަންމި ކައިރިއަށް… މަންމި ބުނެއެއްނު ނުދަންނަ މީހުން އާއި ވާހަކަ ނުދައްކާށޭ…. އަދި ހާއްސަކޮށް މިކަހަލަ މީހުންނާ..” އަޔާން ބުންޏެވެ. ކިއާރާ ކޮޅަށް ތެދުވެލާފައި އަޔާންއަށް ފަސްދީ އޭނާގެ ކަންތަކުގައި އުޅެންފެށިއެވެ. ނަމަވެސް އޭނާގެ ސިކުނޑީގައި އެނބުރެމުން ދިޔައީ އެ ޖުމްލައެވެ. އޭނާ ހިންދިރުވާލި ނަމަވެސް ހިތުގައި ވަރަށް ބޮޑަށްޖެހުނެވެ. އޭނާއަށް ކުރެވުނު ކުށަކީ ކޮބައިބާއެވެ؟ ކިއާރާ އެ މަސައްކަތް މީހަކާ ހަވާލުކުރުމަށްފަހު ވަކިން ހަދާލެވިފައި އިން ސްޓޭޖްކައިރިއަށް ދިޔައެވެ. ފޮތިގަނޑަކުން ފަހަތް ފޮރުވާލެވިފައިވާތީ އެތާނގަ ހުރި ސްޕީކަރތަކާއި އެހެން އެއްޗެހި ވަނީ ފޮރުވިފައެވެ. އެ ފޮތިގަނޑުގައި ވަނީ ރީތިގޮތަކަށް ޒާއިން ވެޑްސް މައިޝާ ޖަހާލެވިފައެވެ. ސްޓޭޖްދިޔައީ އެކި ކުލައިން ދިއްލެމުންނެވެ. ކިއާރާ ބެކްސްޓޭޖްގައި މަޑުކޮށްލިއެވެ. އަދި ހަމަޖެހިލިއެވެ. އޭނާ ރޯކަށް ނުޖެހޭނެއެވެ. އަޔާން އަކީ މިހާރު އެއްވެސް މީހެއްނޫނެވެ. ކިއާރާ ބެކްސްޓޭޖްގައި އުޅުނު މީހުން ކައިރި ޖަހާފައި ހުރި ރާގް ބަދަލުކުރަން ބުނެ ދެން އޮތް ޒާއިންގެ ލަވަޔަށް ރެޑީ ކުރުމުގައި އުޅުނެވެ. ލެޕްޓޮޕުން ޒާއިން ކިޔަން އުޅޭ ލަވައިގެ ޓްރެކް ފެންނާނެހެން ބޭންދީ ފަސޭހައަކަށެވެ.

އެތަށް އިރަކު ކިއާރާ ބެކްސްޓޭޖްގައި އިނެވެ. އޭނާ ސިހުނީ މީހަކު ފަހަތުން ގޮވާލުމުންނެވެ. އެއީ ޒާއިން ގެ ދެބެންގެ ދެދަރި ކޮއްކޮ ސަމާހް އެވެ. އޭނާއާއި އެކު މިކަމުގައި އެންމެ އިސްރޯލެއް އަދާކުރީ ސަމާހްއެވެ. ކުޑަކޮށް ދެމީހުންގެ މެދުގައި އެކުވެރިކަންވެސް ވަނީ އުފެދުނެވެ. “އޭ ކިއާ … ޒާން މެން އިށީނދެއްޖެ.. ދެން؟” ސަމާހް ބުންޏެވެ.. “އޯކޭ ސޭމް ރެޑީ ދޯ އެނައުންސް ކުރަން.. އޯކޭ ދޭ ޒާން ގޮވައިގެން އަންނަން..” ކިއާރާ ބުނެލުމުން ސަމާހް ބޯ ޖަހާލާފައި ދިޔައެވެ.

ސަމާހް އިރުކޮޅެއްނުވެ ޒާއިން ގޮވައިގެން އައެވެ. “ހޭ ޒާން ސީ ޓްރެކްތަށް ރެޑީ ދެން ޒާން ހަމަ ގޮސް ނަން ގޮވީމަ އިށީންނަންވީ.. ފުރަތަމަ މި ޓްރެކްތޯ ބަލާ އަވަހަށް..” ކިއާރާ ލެޕް ޓޮޕް ކައިރިއަށް ގޮސް ޒާއިންއަށް ލެޕްޓޮޕްގައި ހުރި ޓްރެކްތަށް ދެއްކިއެވެ. “އާނ އޯކޭ…. 3 ވަނަ ލަވައަށް ފަހު ކިޓީ އާއި އެކު އޯކޭ.. ސޭމް ތިން ވަނަ ލަވަ ކީމަ ސޭމް އަރާފަ ބުނާތި އެހެން އޯކޭ..” ޒާއިން ކިޔައިދިނެވެ.. “އެންމެ ރަނގަޅު..” ސަމާހް އެހެން ބުންޏެވެ. ހުރިހާ ކަމެއްވެސް ދިޔައީ ވަރަށް ފުރިހަކަމާއި ފަސޭހަކަމާއި އެކުގައެވެ. ކިއާރާ ކަންތަށްތަށް ހަމަޖައްސާފައިވަނީ އެއްވެސް އުނދަގުލެއް ވާނެހެންނެއްނޫނެވެ. ކަމެއް ކުޑަކޮށް ގޯސްވިޔަސް އެކަން އޭނާ ރަނގަޅުކޮށްލައެވެ.

އިވެމުން ދިޔަ ރާގް ނިއްވާލުމުން ކެއުމައިގެން އުޅުނު މީހުން ސްޓޭޖްއަށް ނަޒަރު ހިންގާލިއެވެ. މައިޝާވެސް އިނީ ހިނިތުންވުމާއި އެކު އެ ދިމާ ބަލަންށެވެ. ސްޓޭޖްގެ ފަހަތުން ވަތް ސަމާހް ހިނިތުންވުމާއި އެކު މައިކް ހިފަހައްޓާލިއެވެ. “އެންމެންނަށްވެސް މަރުހަބާ މި ޕާޓީއަށް.. މި ޕާޓީ ގެ ގުރޫމް އަކީ އެހެންމިހުންގެ ޕާޓީސް ތަކުގައި ލަވަ ކިޔާ ފަޅުފިލުވައިދޭ ކުއްޖެއްކަމުން އޭނާ އަމިއްލަ ޕާޓީގައި އެކަހަލަ ކަމެއް ނުކުރަންޏާ ދެން އެ ކުރާ ކަމުގެ ބޭނުމެއް ކޮބައިތޯ؟ އެހެންނޫންތޯ؟ އެހެންކަމުން މިއަދުގެ މި ޕާޓީގެ ގްރޫމް.. ޒާއިން ޝަކޫރު އަށް އަޅުގަނޑު ސްޓޭޖް ހަވާލުކޮށްލަން މި ޕާޓީގެ ފަޅު ފިލުވައިދީ ފޯރި އަރުވާލުމަށް…” ސަމާހް ފަހު ބައި ތަންކޮޅެއް ބާރަށް ބުނެލުމަށްފަހު  ފައިބައިގެން ދިޔައެވެ. ޒާއިން އެ ކުޑަ ސްޓޭޖަށް އެރިއެވެ.. އަދި ފުރަތަމަވެސް މައިޝާއަށް ބަލައިލިއެވެ.. ބައެއް އަންހެންކުދިންގެ ހަޅޭކުގެ އަޑުއިވުނެވެ.

“ތެންކްސް.. އަޅުގަނޑު މިރޭގެ ލަވަތަށް ހަދިޔާކޮށްލަނީ އަޅުގަނޑުގެ ލޯބިވާ ވައިފް އައިޝަތު މައިޝާ ނަސީމްއަށް…” ޒާއިން ބުނެފައި މައިޝާއަށް އެއްލޯމަރާލިއެވެ. އެއަށްފަހު ފުން ނޭވައެއް އޭނާ ދޫކުރިއެވެ. ޓްރެކް ގެ އަޑު އިވިގެން ދިޔައީ ދެނެވެ.

“މީ ފުރާނައިން ވެވޭ ވައުދެކޭ….

ލޯބިވާތީ ކިޔައިދޭނަމޭ….

ހިތް ވަނީ ދޭ ހިތޭ… މަރުވިޔަސް މީ ތެދޭ…

އެކުގަ ނިމިގެން ދިޔުން ބޭނުމޭ….

ސިއްރުން ސިއްރުން ބުނަންހޭ ތެދޭ

ހާދަ ރީއްޗޭ ކަލާ ހީލުމުން….

ކަޅިރަވަގައި ތިވާ ތޫނުކަން..

ގައިމެ ކަތިލައިފިޔޭ ޝާއިރުން….

…

…..” އެ ލަވަ ނިމުމާއި އެކު އެންމެންގެ ތަރުހީބު ލިބިގެން ދިޔައެވެ. މައިޝާ އިނީ ފެންކަޅިވެފައެވެ. އުފަލުންގޮސް އޭނާއަށް ރޮވެންފެށުނީއެވެ. “އައި ލަވް ޔޫ” ވައި އަޑުން މައިޝާ ބުނެލީ ޒާއިން ބަލާލުމުންނެވެ. ޒާއިން ދެން އިން ލަވަވެސް ކިޔަންފެށިއެވެ..

“ފުރަތަމަ ނަޒަރުން ހަމަ އެހިނދުން… ތިޔަ ސޫރަ ހިތުގައި ބިންވަޅު ނެގުނޭ….

ފޮނި ފޮނި އިޝްޤުން… ހިތް މަސްތުން ފުރުވާތި ހިނދުގައި ހިތް އެކު ދެވުނޭ…

ތި ލޯތްބަށް މިހިތް އާދަވޭ އާދަވޭ.. ކަލާދެކެ ވަރަށް ލޯބިވޭ ލޯބިވޭ……

…..”

އެ ލަވައިގެ ނިމުމާއި އެކު ޒާއިން އަނެއްލަވަވެސް ކިޔައިލިއެވެ. ކިއާރާ ދިޔައީ ދެން އިންނާނީ އޭނާގެ ލަވައެއް ކަމުން ތައްޔާރުވުމުގައެވެ. ދެތިން ފަހަރު ކަރުކެހިލާ ލަވައިގެ ބައިތުތަށް ކިޔާލައެވެ.

“ސާދަ ވިލޭރޭ ހަނދުފަދަ ޗާލު ރީތި މޫނު މިރޭ ފޮރުވުމުން.. އޮއުވޯ……

އެކަނިވެފައިވާ ތަރިތަށް ގޮވަނީއޭ މިރޭ އަންނާށޭ… އަންނާށޭ….

ހިތް ހަމަ ޖެހުމެއް ނުލިބޭ ނުފެނުމުން ތި ރީތި ސޫރަ

ހާދަހާ ހިތަށް ތަދުވޭ ނުފެނުމުން ކަލާގެ ސޫރަ.. ޗާލޭ….

…..

…”

ލަވަ ނިމިގެން ދިޔުމާއި އެކު ޒާއިން މައިޝާއަށް އެއްލޯމަރާލިއެވެ. ސަމާހް ސްޓޭޖަށް އެރީއެވަގުތުއެވެ. “ދެން އިންނާނީ ހަމަ ޒާއިންގެ ފަދައިން މޮޅު ލަވަ ކިޔުންތެރިއެއް… ޒާއިންއާއި މައިޝާ ގެ ބެސްޓް ފްރެންޑް ހަމަ އެގޮތަށް ޒާއިންގެ ނުވި ކޮއްކޮ ކިއާރާ….” ސަމާހް އެހެން ބުނެލުމުން އެންމެން ހޭންފެށިއެވެ. ޒާއިން ސަމާހް ގައިގާ ޖަހާލިއެވެ. ކިއާރާ ސްޓޭޖު މައްޗަށް އަރައިގެން އައީ ލައިގެން ހުރި ހެދުން ހިއްލާލައިގެންނެވެ. އޭނާ އައިސް ސަމާހް ގައިގާ ބޮނޑިއެއް އެޅިއެވެ. އަދި އެންމެންނަށް ނަޒަރު ހިންގާލިއެވެ. އެންމެ ކުރިމަތީ އިން މައިޝާ  އަށް ކިއާރާ އެއް ލޯ މަރާލިއެވެ. މައިޝާ އުފަލުން ހީވަނީ އެހެން ގޮތެއް ހެންނެވެ. ސަމާހް މައިކް ކިއާރާއާއި ހަވާލްކޮށްފައި ފޭބިއެވެ. ކިއާރާ ފުން ނޭވައެއް ދޫކޮށްލިއެވެ. އަދި އިސްޖަހާލުމުގެ ކުރިން މީހުންގެ ތެރެއިން ފެންނަން އިން އަޔާންއަށް ބަލައިލިއެވެ. އޭނާ އިނީ އިސްޖަހައިގެންނެވެ. ކިއާރާވެސް އިސްޖަހާލިއެވެ. ޓްރެކް ފެށިގެން ދިޔައީ ދެނެވެ. އަޔާންއަށް ކިއާރާގެ ހާލު ބުނެދެން ނުޖެހޭނެކަން ކިއާރާއަށް އިނގެއެވެ. ލަވައިގެ ގޮތަށް އޭނާ އަޔާންއަށް އޭނާގެ ވޭން ހިއްސާކޮށްލަން ބޭނުންވީ ދާދި ދެންމެ ބުނި ޖުމްލަ އަދިވެސް ހިތުގައި ހަރުލާފާ ހުރުމުންނެވެ.

“ފެނުނީމާ ދުރުން… ޖާދޫވީ ޕަރީ..

ކައިރިން ފެނި ވިޔޭ އަންތަރީސް….” ޒާއިން ކިޔައިލީ މައިޝާއަށް ބަލަން ހުރެއެވެ.

“ފެނުނީމާ ބެލޭ…. ނުބަލާ ނުހުރެވޭ…..

ލޯ އެންމެ ބޭނުންވި ނޫރު ތީ އިނގޭ…

ތީއޭ ކުރަހާލާފަ ވާ ތަސްވީރު ހިތްމަގޭ…..

ފެނުނީމާ ބެލޭ ނުބަލާ ނުހުރެވޭ….” ކިއާރާ ކީއިރު އޭނާގެ ނަޒަރު ސީދާ ހުރީ އަޔާންއަށެވެ. ތެދެކެވެ.ފެނުނީމާ ނުބަލާ ހުންނާނީ ކިހިނެއްހެއްޔެވެ؟ އޭނާގެ ލޯ އެންމެ ބޭނުންވި ނޫރަކީ އަޔާންއެވެ. ހިތުގައި ކުރަހާލެވިފައިވާ ތަސްވީރަކީ އެއީއެވެ.

“ހީލީމާ ކަލާ ހާދަ ފަރިއޭ ހަނދެކޭ ބުނާހާ ފުރިހަމައޭ”

“އަތްލީމާ ހިތުން ވިންދު ޖަހައޭ… ތައުރީފް ކުރާހާ ތި ރަކި ވޭ…

އިހްސާސް ކުރާހާ ބުނެނުދެވޭ.. ހިތް ކުރަހާ ކުރެހިންތަށް ސީދާ ވީ ބާ އޭ….”

…..

..

…

އެދެމީހުންގެ ލަވަ ނިމުމާއި އެކު އެންމެންގެ ތައުރީފް ލިބެމުންދިޔައެވެ. ސަމާހް ސްޓޭޖަށް އެރިއެވެ..

“ގްރޫމް ދެން ދޭ އަވަހަށް އިންނަން… ދެން ހުރީ ދެކުދިންނަށްވެސް ހާއްސަ ލަވަތަކެއް…” ސަމާހް ބުންޏެވެ.. ޒާއިން ނިތްއަރުވާލައިފާ މައިކް ސަމާހްއަށް ދީފައި ހިނގައިގަތެވެ. އަދި މައިޝާ ކައިރި އިށީނެވެ. މައިޝާ ޒާއިން ގައިގާ ބައްދައިލީ ޝުކުރު އަދާކުރަމުންނެވެ. ސަމާހް ކިއާރާ އަށް ސްޓޭޖް ހަވާލުކޮށްލަމުން ފޭބިއެވެ.

ކިއާރާ ޒާއިންއަށާއި މައިޝާއަށް ބަލައިލިއެވެ. ކިއާރާލައިގެން ހުރި މެކްސީ ކުޑަކޮށް ތަޅުވާލަމުން އިސްޖަހާލާފައި ލޯ މެރިއެވެ.

“އޯގާވީ ހިތަކުން އެދުނީމޭ އުފަލުން…

ފޮރުވީމޭ ހިތުގައި ވީ ލޯބި ނުފޮހެވޭހެން…

އެހަނދާން އަދު އާވީމާ

މިދެލޯ ވެސް ފުރެނީއޭ…

އަބަދާއި އަބަދު ވީމޭ ތިޔަ ލޯބި ލިބޭތޯ ދެންންންން..” ހިސާބަކަށް ނުކިޔެނިސް އޭނާގެ ހިތްރޮއެގަތެވެ. ދެލޯ ކަރުނުން ފުރުނެވެ. ނަމަވެސް އެ ދެލޮލުގައިވާ ކަރުނަ ފޭބިޔަ ނުދިނުމަށް ކިއާރާ މަސައްކަތްކުރިއިރު އޭނާ ބަލަމުން ދިޔައީ އަޔާންއަށެވެ. ކުޑަވެސް އިޝާރާތެއްކޮށްލާތޯއެވެ. އެންމެ ފަހަރަކުވެސް އޭނާ ކައިރި ކިއާރާ ލޯބިވާކަން ގަބޫލުކުރަމޭ ބުނޭތޯއެވެ.

“ހިތުގެ ހާލަކީ މީޔޭ.. އިސްނަގާ ބުނަނީހޭ..

އިސްނަގާ ބުނަނީހޭ.. މިގޮތުގައި އުޅެނީ ހޭ….

ލޯބީގައި އެންމެން ހުވަފެންތަށް ދެކެޔޭ..

ނޭނގޭ ހޭ އެކަމުން އުފަލާއި ދިރުން ލިބެޔޭ..

އޭގެ ނަސީބު ލިބިފައި ނެތުމުން ނާ އުންމީދު ވެޔޭ..

ދޫވިޔޭ ހިތާ ޖާނާ، އޭގެ ޒާތުގައި، ނެއް އުފާތަކެއް އެދިގެން އިންތިޒާރުގައި…” ކިއާރާގެ ލަވައިގެ ކޮންމެ ބައިތަކާއި އެކު ހޯލްތެރޭގެ އަޑުމަޑުވެއެވެ. އެ ލަވަ އޭނާ އެކިޔަނީ ވަރަށް އަސަރާއިއެކުގައެވެ. ހިތާއި ޔަޤީނުންވެސް ކުޅެލައިފިއެވެ. އަޔާންއަށް ވެސް އުނދަގޫވިއެވެ. އޭނާއަށް ޝާހީނާ މަތިން ހަނދާންވަމުންދިޔައެވެ. ރުޅި ގަދަވަމުންދިޔައީ އެހެންވެއެވެ.

ކިއާރާ ފުންނޭވައެއް ދޫކޮށްލީ ކަރުނަތަށް އޭގެ މަގާމަށް ދޫކޮށްލަމުންނެވެ. އޭނާ ހިނިތުންވެލިއެވެ. އަމިއްލަ ނަފްސަށް މަލާމަތްކޮށްލިއެވެ. ލޯބިނުވެޔޭ ބުންޏަސް މިހާ ކުޑަލަވަޔަކުންވެސް އޭނާގެ ހިތަށް ވީވަރު ބަލާބަލާށެވެ. އިސްޖަހާލެވިފައި ހުރުމުން އެ އިން އެއްވެސް ކަމެއް އެކަކަށްވެސް ނޭނގެއެވެ.

…

……

………………..

“އޯގާވި ހިތަކުން އެދުނީމޭ އުފަލުން…

ފޮރުވީމޭ ހިތުގައި ވީ ލޯބި ނުފޮހެވޭހެން…

އަދު ލޯބި ވެވިއްޖޭ ދެން ދުރުގާ ހަމަ ހުރެވޭހޭ؟

ބުނެދޭނެ ގޮތެއް ނޭނގޭ އަދު ވާން މަޖުބޫރު ދެން…

ލޯބި ވެސް ވެވިއްޖޭ ދެން.. ހިތް އެކީ ދެވިއްޖޭ…

ހިތް އެކީ ދެވިއްޖޭ ދެން ލޯބިވެސް ވެވިއްޖޭ…” ކިއާރާ ލަވަ ނިންމާލަމުން ހިންދިރުވާލިއެވެ. އޭނާ އިސްއުފުލާ ބަލައިލުމެއްނެތި ސްޓޭޖުން ފައިބައިގެން ދިޔައީ ޝުކުރިއްޔާ އޭ ބުނެފައެވެ. ސްޓޭޖަށް އަރަ އަރަ ހުރި ސަމާހް ކިއާރާ އަށް ބަލައިލާފައި ސްޓޭޖަށް އެރިއެވެ. “ދެން އޮތް ލަވައަކީ މި ރާއްޖޭގައި ނަން ހިނގާ އެންމެ މޮޅު އެއް ފަންނާނު އަރޫޝާ އެން ހާރ ބޭންޑް ….” ސަމާހް އެހެން ބުންޏެވެ. އަރޫޝާ އަކީ މަޝްހޫރު ފަންނާނެކެވެ. ލަވަކިޔުމާއި އެކްޓިންގައި ވަރަށް މަތީ ރޯލެއް އަދާކުރަމުން އަންނަ ހީވާގި ޒުވާން ތަރިއެކެވެ. ސަމާޙް ސްޓޭޖުން ފައިބައިގެން ދިޔުމާއި އެކު އިވިގެން ދިޔައީ އަރޫޝާގެ ހިތްގައިމު ލަވަތަކެވެ. އޭނާގެ ބޭންޑާއި އެކުގައެވެ

ކިއާރާ މީހުންނަށް ނުފެންނާނެހެން ދުރު ދުރުން ލާފައި ގޮސް ހޯލް ތެރެއިން ނިކުތެވެ. އަދި ދުރަށް ގޮސް ހުއްޓުނެވެ.. ކަރުނައަކަށްފަހު ކަރުނައެއް އެ ދެލޮލުން ފައިބައިގެން ދިޔައެވެ. އެކަމްވެސް އޭނާ ދިޔައީ ހެމުންނެވެ.  “އައި ލަވް ޔޫ އަޔާން…” ކިއާރާ ބުނެލީ ހިތާއި ވި ފަޅީގައި އަތް އަޅާލަމުންނެވެ. އެއަށްފަހު ހީލާފައި ކަރުނަތަށް ފޮހުނެވެ. “ދީސް ޓިއާރސް… އަޔާން!! ހެހެހެ..” ކިއާރާ އަމިއްލަ އަމިއްލައަށް އެހެން ބުންޏެވެ. ކިއާރާ ސިހުނީ ފަހަތުން މީހަކު އައިސް އޭނާގެ ކޮނޑުގައި އަތް އަޅާލުމުންނެވެ. ފަސް އެނބުރުނުއިރު ހުރީ ޒާއިންއެވެ. ކިއާރާ ޒާއިންއަށް ފުޅާ ހިނިތުންވުމެއް ދިނެވެ.. “ކީއްވެ ބޭރުގައި ހިނގާ އަވަހަށް އެތެރެއަށް.. އަރޫގެ ލަވަތަށް އަންނަނީނު..” ކިއާރާ އެހެން ބުނެފައި ޒާއިންގެ އަތުގައި ހިފިއެވެ.. އަދި ދާން ހިނގައިގަތެވެ. “މަޑުކޮށްބަ ކިޓީ… ޑޯންޓް ޔޫ ޓްރައި ޓު އެކްޓް އިންފްރޮންޓް އޮފް މީ އިނގޭ..” ޒާއިން ބުންޏެވެ.. ހޯލް އިން ނިކުތް އަޔާން އަށް އެއަޑު އިވި އެމީހުންނަށް ބަލައިލެވުނެވެ. އެކަމް އެމީހުންނަކަށް އެކަމެއް ނޭނގެއެވެ. “ކަމޯން ޒާން، އެކްޓެއް ނުކުރަމޭ… އަމް ފައިން ޔާ ގަބޫލުކުރަން ދެންމެ ކިޔުނު ލަވައިން ވަރަށް ދެރަވިކަން އަޔާން އާއި މެދު ވިސްނުނުކަން އެކަމް ނުވިސްނާ ވަގުތެއް ނުދެޔޭ، އެހެންނޫނަސް އަމް ފައިން އެން ސީރިއަސްކޮށް މިހެން ރޮވުނަސް މިހާރު އަންނަނީ ހިނި، ކޮޒް، ކިތަށްފަހަރު އަޔާން އައި ހޭޓް ޔޫ އޭ ދެން ނުވިސްނާނަމޭ ބުނިން އެކަމް މިކަހަލަ ކުޑަ ލަވަޔަކުން މިވަރު ކޮށްލައިފި… އަމް ސްޓްރޯން އިނަފް ޓު ހޭންޑްލް ދިސް ޒާން، މި ފޭކް ހިނިތުންވުމެއް ނޫނޭ، މީ އަސްލުވެސް ހެނީއޭ…. ވެވުނު ވަރުގަދަ ލޮތްބަކާއި ހެދި..” ކިއާރާ ބަނޑުގައި އަތް އަޅާލައިގެން ހުރެ ހެމުން ބުންޏެވެ. “ކިޓީ!! ލިސެން!! އިނގެޔޭ ކިޓީ ތި ކިޔާ އެއްޗެހި ކިޔަަސް ހިތުގައި އޮތް އެއްޗެއް.. ކިޓީ ހިތަށް މިހާރު އިސްކަން ނުދިނަސް ތި ހިތް އެއްފަރާތްކޮށް އެ އަޑު ނޭހިޔަސް އައި ކޭން… އެން ބުނަން ލޯބި ވެވުނިއްޔާ ޖެހޭނީ ލޯބި ހޯދަން މަސައްކަތްކުރަން.. ތިހެން ގިވް އަޕް ކޮށްގެން ލޯބި ފޮރުވައިގެން ހުރީމަ ނުވާނެ އެކައްޗަކަށްވެސް ކިޓީ ތިންކް އަބައުޓް އިޓް.. ތި ހިތުގައި އޮތް އެއްޗެއްވެސް އަޑުއަހާބަލަ ކުޑަމިނުން..” ޒާއިން ބުނެލީ ދެބުމަ ގޮށްޖަހާލަމުންނެވެ. ކިއާރާ ހިތްވަރުގަދަ ވާން އޭނާ އެދުނެއްކަމަކު އެދުނީ މިކަމަކަށް ނޫނެވެ. ރޮމުން ރޮމުން ގޮސް ހޭނީ ކާކުހެއްޔެވެ؟ އޭނާ މާ ބޮޑަށް ހިތުގެ އެދުންތަށް އެއްފަރާތްކުރަނީއެވެ. އެއީ އެހެންވެގެން  ވާ ގޮތެކެވެ.

“ޒާން އައި ޓްރައިޑް…. އައި ވެއިޓެޑް އެކަމް ލޯބި ހޯދަންވީ އެކަހަލަ މީހެއްގެތަ؟ ނުބުނާށޭ ބުނީމަ ވެސް ބުނީ އެން އޭނާގެ އަމިއްލަ އަތުން… މި ހިތުގެ ރާޖާ އޭނާގެ އަމިއްލަ އަތުން ކޮށްޕާލީ ކޮންފަދަ ބޮޑު އަލިފާންގަނޑަކަށް؟؟ އެކަހަލަ މީހެއްތަ ހޯދަންވީ ޒާން؟ ބުނެބަ؟؟ އެކަހަލަ މީހެއް ؟؟؟” ކިއާރާ ބުންޏެވެ. ބުނި ގޮތުން ބުނީ ދެރަވެފައި ކަމެއް ރުޅިއައިއްސާކަމެއް އުފާވެފައިކަމެއް ޒާއިންއަކަށް ނަގައެއްނުގަނެވުނެވެ.. “ޒާން އޭނާ ހޯދުމަށްވުރެ ރަނގަޅުވާނެ މިހެން ހުއްޓަސް…. ކޮޒް އޭނާ ރެސްޕެކްޓެއް ނުކުރެ ކިއާ އަކަށް.. މި ލޮތްބަށް ގަދަރެއް ނުކުރެ… އިތުބާރެއްނުކުރެ… ލޮތްބެއްވެސް ނޫނޭ ބުނީ.. އެކަމް މި ހުރިހާ އަހަރު.. ޒާން 7 އަހަރު މި ހިތުގައި ބަދަލުވުމެއް ނެތި އޮތީ އެ ލޯބި…. މީހެއްގެ ފިރިއެއްކަންވެސް އެނގިހުރެ… އެހެންމީހެއްގެ ހައްޤެއްކަން އެނގިހުރެ…..” ކިއާރާ ބުނެފައި ހޯލްތެރެއަށް ވަދެގެން ދިޔައެވެ. . ޒާއިން ފުން ނޭވައެއް ދޫކޮށްލިއެވެ. އަދި ބޮލުގައި ހިފަހައްޓާލާފައި އޭނާ ފަސްއެނބުރުނީ ދާންށެވެ. އެވަގުތު ކުރިމައްޗަށް އެރި އަޔާން ފެނި ފުރަތަމަ އޭނާ ސިހުނީއެވެ. ނަމަވެސް ދެން އައީ ރުޅިއެވެ. އެއްޗެއް ބުނެވިދާނެތީ އޭނާ އަޔާންއަށް ފަސްދީ ހިނގައިގަންނަންއުޅުނެވެ. “ޒާއިން….” އަޔާން ގޮވިއެވެ.. “ކިއާރާ އެހެން ބުނީ ކީއްވެ؟” ޒާއިން ހުއްޓުމުން އަޔާން އެހިއެވެ.

“ދެން ކީއްކުރަން ތިބަލަނީ އަޔާން އޭނާއަށް ދޭން އުޅުނު ބަދަލު ދެވިއްޖެއެއްނު އެހެންނޫނަސް އަޔާން ނުޖެހޭނެ ކަންނޭނގެ ތިހުރިހާ އެއްޗެއް އޮޅުން ފިލުވާކަށް.. އަޔާން އެ ހައްޤު ތި ދެއަތުން ނިގުޅައިގަނެފީމެއްނު… ” ޒާއިން އެހެން ބުނެފައި އެތެރެއަށް ވަނެވެ. އަޔާން އަމިއްލަ ބޮލުގައި ދެއަތުން ހިފަހައްޓާލިއެވެ. އޭނާއަށް އިވެމުންދިޔައީ ކިއާރާގެ އަޑެވެ. ކިއާރާ ރުއިރުއިމެވެ.